الفصل 4
البارت الرابع
حمد :خلصيني متى استلم الفلوس
زهره قتلك باجر
حمد:اخاف يصير باجر وتهونين بس اذا ماخذيت الفلوس باجر راح اتشوفين حمد ثاني فاهمه
زهره كانت خايفه بس ماحبت اتبينله :لاتحاتي دام الفلوس بتبعدك عني باجر يكونون عندك
ثاني يوم الصبح
طق طق طق
زهره:منو
حمد:يعني منو ليش انتي شايفه احد غيري ساكن معاج صج غبيه يالله قومي خلصيني روحي سحبي الفلوس
زهره:محد غبي غيرك
حمد:احترمي نفسج ولا اخليج تندمين على الساعه الي انولدتي فيها يالله قومي
زهره بصوت واطي:انشالله ماتتهنى فيهم
اطلعت زهره من البيت ومعاها لجين وراحت بيت ارفيجتها حنان
حنان عندها 3
عبدالله 8 سنوات
أميره 6 سنوات
ساره سنتين ونص
حنان كانت قاعده مع سارونه تلعب معاها وسمعت صوت الجرس
حنان اتنادي الخدامه:راني راني
راني :نعم مدام
حنان:شوفي منو عند الباب
راني:اوكي
راحت بطلت الباب
زهره:السلام عليكم
حنان:وعليكم السلام حيالله القاطعه
زهره:الله يحيج
حنان:اشلون الحلوه معاج
زهره:والله هذي اليم نسيتني كل المصايب
حنان:هونيها وتهون انتي شلونج وشلون حمد معاج
زهره:حمد يعل ماكو حمد
حنان:ليش فيكم شي
زهره قالت السالفه كلها حق حنان
حنان انصدمت من كلامها كانت متوقعه انها مرتاحه معاه
حنان:معقوله في ناس جذي
زهره:الله يستر من الي ياي قوليلي اشلون اتصرف معاه
حنان :مايبيه تفكير طلبي الطلاق هذا ريال الوحده اتعيش معاه
زهره:بس اخاف من ابوي اذا عرف بالي صار يسويلي سالف انا مالي خلق
حنان:والله مادري شقولج
زهره:حنان اذا ماعليج كلافه ممكن اخلي لجين تقعد عندج بس اروح اسحب الفلوس وارد
حنان:لاكلافه ولا شي هذي بنتي وبعدين بطلي من سوالفج هذي احنه خوات
زهره :والله اكثر من اخت حبيبتي انتي الله لايفرقنا عن بعض
حنان:ومنو يتجرأ يفرقنا روحي بس سحبي الفلوس وتعالي خنقعد مع بعض من زمان ماقعدنا وسولفنا
زهره:لا خليها مره ثانيه الحين لازم اروح عن اذنج
بيت حمد
كان قاعد يخطط اشلون يخلي زهره تدفع وقت مايبي وشلون يخليها اتشيل فكرت الطلاق من بالها وزهره بنسبه له كنز او على قولته بنك متنقل
حمد:لازم اشوف حل اليوم اذا خسرتها خسرت كل شي
سرح اشوي
حمد ابتسم ابخبث :ماكو الا هل حل
دق على ارفيجه
حمد:الووو
مساعد:حيالله معرسنا
حمد:اسكت بس الي يسمعك يقول صج
مساعد:ههههههههههه علينا
حمد:مساعد انا ابي منك خدمه
مساعد:آمرني
حمد: ابي ..........
مساعد:بس ياغلي وطلب ارخيص متى تبيه
حمد:اذا تقدر الحين
مساعد:اوكي مسافت الطريج واكون عندك
بعد نص ساعه وصل مساعد ومعاه طلب حمد
مساعد:تفضل طلبك
حمد:مشكور وماتقصر انشالله نخدمك بالافراح
مساعد:ههههههههههههههه لامشكور مابي منك شي بس ماقتلي ليش تبي ........
