الفصل 7
*📚قصص||روايات||منوعة📚*
_*بإدارة 📚قصص||روايات||منوعة📚*_🧡
*❴📖ترويض مهرة*
*❴🔢❵الـــبـــــــــــ❴السابع والاخير❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:قناة:*
*📚قصص||روايات||منوعة📚*
*❴📚❵↵القناة:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*https://whatsapp.com/channel/0029VaNMcGuHFxP9VtPQOm2A*
*📚قصص||روايات||منوعة📚*
➖➖➖➖➖➖➖➖➖
.
➖➖➖➖➖➖➖➖➖
*❴🧡❵↵ *يمان سعيد* 🧡
➖➖➖➖➖➖➖➖➖
*❴📝❵↵تـنـسـيـق:قناة:*
*📚قصص||روايات||منوعة📚*
https://whatsapp.com/channel/0029VaNMcGuHFxP9VtPQOm2A
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*
قصص وروايات 📚📖:
_ الجزء السابع والاخير _
كنان: مهرة!
بس سمعت صوته.. ركضت بدون وعي وغمرته.. بقيت دقايق وهي بحضنه.. بدا تشبع منه قبل ما تسأله اي شي
وهوا ما قدر يمنعها.. لانه كان بحاجة هاد الحضن اكتر منها
كنان: طمنيني عنك.. انتي منيحة
بعدت عنه شوي ومسحت دموعها
مهرة: بهمك كتير تعرف اذا انا منيحة او لأ
كنان:....
مهرة: ليه عم تتجاهلني.. كم مرة اتصلت عليك .. كم مسج بعتلك.. ليه ما عاد اجيت لعنا
زعلان لاني عيطت عليك وخانقتك!! بس كان لازم تعذرني لاني ما توقعتك تعرف كل شي عني بسهولة
كنان: لا مو زعلان منك
مهرة: لكان شو !! ندمان بعد ما عرفت الماضي تبعي.. ولا لاني صرت رد سجون
كنان: لا والله مو هيك..
مهرة: لكان شوووو جاوبني.. احكي ايا شي.. برودك عم يقتلني.. بتوقعني بحبك وبتعلقني فيك وبتهرب بدون إذن.. ليه بتعمل هيك
اذا كنت رح تتركني ليه لتحرك مشاعري اتجاهك
كنان: شو!
مهرة: اي انا بحبك.. واشتقتلك كتير.. غيابك عم يقتلني.. حاج بقى
شدها لحضنه بقوة.. ودمعو عيونو.. ما عاد فيه يبقى بعيد عنها اكتر من هيك
نسي وعده لابوه ونسي كل ماضيها بس بدو يبقى حدها..
مسك ايديها بقوة واخدها لجوا البيت
مهرة: لوين اخدني.. كناان وقف.. لوييين
بقي عم يسحبها معه بدون ما يجاوب على تساؤلاتها.. لوقت ما وصلو لغرفة ضيافة.. كان قاعد فيها كوثر ونضال عم يحكو سوا
بس شافو كنان ماسك ايد مهرة وجايبها لعندهم اطلعو ببعض باستغراب
كوثر: كنان!!!!
مهرة: انا.. انا بعتذر.. ما كان بدي فوت هيك.. عن اذنكم
سحبت حالا لتهرب فوراً من نظراتهم.. بس وقفها صوته
نضال: وقفي
خفق قلبها بخوف.. وقفت وهي عم تطلع بالأرض
نضال: انتي مهرة مو
مهرة: اي
نضال: اتركونا لوحدنا
كنان: بابا
نضال: لا تخاف بدي حاكيها ع انفراد شوي
قامت كوثر من محلها وهي عم تبتسم ل مهرة وتطمنها.. اخدت كنان معها وطلعوا لفوق
نضال: ارتاحي
مهرة: انا بعتذر كتير.. ما كان بدي فوت.. بس كنان يلي فوتني هيك
نضال: هلء ارتاحي وبعدا بنحكي
اطمنت من نبرة صوتو.. وقعدت قبالو ورجليها عم يرجفو
نضال: سمعت عنك كتير.. بس لاول مرة بشوفك.. هلء فهمت ليه ابني اعجب فيكي ووقع بحبك
مهرة: عفواً
نضال: لا تستغربي.. بفهم نظرات العشاق.. وبفهم كنان كتير منيح.. هذا الشبل من ذاك الأسد.. وانا بعمركن حبيت وعشقت وضحيت كمان
ابتسمت مهرة.. وبقيت ساكتة وعم تسمع فيه
نضال: اكيد جاية لتتسائلي مين يلي ساعدك.. وليه كنان بعد عنك.. والف سؤال عم يدور براسك
مهرة: ايه
نضال: ياستي كنان اجا ركض لعندي.. كان وقتا خايف عليكي كتير ومستعد يعمل ايا شي ليساعدك
مهرة: وانت ساعدتني!
