الفصل 2
المنتزة الساعه 11
سالم : ياربي عليها ودها تلعب اشوي شوفها كيف تطالع الي يلعبون
خالد تنهد بضيق : طيب يالله قومو معي
زياد نقزه من جنبه : شفيك ؟
خالد : لا مافيني شي بس احس نفسي متضايق اشوي
زياد : من وش
خالد : بعدين اقول لك بروح العب جنو
زياد : اوكي
جلسو الى الساعه 12 بعدين كل واحد راح بيته بس خالد راح ودى جنى الي نامت عليه وراح على بيت تركي الي متفقين على ساعه 1 الليل يكونون جاهزين
وصل خالد بيت تركي وشافه في سياره ينتظره طبعا هالسياره غير عن الي يستخدمها علشان الشرطه مايعرفون عنه شي اذا طلع طلعه عاديه ركب خالد معه
خالد : اخبارك تروك
تركي : الحمدالله
خالد : دوم شفي وجهك كذا ؟
تركي : ها لا ولا شي
خالد جلس يتفحصه : اممممم عيونك حمره وتقول مافيك شي
تركي : وش دخلك
خالد استغرب على اسلوبه : طيب اعصابك
تركي مسك راسه بقووه وفتح الدرجه واخذ حبه وسند راسه على المركب
خالد خاف : تروك شفيك تعبان ؟
تركي ماسك راسه بقوه : أي راسي بس الحين يخف
خالد : طيب وش الحبه الي كلتها باندول ؟
تركي : أي بنادول احطه احتياط علشان اذا صدع راسي
خالد : أي
تركي : الحمدالله خف
خالد جلس يتفحص وجه تركي بس يحس شي غريب فيه اممم مادري وش فيه
تركي : وصلنا يالله اركب بدالي
خالد : اوكي
جلسو يفحط خالد الى ساعه 3 الفجر وقف خالد بتعب : اف تعبت
تركي : ههههه اما اليوم ابدعت الصراحه
خالد : ههههههههه اعجبتك
تركي : كثيير
خخالد :: طيب يالله بروح البيت
تركي : اوكي بس سيارتك قدام بيتنا
خالد : أي ودنا البيت ولا انت مانت برايح البيت ؟
تركي : الا يالله امش
مشى خالد وصل بيت تركي واخذ سيارته وراح البيت ودخل بهدووء علشان محد يحس فيه وصعد بسرعه فوق وجلس فوق سرير رجع نفس الحاله مايقدر ينام اذا فحط طبعا سهر الى ساعه 6 ونص وجاته امه
ام نايف : صحيت ؟
خالد بتعب : أي يمه صحيت
ام نايف جلست على سرير : يمه خلود متى رجعت امس البيت
خالد بكذب : الساعه 2
ام نايف : ليه ياخالد تعرف ان ابوك عصب عليك
خالد : اهو دايم معصب علي يعني جات على تاخير البيت اصلا زوجك هذا مايطيقني بيعشت الله
ام نايف : لاتقول كذا والله انه يحبك بس انت تعانده واهو ماحيب العناد
خالد : اففف طيب يمه بروح اتروش علشان ماتأخر عن المدرسه
ام نايف : طيب صليت الفجر في المسجد ؟
خالد : أي يمه لاتخافين صليت بس في البيت
ام نايف : الحمدالله اهم شي صليت
راح خالد وتروش ولبس الثوب غيره لبس ثوب اوسع اشوي والشنطه على الكتف الطويله وحط شعره على وره
ونزل تحت وشاف امه وونايف وجنى جالسه تحوس في الغرفة باس راس امه وجلس على طاوله
ام نايف : يمه تبي جبن ولا لبنه ؟
خالد : لبنه وحطي زيتون وزعتر
ام نايف : من عيوني
خالد : اقول نوافوه جيب الحليب جمبك
نايف : والله عندك ايدين
خالد : شب بس بتجيبهم ولا اقوم اسطرك
نايف : يمه خوفتني قوم ورني يارجال
