الجزء الثاني من ظلال البيت الاخير - رساله لك1 - بقلم ظلال البيت الاخير الجزء الثاني - مكتملة | روايتك

اهلن بالجميع كيف حالكم وحال قلوبكم يارب تكونو بخير وما تشكو من وجع ولا ضيقه واسال الله العظيم انه يرزقكم ايام حلوه وضحكات ما تغيب وقلوب مرتاحه وعمر مليان طمانينه وسعاده الله يجعل كل شخص فيكم يلقى الشي الي يتمناه ويبعد عنه كل حزن وهم ولو كان صغير تبي الصدق الحياة مو سهلة ومو كل احد بيكون جنبك وقت الضيق وهذا شي لازم تستوعبه من بدري عشان ما تنصدم بعدين بس برضه لا تكبر الفكرة براسك لدرجة تخليك تشوف كل الناس نفس الشي مو كلهم سيئين ولا كلهم راح يخذلونك في ناس طيبين بس انت لازم تعرف تختار وتفهم مين يستاهل تقربه ومين تخليه بعيد عنك ترى الكتمان الزايد يتعب اكثر من الكلام مرات تحس نفسك قوي وانت ساكت بس داخلك قاعد يتكسر حبة حبة لين توصل لمرحلة تنفجر فيها او تطيح نفسيا وانت مو حاس فالموضوع مو قوة ولا ضعف الموضوع توازن تعرف متى تتكلم ومتى تسكت ومين يسمعك بدون ما يحكم عليك او يقلل منك وقربك من الله هو الشي الوحيد اللي ما يخذلك ابدا اذا تعودت تدعي وتفضفض لربك بتحس براحة غريبة حتى لو وضعك ما تغير بس داخلك يهدأ وتحس في احد سامعك وفاهمك بدون ما تشرح كثير وهذا الشي يعطيك قوة تكمل يومك حتى لو كل شي ضدك لا تعود نفسك تمشي بالدنيا وانت شايل كل شي لحالك ترى الانسان مو حجر ولا آلة عنده مشاعر ويتعب ويحتاج احد يخفف عنه ولو بكلمة طيبة بس برضه لا تعتمد على اي احد اعتماد كامل عشان لا تنكسر اذا اختفى او تغير خلك معتمد على نفسك اول شي وعلى ربك قبل كل شي والباقي يكونون اضافات مو اساس الحياة تعلمك دروسها غصب عنك وكل موقف يمر عليك بيعلمك شي جديد سواء وجعك او فرحك بس اهم شي لا تقسى على نفسك اكثر من اللازم خلك صبور وخلك واعي وافهم ان مو كل شي يستاهل تشيل همه ولا كل احد يستاهل تعطيه من طاقتك ووقتك وفي النهاية انت مو مجبور تثبت قوتك للكل ولا تمثل انك بخير طول الوقت خلك حقيقي مع نفسك قبل اي احد واذا احتجت ترتاح ارتاح واذا احتجت تبعد عن الناس فترة عادي اهم شي ترجع اقوى وافهم لنفسك اكثر من قبل