الفصل 4
*✿ࢪواية عذاب لا ينتهي✿🎀♡*
غرام الروايات
تابع قناة غـ͓̽ـرٍآمـ͓̽ـ آلَرٍوٌآيـ͓̽ـآتـ͓̽ـ 🧚♀️📚💅💫 في واتساب: https://whatsapp.com/channel/0029VakuN1aHwXbJf5jj7w0J
البارت 12
آتي اتصال لوالدة هنا من شخص مجهول الهوية
الشخص : اسمعي اللي هقولك عليه من غير كلام كتير بنتك هنا ماتت بجرعة مخدرات زيادة وبحذرك تبلغي البوليس لانه اللي ورانا مش هيسبوكي في حالك فخافي على نفسك وخافي على ابنك والبقاء لله في بنتك يا مدام وبنتك موجودة دلوقتي في مستشفى.......... وأغلق الهاتف
الام بصدمة : لا لا مستحيل اكيد بيكذب الراجل ده
كريم باستغراب:: ماما مالك ماما في ايه
نظرت له الآم بصدمة وتوهان هل ماتت ابنتها هل هذا ثمن ما فعلته في الماضي وظلت تصرخ وتبكي بانهيار وندم خاف كريم عليها كثيرا وحاول ان يفهم ما بها وفي عده ثواني استعادت توازنها وركضت للخارج وحاول كريم اللحاق بها ولكن لم يستطع
وصلت والدة هنا للمستشفى المتواجد بها ابنتها وحاولت الوصول لها ولكن لم يستطع احد مساعدتها حتى آتي طبيب لها وتعاطف معها وحاول مساعدتها
على الناحية الأخرى
في قصر الصاوي كانت العائلة مجتمعة يتحدثون معا في آحاديث مختلفة حتى جاء احد المساعدين في القصر لهم
احد المساعدين : ضياء بيه في واحد برة عايزاك وعايز عز بيه وسالم بيه
سالم باستغراب: مين ده اللي عايزانا
ضياء بهدوء :: هنعرفه دلوقتي دخله يا كامل يا ابني
ودخل الشخص المجهول بالنسبة لهم
فؤاد : مفاجأة مش كده ازيك يا عمي ازيك يا سالم ايه يا صاحبي مش هتسلم عليا
عز :: عايز ايه يا فؤاد جاي ليه
فؤاد :: عيب كده يا عز ده المفروض ترحب بصاحبك هي دي الأصول ما تقولي حاجة يا ليلي
سالم :: أخرس مالكش دعوة بحد هنا كلمني جاي ليه ايه اللي فكرك بينا
فؤاد بنظرة ما : انا عمري ما نسيتكوا يا سالم ونظر للجميع ووقعت عينه على فجر وظل ينظر لها بخبث
لاحظ معاذ وسيف نظرته لفجر
معاذ بغضب : عينك بعيد لاشيلها
فؤاد : ليك حق مش بنتك دي يا عز قمورة خالص مش فجر برضو وبنتك التانية اسمها شمس مش كده
عز بخوف قليلا : ما تجيب من الاخر عايز ايه يا فؤاد
فؤاد بحقد وهمس له: عايز احرق قلبك واخد أغلى ما عندك وانا عرفت يا صاحبي
ضياء : برة اطلع برة كامل كامل
كامل : امرك يا ضياء بيه
ضياء : خرج الكلب ده برة وميدخلش هنا تاني انت فاهم ونبه على الحرس وميدخلش هنا تاني
فؤاد بضحك هيستيري: انا خارج خارج وظل ينظر ناحية فجر بخبث شديد لاحظ الجميع خبثه ونظراته لفجر
ندى بخوف : هو كان بيبص لفجر كده ليه انا خوفت منه قوي ومحبتوش بس هو يعرف جدو وعمو منين مش فاهمة
آية بتفكير : ايوة عندك حق عمو عز كان مضايق منه وبابا كمان الموضوع شكله كبير قوي وفيه سر كبير
الجد : اسمعوا كلكوا خروج البنات برة من انهاردة مافيش الا لو الشباب معاكوا وفجر بالذات مفهوم
فجر : من حقي اعرف ليه ومين ده اللي كان هنا وليه كان بيتكلم كده
الجد : هتعرفوا بعدين مش دلوقتي
سيف :: انا آسف يا جدي بس من حقنا نعرف علشان نبقى فاهمين وبعدين ايه علاقة فجر والبنات باللي بيحصل ومين ده بالظبط
سالم : مش وقته يا سيف في الوقت المناسب كله هيعرف
على الناحية الأخرى في المستشفى في كندا
استطاعت والدة هنا التعرف على ابنتها بفضل الطبيب الذي ساعدها ذهبت باتجاه وجهها المغطي وأخذت تتحس وجهها بدموع فكيف هذا رحلت ابنتها وهي مذنبة
الدكتور بتعاطف معها : اهدي يا مدام ده قضاء الله وقدره
الام بانهيار: انا السبب انا ده ذنب اللي عملته بس جت في بنتي هنا وظلت تبكي بهستريةشديدة وهي تحاول استيعاب انه ابنتها رحلت عنها
الطبيب :: ارجوكي حاولي تتماسكي شوية لسه في إجراءات كتير عايزة تتعمل بس المشكلة انه بنت حضرتك لما جت كانت اخده جرعة كبيرة من المخدرات ولما كتبنا التقرير بعدها على طول غيروه وسلمونا تقرير تاني غير اللي اتكتب اكيد الموضوع كبير
الام وهي تتذكر محادثة الرجل المجهول وتهديده لها شعرت بالخوف قليلا فحياة ابنها الاخر في خطر ولكن لن تزهق حق ابنتها فهي بين نارين واتخذت قرار بداخلها ولن تتراجع عنه وذهبت لاستكمال الإجراءت وهاتفت أحدي أصدقائها لمساعدتها وانصدموا من الخبر جميعا
ساهر : كامليا ازاي ده حصل هنا حصلها ايه فهميني
كامليا بدموع : بنتي ماتت يا ساهر وهددوني بكريم لو اتكلمت ساعدني يا ساهر ارجوك
ساهر بصدمة : هددوكي انا مش فاهم حاجة اهدي فهميني كل حاجة بالراحة
كامليا : هنا كانت بتشرب مخدرات عرفت ده من كام يوم بس اتصدمت وقررت اني اعمل اي حاجة علشان انقذها وحبستها في البيت بس كريم فتح ليها وخرجت معرفش راحت فين واتفاجئت باتصال واحد ليا معرفوش قالي انه بنتي ماتت وقالي على المستشفى اللي هي فيها وهددوني لو اتكلمت وقلت اي حاجة اعرفها يبقى بعرض حياة كريم للخطر وانا مش عارفة اعمل ايه انا عايزة حق بنتي ومش هاسيبه بس كريم لازم يبقى في آمان وبعدها مافيش حاجة فارقة معايا وكمان أصلح اللي كسرته زمان
ساهر : قصدك هتنزلي مصر بعد الوقت ده كله طب تفتكري في حاجة هتتصلح
كامليا باصرار: هحاول باقصي ما عندي انا خسرت كتير قوي يا ساهر مش مستعدة اخسر اكتر من كده
