الفصل 3
*✿ࢪواية عذاب لا ينتهي✿🎀♡*
غرام الروايات
تابع قناة غـ͓̽ـرٍآمـ͓̽ـ آلَرٍوٌآيـ͓̽ـآتـ͓̽ـ 🧚♀️📚💅💫 في واتساب: https://whatsapp.com/channel/0029VakuN1aHwXbJf5jj7w0J
البارت 7
ظل يتحدث الجميع باحاديث مختلفة وسيف يتحدث مع معاذ ومروان وصفية وليلى في المطبخ وذهبت سمية لتساعدهم وأثناء انشغال الجميع استيقظت الطفلة وظلت تبكي كثيرا وهي تبحث عن والدها ولم يستمع لها احد
في غرفة فجر كانت حزينة كثيرا فهي لم تكن تريد أن ينظر لها احد بشفقة او يرى احد ضعفها وفجأة استمعت لبكاء طفلة صغيرة
فجر : اي الصوت ده هو في أطفال في البيت على حد علمي محدش من الشباب متجوز وذهبت باتجاه الصوت حتى وقفت امام أحدي الغرف ودخلتها وهي تنظر بهدوء حتى وقع نظرها على طفلة جميلة للغاية ولكن وجهها احمر بشدة من كثرة البكاء ذهبت فجر وحملتها
فجر باستغراب::انا شوفت الطفلة دي قبل كده وظلت تحاول التذكر حتى اتت في بالها تلك السيدة التي اوصلتها لمنزلها ورات الطفلة مع فتاة في عمر اختها
فجر بتذكر : كارما الطفلة اسمها كارما والبنت كان اسمها ريم ونظرت لكارما بابتسامة حنونة وظلت تداعبها وتقبلها
فجر بتفكير: بس ايه اللي جاب كارما هنا معقول هما من العيلة اوف انا هاشغل بالي بالتفكير ليه هانزل واسالهم ونظرت لكارما وهي تقول لها كأنها تفهمها ونشوف كارما هانم بتعمل ايه هنا صح يا كوكو ضحكت الطفلة لها كأنها تداعبها وذهبت فجر للاسفل وهي حاملة كارما بين يديها وتمرح معها
في الأسفل طلب سيف من شقيقته ان تذهب للاطمئنان على كارما
آية : انا هروح اشوفها انا وندى وقبل ان يذهبوا رأوا فجر وهي تحمل الطفلة
ريم باستغراب: فجر بتعملي ايه هنا وكارما صحيت أمته
فجر : انا سمعتها بتعيط فدخلت اخدتها
سمية بفرح : فجر اخيرا شوفتك تاني اخبارك ايه
سيف بعدم فهم : انتوا تعرفوا بعض
ريم : طبعا فجر هي اللي وصلت ماما لحد البيت لما تعبت بس فجر انتي مش قولتي بتعملي ايه هنا
الجد : فجر تبقى حفيدتي هي وشمس
سمية بصدمة : ازاي انت معندكش غير ندى وآية
صفية : شمس وفجر بنات عز من مراته التانية
سمية بحزن على ليلى : مكنتش اعرف آسفة
فجر : ولا يهمك حتى الكل هنا مكانوش يعرفوا بس انتوا بتعملوا ايه هنا
سمية : انا ابقا اخت صفية وكمان والدنا وعمي ضياء كانوا اعز صحاب
فجر :: اهلا وسهلا تشرفنا ازيك يا استاذ سيف
سيف بنظرة ما : الحمد لله تمام اخبار شمس ايه مش بتيجي الجامعة ليه
فجر :: شمس كويسة بس الفترة دي كنا مشغولين بس ان شاء الله بالكتير اسبوعين وتنزل
وفجأة بدأت كارما تبكي بقوة والجميع لا يعرف ما بها
صفية بخضة : مالها بتعيط كده ليه
ليلى : يمكن جعانة
سيف : اه ممكن واقترب من فجر وحاول اخذ كارما منها ولكن كارما تبكي ولا تريد احد ظلت فجر تهدئها ولكن لم يجدي نفعا ونظرت ريم ليديها لتراها حمراء للغاية
ريم بقلق : ابيه سيف ايد كارما حمرا قوي اتوقع بتعيط علشان كده نظر سيف لابنته بخوف
سيف بقلق : ممكن حد يطلب الدكتور
مروة بارتياح::متخافوش دي نحلة اللي قرصتها
مافيش حاجة تخوف
سيف بعدم ارتياح: لا ممكن نطلب دكتور علشان اطمن
الجد : خلاص يا ابني هنعملك اللي انت عايزه باسم اطلب الدكتور علي يجي دلوقتي
باسم : حاضر يا جدي وحاولت فجر مع الطفلة لتكف عن البكاء وفجأة تذكرت شقيقتها شمس وهي في سن الرابعة حدث معها نفس الموقف وجاءت الجدة وحضرت لها وصفة لتزيح كل هذا الألم
فلاش باك
الجدة بحنان : متعطيش يا شمس طب تعرفي انه قرصة النحلة حلوة
شمس ببكاء وبرآة : لا يا تيتا دي بتوجعني
الجدة : متخافيش يا حبيبتي انا دلوقتي هحط الدوا ده عليها ومش هتوجعك تاني
انتهى الفلاش باك
فجر : ريم تعالي معايا المطبخ دقيقتين
ريم : هنعمل ايه
فجر : تعالي بس وحاولت ان تعطيها كارما وذهبت كارما لريم وهي تبكي وبعد مرور مدة قصيرة من الوقت اخذت فجر تدهن يديها الصغيرة بهدوء حتى يقل الاحمرار والورم قليلا وظلوا يداعبوها حتى تنسي ما حدث وآثناء هذا الوقت جاء الطبيب
علي :: في ايه يا جماعة مين تعبان
ضياء : اطمن يا علي يا ابني دي بنت سيف الصغيرة تقريبا قرصتها حشرة بس ابوها عايز يطمن عليها
علي بترحاب :: ازيك يا سيف نورت اسكندرية كلها
سيف : شكرا يا عمي منورة بيك طبعا
علي : طيب فين البنت وقبل ان يكمل حديثه اتت ريم وفجر وكارما وهي تمسك حجاب فجر بقوة وتضحك على حركات ريم البهلوانية
علي : بسم الله ماشاء الله ايه الجمال ده كله المفروض كنتوا سميتوها قمر بدر مش كارما
ريم بفرح : ابيه كارما خلاص بقت كويسة مش محتاجين للدكتور ابدا
سيف : لا الدكتور وصل خلاص وهيكشف عليها
سمية : يا ابني ما هي كويسة اهي قدامك وبتلعب كمان
