وعدي الك - الفصل 1 - بقلم مجهوله - مكتملة | روايتك

*📚قصص||روايات||منوعة📚* _*بإدارة 📚قصص||روايات||منوعة📚*_🧡 *❴📖❵وعدي الك* *❴🔢❵الـــبـــــــــــ❴الاول❵ــــــــــــارت* ➖➖➖➖➖➖➖➖➖ *‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏❴📝❵↵تـنـسـيـق:قناة:* *📚قصص||روايات||منوعة📚* *❴📚❵↵القناة:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️* *|✒️|↜لـلإشـت͜ـࢪاڪ بـ قناة* *https://whatsapp.com/channel/0029VaNMcGuHFxP9VtPQOm2A* *📚قصص||روايات||منوعة📚* ➖➖➖➖➖➖➖➖➖ . ➖➖➖➖➖➖➖➖➖ *❴🧡❵↵ *يمان سعيد* 🧡 ➖➖➖➖➖➖➖➖➖ *❴📝❵↵تـنـسـيـق:قناة:* *📚قصص||روايات||منوعة📚* https://whatsapp.com/channel/0029VaNMcGuHFxP9VtPQOm2A *{😍}قــرا۽ة ممتعــه للجميــع* *{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة* قصص وروايات 📚📖: #وعدي_الك #رغد_ناعسة #المقدمة انا هلكت جيت لعندك وطاقتي .. خالصة انتِ ملجئي الوحيد .. ومصدر قوتي شفتِك من بعد ماكنت ميّت .. كنتِ الحياة لقلبي كيف بدك من قلب .. حزين،مجروح، عايف كلشي بهالدنيا يترك أملو الوحيد بسعادة برأيك بتكونِ منصفة لما تحاسبي ميّت بأن طالب بحقو بالحياة اذا آي فأنا مجرم،جلاد،مريض .. يلي بدك تحكي احكيه بس ماراح اسمح لحدا ولو بدي اضطر اقتل بأنو يقرب من حياتي .. لعنيني اذا بدك واذا بدك حبيني شفقي علي بس لٱ تتركيني لانه مستحيل اسمحلك لٱ تحاولي الحب هو كلشي حلو بالحياة هو الشي يلي نحن عايشين كرمالو لهيك بقولو كلشي مباح بالحرب،والحرب .. فعلياً هاد الشي يلي عملو بطل قصتنا ياترى ممكن يوصل لدرجة يقتل كرمالها او لٱ #وعدي_الك #رغد_ناعسة #الجزء_الاول أنني اكتبك اليوم ل اتخلص من عشقي لك فلا يليق بعشقي ان ينتهي كباقي قصص العشق انت وطني و قلبي و وجهتي و اماني لامهرب منك سوى آلى عيناك و لكن مالحل عندما تضيع بوصلتي و ابقى دونك كيف لي ان اقف عاجزة وانا اراك تزف لسواي انا شغف صبية حلوة كتير ما عم امدح حالي بس الكل هك بيحكي الكل إلا هو بدفع عمري ليشوفني حلوة بس ما كان يشوفني هك كنت اعدة عل برندة عم دخن لما اجت رفيقتي ريان لعندي كان مبين عوجا ملامح ما بنساها بحياتي نظرات الشفقة و القهر شغف: شبك صاير شي ريان: خطب شغف: اي مبروك مين الي خطب و ليش انتي هك ريان: سيف خطب بلحظات كانت دموعي شلال عوجي كيف لا وانا عشت عمري بعشقو سيف هو ابن عمي كنت حبو من فترة طفولتي بس هو ولا مرة قبل هل مشاعر لح احكيلكن قصتي من اولها كنت صف رابع لما كنت عم العب مع ولاد عمومي و عماتي طلع سيف كان واقف مع ابي بوقتا تأملتو و حسيت شعور غريب ضليت صافنة فيه وهو بعد ما خلص حكي مع ابي قرب مني قرص خدودي و نزل لمستواي سيف: كيفا طفلتي الحلوة شغف: ماني طفلة بعدين انت مو اكبر مني بكتير كل الفرق بينا ٩ سنين سيف: عمرك ١٠ انا شب صرت انتي طفلتي المدللة شغف: لاعاد تقول عني طفلة حباب بتسملي و رجع فات لجوا شي من جواتي شدني ل اترك العب و الحقو كان واقف مع الين بنت عمتي و ماسك ايدا من وقفتن حسيت شي جوات البي نكسر قربت منن شوي كان عم يقلها اديش بحبا و عم يتغزل بجمالا كنت عم اسمعهن و دموعي بلشت تتجمع بعيوني تركتن و فتت عل صالون كان قاعد ابي و عمي وائل و عمي هشام ابو لسيف قربت منن عمي وائل: كيفا دلولة البي هشام: اميرتي ليش عم تبكي بوقتا خطرلي احكي عن الي شفتو بس خفت ينئذى سيف او حدا يبهدلو لهك قررت كذب شغف: ولاشي بس وقعت على ايدي كبرت و وعيت على اني مدللة الكل بوقتا عمي و ابي اخدوني يشترولي شيبس و بسكوت فكرن هك بروق بس بوقتا كان في نار شاعلة بقلبي و مافي شي بهديا بقيت فترة سنتين وانا