نضال: يعني فيكي تقولي هيك...بس بالمقابل طلبت من كنان يبعد عنك
اتدايقت مهرة وحست حالا رح تختنق.. قامت من محلها فوراً وحكت بصوت عم يرجف
مهرة: معك حق.. معك حق تخليه يبعد عني.. بعرف انه عندي ماضي سيء.. وبعرف اني ما بليق بمستوى كنان.. بعتذر منك كنت غلطانة وقت جيت .. بوعدك انا ماعاد قرب لهون
نضال: هههههه لك شبك انبحتي هيك.. هلء انا حكيت شي من هالحكي كله
مهرة: لا
نضال: لكان حللتي ع كيفك!!
مهرة:...
نضال: أنا ما منعت كنان عنك بسببك انتي.. انا بس كنت خايف عليه من زياد وابنه.. وانتي بتعرفيهن كتير منيح.. وقت بحطو ضد حدا ما بيتركوه.. لهيك اخدت منه وعد يبعد عنك.. لمصلحتك ومصلحته مو اكتر
مهرة: معك حق.. انا مافكرت بهالطريقة.. وانا كمان مستحيل إئذي كنان او كون سبب بأي شي يضره
كنان: مين قال انك ممكن تكوني سبب بهالشي!!
فات كنان وقرب ناح مهرة ومسك ايدها.. واطلع بعيون ابوه
كنان: ابي بترجاك.. انا وعدتك وما قدرت اخلف بوعدي.. بس حاج.. ما فيني ضل العمر كله بعيد عن مهرة.. أنا بحبها وبدي اياها.. اذا ما رح توقف معي هلء مين رح يوقف معي
كوثر: خلص نضال شبك.. من ايمتى قلبك بفرق بين عشاق! نسيت شو عملت من 20 سنة وقت الي وقعت بحبي
نضال: هههه لا ما نسيت
كنان: لكان ياابي اعطينا بركاتك
مهرة: بس انا مافيني
كنان: مهرة شو عم تحكي
مهرة: بخاف وائل يئذيك.. او يعملك شي
كنان: مهرة هاد جبان ما بيسترجي.. لا تخافي
نضال: كنان معه حق.. وائل مو متل ما انتي متخيلة..
بعرف زياد من وقت طويل.. وبعرف وائل من وهو صغير.. وائل الي عمل فيه هيك هوا ابوه.. من صغره كان ع طول عم يضربه ويعذبه.. بتذكر لما كان يضرب امه قدام عيونو ويجبرها تتعاطى.. يعني الي عملو وائل معك كان مجرد دروس تعلمها من والده.. لهيك وائل بإختصار انسان جبان تربى ع الاهمال من ابوه وتعود ع حياة الوحدة.. لا تتوقعي منه يقدر يعمل شي
مهرة: يعني وائل ما رح يئذي كنان
نضال: ما بيعملا.. هالمرة يلي أذاكي مو وائل.. ابوه..
