حين التقى الحب ب الغموض بارت 3❤️🩹
🍒
فتحت شغف الورقه وكانت الصدمه لقيت عقد طلاق امها من راجل كلنا عارفينه ياساده وهو احمد الأسيوطي،
وكانت الصدمه ع شغف وبتقول لنفسها يعني ابويا عايش ولا ميت زي م ماما بتقولي ومين احمدي الاسيوطي ده وليه ماما محكتليش عنه قبل كده ونزلت دموعاها شلالات علي خدها😢
ولكنها كانت قويه وقامت وقررت انها تفضل تدور على اي حاجه تخليها تعرف ايه هو السر اللي مخبياه عنها امها
و سمعت صوت امها بتفتح باب الشقه قامت جريت حطت الحاجه في الصندوق وجايه تحطها فوق الدولاب امها دخلت الاوضه،
سهير: بعصبيه غير معهوده
بتعملي ايه هنا يا شغف وايه اللي في ايدك ده؟؟؟؟؟
شغف: بتوتر ده ده......
انا كنت بنضف اوضتك عشان متربه.
سهير: انا مش طلبت منك ما تروحيش للدولاب تاني
. وسحبت منها الصندوق بعصبيه
شغف: بدموع انت اول مره تزعقيلي من سنين بالشكل ده
سهير: بندم وحزن ع دموع بنتها الوحيده
ما تزعليش يا روح ماما انا بس خفت عليكي عشان الدولاب بعيد وانت يعني ما شاء الله مش عايزه اتكلم عن طولك 150سم
شغف: بمرح خلاص هسامحك لو نزلتي بكره وجبتي قماش وفصلتيلي
فستان جديد.
طبعا شغف بتعمل كده عشان تبعد امها عن البيت عشان تعرف تدور على راحتها.
سهير: بس كده من عيوني
🍒✨🍒✨🍒✨🍒✨🌸
وعلى الجانب الاخر في فندق من افخم الفنادق في شرم الشيخ موجوده الابنه المدلله لاحمد الاسيوطي وهي غرام وبنت عمها رحمه
اخت ادم الصغري
في حفل تقيمه العائله للاحتفال بنجاح ادم الاسيوطي اجمل شباب عيله الاسيوطي و اكثرهم ذكاء في الحصول على صفقه اعطت الشركه قيمه اكثر مما هي عليه.
تعالوا بقى اعرفكم على عائله الاسيوطي.
ادم وهو شاب ف 28 من عمره راجل بمعنى الكلمه وقد المسؤليه عضلاته مش محتاجه اتكلم عنها كثير ولون عيونه عسلي وشعره متوسط النعومه
ولكنه دائماً عصبي ومش بيحب الهزار ولا الضحك
بينما رحمه اخته هي اطيب قلب في العائله وهي ملاك الرحمه لانها دي اخر سنه ليها في التمريض. جميله وخلوقه وما يزيدها جمالها هو حجابها وهي مدلله عند ادم اخوها وهم اقرب اثنين لبعض
بينما حسام اخوهم الثالث سكره العيله بيحب الهزار وبيساعد اخوه في الشركه وماسك قسم الحسابات في الشركه وبيحب الرسم والديكور.
بينما غرام: فدي مدلله بزياده لان امها سماح عمرها ما شيلتها مسؤوليه غرام مولوده في بزقها معلقه دهب زييي ما بيقولوا ب العاميه طايشه ومتهوره وبتحب الكل يبقى حواليها يتغزل فيها ولم تكن مرتديه حجاب زي رحمه
بينما اخاها سيف فسبحان الله كانه مش اخوها قلبه طيب وكانه ليس تربيه سماح العقربه.
ليه بقول على سماحه عقربه ده اللي هتعرفوه خلال قصتنا.
احمد الاسيوطي بقى فكان خلاص ف 50 من عمره، ومعتمد على ادم اعتماد كلي في كل حاجه لان هو اللي اتولى تربيته هو واخواته بعد وفاه اخوه محمد ابو ادم ومامته.