كل مرة بشوفو لسيف حس بفرح و حب وشوق كنت اعتبر شوفتي الو هو احلا شي بحياتي لما وصلت لصف السادس بلش يحط حدود بيني و بينو هل شي قهرني ما بعرف كيف بمرة قويت قلبي و قررت احكي معو كنا كلنا مجتمعين ببيت عمي نطرتو لطلع عل جامع ووقفت على باب البيت انطرو اول ما رجع قربت منو شغف: ليش عم تتجاهلني بوقتا طلع في بإستغراب ستغرب سؤالي ثواني و جاوبني سيف: انتي صرتي واعية خلص ماعدتي طفلة صار لازم حط حدود بتعاملي معك بوقتا ما بعرف كيف طلعت عل شباك كانت الين عم تطلع علينا و مبين عوجا الانزعاج نطرتني لرحت و طلعت لعند سيف وقفت اتنصت عحديثن الين: وك كم مرة التلك حط حدود لهل بنت وك ماعم تشوف نظراتا الك سيف: وك هي الي حكتني بعدين لساتا طفلة مستغرب كيف انك عم تغاري منها الين: اخر مرة بشوفا قريبة منك وقتا حسيت بكره كبير تجاه الين ما بعرف كيف خطرلي امسك الايباد الي جبلي يا ابي مسكتو و صورتن مع بعض قررت احكي ل ابو الين عن علاقتن بلرغم بعرف اديشو صعب بس نجبرت ماعد اتحمل قربن من بعض لقطت صورة لما كان معانقا لتهدا لقطت الصورة و فتت ستغليت انشغال الكل بل اكل و اخدت جوال عمي وائل بعتلو الصورة بعدين بعتا ل ابو الين تركت الجوال و فتت عغرفة الاكل اعدت اكلت بكل برود بعد الاكل نتبه عمو ابو الين عل صورة اول مافتح جوالو و شاف الصورة بلش صريخ ع الين قام ليضربا بس عمي هشام وقف بينن ابو الين: ولله لربيها هل مغضوبة وانت التاني كيف ابنك بيتصرف هيك و بخون ثقتي فيه وقتا علقت مشكلة كبيرة بينن وصلت انو عمي و ابو الين ضاربو ومن وقتا ابو الين حلف يجوزا ل اول واحد بيتقدملا عدا سيف حاول ابي و عمي يداخلو بس ما حدا نجح يعدلو رئيو و قرر يسافر مع عيلتو بعد سنة درينا انو الين نخطبت و لح يرجعو عل شام يستقرو لان العريس ابن عمتا و بدو يستقر بلشام بوقتا كنت صف سابع فتت عصالة الخطبة دورت عهشام بين الكل اخر شي لقيتو كان برا الصالة عم يبكي قربت منو و مسكت ايدو استغرب تصرفي شغف: بحبك سيف الله يوفقك حس في و ربي ماعد في اتحمل اكتر طلع في بعصبية و نتر ايدو مني بقوة سيف: مو ناقصني ولاد حلي عني كلمتو جرحتني بعدت عنو انا و عم ابكي حلفت ما عد قرب منو بعد ما رجعنا عل بيت خبرنا ابي انو بدنا نسافر سنتين علادقية كرمال يشتغل مع جوز عمتي انا وقتا حسيت انو هي رسالة من القدر انو لازم بعد عنو ل احسن عيش بسلام مرقو هل سنتين وصرت صف تاسع وقتا رجعنا كرمال شهادتي اول ما وصلنا عل شام حسيت بشوق كبير لسيف حاولت اتجاهل احساسي بس ما حسنت عمي كان زعلان من ابي شوي لهك ما اجا لعنا ترجيت امي كتير تقنع ابي نروح نحنا لعندن بس ما رضيت تحكي شغف: كرمالي حكي ابي قنعي حبابة لميس: سكري عل قصة ما بدي اعلق معو بعدين خلص بدك حكي انتي ليكو ادامك شغف: طيب لح حكي بس حبابة قنعي معي لميس: طيب ماشي رحت عمكنب ابي كان قاعد و عم يعمل حسابات دقيت عل باب رفع راسو عن الوراق شعيب: اهلا بمدللتي تفضلي فتت اعدت عل كنبة مواجه ابي شعيب: اي كيفك شغف: تمام ابي مو انا شغفك وحيدة البك شعيب: اي وحيدة البي و عمري شغف: طيب اذا طلبت منك طلب بتنفذلي يا شعيب: شو بتأمريني ملكتي شغف: بدي نروح لعند عمي هشام شعيب: طيب بعد الغدا حضري حالك لنروح قربت و حضنتو شغف: يخليلي ياك يا احلا بابا بوستو و طلعت عغرفتي كنت عم فكر بسيف كيف بدي شوفو بعد ما كسر البي بس شتقتلو بعد الغدا فتت لبست و رحنا لعند عمي اول ما شاف ابي عانقو بعض و تصالحو فتنا عل صالون كان سيف عم يدرس سيلين و رفيقتا رياضيات كان مبين عليه علامان الرجولة دقنو كثيفة ملامحو كانت حليانة كتير حسيت حالي عم اتأمل