ساهر بحزن : اعملي اللي يريحك يا كامليا وانا في اي وقت معاكي لو احتجتيني ودلوقتي خلينا نكمل الإجراءت وبعده مده من الوقت تم تجهيز هنا للدفن وأصدقاء كامليا حولها والجميع بصدمه لما حدث لهذه الفتاة الصغيرة ذهبت كامليا لمنزلها ومعها الجميع ورأت زوجها في المنزل ذهبت إليه بكل قوتها
كامليا بغضب شديد : جاي ليه عايز ايه فهمني
زوجها: انتي مجنونة ده بيتي وكمان ليا ولادي يا هانم
كامليا بضحك هيستيري: ولادك اه ولاده بيقول ولاده هما فين ولادك تقدر تقولي طب انت عارف هما في سنة كام ولا بيحبوا ايه وبيكرهوا ايه قولي كده عمرك قعدت معاهم زي اي اب جاوبني انا هقولك فين ولادك هنا خلاص راحت وكله بسببك وكريم بيعتبرك مش موجود
ساهر : كامليا اهدي مش كده
سما زوجه ساهر : كامليا ارجوكي كده هيحصلك حاجة طب علشان خاطر كريم طيب
زوج كامليا ::انتي تقصدي ايه بكلامك هنا راحت فين انطقي بنتي فين
كامليا بدموع : دلوقتي بنتك دلوقتي بتقول ولادك خلاص كل حاجة انتهت
زوجها بغضب : انا مش عايز الغاز هنا فين قولي أنطقي بنتي فين
كامليا بصراخ شديد : هنا ماتت ماتت خلاص
والد هنا بعدم تصديق: انتي بتكذبي انتي اكيد مجنونه مجنونه
ساهر بجديه : لا هنا بنتك اتوفت وده كله بسبب انها اخدت مخدرات جرعة كبيرة أدت لوفاتها فورا
والد هنا بصدمه: انتوا كدابين انا مش مصدقكوا وركض للخارج وهو يتحدث لنفسه لا يستطيع استيعاب ما حدث لابنته الصغيرة لم تتحمل كامليا ما حدث ووقعت بالأرض وظلت تبكي بهيستريه فابنتها رحلت عن هذه الدنيا بسبب إهمالها لها هي أم سيئة للغاية فهي تركت ورائها طفلتين ورحلت لتعيش حياتها هل هذا الانتقام العادل الان وفجأة استمعت لكلام ابنها
كريم بذهول : انا السبب هي ماتت بسببي لو مكنتش فتحت الباب اكيد مكانش حصل ده كله ماما انا اللي قتلت هنا وظل يتحدث وهو يبكي بشده لفراق شقيقته حتي فقد الوعي سريعا
كامليا بصدمه وصراخ : كريم ابني لا ابني
نكمل البارت الجاي ؟؟؟
يا تري شمس وفجر هيتقبلوا امهم ؟؟؟
بقلم آية المهدي...........
َالبارت 13
نزلت فصلين مع بعض قراءة ممتعة يا حلوين
صرخت كامليا بقلق وخوف شديد علي ابنها
كامليا : مني تعالي ساعديني ارجوكي اطلب الدكتور يا ساهر بسرعه ابني هيروح مني
مني : متخافيش يا حبيبتي اكيد هيبقي كويس كمال تعال إسنده معانا وانا هاجيب ميه
وظلت تبكي كامليا بحسرة علي ما حدث لأطفالها وعزمت علي النزول لمصر في اقرب وقت فهي لا تستطيع المغامرة بحياة ابنها الآخر ولكن توعدت بداخلها لكل من ساهم في قتل ابنتها هنا
علي الناحية الأخري
في قصر الصاوي ظلت فجر غير منتبهة لكلام الفتيات وهي تفكر في نظرات وكلام هذا المسمي فؤاد فما هي عداوته بالعائله وماذا كان يقصد بحديثه
ريم : فجر فجر يا بنتي انتي معانا
فجر : نعم يا ريم بتقولي ايه
ندي : لا انتي مش هنا خالص بتفكري في ايه
فجر بشرود : مافيش بس تعبانه شويه
شمس بقلق : مالك يا فجر نطلب الدكتور حاسه بايه
فجر : لا لا دكتور ايه انتوا ممكن تسيبوني بس ارتاح شويه وانا هابقي كويسه
آية: خلاص يا بنات سيبوها ترتاح واحنا هننزل تحت ايه رآيكو نلعب مع كارما وافقو البنات رأيها وتركوا فجر لترتاح قليلا واتجهوا للاسفل
الجد : ايه يا بنات فين فجر
شمس بهدوء غير عادتها: تعبانه بترتاح شويه
الجد بقلق ::تعبانه مالها نطلب الدكتور
ندي : لا يا جدو متخافش هي كويسه دول شويه إرهاق
ليلي بتردد: ما هي مكلتش من الصبح اكيد علشان كده
صفيه : يا حبيبتي يا بنتي طيب انا هاعملها اكل واطلع ليها
ليلي ::هاجي اساعدك يا صفيه وذهبوا لإعداد الطعام لفجر
معاذ بنظرة ما لشمس: في حد هنا كده لسانه طويل بس انهارده غير العادة في هدوء لم تنتبه شمس لكلامه استغرب الجميع من حالتها
سالم : شمس شمس
شمس : نعم يا عمو
ريم : لا ده انهارده يوم التوهان خالص من شويه كانت فجر تيجي انتي كمان
الجد :: تعالي يا شمس جمبي هنا تعالي يا حبيبتي مالك احكيلي انا جدك هتخبي عليا
شمس بخنقه ما : مش عارفه يا جدو مخنوقه وحاسه بحاجه وحشه هتحصل قلبي مش مطمن
معاذ بقلق : لو قصدك علي الراجل اللي كان هنا ده متخافيش مش هيقدر يعمل حاجه
الجد : زي ما قال اخوكي متخافيش طول ما جدك عايش أبدا أن شاء الله كله هيبقي بخير
وبعد مرور بضعه أيام لم يتغير شئ الوضع مستمر كما هو عادت شمس لطبيعتها وظلت تشاكس شقيقها معاذ وتفتعل المقالب في الجميع وسيف يعتقد حبه لفجر غير صحيح وتعلقت كارما بفجر بشده فهي لا تصمت الا معها
وفي أحد الأيام آتي أحد الزائرين للقصر
صباح يوما جديد تجمعت العائله حول سفرة الطعام للإفطار معا فآتي أحد العاملين ليخبر الجد بوجود بعض الأشخاص بالخارج يردون رؤيه فجر
فجر باستغراب : انا معقول يكون اللي في بالي
الجد : هو ايه ده يا بنتي
فجر : لا يا جدو مافيش وأشارت فجر للعامل لدخول الضيوف بعد استآذن جدها
عز وفجر بصدمه : انتي بتعملي ايه هنا
ليلي باستغراب :: تعرفها دي يا عز مين دي
عز الدين :لا رد
الجد : مين دي انتوا اتصدمتوا كده ليه
كامليا بأخذ نفس عميق : انا هقولك انا كامليا ام فجر وشمس
الجميع بعدم تصديق: نعممممم
شمس بذهول : لا لا فجر الست دي انتي تعرفيها فجر قولي حاجه ارجوكي
ظلت تنظر فجر لوالدتها بلوم وعتاب وكره وهي تتذكر هذا الماضي الأليم وكيف تركتهم والدتهم من أجل سعادتها ولم تفكر لحظه واحده بما سيحدث لهم وظلت تتذكر كيف تحملت هي مسئوليه شقيقتها وكيف اعتنت بهم جدتها
