الفصل 6
البارت ( 6 )
.
.
《 رنا :.. 》
.
وصلني عبدالعزيز لباب بيتي ودخل شنطتي للبيت ثم
حضنني وقال لي كم كلمة وراح .
جلست في الصالة وروحي مخنوقة من اللي قاعد يصير معي .
فسخت عبايتي وتوجهت للمطبخ ، لقيت الشغالة تطبخ .
أول ما شافتني سلمت علي وانبسطت .
ساعدتها شوي ثم سألتها :
- أحمد بالبيت .
- إيوا هو نايم .
تنهدت وجلست على الكرسي أفكر أطلع له ولا لا .
إذا رحت بيقعد يطقطق علي ويستفزني ، لأنه تحداني
قبل لا أطلع وقال مردك بترجعين ومن نفسك ، بس إذا طلعتي
ما أباك تتصلين فيني ولا تخليني أجي آخذك .
بعد تفكير طلعت ..
يصير اللي يصير ، مصيره بيشوفني .
دخلت الغرفة وتفاجأت يوم لقيته صاحي وراقد نص
رقدة على السرير ويكلم بالتلفون ويضحك ، عقدت
حواجبي يوم عرفت إنه يكلم وحدة من هالبنات .
تجاهلته واتجهت لغرفة الملابس وبيدي شنطة الملابس
اللي جبتها من بيت أهلي ، ما مرت دقيقة إلا وهو واقف
وراي يقول لي بسخرية :
- قلت لك يا حلوة ، وين ما رحتي مردك لي ، تظنين أخوك
بيخليك في بيته بعد ما قدر يفتك منك يا مريضة .
حسيت الدم يفور بجسمي وأنا ماسكة بلوزة بيدي ، دخلتها بالدولاب
وما رديت عليه ، لما مسكني من كتفي ولفني عنده بقوة .
حطيت عيني بعينه بعصبية ، يوم قال وهو يطالع فيني من
فوق لتحت :
- الناس تضعف من التفكير في حياتها خاصة إذا صارت بالشكل
اللي إنتي عايشته ، وانتي كل مالك تمتنين ؟ ههههههههه ..
تبين أدخلك بنادي .
سكت كأنه يفكر ثم قال وهو يمثل الحزن :
- أوووه لا نسيت ، أي مجهود كبير زي ممارسة الرياضة ممكن
توديك في داهية وترجعين تعانين مثل قبل وأكثر بعد هههههههه ،
وتلوميني إذا طلعت مع بنات غيرك ، شسوي إذا زوجتي
مو زي ما أتمناها .
تصنعت اللامبالاة وبعدت يده عني بقوة ، ولفيت أكمل ترتيب
ملابسي ، ودموعي بطرف عيني .
الحمدلله إنه ما قال شيء ثاني ولا كنت بنهار قدامه ، أتحمله هو
وكلامه اللي مثل السم ، ولا أتحمل معاملة أخوي لي .
طبعا زوجي الغبي إسمه أحمد ، عمره ( ٢٩) سنة ، عاطل باطل ..
طول وقته يا قاعد بالبيت يتكلم بالتليفون ويتفرج مسلسلات
على اللاب توب ، أو برة مدري وين يروح .. بس دايم يقابل بنات ،
هو بنفسه اعترف لي بهالشيء .
مدري أي أخ هذا اللي بيتحمل أو يسمح لأخته تعيش مع رجال
مثلهذ، زوجني إياه غصب لأن أبوه تاجر معروف وسمعته طيبة
عند التجار .
زوجي يأكل من خير أبوه ، وما يشتغل ، لي سنة من تزوجته ،
وهذي المرة الأولى اللي رحت فيها عند أهلي ، ما تحملته وحركاته
السخيفة ، اللي لما شرحتها لأخوي قال كل الشباب كذا قبل
الزواج ، إنتي ساعديه خليه يتركها ..
ما يدري إني حاولت كثير ، بس بدون فايدة .
▪️▫️▪️▫️▪️▫️▪️▫️▪️▫️▪️
《 ترف :.. 》
من جيت الجامعة وبالي مشغول بعمتي رنا ، مسكينة
والله تحزن .
والدينها ماتوا يوم كانت صغيرة ، ومريضة من يومها صغيرة بعد ،
يوم تعالجت وخفت معاناتها تزوجت واحد ما يخاف ربه .
تطلع من مشكلة تطيح بمشكلة ثانية أعظم من اللي قبلها .
وصدمتي بأبوي تكبر يوم عن يوم ، كيف يرمي أخته الصغيرة
بهالشكل..!
الله يستر لا يجي يوم ويزوجنا واحد من نفس طينة أحمد .
لمحت غيداء جاية من بعيد مع صديقاتها اللي ما يفرقون
عنها ولا يختلفون بالمرة ، سبحان الله ، من جد الطيور على
أشكالها تقع ، بس يونسون الواحد صراحة .
سلمت على صديقاتها وجات جلست جنبي :
- إيش عندك جالسه لوحدك .
- أتأمل في مخلوقات الله .
ضحكت بصوت عالي :
- تتأملين وشو ؟ حبيبتي هنا ما تلاقين وحدة زي ما خلقها ربي ،
كلهم حاطين مكياج ، بس طالعي فيني بسم الله علي شحلاتي
بدون مكياج .
ابتسمت على كلامها ، وقعدنا نسولف لين خلص الدوام وراحت
كل وحدة لبيتها .
▪️▫️▪️▫️▪️▫️▪️▫️▪️▫️▪️
بعد شهر .
▪️▫️▪️▫️▪️▫️▪️▫️▪️▫️▪️
《 فارس :.. 》
باقي على المهلة اللي أعطتني ياها دانة شهر ونص ، وأنا لسه
ما قررت ولا عرفت إيش اللي لازم أسويه .
إذا سويت مثل ما تبي وتزوجتها وأنا لسه زي ما أنا ما تغيرت
ولا تركت العادة السيئة اللي عندي اللي هي أكلم بنات ، متأكد
مية بالمية إنه راح تصير مشاكل كثيرة بيننا .
هذا أكثر شيء أخاف منه .
غير كذا ما أحس إني قد المسؤولية ، لأني من وأنا صغير أخوي
سالم شايل كل شيء على راسه ، حتى إنه تكفل بتربية رنا هو
وزوجته ، حتى أنا قضيت نص عمري تحت رعايتهم ، لين صار
عمري 28 سنة وجمعت لي المبلغ اللي يكفيني عشان أشتري بيت
صغير على قدي ، مع الورث اللي ورثته من أبوي .
تحسبوني ارتحت وحسيت بالاستقرار من فراغ ؟
طبعا لا .. لولا فضل ربي ثم أختي مها ما صرت كذا .
أخذت جوالي بعد ما فكرت ألف مرة ، واتصلت بدانة .
.
لا إله إلا الله وحده لا شريك له ، له الملك
وله الحمد وهو على كل شيء قدير .
.
.
.
تفاعلوا معي