بطل هربان من رواية و هو فعلا بطل روايتي الي بسببو ضاع قلبي و عمري لما شافني بتسملي برقة حسيت البي عم ينبض بسرعة ابتسامتو زرعة جواتي شعور وجع وفرح وجع الشوق و الحب وسعادة القاء اعدت حد ابي وعمي الي كانو عم يحكو عن كلشي الشغل اوضاع العيلة بمجمل الحديث اجت سيرة الين عمي : اي الين و زوجا كيفن ابي: وضعن ممتاز هو كتير حنون معها و كريم طلعت عوج سيف كان عادي خالي من ايا شعور يمكن نسيا متل ما انا بتمنى انسى انا وعم اتأملو اجت سيلين اعدت حدي سيلين: ولي لساكي بتحبي استغربت سؤالها معقول هو قلها شي شغف: مين اصدك سيلين: سيف من لما كنا صغار كانت عيونك دائما عليه بوقتا فكرتو حب طفولي بس شكلك بتحبي لهلق شغف: لا ما بحبو بعدين انتي صح ايا صف صرتي حاولت غير مسار الحديث بس شكلو هل شي فضحني اكتر سيلين:هلق شيلك مني ليكي انا حاليا عم ارجع عيد التاسع لان وقفت سنة ورسبت سنة مدرستي سيف بدرس فيها سجلي فيا معي و صيري تعي خلي يعطيكي دروس ندرس سوا خليكي دائما قريبة منو بلكي بحبك حكيا حسيتو في تقليل مني ليش حتى اركض ورا بعد كلشي لا و على علم و مساعدة اختو حسيت كرامتي نجرحت بس صوت قلبي كان اقوى من ايا شي ما حسنت ارفض وافقت و لما رجعنا عل بيت فاتحت ابي بلموضوع اول شي رفض شعيب: لا اول شي مدرستا مدرسة عامة وانا بدي سجلك تعليم خاص والاهم انو بعيدة عن بيتنا كان رفض ابي قاطع لهك قررت استخدم سلاحي الاقوى بهل مواقف تصنعت البكي قدامو شغف: اصلا اذا بتحبني بتوافق حباب انا ما لح ارتاح غير بهل مدرسة كرمال سعادتي وافق شعيب: طيب روحي بس هك ولله تعب عليكي كيف كل يوم بدك ترجعي من مدرستك للبيت شغف: خلص بدبر حالي شعيب: طيب تاني يوم رحت مع ابي سجلت و بلشت دوام قضيت يوم ممل كنت ندمانة اني سجلت الجو ممل و عدد كان كتير كبير مو متعودة سجل تعليم عام حد الحصة الرابعة كان عنا رياضة لبست بجامتي و نزلت كان سيف عم يحاكي الاستاذ لؤي وواقف معهن ابن عمي علي اخوه لسيف رحت لعند سيلين و رفيقتا عرفتني عليها سيلين: هي كريستين بنت خالي و رفيقتي كريستين هي شغف كريستين: نسيت تقلك اني كراشة اخوها طلعت فيها مصدومة معقول سيف معجب فيها سيلين: معجبة علي مو سيف طمني كريستين: مو معجبة لحالي عفكرا وهو كمان معجب في مافيكي تنكري شغف: حلو طيب كيف لفتي نظرو سيلين: وك الله وكيلك هي عم توهم حالها علي بحياتو ما عاملها غير كأخت الو كريستين: بلله عل اساس لؤي الي ميت فيكي سيلين: لا بعرف مو معبرني بس انا ما بضحك عحالي متل ما عم تعملي شغف: لؤي مين بكون وعلي شو عم يدرس هون كريستين: علي استاذ فرنسي و لؤي رفيقن وهو استاذ رياضة وانتي معجبة بسيف شغف: انا بعشق سيف يا ريت بس لو بحس بقلبي بس بدي افهم ليش هك عم يعمل معي سيلين: لان كان شايفك طفلة بلكي هلق بكون في امل صرتي صبية متل القمر شغف: يارب قضينا اليوم بلباحة لان سيف قرر يعطينا درس برا بإعتبار الجو حلو كل الوقت كنت عم اطلع عليه قاطع شرودي ايد حدا طلعت كان ولد بصف ماسك ايدي طلعت في مستغربة و بعدت ايدي سغف: شو بدك ليش مسكت ايدي شو هاد عمر: انا عمر اسف كنت عم حكيكي اكتر من مرة ما رديتي كنتي شاردة شغف: طيب شو بدك عمر: كنت حابب نصير رفقات طلعت عسيف كان عم يطلع علينا و مبين معصب ستغلت هل موقف ل استغل غيرتو درت وجي لعند عمر و بلشت احكي معو نتها الدرس وقفت لروح عل بيت لقيت سيف ماسك ايدي و معصب شغف: شبك سيف: شو هاد ليش كنتي عم تحكي معو هي اخر مرة بشوفك واقفة مع شب شغف: وانت شو دخلك سيف: دخلني انتي بنت عمي صرتي صبية ما عدتي ولد الناس ما لح تفهم نقلعي عل بيت لشوف تركني و راح