فجر بتوهان : جايه ليه عايزة ايه مننا
كامليا بدموع وصدمه :: فجر انتي فجر بنتي
فجر بجمود ودموع محبوسه::بس متقوليش بنتي انا مش بنتك ولا هكون بنتك انتي اتخليتي عننا في اكتر وقت كنا محتاجينك فيه مفكرتيش في ايه اللي ممكن يحصل فمش من حقك تقولي بنتي وارجوكي كفايه لحد كده وارجعي من مكان ما جيتي
كامليا بحزن :: فجر انا مش جايه ادمر حياتك انتي واختك انا بس عايزة مساعدتك واعتبريني واحده غريبه مش والدتك ارجوكي ساعديني
شمس بعصبيه : فجر مش هتساعد حد انتي فاهمه وانسي أنه عندك بنات اتفضلي اطلعي برة
فجر : شمس عيب كده تيتا علمتك كده تقللي ذوق مع الأكبر منك
شمس بذهول : فجر انتي مستوعبه كلامك اصلا انتي ناسيه هي عملت ايه معانا انا مستحيل اقدم اي احترام ليها اذا كنتي انتي هتساعديها انا لا تمام ورحلت وهي غاضبة من شقيقتها وذهبوا ورائها الفتيات
فجر للجد : عن اذنك يا جدي هاخد المدام كامليا برة في الجنيه وأشوف اللي عندها
عز برفض : لا اللي هي عايزة تقوله تقوله قدامنا مافيش حد غريب
فجر : بس
كامليا بمقاطعه: خلاص يا فجر ابوكي عنده حق واصلا الموضوع مش سري ولا حاجة واكيد كله هيعرف في الاخر وظلت تبكي بشده وكريم بجانبها يحاول تهدئتها وهو خائف من الجميع ولكنه احب فجر كثيرا ودخلت السعاده لقلبه لمعرفته انها شقيقته
فجر : اتفضلي قولي اللي عندك
كامليا :..............................
الجميع بصدمه : معقول
الجد بشفقه عليها وعلي هذه الفتاه الصغيرة التي فقدت حياتها بسبب الإهمال
الجد : طيب ليه مبلغتيش عن التهديد اللي جالك
كامليا : هددوني بكريم ابني لو اتكلمت بس انا جايه طالبه المساعده فجر شيلي كرهك ليا علي جمب بس كريم في النهايه اخوكي انا نزلت مصر بس علشان أوصله ليكي وانا بطلب منكوا بس أنه كريم يقعد وسطكوا لانه انا هرجع كندا تاني ولما العداله تجيب حق هنا هارجع واخد كريم تاني وهابعد عنكوا مش هتشوفوا وشي تاني اوعدكو بكده بس ساعدوني ارجوكم وظلت تتوسل لهم بلهفه وخوف من رفضهم
فجر :: بعد اذنك يا جدي ممكن كريم يفضل معانا لو مش موافق انا ممكن اخد بيت قريب هنا واقعد انا وشمس معاه البيت بيتك وانا مش هاجبر حد أنه يساعدها لانها غلطت كتير ومستحيل حد يسامحها بس كريم مالوش علاقه بكل ده ولا بالماضي
عز برفض وغضب : انا مش موافق اتفضلي خدي ابنك واطلعي بره ومالكيش بنات هنا
كامليا بترجي : ارجوك يا عز انا مش طالبه غير أنه كريم يكون بآمان بس
الجد بقوة : عز أظن أنه انا لسه عايش وانا هنا اللي كلمتي تمشي ومحدش هيخرج من هنا فجر ده بيتك انتي واختك وإذا كان كريم قاعد هنا فهو قاعد في ملك اخواته يعني مش بيت حد غريب وانتي يا كامليا ابنك امانه عندنا لحد ما ترجعي ليه تاني
فجر : لا انتي مش هتسافري الموضوع فيه تهديد يبقي اكيد مش هيسمحوا لحد يوصلهم واكيد في خطر عليكي
كريم بخوف شديد : ماما متمشيش ارجوكي انا مش عايز اخسرك زي هنا خليكي معايا
كامليا بدموع : لازم اجيب حق هنا يا كريم اختك ماتت والناس اللي كانوا السبب في موتها قاعدين فرحانين ولا كانه في بنت ماتت بسببهم انا هرجعلك تاني بس لما حق هنا يرجع بس اسمع كلام اختك فجر وركز في دراستك انا عايزاك تنجح وتبقي كويس اوعدني يا كريم هتخلي بالك من نفسك ومن اخواتك
كريم بحزن شديد : اوعدك يا ماما ورحلت كامليا بقلب مفطور وهي تتمني بداخلها أن يسامحها الجميع
ليلي بحزن بداخلها : انا طالعه فوق
الجد لابنه : اطلع وراها يا عز اكيد اضايقت
فجر لكريم : تعال معايا يا كريم ذهب كريم معها بخوف قليلا وفجر لا تدري كيف تتعامل معه فمهما حدث هو ليس له ذنب
علي الناحيه الأخري في كندا
احد الرجال : انت متاكد انها نزلت مصر
شخص ما : أيوة يا عثمان بيه
عثمان : لازم عاصي باشا يعرف واتصل بأحد الارقام وبعد مده أجاب هذا الشخص
عثمان : عاصي بيه في حاجه مهمه لازم تعرفها
عاصي بتأفف: خير يا عثمان في ايه
عثمان : والدة البنت اللي ماتت بجرعه مخدرات نزلت مصر وشكلها كده خافت من تهديدنا ليها
عاصي بعصبيه شديده : خافت ايه يا غبي انا مش قولتلك عينك عليها انت مبتفهمش اكيد معاها دليل انا المكان الرئيسي بتاعنا في مصر يا متخلف يعني لو المخابرات المصريه عرفت بالموضوع اكيد هتدور ورانا وهنتكشف اسمعني كويس الست دي تحاول توصلها باي طريقه ولو معاها اي ادله تخفوها وطبعا انت عارف الباقي انا هاعتمد عليك وقبل اي حاجة عايزاك تجبلي كل المعلومات عنها عايز اعرف عنها كل حاجة انت فاهم
عثمان بضحكه خبيثه: انت تآمر يا باشا واغلق الهاتف وظل يبتسم بشده شكلنا هنتسلي قوي اليومين دول
علي الناحيه الأخري
في منزل فؤاد كان يجلس وهو يتحدث لاحدي اصدقائه
فؤاد : لو تعرف يا طلعت انا لقيت نقطه ضعف لعز شوفت الخوف في عنيه علي بناته اخيرا هعرف انتقم منهم كلهم
طلعت :: بلاش يا فؤاد انا مش عايز تحصل مشكله انسا بقا اللي حصل زمان
فؤاد بعيون حارقه للغايه : انسا انا مستحيل انسا يا طلعت ومبقاش فؤاد أن ما حسرتهم علي اغلي حاجة ليهم
طلعت بهمس بداخله : ربنا يستر شكل اللي جاي مش سهل ابدا وهيقلب علينا بدمار هيحرق الكل
نكمل البارت الجاي ؟؟؟؟
يا تري كامليا مصيرها ايه؟؟؟
وفؤاد هيعمل ايه ؟؟؟؟
بقلم آية المهدي...........
