الفصل 2
*📚قصص||روايات||منوعة📚*
_*بإدارة 📚قصص||روايات||منوعة📚*_🧡
*❴📖ترويض مهرة*
*❴🔢❵الـــبـــــــــــ❴الثاني❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:قناة:*
*📚قصص||روايات||منوعة📚*
*❴📚❵↵القناة:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*https://whatsapp.com/channel/0029VaNMcGuHFxP9VtPQOm2A*
*📚قصص||روايات||منوعة📚*
➖➖➖➖➖➖➖➖➖
.
➖➖➖➖➖➖➖➖➖
*❴🧡❵↵ *يمان سعيد* 🧡
➖➖➖➖➖➖➖➖➖
*❴📝❵↵تـنـسـيـق:قناة:*
*📚قصص||روايات||منوعة📚*
https://whatsapp.com/channel/0029VaNMcGuHFxP9VtPQOm2A
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*
قصص وروايات 📚📖:
_ الجزء الثاني _
بعد يومين.. في بيت مهرة.. قاعدة عم تلخص محاضرات اليوم.. دق الموبايل وردت بدون ما تطلع ع المتصل لانها كانت بتنتظر اتصال رفيقتها
مهرة: لك بدري ست حنين الي ساعة عم استنى.. رح تيجي تنقلي التلخيص ولا لا
وائل: والله بنقله وببوسه كمان.. شو قلتي حبيبتي
نقز قلبها وبعدت الموبايل عنها بس سمعت صوته.. اطلعت وشافت اسم (الحقير) هوا المتصل.. فصلت الخط بوجهه وقفلت الموبايل..
حطت ايديها ع وجهها وكانت شوي ورح تبكي
مهرة: لا لاا.. مهرة ما بتبكي.. ما عاش ولا كان يلي يبكيني.. هاا اووف.. ها اووف خدي نفس مهرة وانسي.. انسي ولا بقى تفكري فيه
كانت عم تحاول تنظم انفاسها وتطرد كل شي سيء جواتها.. قهر سنين ووجع قلب محبوسين جواها.. عملو عندها غضب وعصبية.. وديقة خلق.. وكبرياء لا محدود
انقطعت افكارها لما فاتت اختها مها لتناديها تتعشى معهم
مها: اختي يلا العشا جاهز تعي
مهرة: ماشي حبيبتي اسبقيني
رتبت كتبها واغراضها وقامت.. قبل ما تطلع من الغرفة اطلعت ع حالها بالمراية.. لملمت شعرها الطويل كله وربطته كعكة كبيرة.. ابتسمت ل حالها وتمتمت بصوت واطي
مهرة: ما حدا بستحقني ولا بستحق حبي
عالعشا كانو قاعدين ومها مزعوجة وما بتاكل متل عادتها الكل انتبه عليها..
بثينة: امي شبك مو على بعضك.. ما اكلتي شي
مهرة: شو حبيبتي صاير معك شي
مها: مافي شي بس تعباانة
بثينة: من شو ياامي
مها: تعبانة من الدراسة وكل شي مااا عم لحق
مهرة: بتلحقي اختي ما تخافي باقي ثلاث شهور للاختبارات
بثينة: اي اختك معها حق
مها: ما بعرف حاسة حالي ما عم جمع.. والمواد صعبة كتير.. والرياضيات مو قادرة افهم منه شي ابداااا.. كل ما احفظ شي بيتبخر فوراً ياربييي
بثينة: هي مهرة بتساعدك بالرياضيات ما تخافي
مهرة: لاا امي شو ساعدها اعذريني انا كمان عليي اختبارات ومو ملحقة هاد اخر فصل وبعدين مابفهم شي بالرياضيات
مها: شفتي امي.. يعني رح ارسب يا ربي رح ارسب
مهرة: ما رح ترسبي لا تبكي.. رح شوفلك مدرسة تعطيكي بالبيت بس لا تبكي
مها: عنجد اختي
مهرة: اي طبعا نحنا كم مهوش عنا .. ماما اسالي ام محمود جارتنا اذا بتعرف حدا بيعطي دروس
بثينة: هي اكيد رح تزورني هاليومين بسالها بس تيجي.. انتي المهم لا تخافي.. يلا كلي امي
==========
قاعدة كوثر وعم تستنى ام محمود تيجي لعندها.. بعد ما خبرت ابو محمود السواق تبعهم يبعتلها خبر..