في الحفله
غرام: بسماجه وغرور مالك يا رحمه واقفه زي الصنم كده ليه ما تيجي ترقصي معايا والله كان النهارده عزا مش فرح امال لو ما كناش بنحتفل ب اخوكي.
رحمه:بهدوء كفايه انت قايمه بالواجب وزياده.وسابتها ومشيت
حسام: من الخلف ب مرح رحومه حبيبه قلب اخوها.
رحمه: حبيب اخته عايز ايه يا روحي
حسام: كانوا عايزينك هناك
راحت رحمه وطبعا حسام كان عايز يعمل مقلب في غرام عشان بتفضل تضايق اخته
حسام: غرام سكره العيله.
غرام: غريبه دي انت حسام
حسام: وايه الغريب، اكيد ده انت بنت عمي حبيبتي في فستان جه جديد
وعايزاينك هناك تشوفيه
قولنا مش هيبقى تحفه الا لما تلبسه غرام.
غرام: بغرور اكيد يعني انا جايه.
راحت غرام الغرفه من هنا وحسام قفل عليها الباب والنور من هنا وهي بتترعب من حاجه اسمها نور مش موجود وفضلت تصوت واتصلت على امها سماح وجات وفتحت لها الباب.
وقالت لابوها
على اللي عمل حسام ولكنهم عارفين حسام
.
احمد: نفسي تكبروا بقى شايفين ادم ما شاء الله اعقل واحد فيكم ولا سيف هادي وزي العسل.
وهم ماليهم الضحك ومش بيفكروا في حاجه. غير راحتهم
في شغف بتفكر هتعمل ايه وهتكتشف سر امها ازاي وراحت لهدى اكتر حد هي بتثق فيه.
شغف: ماما
سهير: ايه ياقلبي
شغف: انا نازله عند هدى
سهير: ماشي يا عمري
هدي: ادخل، ايه ده شوشو! لحقت اوحشك احنا لسه راجعين سواهههه ههههههه
شغف: انا غلطانه يا حوكشه اني بعبرك هو في حد غيري بيعبرك هههههه 😂
مللك: الاوزعه بتاعتنا عامله ايه يا شغف ههههه
شغف: ما بقاش غيرك يا جعفر اللي يتكلم يا بتاعه ثانوي ورينا هتعملي اي هههههههه 😂
مللك: هتشوفي يا شوشو صيدله ان شاء الله
شغف: ان شاء الله يا جعفرورتي تشرفينا. ههههه
مللك: انا غلطانه يا رخمه انا اروح اذاكر احسن..
هدي: سيبك يا شوشو من الهزار ده كله قولي مالك
شغف: ما حدش بيفهمني غيرك والله بصي انا اول ما رجعت ما لقيتش ماما وفتشت وراها ولقيت............ وحكتلها
هدي: ايه ده انت مش ابوك ميت
شغف: والله مش عارفه بس انا قررت اني اكمل تدوير وراها
هدي: حاجه تحير؟ طب ما ممكن تكون هي اتجوزته بعد اما ابوكي مات وانت صغيره عشان يصرف عليكى
شغف: الله اعلم بقى انا هطلع انام وربنا يصلح الحال.
وعدى اليوم والكل نام وكل واحد منهم عنده افكار وهمومه ومواجعه اللي ما يعرفهاش غير ربنا.
شغف رجعت من الجامعه
سهير: كل ده تاخير يا شغف تعالي انا نازله اجيب لك القماش
شغف: احلى ماما في الدنيا انا بحبك♡
سهير: وانا كمان ده انت عمري واحلامي.
ونزلت سهير ودخلت شغف الاوضه وجابت الصندوق وفتحته لقيت مذكرات امها وبتقرأها وعرفت ان في الماضي امها كانت.............. وده اللي هنعرفه البارت الجاي ان شاء الله ويا ترى ماضي سهير سعيد ولا أليم🤔 ده اللي هتحددوه انتم ع حسب البارت الجاي ي جبايب قلبي 🥺
ــــــــــــــــــــــــــــــ✨