الفصل 3
*📚قصص||روايات||منوعة📚*
_*بإدارة 📚قصص||روايات||منوعة📚*_🧡
*❴📖ترويض مهرة*
*❴🔢❵الـــبـــــــــــ❴الثالث❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:قناة:*
*📚قصص||روايات||منوعة📚*
*❴📚❵↵القناة:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*https://whatsapp.com/channel/0029VaNMcGuHFxP9VtPQOm2A*
*📚قصص||روايات||منوعة📚*
➖➖➖➖➖➖➖➖➖
.
➖➖➖➖➖➖➖➖➖
*❴🧡❵↵ *يمان سعيد* 🧡
➖➖➖➖➖➖➖➖➖
*❴📝❵↵تـنـسـيـق:قناة:*
*📚قصص||روايات||منوعة📚*
https://whatsapp.com/channel/0029VaNMcGuHFxP9VtPQOm2A
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*
قصص وروايات 📚📖:
_ الجزء الثالث _
مرت الايام وكنان بلش يروح يعطي دروس ل مها.. كان يلتقى ب مهرة بس من بعيد لبعيد وهوا عم يدرس اختها.. لهلء ما حكو سوا او قعدو.. كان يضل طول الوقت عيونو عليها عم تروح وتيجي كل ما تمر من قدامو ينسى مها ودروسها ويلاحقها لحتى تغيب عن نظره.. بكل حركة بتعملها وبكل زعاق بتحكيه لخواتها كان يبتسم من قلبه ويحبها اكتر.. ليه وكيف ما بيعرف!
انتبهت عليه مها.. لانه مو اول مرة يعمل هيك
مها: استاذ لا تعذب حالك
كنان: شو! مافهمت
مها: بقصد مهرة.. لا تعذب حالك معها.. ما رح تطلع بشي
كنان: ممم افهم انه هي هيك طبيعتها وما رح تقبل اتقرب منها
مها: اي بالضبط.. وحتى لو فكرت تتزوجها كمان ما رح تقبل
كنان: اوف ليش بقى
مها: قصة طويلة.. بس انا عم قلك حتى ما تتعب وتعبها معك
كنان: وشو هالقصة الطويلة ما رح تخبريني فيها
مها: بدك مهرة تقتلني!!
كنان: هههههه معك حق ما بستبعد.. طيب شو رايك تساعديني لحتى ما اتعب وتعبها
مها: ممم كيف
كنان: من الاخر انا بعرف مهرة من قبل تلاقيت فيها واعجبت فيها من اول نظرة وكتير حابب اتقرب منها.. متاكد رح تحبني.. بس بدي تساعديني
مها: هوا انا بشك انك تقدر تعمل شي.. بس رح ساعدك مو مشان شي بس مشان اختي يمكن تقدر تطالعها من يلي هي فيه
كنان: وشو يلي هي فيه
مها: رح يجي يوم وتعرف
كنان: ممم طيب.. يلا بشو رح تساعديني
مها: اي هي سهلة كتير.. في مساعد اقوى مني بالبيت.. رح يموت ويزوج مهرة
كنان: هههههه بالله ومين بكون؟
مها: امي
كنان: هههههههه ما شاء الله عيلة بتشرح القلب
مها: هههههه ما تضحك.. امي بس كل هدفها تطلع بنتها من ماضيها وتريحلها قلبها.. وما شافت غير الحب والزواج يلي رح ينسوها
كنان: مممم ماشي يلا يلا قومي من هلء لشوف
مها: الساعة 6.. لا انت قوم وبتلاقيها بهاد البلكون ع ايدك اليمين.. وانا رح خبر امي
كنان: وشو معنى هلء ع ال6 بالبلكون
مها: خلص هلء روح قبل ما تطلع
كنان: ماشي رايح
قام كنان من الصالون واتوجه ناحية البلكون.. كان الباب مشقوق شوي طل ولمح مهرة قاعدة ع كرسي هزاز وعم تدخن.. استغرب وفات بلا ما يفكر
مهرة: لك انت شو جابك لهون
قامت من محلها طفت السيجارة واطلعت فيه
مهرة: بحكي معك.. شو الي فوتك هون
كنان: بتدخني!!!