وصلت ام محمود وفاتت لعندهم..
ست بسيطة صاحبة واجب معروفة بين كل بيوت الحارة.. مافي بيت ما خدمت ولا ساعدت فيه
بتروح عالبيوت حسب طلبهم.. يلي بدو يعمل عزيمة بتساعد.. يلي بدو يعمل حفلة او عيد ميلاد.. يلي بدو يعمل تعزيلة عيد.. وبتاخد يلي فيه الخير..
كوثر: اهلا وسهلا ام محمود كيفك
ام محمود: الف الحمد لله ست كوثر.. كيف صحتك طمنيني عنك
كوثر: الحمدلله نشكر الله.. ارتاحي لاعمل قهوة
ام محمود: لاا حدالله ما بتقومي انا بعملها
كوثر: لك ام محمود اقعدي.. انا جبتك اليوم لنحكي مو لتعمليلي شي.. اقعدي
قامت كوثر عملت القهوة ورجعت قعدت بجنب ام محمود
ام محمود: يسلم هالايدين ست كوثر.. اي أؤمريني شو معتازة
كوثر: انتي سمعتي من ابو محمود انه كنان رجع
ام محمود: اي والله خبرني الف حمد الله على سلامته
كوثر: الله يسلمك.. لهيك بدي تشوفي اذا حدن بدو مدرس بمنطقنا او اي منطقة غيرها.. اي حدن بتسمعي بدو دروس خبريهن عن كنان اي
ام محمود: تكرمي ست كوثر بس لشو.. انتو ما شاء الله حولكن مو محتاجين ووضعكن كتير منيح
كوثر: اي هاد كنان انتي ما بتعرفيه.. متواضع وبحب البساطة بحياته وبكل شي.. وقت الي خلص الثانوية العامة ترك الدراسة هون وترك الشركة لابوه واخد منحة الدراسة بالخارج يلي طلعته رغم انه ما كان بحاجتها.. يعني هوا هيك بحب يعيش متل كل هالناس ويتعب
ام محمود: اي الله يخليلك اياه.. ابو محمود ع طول بخبرني عنه وعن أدبه وأخلاقه
كوثر: لكان متل ما قلتلك لا تنسي
ام محمود: لا توصي ست كوثر اعتبريه صار
==========
كان كنان راجع عالبيت بعد ما قدم لوظيفة.. وخبروه انه لازم ينتظر امتحان القبول..
فتح زر الجاكيت واخد نفس.. طلع مفتاح السيارة من جيبته.. اطلع حواليه للبيوت والشوارع والمحلات والباعة المتجولين.. كل شي كان بيخليه يبتسم ويتنفس براحة
ركب سيارته وتوجه عالبيت.. وهوا عالطريق لفت انتباهه بنت ماشية وعم تخانق دبان وجهها.. اتذكرها فوراً.. ابتسم وقرب السيارة منها.. وفتح الشباك
كنان: ياانسة.. اطلعي لوصلك
اطلعت فيه نظرة ولفت وجهها..
مهرة: روح من هون
رجعت اطلعت عليه مرة تانية وتذكرت شكله
مهرة: اه.. انت!!!