حسيت جواتي بفرح انو غار صح مو حب بس عل اقل حسنت الفت انتباهو اول ما وصلت عباب المدرسة كانو كريستين و سيلين ناطريني سيلين: شو كان بدو سيف كريستين: هل ابتسامة معناها انو غيران مو شغف: اي غار من عمر قال انا بنت عمو ولازم ما حكي شباب كريستين: دخيل عمو ما شا لله شرقيتن دغري بتظهر اما الحب بدو واسطة ليعترفو في سيلين: بس يحبونا اول بيعترفو نحنا وعم نحكي طلع سيف مع علي و لؤي شغف: هس طلعو اول ما اجا لحدنا سيف حسيت قلبي عم يطلع من مكانو لؤي : كيفكن يا صبايا سلين: مناح وانت كيفك لؤي: تمام تعو طلعو بسيارتي لح وصلكن و رايحين انا و سيف نجيب تياب شعيب عمو شغف: تياب اهلي ليش سيف: لان لح تنتقلو لعنا من هون ليخلص بيتكن ابوكي شترا بيت مواجه بيتنا وعم يكسي لان شترا عل عضم سيلين: يعني شغف و كريستين جاراتي لح نصير دائما سوا علي: اي انتي اصلا هاد الي بدك يا سيف: خلص لا طقو حنك بشارع طلعو بسيارة اول ما وصلنا عل بيت نزلنا نحنا وراحو الشباب عبيت اهلي فتت لغرفة سيلين كانت هبة اختا الكبيرة بلغرفة هبة: كيفكن صبايا شغف: تمام وانتي كيف الجامعة معك هبة: منيحة سنة و بصير مهندسة ليكي انا لح صير نام بغرفة الاعدة وانتي هون مع سيلين سيف و علي لح ينامو بغرقة سيف لان عمي لح ياخد غرفة علي هك لح يصير ترتيب شغف: تمام حب اخدت غراضا هبة و طلعت من الغرفة هبة بنت عمي صبية متوسطة الجمال بس كتير واعية و ذكية من صغرا مرقت فترة شهرين عتواجدنا ببيت عمي كنا كتير مبسوطين فين سوا بيوم كنا عل غدا و عازمين لؤي و كريستين لعنا كان عل اكل صحن تبولة طلبت من سيلين تقربو شغف: سيلين حبابة صبيلي تبولة ما سمعتني قام قربو سيف بوقتا حسيتو موقف كتير حلو منو حسيت انو هو مهتم في لهك قربلي يا وقتا كان هل تصرف الصغير كافي ليعطيني امل اغزل احلا قصة حب بينا اول ما خلصنا اكل فتت مع سيلين عل مطبخ و لحقتنا كريستين كانت امي و هبة عم يجلو بس نحنا طلبنا منن يطلعو لنجلي نحنا جليت انا و كريستين و بلشنا حكي كريستين: ولله شكلن بلشو يحبونا حتى علي عل اكل مرتين اجت عيني بعينو وكان عم يطلع في سيلين: هي لأنك مفجوعة كان قصدو انو يخجلك تخففي اكل شغف: سيلين حاج غلاظة بس بدي افهم ليش كل مرة بنتفأمل فيها بتتصرفي هك حكيا دج انك ما بدك يانا مرتبط بإخواتك سيلين: وك هبلة انتي شي هاد الي عم تحكي وك انا حلم حياتي انو اخواتي يحبكون بس عم احكي هك من خوفي عليكن تعيشو بوهم او امل كذب كريستين: بس هاد مو وهم اذا ما بلشو يحبونا او عل اقل ينتبهو لوجودنا ليش لكن سيف هو الي قربلا الصحن هي ماطلبت منو سيلين: لان مذوق هي طلبتو مني انا ما نتبهت فهو قربو شغف: لا قربو كرمالي لان بلش يعجب في كرستين: خلص اختي سايرينا سيلين: طيب ماشي و هلق شو يعني شو لح تعملو كرستين: انا من جهتي لح صير اجي لعندك اكتر وقت و حاول اقعد مع علي يدرسني معكن شغف: انا لح ضل هك بس لح حاول قرب من عمر نصير رفقات لجاكر سيف بغرفة الشباب كان سيف متسطح عل تخت وعلي و لؤي قاعدين حدو لؤي: سيف ملاحظ نظرات شغف الك سيف: اي ما بعرف مرة وقت عرس الين حكتلي بحبك معقول تكون لهلق علي: واذا لهلق بتحبك شو لح تعمل لح تحبا سيف: انا بدي حبها هي بلنسبة الي طفلة اصغر مني ب٩ سنين بعدين الاهم هلق من الحب و الحكي الفاضي هو دراستا لؤي: وانا مكانك بنطرا لتكبر شوي وقتا ممكن فكر فيا علي: غبي ما كون انا بجرب حبها الواحد متسحيل يلاقي بنت تحبو هل وقت كلو وهي بعيدة عنو انت حب طفولتا سيف: بلله ياريت تسكوت شو بدك ياني حب طفلة حرام تركا تدرس تتخرج تأسس حياتا وقتا ممكن نحكي لؤي: بعدين احسن ما تحكي سيد علي