الفصل 4
*📚قصص||روايات||منوعة📚*
_*بإدارة 📚قصص||روايات||منوعة📚*_🧡
*❴📖ترويض مهرة*
*❴🔢❵الـــبـــــــــــ❴الرابع❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:قناة:*
*📚قصص||روايات||منوعة📚*
*❴📚❵↵القناة:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*https://whatsapp.com/channel/0029VaNMcGuHFxP9VtPQOm2A*
*📚قصص||روايات||منوعة📚*
➖➖➖➖➖➖➖➖➖
.
➖➖➖➖➖➖➖➖➖
*❴🧡❵↵ *يمان سعيد* 🧡
➖➖➖➖➖➖➖➖➖
*❴📝❵↵تـنـسـيـق:قناة:*
*📚قصص||روايات||منوعة📚*
https://whatsapp.com/channel/0029VaNMcGuHFxP9VtPQOm2A
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*
قصص وروايات 📚📖:
_ الجزء الرابع _
بعد يومين كان قاعد كنان ع نار عم يستنى الوقت يمر وتصير الساعة 5 المسا ليروح ل بيت مهرة.. عم يخطط لشغلات وافكار كتير ليقدر يخليها تثق فيه وتفتحلو قلبها..
لبس تيابه وجهز حاله.. وطلع من البيت.. كان جاد واقف ع باب البيت عم يحكي بالموبايل
جاد: وانا بحبك كتيير كتيير متى رح شوفك
وقف كنان وراه وتسمع عليه وهوا عم يضحك.. بس بعدا صارت ملامح وجهه تتغير
جاد: لك بعرف انه هلء حصتك مع كنان بس مشتقلك انا خليني شوفك شوي من عالباب
حط كنان ايدو ع كتف جاد ولفه بقوة لعنده وعيونه عم تطلع نار
جاد: خلص بحاكيكي بعدين.. باي باي هلء
اخي انا..
كنان: شو هاد الي سمعته!؟ من متى بتحاكي مها
جاد: اخي والله
كنان: لك من متى بتعرفها أساساً
جاد: خليني فهمك اول
كنان: اي تفضل فهمني
جاد: والله بالصدفة بيوم انت كنت عم تتحمم.. وموبايلك كان عم يدق باسم مها.. انا فكرت شي بنت من يلي بتعرفهم بالغربة رديت عليها وبس سمعت صوتها كيف طفولي وفهمت انك المدرس تبعها ماقدرت امنع حالي واخدت رقمها.. وبعدين بقيت اتواصل معها وابعتلا عالواتس لوقت ما وافقت تحاكيني.. وهلء نحنا بنحب بعض
كنان: بتحبوو بعض.. لك بتعرف هي كم عمرها.. لسا ما خلصت مدرستها
جاد: بعرف والله بعرف بس انا بحبها كتير وما بفكر ائذيها انت بتعرفني
كنان: هات موبايلك
جاد: لشو
كنان: عم قلك هات
اخد كنان الموبايل وحذف رقم مها من عندو وعملو حظر.. ورجع الموبايل ل جاد
كنان: جاد لا بقى تحاكي البنت.. لساتها صغيرة وهي بنت يتيمة ما تلعب بمشاعرها عم تفهم
جاد: انا ما كنت عم اضحك عليها انا بحبها
كنان: اي اذا فعلاً بتحبها انطرها بس تفوت الكلية.. لا تبقى تتواصل معها جاد انا عم نبهك
جاد:.....
==========
عم تروح وتيجي بالبلكون بتوتر وكل شوي بتطل لتشوفه وصل ولا لا.. اطلعت بالساعة وشافت انه متأخر 5 دقايق قلقت كتير.. نزلت لتحت ع باب البيت وبالصدفة كان عم يوصل انحرجت ولفت لترجع فوراً بس قبل ما تطلع ع الدرج لحقها
كنان: مسكتك.. شو كنتي عم تنطري فيني
مهرة: انا!! لا ابدا كنت عم اتمشى
كنان: والله! بهدول التياب!!
اطلعت ع تيابها بخجل
مهرة: ليه شبهن
قبل ما ترفع راسها كان كنان مقرب منها كتير
كنان: حلوين.. ولابقين
اتوترت وجهها اتلون للاحمر.. بعدت عنه ورجعت لورا بس هوا قرب اكتر وحاصرها بين ايديه
كنان: شبك.. ليه خدودك صارو حمر هيك.. خجلتي
مهرة: ا ا انا
كنان: انا بحبك
كانت عم تطلع ع شفايفه وهوا عم يقول بحبك.. حست قلبها رح يوقف والدم جري بعروقها.. للحظة تذكرت وائل وكم مرة قال هالكلمة.. اختنقت وبعدت كنان عنها فوراً وركضت لفوق
كنان: اخ يامهرة.. شو بدي اعمل لتحسي فيني
طلع لفوق ودق ع باب البيت فتحتله بثينة..