البارت 14
مر اليوم علي الجميع بسلام ولكن منهم الغاضب والحاقد والكاره تجمعت العائله علي سفرة الطعام
الجد : آنس فين يا ليلي
ليلي بحزن ظاهر عليها : طلع من بدري يا عمي عنده شغل
محمد بقلق : ازاي طلع لوحده ولا معاه الحرس
معاذ : حرس ايه يا عمي هو آنس بنت لا طلع لوحده بعربيته
سالم بعصبيه : انتوا مش بتفهموا قولنا بلاش الخروج لوحدكوا ولازم عربيه الحرس معاكوا
سيف بجديه : لا ما هو الموضوع مش مستاهل كل ده يا عمي الا لو في حاجة انتوا مخبينها علينا واكيد الموضوع يخص فؤاد ده
عز بتوتر : ابدا يا سيف احنا بس خايفين عليكوا مش من حقنا يعني
ظل ينظر لهم كريم بعدم فهم وتوتر شديد وشمس تنظر له بكره وحقد شديد
فجر : لا طبعا يا بابا من حقكوا بس برضو حقنا نعرف ليه ولا حظت فجر خوف كريم وتوتره أمسكت يده لتطمئنه
فجر بهمس له : مالك يا كريم مش بتاكل ليه انت مضايق ولا الاكل مش عاجبك اعملك غيره
كريم : لا بس حاسس اني متوتر شويه مش متعود أنه ماما متكونش موجودة وكمان حاسس الكل بيكرهني وشمس كمان
فجر باطمئنان : متخافش انا معاك وكمان مافيش حد هنا بيكرهك وشمس شويه وهتروق يلا خلص اكلك علشان هنروح مشوار استمع كريم لحديثها بموافقه
علي الجهة الأخري
المجهول 1: ايه الاخبار كله تمام اوعي الهدف يكون بعد عنك
المجهول 2: لا يا فندم انا متابعها خطوة بخطوة وان شاء تجارة عاصي ارسلان هتنتهي قريب
المجهول 1: كامليا لازم تفضل تحت عنيك وتحميها عايزين نطلع من الموضوع من غير خساير وانا واثق فيك وفي قدراتك
المجهول 2: تمام يا فندم
علي الجهة الأخري في منزل فؤاد
فؤاد بخبث: نفذوا دلوقتي عايز عيله الصاوي تموت من رعبها بس المرة دي مش عايز غلط فاهمين
احد الرجال : مش تقلق يا فؤاد بيه كله هيكون تمام ورحل رجاله لتنفيذ خطته الدنيئه
فؤاد بضحك : ولا ووقعت يا عز وهعرف اخد حقي منك ومش انت بس وسالم كمان وكل واحد آذاني لازم هياخد نصيبه اصل انا بحب الحق قوي وظل يضحك بهيستريه وخبث شديد
في قصر الصاوي استآذنت فجر للخروج من القصر برفقه أخيها الأصغر كريم ولكن رفض الجد بشدة
فجر : يا جدي انا عايزة اقدم لكريم في المدرسه وبعدين الحرس معايا
الجد بقلق : لا يا فجر مش هتروحي انا قلت كلمتي
سيف بتدخل : انا هكون معاها يا جدي أظن كده مافيش قلق
فجر بتوتر شديد لا تعرف مصدره: لا انا هروح لوحدي انا مش صغيرة علشان حد يمشي معايا
الجد : خلاص يبقي مافيش خروج يا فجر سيف هيروح معاكي ده اخر كلام
فجر بتآفف: طيب يا جدي خلاص بس انا كنت يقول إنه كارما مش بتكست غير معانا احنا الاتنين يعني احنا الاتنين نخرج ونسيبها افرض صحيت
الجد بضحكه مكتومه علي تعابير وجهها الغاضبة: لا متخافيش مش هتصحا دلوقتي ولو صحيت البنات موجودين هيلعبوا معاها لحد ما ترجعوا
فجر بغضب طفولي : طيب اتفضل يا استاذ سيف
ابتسم كلا من سيف وكريم علي عصبيتها اللذيذة بالنسبه لهم
سيف بابتسامه حب : اتفضلي انتي الاول
الجد بابتسامه : يا رب اللي في بالي يتحقق
في كندا في منزل كامليا
كان سامي والد هنا وكريم يتحدث بعصبيه شديدة علي هاتفه
سامي بغضب : يعني مش لاقيهم اسمع معاك ساعه واحدة بس وتعرفلي هما فين انت فاهم يلا مع السلامه وفجاه استمع لأحد دخل للمنزل ليري زوجته كامليا ذهب إليها سريعا
سامي بحدة : كنتي فين يا هانم وفين كريم ابني
كامليا بارهاق: طب استنا بس اخد نفسي انت مش شايف حالتي ولا انا مبقتش اهمك قالتها بسخريه
سامي بغضب : بقولك ايه انا مش عز لا فوقي كده وافهمي كلامي من هنا ورايح كل حاجة هتمشي في البيت ده بامري انا انتي بسبب اهمالك معرفتيش تحافظي علي بنتك وانا مش مستعد اخسر ابني التاني وفجأة نظر حوله لم يري كريم
سامي باستغراب : كريم فين انتي اخدتي الولد وروحتي فين انطقي ابني فين
كامليا بوجع : سيب ايدي يا سامي هقولك ترك سامي يدها بعنف وهو منتظر اجابتها
كامليا بتردد : كريم في مصر
سامي بصدمه وغضب : نعم مصر ليه
كامليا بمحاوله لتهدئته: انا هقولك بس اهدا واسمعني
وحكت له كل ما حدث منذ وفاة ابنتها حتي هذا اليوم
سامي بغل وكره : وانتي ازاي تاخدي كريم عند العيله دي ايه حنيتي للماضي ما انا كان لازم اعرف اللي تبيع ولادها تقدر تعمل اي حاجة
كامليا بذهول: هو ده كل اللي همك اني خليت كريم هناك مش همك حق بنتك ولا تهديداتهم لينا بكريم ابننا كل اللي بتفكر فيه عز وبس بس الغلطة مش غلطتك الغلطة غلطتي انا علشان وثقت فيك وسيبت بناتي علشانك وانت واحد معندوش ضمير ولا حته شويه خجل يا اخي دي بنتك مش كملت كام يوم ميته ارحمني كفايه اللي انا فيه
سامي بضحكة خبيثه : ارحمك ده انا هخليكي تكرهي اليوم اللي شوفتيني فيه تعالي وأخذها بالقوة وادخلها غرفتها واغلق عليها من الخارج ورحل وهي تنادي ولكن بدون فائده
كامليا : سامي حرام عليك افتح انا ام ولادك ارجوك يا سامي ولكن بلا رد يا ربي اعمل ايه دلوقتي لازم أخرج لازم اوصل لهدفي اللي جيبت علشانه حتي لو هموت
علي الجهة الأخري في كندا
عاصي : وصلتوا ليها ولا لسه
احد رجاله : لسه يا باشا بس جيبنا كل المعلومات اللي حضرتك طلبتها وأعطاه الملف
عاصي بابتسامه غامضه : اوه عندها بنتين من جوزها الاول فجر وشمس حلوين قوي شكلنا هنتسلي كتير ولا ايه رايك يا عثمان
عثمان : اكيد طبعا يا باشا اللي حضرتك تآمر بيه يتنفذ فورا د
عاصي : وقعتي يا كامليا ومحدش هينجد بناتك مني
علي الجهة الأخري وصلت السيارة آمام أحدي المدارس الثانويه المعروفه
فجر : جبتنا هنا ليه مش هي دي المدرسه
سيف بجديه : دي احسن مدرسه هنا وكمان قريبه للقصر يعني آمان متخافيش
فجر باقتناع قليلا : طيب خلينا ندخل ونشوف
سيف بتمتمه: ده مافيش حتي شكرا
فجر بصوت عالي قليلا : بتقول حاجة سمعني
سيف : لا ابدا وقبل أن يكمل حديثه رن هاتفه برقم لحد ما
سيف : الوووو أيوة يا معاذ اييييييييه بتقول ايه حصل أمته طب انا جاي حالا
فجر بقلق : فيه ايه حد حصله حاجة جدو كويس
سيف : .........................