حمد وهوه مبتسم :كل شي بوقته حلو ياحلو ههههههه
مساعد:على راحتك انا استأذن الحين
حمد:حياك
نرجع حق زهره
زهره اسحبت الفلوس وراحت بيت حنان تبي تاخذ لجين لمن اوصلت كان عبد الرحمن قاعد يلعب مع لجين
زهره:السلام عليكم
عبد الرحمن وحنان :وعليكم السلام
عبد الرحمن :اشلونج ام لجين انشالله بخير
زهره:دام يوسف مو معاي اكيد ماني بخير
عبد الرحمن خذا نفس عميق ومن سمع اسم يوسف صكت فيه الدنيا:اطلبيله الرحمه والله كلنا بعده ضايعين مو بس انتي
زهره بقلب مكسور:ماعتقد في احد كثري يابو عبدالله
عبد الرحمن:الله يصبر قلبج على فراقه
زهره خلاص اشوي وتنزل دمعتها من عينها:انا تأخرت لازم امشي
عبد الرحمن:ام لجين آمانه اذا حتجتي أي شي لايردج الا السانج ولاتقاطعين مابي انحرم من شوفت لجين مثل مانحرمت من شوفت ابوها الله يرحمه
حنان:زهره قعدي وخلي حمد يولي اشلج بعوار الراس تعالي تغدي وبعدين روحي والله ماشبعت منج
زهره:حنان خليها وقت ثاني
حنان:اكيد؟
زهره:اكيدين حبيبتي يالله مع السلامه
حنان وعبد الرحمن :بحفظ الرحمن
اوصلت زهره البيت وشافت حمد قاعد بصاله يدخن
زهره:السلام عليكم
حمد:شرفتي كل هذا تسحبين الفلوس
زهره:تفضل
حمد:وين كنتي كل هل مده
زهره:مريت ارفيجتي حنان شوي في سؤال ثاني بعد
حمد:لاء ذلفي عن ويهي
زهره:حمد ممكن اطلب منك طلب
حمد:الفلوس كاملين ترى بعدهم
زهره:انا وين وانت وين
حمد:شتبين
زهره:ممكن ماتدخن بالبيت مابي لجين تتأذا من الريحه
حمد:اذا عشان لجين مو مشكله بس اذا عشانج بدخن وقت الي ابي
زهره:لا مو عشاني
حمد:خلاص ماندخن اقول بس عطيني بنتج
زهره:اشتبي فيها
حمد:باكلها يعني شبي فيها بلعب معاها
زهره:لا مشكور مابيك اتقرب من بنتي
حمد:بطقاق من زينكم خلها وطلع
زهره:روحه بلا رده
ومر شهر على زواجهم وكل يوم كان يمر على زهره لازم تنطق طق السنه بساعه
لمن اتعبت وقررت انها تطلب الطلاق حتى لو ادفعت كل الي عندها بالمقابل حريتها
زهره:حمد مستعده اعطيك كل الي تبيه بس طلقني
حمد:انا اطلقج ليش قالولج مينون
زهره:انت شنو ماكو احساس ياأخي ماحبك ولا اشتهي اشوف ويهك
حمد:ههههههههههههههههههه صبحان الله نفس الشعور
زهره:على جذي احنه متفقين
حمد:لا مو متفقين انا صج ماأدانيج ولا احبج بس اموت على فلوسج
زهره:مستعده اعطيك كل الي عندي بس طلقني
حمد:انسي
زهره:ليش
حمد:اذا خلصت افلوسج افلوس بنتج وعمامها موجوده يابابا انتي كنز ومستحيل افرط فيه وبعدين صكي الموضوع مابي اسمع منج مره ثانيه
زهره:دام جذي ماراح اتشوف مني فلس حمر
حمد:ههههههههههههههههههههه� �ههههههه والله ضحكتيني
تدرين انج مسكينه صدقيني بتعطيني كل الي ابيه ولا برضاج بعد
زهره:هذا الي كان ناقص قتلك طلق اعطيك كل الي تبيه
حمد بعصبيه:قتلج صكري على الموضوع وباجر ابيج تسحبيلي افلوس انا مفلس
زهره:ماراح اسحب ولي بتسويه سوى مايهمني واذا على الطق جلدي تعود عادي
حمد:لا ماراح اطقج قام وراح صوبها
حمد :تعالي بوريج شي
زهره:مابي أي
حمد:تعالي والله ماراح تندمين مسكها من أيدها وسحبها وراه
زهره:هد ايدي عورتني
حمد طلعلها شريط صغير :تدرين شنو فيه هشريط
زهره:وانا شدراني
حمد:الله يسلمج هذا شريط انا مصورج وانتي ......
زهره:@@وانا شنو
حمد:وانتي تتسبحين تدرين يعني شنويعني اذا ماعطيتيني الفلوس انسخ منه مليون واح وابيعه واول ناس ابيعه عليه اهل يوسف اكيد يدفعون اكثر
زهره وهيه:تبجي انت جذاب
حمد :انا ماني جذاب عندج الشريط وشوفيه
زهره ماتدري شتسوي قامت تبجي وتصارخ:انت حقير نذل ماتستحي انا مرتك اشلون اتسوي فيني جذي انا شرفك
حمد وهوه يبتسم ابسخريه:لالالا انتي مو مرتي انتي مرت العله يوسف واقول ياحلوه اذا قلتي حق احد عن الشريط اعتبري نفسج انتي وبنتج في خبركانه ههههههههه حلوه خبر كانه
زهره:حسبي الله ونعم الوكيل فيك يعل اشوف فيك يوم ياحمد
وتبجي وتشاهق الله يسامحك يايبه هذا الي يبي يستر الله يسامحك على الي سويتا فيني
حمد:زهره اتصدقين جسمج عجيب ماتوقعته جذي والله انه هشريط بيبلي الملاين ههههههههههههههههه
زهره:يعل اشوف فيك يوم ياضالم
بيت عاليه اخت يوسف
عاليه اتكلم اختها عبير بتليفون
عاليه :والله من تزوجت ماقامت اتبيت تتوقعين انها نست يوسف
عبير:كل شي جايز
عاليه:ودي اعزمها على يوم مشتاقه حق لجين
عبير: آآآآآآآآآآآآآخ الله يرحمك ياخوي مابقالنا شي من ريحتك غير لجين والله مايندرى شنو اخبارها مرتاحه ولا لاء عاليه دقي عليها خليها اتي باجر على العشا واذا ماتبي اتي خل اتيب لجين احنا ابراريها بس لازم انشوف البنيه من تزوجت واحنه ماشفناها
عاليه :خلاص الحين ادق عليها وعطيج خبر
عبير:اوكي ناطرتج
نهاية البارت