شوف كريستين نظرتا دائما عليك علي: ممم ما بعرف بخاف كرمال خالي لؤي: حرام تركوهن شوي ليكبرو ساعتا الواحد بفكر سيف: بعدين انا ما بدي اتزوج بنت بتقربني علي: هو سؤال ليش اغلب الاوقات البنت بتكون بتحب قرايبها بينما الشب بكون رافض يرتبط بقريبتو لؤي: مو حالة دائمة بس غالبا لان بكون القريب معها دائما لهك بتتعلق في سيف: القصة بتبلش لما تكون مراهقة بتبلش بدا تحب و كعادة اغلب بنات بئيتنا محافظين فبلاقو الشب المتوفر سواء ابن الجيران او قريبن و بحبو ليتعايشو مع قصة حب ترضي مشاعرهن علي: تماما و بس تكبر بصير العكس ابن جيرانا و قرايبها بحبوها وهي بطنش لؤي: نوعا ما لان الشب بكون شاف كتير بنات سئين بحياتو و لما بدور عل البنت المنيحة غالبا بتكون قرايبتو مع انو ابدا مو شرط تكون فعلا منيحة بش اغلب البنات بيميلو انن يبيبنو مناح قدام عيلن فبشوف فيها الشب فتاة احلامو المرباية و يمكن تكون مجرد قناع سيف: هي واحد من ابشع الامراض الي يلمجتمع الشب بشوف حياتو بحب و بيسهر اخر شي لما بدو يتزوج بروح عل اساس لعند انثى عذراء المشاعر ما حبت قبلو مع العلم مستحيل يكون في بهل وقت بنت ما حبت او صادقت شب يعني ما تجوز حبيبتو تجوز حبيبة غيرو لؤي: ذكرتني مرة اختي نشرت بوست انو لا تحبي لان اخرتو يتجوز بنت رقصتا عجبت امو بعرس النسوان يعني معناة الحكي انو الشباب غالبا بكونو معاقين مشاعريا بيتركو قصص حب كبيرة كرمال شرقية تفكيرن سيف: انت الصادق كرمال غباءهن مو شرقيتن علي: هلق خلصوني فتحتو نقاش ما عد يخلص قومو نطلع نسهر بلقهوة كنت عم اغلي قهوة لما سمعت صوتو برا طليت لبرا لشوفو نصدمت بجسمو شغف: اسفة سيف: انا الاسف اي شو عم تعملي شغف: قهوة اعمل حسابك سيف: لا طالع مع الشباب حكا كلمتو و طلع معهن حبو بقلبي كل يوم عم يزيد قضيت السنة عندن كل يوم اسهر عإمل يجي من القهوة بكير و يسهر معنا بس كل مرة كان يجي ينام فورا كنت حدو و اشتقلو امنيتي يحس بوجودي ياربي ليش هك عم يصير معي ليش الشباب هك طبعهن ما بحسو بقيمة البنت ليخسرو حبها الهن بعد التاسع سجلنا انا و الصبايا ادبي كرمال ما ننتقل من مدرستنا لان مافيها غير ادبي فقط مع العلم كان حلم حياتي سجل طب بس تخليت عن حلمي لمجرد كون معو وقت اكبر يمكن نحنا البنات طبعنا لما نحب بتتقلص احلامنا لتصير قرب الشخص الي بنحبو مضيت سنتين بنفس المدرسة و لا يوم كان يحسسني بإيا تغير بمشاعرو نفس البرود و الامبالاة تجاهي كنا بلباحة والحصة هي عنا فلسفة مادة سيف فتت انا وسيلين اعدنا شوي و فات سيف و معو صبية كتير بشعة سيف: هي حياة رفيقتكن الجديدة حياة فوتي قعدي جنب سيلين شغف انتي قعدي جنب كريستين سيلين: بس انا ما بدي حدا يقعد حدي غير شغف سيف: بتوقع انا الاستاذ مو انتي سمعو شو حكيت و لح اطلب من المدير يحكي كل الاساتذة يخلي اماكنكن هك استغربت من تصرف سيف ليش عم يجبرنا نتقبلها معقول ما تكون مجرد طالبة معقول في بقلبو شي شعور تجاها نطرت لتخلص حصتو كنت شاردة لما وقفتي صوتو سيف: اي شغف شرحيلي شو كنت عم قول بس قومي وقفي اول وقفت وراسي بل ارض كنت كتير خجلانة بس كريستين فتحتلي دفترا و حاولت تنقلني سيف: انتي غبية شي شغف وك انتي بكلوريا وهاد اهم درس بكل المنهاج عقلك وينو ما عد تحسني تنقبري تركزي هل ساعة طلعي انتي و كريستين وقفو برا عل حيط طلعت وقفت عل حيط كنت عم حاول امسك حالي ما بدي ابكي بس ما حسنت دموعي كانت عم تنزل عخدودي متل المطر اول ما خلصت حصتو فات لؤي كان اخر حصة عنا نزلنا عل باحة حاولت انسا الموقف الي حطني في سيف بس ما حسنت بهدلتو الي قدام كل الصف اهانة صعب انساها