فجر بصدمه شديدة : لا مستحيل
سيف باستعجال : يلا بينا مافيش وقت اركبوا
نكمل البارت الجاي ؟؟؟؟؟؟
يا تري معاذ قال ايه لسيف صدمه هو وفجر؟؟؟؟؟؟
بقلم آية المهدي..............البارت 15
تحرك سيف بسيارته سريعا وفجر لا تستوعب ما حدث وبعد مرور بضعه دقائق وصلوا للمستشفي سريعا شعر كريم بالدوار بسبب سرعه سيف الشديدة
فجر بقلق : كريم مالك في ايه
كريم بدوخه : مافيش وقبل أن يكمل حديثه فقد الوعي سريعا صرخت فجر بشدة وحمله سيف وذهبوا للداخل
سيف بصوت عالي : عايزين دكتور بسرعه رأت فجر عائلتها بالداخل ونظروا لسيف بصدمه وهو يحمل كريم وهو فاقد للوعي
معاذ : سيف حصل ايه كريم ماله انتوا كويسين
سيف : معرفش مرة واحده أغمي عليه
مروان : حطه هنا يا سيف الدكتور جاي حالا وبعد عده ثواني حضر الطبيب سريعا وأخذوا كريم لغرفه الكشف
سالم : جيب العواقب سليمه يا رب ايه بس اللي بيحصل معانا ده
فجر لندي : ندي ايه اللي حصل احكيلي كل حاجة
ندي بدموع : حاضر
فلاش باك
كانت العائله مجتمعه مع بعضهم البعض ويتحدثوا احاديث مختلفه
سميه : الا قوليلي يا صفيه انتي ومروة مش ناويين تجوزوا البنات ندي وآيه
صفيه : البنات لسه صغيرين يا سميه والجواز مش لعبه دي مسئوليه كبيرة وبعدين النصيب لسه مجاش ربنا يرزقهم يا رب هما وكل اللي زيهم
سميه بنظرة ما : بس انا عايزة عروسه لعبدالله ابني وبصراحه انا شايفه نظرة عبدالله لبنت من البنات
مروة بفضول :: مين من البنات يا سميه ما في ٤ بنات هنا
سميه : لما اتاكد الاول هقولكوا وفجاه استمعت لصراخ كارما
ليلي بخضه : يا ساتر يا رب كارما بتعيط كده ليه لتكون وقعت ومحدش جمبها
قلقت سميه كثيرا علي حفيدتها وذهبت باتجاه غرفه الطفله بسرعه شديدة رآت ريم وشمس يحاولون اسكاتها ولكن لا جدوي الطفله تبكي وتصرخ بشدة
سميه بخوف : مالها يا بنات بتصرخ ليه كده
شمس : مش عارفين يا طنط هي أول ما صحيت مش مبطله عياط وتقريبا كده عايزة فجر لانها اتعودت عليها ومش بتسكت غير معاها
سميه : طب هاتيها كده يا بنتي يمكن تسكت معايا أعطتها شمس الطفله وسميه تحاول أن تلاعبها وذهبت بها للاسفل ولكن بلا نفع كارما تبكي بلا توقف
صفيه : ايه يا سميه مالها
سميه : شكلها عايزة فجر لانها اتعودت عليها تجمعت العائله علي بكائها الشديد
معاذ : يا طنط يمكن جعانه
ريم : انا حاولت اكلها مش عايزة تاكل
الجد : سمي يا بنتي وهاتيها كده ليا
سميه باحترام :: حاضر يا عمي وأعطته الطفله بحذر
الجد بمحبه : هاتي يا بنتي اللبن انا هحاول معاها وحاول الجد اطعامها ولكن بلا جدوي
آيه : طيب يا جدي ممكن نسيبها علي الارض ونشوفها هتعمل ايه
ريم بقلق : لا لا يا آية كارما مش بتمشي ليحصل ليها حاجة
صفيه :: بس خلاص انتي وهي هاتها يا عمي انا هحاول اسكتها وأخذت الطفله وأخذت تقرأ آيات من القرآءن الكريم وتمسح علي ظهر الطفله فهدآت نوعا ما
سميه براحة :الحمد لله هديت شويه ريم اتصلي باخوكي شوفيه فين لازم يرجع هو وفجر بسرعه قبل ما هي تعيط تاني
ريم : حاضر وقبل أن تهاتف أخيها رن هاتف عز فانتبه البعض له
عز : الوووو
فؤاد بضحكه سمجه: عز حبيبي اخبارك انا قلت اكلمك اصلك واحشتني اخبار الكل عندك ايه كويسين
فتح عز المكبر أمام الجميع ليستمعوا المكالمه
عز : عايز ايه يا فؤاد لخص كلامك
فؤاد بانتصار: حلو قوي انا قلت بس اطمن عليك وعلي ولادك
عز بعدم فهم وقلق شديد: ولادي انت قصدك ايه
فؤاد : بتكلم عن آنس وفجر وسيف
سالم بخوف شديد : انت عملت ايه يا فؤاد اتكلم
فؤاد : ابدا متخافوش قوي كده فجر وسيف كويسين بس
عز بتعب : بس ايه انطق
فؤاد : بس تلحق تودع ابنك هو في المستشفي دلوقتي انا قلت اقولك علشان صداقتنا بس مينفعش برضو مش كده يا صاحبي واغلق المكالمه بغل شديد
فؤاد ::ولسه اللي هاعمله فيكوا اكتر من كده
ليلي بصراخ : لا لا اكيد بيكذب ابني كويس آنس كويس
عمر بتهدئه : ماما اهدي اكيد آنس كويس مش هيحصل ليه حاجة وفجأه استمع الجميع لارتطام شديد بالأرض
ضياء : عز ابني
عبدالله ::عمي معاذ اتحرك خلينا نروح علي المستشفي
مروان : يلا بسرعه مافيش وقت فاق معاذ علي كلمه الجميع وهو ينظر لوالده الفاقد للوعي وظل يدعي بداخله لسلامه الجميع وتحركوا باتجاه المستشفي
انتهي الفلاش باك
ندي بدموع :: هو ده كل اللي حصل
فجر :: متخافيش كل حاجة هتبقي كويسه خرج الطبيب من غرفه كريم فذهبت فجر بتوتر
فجر : كريم مالو يا دكتور
