الفصل 1
*📚قصص||روايات||منوعة📚*
_*بإدارة 📚قصص||روايات||منوعة📚*_🧡
*❴📖ترويض مهرة*
*❴🔢❵الـــبـــــــــــ❴الاول❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:قناة:*
*📚قصص||روايات||منوعة📚*
*❴📚❵↵القناة:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*https://whatsapp.com/channel/0029VaNMcGuHFxP9VtPQOm2A*
*📚قصص||روايات||منوعة📚*
➖➖➖➖➖➖➖➖➖
.
➖➖➖➖➖➖➖➖➖
*❴🧡❵↵ *يمان سعيد* 🧡
➖➖➖➖➖➖➖➖➖
*❴📝❵↵تـنـسـيـق:قناة:*
*📚قصص||روايات||منوعة📚*
https://whatsapp.com/channel/0029VaNMcGuHFxP9VtPQOm2A
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*
قصص وروايات 📚📖:
ترويض مهرة
_ الجزء الأول _
اول النهار والوقت بكير كتير.. بمطار المدينة.. حطت الطيارة ونزلو ركابها
وهوا بين هالركاب بسماره الشرقي ولحيته الكثيفة وجسمه الرياضي.. ماشي وعم يجر شنتايتو وراه.. البسمة بتصير اعرض واوضح شوي شوي كل ما قرب من اخوه..
وصل لعنده وحضنو بعض بقوة
جاد: الحمدلله ع سلامتك اخي.. اشتقتلك كتير
كنان: وانااا اكتر.. شو هاد كبران ياازعرر
جاد: صرت رجال
كنان: هههههه وحش
جاد: هههه طالع لاخي
كنان: كيف امي وابي مشتقلهم كتيييير
جاد: عم يستنوك ع ناار.. شوي وبنكون بالبيت.. ابي اشترا البيت هالمرة قريب كتير من هون.. يلا خلينا نمشي
اخد جاد الشنتاية عن اخوه وطلعو سوا مع شوفير العيلة ابو محمود.. وصلو البناية يلي كانت بتبعد خمس دقايق عن المطار
اول ما نزل كنان من السيارة اخد نفس قوي كتير كإنه رح يسرق الهوا كله.. اله سنين ما شم هوا بلاده
كنان: اااخ ع ريحة البلد.. ااخ ع صوت العرب حواليك بكل مكان
جاد: هههههه لك بعدين بتشم براحتك مشي نفوت لجوا هلء امي بتكون عم تغلي
كنان: اي يلا.. ابو محمود هات الشنتاية بدي عذبك
ابو محمود: امرك استاذ
فات كنان عالبيت وسبقه جاد.. اول ما فتحو الباب قامت كوثر من محلها وقربت بدموع عيونها وشوقها الكبير لتحضن ابنها
كنان: امي يااامي
كوثر: ياروح امك الف حمد الله على سلامتك ياعمري
حضنها وبوس ايديها وبعدها التفت ع ابوه بشوق وحضنه بقوة كبيرة
نضال: نورت البيت ياابني
==========
في الشارع المقابل ل بيت كنان.. في بيت تاني
بيت مغمور بالحب.. الضحك.. خفة الروح..
جواته صبية.. ما بتقدر تميز اذا صبية صغيرة او مرأة قوية.. او رئيسة دولة.. او كوميديان ! هي بس كوكتيل من كل شي.. واسمها لوحدة كان شي تاني (( مهرة ))
مهرة: مامااااا ارحمينييي ارحمينييي كم مرة رح نحكي بهالموضوع
بثينة: خلص آخر مرة واخر عريس.. بس شوفيه اذا ما عجبك ما رح استقبل حدا بعد هيك
مهرة: والله مليت كل مرة بتقليلي اخر مرة
بثينة: شو اعمل انا شوو!!! بدي افرح فيكن.. بدي زوجكن قبل ما موت.. كلو من ابوكي الله يرحمه توفى وتركني لحالي لربيكن.. ااخ ياربي ااخ
مهرة: هههههه خلص خلص لا تبكي.. حااضر رح شوف العريس بس لا تبكي
بثينة: اي هيك ها الله يرضى عليكي.. قايمة لاشتريلك فستان يلبق لكسماتك الحلوين
مهرة: مو هلء كنتي تبكي هههه
بثينة: اي بطلت
مهرة: بعدين شو قلتي!؟ فستان!!!! ماما انا قلت رح اقبل شوفه مو رح اتزوجه
بثينة: اي ما كلو بيجر بعضو.. انتي لا تاكلي هم أنا رايحة عالسوق وانتي ابقي بالبيت شوي وبيرجعو خواتك من المدرسة
حملت بثينة شنتايتها وطلعت ركض من البيت قبل ما تقاطعها مهرة..