ل اول مرة بحس بكمية هل اهانة و كرمال شو كرمال مجرد بنت بشعة شو لقا فيا شي مميز عني كانت عم تلعب هي و سيلين تنس وانا تاركيني لحالي لما خلص الدوام رحت عل بيت مشي بلعادة بنروح سوا كلنا بسيارة لؤي بس ما كنت قادرة شوف حدا منن تأخرت لوصلت عل بيت كانت الساعة ٥ بيت عمي كانو عنا اول. ما فتت ركضو ابي و عمي لعندي عمي: شبك شغف مين مزعلك ابي : صاير معك شي فهميني بصعوبة لطلع صوتي كان مهزوز و ضعيف شغف: سيف بهدلني كرمالها مسح بكرامتي الارض كنت عم ابكي و جسمي عم ارجف كنت شبه فاقدة السيطرة عإعصابي عمي: شو صاير سيف سيف: ما بعرف مين هي الي بهدلتك كرمالا شغف شغف: خلص سيف ولا حرف كلن تخلو عني كرمالا انبسط رتحت هك الله يهنيك معها طلعو من حياتي كلكن وانتي كريستين ماعد رفيقتي كلكن روحو تركوني ابي: عمر ابوكي شغف كرمالي بس حكي شو صاير سيلين: شبك حكي وقفتي البنا شغف: سيف مسح الارض في قدام كل الطلاب طلع عمي بسيف و زورو عمي: صح هل حكي سيف سيف: اي بس هل شي لان كانت شاردة بإهم درس يعني كرمال مصلحتا عمي: كان فيك تنقبر تعيدلا يا بلبيت وك هي بنت عمك مدللة العيلة ما حدا فينا بيزعلها بحرف وك مين انت لتزعلها ابي: بحياتي لا انا ولاحدا من كل العيلة طلع فيها نظرة تزعلا لتجي انت تزعلها بعد كل هل عمر عمي: وك هي امانة ابي لما مات ما امنا بشي غير شغف وانت بكيتا مين انت لتجي و تكسر امانة ابي لك سيف هي المرة لح مرقلك ياها بس وربي مرة تانية تبكيا بزعلك مني عتذر منها ومن عمك لشوف سيف: اسف حقك علي شغف بس ولله ما توقعت تزعلي لهل درجة اعتزارو روقلي قلبي شوي بس كان بدي استغل الموقف وقت اكبر و ادلل عليه شوي سيف ما سترجا يكسر كلمة عمي لان بيعرف زعلي خط احمر عند الكل جدي ابو ابي كان بيحب ام امي بس ما حسن يتزوجها و لاني نسخة عنها بصغري كان يدللني كتير لدرجة ما حدا يسترجي يزعلني و حتى بس مات امنهن فيني انو ماحدا يزعلني بشي شو ما صار و يوقفو معي و لو عزعل ولادن هاد الحكي انا بعرفو و لهك صار وقت استغلو شغف: لا لشو تعتذر مو انا غبية و ما بفهم سيف: اسف حقك علي انا الي ما بفهم بس روقي عمي: معلش برضاي عليكي سامحي طلعت بسيف كان مبين عليه حاسس بتأنيب الضمير ولهك بدي استغل حالتو ل افهم مين هل بنت شغف: لكن لمجرد انك بتحبا تجيبا عل صف و اكل بهدلة من تحت راسها سيف: بحب مين اصدك شغف: زفت حياة سيف: حياة اخت رفيقي و عاملتها هيك لان دائما بتتعرض للتنمر بسبب ملامحا لهك بدي منكن تكونو معها رفقات كلمتو بردت البي و زعلت عليها حرام شو ذنبها تعاني طول عمرها بسبب شي مو بإيدها بس بدي افهم ليش البشر دائما بخلونا نعاني بسبب شغلات ما بنملك ايا حرية تصرف تجاهها قررت انا والصبايا نرافقها تاني يوم الصبح فقت لبست و رحت عل مدرسة اول ما فتنا كانت واقفة هي و لؤي وج سيلين ماعد تفسر قربنا لعندن شغف: صباحو كيفك حياة حياة: تمام وانتي شغف: تمام يلا تعي عل صف ودعت لؤي و راحت اول ما فتنا عل صف قربت نجمة بنت من الصف كتير مغرورة نجمة:شو اول مرة بشوف شغف واقفة مع حدا غير رفقاتا لا و مع هي البشعة شغف: ولله ماحدا بشع غيرك مين مفكرة حالك حتى تحكي عل ناس نجمة: روقي شبك شوفي وجا وربي مافي ابشع من هيك نحنا و عم نحكي اجا عمر عمر: كيفكن صبايا نجمة: هلا عمورة تمام وانت عمر هو نفسو الشب الي كنت بدي جاكر سيف في هو كتير حلو وشخصية عيون كل بنات المدرسة عليه جمال و غني و فوق هك عيلتو جدا مشهورة نحنا و عم نحكي نتقلت حياة للمقعد الاخير تركتن و رحت لعندا شغف: شبك زعلتي خلص هي وحدة مغرورة و لاتهمك حياة: انا متعودة ضل لحالي خلص انتي روحي