علي : خلاص يا جماعه خلوه يطمن برضو ابوها خايف وحقه يطمن أعطت فجر كارما لابيها وبمجرد رؤيته ظلت تمسك بوجه وتضحك بطفولة والجميع مبتسم لها فهي دخلت قلوب الجميع بجمالها وبرائتها
وتم الانتهاء من الكشف
علي : لا لا دي عال العال وكمان مين اللي عملها الوصفة دي وحط منها على ايديها
ريم بسرعة : فجر اللي عملتها انا لو مكنتش اعرف انها إدارة أعمال كنت قلت انها دكتورة او كده على طول عارفة وصفات طبية وطبيعية
فجر : لا ابدا بس تيتا الله يرحمها كانت تعرف في الحاجات دي قوي ولما حد مننا كان بيتعب كانت بتعرف تعمل الحاجات دي انا بس اعرف شوية منهم
علي : ربنا يحفظك يا بنتي بس مقولتوش انه عندكم ضيوف حلوين كده يا سالم
سالم : دول مش ضيوف دول من العيلة يا مراد هابقا اقولك بعدين بس انت هتتغدا معانا انهاردة
علي : لا انت عايز مريهان تقتلني دي مبتاكلش من غيري
آنس بغمزة : ايوة يا سيدي علي الحب
علي : بس يا ولد ما هو القر ده اللي جابنا لورا المهم حمدالله على سلامة الجميلة دي عن اذنكوا يا جماعة لازم امشي
محمد : اتفضل يا علي هاطلع معاك
الجد :: يلا يا جماعة علشان الغدا جهزي السفرة يا صفية يا بنتي
صفية : حاضر يا عمي يلا يا مروة انتي وليلى
سمية : هاجي معاكوا اساعدكوا
معاذ : طب انا هاطلع غير هدومي
في غرفة شمس ظلت تضحك كثيرا على ما فعلته بغرفة معاذ
فلاش باك
ذهبت شمس لغرفة معاذ بحذر حتى لا يراها احد ودخلت الغرفة واغلقتها بهدوء وظلت تنظر لغرفته وهي تفكر ما الذي تدمره له وفجأة وقع نظرها على دولابه ونظرت بخبث له وفتحت الدولاب واخرجت ملابسه ونظرت للالوان بين يديها وهي تبتسم وامسكت قطعه تلو الأخرى وهي تفنن عليها بالرسم وخربت جميع ملابسه واعدت كل شئ في مكانه حتى لا يشك احد
انتهى الفلاش باك
دخل معاذ غرفته وفتح دولابه ليخرج ملابس مريحه له ونظر لجميع ملابسه بصدمة فكيف تلطخت بالألوان هكذا من فعل هذا وامسك ملابسه وهو يشعر بالغضب وهو يتذكر تلك الفتاة الوقحة شقيقته الصغرى
معاذ بغضب وبصوت عالي : شمس شمس
شعر الجميع بالخضة لصوت معاذ العالي وهو ينادي باسم اخته الصغرى
ليلى بخوف : معاذ ماله بيزعق ليه
آنس بسرعة : معرفش شكل شمس عملت حاجة
شمس بارتباك: انا مش عملت حاجة
فجر :: بجد معملتيش قولي الحقيقة يا شمس عملتي ايه في معاذ
نزل معاذ للاسفل وهو غاضب ونظر لشمس نظرة مخيفة
معاذ بعصبية :: ممكن افهم ايه اللي عملتيه في هدومي ده
شمس : انا معملتش حاجة وبعدين اشمعنا انا ما في كتير غيري في البيت اكيد مش انا بس
معاذ : لا لانه محدش اتجرأ يعمل كده معايا إنما انتي انا متأكد انه انتي
شمس بصوت عالي : بقولك ايه روح شوف مين عمل في هدومك كده إنما مش كل حاجة هتجبيها فيا انا عارفة انك بتكرهني وانا كمان نفس الاحساس والله مش لوحدك
اقترب معاذ منها وحاول ان يرفع يده عليها
شخص ما : انت بتعمل ايه اتجننت هترفع ايديك على اختك ونزل احد ما بالكف على وجه معاذ
الجميع بصدمة :: مش معقول
معاذ : معقول كل ده علشان دي
نكمل بقا البارت الجاي؟؟؟؟
يا تري مين ضرب معاذ؟؟؟؟
بقلم أية المهدي.......البارت 8
معاذ بصدمة : معقول كل ده علشان دي
ليلى : انا ربيتك ترفع ايديك على بنت يا معاذ لا وكمان اختك يا استاذ
آنس : ماما ليه كده
ليلى :: مش عايزة كلام خلاص معاذ وشمس غلطانين بس مش معناه انه يرفع ايده عليها
ليلى لشمس: شمس اعتذري من اخوكي واللي عملتيه غلط ده اخوكي الكبير زعلك يبقى تقولي لجدك او اي حد مننا لكن دي حركات اطفال
شمس بخجل من الجميع : انا آسفة انا بس كنت متعصبة قوي ومعرفش عملت كده ازاي
سمية : حصل خير يا جماعة
الجد :: يلا يا معاذ اطلع البس من عند اخواتك اي حاجة ولا ولاد عمك
الشباب : لا لا لا يا جدي
الجد : مالك يا ابني انت وهو
باسم :: يعني يا جدي انت مش شايف معاذ عامل ازاي ده احنا جمبه عصافير يلبس هدومنا ازاي
محمد بضحك : ضحكتوني والله عندكوا حق طيب بقولك يا معاذ ممكن تاخد من عبدالله أو سيف اعتقد المقاس هيبقى مقارب ماشاء الله عليكوا يا ولاد
الجد :: خلاص خلاص روح يا معاذ دلوقتي غير هدومك وانتوا يا بنات جهزوا الاكل مع والدتكم ومرات عمكوا يلا
الجميع : حاضر
فجر يهمس لشمس: حسابنا بعدين يا شمس مش معنى اني دلعتك تتصرفي كده ليه تسمحي لحد يغلطك او يعيب في تربيتنا عارفة لو تيتا هنا كانت زعلت من حالك اللي مبقاش مظبوط
شمس : يا فجر هما اللي من ساعة ما جينا مش عايزنا في بيتهم بس اللي استغربته بقا الفيلم الهندي اللي حصل انهاردة شوفتي ليلى وهي بتضرب معاذ
فجر : انتي قليلة الادب ايه ليلى دي هي بتلعب معاكي قوليلها يا طنط عيب يا شمس
شمس بغيظ : والله انتي طيبة قوي يا اختي