بثينة ست بعمر الخمسين توفى زوجها من سنين وتركلها 4 بنات لتربيهم لوحدها.. بس الشي المنيح انه تركلهم املاك واراضي ليعيشو العمر كله منهم..
وقفت مهرة وهي عم تضحك ع امها ونهفاتها وتوجهت لغرفتها.. مسكت كتابها وبلشت تدرس.. باقي فصل ورح تتخرج من الكلية..
شتت انتباهها رنة الموبايل.. اطلعت عالمكالمة وظهر رقم مسجلاه باسم ( الحقير )
مهرة: اووف اووووووف حل عني بقى
مسكت الموبايل وخبطته بالأرض من قهرها..
بس ثواني كانت عم تسمع صوت باب البيت عم ينفتح.. قامت بسرعة لملمت كل شي وتمالكت اعصابها وطلعت من الغرفة
مهرة: يعطيكن العافية.. شبكن اتاخرتو اليوم
مها: الله يعافيكي اختي.. كلو من هي اختك كل ما نمر من محل حلويات او سوبر ماركت تضل تبكي لنشتريلها
ملك: كذابة اختي كذابة لا تصدقيها
مهرة: هههههههه مرام مين الصادق ومين الكاذب
مرام: حلو عني ما دخلني انا
مها: يعني انتي ما بتعرفيها لاختك بطنها سابقها
مهرة: هههههه اي بعرف.. خلص فوتو غيرو تيابكن رح حضر الغدا.. وانتي لا بقى تأخري خواتك فهمانة
ملك: حاضر اختي
مها: وينها امي
مهرة: راحت عالسوق شوي وبتيجي
توجهت مهرة ع المطبخ وبلشت تحضر الغدا لخواتها.. مها ثانوية عامة.. ومرام بالاعدادية.. وملك اخر العنقود بالمرحلة الاساسية
بس خلصت تجهيز الغذا وحضرت السفرة.. كانت امها راجعة من السوق
مهرة: لحقتي امي.. ما الك شوي طالعة
بثينة: اي ما السوق قريب من هون بعدين بتعرفيني ما بحب الفلف كلو محل واحد بفوته وبشتري منه فوراً
مها: شو شريتي امي
بثينة: بعدين بورجيكن هلء يلا اقعدو خلونا نتغدى اكيد رح تموتو من جوعكن
ملك: اي ماما انا جوعانة كتير
بثينة: ياروح امك انتي تعي بجنبي لطعميكي انا
بعد ما تغدو ورتبو محل الاكل.. اجتمعو كلهن سوا متل كل يوم بغرفة امهم.. وقعدو بشكل دائري على سريرها.. كان هالسرير متل سفينة نوح بالنسبة الهم.. كل يوم لازم تتم هي القعدة حوالين امهم ويحكولها تفاصيل يومهم..
المسا بعد ما مهرة لبست الفستان يلي جابتلها اياه امها وطلعت متل ملكات الجمال
بطولها.. وجسها المتناسق.. شعرها الاسود الطويل المجعد بشكل حلو وملفت..
