الفصل 3
البارت الثالث
وراحو شقتهم واول ماوصلو ألتفتت زهره على حمد
زهره:اسمعني وحطني على بالك عدل انت ابغرفه وانا بغرفه والي بينه عقد زواج لاأكثر ولا اقل
حمد@@: اشقصدج
زهره:قصدي واضح مالك حق اتجيس اشعره من راسي انا مرت يوسف وبس
حمد عطا زهره كف محترم
وخلها ومشى
زهره ادخلت اول غرفه صادفتها وقفلت الباب وراحت على السرير لمت لجين حيل وقامت تبجي
زهره:يوسف شفت اشصار فيني ليش خلينتي
انا من بعدك مالي احد بدنيا يارب ياحبيبي اتوسل ايلك اخذ روحي ابي اموت مابي اعيش مع هل انسان اشلون اعيش مع واحد غير يوسف
لجين خافت من بجي امها الانه كانت تبجي وتصارخ وقامت تبجي معاها
زهره :بس ماما بس حبيبتي انا آسفه بس ماما
اووووووش وقامت اتقرا عليها قرآن عشان اتنام وتهادا ....نامت لجين على صدر امها .....بس زهره ماقدرت اتنام وضلت طول اليل اتفكر بمصيرها مع هل ريل وشلون راح تتعامل معاه وشلون راح يعامل لجين
هل راح يحبها ....ولا بطلع حرتها فيها وخصوصن انه زهره ماتبي يلمسها وضلت على هل حاله فكره اتوديها وفكره اتيبها ومانتبهت الا على صوت تطق الباب
طق طق طق
زهره :منو
حمد:انا حمد
زهره :خير
حمد:قومي تريقي انا يايبلج خوش ريوق
زهره:ومن قالك اني يوعانه
حمد:قومي اكلي انا يوعان حدي ومابي آكل ابروحي
زهره:وانا شكو فيك كليت ماكليت شي راجعلك
حمد:زهره بطلي الباب دام النفس طيبه عليج
زهره:مابي ابطل ولي ماطوله بيدك واصله بريلك
حمد:دام جذي انا اوريج يصير خير يازهره
زهره خافت انه يحط حرته ابنتها
زهره:خل اطلع احسن باجر يسوي شي ابنتي ذاك الوقت محد ينفعني
زهره بطلت الباب اشوي اشوي
حمد:هههههههههه حريم مايون الا بالعين الحمره
زهره قامت اتطالعه من طرف عينها:وين الريوقك الي ذبحتنا فيها
حمد:انتي قعدي وانا الحين ازهب كل شي مابي اتعب عروستي الحلوه
زهره:انا ماني عروست احد
حمدوهوه يبتسم:ميخالف راح اطوف هل مره بس انا متأكد مع الايام بتموتين فيني
زهره اطالعه واهيه منأرفه منه:وايد واثق
حمد:ومتأكد بعد
بيت سالم
اول شي بقولكم عن عايلة سالم
سالم متزوج من عشر سنوات وعنده 3صبيان وبنتين
خالد عمره 9 سنوات
خليفه عمره 8سنوات
خلف عمره 7سنوات
خلود عمرها 6سنوات
خوله عمرها 5 سنوات
امبرطورية حرف الخاء
وماشالله كلهم ورا بعض ماكو فجه
اما امهم عايشه اكبر من سالم ابسنه يعني عمرها 35 متكبره وشخصيتها وايد قوي وملسونه وتحب المشاكل (مادري شنو خلت بعد)
سالم كان قاعد يفكر بالفرصه الي ضاعت منه ولو كان ماخذ زهره حياته راح تتبدل على الاقل زهره بنت اصغر منه واحلى من عايشه بوايد وبنت هاديه وكانت اتعامل يوسف معامل وايد حلوه
عايشه:سالم اشفيك صارلك فتره مو على بعضك صاير شي انا ماعرفه
سالم :اي زهره تزوجت
عايشه @@:تزوجت منو وشلون ومتى
سالم:مادري كنت رايح بيت بوفهد بشوف لجين شفت الملاج وريلها
عايشه:الحمدالله وشكر هذي كانت تبي الفكه من اخوك حتى مانطرت سنه على وفاته تزوجت صج ماتستحي
وبعدين انت اشعلاقتك بالموضوع تزوجت ولا ضلت
سالم:انا قاعد افكر في بنت اخوي اشلون يربيها واح غريب (يرقع حق عمره الانه يخاف منها) وانا موجود
عايشه:نعم نعم ماسمعت انشالله بتيبها عندنا
سالم:مادري
عايشه:شنو ماتدري هذا الي كان ناقصني بنت زهرووو
سالم:هذي بنت اخوي
عايشه:واذا بنت اخوك امها موجوده والله خوش اهيه تتزوج وانا آخذ بنتها اربيها مو انا خدامه لك وحق بنتها وانا مادري وبعدين حتى لو امها ماتت انشالله هم ماتيبها عندي فاهم خل اخوانك الي يربونها او قطوها بدار الايتام ولا حق شنو سوو دار الايتام حق اشكالها
