الفصل 2
الجزء الثاني
الصبح وكالعاده ساعه 6 وربع قعدو كلهم
ونزلو تحت يتريقون
واستغربو حيل انه ابوهم قاعد لان كل مره يناام
مايقعد الا ساعه 1 الظهر بس سكتو ماقالو شي
قعدو يتريقون
بو ابراهيم واهو حده مستانس وشاق الضحكه:انا اليوم راح اقطكم المدرسه
حوراء:يباا انتا تقطنا المدرسه شصاار باالدنياا
بوابراهييم:يباا اكلي بعدين تعرفيين لما تردون من المدرسه
شهرزاد:لاايباا جذي يحوشنا فضوول موطبيعي قولنا من الحين
شهد:اي اي بعدين ماانتبه عالمحاظره اقعد افكر شنوو بتقول قولنا من الحين
بوابراهيم:انسوو اقولكم الحين بعدين راح تعرفون وهاذا اخرت النقااش
حورااء واهي حده الفضول ماكلها اكال بس ساكته
وتدعي اليوم يمشي بسرعه عشان تعرف
ابوها شعنده مستانسه وشنو الي بيقوله
وعقب ماخلصو اكل الكل قام ركب السياره
وبو ابراهيم حده منطرب بالسياره
رن تلفونه
بو ابراهيم واهو يشوف الرقم وحيل بيطير من الوناسه:هلااا هلاا ولله
....:هلا فيك شلونك وشلون اليهال
بو ابراهيم:ولله تماام كلهم تماام
...:انزين قلتلهم ؟!
بو ابراهيم:انا افضل انه لما يرجعون من المدرسه
اقولهم
....:جذي احسن خلاص عيل لما تقولهم
دق علي يلا عيل بسكر انا فمان الله
بو ابراهيم:ان شاءالله مع السلامه
حوراء وشهرزاد يطالعون بعض مستغربين حيل
والفضول ذابحهم
شنو الي يقوله لهم؟
عقب ماقطهم المدرسه
رد البيت وكمل نومته
--
شهرزااد واهي سرحانها وبقلبها"ياربي شنو بيقول الله يهداك يبا لو يعني ساكت بدال لاتخليني جذي افكر"
اسسراء:شفيها الحلووه سرحاانه
شهرزاد:مااكو بس ابوي اليوم حده منطرب واهو الي قطنا المدرسه
اسراء واهي مبطله عيونها عالاخر:@@ اوه تطورات شصاير بالدنياا ابوج قطاكم المدرسه
شهرزاد:ماادري قال بيقولنا شي بس نرد من المدرسه
واحس ان الفضول شاقني شقتين
اسرااء:صج ان شاءالله خيير
شهرزااد:ان شااءالله ياارب
--
حوراء"ياربي متى يرن الجرس اوف"
حوراء راحت قعدت بطاولتها ويمها رفيجتهاا
ابرار واهي تساسر حوراء:شفييج؟
حوراء:مافيني شي بس دايخه مانمت عدل
ابرار:اهاا
وتابعو الشرح ويا الابله
وحوراء جسمها موجود
بس عقلها ابد ابد مو معه الابله
تتخيل شيقول ابوها
--
شهد:علاااااوي ابوي ماادري شعنده اليوم
اخاف عنده ساالفه مصيبه مسوي شي
علي:شدعوه حياتي شهالتشائم دامه شاق الضحكه يمكن خير
شهد:حبيبي مافي خير ايي من ورااه انسى
علي:حياتي لاتتشائمين انتي شدراج خو نطري
لي رديتي البيت شوفي شبيقول
وان شاءالله يارب خيير
"علي بداخله يحاتيها ويقول بقلبه يارب خير عليهم"
شهد:اميين الله يسمع منك
عقب ماهدو البنات واليهال ماصدقو على الله
عشان يعرفون شنو بيقول ابوهم
--
خذاهم ابوهم
والبنات خلاص موقادرين يتحملون اكثر
حوراء:يباا يلا قوول
شهرزاد:ايي يبا حرام عليك تحجىى احس انه خلاص
بموت الا اعرف
واهي تقول بقلبها"معناته ماايي خير من وراك بس بنشووف شنو الي مونسك"
ابو ابراهيم واهو مستانس:بالبيت تعرفون بلا حنه
سكتو البنات واهم مبرطميين بيعرفون
عقب ماوصلو على طوول بدلوو اسرع سريع
حتى مايدرون شلبسو مالبسو شهببو بعمرهم لول
نزلو تحت واهم يحاولون ياكلون بسرعه
عقب ماخلصو
شهد:يباا شوف قلت بعد المدرسه اقولكم قلنا اوكي يوم خلصنا من المدرسه والكليه
قلت لما نرد البيت ويوم ردينا البيت قلت ورى الغدى وكا تغديناا الحين قولنااا !!
حوراء وشهرزاد واهم يأيدونها الراي:ايييي
يبا نبي نعرف الحين
ابو ابراهيم واهو مستانس وشاق الضحكه:راح اقول بس لاتقاطعوني لما اخلص
البنات :انزييين قول
ابو ابراهيم واهوو مستانس:....
توقعاااتكم
ان شاءالله عجبكم
الاثاره بتكون بجزء الثالث