فجر بغضب مكتوم: طيب يلا قدامي وياريت مش عايزة غلط كمان انهاردة احسن والله يا شمس هتشوفي وشي التاني مفهوم
شمس بغيظ : مفهوم
على الجهة الاخري في كندا
هنا بهمس في الهاتف: خلاص بقا يا بنتي جاية اقفلي
الام : رايحة فين تعالي هنا احنا الساعة 10 دلوقتي
هنا بجفا: ماما بلاش حوار كل يوم انا خارجة مع صحابي
الام :: اه صحابك الصايعين اللي ملهمش لازمة صح
هنا : على الاقل صحابي دول بيحبوني وصادقين
الام بصراخ : قصدك ايه
هنا بتآفف كعادتها::مش قصدي انا خارجة اتاخرت وقبل ان تخطي خطوة واحدة خارج المنزل امسكتها الام بغضب
الام : مافيش خروج يا هنا وانا هاربيكي من اول وجديد فهمتي وهاتي الموبيل ده كمان مافيش موبيل تاني وسحبتها للغرفة واغلقت الباب عليها من الخارج
هنا بضيق : ماما افتحي الباب ماما انا مش عيلة علشان تعملي ده فيا
الام : لا عيلة وهتفضلي عيلة وانا هاعيد تربيتك من جديد لاني اتساهلت معاكي وذهبت وتركتها تصرخ بالداخل
في أحدي الأماكن السرية
مجهول1 :: عملت ايه
مجهول 2: كله تحت السيطرة وكمان محدش هيقدر يوصلنا
مجهول 3 : عايز عز وأهله يموتوا بحسرتهم
مجهول 2 : متخافش انا مجهز كل حاجة والشرطة المرة دي مش هتقدر توصلنا وظل الحديث قائم بينهم فيما سيفعلونه وهما سعداء للغاية فانتقهم قريب منهم
في قصر الصاوي
تجمعت العائلة مع بعضها وهما يتحدثون في بعض الأحاديث المختلفة حتى استمتع الجميع لاحد ما آتي لهم فتحت أحدي المساعدات في القصر
الجد بفرح :: كارم حمدالله على السلامة يا ابن الغالي
كارم بحب ::الله يسلمك يا عمي واحشتنا والله
الجد :: لو واحشتكو كنتوا نزلتوا لكن خمس سنين ايه الغربة حلوة قوي كده
ساجد :: طيب يا جدي بالنسبة للواقف ده مستني حد يقولي حمدالله على السلامه طيب
سالم بضحك : لا مش عندهم حق حمدالله على سلامتك يا ساجد باشا
ساجد : شايفين الزوق الله يسلمك يا خالي مافيش حد هنا بيحبني غيرك
ريان بمرح : ده على اساس انك سافرت معاهم ما انت متلقح في وشنا 24 ساعة
ساجد : ليه الاحراج ده بس
آسما باشتياق للجميع: بابا واحشتني قوي قوي
الجد بمحبة لابنته الوحيدة: حمد الله على سلامتك يا آسما كده يا بنتي تغيبي كل ده عن ابوكي
محمد : حمد الله على سلامتك يا آسما واحشتينا كلنا
آسما : الله يسلمك يا محمد والقت آسما السلام على الجميع ولكن استغربت وجود الفتاتين فجر وشمس
آسما باستغراب: مين دول يا جماعة لم تستغرب وجود سمية واولادها فهي تعرفهم جيدا
الجد : يا بنتي انتي على طول كده حتى وانتي نازلة من السفر وتعبانة بتسالي اقعدي ارتاحي وبعدين هقولك فين أمير واحشني الولد ده
كارم : انت عارف يا عمي أمير وطبعه مبيحبش يجي من السفر الا على بيتنا وقالنا ساعتين وهاجي وركوا
سالم : بيتكوا ايه كارم ده انتوا جمبنا على طول مافيش فرق
ساجد : شوفت يا خالي إنما أنا غير قلت لازم اجي اشوف جدي وولاد خالي وكلكوا
مروة بضحك: ده على اساس انك سافرت معاهم ما انت في وشنا هنا على طول
ساجد باحراج مصطنع: ايه يا مرات خالي مش قدام البنات طيب يقولوا ايه دلوقتي عليا اهبل
شمس بمرح : متخافش مش هنقول اهبل متخلف بس وعبيط
فجر بحدة : يا بنتي انتي مبتسمعيش الكلام ليه عايزاني اهزقك كل شوية
شمس بتأفف: يا فجر انا بهزر مش اقصد حاجة من اللي في دماغك انتي عايزة افضل كاتمة على نفسي زيك يعني وابقى كتلة برود نظرت فجر لها نظرة حارقة فصمتت شمس سريعا
الجد : بتقولوا ايه يا بنات
فجر : مافيش يا جدي كنت بقول لشمس حاجة
الجد : طيب يلا يا بنات عايزكوا تعملوا احلى اكل انهاردة علشان آسما وكارم
صفية بفرح : طبعا يا عمي دول الغاليين
على الناحية الأخرى
في كندا كانت تجلس الام شاردة لا تعرف ما ستفعله
دخل الاب للمنزل فهو لم يأتي منذ ثلاث آيام
الام بتريقة: كنت فين حضرتك راجع البيت بعد ٣ ايام لا كلفت نفسك وجييت ليه كنت خليك مع اللي كنت معاهم
الاب بعصبية وارهاق: ابتدينا بقولك ايه انا جاي تعبان وعايز انام ابعدي عن طريقي
الام : مش هابعد بنتك يا استاذ بتشرب مخدرات عارف يعني ايه لسه عندها 17 سنة وعرفت الحاجات دي امال شوية لقدام هتعمل ايه اكتر من كده
الاب ببرود: مش انتي اللي في البيت المفروض تاخدي بالك من ولادك ولا همك الفلوس وبس وابعدي بقا عن طريقي احسن هاعمل حاجة مش هتعجبك وتركها ورحل لغرفته
الام بغضب : يا برودك يا اخي يا برودك انا بكلم مين انا انت كل اللي يهمك الناس الزبالة اللي بتقعد معاهم
لا انا مش هاقعد كده ساكتة لازم اعمل حاجة وتذكرت احد ما وذهبت سريعا وجلبت هاتفها وطلبت احد الأرقام وهي تنتظر الرد بلهفة ولكن لم يجيب احد حاولت مرة أخرى فاتها الرد
الام بلهفة : الوووو
مجهول : مين
الام : انا....................