الدكتور بعمليه : مافيش حاجة هو بس شكله خاف من حاجة فمقدرش يتحمل فقد وعيه
فجر باطمئنان : يعني هيبقي كويس
الدكتور : متقلقيش هيبقي كويس ورحل الطبيب لوجهته والجميع منتظر خروج الأطباء للاطمئنان علي عز وآنس وليلي تبكي بشدة علي ما حدث لهم والجميع يواسيها
شمس بخوف وحزن ::متخافيش يا طنط هيقوموا بالسلامه
ليلي بدموع :: يا رب يا رب
علي الجهة الأخري في كندا
ظلت كامليا حبيسه بالغرفه وزوجها لا يسمح لها بالخروج من الغرفه فقط يدخل لها الطعام وهي تحاول بكل الطرق أن تخرج من هذه الغرفه والا كيف ستنفذ مخططها وتاخذ حق ابنتها الصغيرة
كامليا بهدوء شديد : يا سامي افتح ارجوك انا عملت كده علشان مصلحة ابننا كنت عايز يقتلوه زي ما قتلوا هنا انا كنت خايفه عليه وعايزة احميه بأي طريقة انت لو مكاني كنت هتعمل كده واكتر
سامي : كنت هاعمل كده اه بس اشمعنا بيت الصاوي بالذات ما انتي عندك ناس كتير في مصر
كامليا : يا سامي هناك كريم هيحس بجو العيله وكمان هو مش لوحده هناك مع اخواته فجر وشمس علشان كده انا مطمنه رغم اني شوفت الكره في عيونهم بس كريم مالوش ذنب واكيد هيجي يوم ويحبوه
فتح سامي لها باب الغرفه ونظر لها بقوة : اسمعي يا كامليا انا مش عايز مشاكل والناس دي تنسيها وخلاص بنتك ماتت مش هترجع تاني لو انتقمتي واحنا مش قدهم فانسي كل الهبل اللي في دماعك ده وانا هاسيبك كام يوم تهدي وتنزلي مصر كريم لازم يرجع انا عايز ابني انتي فاهمة ولا لا والا هتشوفي مني وش عمرك ما شوفتيه
كامليا بخوف : حاضر يا سامي نظر لها سامي بقرف ورحل وتركها
كامليا بداخلها : انا مش هاسيب حق هنا بنتي لازم انتقم منهم بس كمان لازم اخد بالي سامي اكيد هيراقبني ومش هيسمح اني انفذ مخططاتي ربنا يستر من اللي جاي
في قصر عاصي ارسلان
عاصي : عملت ايه يا عثمان
عثمان : جيتلك كل حاجة عنهم يا باشا
عاصي : حلو قوي هات الملف ده وأخرج ولما اخلص هقولك تعمل ايه
عثمان : تمام يا باشا ورحل عثمان وترك عاصي يقرأ معلومات فجر وشمس وعائلتهم
عاصي بخبث :حلو قوي دول طلعوا من عيله الصاوي ليا معروف كبير قوي عندهم ولازم نرده جهز الطيارة هننزل مصر بكرة
عثمان : تمام يا باشا
في المستشفي كان الجميع قلق فلم يآتي أحد ليخبرهم ما يحدث
سالم : العمليه طولت قوي والدكتور كمان لسه مطلعش من آوضه عز
مروان : متخافش يا بابا انا هروح اتاكد وقبل ذهابه خرج الطبيب من غرفه عز
ضياء : طمني يا دكتور ابني ماله
الطبيب بعمليه :: الاستاذ عز حصل معاه شبه جلطه بس الحمد لله لحقناه
ليلي بصدمه : جلطة
شمس : اهدي يا طنط بابا هيبقي كويس
الطبيب : متخافوش هو حاليا كويس بس بلاش إجهاد ليه ويبعد عن الصدمات الفترة الجايه ويا ريت جو البيت يكون هادي الفترة دي
محمد : حاضر يا دكتور هنعمل كل اللي حضرتك قلت عليه ورحل الطبيب لتكمله عمله تجاه مرضاه
معاذ بقلق وخوف شديد :: الحمد لله بابا كويس بس عمليه آنس طولت قوي
عمرو بدموع :: متخافش يا معاذ آنس هيبقي كويس
فجر بتردد :: طب لما انت بتعيط هو يعمل ايه أن شاء الله آنس هيبقي كويس
بكي عمر بطريقه هيستريه واحتضن شقيقته
عمر بدموع : أنا خايف قوي عليه آنس مش اخويا بس ده صاحبي وبير آسراري لو حصل ليه حاجة مش هقدر اكمل من غيره كنا دايما انا وهو نقول علي معاذ أنه قاسي وأنه مبيعرفش يتعامل معانا كل حاجة كنا بنعملها مع بعض
فجر بهدوء وحزن : آنس قوي وهيقوم لينا بالسلامه ولا عايزه يشوفك كده مينفعش
خرج الطبيب بعده ساعات من غرفه العمليات
ليلي بخوف :: ابني أخباره ايه
الطبيب : احنا عملنا اللي علينا والباقي علي ربنا لو عدي ال24 ساعه علي خير هيبقي كويس فهو دلوقتي محتاج دعواتكم
ليلي بانهيار : لا ابني آنس
سميه بدموع : اهدي يا ليلي سيف هات الدكتور وآتي الطيب ليري انهيارها فاعطاها إبرة مهدئ وطلب منهم أن يدخلوها أحدي الغرف لترتاح قليلا
علي الجهة الأخري في أحدي الاماكن السريه
مجهول 1: اسمع لازم نبلغ ....... بنزول عاصي مصر
مجهول 2: فورا يا فندم وطلب احد الارقام وانتظر الرد
احد الاشخاص : الوووووو
مجهول 1: اسمع عاصي ارسلان نازل مصر وشكله ناوي علي حاجة كبيرة خد حذرك وخلي بالك من عيلتك كويس
احد الاشخاص بقوة::متخافش يا فندم دي مصر نورت واغلق المكالمه وهو يبتسم ابتسامه جانبيه شكلنا هنلعب بس علي تقيل المرة دي اهلا بيك جوه لعبتي يا عاصي آرسلان
نكمل البارت الجاي ؟؟؟؟؟؟؟
يا تري مين الاشخاص المجهوله دي؟؟؟؟
بقلم آية المهدي.........
