الفصل 5
*📚قصص||روايات||منوعة📚*
_*بإدارة 📚قصص||روايات||منوعة📚*_🧡
*❴📖ترويض مهرة*
*❴🔢❵الـــبـــــــــــ❴الخامس❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:قناة:*
*📚قصص||روايات||منوعة📚*
*❴📚❵↵القناة:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*https://whatsapp.com/channel/0029VaNMcGuHFxP9VtPQOm2A*
*📚قصص||روايات||منوعة📚*
➖➖➖➖➖➖➖➖➖
.
➖➖➖➖➖➖➖➖➖
*❴🧡❵↵ *يمان سعيد* 🧡
➖➖➖➖➖➖➖➖➖
*❴📝❵↵تـنـسـيـق:قناة:*
*📚قصص||روايات||منوعة📚*
https://whatsapp.com/channel/0029VaNMcGuHFxP9VtPQOm2A
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*
قصص وروايات 📚📖:
_ الجزء الخامس _
الساعة 12 ونص بالليل.. جوات فيلا زياد بيك اكبر رجل اعمال بالبلد.. فات وائل ع اطراف اصابعو لحتى ما حدا يسمعو.. بس فجأة اشتعلت كل اضاءة الفيلا
كان زياد بيك قاعد حاطط رجل ع رجل وعم ينتظر ابنه بعصبية
بس شافه وائل وقف فوراً وحاول يخبي وجهو واثار الجرح عن ابوه..
زياد: اهلا وسهلا وائل بيك.. بدري كتير.. خليك للفجر ما بيضر
وائل: بابا انا..
زياد: لك كم مرة رح احكي لا تتاخر.. بترجع عالبيت قبل ال 10 المسا.. رجعت للمشروب!!!! رجعت للقرف يلي بتتعاطااه
تعى لهون.. قرررب
قرب وائل بخوف ناح ابوه وهوا حاطط راسه بالأرض متل الذليل.. اول ما ابوه شاف وجهه.. ما عاد جمع ونسي شو كان رح يقول
زياد: شو هاد !! شو الي عورك هيك!؟ انت من ايمتى حدا بقدر يئذيك هيك.. لك انطق احكي شي
وائل: ما حداا انا وقعت
زياد: ماحدا !! معناها هديك الحقيرة الي عملت هيك
وائل: لا مو هي
زياد: اي مبلا هي.. ما حدا بسترجي يمد ايدو ع ابن زياد بيك.. الا بنت ال...
وائل: انا يلي اتعرضتلها لهيك دافعت عن حالا
زياد: شو ياروحي عم تدافع عنا.. لتكون حنيت!!
وائل: لا
زياد: اي فكرت.. روح انقلع من وشي غسل هالدم وحط شي عالجرح لا تخليه يعلم.. وهي الحقيرة انا بعرف اتصرف معا
وائل: شو رح تعمل يا ابي
زياد: يلي ما عرفت تعمله انت ياجباان.. انقلع من وشي
==========
فاق كنان من بكير وجوات قلبه امل كبير.. غمض عيونه واتذكر يلي صار بينه وبين مهرة
حط ايده ع قلبه واتذكر لمسة ايدها.. ابتسم وقام فوراً ونزل لعند امه
كنان: ياصباح الفل والياسمين ع احلى كوثر
كوثر: هههههه الله يسعد صباحك امي.. شو هالرواق
كنان: مبسوط امي مبسووط
كوثر: الله يفرح قلبك ع طول
كنان: شو وين ابي وجاد
كوثر: ابوك هلء طلع عالشركة وجاد من زمان بالكلية
كنان: اي ماشي.. وانتي شو رايك تيجي معي مشوار صغير اليوم
كوثر: لوين
كنان: ممم بدي عرفك ع عيلة رح تحبيهن كتير
كوثر: عيلة ولا صبية!