مجهول :.................
الام بدموع : لا مستحيل
مجهول بكره : انتي دايما كده بتدفعي تمن أخطائك وللأسف بتفوقي بعد فوات الأوان عن اذنك معنديش وقت ليكي سلام وأغلق المجهول الهاتف وهو يتوعد لكل من اذاه
على الناحية الأخرى في احد الأماكن السرية
مجهول ١ : مستعدين
مجهول ٢ : طبعا انهاردة هتبقى نهاية عيلة الصاوي من أكبرها لاصغرها
مجهول ٣ : زعلتوني عليهم وظلوا يضحكوا بخبث وحقد وكره دفين منتظرين لحظة فوزهم وانهاء عائلة الصاوي
مجهول ١: جهز الرجالة ويلا بينا
نكمل البارت الجاي؟؟؟؟؟
يا تري مين اعداء عائلة الصاوي؟؟؟
ومين الام ومين المجهول؟؟؟
بقلم أية المهدي.......البارت 9
آتي يوما جديد باحداث جديدة ستقلب على رأس الجميع
الجد : امال فين سيف ابنك يا سمية
سمية : بيجري يا عمي سيف متعود يجري كل يوم الصبح شوية
سالم : عايز يهتم بصحته بقا يا بابا شباب مش زينا عجزنا احنا
محمد : اتكلم عن نفسك يا سالم انا لسه شباب يا اخويا
ريان بضحك : لا جامد يا بابا طيب ما تيجي نتسابق ونشوف مين فينا اللي شباب
محمد : بس يا ولد افطر وانت ساكت
الجد لابنته: مالك يا آسما ساكته ليه
آسما : محدش فيكوا عرفني مين البنتين الحلوين دول
عز بهدوء : دول بناتي يا آسما
آسما بصدمة : انت متجوز على ليلى يا عز هي حصلت تجيب مراتك وبناتك هنا امال هي فين خطافة الرجالة دي فين
الجد بجدية: آسما اقعدي وعز مطلق ام فجر وشمس من زمان مافيش داعي للكلام ده دلوقتي
ندى : جدو احنا عايزين ننزل نشتري شوية لبس للجامعة انا وآية وممكن ناخد ريم معانا وشمس وفجر لو حابين
الجد بموافقة: تمام يا بنات السواق برة معاكوا في اي وقت بس مش عايز تاخير
سالم : ايه يا بابا هتسيبهم يمشوا لوحدهم طب حد من اخواتهم يروح معاهم
الجد بتفهم: فاهم قصدك بس البنات كبرت يا سالم لازم يعتمدوا على نفسهم ومش لازم نقفل عليهم ونحسسهم انهم أطفال وبعدين دول تربيتنا ولو حصل حاجة التليفون معاهم وعمك محسن كمان معاهم
سالم : اللي تشوفه حضرتك
الجد : يلا يا بنات شوفوا عايزين تروحوا أمته واجهزوا
فجر : معلشي يا جدو انا مش هقدر اروح معاهم عندي شغل إنما لو شمس عايزة تروح عادي مافيش مشكلة
ريم بحزن : ليه يا فجر ده احنا كنا هنتبسط اننا كلنا خارجين مع بعض
فجر : معلشي يا ريم مرة تانية ان شاء الله شمس معاكوا اهو
الجد : خلاص يا بنات سيبوا فجر براحتها قوموا اجهزوا انتوا وانا هقول لعمكوا محسن يجهز العربية
وذهبت لكل فتاة لتغير ملابسها
آسما : بابا انت موافق كده عادي بنات عز من مراته التانية يقعدوا هنا طب مفكرتش في مشاعر ليلي
الجد : آسما دول أحفادي واكيد انا بخاف على بنت اخويا بس معنى كده ارمي ولاد ابني في الشارع دول زيهم زي كل أحفاد البيت وانا عايزاك تعامليهم زي ما بتعاملي الولاد كلهم فهمتي يا آسما كلامي
آسما : فهمت يا بابا
على الناحية الأخرى
مجهول 1 : جاهز
مجهول 2 : جاهز وكله تمام البنات خارجين
مجهول 1 بكره: حلو قوي الكلام ده اللعبة شكلها هتحلو
في قصر الصاوي في غرفة سيف
كان شارد ولا يدري ما يحدث له فهو يريد التحدث لاحد ما لينجده من هذا التخبط الذي بداخله
دخلت سمية لغرفة ابنها واستغربت شروده لدرجة لم يستمع لها وهي تحدثه
سمية : سيف سيف يا سيف
سيف بانتباه: نعم يا ماما في حاجة
سمية باستغراب: لا انت مش عاجبني خالص في ايه مالك يا ابني احكيلي
سيف : َمافيش يا ماما هيكون في ايه يعني
سمية : سيف احكيلي الحقيقة مالك انت بقيت مش منتبه معانا اليومين دول حتى مبقتش تلعب مع كارما كتير في ايه صارحني
سيف بتنهيده: بصراحة يا ماما بقالي فترة حاسس بحاجات غريبة معرفش ايه بيحصلي
سمية بتفهم: فجر مش كده
سيف بنظرة ما : عرفتي ازاي يا ماما
سمية : يا ابني انا امك وافهمك كويس من اول ما لاحظت نظرتك ليها سيف مش عيب انك تفكر في سعادتك يا ابني من جديد ليليان خلاص راحت ده نصيبها فكر في نفسك وفي بنتك وانا مش هالاقي احسن من فجر ليك
سيف برفض: لا يا ماما انا مش ممكن اعمل كده انا بحب ليليان وبس
سمية بهدوء : يا ابني محدش قالك اننا هننسي ليليان بالعكس انت لو نسيتها في يوم ومبقتش تيجي على بالك يبقى مكنتش بتحبها خلي ليليان وذكريتها جواك لكن عيش حياتك وحب من جديد
سيف بتوهان : مش عارف يا ماما