جهزو الضيافة واستقبلو ضيوفهم والعريس.. ومتل كل مرة.. مهرة بتجامل امها وبتقبل تشوف العريس حتى ما تزعل امها وتكسر بخاطرها.. لكن بالنهاية رفضته وطلعت فيه الف عيب متلو متل الي قبله
==========
تاني نهار الساعة 7 الصبح.. فاق كنان ونزل لتحت لعند اهله.. كان جاد عم يجهز حالو ليروح ع الكلية.. وكوثر عم تحضر الفطور.. ونضال قاعد ع طاولة السفرة عم يقرأ الجريدة
كنان: صباح الخير
كوثر: الله يسعدلي هالصباح الي متل الورد
قرب كنان بوس امه.. وقعد بجنب ابوه عالطاولة
نضال: صباح النور ياابني.. كيف لقيت هالنومة
كنان: لك ااخ ع هيك نومة وهيك دفا.. والله الغربة عذاب ياابي عذاب
كوثر: الحمدلله يلي الله رجعلنا اياك بالسلامة.. ان شاء الله ياامي ما تشوف عذاب بحياتك بنوب
كنان: الله يخليلي اياكي ياامي
نضال: اي شو مخططاتك اليوم
كوثر: مخططات شو خليه يرتاح بالبيت ملحق
كنان: لا شو ملحق.. بدي روح اليوم قدم لوظيفة اولا.. ولوقت ما يطلعلي رح أعطى دروس ل طلاب
نضال: لك كنت درست ادارة واشتغلت عندي بالشركة مو احسنلك.. ما بعرف شو محببك بالرياضيات
كنان: هههههه القلب وما يهوى ياابي
نضال: ييه دخيل قلبك.. لكان ام كنان شوفي بالمنطقة اذا بتعرفي حدن بدو مدرس لبين ما يلاقي وظيفة
كنان: اي امي ياريت
كوثر: اي مو تكرم عينك.. هلء ببعت ل ام محمود وبوصيها تسأل.. يلا هلء خلونا نفطر
كنان: لا انا بفطر هلء بس ارجع.. بدي اطلع اتمشى
نضال: اي هي اول مرة رح تشاركنا الفطور.. مشي هاليوم
كنان: هههههه حاضر مشان خاطر عيونك ياابي
افطرو سوا وهني عم يحكو وكنان عم يخبرهم عن الايام يلي قضاها بالغربة كل هالسنوات..
وبعد ماافطرو وشربو قهوتهم كل واحد طلع ليبدأ نهارو..
استئذن كنان من امو وطلع غير تياب النوم.. لبس بنطلون وجاكيت سبورت والبوت.. حط السماعات بدينيه والطاقية ع راسه وطلع ليتمشى ويركض متل ما هو متعود من سنين
==========بقلم_نداءالصوالحي
في بيت مهرة كانت عم تاكل بعجلة ورح تختنق من سرعتها بالاكل
بثينة: لك ع مهلك رح تموتي
مهرة: تأخرررت امي تأخررت هلء بتكون بلشت المحاضرة.. يلا بخاااطرك بخااطرك
بثينة: لك كملي فطورك
طلعت ركض بدون ما ترد ع امها.. اطلعت بساعتها لقت حالها متأخرة عن دوامها ساعة وشوي.. صارت متل المجنونة تركض بالشارع وتدور ع تكسي ما كانت تلاقي.. وهي عم تدور حواليها وتمشي شوي لقدام وشوي تلف تمشي لورا وعيونها بكل مكان لتلاقي سيارة
وهي عم ترجع عكسي لورا خبط ظهرها بشي قوي خلاها توقع عالارض
كنان: يييه اسف انسة.. صرلك شي
مهرة: لك العمااا.. العماا.. العماا الي ضربك.. ما بتشووف
كنان: بعتذر كنت شارد وعم اطلع بالسما ما انتبهت بعتذر كتير.. قومي لساعدك
نزل كنان وصار يساعد مهرة بالكتب يلي وقعت منها.. بس ما لحق يساعدها هي فوراً عصبت عليه
مهرة: لك بعد اييدك.. فوق ماانت دفشتني جاي تلم معي.. انا بلمهم اترررررك
كنان: لك خلص ياه.. ماانتي كمان ضربتي فيني.. ليه ما شفتيني!!.. ما الك عيوون
مهرة: بالله شو.. هلء انا يلي ضربت فيك.. انت عم تطلع بالسماا.. في حدا بيمشي وهوا عم يطلع بالسماااا
كنان: لك وطي صوتك ما انتي كمان ما شفتيني.. وانتي كمان غلطانة.. بعدين خبطتي فيني بقوة
مهرة: خبطت فيك بقوة!!! لك مو شايف حالك قد الحيط طيرتني عالارض
كنان: انا قد الحيط..!! لك ضبي لسانك
مهرة: يييه ضب لساني!!!.. لك انت...انت ..
يييه علي تاخرت تاخرررت العما كلوو منك
دفشتو مهرة بايديها ليبعد وتركتو بدون ما تكمل جملتها صارت تركض بسرعة لوقت ما وصلت موقف وركبت بسيارة
وكنان بعدو واقف محلو وعم يطلع عليها ومصدوم من كل شي صار ومن هالبنت يلي اول مرة بتمر عليه متل شخصيتها.. حس بشي سهم فات جوا قلبو.. مابيعرف شو سببه بس شعوره غريب.. شعور لأول مرة بحسو !
مسح وجهه بايديه ليفيق.. وابتسم
كنان: هههههههه يالطيف هههه شو هالمخلوقة هي !!
#يتبع