سالم:خافي ربج يامره هذي يتيمه ومايصير اتقولين عنها جذي
عايشه:اقول اتعرف تنطم ولا لاء غير شغله هذيج تتزوج واحنه نبتلش في بنتها
سالم:لاحول الله يني الحين الي سمعج يقول باجر بيبها
عايشه :جان طرتك من البيت انت معاها
سالم:صبرك يارب وطلع وهوه متضايق
عايشه:روحه بلا رده
عند زهره وحمد
حمد زهب الريوق وبس لمن راح الصاله مالقا زهره سمع صوتها بالغرفه اتكلم بنتها وراح لهم
حمد:الحلوه قامت
زهره :اي (وهيه تبدلها)
حمد:يالله عيل انا ناطركم بصاله لاطولون
زهره بنفسيه:انشالله
شوي وطلعت زهره ومعاها لجين
حمد:سنه مت من اليوع
زهره بصوت واطي:الله يسمع منك اتموت ونفتك منك
حمد:قلتي شي
زهره:لا قاعده العب معه لجين اشوف ريوقك الي ذبحتني فيه
حمد:والله خوش ريوق نخي وباجلا وجباتي وخبز ايراني
زهره:هذا خوش ريوق
حمد:عيل شتبين بوفيه وانا مادري اقول حمدي ربج على النعمه
زهره:الحمدالله وانا شقايله
في بيت بوفهد
ام فهد:حرام عليك ياريال ليش قطيت بنتك هل قطه
بوفهد:وانا شسويت هذا يزاي الي ابي لها استر
ام فهد:ومالقيت الا حمد
بوفهد اشفيه حمد ريال ونعم فيه
ام فهد :لامافي شي بس مطلق 3مرات
بوفهد:الريال شايل عيبه بعدين العيب مومن حمد الريال يبي عيال وحريمه ماكان فيهم عيال
ام فهد:3 مافيهم عيال اشدعوه
بوفهد:اي الريال مافي شي وبعدين حمدي رب جالي لقيتي واحد يرضى بنتج ارمله وعندها ياهل منو بهزمن ياخذ وحده جذي
ام فهد:مو لازم تتزوج خلها قاعد عندنا وايد احسن
بوفهد بعصبيه:انتي ليش ماتفهمين انتي تدرين اني مريض وابأي وقت الله ياخذ امانته ماتقولين لي مو باجر بجابل بنت وباريها اهيه وبنها
ام فهد:الله يطول بعمرك وبعدين فهد موجودوين راح
بوفهد:هذي الي بطلعني من طوري يامره باجر ولدج يتزوج ويلها ابيته وعياله وبنتج شايله على ظهرها حمل كبير وحنه ابزمن يخوف
ام فهد:ماكنت ادري انك قاسي لهدرجه
بوفهد بصراخ:شنو قاسي انا ذبحتها انا زوجتها انا خايف على بنتي من هزمن بنتج صغيره وحلوه وفوق هذا ارمله ماتبيني اخاف عليها اشره موعليج علي انا الي قاعد معاج صج الحريم ناقصين عقل
بعد يومين بشقة حمد
زهره كانت طول الوقت مع بنتها وكاشته بحمد
حمد:زهره
زهره:نعم
حمد: انا ماتزوجت عشان انام ابروحي
زهره:والله محد طقك على ايدك وقالك اخذني
انا قتلك انت ريلي على الورق وجدام الناس بس انت شنو
حمد:عيل ليشت زوجتي
زهره:ومنو قالك اني راضيه على ه زواج الله يسامحك يايبه
حمد بعصبيه:انا مالي شغل تزوجتي برضاج غصبن عليج انا ريال ولي حتياجاتي
زهره:اقول يابو حياجات دور على حياجاتك عند غيري ولو اطلقني يكون احسن
حمد:انا مينون افرط في بنك متنقل
زهره:أمممممممم جذي السالفه
حمد:اي جذي
زهره :من الاخر جم تبي وتفكني من هسالفه
حمد:مبدأين 10
زهره@@:عشره شنو
حمد:عشرت آلاف
زهره:صج انك ماتستحي
حمد:خلاص عيل عطيني الي ابيه
زهره:هذا الي ناقص قتلك انا مرت يوسف وبس
حمد بسخريه:عيل خلي يوسف لج وعطيني الفلوس
زهره:خلاص باجر عندك الفلوس بس تنسى شي اسمه زهره
حمد:الفلوس اهي الي تنسيني كل شي
زهره بصوت واطي:صج انك حقير
حمد :خلصيني متى استلم الفلوس
زهره قتلك باجر
حمد:اخاف يصير باجر وتهونين بس اذا ماخذيت الفلوس باجر راح اتشوفين حمد ثاني فاهمه
زهره كانت خايفه بس ماحبت اتبينله :لاتحاتي دام الفلوس بتبعدك عني باجر يكونون عندك
نهاية البارت