سمية : لا هتعرف لوحدك اقعد مع نفسك وفكر يا سيف هتلاقي الإجابة عندك انت وخرجت سمية من الغرفة وتركت ابنها وهو مشوش من حديثها وبداخله صراعات من الماضي وايضا انجذابه لفجر وتفكيره بها
في الأسفل تجهزت الفتيات واخذوا اذن الجميع وذهبوا مع دعوات الجميع لهم تحركت السيارة بهم نحو وجهتهم ووسط الطريق لاحظ السائق سيارة ما تلاحقهم ولكن لم يبدي اهتمام للأمر وبعد قليل اتت سيارة أخرى بجانبها فانتباه الشك وظهرت عليه علامات الذعر وحاول الإسراع قليلا
شمس بانتباه: مالك يا عم محسن انت كويس
العم محسن : في عربيتين يا بنتي ورانا وواضح انهم ورانا من زمان
ريم بخوف : طيب وماشين ورانا ليه
ندى : اهدي يا ريم متخافيش آية اتصلي بمعاذ دلوقتي
ريم بذعر: عبدالله اتصلي بيه هو ظابط وهيعرف يتصرف
على الجهة الأخرى
مجهول : انت كنت مشغول في ايه يا استاذ البنات دلوقتي في خطر لازم نلحقهم
مجهول اخر : يا فندم انا مكنتش اعرف انه كل ده هيحصل
مجهول بصراخ : جهز نفسك دلوقتي حالا ومش عايز حد يوصله معلومة انت فاهم وادعي ربك محدش من البنات يحصله حاجة
على الجهة الأخرى حاول السائق الإسراع ولكن السيارتين يلاحقوه بسرعة شديدة وبدأت علامات الخوف تظهر على الفتيات
ندى بدموع : بسرعة يا آية ارجوكي دول قربوا علينا
آية : معاذ مش بيرد ريم اتصلي باخوكي
شمس بتوتر : بس اسكتوا ريم هاتي موبيلك اعطتها ريم الهاتف بيد مرتعشة طلبت شمس عبدالله شقيق ريم
في القصر كانت الشباب مجتمعة مع بعضها
تعرف آمير على عبدالله وسيف واحبهم كثيرا
باسم : عبدالله انتوا الشغل عندكوا ازاي في الشرطة
عبد الله : عادي جدا
ريان : ما انت لازم تقول كده يا اخويا قلبك جامد
سيف : خاف منه بقا اصل ده قلبه ميت مش جامد بس وقبل ان يكمل حديثه رن هاتف عبدالله واستغرب كثيرا انه اتصال من شقيقته ريم
سيف : رد كده يا عبدالله ليكون في حاجة
فتح عبدالله المكالمة وفتح المايك ليستمع شقيقه أيضا
عبد الله : ايوه يا ريم وقبل ان يكمل استمع لصراخ الفتيات
سيف بخضه : ريم في ايه بتصرخوا ليه
شمس : انا شمس في عربيتين ماشيين ورانا من فترة وعمي محسن بيحاول يهرب منهم بس مش عارفين واحنا خايفين قوي ارجوك اعمل حاجة مش عبدالله ظابط اتصرفوا
عبد الله بسرعة : انتوا فين يا شمس مكانكوا فين
شمس : معرفش انا هافتح الموقع وانتوا حاولوا توصلوا لينا وفجأة انقطع الهاتف
آنس بلهفة وخوف : يلا بسرعة مافيش وقت وانطلق الشباب سريعا دون التحدث لاحد وهما يتمنوا الوصول لهم قبل أن يحدث شئ
تقدمت السيارتين من سيارة البنات ووقفوا أمامهم فزعت الفتيات بخوف شديد وهما يروا رجال مسلحين ووجههم مخيف للغاية حاول العم محسن ان يهرب بالسيارة ولكن بلا فائدة
احد الرجال : هاتوا البنات حاول العم محسن الدفاع عنهم ولكن تلقى ضربة شديدة افقدته الوعي
شمس بقوة: اوعي إياك تقرب مننا
أحدي الرجال::بس لتحصليه هو كمان
ريم بخوف : شمس اسكتي ليعمل فينا حاجة ونظرت للرجل بذعر خلاص ارجوك سيبها هي مش هتعمل حاجة ابعد سلاحه عنها وهو يسحب البنات بقوه هو وأحد الرجال وفجأة دون مقدمات تلاقي رصاصة مميته باتجاه رأسه
البنات بفزع وصراخ : لالا
نكمل البارت الجاي؟؟؟؟؟
يا تري مين اللي وصل؟؟؟؟
بقلم أية المهدي.....البارت 10
نزلت فصلين مع بعض ولو التفاعل حلو هنزل كمان بارت قراءة ممتعة يا حلوين
البنات : لا لا
الشخص المقنع ::متخافوش اركبوا معاهم وأمر احد رجاله باخذ السائق للمستشفي اطمئنت البنات بعض الشئ وقبل ذهابهم للسيارة ركضت ريم باتجاه الشخص المقنع بخوف فكان احد رجال العصابة يوجه سلاحه عليه
ريم : حاسب وتفادي الشخص المقنع الرصاصة واصيبت ريم بجرح صغير بيديها آثر وقعتها
شمس بخضة : ريم انتي كويسة ريم
الشخص المقنع : متخافوش هي كويسة ده جرح صغير لما وقعت
آية بدموع : انا عايزة اروح
ندى : هنروح دلوقتي يا آية متخافيش صحيح حضرتك مين وليه ساعدتنا ولابس قناع ليه
الشخص المقنع : انا مين وساعدتكوا ليه هتعرفوا في الوقت المناسب دلوقتي لازم تمشوا بس وصلوا سلامي لعز بيه
شمس باستغراب وهمس : ده اكيد حد من العيلة طب عرف ازاي اننا في خطر اكيد الموضوع ده وراه حاجة
ريم : يلا علشان نمشي من هنا بسرعة وتحركت السيارة بالفتيات نحو القصر بآمان
احد الرجال المجهولين: كله تمام يا فندم قبضنا عليهم بس في واحد منهم هرب