كنان: ايه اناا.. اطلعي لوصلك اعتذار عن المرة يلي فاتت
مهرة: اي خلص اعتذارك مقبول.. روح
كنان: لك لا تخافي ما رح اكلك.. بدي وصلك للموقف
مهرة: يااخي مابدي خلص رووح من هون
كنان: لا تعاندي الجو كتير حار تعي وصلك
مهرة: اوف ما اغلظك ما بدي
كنان: لك انتي لسانك لازم يتبرى منك.. الحق علي سلام
مشي كنان بسيارته بسرعة وبقيت مهرة محلها عم تطلع عليه بغضب
مهرة: يه ما اوقحو ال اطلعي لوصلك.. منين بعرفه ليوصلني العما
==========
بعد يومين كانت بثينة قاعدة وعم تحكي تلفون مع ام محمود وبتطلب منها تشوف مدرس ل مها.. وخبرتها ام محمود انه المدرس جاهز.. بس صوت بثينة كان واطي ومو مسموع لانها عم تسال تفاصيل هالمدرس اذا متزوج أو مرتبط.. وبلشت تخطط
وكل ماحدا من البنات قرب لعندها بتسكت فوراً.. صارو البنات يتضحكو عليها لانهن بيعرفو حركات امهم
مها: حضري حالك اختي عريس جديد ههههه
مهرة: بلا غلاظة مها.. لا ما بظن
مرام: امبلا اختي حركات امي بتاكد انه القصة فيها عريس
مهرة: اي ويكون عريس عادي بقلعه متل يلي قبله
اطلعت مها ب اختها مهرة بحزن وقعدت حدها عالسرير
مها: اختي لمتى
مهرة: شو لمتى !!
مها: لمتى رح تضلي هيك تعاندي وترفضي العرسان.. خلص وائل ماضي وانتهى صار لازم تمضي حياتك وتنسيه
مهرة: شو ست مها جاية تعطيني نصائح وحكم.. قومي ع دراستك.. وانتي ولي مرام كمان خلصي فروضك.. وملك انتي عالنوووم فوراً
قامت بسرعة من جنب اختها ومزاجها متعكر.. سحبت حالها من بينهم وفاتت عالتواليت.. ما بتحب حدا يذكر وائل قدامها ولا يذكرها ب هالماضي
هي أساساً ما نسيت لحتى يذكروها
كل شي حواليها بذكرها فيه.. في الي عمله.. والجرح يلي سببه
==========بقلم_نداءالصوالحي
كنان وجاد وامه وابوه.. قاعدين عم يتعشو سوا ويحكو بأمور الشركة.. بس كنان ما كان مركز معهم.. كان شارد تماماً وعم يبتسم .. عقله في مهرة يلي ما شافها غير مرتين بس بقيت علقانة براسو
عنادها.. شراستها.. ملامح وجهها الفوضوية وعقدة حواجبها ما كانو يروحو عن بالو.. كان بكل لقمة ياكلها يبتسم لا ارادي.. قطع شروده صوت امه
كوثر: ضحكنا معك استاذ كنان
جاد: انتي كمان انتبهتي! كنت شوي ورح قلك شوفي اخي جن ههههه
كنان: مافي شي شبكن ليكني معكن
نضال: معنا! الي ساعة عم احكيلكن شو عملت مع محامي الشركة وانت مو هون
جاد: شكلو غمزت سنارتو ياابي
كنان: جاد بلا غلاظتك مو رايقلك
كوثر: هههههه هلء تركونا من هالموضوع.. اسمع كنان من بكرة بتبلش دروسك
كنان: والله حلو.. لقيتي طلاب!
