جرح الماضي ماله دوى ولو لقيته راح يبقى أثره - الفصل 4 | روايتك

تابع..... ^عند ميار ^ وصلت للكوفي شب اللي معتادين يروحونه ويتقابلون كل مره هناك شافت مريم قاعده تنتظرها ميار: سلام مريم :وعليكم السلام خدت كرسي جنبها وقعدت واخدت نفس طويل مريم: قولي بسررعه تراج خرعتيني ميار وعيونها مليانه دموع : شقولج ااااه تعب من الدنيا والله تعبت مريم: ميار حبيبتي قولي لي اشصاير ميار: تخيلي امي ظربتني سوري اقصد لطيفه مريم: شنو ليش ومتى واشلون ميار: لا تساليني عن شي مادري مادري اني للحين مومصدقه اللي صار خلاص تعبت ماقدر استمر اكثر كل يوم اهانات وصراخ واليوم تمد يدها علي بعد قبل كنت اسكت ومحترمتنها لانه فكرتها امي الحقيقيه ماكنت ادري انها موامي قلت مهما كان هدي امي ولازم احطها على راسي مهما سوت بس خلاص ماقدر اسكت الحين مافي شي يخليني احترمها واصبر عليها وادا على التربيه فهي موداريه عني كل يوم اطلع ولا تسالني وين رايحه او من وين راجع ولا كانها تشوفني واخوي هو اللي رباني والحي تركني للقدر يلعب فيني وبكره راح يرجع ويدمر حياتي اااااه ارحموني تراني مولعبه اني انسانه لو حجر كان تكسر مريم: وانتي ليش مضايقه من رجعت اخوج بالعكس المفروض تكونين فرحانه لانه هو يحبج ميار: هه قصدج هو شفقان علي هو تركني والحين بيرجع يتحكم فيني لا ماراح اسمح له اني حره نفسي اللي ابيه اسويه محد يقدر يمنعني مريم عارفه انه ميار افكارها مشوشه ومو عارفه شتقول ومومنتبها لتصرفاتها تطلع نص الليل وماترد اله افجر وعارفه انه نادر بيوقفها عند حدها ومتاكده انه ماراح يجرحها ..ابتسمت لانه اطمانت على صديقتها برجعت نادر مع انه ميار كانت مضايقه وخايفه ميار: اوفف اشفيج تبتسمين لايكون قايله نكته.. طلعت علبت السقاره واخد وحده وحطتها في حلجها وتوها بتشغلها اله مريم سحبتها من حلجها وكسرتها مريم: وياي انسي ادخنين ماراح اخليج ميار : اووفف يامعوده خليني يمكن اقدر انسى وارتاح مريم: نعم حلفي بس يعني بكل عقلج هدا بينسيج هدا بيضرج مابيفيدج بشي لكن مالومج كله من اللي تماشينهم خربوج قبل ماكنتين جدي اشصار ميار: هههه وتساليني بعد اني مالي احد في الدنيا اهلي رموني واللي تبنوني مجبورين فيني ومايحبوني ماعندي شي اخسره او اعيش علشانه عادي عندي كلشي عادي مايهمني شي لو شنو سويت وبعدين اشفيني اشحلاتي عن الف رجال محد يقدر يتعد الحدوده وياي لا بالكلام ولا بشي ثاني ..وغمزت لها ..تدرين شسوي ادبحه اعدمه وعلى همومي ومشاكلي محد شاف دمع في عيوني خلهم يقولون عني عديمه احساس مايهمني وخلهم يقولون عني مسترجله بعد مايهمني لانه في الدنيا ماتفيدني انوثتي والنعومه راح يدوسوني وياكلوني لاني موعايشه مع بشر عايشه مع دئاب مريم : يعني تبين تقنعيني انج ماتبجين شوفي ويهج اشلون صاير من البجي ميار: لا ماقلت مابجي بس مابين لأحد مريم: هه مهما حاولتي تخفين انوثتج وطيبه قلبج وجمالج ..غمزت لها..