لو سمحتي كنت بدي ضل لحكيا بفوتة علي دق الباب وفات لعنا علي: كيفكن شو لش حياة لحالا حياة: لو سمحت استاذ انا بدي ضل لحالي حسن طالب: استاذ تركها بربي الي بدك تقعدو حدها حرام بيرتعب من شكلا نجمة: بعدين وربي حرام بخاف تاكلها لسيلين تعليقاتن كانت جدا جارحة ما بعرف كيف حياة مسكت اعصابا و ماردت ولاحتى حسنت تبكي كان عندا كبرياء كبير منع دموعها تنزل قضينا السنة كلا والطلاب عم يتنمرو عليها كانت طالبة محدودة الذكاء مستواها الدراسي تحت المتوسط وهاد الشي الي كان يزيد التعليقات السلبية عليها بيوم فتنا عل صف كان حدها كتاب رحت لشوفها شو تقرء اول ما شافتني قربت منها خفتو فورا ستغربت تصرفها شو هل كتاب هاد ما كتير هتميت مضا اسبوع عهل قصة بلشت شوف الصف بلشو يحترموها و عمر كان عم يقرب منها ستغربت شو هل تغير القوي هاد حتى الاساتذة كانو عم يدللوها كتير استغربت بس ما عطيت ايا ردة فعل لبيوم كنت بلبيت اجت لعندي بنت عمي ريان خبرتني انو سيف خطب بوقتا حسيت قلبي نكسر طلعت لعند سيلين ل اتاكد من الخبر كانت هي و كريستين عم يبكو شفف: شو صاير كريستين: لؤي و سيف و علي خطبو بنات جيرانا الي ساكنين حدنا قريب بوقتا نهرت بكيت كتير كنت عم حس قلبي عم يتقطع ياربي ليش نحنا ليصير فينا هك و بيوم واحد ضلينا اسبوع ما نروح عل مدرسة لوقت ابي وعمي جبرونا نروح اول ما فتنا كانت حياة قاعدة حد عمر و محبس بإيديهن استغربت قربت منها شغف: كيفكن شو حياة و عمر شو هل محابس حياة: عمر و انا خطبنا عقبالك استغربت كتير عمر الذكي والحلو يحبها و يخطبا كانت نظراتو الها كلا عشق كنت عم شوفهن كل الدوام سوا و الحسرة بقلبي عم تزيد ليش انا يصير معي هيك بس خلص الدوام طلعنا من المدرسة كانو الشباب واقفين مع خطيباتن سيف: اي عمري هدول هنن الصبايا هي شغف بنت عمي وهي سيلين اختي وكريستين بنت خالي صبايا هي حلا خطيبتي نادين خطيبة لؤي و ميرا خطيبة علي حلا: هاي صبايا انا حلا لح صير درسكن هون انا والصبايا و بنساعدكن بلبيت سيلين: لا معلش بندرس لحالنا مو بحاجة مساعدة كريستين: نحنا شاطرين و اذكياء مو مضطرين نحمل منية مساعدتكن النا لؤي بعصبية: شبكن صبايا شو هاد عيب شغف: بلله عيب ما حدا سئلك عن رئيك سيف: شغف خلص سكتو شغف: هك لكن عم تسكتني سيف: اسف لا ولله مو هك بقصد خلص لا تزعلو طلعو نوصلكن شغف: بلاها بدنا نروح بلباص حكيت كلمتي و مشينا من حدن كنت عم حس حالي عم اختنق ما بعرف كيف مسكت حالي اول ما مشيت سمحت لدموعي تنزل سيلين: خلص شغف ما لح نبكي بلشارع نحنا اهم من هيك كريستين: اي كتير مهمين نحنا لدرجة تخيلي انو حياة صارت اهم مننا سيلين: صح لاحظتو وك عمر ميت فيها بس بدي اعرف كيف طبقتو شغف: تضربي هاد همك كريستين: طبعا هاد لازم يكون همها و همك وك في شي بلقصة ما بفوت عل راس كيف عمر و الكل فجئة هك حبوها وك لتكون عاملة سحر للكل معقول سيلين: اي ولله ممكن شغف: وك سحر شو انتي التانية حرام مسكينة يمكن الله عم يعوضها ما سمعتي سيف طول عمرا عم تعاني خلص بكفي هاد الي بيقولو عنو عوض الله سيلين: بربك مصدقة حكيك عوض الله هك اجاها فجئة و ليش هلق لا و عمر جانن فيا بعدين شو لحالها يلي عانت ليش الله ما يعوضك الك و يخلي سيف يحبك كريستين: في شي بلقصة ولله فكري يعني ليش ما نحنا كمان نتعوض شغف: بدكن تعارضو قدر الله خلص سكتو بقا حكي الصبايا ما حسنت اقتنع فيه بس بنفس الوقت في شي صح كيف ليش ايمت لحق يعشقها عمر شو هل معحزة الي صارت معها بهل اسبوع بس بدي افهم قضيت اسبوع عم راقبها كيف عمر كان عم يعاملها متل الملكة كل يوم كانت الغيرة تقتلني اكتر من الي