كوثر: حالياً ما لقيت الا طالبة وحدة بالثانوية العامة بدا دروس رياضيات.. لقدام بتلاقي كمان غيرها
كنان: خلص حلو مبدئياً.. وين عنوانهن وع شو اتفقتي معها
كوثر: انا ما حاكيتها.. جبتا من طرف ام محمود انا هلء بعطيك العنوان وانت بكرة بتروح لعندهن وبتتفقو.. بيتهن قريب من هون باخر الطريق
كنان: اي ماشي كتر خيرك امي.. لكان دايمة ان شاء الله اتاخر الوقت صار لازم نام
==========
تاني نهار كانت مهرة راجعة من كليتها.. وخواتها راجعين من قبلها وعم يحضرو مع امهم الغدا.. فاتت سلمت عليهن وغيرت تيابها وبعدا قعدت معهم عالغدا
بثينة: يلا لا تطولو كلو بسرعة
مهرة: امي لسا هلء بدينا عم بسمي
بثينة: لك رح ييجي مدرس مها بعد شوي ما بدي يفوت ونحنا عم ناكل بوسط الصالون هيك
ملك: ههههه
مها: ع شو عم تضحكي يازعرة انتي
ملك: ولا ع شي بس تخيلته قاعد عم ياكل معنا.. اله زمان ما شفنا رجال بالبيت صح مرام
مرام: ايه صح
بثينة: الله يسامحو عمكن
مهرة: خلص امي.. المهم ما خبرتيني انك لقيتي مدرس! مو قلتلك بدي جبلا مدرسة ليه جاية مدرس!
بثينة: هلء لانه من طرف ام محمود هوا شب ابن عيلة محترمة واكابر ودارس باوروبا والاحلى انه متفرغ ورح تحط مواعيدها بكيفها.. شو بدا احلى من هيك
مهرة: اي مو لانه محترم من طرف ام محمود انا فاهمتك هلء رح تدبقي فيه وتسميه عريس.. اخ منك ياامي
مها: هههههههههههه
بثينة: دايما عم تظلميني ههههه
مهرة: اضحكو اضحكو ماشي متل ما بدكن
مرام: هي صوت الباب عم يدق شكلو وصل
بثينة: قوموو ارفعوو كل شي بسرعة.. وانتي مهرة روحي استقبليه
مهرة: اووف لازم انا
بثينة: اي انتي الكبيرة قومي
قامت مهرة غسلت ايديها وتوجهت ع الباب ل تشوف مين.. اول ما فتحته طلع بوجهها كنان.. اطلعو ببعض باستغراب.. والصدمة والارتباك ع وجوههن كانت واضحة
مهرة: انت! شو جابك لهون.. لتكون عم تراقبني
كنان: ههههه راقبك! مو مزودتيها
مهرة: بالله!!
كنان: اممممم يعني هاد بيتك وانتي يلي رح درسها.. هاد بيت ست بثينة مو؟!
مهرة: ايه صحيح هاد بيتها.. بس مو انا يلي رح تدرسها هه ؟
كنان: اي ماشي.. مافي تفضل
مهرة: لا كيف مافي.. اهلييين وسهلين تفضل
كنان: صدفة حلوة مو! غريبة كيف كل يوم عم نلتقي شكل هههه
مهرة: اي صدفة غليظة
كنان: شو قلتي!
مهرة: ولا شي سلامتك.. ارتاح هون لنادي امي
فاتت مهرة لجوا هي وعم تسب وتلعن حظها يلي بجمعها فيه كل شوي.. ما طاقت شوفته من اول مرة.. وهلء المصيبة الاكبر انه رح تشوفو كتير وجوات بيتهم كمان
بثينة: شو وصل
مهرة: اي وصل يخرب بيتو
مها: شبه
مهرة: غليظ وبقرف
مرام وملك: هههههه تعي نطل عليه
بثينة: رايحة شوفه وانتي مها الحقيني
بعد ما تعرفت بثينة ع كنان وعرفته ع بنتها مها واتفقو يعطيها حصص رياضيات لمدة ساعتين و3 ايام بالاسبوع وكانو الطرفين رضيانين.. بثينة اعجبت بذوقه وكلامه المهذب وطريقته العفوية مع الناس.. حتى مها اعجبت فيه من اول نظرة.. وبقيت طول الوقت عم تسرح بخيالها وبمدرسها الجديد يلي سمته بالامير واعتبرته متل الاخ يلي ما جابته امها ..
اما بثينة ف بلشت ترسم وتخطط كيف رح تخلي هالشب الجنتل من نصيبها لمهرة !
يتبع...