ماراح تقدرين شوفي شحلاتج تهبلين ميار: احم احم .. نادت على القرسون ابو ناصر: هلا ميار شخباج وينج من زمان مايتي.. متعود عليهم كل يوم يشوفهم وحتى حفظ اساميهم ميار: هلابيك الحمدالله عايشين انت شخبارك ابو ناصر : الحمدالله بخير وينج يابنتي مريم : احم احم نحن هنا ابو ناصر: هلاااا بمريوم شخبارج سوري مانتبهت لج مريم : لاعادي مالومك احد يشوف الجمال هدا كله ويتركه ويطالع فيني ميار: اقول بسج لا دفتنج اهني اللي يسمعج يقول هيفا وهبي جايفه مريم : ويييع هدا السخيفه انتين احلى منها ميار: عن المغازل اللي يقول خطيبي قاعد يمي مو صديقتي وبعدين انتين احلى يالغلا ابوناصر: ههههه توج تقولين عن المغازل الحين يالغلا مريم +ميار: ههههه ميار: شسوي ماقدر ماغازل القمر مريم : استحي ميار : لا تصدقين روحج بس مريم: مالت ابو ناصر: هههه هاا ماقلتو لي اشتبون ميار: ايي صح نسيت كله من العله ماتسكت مريم: الحين اني عله وماسكت ميارماهتمت لمريم:عطني عصير برتقال وكوكتيل لبناني ابوناصر : من عيوني تامرون على شي بعد ميار: سلامتك ابو ناصر: الله يسلمج ويسمنج ميار: لالا يمعود بكبري متنانه ابو ناصر: اي متنانه مافيج شي بس عظم ميار:ههه يعني هيكل ابو ناصر: ههه تقريبا تركهم وراح يجيب لهم العصير ميار: اشفيه الحلو زعلان مريم : مافيني شي ميار: افا الحين كل هل الحلج اليي مادته وموصل لدبتج وتقولين مافيني شي مريم: وتساليني بعد تقولين عني عله وتبيني ماازعل حتى العصير ماطلبتي لي ميار: مالت عليج عيل عصير البرتقال لمن مريم: اشدراج ابي برتقال تقرين افكاري والله شنو ميار وهي تقلد صوتها: تقرين افكاري والله شنو .. يعني معروفه كل مره عصير برتقال مايتغير مادري شتحبين فيه : كيفها تحبه مثل ماانا احبج ميار لفت لورى : اوفففف خير اشجابك حاتم: امي جابتني ميار: تتخيفف بدمك حاتم: لا بصوتي ..وهو يقلد صوت ميار ..تتخيفف بدمك ميار : لاحول الله هدا اللي بدبحه اليوم حاتم : لا خليه بكره احسن مريم : اقول اخوي حبيبي ادلف عن ويهي لا صطرتك حاتم : والله كيفي بقد معاكم مدام مافي رجال يحميكم انا موجود مايصير بنات بروحهم.. سحب الكرسي يم ميار وقعد ميار: اقول يالجاهل قوم لا تسوي فيها طرزان على الفاضي حاتم : انتي جب ولا كلمه انا جاي لختي مولج ميار: لاوالله يعني باكل اختك اني حاتم: خشني صوتج اكثر ترى للحين ناعم هدا موصوت رجال ياماما هه لا تحاولين ماتقدرين تغيرين طبيعتج الحلوه وانوثتج .. وهو يقرب لعندها ميار بخوف وخجل تحاول تخفيه: صج سخيف محد طلب رايك ولو سمحت بعد لاوالله ماراح يحصل خير فاهم حاتم بعد شوي: هدي اعصابج خدي نفس عمييق ريحي اعصابج انا مابعتدي عليج كلها كم كلمه قلتها ماسويت جريمه مريم: حاتم خلاص عاد بلا سخافه انت ماتفهم ميار ماتبيك وبعد عنها ترى هي رفيقتي ماراح اسمحلك تلعب عليها مثل باقي البنات فاهم ولا تحاول تقنعني انك تحبها انت ماتحب اله نفسك توه بيرد اله ابو ناصر جاي ومعاه العصير ابو ناصر: تفضلو هدا احلى عصير الى احلى بنوتين في العالم حطاهم على الطاوله ومشي حاتم: اللااااي هدا كوكتيل لبناني ... يعرف هدا لميار فحب يقهرها وشرب منه بس ميار ماهتمت وضلت تلعب في تلفونها وشافت مكالمه لم يرد عليها فتحت وشافت رقم لطيفه... مريم : حاتم وجع هدا لميار حاتم : عادي انا ماشربته كله شربت شوي .. تفضلي بالعافيه ميار تركت من يدها التلفون على الطاوله : وعوع هدا اللي ناقص اشرب من نفس الكوب اللي شربت منه يالله انا تاخرت لازم اروح البيت لطيفه دبحتني من الاتصالات يالله باي حاتم : خليني اوصلج ياعسل ميار: اقول استريح مكانك وطلعت بسرعه مريم : انت اشفيك ماتفهم اشلون جدي تحرجني مع صديقتي ادا تفكر تلعب عليها صدقني ماراح اسكت لك واقول لبابا عن كل سوالفك خدت تلفونها ودقت على ميار تعتدر منها وقالت احتمال تزورها اليوم .. ميار وصلت البيت كان الكل متجمع وباين عليهم فرحانين استغربت بس ماحبت تعلق مشت ولا كانها تشوف احد لطيفه : وين وين ميار: اشتبين لطيفه: وين كنتين اخوج يه من السفر حب يسوي مفاجاه بس حظرتج ماكنتي موجوده غرام: وين كنتين اسمعي قبل كنتين تطلعين وتدخلين وكانج في فندق ومحد يقولج شي ولما نادر يسالنا عنج كنا نغطي عليج بس الحين مانقدر نغطي نادر رجع خلاص يعني انسي طلعات نص الليل وحركات ماليه معنى ياما نصحناج بس ماكو فايده الله يهديج بس نادر ترى مومثلنه بيمشيها تعرفينه مايحتاج اقولج ميار: لا خوفتيني يعني لاحبيبتي محد يقدر يمنعني ماليكم دخل فيني هدي حياتي واني حره فيها ..هو وين الحين شدى حامله ماجد على جتفها: هااج مسكي ماجد شوي ..اخدته ميار وحطته على جتفها ..اوه ه واخيرا تعبني الدب.. نادر في غرفتج روحي له هو ينتظرج ماجد:انا مودب انا اثد شدى: اي اوكي انت اسد وابوك شبل ولا تزعل ميار: انزين يالله حبيبي انزل بروح اشوف نادر ماجد: بروح معاج خالوو ميار: اوكي تعال شدى : لاوين انت توك شايف خالك بعدين ابوك بنتظرنا بره يالله لانتاخر ويهون مايطلعنا لطيفه: وين يما شدى: لا يما بس بنروح نتعشى بره لطيفه:اي والساعه كم بترجعون شدى : مادري لا تنتظرينه لانه منتاخر ميار:يالله اخليكم عن ادنكم شدى+غرام: ادنج معاج لطيفه: روحه بلا رجعه طنشت وركبت فوق ببطء شديد وخوف خايفه تواجه وخصوصن بعد ماعرفت انه مو اخوها وجدب عليها... شدى: والله حرام يمه مسكينه مالها احد غيرنا بالدنيا حرام تسوي جدي معاها ماجد: وع عليت لتيفه ماحبت(وع عليج لطيفه ماحبج) شدى: عيب ماما مايقولون جدي لطيفه: هدي اكيد منها ميارو علمت الياهل الله لا يبارك فيها شدى: لا تحطين في دمتج وبعدين متى ميار تشوف ماجد علشان تعلمه قليل ادا شافه بس الياهل يعرف يميز بين الزين والشين شيلي الحقد اللي في قلبج ترى الدنيا دواره ماتدرين شيصير لطيفه: شقصدج ياقليله الادب انا الحين اطلع شين وميارو تطلع زين وانا حقوده صج ماتستحين شدى: كلام الحق ينزعل منه .. عن ادنكم تاخرت على محمد غرام: ادنج معاج شدى وهي تطلع مع ماجد اللي على جتفها ياشر بيده :باي رام بايي لتيفه يالشريره باييي غرام: ههههه باي ميار وصلت عند باب الغرفه وفتحته وايدها ترجف ولهانه على نادر من زمان ماشافته بس خايفه انها تواجه بعد ماعرفت انه جدب عليها وماكان اخوها الحقيقي نادر كان يتامل الصوره اللي على الطاوله كانت صوره العائله كلها في بيتهم القديم كان في عالم ثاني ميار:احم احم