كنان: اي الصبية وعيلتها
كوثر: اي ليش لا.. ان شاء الله خير الله يفرحني فيكن
كنان: اي لكان رح اعطيهن خبر بجيتنا العصر
==========
سكرت بثينة التلفون وهي عم تضحك وتفرك ايديها ببعضهن من الفرحة
بثينة: وأخيراً.. الله يفرحني فيكي يابنتي
طلعت مها من غرفتها كانت عم تدرس ومو رايحة ع دوامها اليوم.. لفت انتباهها صوت امها وهي عم تحاكي حالها
مها: شو ماما فرحيني معك
بثينة: اليوم جاي استاذ كنان وامه لتتعرف علينا
مها: جد اميي.. عم تحكي جدد.. اوولي شو رح ألبس
بثينة: لك اهدي شبك.. انتي شو خصك ل تنفعلي هيك
مها: اه.. لا امي ولا شي
بثينة: اي.. والله مفروض مهرة يلي تشوف شو رح تلبس رح تجنني هالبنت
مها: اي انا بجهزلها تياب حلوين هلء
دق باب البيت وهني عم يحكو.. راحت مها فتحته وكان ولد صغير..
مها: اي حبيبي مين انت!
الطفل: بعتتني مهرة لوصل هالظرف عالبيت وهي شوي وبترجع
مها: مهرة!!
الطفل: اي وبتقلك لا حدا يفتحو لحد ماتوصل هي
مها: ماشي يسلمو
فاتت مها حطت الظرف ع الطاولة وفاتت لعند امها.. خبرتها انه طفل صغير بعتته مهرة.. استغربو بس ما اعطو اهتمام للموضوع
الساعة 12 الظهر كانت مهرة راجعة من دوامها وصلت ع باب البيت.. فتحت الباب شلحت بوتا وقبل ما تفوت لجوا كانت الشرطة واقفة وراها
الضابط: اتفضلي معنا انسة
مهرة: انا !!
الضابط: اي مو انتي.. مهرة ال..
مهرة: اي صحيح بس ليه لاجي معكن.. ما عملت شي
الضابط: معنا امر بتفتيش البيت.. والقبض عليكي
مهرة: عم تمزح مو.. ايه تفضل فتش حضرة الضابط
فتحت باب البيت وفاتت لجوا.. عيطت لامها وخبرتها ياخدو طريق
فاتو الشرطة عالبيت واول مااجت عينهم عالظرف يلي عالطاولة
الضابط: اي هاد الظرف يلي اجا البلاغ عنه.. افتحو ياعسكري
مهرة: ظرف شو
العسكري: سيدي فيه كيس بودرة وحبوب
الضابط: حلو والله.. خدوها
مهرة: ظرف شوو ما بعرف لمين.. انت شو عم تخبص.. اتركووني.. مامااااا
اجت بثينة ومها ركض من جوا وهني عم يرتبكو.. حاولو يفهمو الضابط انه هالظرف مو الهن وانه طفل يلي جابو عالبيت من شوي.. بس ما حدا كان عم يسمع.. شحطو مهرة معهم.. وبقيت مها وبثينة يبكو ويصرخو
==========بقلم_نداءالصوالحي
وقت العصر بس جهز كنان حالو هوا وامه.. توجهو ع بيت مهرة يلي قريب كتير من بيتهم.. دقايق وكانو واصلين
دقو عالباب مرة وتنين وتلاتة.. لوقت ما فتحت مها الباب ووراها مرام وملك عم يبكو
بس شافهم كنان ارتبك.. اطلع بامه ورجع اطلع فيهم
كنان: مها.. ملك.. مرام شو صاير!؟ ليش عم تبكو
مها: تفضلو
فوتتهم مها لجوا البيت وهيا عيونا مورمين من البكي.. ومحرجة كتير وما قادرة ترفع راسا
وكوثر بعيونا الف سؤال واستفسار
كنان: لك شبك احكي.. وين مهرة.. وخالة بثينة
مها: مو هون
كنان: لكان وين!