مهرة: وبأرجل كمان عندك مانع شي
كنان: هههههه لا ابدا بس انه مصدوم
مهرة: اي لا تنصدم عادي
طلعت من جيبها علبة الدخان وولعت سيجارة تانية.. مدت ايدها ل كنان
مهرة: بدك!
كنان: لا لا ما الي فيه
مهرة: لكان بشو الك
كنان: هههههه بالقهوة
اشر بايدو ع فنجان القهوة يلي بجنبها
مهرة: حاضر هلء بخبرهم يعملولك
كنان: لا بدي هاد الفنجان
مهرة: بس شربت منه
كنان: عادي.. ما بقرف لا تخافي
غمزها وأخد الفنجان وقعد بمحلها ع الكرسي الهزاز.. وهي بعدها بتطلع فيه.. ابتسمت ل جرائته وركزت قباله ع حيط البلكون وهي عم تطلع بغروب الشمس الارجواني
كنان: بتحبي تقعدي لوحدك بهيك وقت
مهرة: كتيير.. بحب شوف الشمس وهي تم تتخبى ليطلع القمر بدالها.. بحب شوف كيف بينقلب الليل لنهار.. بحس لسا الدنيا فيها امل.. والتغيير موجود بهالحياة
كنان: اكيد.. بس في ناس واقفة وما بتتغير مع تغيير هالكون
انزعجت منه وعبست.. طفت السيجارة واستئذنت
مهرة: انا لازم فوت علي دراسة.. روح بلا ما تتأخر ع مها
==========
الساعة 7 المسا فات عالبيت.. قلبه عم يرقص مابيعرف ليه.. مهرة اخدت قلبه وعقله.. مافيه ينكر حبه واعجابه فيها ابداً..
كانت امو قاعدة عم تقرأ قرآن.. بس شافتو.. ابتسمت وهوا قربلها.. وباسها ع جبينها وقعد حدها
كنان: يسعد مساكي امي
كوثر: ومساك ياروحي.. شبك مو على بعضك
كنان: هههههه مابعرف
كوثر: ولا.. لتكون عشقان
كنان: بجوز
كوثر: شو بجوز.. يا اي يا لا
كنان: والله ما بعرف هههه
كوثر: اي بس تعرف خبرني
كنان: اكيد ياموو اول شخص بيعرف هههههه
كوثر: الله يهدي بالك.. حطلك تتعشى
كنان: لا مو جاي ع بالي بدي روح نام راسي عم يوجعني شوي
كوثر: سلامتك ياامي
كنان: الله يسلمك يامو
طلع كنان ع غرفته.. فات وسكر الباب.. شلح الجاكيت ورماه ع المكتب.. ورمى حالو ع السرير وبقي صافن بالسقف.. كان عم يشوف وجه مهرة بكل مكان حواليه.. غمض عيونه ل تروح من بالو.. لكن ما قدر حتى وهوا مغمض عم يشوفها..
==========بقلم_نداءالصوالحي
المسا والكل نايم.. قامت مهرة من سريرها بهدوء.. اخدت علبة السجاير من تحت مخدتها وطلعت لبرا الغرفة.. راحت عالمطبخ عملت فنجان قهوة وطلعت تقعد بالبلكون
كانت الساعة رح تتعدى العشرة وهي بتكون نايمة بهالوقت بسبب الدوام بكير.. بس في شي مطير النوم من عيونها
وقفت وركزت ع سور البلكون طلعت سيجارة وولعتها.. وبلشت تدخن وتشرب قهوة سوا
عادة الدخان اكتسبتها من وقت الي انفصلت عن وائل.. كانت السيجارة الملجئ الوحيد لينسيها ماضيها
بس هالملجئ خلاها تتعود عليه وما تقدر تبطله
وهي عم تشرب قهوة لمحت حدا من بعيد واقف بجنب شجرة عم يطلع عليها.. حاولت تركز فيع اكتر لوقت شافت مين بكون
مهرة: كناان!!! شو جايبه بهالوقت
طفت السيجارة ونزلت ركض لتحت.. كان رح يهرب بس نادته قبل ما يروح
مهرة: كنااان وقف..