نادر انتبه لصوت وقام شاف ميار راح لعندها بسرعه وحضنها وحملها : وحشتيني واخييرا شفتج حبيبتي وين كنتين ... وباسه على راسها ميار ودموع تجدت في عيونها من الخوف وتحاول تبتعد عنه: نزلني اوفف بعد عني نادر: تحلمين انزلج اولشي عطيني بوسه..,,وهو ياشر على خده,, ميار: بليز نزلني نادر لاحظ خوف ميار نزلها : ميار حبيبتي اشفيج ميار عطته ظهرها : مافيني شي اطلع ابي اقعد ابروحي نادر قرب منها ومسك ايدها ولفها لعنده واستغرب وجود الدموع على خدها مسح دموعها بطرف ايده : وين كنتين اشفيج قولي من مضايقج والله اروح وادبحه ميار مزله راسها وغارقه وسط دموعها وشهيقها نادر رفع راسها وبصوت هادئ : ميار حبيبتي اشفيج قولي شنو مضايقج ميارتحاول تبتعد عنه بس مسكها من يدها بقوه شافه ترتجف ضغط عليها اكثر علشان تهدء واخدها للسرير قعدها: تعالي قعدي وقولي اشصاير ميار كان قلبها يرتجف تبي تقوم من على السرير بس نادر ماخلاها:وين ماراح تروحين الى اي مكان منغير ماتقولين لي اشفيج..وباسها على راسها.. حياتي قولي اشفيج لا تخوفيني عليج ميار: خلاص بعد عني قلت لك مافيني شي لاتكبر الموضوع ..نادر: اكبر الموضوع شوفي حالتج اشلون وكل هدي الدموع ومافيج شي مياربعصبيه: يعني اشتبي تعرف ..,,.ماقدر تكمل استسلمت للدموع ,, نادر قعد على الارض يمها صار في مستواها رفع راسها ناظرته بنكسار ماقدر يتحمل حضنها بقوه ودموع ميار تنزل اكثر تحس نفسها تبي تطلع كل الدموع اللي حابستها علشان ماتبين ضعفها مع انها كل يوم تنام والدمعه على خدها بس هدا مو كافي علشان يعبر مدى حزنها والم قلبها ... وسط دوعها اللي كانت تنزل مطر غزير : اشتبي مني بعد عني نادر موفاهم شي ..بس ميار ماقدرت تحبس في قلبها هم اكثر قالت له كلشي: اني ادري انك مو اخوي ليش تعاملني جدي اشتبي مني خلاص مااقدر استحمل اكثر ارجوك بعد عني .... نادر بعد عنها بصدمه وكانه احد كات عليه ماي بارد: اشدراج اشلون عرفتي من قالج مياروسط دموعها وشهيقها : مومهم من قال نادر بعصبيه: لامهم ميار قولي من قالج مسكها من يدها يتراجها تقوله ميار خايفه لا تتعلق فيه وتتعود على حنانه وبعدين تفقده ويكون صعب عليها وخايفه ليش يعاملها بحنيه وهو مو اخوها شيبي منها ميار: قلت لك مومهم عرفت وخلاص نادر: ميار حبيبتي بليز قولي من قالج ارجوج ميار: محد نادر وهو يكلمها مثل الاطفال: اشلون يعني محد ميار: سمعت ..سمعت لطيفه تقول... نادر: شقالت ميار: تقول .......اني نادر: ميار بابا تكلمي بوضوح اكثر وبصراحه لا تخافين من شي ماراح اسوي لج شي ولا اخلي احد يقرب يمج وياديج بس قولي ميار: ...من شهرين....قالت اني بنت ش ...شوارع ووانتو لقيتوني على الباب مرميه اهلي ماحبوني وماستحملوني اشلون انتون اختوني وربيتوني اشتبون مني ادا على الفلوس مستعده اعطيكم كلشي مابي شي بس لا تجرحوني اكثر ...(ودموعها تنزل بغزاره اكثر واكثر)..الكل كارهني حتى انت انت كنت شفقان علي مواكثر خلاص ماقدر استحمل ليش تركتني للقدر يلعب فيني والحين جاي وبكل برود تسال عني اشسويت علشان تعاقبوني جدي ....