الفصل 3
الجزء الثاني ...
في امريكا
نادر: ماقدر ياعادل افهمني اقولك اختي ميار مو على بعضها فيها شي وشي جايد بعد لازم اكون معاها ومااتاخر ولا دقيقه
عادل: اي ماعليه ماقلنه شي اختك وتبي تعرف اشفيها وليش متغيره ومضايقه بس عاد اصبر لين بكره وروح
نادر: ماعدني صبر.......
عادل : اشلون يعني ماعندك صبر كلها كم ساعه ياخوك وبعدين انت صابر 4 اسنين ماتصبر كم ساعه
نادر: 4 اسنين بس كنت اكلمها على طول واعرف اخباراها وكانت في احسن حال بس مادري شنو اللي غيرها
عادل : بس تدري ياخوك في مؤتمر اليوم للاطباء الجراحه وراح يرشحون افضل دكتور ويعطونه شهاده و...
نادر : صرت دكتور وخلاص شسوي في الشهاده افضل دكتور وبعدين معروفه من افضل دكتور يعني اكيد انا مو اي دكتور انا دكتور نادر ياخي تحس في اسمي هيبه
عادل: وليه صدق روحه الاخ
نادر: هههه اقول بلا هدره زايده وساعدني في حمل الشنط
عادل: يعني خلاص مافي امل
نادر: لا مافي امل في احلام اختها تبيها
عادل : وين الشنط تكفى بسرعه جيبهم
نادر: ههههه انزين يعني يهون عليك تترك صديقك واخوك وحبيبك و...
عادل: اخلص اخلص اشتبي
نادر: سلامتك بس ابيك ترجع معاي ادا ماعندك مانع
عادل بهباله : وين لايكون تبي ارجعك السوق تشتري هدايا ترا صدقني ادبحك لانه لما سالتك قلت شريت وايد بعد
نادر: لا وين راح مخك لا وهدا دكتور بعد الله يساعد مرضاك ابيك ترجع معاي البحرين يالفهيم
عادل: يعني بتروح عليك المؤتمر وبتروح علي بعد لكن تدري اشلون خلاص راح ارجع وحشتني مياروه اخر مره شفتها كانت ياهل عمرها 10 سنوات
نادر: لا يعني الحين هي كبيره اقول قوم جهز اغراضك وخلصنا لاتروح علينا الطياره
عادل : انت اشفيك اليوم ماكل فلفل
نادر: لاماكل تفاحه
عادل: اوووه هدي التفاحه حبيبة نيوتن سلم عليها وقول ليها حبيبج غربلنا يعني هو يحبج واحنا نبتلش مايصير جدي
نادر اخد المخده اللي على السرير ورماها على عادل : ههه تستهبل بعد اقولك مافي وقت بسررعه جهز نفسك
عادل اخد المخده ورماها على نادر: تو الناس باقي3 ساعات بعد خليني استهبل على راحتي ياخي شلي قاهرنك ... تصدق بتوحشني امريكا والفندق والسرير والمخده ... ,,اخد المخده وحضنها وقعد على الارض,,
نادر راح قرب لعنده ونزل لمستواه .:
قوم حبيبي لاتصيح الحين بوديك الحديقه خلاص حبيبي
عادل يطالعه ومجود ضحكته :لا مابي اروح الحديقه ابي حبيبتي اللي خانتني مع ولد جيرانه على حلاوه ليش لو طلبت مني حلاوه كنت راح اجيب ليها كاكو ولو طلبت عصير اجيب ليها ماي ليش ااااه خنتيني ليش ...وهو حاط يده على وييه ويمثل الصياح
نادر: هههه خلاص حبيبي هدا قضاء وقدر
عادل :لا لا لا ... وهو يمثل الانهيارر من الصياح وهو يحاوط ويه كامل بيده ويده الثانيه ماشر في الهوى بمعنى لا ..لاااا
نادر: بسم الله الرحمن الرحيم دخل فيك جني والله شنو
عادل: لا لا لاتقول حبيبي كانت تقولها لي لا لا
نادر ضربه على كتفه :يارجال خلاص انساها
عادل : ماقدر انساها احبها اكثر ممن نيوتن يحب التفاحه
نادر: والله تصدق في سؤال محيرني من زمان كنت ابي اسالك بس كنت متردد
عادل: قول قول اسمعك يمكن انسها وافكر فيك وفي سؤالك
نادر وهو حاط يده على عادل ودزه على خفيف : شدخل شدخل .انزين بقولك السؤال .. وهو يحك راسه