وقف كنان وهوا حاطط ايديه بجيبه وحاسس بالاحراج من يلي بيعمله
مهرة: شو جابك هلء في شي
كنان: لا ابدا.. بس
اطلع كنان فيها من فوق لتحت.. كانت لامة شعرها كعكة كبيرة لفوق ولابسة بيجامة كلها رسومات متل الطفال.. كانت بريئة كتير وعاكسة الطفلة يلي جواتها.. ضحك من قلبو عليها
كنان: هههههههه
مهرة: في شي بضحك بالله
كنان: لا ابدا بس طالعة حلوة وانتي لابسة بجامة ملك
مهرة: ملك!! هي بيجامتي
كنان: والله! بعتذر فكرتها تبعت اطفال هههه
مهرة: جاي تتغالظ علي اخر هاللليل شو بدك
كنان: مابعرف
مهرة: كيف ما بتعرف الساعة 10 شو الي جايبك بهيك وقت
كنان: قلبي
توترت مهرة وحاولت ما تبتسمله
مهرة: اتصلك بدكتور قلب بعرف صديق شاطر كتير ومشهور ها اسمه الحانوتي ههههه
كنان: مهرة عم احكي عنجد.. قلبي يلي جابني لهون.. انا خلص لازم خبرك.. يعني كيف بدي فهمك.. ما بعرف شو صرلي بس انا طول الوقت عم فكر فيكي وبس اسرح بشوفك وبس غمض عيوني بشوفك بكل مكان عم اتخيلك.. انا
قبل ما يكمل حكي وقفته بنبرة حادة
مهرة: اسمع مو لاني نزلت هلء لشوفك تفكرني نزلت محبة ولا شوق.. لا يروح فكرك لبعيد انا بس فكرتك ناسي عنا شي بالبيت وما حبيت تضلك واقف بالشارع هيك.. بعدين مو لاني اعطيتك وجه وحاكيتك تزودها بالحكي اوك.. انت مجرد استاذ بيدرس اختي لا اكتر ولا اقل.. وهلء روح من هون بلا ما يحكو عنا الجيران شي.. تصبح ع خير
تركته وهربت من قدام عيونه بلحظات.. وكنان سحب حالو ومشي فوراً.. فاتت عالبيت وسكرت الباب.. قلبها عم يدق بقوة كبيرة وحاسة نفسها رح ينقطع
عم تتذكر كلامه.. نظراته يلي كلها حب وصدق.. كيف قدرت تقاومهم ما بتعرف
اتدايقت كتير من حالها ومن الطريقة يلي حاكته فيها.. بس هي اكتر طريقة لتحمي حالها من حب تاني وجرح جديد
رجعت عالبلكون بسرعة لتشوفه بس ما كان موجود.. اتدايقت كتير وسحبت حالها وراحت لتنام..
==========
مر اسبوع ع الي صار بين مهرة وكنان.. والتنين عم يتجنبو بعض.. عم يشوفها يوم بعد يوم في بيتهم بس ولا مرة رجعو يحكو سوا.. هيا ما تنازلت لتعتذر وهوا حاول ينتظر ليسمع اعتذار...
وهوا عم يدرس مها وعيونه مو مركزة بشي
مها: استاذ والله ما عاد فهمت شي ركز معي
كنان: بعتذر مها تعبان شوي هالايام.. خلص يلا خلينا نركز ونكمل
مها: بسبب مهرة؟!
كنان: الصراحة ايه.. حكتلك شي!