البارت 16
ذهبوا الفتيات وسميه وليلي معهم وأمر الجد بذهاب الشباب معهم
الجد : مروان انت وعبدالله وسيف روحوا معاهم البيت وانت يا محمد روح انت وسالم قعدتكوا دي ملهاش لازمة
سالم بإصرار : لا يا بابا انا هافضل جمب عز
محمد بحزن : خلاص يا بابا سيبه هروح انا مع الشباب
سيف : معلشي يا جدي انا هافضل هنا مع عمر ومعاذ
سميه : لا يا سيف لازم ترجع البيت معانا ده زمان كارما صحيت ومش هتكست مع الدادة ابدا ارجوك انت مش عارف عملت ايه الصبح معانا لازم انت او فجر تبقوا هناك
عز بارهاق : خلاص روح انت يا سيف علشان بنتك كلنا هنا يا ابني والصبح ابقا تعال
سيف بعناد : انا مش هاسيب معاذ لوحده انت مش شايف حالته يا عمي ده من ساعة اللي حصل وهو ساكت
فجر : خلاص يا جماعه انا هروح علشان كارما بس لازم شمس تفضل هنا علشان كريم لسه برضو مأخدش علي الكل هنا
شمس برفض وكره : مش قاعدة يا فجر وكمان ده مش اخويا انا لو قعدت يبقي هاقعد علشان آنس وبس وده اخويا لكن اللي جوه ده لاء
فجر بعصبيه : انتي مجنونه انتي ازاي بتتكلمي كده الولد تعبان جوه لازم حد مننا جمبه
الجد بقوة : بس انتي وهي هتتخانقوا قدامي ده اللي ناقص كمان مش عاملين اعتبار لاي حد
سيف بهدوء : خلاص يا جماعة انا هاخد بالي من كريم متقلقوش ولو حصل حاجة هاكلمك يا فجر
فجر بارتياح قليلا : شكرا يا سيف هاتعبك معايا ابتسم سيف لها بحب شديد ورحل الجميع للقصر
دخلت فجر للقصر وهي تشعر بالارهاق والحزن الشديد لما حدث لهم اليوم فاستمع الجميع لصراخ الطفله
اسرع الجميع باتجاه الصوت خوفا من حدوث مكروه لها
فجر بخضة : في ايه
الداده بتعب : والله يا بنتي من ساعه ما فاقت وهي مش مبطله عياط شويه تسكت وشويه تعيط لحد ما تعبت
فجر : هاتيها يا دادة عنك اخذتها فجر وحاولت اسكاتها وبعدة مده من بكائها هدأت كارما قليلا
فجر : انا هاطلع اغير ليها وأكلها عن اذنكو تصبحوا علي خير
آية بحزن شديد : عن اذنكو هاطلع انا كمان
ريم باستغراب : مالها يا ندي
ندي بحزن عليها : تعالي نطلع وفوق هقولك
وذهبت كل فتاه لغرفتها فاليوم كان صعبا علي الجميع
علي الناحيه الأخري في المستشفي
عز : يا ليلي لازم تأكلي حاجة
ليلي : مش عايزة بس اطمن علي آنس
صفيه : مينفعش كده يا ليلي هتتعبي امال لما آنس يفوق مين يهتم بيه ولما يشوفك يلاقيكي تعبانه كده لازم تأكلي يا حبيبتي أن شاء الله هو هيبقي كويس
ليلي بدموع : ابني لو حصله حاجة اموت فيها
عز بحزن : متقوليش كده يا ليلي بس ارجوكي اسمعي كلامي وكلي اي حاجة استمعت لهم ليلي وتناولت بعض الطعام
في غرفة كريم شقيق فجر وشمس
فاق كريم من نومه ونظر حوله باستغراب فما هذه الغرفه واين هو حاول النهوض ليري ما يحدث فدخلت أحدي الممرضات
الممرضة: انت بتعمل ايه لازم ترتاح مش تقوم
كريم بدوخة قليله : انا فين وايه اللي حصل واختي فين انا لازم أخرج
الممرضة : يا استاذ مينفعش تخرج ممكن تهدأ وانا هشرحلك كل حاجة
كريم بعصبيه : اوعي سبيني في حالي انا عايز أخرج
دخل سيف وأمير للغرفه
سيف : في ايه يا كريم مالك انادي الدكتور
كريم : أبيه سيف هو ايه اللي حصل وفجر فين والأستاذة دي مش عايزة تخرجني
آمير : طب اهدا انت وبلاش تجهد نفسك واطمن فجر كويسه هي البيت دلوقتي
كريم باستغراب: طب احنا ايه جابنا هنا انا فاكر أننا نزلنا قدام مستشفي
علي الناحية الأخري
المجهول1: انا عايز اعرف ازاي فؤاد يدبر الحادثه دي وانتوا كنتوا فين مشغل مين معايا
المجهول 2: يا فندم احنا اتفاجئنا باللي حصل
المجهول 1: اتفضل اتصلي ب........ فؤاد لازم يتحاسب الموضوع ده لازم ينتهي علي الاخير والا ايه لازمة الشرطة والمخابرات اتحرك يا سيادة الرائد مافيش وقت
المجهول 2: تمام يا فندم وذهب للتنفيذ
في قصر الصاوي آتي يوم جديد لاحداث جديدة
آية بارهاق : صباح الخير
سميه بحنان : صباح النور يا حبيبتي مالك يا آية شكلك تعبان كده ليه
آية بتوتر : مافيش يا خالتو انا بس زعلانة علشان اللي حصل معانا مش آكتر
مروان : متخافيش يا حبيبتي كله هيبقي تمام
فاقت فجر من نومها بتعب فالطفله لم تنم كثيرا وظلت تستيقظ كتيرا ولم تستطع فجر النوم براحة نظرت فجر لكارما بابتسامة رأتها مستيقظة ولكنها لم تبكي ابدا
فجر باستغراب : غريبه صحيت ومش سمعت ليها صوت ابدا لمست فجر وجهها لتري حرارتها مرتفعه بشدة والطفلة لا تبدي ردة فعل
فجر بخوف : يا ربي كارما تعبانة قوي اعمل ايه اعمل ايه وظلت تتحرك في الغرفه مثل المجنونه كأنها لا تستوعب ما حدث الان فصمتت لعدة ثواني وتحدثت لنفسها فجر اهدي وذهبت وحملت الطفله بخوف واحتضنتها بدموع
فجر : متخافيش مش هيحصلك حاجة طول ما انا موجودة وابدلت ملابسها سريعا وذهبت للاسفل وهي تحمل كارما
فجر لمروان : مروان تعال بسرعه لازم نروح المستشفي
ساجد برعب : آنس حصله حاجة
فجر بخوف : لا كارما تعبانة قوي حرارتها عاليه ارجوك مافيش وقت
سميه بخوف : يا حبيبتي يا بنتي يلا يا مروان يا ابني
ساجد وريان : احنا جايين معاكوا
مروان لساجد : لا ساجد خليك هنا مع البنات مينفعش يفضلوا لوحدهم