بثينة: يااهلا سهلا بالاستاذ كيفك ابني
كنان: بالف خير خالة.. كيفك انتي
بثينة: بخير ابني تفضل فوت مها عم تستناك بالصالون
كنان: يا الله..
فات كنان وبلش دروسه مع مها.. بس هالمرة هي كانت بعالم تاني.. ما تركت الموبايل من ايدها ولا لحظة
كنان: مها اتركي الموبايل ما رح تقدري تحاكيه
مها: ش شو.. مافهمت استاذ
كنان: جاد.. ما رح تقدري تحاكيه
مها: انا
كنان: مابدي تحكي وتبرري شي.. هني كلمتين وبدي تسمعيهن.. جاد اخي وبعرف انه بحبك وما رح يتخلى عنك.. بس انتي هلء صغيرة وقدامك اختبارات ومستقبل طويل.. لازم ما تفكري بهالاشياء هلء وتتركي موضوع جاد ع جنب.. وبنحله بس تخلصي الاختبارات ونشوف النتائج منيح!
مها: حاضر استاذ.. ما رح تخبر امي او مهرة مو!
كنان: لا تخافي ما رح خبر حدا بشرط انك تبعدي عن جاد هلء وتنتبهي لدروسك
مها: حاضر بوعدك.. ممم طيب شو صار معك انت ومهرة
كنان: ااخ مشواري طويل
مها: شو رايك نقصره
كنان: كيف يا خبرة انتي
مها: هههههه من هلء بنبلش.. اضحك معي هههههههه
كنان: هههههههه.. لك هيني بضحك بس ليه
مها: لك اضحك وخلص
مها..كنان: هههههههه
ثواني وكانت مهرة واقفة ورا الحيط عم تطلع عليهن..
مها: شفت كيف الغيرة اشتغلت
كنان: هههههه لك هي فعلاً اجت ركض
مها: اي لكان.. هلء احكيلي نكتة
كنان: مابعرف
مها: لك اي شي
كنان: اي ماشي لحظة اتذكر.. اه مرة تنين عم يحششو واحد قال للتاني لازم ندرس فنون.. قله المحشش التاني ليه.. رد عليه لانه انت رح تدرس فن تشكيلي وانا فن اشكيلك
مها: ههههههههههه ييه شو بايخة هالنكتة ما لقيت غيرا هههههه
كنان: هي الي طلع معي
شوي وكانت مهرة واقفة فوق راسهن مكتفة ايديها وعم تهز برجلها بعصبية
مهرة: ان شاء الله خير.. ضحكونا معكن
مها: اي اختي كنان كان عم يقلي نكت.. يا الله شو مهضوم
مهرة: كنان!! اسمه استاذ كنان ولي.. وبعدين نكت شو هي وانتي عليكي اختبارات
شو استاذ كنان هي بتسميها دراسة
كنان: حبينا نروق شوي ونغير جو انا ومهوش
مهرة: مهوش.. شي حلو والله.. استاذ كنان الحقتي عالبلكون فوراً
راحت مهرة عالبلكون ومها وكنان ماتو من الضحك ع شكلا وعصبيتا
كنان: هههههه لك مو معقولة انتي عرفتي دواها
مها: هههههه قوم استاذ بلا ما تخلص علينا
كنان: اي خدي حلي هدول المسائل لوقت ما ارجع
مشي كنان وتوجه عالبلكون فات وسكر الباب وراه.. كانت مهرة عم تدخن.. اول ما فات طفت سيجارتها وقربت لعنده
مهرة: شو استاذ المهذلة هي فيك تفهمني
كنان: مهذلة شو
مهرة: عم تضحك انت ومها وتحكيلا نكت وتدلعا.. مو ملاحظ انك زودتها مع طالبتك
كنان: عادي نحنا صرنا رفقات وانا بحب رفه عنها شوي اثناء التدريس لحتى تضل عندا طاقة وتركز معي
مهرة: بالله والنكت يلي رح تعطيها طاقة.. التزم حدودك اذا سمحت هي بتضلا طفلة
كنان: شبك غيرانة
مهرة: غيرانة!! ههه ههه من شو بدي غار
كنان: يمكن.. غيرانة علي
قرب كنان لعندها.. وبقيت مهرة توجع لورا.. بلشت تعرق وتتوتر.. لوقت ما وقفته بايدها ع صدره
مهرة: لا تقرب اكتر
حط ايدو ع ايدها وقربها لعند قلبه