خالد وقف وخذ نايف ولصقه في الجدار جات ام نايف واهي خايفه وسحبت خالد : هد اعصابك لايجي ابوك ويشوف هالموقف
خالد : خايفه علي ولا خايفه من ابوي
ام نايف : اثنينكم
خالد بصراخ: يمه لاتخبين علي وانا عارفه انك خايف من ابوي يطلقك من سبتي وتحبينه وتعزينه اكثر مني والدليل انك متزوجته وانا توني في المهاد ماخذت الحنان منك يايمه بس اعرفي من الحين هذا خالد الاولي انسيه فاهمه والله لأعلمكم من خالد الحين
ام نايف حطت يدها على قلبها : خلود حبيبي هد اعصابك لو اني ماحبك كان قطيتك على ابوك الي مايسأل عنك
خالد : فمان الله اخذ شنطه وطلع من البيت واهو معصب
ام نايف جلست على الكرسي : وانت ليه تطاول اللسانك على اخوك الكبير
نايف : يخسي يكون اخوي ويمه ان شاء الله راح تسكتين عليه واهو توه مهزئك الي مايستحي
جاء ابو نايف : شفيكم ؟
نايف : يبه تو خ
قاطعته ام ننايف : ولا شي يابو نايف
ابو نايف : نايف قل الي عندك وش كنت بتقول
ام نايف : نوفي حبيبي روح لمدرستك
ابو نايف بعصبيه : قلت نايف وش سالفه
نايف : اممم يبه مساعه خالد جاي يصارخ على امي ويقول راح تشوفين وجهي الثاني وراح اوريك من هالكلام
ابو نايف : انا اوريه ولد الكلب اني خليت فيه عظم ماكون انا محمد
ام نايف دمعة عينها : علشاني يابو نايف علشاني لاتهاوشه عارفه انه طويل اللسان بس بيجي يوم وبيتعدل ان شاء الله
ابو نايف تنهد : الله يهديه ان شاء الله وانت نايف بسرعه يالله على سياره
ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ــــــــــــــ
بيت ابو تركي الساعه 8 الصباح
خالد وعينه مدمعه : تروك قسم تعبت من هالحياه خلاص ابي اموت اليوم قبل بكره
تركي : انت لاتعطيهم وجه زايد يعني اجلس من نوم تقدا واطلع من البيت ولاترجع الا اخر الليل فكذا تكون بعيد عن مشاكل اهلك وامممممم واذا تبي تنسى كل شي تعالي بعد كم يوم راح اعطيك شي تنسيك الدنيا واهلها
خالد : اف اتوقع بسويها حركتك بس وش ابتعطيني ؟
معطاه وجه تركي وشغل على اغنيه مزعل فرحان وجلس يغني معه
ليه الهنا ما دام لي في حياتي
= وان دام لي ساعات تلحقني هموم
ليه النصيب اليوم يفرض وصاتي
= لا قلت قام الحظ وعاد الشقى كوم
ليه الفرح مثل الحلم في مباتي
= اسعد على لااماه في لذة النوم
دام النكد ناوي يسبب مماتي
= راضي بحكم الغير وما صار مقسوم
لا واللذي سواه زين الصفاتي
= راضي بتعذيب الزمن لاجلها دوم
فوق النكد راضي الشقا من غناتي
= لاجله رفضت الغير ولو زاد بالسوم
ليه الهنا ما دام لي في حياتي
= وان دام لي ساعات تلحقني هموم
خالد طفا الاغنيه: اف لاتزيد المواجع علينا طيب وش ابتعطيني
تركي : اف منك يعني وش بعطيك . بعطيك حبوب
خالد فتح عيونه بصدمة: مخدرات
تركي : ههههه الله يهديك وش شايفني لا بس هذا الحبوب حق الاكتئاب
خالد : اها وش دخلها في هذي ؟
تركي : لان اذا اكلتها راح تروق مو هذا الي تبيه
خالد : أي
تركي : خلاص اجل لا تكثر من الاسئله
خالد : طيب متى موعد المفحط ....