الشخص المقنع بتسلية: ومالو ده احنا هنستمتع قوي خلينا نلعب شوية يلا بينا قبل الشباب ما توصل تحركت السيارات دون وجود أي دليل يثبت وجودهم
وبعد فترة قصيرة وصلوا الشباب للمكان لكن لا وجود لاحد فقط السيارة ونظر سيف ورأي هاتف ريم شقيقته لاحظ آنس بعض الدماء المتناثرة على الأرض
آنس بخوف : البنات فين وايه الدم وبدأ بالنداء عليهم بقلق ورهبة بداخله
عبد الله بغضب : مش لحقناهم هيكون مين اللي عمل كده ومصلحته ايه من خطف البنات وآثناء حديثهم جاء اتصال لسيف جذب انتباه الجميع
سيف : ده رقم غريب
معاذ بسرعة : رد ده اكيد اللي اخد البنات
فتح سيف المكالمة وهدأ الجميع ليستمع لما سيقوله هذا المجهول الغامض بالنسبة لهم
المجهول : سيف باشا البنات في آمان وحاليا في القصر والسواق محسن اخدناه على المستشفى وعدا حالة الخطر دلوقتي
سيف : انت مين وعرفت موضوع البنات ازاي
المجهول بضحك : انا مش شغلتك بس قول لعبدالله باشا بعد كده انه لسه جاي كتير لازم ياخد باله مش هو بس عيلة الصاوي كلها مش انت عندك طفلة اسمها كارما برضو خلي بالك منها
عبد الله بغضب : انت مين وعايز ايه ولم يجد رد نظر للهاتف ليجد المكالمة انتهت
ريان بتفكير: يا ترى مين دول وعايزين مننا ايه
آمير : المشكلة انه قال انه لسه اللي جاي كتير
عبد الله بتوعد : انا اكيد هعرف مين ده وازاي يتجرأ يهددنا
معاذ : يلا بينا نرجع البيت نطمن على البنات وبعدها نروح لعم محسن تحركت الشباب نحو القصر وبعد مدة وصلوا للقصر وركضوا للداخل ليجد الجميع حول الفتيات للاطمئنان عليهم وكل فتاه في حضن والدتها
فلاش باك
وصلت السيارة للقصر وبمجرد نزول الفتيات للداخل تحركت السيارة بسرعة كبيرة دخلت الفتيات وكانت علامات الخوف والذعر من الموقف واضحة عليهم
انتبه الجد لدخولهم بيد فارغه ولكن انصدم من مظهرهم
الجد : ايه ده مالكوا ايه اللي حصل حد عملكوا حاجة
سمية بخضة : ريم بنتي الجرح ده من ايه فهمونا في ايه
صفية : في ايه يا بنات ذهبت آية وندى باتجاه والدتهم وهم يبكون بشدة
سالم بقلق : حصل ايه يا بنات فهمونا
شمس باستيعاب قليلا : انا هقولك يا عمي واحنا في نص الطريق كان في عربيتين ماشين ورانا عمي محسن حاول يهرب منهم بس هما كانوا اسرع وقطعوا علينا الطريق واكملت بدموع وكانوا هيخطفونا بس وصل شخص مقنع ورجالته وانقذونا وعمي محسن اتصاب وهو بيحاول يدافع عننا وفي المستشفى دلوقتي
الجميع بصدمة : كل ده حصل معاكوا وظلت كل ام محتضنة ابنتها بخوف نظرت شمس لهم بحزن فكانت تتمنى ام مثلهم وظلت تنظر حولها لعلها تجد شقيقتها لتجد الأمان بين احضانها نظر الجد لها وعلم بما تفكر وقبل ان يذهب باتجاهها ذهبت ليلى لها بتردد
ليلى : انتي كويسة يا بنتي محدش منهم اذاكي
احضنتها شمس بهدوء وظلت تبكي فهي عنيدة للغاية وتجلب دائما المشاكل لها ولكن اليوم خافت كثيرا فهي اعتقدت انها لن ترى شقيقتها وعائلتها بعد الآن فهي أحبت الجد كثيرا والفتيات أيضا اتصدمت ليلى في البداية من موقفها ولكن استوعبت خوفها لما حدث لها اليوم وظلت تهدئها بحنان امومي والجد مبتسم من موقف ابنة أخيه
انتهى الفلاش باك
الشباب ::انتوا كويسين حد منكوا اتآذي
البنات : احنا كويسين الحمد لله
عبد الله بنظرة ما : انتوا رجعتوا ازاي
ندى : اه صح يا جدو الشخص المقنع اللي انقذنا قالنا كلام غريب مش فهمنا حاجة منه
الجد باستفهام: قال ايه
شمس : قال هتعرفوا كل حاجة بعدين وقال وصلوا سلامي لعز بيه
عز باستغراب : قال اسمي انا
سيف : انت ليك اعداء يا عمي اكيد الشخص ده بينك وبينه حاجة ايه اللي يخليه ينقذ البنات هستفاد ايه من كده
باسم بتفكير : ما يمكن شرطة
معاذ : استنوا هو فين ليث
عبدالله : بتسال عنه ليه
معاذ : معرفش حاسس انه ليه علاقة بالموضوع
عمرو : وانا كمان هو من اول ما دخل البيت هنا وهو غامض وكمان مش بيقعد معانا كتير على طول برة
عبدالله بغموض : الحكاية شكلها كبيرة قوي
سيف : بتفكر زي ما انا بفكر
عبدالله : لو طلع هو يبقى كارثة يا سيف وجوده يعني في حاجة خطيرة
وأثناء حديثهم نزلت فجر للاسفل وهي تحمل كارما وتلاعبها
فجر : ايه ده لحقتوا تيجوا ايه ده مالكوا
نظر لها الجميع بابتسامة فهي تبدو كأمها للطفلة
ركضت شمس : واحتضنتها ببكاء وبدأت كارما بالبكاء أيضا وهي تحاول ابعاد شمس عن فجر