قبلو البي كان عم يتقطع ليش انا عيش بقهر وغيري كل سعادة الدني بحياتو اليوم الخميس اخر يوم دوام بل اسبوع كنت قاعدة انا و الصبايا لما اجت لعندي نجمة نجمة: هاي كيفكن سيلين: تمام وانتي نجمة: منيحة في الي عندكن طلب بتمنى تساعدوني شغف: اي اذا بنقدر تكرمي نجمة: قومي معي شوي شغف استغربت طلبها بس نفذتو قمت وقفت معها عجنب شغف: اي تفضلي شو بدك نجمة: ليكي بدي نلفق قصة سرقة لحياة و بدك تساعديني لفيت ضهري لروح بس وقفتني نجمة: بلمقابل لح ساعدك حتى حلا تترك سيف تركتا و رحت صح بحبو بس انا وعدت حالي من وقت قصة الين ما عد اتصرف هك اول ما رجعت لعند الصبايا بلش التحقيق سيلين: شو بدا منك كريستين: اديشا شريرة ليكي بعدي عنها متأكدة بدا تستغلك شغف: حدا قلكن اني غبية او ما بعرف اتصرف شي خلص لحالي تصرفت رن جرس الحصة قمنا كانت حصة سيف حلا كانت ماسكة ايدو وعم يحكو حسيت البي نجرح تجاهلتن و فتت عل صف توجهت عل برندة الصف و بكيت لحقتني نجمة نجمة: شو قرري ولا مبسوطة فين سوا تجاهلتا و فتت عل درس وعدت حالي من بعد قصة الين ما عد كون السبب بئذية حدا اول ما فتت كانت حياة و عمر واقفين سوا فرحت كرمالها حرام هي بتستاهل واخيرا خلص الدوام ورحت عل بيت اليوم رحت لحالي مشي لان الشباب راحو مع حبيباتن و سيلين و كريستين راحو على بيت عمر عامل عزيمة للصف بمناسبة خطبتو هو وحياة اول ما وصلت عحارتنا شفت حلا معانقة شب اول شي تجاهلت هل شي فكرتا مو هي لان حسب ما بعرف هي هلق مع سيف بس ياربي حتى نفس تياب حلا فتت عبيتي ومنظرن ببالي شو هل وقاحة كيف بتعانقو و بيبوسو بعض هك بنص الشارع فتت لعند امي كانت عم تطبخ شغف: شو هل دلال مندي و يبرق و تبولة و شيشبرك شو عيد ميلاد حدا فينا اليوم امي: لا بس العقربة جاية لعنا اليوم لحالي فهمت قصد امي عن مرة عمي بس بدي اعرف ليش السلايف ما بحبو بعض عقولة المتل مركب السلايف غار تركت امي و فتت غيرت تيابي و درست المسا اجا سيف مع الشباب كان مبين عليه مزعوج شغف: شبك سيف ليش مزعوج سيف: لان حلا خانم بنص الطريق نزلت و راحت قال تعبانة كلمتو فاجئتني يا ربي معناة حكيو انو هي نفسا حلا طيب ليش لتتصرف هيك و هي لسا بفترة الخطبة و مين هل شب قررت راقبها قضيت يوم العطلة كلو عل برندا راقبها لما طلعت لحقتا بسرعة فاتت عمحل الجوالات الي بلحارة شوي و الشب قفل الباب هيك لكن عم تخون سيف مع هاد قررت انو لازم اكشف خيانتا ضليت شهر عم حاول لاحقها ل اكمش دليل ملموس عليها بس فشلت بيوم فتت عل بيت بعد يوم دوام شاق كانت امي قاعدة و مبين عليها الانزعاج شغف: ماما شوفي شبك امي: ولاشي سلامتك بس مرة عمك طلعت تجيب فستانا من لبنان وانا ابوكي مو معو يعطيني شغف: طيب عادي استعاري من عند خالتي كل تيابا من برا البلد و ماركات امي: وهو هيك انا بفرجيا لمرة عمك شغف: اي بس لشو هل فساتين امي: وك سيف ابن عمك عرسو اخر الشهر كلمة امي كسرتلي البي كيف يعني اخر الشهر معقول باقي بس ١٦ يوم لعرس سيف فتت عغرفتي صرت ابكي و حاول لاقي حل لهل قصة ما طلع معي شي مو معي دليل معقول اترك سيف يروح لغيري لا و لبنت عم تخونو و ما بتستاهلو ياربي شو الحل انا وعم فكر سمعت صوت باب غرفتي كانت كريستين فاتت عانقتني و صارت تبكي معي ياربي إلا مابكون في حل يارب الهمني انا و عم ابكي وقعت عيني عدفتر حملتو وقفت عل مراية مسحت دموعي و طلعت برا غرفتي خلص واخيرا الحل صار بإيدي لازم استغل ذكائي شوي طلعت برا البيت و وصلت للمكان المقصود وقفت عباب البناية و مسكت جوالي دقيت الرقم ورد شغف: الو انا تحت نزل بس لا تحسس حدا انتبه نطرت شوي بعدا نزل #يتبع