سكتت تركت الدموع تكمل كلامها نادر مومصدق اللي قاعد يسمعه كان ماسمك يدها يهدء فيها بس ميار كانت تزيد حط يده على كتفها يمسح عليه : خلاص حبيبتي لا تقولين جدي والله كلنا نحبج ميار: خلاص لا تجدب اكثر كفايه معيشني 14 سنه في جدبه نادر مسح دموعها وحضنها وظل يهدء فيها لما هدئت شوي كلمها نادر: ميار حبيبتي سمعيني انا صج لقيتج على الباب بس والله حبيتج مثل بنتي واكثر ربيتج وعلمتج وكنت مجبور اروح واخليج علشان اكمل دراستي ماكنت ابي هدا الشي بس امي جبرتني واقنعتني انها بتحطج في عيونها ورحت وانا مطمن عليج ميار وسط الدموع: هه امك كل يوم تدلني بس محد يدري عني وتقول بتحطني في عيونها داست بكرامتي اهانتني ... نادر باسه على راسه: انا اسف لاني خليتج بس ليش ماقلتي لي انا كل يوم اتصل ليش ماخبرتيني كل هدا يصير فيج وانا مادري ميار: يعني لوقلت لك بترجع نادر: اكيد خدت نفس طويل نادر: حبيبتي مابيج تضايقين من اي شي ابيج على طول سعيده وفرحانه والبسمه ماتفارق ويهج اوعدج راح اعوضج عن كل اللي راح ميار مسحت دموعها وقامت من على السرير: لا تعاملني جدي نادر:اشلون تبيني اعاملج ميار: لاتهتم فيني انت مواخوي ليش تهتم فيني بصراحه اخاف اتعود على الدلاعه نادر ابتسم :اتعودي وشنو المشكله عادي ادا انا مادلعت حبيبتي وبنتي ادلع من ميار: لا تدلع احد راحت عند التسريحه وخدت علبت السقره وطلعت وحده وشغلتها وشربت منها ..نادر يطالع فيها مستغرب نادر: شتسوين شنو هدا ميار: صاروخ ..شنو هدا يعني سقاره نادر اخدها بسرعه وطفاها واخد العلبه وفتح الدريشه ورماها ورجع سكرها ويطالع ميار بعصبيه : انتي من متى تشربين ميار : مومهم نادر: لا مهم قولي من متى تشربين ميار: من لما عرفت بالحقيقه نادر: نعم يعني شهرين وانتي تشربين ميار بكل برود: اي نادر: هدي اخر مره اشوفج فيها تشربين سامعه ميار: ليش نادر: شنو ليش انتي ينيتي في احد بعمرج يشرب سقاره ولا بنت بعد ماتدرين هدي مظره ميار ماحبت تناقشه : يصير خير وطبعا هي عندها غير العلبه اللي رماها فــ عادي عندها لو رمى وحده ونادر على نياته يفكر ميار ماعندها غيرها وبسمع كلامه من اول مره قرب لعندها وحاوط ايده على جتفها : حبيبتي انا خايف عليج تدري هدا يسبب امراض خطيره سمعو طق الباب نادر : مين من ورى الباب: اني لطيفه يما فتح نادر الباب وفي عيونه عتاب وقهر :نعم لطيف : العشى جاهز يما انزلو تعشو نادر: اوكي.. لطيفه:... نادر: بغيتي شي ثاني لطيفه فهمت:لا انتظركم تحت وطلعت وسكرت الباب وراها نادر: يالله حبيبتي انزلي تعشي ميار:مابي نادر:موعلى كيفج شوفي اشلون صايره ضعيفه ماتاكلين شي ..نادر بامر وهو ياشر بيده على الباب..يالله بسرعه قدامي ميار: قلت لك مابي نادرسحبها من ايدها وطلعها من الغرفه غصبا عنها وهي تحاول تبعد عنه بس نادر ماعطاها فرصه نادر قعدها على الكرسي غصب ميار: اوفف نادر لا تصير ياهل قلت لك مابي نادر: ادا ماكلتي بزعل عليج ميار:بس نادر: اشش ولا كلمه اكلي وانتي ساكته ميار استسلمت ماعندها خيار ثاني واكلت بكل هدوء ونادر كان مقابلها وكل اشوي ياشر لها علشان تاكل يتبع.....