ساجد : طيب تمام واستعدوا للذهاب للمستشفي وفجر تقرأ بعض الآيات القرآنية وهي تحتضن كارما بخوف شديد وبعد مرور بعض الوقت توقفت السيارة هبطت فجر وأخذ مروان الطفله وركض بها للداخل
مروان بصوت عالي : عايزين دكتور هنا البنت تعبانه
احد الاطباء : دي طفله دكتورة خديجة بسرعه وبعد بضعه ثواني أتت خديجة مهروله وفصحت الطفله وعلقت لها بعض المحاليل وكتبت لها بعض الادويه
التفت خديجة للجميع بهدوء
خديجة لفجر : انتي أمها
فجر بدون تفكير : أيوة البنت مالها
خديجة بابتسامة : متخافيش ده طبيعي لانها بتسنن بس كمان الطفله ضعيفة شويه ومحتاجة اهتمام شويه
فجر : اوعدك اني اهتم بيها بس هي هتبقي كويسه صح
خديجة : متقلقيش هتبقي كويسه أن شاء الله عن اذنكوا شعرت فجر بالراحة كثيرا
ريان : هروح اجبلكوا قهوة لحد ما كارما تخلص المحلول وهنتحرك
سميه : لا يا ابني انا ممنوعة من القهوة وفجر مش فطرت اسال مروان لو عايز
ريان : مروان مروان انت يا ابني
مروان : ها بتقول حاجة
ريان : لا انت مش معانا خالص
مروان بتوهان : مش شوفت في جمالها بصراحة
سميه بضحك علي تعبيراته : هي مين دي يا حبيبي
مروان بتوتر : لا مافيش حاجة
سميه وريان بخبث : علينا برضو طب حتي اسمها حلو خديجة مش كده برضو
فجر بابتسامة : خلاص بقا يا جماعة احرجتوه كده
مروان بتوتر : قوليلهم يا فجر
آتي اتصال لفجر نظرت للهاتف وذهبت للخارج للرد
فجر : الووو أيوة يا سيف آنس كويس وبابا وكريم
سيف : متخافيش كله تمام وآنس بقا كويس الدكتور لسه مطمنا وكريم كويس كمان كنت بتصل لانه مافيش داعي تيجوا
فجر : الحمد لله
سيف باستغراب : فجر انتي برة في دوشه عندك
فجر بتوتر : بصراحة يا سيف احنا في المستشفي
سيف بخضه : ليه حد تعب عندك كله تمام
فجر بتنهيدة : كارما سخنت شويه بس متقلقش هي كويسه دلوقتي
سيف بخوف شديد : بنتي كويسه حصلها ايه انا جاي حالا انتوا في انهي مستشفي
فجر : يا سيف هي بقت كويسه واحنا في مستشفي ............... اغلق سيف المكالمة وركض للخارج دون أن يخبر أحد وفي غصون دقائق وصل سيف للمستشفي فهو كاد أن يفتعل حادث اكتر من مرة
سيف بتنفس سريع : فجر بنتي فين
فجر بخوف غير مبرر: سيف انت كويس
سيف بعصبيه لأول مرة : بقولك كارما فين
فجر : اتفضل كارما هنا دخل سيف الغرفة دون الالتفات لها وكأنها المسئوله عن حاله ابنته
فجر بزعل : مالو ده بيتعصب عليا كاني انا اللي خليتها تتعب معلشي برضو يا فجر ده مهما كان ابوها وخايف عليها تنهدت فجر وذهبت لهم
في قصر الصاوي
شعرت الفتيات بحركة غريبه فذهبوا لغرفه ساجد
شمس بنداء : ساجد ساجد
ساجد : مالكوا يا بنات في ايه
ريم : احنا حاسين أنه في حركة غريبه في القصر
ساجد بحذر : طب ادخلوا جوا كلكوا واقفلوا الباب كويس
ندي برفض : لا طبعا ونسيبك لوحدك
شمس بتأكيد : احنا هنيجي معاك يا ساجد مينفعش نسيب اخونا لوحده افرض في خطر صح احنا بنات بس وقت الجد غير
آية بقلق : ما نتصل بمروان أو سيف
ندي : عبدالله اخوكي يا ريم اتصلي بيه وقبل ان يكملوا حديثهم استمعوا لأحد ما يدخل للقصر
ساجد : يلا مافيش وقت ادخلوا الاوضة دي بسرعه واقفلوا علي نفسكوا استمعت البنات له واغلقوا الغرفه عليهم تسلل ساجد للاسفل رأي عدد كبير من الرجال المسلحين فحاول أن يشتت انتباههم عن وصولهم للفتيات رأه احد الرجال المسلحين
الشخص ١: امسكوه بسرعه حاول ساجد الفرار بعيد عنهم ولكن حاطوه بعض الرجال وأخذوا يضربوه ضربا مبرحا ووقع ساجد علي الارض وحاول الوصول لهاتفه ولكن لم يستطع وفقد وعيه سريعا
الرجل بغلظة : يلا بينا دوروا علي البنات بسرعه
استمعوا الفتيات لما حدث بالاسفل وشعروا بالخوف علي ساجد حاولت ريم الاتصال باخواتها ولكن رأت أنه البطاريه نفذت
ريم : شمس هاتي موبايلك اعطتها شمس الهاتف فظلت تحاول تذكر ارقام اخواتها لم تستطع فطلبت رقم فجر وهي تتمني أن تفتح المكالمه شعروا بأقدام أمام الغرفه حاولوا الثبات قليلا آتي الرد سريعا من فجر
فجر : الوووو يا شمس
ريم بهمس : فجر الحقونا في ناس دخلوا البيت وساجد معرفش عملوا فيه ايه
فجر بخضه : ريم اهدوا احنا جايين سيف ومعاذ وريان هنجيلكوا فورا بس خليكوا مكانكوا واقفلوا تليفوناتكو بس خليكي معايا متقفليش وفجأة استمعت لصراخ الفتيات الوووو ريم ريم
سيف بانتباه : في ايه يا فجر ريم مالها
فجر بتوهان : حد هجم علي القصر ووصلوا للبنات
مروان وريان بصدمه : بتقولي ايه وركضوا للخارج استوعبت فجر ما حدث فحاولت اللحاق بهم ولكن ذهبوا بسرعة البرق أوقفت سيارة وذهبت للقصر سريعا
عرف الجميع بما حدث ووجدت فجر القصر في حالة فوضي وسيف يحاول أفاقه ساجد ولكن بلا جدوي كانه فقد الحياة
ريان : سيف يلا بينا ساجد لازم يروح المستشفي
مروان : ايه اللي بيحصلنا ده انا لازم ابلغ الشرطة مين ليه مصلحة يعمل كده
ريان : اعمل اللازم واحنا هناخد ساجد للمستشفي
فجر : مروان انا هحاول اظبط اللي حصل هنا ده
مروان : فجر انتي كويسه
فجر : أيوة كويسه انا هاطلع اغير هدومي ونازله ذهبت فجر لغرفتها بهدوء ما قبل العاصفه أخرجت هاتفها وأجرت بعض المكالمات
نكمل البارت الجاي ؟؟؟
يا تري مين خطف البنات؟؟؟
وفجر كلمت مين ؟؟؟؟؟
بقلم آية المهدي.........