من مصادري عرفت انه جن بس شاف الجرح ع وجه ابنه.. وحب يعلم عليكي
مهرة: الله ينتقم منهن الهي
كوثر: الله ما بينسى حق حدا حبيبتي.. اهدي
كنان: شو ياابي يعني رح تعطينا موافقتك
نضال: انا ما بهمني الا سعادتك انت واخوك ياابني
ركض كنان وبوس ايدين ابوه بحب واتشكره.. وقربت كوثر ناح مهرة وبوستا
==========بقلم_نداءالصوالحي
طلعو سوا من بيت كنان ليوصلها ع بيتها.. ماشيين بجنب بعض وكل واحد خجلان من التاني.. ما نطقو بأي شي
بعد دقايق وصلو البيت.. وقفت مهرة والتفتت ع كنان
مهرة: شكراً كتير
كنان: ع شو
مهرة: ع كل شي.. لانك ما مليت مني.. لانك ما هربت بس سمعت قصتي.. لانك ما تخليت عني وانا بالسجن.. ع شغلات كتيير
كنان: شكراً الك انتي
مهرة: بس انا ما عملت شي
كنان: بكفي انك بحياتي
خجلت مهرة ونزلت راسا.. قرب منها كنان وطبع بوسة ع خدها.. قبل ما يبعد عنها شافت وائل واقف عالرصيف المقابل الهم وعم يطلع بحقد
مهرة: وائل!!!
التفت كنان عليه.. كان رح يروح لعنده يخانقه بس فوراً مهرة وقفته
مهرة: كنان لو سمحت.. بدي روح حاكيه شوي
كنان: مهرة شو عم تحكييي
مهرة: كنان بترجاك.. ما رح اتأخر.. استناني هون
كنان: بعد كل شي عملوو!!!
مهرة: انا بس بدي انهي هالنقطة يلي وقفنا عندا.. بترجاك انطرني شوي
مشيت مهرة ل عند وائل.. وبقي كنان واقف معصب من يلي عملته.. بس ما حب يعارضها.. قربت لعند وائل واطلعت فيه
مهرة: شو وائل.. ضايل شي ما عملته!
وائل: هاد كنان!
مهرة: اي هاد كنان.. الانسان يلي حبني.. صدق معي.. تقبلني بكل عيوبي.. يلي طلعني من حفرة انت وقعتني فيها
وائل: مهرة.. انا ما دخلني بالي صار انا..
مهرة: هش وائل.. بكفييي.. بكفييي.. تحملتك كتير.. عذاب سنين عشته بسببك.. ضعت وضيعتني معك.. شو باقي لتعمل فيني اكتر!!!
بعرف انه ما دخلك بالي صار معي هالمرة.. وبعرف السبب ابوك بس اذا انت ما تركتني بحالي ابوك ما رح يتركني
بترجاك اطلع من حياتي.. خليني كفيها واقدر سامحك ع الي عملتو فيني.. لا بقى تورجيني وجهك بنوب عم تفهم
بقي وائل ساكت.. ما قدر يحكي شي.. بيعرف انه دمرها.. وخسرها.. بيعرف انها كرهتو وما عادت اله.. لو خانقها او دللها او طلب السماح خلص هوا خسرها..
سحب حالو ومشي بدون ما يحكي شي..
رجعت لعند كنان ووقفت قباله.. لف وجهه عنها
مهرة: شو زعلت
كنان: لا ابدا ست مهرة.. من شو بدي ازعل.. لانك تركتيني ورحتي ل هداك يلي اسمه وائل.. ولا لانك منعتيني فش خلقي فيه
مهرة: بعتذر منك.. ما بدي تزعل.. بس كان لازم احكي معه لاخر مرة
كنان: اي وشو حكيتو
مهرة: حكتلو شي كان لازم من زمان احكيه.. خلص كنان افردها بقى.. يلا تعى هلء خلينا نفوت لجوا
مسكت بايده بحب وابتسمتله وهوا ماقدر يقاوم ابتسامتها.. فتحت الباب وفاتو لجوا
وبس أهلها شافو كنان ركضو كلهم عليه
بثينة: يييه عليي لك والله نورت البيت ياابني
مها..مرام: استاذ كنااان اشتقنالك كتير
ملك: هييي وانا اشتقلك كتير
كنان: ااخ والله انا كمان اشتقتلكن كتيييير واشتقت للبيت وللبلكون
اطلع بمهرة وغمزها..