كنان: شوفي.. حسي دقات قلبي كيف عم تنبض باسمك.. حسي فيني
مهرة: كنان
كنان: روحو لكنان.. بكفي تعذبي فيني
مهرة: انا ما عم عذبك.. انا مافيني
كنان: ليه ما فيكي
مهرة: مافيني وخلص.. لو سمحت لا تسالني عن شي
كنان: انا بحبك.. ما رح ائذيكي.. ولا اجرحك.. بدي عوضك عن كل جرح بقلبك.. بس اوثقي فيني
مهرة: مو بايدي
كنان: حاولي.. اعطيني فرصة اثبتلك
مهرة: بخاف
كنان: هشش.. لا تخافي من شي طول ما انا معك
بقيو عم يطلعو ببعض.. ثواني.. دقايق.. ساعات مرت.. ونظراتهم ما ملت
قاطعهم صوت مها.. رجع كنان ل يكمل الحصة ل مها.. وبقيت مهرة محلها بالبلكون.. حطيت ايدها ع قلبها وضحكت
مهرة: شو مهرة! رح تحبي وتعشقي من جديد ههه.. ووائل! والي عملو فيني.. كيف رح اوثق بحدا مرة تانية!! ما بدي انجرح مو حمل عذاب جديد
بس كنان مختلف كتير عن وائل.. كنان حنون.. رقيق.. وبحبني كتير.. شايفة الصدق بعيونو.. انا لازم اعطيه واعطي حالي فرصة
==========بقلم_نداءالصوالحي
تاني نهار فاقت مهرة من بكير.. افطرت مع امها وخواتها وتوجهت ع كليتها.. كانت ماشية عالطريق وعم تبتسم وتطلع بالأرض وتضرب الحجارة برجلها متل الأطفال .. حاسة بشي جديد فات لقلبها.. شي عم يحيي المشاعر والاحاسيس الي انطفت جواتها
وهي عم تمشي خبطت بحدا واقف قبالها.. ضحكت وخبت وجهها بايديها
مهرة: هههههه كنااان
وائل: ممم لا مو كنان
رفعت راسها لفوق وقلبها عم يرجف من الصوت يلي سمعته
مهرة: ا ا انت شو بدك!
وائل: اشتقت لحبيبتي يلي ما بتسال فيني.. شو ما اشتقتيلي
مهرة: انقلع من وشي
مشيت لتبعد عنه بس سحبها بكل قوته
وائل: تعي لهون.. لوين رايحة.. الي زمان عم حاول التقي فيكي
مهرة: اترك ايدييي
وائل: مين هاد كنان
مهرة: ما دخلك
وائل: عم قلك جااوبي
مهرة: لك اترررك ايدي ياحقيير
وائل: ما اشتقتي نشرب سوا.. ونروق سوا
مهرة: اشتقت اقتلك بايدي هدول وارتاح من قرفك
وائل: والله كبرانة يابنت بثينة وصرتي تدافعي عن حالك
مهرة: من زمان ياابن زياد.. ولا نسيت الاتلة يلي طعميتك اياها من قبل
شدها بقوة من كتفها وقرب وجها من وجهها.. قرفت من ريحة انفاسو يلي كانت بتذكرها بشغلات كتير نسيتها
وائل: لا ما نسيت.. ولسا ما شفيت غليلي منك
مهرة: لك انت شو بدك مني.. كل يلي عملتو فيني ما كفاك.. حل عني بقى
وائل: ما حذرتي.. رح يبقى اسمك مرتبط باسمي لوقت ما نموت سوا شو رايك
مهرة:....
وائل: هاتي بوسة
مهرة: مافشرت ياحقيير بعدد
ضربته مهرة كف قوي ع وجهو وبعدا ضربتو بالشنتة.. لنزل الدم من شفافو
وائل: يخرب بييييتك.. شو عملتي.. ااااخ... والله لدفعك الثمن غاالي يامهررة
مهرة: اعلى ما بخيلك اركبوو.. بعد عن وجهي
حملت شنتايتها ومشيت بأقصى سرعة لوصلت للموقف وركبت بسيارة
حطيت ايدها ع قلبها يلي كان ينتفض من الخوف والتوتر.. قد ما بتتصنع القوة لساتها انثى وفي جواها ضعف وخوف
لسا الماضي والايام السودا يلي عاشتا مع وائل والي عاشتا بالمصح محفورة جواتها
حاولت تنظم انفاسها حتى ما تبكي.. كانت رح تختنق.. بس لاول مرة من سنين.. بتبكي.. وبتطلع وجع وقهر من جوات قلبها..
يتبع...