مها: لا ما حكتلي بس عرفت لوحدي
كنان: كيف عرفتي
مها: مهرة بتحبك.. وكتير كمان
كنان: هههههه بتهيئلك.. مهرة ما بتطيقني
مها: عم قلك والله بتحبك.. لك ولا عمري شفتها بهالحالة.. ع طول سرحانة.. وعم تسمع اغاني للعشاق .. واحيانا بفيق بالليل بشوفها رايحة جاية تتفقد البلكون وتطلع حواليها كانها بتنتظر حدا
كنان: عم تحكي جد
مها: والله استاذ متل ماعم قلك
كنان: بس مستحيل.. انتي ما بتشوفي كيف عم تعاملني حاولت مرة اعترفلا بمشاعري صدتني قبل ما كمل حكي
مها: اي انا خبرتك رح تتعب معها بسبب ماضيها
كنان: ما بدك تخبريني بقى وتريحي بالي
مها: بخاف اذا خبرتك تعرف مهرة.. والله ما بتسامحني عمرها كله
كنان: وعد مني ما حدا يعرف انك خبرتيني شي
مها: مهرة وقت كان عمرا 17 سنة حبت شب اسمه وائل.. كانو يعشقو بعض بقيو سنة بعلاقة حب لوقت ما اجا تقدملا وامي وافقت.. فترة الخطوبة حسينا ع مهرة كيف تغيرت.. شكلا تغير كلاما تصرفاتها.. عيونها السواد تحتهم بخوف.. شفايفها الزرق.. كانت عم تتحول لشي بشع كتير
طول فترة خطوبتها ما قدرنا نعرف شو بصير معها.. لوقت ما اتصلو علينا الشرطة وخبرونا انه قبضو عليها هي وكم شخص عم يشربو مخدرات
كنان: شوووو
مها: شفت ياريتني ما حكيت شي
كنان: لك مها خلصيني كملي
مها: وقتها راحت امي واخدت عمي معها ليدفعو الكفالة ويطلعوها.. وما خلصت ضرب من امي وعمي لحد مافاقت وفهمنا منها انه وائل يلي كان يخليها تتعاطى غصب من عنها.. ويهددها بانه يتركها لو رفضت وهي من حبها اله كانت تطاوعه
كنان: يخرب بيته شو حقير
مها: وقتها عمي ضربها وتبرى منا انه نحنا ما بناسبه نكون بنات اخوه ومنعنا نقرب من بناته
امي اخدتها ع مصح لتتعالج بقيت فيه شهور ما كنا نشوفها ل وقت شفيت ورجعت لطبيعتها.. طلعت من المصح مخلوقة تانية
اول شي عملته انها راحت لعند وائل ضربته ورمتله المحبس وانفصلت عنه.. ومن وقتها وهي هيك ما بتثق في حد وما بتسمح لحدا يقرب منها.. ما بتقبل اي عريس بييجيها.. وع طول بتحاول تتصنع القوة لحتى تبعد اي حدا عنها
كنان: ما عم صدق يلي سمعتو
مها: لا صدق.. وائل كان شخص حقير واستغل حب مهرة اله بابشع الطرق.. لهيك قلتلك رح تتعب معها كتير
كنان: شكراً كتير مها ما رح انسالك هالمعروف
مها: يعني انت ما رح تتخلى عن مهرة بعد ما عرفت ماضيها
كنان: اتخلى عنها!!؟؟ لك انتي هيك ريحتيني كتير.. هلء بقدر قول انه المشكلة مو فيني وانها بتحبني.. بس عم بتتجنبني قلة الثقة مو اكتر
مها: متل ما قلتلك هي بتحببببك.. شو رح تعمل!!
كنان: مابعرف..
مها: ووائل
كنان: شبه البطيخ
مها: ما رح يترككن بحالكن
كنان: انا رح اتصرف.. لهلء مو عارف شو رح اعمل بس عالاكيد ما رح اتخلى عنها لو شو ماصار