مهرة: هههههه
بثينة: الي زمان ما شفت هالابتسامة ع وجهك.. الله يفرح قلبك ياامي
مهرة: امي عم تبكييي!! ياروحي تعي خلص.. الله لا يجيب زعل بهالبيت ابدا
حضنت امها وركضو البنات حضنوهم سوا.. ووقف كنان يطلع عليهم وعم يضحك من قلبو..
كنان: شو رح تقضوها بكي.. ما رح تشربوني قهوة
بثينة: اي احلى فنجان قهوة ولو
راحت بثينة لتعمل القهوة ورجعو البنات ع غرفتهم..
مهرة: تعى نفوت عالبلكون لوقت تجهز القهوة
فاتو وقعدو عالارض سوا بجنب بعض.. طلعت مهرة من جيبها الدخان لتولع سيجارة
مسكها كنان فوراً ورماها من البلكون
مهرة: يييه لك شووو عملت
كنان: يلي لازم اعملو.. من هلء ما عاد في دخان ولا ارجيلة عم تفهمي
مهرة: شو استاذ كنان مو لاني اعطيتك وش تيجي تتحكم فيني..
قبل ما تكمل حكي.. قرب منها وباسها خلاها تنسى قصة الدخان
بعد عنها وابتسم.. وهي بعدها مصدومة
كنان: لاني ما بحب ريحة الدخان خلص من هلء انسيه.. فهمتي علي
مهرة: ههههه رح جيب القهوة
هربت من عيونه.. وهوي ركز ضهره عالحيط وغمض عيونه وهوا عم يبتسم..
==========
#بعد_مرور_ثلاث_سنوات
كانت قاعدة عم تحضر عالتي في.. وبحضنها نضال الصغير عمرو شهرين
اجا كنان من المطبخ حامل صحن فواكه مقشرة ومزينة.. قعد حدها
مهرة: يممممم يسلمو ايديك حبيبي
كنان: مفروض انا يلي قاعد وعم قول يسلمو ايديكي حبيبتي
مهرة: ما انا وانت واحد حبيبي
كنان: اي جهزي حالك بعد شوي لنروح نساعد جاد.. كل اهلك واهلي رح يجتمعو
مهرة: والله! لشو!!
كنان: بدو يعمل مفاجأة ل مها ويطلب ايدها
مهرة: عم تحكي جد.. ييه شو رومنسي
كنان: شو قصدك
مهرة: ولا شي حبيبى.. عم قول مووو رومنسي
كنان: ههههه
صفنت شوي واطلعت بالتي في..
مهرة: كنان.. علي الصوت شوي.. بسرعة
مسك كنان الريموت وعلى صوت التي في..
الاخبار: تم القاء القبض على رجل الاعمال زياد بيك وابنه وائل زياد ومجموعة كبيرة من الرجال في مخازن ل تصنيع الممنوعات والمواد المخدرة بالقرب من منطقة جبلية نائية.. وجاري التحقيق في الامر
كنان: يالطيف.. مافي شي ببقى مخبى بهالدنيا
اطلع كنان ع مهرة كانت لسا شاردة..
كنان: شبك مهرة..!
مهرة: ولا شي.. بس بفكر قديه ربنا عادل بحكمه.. قد ما تأخر الحق إلا ما ييجي بيوم.. فعلا الله ما بينسى حق حدا.. ربنا يمهل ولا يهمل
كنان: اي حبيبتي والنعم بالله.. هاد حقك وحق كتير ناس غلابا.. خلص انسي حبيبتي وخلينا نروح بلا ما نتأخر
مهرة: اي معك حق.. خود نضال غيرله تيابه لبين ما اجهز
كنان: والله!!! شو ست مهرة! بدك ترويض من اول وجديد
مهرة: هههههه لا خلص توبة حاجتي ترويض.. قايمة انا غيرله
#إنتهت