تركي : هههههههه احسك متحمس للقاء معه
خالد : اكييد
تركي : هههه يوم الاربعاء الساعه 2 الفجر
خالد : اوكي
تركي : مانت برايح مدرستك ؟
خالد : لا مالي خلقها
تركي : طيب ااتركها
خالد : ليه شايفني مجنون
تركي : بس الدراسه مالها داعي في الحياه وش راح تستفيد منها يعني تلقى لك وظيفه
انا راح اوظفك في احسن الوظايف
خالد : وش هي وظيفتك ؟
تركي : كل شي بوقته حلو
خالد : ههههههههه عنييد واحب شخصيتك
تركي : هههههه
ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ــــــــــــــــــ
في المدرسة الساعه 9
زياد : اتصل عليه مو تقول جايب جوالك ومتفيخر
سالم : طيب تعال عند الحمامات انت تعرف هذي المدرسه شديده حتى الجوالات ممنوعه
جاسم : طيب يالله قومو
كلهم قامو وراحوا عند الحمامات واتصل سالم على خالد بس خالد مايرد عليهم ابدا
سالم : هذا مايرد ليكون صار له شي
جاسم : لاتخوفنا سلوم
سالم : اف بس قومو صفرت
زياد واهو يمشي يفكر كان امس متضايق مادري وش فيه الله يستر ليكون فيه شي قوي
ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــ
بيت ابو نايف الساعه 3 العصر يوم الاحد
ابو نايف : صدق انه بزر طايش شوفي كم ساعه واهو ماجاء والمدرسه متصلين علي يقولون حاضرته غايب
ام نايف دمعة عينها بخوف : ياويلي على ولدي قوم دوره يمكنن صار عليه حادث او شي قوم الله يخلي لك اعز ناس
ابو نايف : خلاص خلاص الله يهديك بقوم ادوره هالثور بس راح يكون موته على ايدي
طلع ابو نايف من الغرفة وشاف نايف نايم في صاله وجنى نايمه راح لهم وجلسهم وخلاهم يصعدون فوق وطلع بره البيت يدور خالدد يمكن احد شافه في الحاره
رجع ابو نايف واهو خايف على زوجته اذا قال لها انه ماشافه
ام نايف : طمني
ابو نايف تنهد : ها أي يقول اهو عند صاحبه بينام عنده مسوي عمره زعلان
ام نايف : كيف عرفت واهو جواله هنا
ابو نايف : ها أي اتصلت على صديقه وعرفت منه
ام نايف : اف منه خوفني هالولد يجيه طلعات مادري وين يجيبها
ابو نايف : الله يهديك ان شاء الله تراه مو بزر سنه الجايه بيصير ولد جامعي وبيتزوج ان شاء الله وبتشوفين عياله
ام نايف: الله يسمع منك يارب
ابو نايف : امين
ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــ
بيت ابو تركي
تركي يكلم جوال واهو يطالع في خالد الي نايم ماحس بعمره : ها أي معك معك
.............: طيب متأكد انه مايعلم علينا
تركي : شفيك خايف اكيد متاكد
............: وانا وش مدريني عنك طيب وش اسمه
تركي : اسمه خالد اهو الحين عندي اجيبه لكم ؟
...........: لا خله خلينا نخطط له بعدين جيبه
تركي : اوكي يالله سلام
سكر تلفون تركي واهو يشوف خالد وكيف جسمه كذا ضعيييف مره وطوله متوسط الي يشوفه عمره 14 وشعره ناااعم مرررره ولوننه بني فاتح وعيونه الواااسعه ورموشه الكثيفه ولون عيونه الخضره بس الحين مغمض ياليته يفتح عيونه علشان اتأكد من عيونه خضر بس كأنه خضر و خشمه طوويل وحلو
استغرب تركي ويقول بداخله : كيف طلع كذا وامه وابوه سعودين امممم غريه اذا صحى بسأله
خليني بس انام تعباااان مرره
ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ــــــــــــــــــ
في الحاره الساعه 8 العشاء
سالم : يو وش نقول له
جاسم : اممم مادري
زياد : اف منكم يعني وش بتقولون له قولو وين خالد بس
جاسم : طيب يالله انت تكلم
زياد واهو يكش عليهم : صدق مافيكم منفعه
راح زياد ورن الجرس وانتظر خمس دقايق وفتح له ابو نايف احمدو ربهم انه اهو الي رد مو نايف الغثيث
زياد باس راسه وكلهم سوو زيه : اممممم ياعم وين خالد ؟
ابو نايف خاف : مادري والله الصباح الساعه 6 ونص طلع والى الحين مارجع
زياد انصدم : ها وش تقول
ابو نايف : والله اني خايف عليه قلت يمكن عندكم بس انا انصدمت من قلتو ماتدرون وينه
زياد فكر : اممممممم اتوقع انا عند الا اكيد عنده
جاسم : من عنده ؟
زياد : بعدين بعدين اقول عم عطني رقمك اذا لقيته بتصل عليك
ابو نايف : رقمي 050 خلاص اتصل علي بسرعه
زياد : ان شاء الله يالله انتو بسرعه ركبو وسياره واقول لكم