بلشت مها تبكي وتخبر كنان يلي صار معهن.. وخبرته انه بعدها امها لبست فوراً ولحقت مهرة ع مخفر الشرطة
كنان: لك كييف هيك صار.. مين ورا هالشي
مها: اكيد وائل مافي غيرو
كوثر: لا حول ولا قوة الا بالله.. شو هالمصيبة هي
مها: بعتذر كتير خالة.. كان مفروض نستقبلك بس والله ما بعرف شو يلي صار.. كلو بسببي.. مابعرف كيف قبلت أخد الظرف من الولد بلا ما اتاكد
كوثر: خلص حبيبتي لا تبكي ان شاء الله ما بصير الا كل خير.. شو كنان رح تضل ساكت ما رح تتصرف
كنان: كيف ما رح اتصرف.. انا رايح فوراً.. تعي وصلك امي خليني روح
كوثر: انت روح هلء وانا ببقى عند البنات هون.. حرام خطي صغار لوحدهن بالبيت
مها: مابدي عذبك خالة
كوثر: ولا يهمك حبيبتي
كنان: ماشي انا ما رح اتأخر بخاطركن
كوثر..مها: الله معك
==========
كانت قاعدة وعم تحاول تكتم خوفها وتوترها.. الف سؤال عم يمشي براسها.. معقول وائل يكون حقير لهالدرجة ويلبسها هيك تهمة! لهالدرجة ما شبع من تعذيبها؟؟
فات لعندها المحقق.. رمى الظرف قبالها عالطاولة وقعد
المحقق: شو انسة مهرة ما رح تعترفي انه هالظرف الك
مهرة: سيدي ما بعترف بشي مو الي
المحقق: انتي تم القبض عليكي بتهمة حيازة المخدرات وجوات بيتك.. والكذب مو لصالحك ابدا
مهرة: انا ما عم كذب.. كنت بالكلية وبس وصلت لقيت الشرطة ورايي.. وهالظرف في طفل موصلو ع بيتي قبل ما اوصل.. هي الحقيقة
المحقق: اي سمعنا هالحكي من امك قبل شوي.. بس هي حقيقة ما بتتصدق.. طفل بدو يلبسك هيك تهمة.. وبعدين مين الو مصلحة ليئذيكي إذا كنتي صادقة
مهرة: مابعرف
المحقق: مهرة لازم تساعديني لاقدر ساعدك.. الك سوابق عنا من قبل بتهمة التعاطي.. لهيك صعب صعب كتير تطلعي من هالقصة
فات العسكري لعندهم..
العسكري: سيدي في واحد بدو يقابل المتهمة
المحقق: اي هي هي علينا مو ملحقين زيارات.. من شوي امها وهلء مين
راجعلك.. فكري منيح
طلع لبرا وتركها قاعدة عم تتحسر ع حالها والوضع يلي وصلتلو.. هي ما لحقت ترتاح من السجن والمصح والامور هاي كلها.. تعبت وماعاد فيها تتحمل اكتر
غمضت عيونها وحاولت تحبس دمعتها.. بس لما فات لعندها وسمعت صوته.. الدمعة خانتها فوراً
كنان: مهرة.. انتي منيحة!
قامت من محلها ركض وارتمت بحضنه.. كانت بحاجته كتير.. بكيت.. وبكيت عن سنين
لفها بايديه وحاول يهديها ويطبطب عليها.. لوقت ما وقفت بكي.. بعدت عنه ورجعت قعدت محلها وهي حاسة بخجل كبير منه
مهرة: احم.. كنان شو جابك لهون.. مين خبرك
كنان: مو وقته هلء.. شو يلي صار.. مين السبب.. شاكة بحدا..
مهرة: ما بعرف
كنان: اكيد وائل مو
مهرة: وائل!! انت شو عم تحكي.. منين بتعرفو لوائل
بقي ساكت وما لقى جواب لسؤالها.. بس اضطر يجاوبها ليقدر يحل هالقصة
كنان: انا بعرف وائل.. وبعرف كل شي صار معك بسببه.. مابدي تخافي ولا تضعفي اليوم رح طلعك من هون
حست بقهر وحرج كبير.. حست حالها رح تختنق وكبريائها وكرامتها عم تنداس بس لانه عرف ماضيها
مهرة: انقلع لبرااااا.. عم تفهم.. مابدي شوفك.. لك مين قلك بدي تساعدني.. اطلع لبراا
كنان: مهرة اهدي
مهرة: اطلع لبراا.. جاي لتعايرني موو.. انقللع
طلع فوراً لبرا وركز ايديه التنتين عالحيط خبط راسو بقوة.. حس بغباء كبير من يلي عملو
كنان: لك غبي غبي.. ليه خبرتها اني بعرف.. اووف