عادل: شنو لايكون فيك قمل
نادرضربه على راسه على خفيف: التفاحه حبيبة نيوتن كانت خضره لو حمره
عادل : هدا سؤالك الحين صار لك ساعه تحك راسك وعافس عمرك اخر شي طلع هدا سؤالك اقول وخر عني لا اجيبك بكف خلني اقوم اجهز نفسي بس
نادر: اووه اشفيك يالحبيب عصبت
عادل وهو يقوم : اقول قوم بلا ماتقلبها دراما
نادر: اوو يعني احنا للحين ماقلبناها دراما اهاااا
عادل : هههه اقول بره خليني اجهز نفسي واخد شور يالله من غير مطرود
نادر: افا الحين صار لي ساعه مجابل ويهك ومتحمل ثقالة دمك اخر شي تقول بره
عادل مسك نادر من ايده وطلعه بره الغرفه
نادر : انزين بقولك شي بس اسمعني
عادل وهو يسكر الباب في ويه: اشش ولا كلمه يالله فكنا بره
وطلع وسكر الباب وراح اخد له شور وهو يضحك على هبالتهم جهز نفسه واغراضه وطلع من الغرفه ونزل لقاعه الاستقبال يشوف نادر اللي كان في عالم ثاني سرحان ومو داري بالدنيا
عادل : هااا وين وصلت
نادر: هاااا شنو
عادل: ادري تفكر فيني بس تاخرنا على الطياره قوم لا تاخرنا ااكثر
نادر: اقول امشي امشي انت شفت ويهك من حلاتك افكر فيك
عادل : شكلك تفكر في بنوته
نادر: لاوالله انت نسيت تجربتي يارجال توبه خلاص حلفت ماكلم بنت او احب بعد وزواج never
عادل: صحيح اول تجربه لك ماكانت ناجحه بس مومعناته انه كل البنات حقيرين مثل اللي كنت تحبها ال...
نادر: اقول لا تاخد حسناتك بس تراها ماتستاهل وبعدين من قال انه كل البنات حقيرين اصابعك موسوى ادا كانت هي حقيره مو من حقي احكم على كل البنات بسبب وحده تافه واكي ميورتي احلى بنت في العالم
عادل: اشك انهي اختك
نادر: ههه يعني هي اختي صج انت تدري ان احنا لاقينها على باب البيت مقطوطه وانا اخدتها وربيتها واعتبرتها اختي وبنتي تدري مع اني احب الجهال بس بسرعه امل منهم بس هدي مادري اشلون دخلت قلبي اعتبرها بنتي
عادل: الله يديم المحبه بس هي ماتدري انكم لايقينها على الباب صح
نادر : اكيد من صجك تبيها تعرف
عادل: بس لمتى بتخشون عنها يعني الحين لو بعدين بتعرف بتعرف لو شنو تسوي
نادر: واشلون راح تعرف ماراح تعرف طول ماانا عايش
عادل: بعد عمر طويل بس انت مو قلت ان اهلها كانو يتركون كل شهر مبلغ كبييير لها ومن هل المبالغ بنيتو الشركات والفنادق والعمارات
نادر: اي
عادل : يعني اهلها موجودين بس مجهولين
نادر: انزين
عادل : يعني في اي وقت ممكن يجون ويرجعون ميار لهم
نادر: نـــــعـــــــم !! ليش السالفه لعبه هي متى ماحبو يتركونها يتركونها ومتى ماحبو يرجعونها يرجونها لا ماراح اسمح لهم ولو على جثتي وبعدين احنا تركنا البيت القديم ومستحيل يعرفون بيتنا الجديد ولو يعرفونه كان للحين يدفعون فلوس لبتهم ناس ماعندهم كرامه يفكرون كل شي بالفلوس يبيعون ويشترون حتى في ولادهم ماعندهم رحمه واحساس لو انا كنت اقدر اعيش ميار مثل ماكل بنت تحلم تعيش مااخت ولا دينار منهم بس شسوي مجبور تدري اشلون كان حالنا قبل ياخوك وحتى الشركات والعمارات والفنادق والبيت سجلتهم باسمها مااريد شي منهم
عادل : الله كريم .... وهو يناظر ساعته ... اوووه مابقي اله نصف ساعه على الطياره
نادر :شتنتظر يالله بسرعه خلي احد يطلع الشناط ...
وصلو المطار ولو اتاخرو دقيقه كان الطياره راحت عنهم