فجر :شمس مالك في ايه طيب استني طنط سمية ممكن تاخدي كارما شوية
سمية : هاتيها يا حبيبتي عنك حاولت سمية أخذها ولكن هي تبكي بشدة وتحاول ابعاد شمس بيديها الصغيرة
صفية بضحك : دي كارما شكلها مش عايزة شمس تحضن فجر
شمس بطفولة : لا هاحضنها بقا وان كان عاجب كارما هانم
فجر : شمس هتعملي عقلك بعقل بطفله طب ابعدي كده هاخليها تهدأ شوية وبعدين هافهم منك في ايه ابتعدت شمس عنها لتضمها كارما بقوة استغرب الجميع تعلقها الشديد بفجر
ندى بتسلية: طب استنوا كده هحاول اخدها من فجر ونشوف
شمس : انتي يا بت مش كنتي بتعيطي من شوية
ندى : استني بس كارما حبيبتي تعالي ليا هنلعب مع بعض وظلت تلاعبها بلطف وحاولت أخذها من فجر لتصرخ كارما بقوة
ندى باسف : انا اسفة والله يا ابيه سيف مكنتش اقصد اخليها تعيط انا كنت عايزة العب معاها بس
سيف : ولا يهمك يا ندى وذهب لفجر هاتيها يا فجر انا هاخدها وانيمها
فجر برفض : لا ارجوك سيبها معايا انا هانيمها معايا وطنط سمية عرفتني مواعيد رضاعتها وانا هابقي اغيرلها
شمس بغيرة : الله الله يا ست فجر وانا روحت فين كارما هتاخدك مني
ريم وآية وندى : واحنا كمان
فجر بضحك : خلاص خلاص تعالوا نسهر انهاردة مع بعض
ريان وباسم بحماس : عايزين نيجي معاكوا
شمس : بس يا بابا دي سهرة بنات
عمرو بزعل : كده يا شمس ده انا حتى اخوكي
آمير بغيظ : ولا يهمك احنا كمان هنعمل سهرة واحسن منهم كمان
الجد بابتسامة: مش هتكبروا ابدا يا ولاد انا طالع ارتاح شوية
نكمل البارت الجاي؟؟
يا ترى مين الشخص المقنع؟؟؟
ومين اعداء عيلة الصاوي؟؟؟؟
بقلم أية المهدي....
البارت 11
تجمعت البنات في غرفة فجر لقضاء السهرة معا ولاحظت فجر شرود ريم
فجر : ريم مالك سرحانه في ايه
ريم بحزن : كنا بنعمل كده انا وليليان على طول وابيه كان بيضايق مني جدا وكان بيبقى غيران على ليليان قوي
ندى بآسف:: ربنا يرحمها يا رب ادعيلها يا ريم هي مش محتاجة غير اننا نذكرها بالخير وندعيلها وبعدين احنا معاكي اهو ولا مش عاجبك
ريم : لا طبعا عاجبني ونص يا سلام وظلت الفتيات تمرح كثيرا
في غرفة الشباب
ظل عمرو وباسم يأخذون الغرفة ذهابا وإيابا
ريان : ما تقعد يا ابني انت وهو انا جالي صداع
عمرو بتفكير: يا ترى بيعملوا ايه
آمير : هما مين دول اللي بيعملوا
باسم : قصده البنات يا اخويا
آنس : وانت مالك يا ابني انت وهو احنا جايين نسهر ولا نفكر البنات بتعمل ايه
عمرو : ايه رأيكو نروح نشوفهم بيعملوا ايه
سيف : لا انت اتجننت خالص اقعد هنا
عمرو بخوف قليلا منه : خلاص خلاص هاقعد
على الجهة الأخرى في كندا
حاولت هنا الخروج من غرفتها فأمها لا تخرجها منذ ذلك اليوم مر كريم شقيقها بجانب غرفتها
كريم بالخارج : هنا محدش هنا بلاش صوت عالي وكل شوية تنادي على ماما انا عايز اذاكر
هنا بخبث:: كيمو طيب ما تخرج اختك حبيبتك من هنا انا زهقت من الحبسة
كريم : لا انتي عايزة ماما تزعل مني وكمان هيحصل مشكلة لو خرجتك
هنا بهدوء : كريم انا مش هخرج من البيت بس عايزة اطلع من الاوضة دي ارجوك يا كريم خرجني
كريم بطيبة: طيب بس اول ما تشوفي ماما تدخلي الاوضة تاني علشان متزعقليش
هنا : تمام ماشي وفتح لها كريم الغرفة ذهبت هنا لغرفة والدتها وأخذت بعض الأموال وحاولت الهروب من المنزل قبل أن يراها كريم وأخذت هاتفها وتحدثت لصديقتها
هنا : ألوو ايوة يا سلمى انا اخيرا خرجت من البيت
سلمي : هنا فينك بقالك فترة مختفية بقولك جاسي عاملة حفلة بيتها ما تيجي كلنا رايحين نتقابل هناك
هنا بحماس : ok جاية اغلقت هنا الهاتف وهي تبتسم فهي أصبحت حرة الان وذهبت لوجهة لا تعلم أن كانت خيرا لها ام لا
على الناحية الاخري في احد الأماكن السرية
مجهول 1 بغضب : ازاي اتحبسوا كلهم الشرطة عرفت ازاي فهمني
مجهول 2 بشر: معرفش بس دول تقريبا كانوا مخططين بس المشكلة انهم كانوا مقنعين معرفش مين اللي قدر يعمل كده والا كان زمانه مش عايش دلوقتي
مجهول 1: اسمع تعرفلي مين الشخصين دول وتخلص عليهم وانا هشوف خطة جديدة لعيلة الصاوي تحرك المجهول لوجهته كما آمر رئيسه
مجهول بشر :: طيب يا ضياء انت وعيلتك انهاردة خرجتوا من تحت ايدي بكرة لا والايام بينا بس الصبر وظل يبتسم بشر وحقد
في القصر كانت العائلة مجتمعة في الاسفل
آسما : بقولك ايه يا بابا احنا مش هنجوز معاذ ومروان ولا ايه
الجد : وهما بنات يا آسما هنجوزهم عافية الولاد مش عايزين براحتهم انا اه نفسي افرح بيهم كلهم بس هما اللي هيعيشوا مش انا
ليلى : معاك حق يا بابا بس احنا عايزين نفرح بيهم ونشوف ولادهم ولا ايه رايك يا مروان انت ومعاذ
مروان بهدوء : كنت عايز اتكلم معاكوا في الموضوع ده انا بصراحة معجب ببنت اتعرفت عليها وقت سفري
صفية بفرح :: بجد يا مروان طيب هي حلوة اسمها ايه عندها كام سنة
باسم بمرح : اهدي يا ماما انتي هتعملي ليها كشف ولا بطاقة هنعرف دلوقتي
ليلى :: بس يا واد يا باسم قول يا مروان هي مين معاك صورة ليها هات نشوفها وانت يا معاذ مش هتفرحني مافيش بنت معجب بيها
معاذ : لا بس انا بقول اني معنديش مانع اتجوز بس العروسة عليكوا شوفوا البنت المناسبة ليا
شمس : ايه ده هو لسه في حد بيخلي اهله يختاروا العروسة مش لازم تختارها انت وتحبها
معاذ :: لا انا واثق في اختيارات اهلي ثم الحب مش كل حاجة اكيد هحبها بعد الجواز
ليلى بفرح : ده انا عندي عروسة ليك قمر يا معاذ انت عارفها طبعا يا عمي
الجد بخبث: ايه يا ليلي دي متنفعش معاذ دي اجن من شمس اخته عايزة الواد يحصله حاجة بدال ما كانت واحدة يبقوا اتنين
شمس بزعل طفولي::قصدك اني مجنونة يا جدي
الجد بضحك : لا يا حبيبتي انت ست العاقلين
معاذ :: ماما مش عايز اتجوز خلاص انا ناقص جنان في حياتي اكتر من كده مش بعيد اقتلها واخلص ونظرة لشمس بنظرة ما
شمس بقلق : انت مالك بتبصلي كده ليه
ليلى ::احنا كنا بنهزر معاك يا حبيبي معقول برضو مش واثق فيا وفي اختياري وبعدين مش تخوف اختك كده
شمس بتسرع : والله يا لولو انتي عسل ومافيش منك اتنين
نظر لها الجميع بصدمة وبعد قليل انفجر الجميع بالضحك على تعابير وجهها الطفولية والعابسة
الجد : تعالي يا شمس جمب جدك انا حاسس انه كارما اعقل منك
شمس بغيظ :: كده يا جدو شايف بيضحكوا ازاي عليا
على الناحية الأخرى
وصلت هنا لمنزل صديقتها للاحتفال معهم
سلمي بفرح : هنا كويس انك جيتي تعالي
هنا : بقولك ايه يا سلمى ما تيجي نروح احسن او نخرج في مكان تاني
سلمي : هنا بطلي عبط بقا احنا ما بنصدق نخرج نفك شوية من أهلنا اللي في البيت رغم اننا في دولة أوربية لسه متمسكين بالعادات الشرقية هنا انا وانتي وسط أصحابنا الاوربيين انا تعبت جامد لحد ما خليتهم يتقبولنا ويحسوا اننا منهم اقعدي بقا خلينا نتبسط شوية
مايكل : اوه هنا الجميلة هنا مرحبا يا حلوة لقد اشتقت لكي
هنا بقرف::مايكل بقولك ايه ابعد عني احسنلك انا بحذرك اهو ذهب مايكل ولكن توعد لها ولاهانته
جاسي : هنا حبيبتي اتبسطت انك قبلتي الدعوة علشان كده عندي حاجة حلوة ليكي قوي
هنا : حاجة ايه دي وانتظرت اجابتها بفضول فاخرجت جاسي زجاجة صغيرة بها شئ ابيض
جاسي بخبث: ده نوع جديد نزل السوق قلت مافيش حد هيجربه الأول قبل هنا
هنا برفض : لا مش عايزة
جاسي : ما بكي يا فتاة
هنا : انا قررت مخدش الحاجات دي تاني ماما بدأت تشك فيا وفي تصرفاتي
سلمي بتآفف : اوف يا هنا يعني مش عارفة تخبي عليها وتخليها تصدقك طب اقولك دي اخر مرة علشان خاطر جاسي طيب
هنا : هاتي يا جاسي وعلى رآيك مرة مش هتخسر وأخذت الزجاجة منها وبدأت تتعاطى المخدرات واصدقائها ينظرون لها بخبث ودهاء حاولت هنا الوقوف لم تقدر تشوشت الرؤية لديها واحست بخفقان قلبها الشديد وفقدت الوعي سريعا ولم تدري بشئ بعدها صرخت سلمي بخوف فهي خائفة على نفسها كثيرا
سلمي : يا خرابي دي شكلها ماتت روحنا في داهية
جاسي باستغراب: الم تحزني على صديقتك
سلمي بكره : انها ليست صديقتي انا بكرهها ومش كرهت قدها في حياتي انا بس خايفة على نفسي ومش عايزة اروح في داهية ويلا قومي ساعديني هناخدها نحطها جمب اي مستشفى تحركت الفتيات وهما يحملوا هنا وادخلوها السيارة وتحركوا لوجهتهم
في منزل والداي هنا
الام بغضب : ازاي يا كريم تفتحلها انا مش منبه عليك ليه عملت كده
كريم بدموع : والله يا ماما قالتلي مش هتخرج من البيت وانا صدقتها وفتحت
الام : اروح فين بس يا ربي اعمل ايه وجاء اتصال هاتفي لها
الام : الووووو
احد الاشخاص:.....................
الام بصدمة : لا مش ممكن
نكمل البارت الجاي؟؟؟؟؟
يا ترى هنا حصل ليها ايه؟؟؟؟؟
بقلم أية المهدي..........