الفصل 2
تابع.....
عند لطيفه: تستاهل اكثر من جدي هدا الشي المفروض يصير من زمان بس لولا نادر جان كل يوم مثله واعلمها من تكون بنت الشوارع ..^^.كان صوتها مرتفع وصل لغرفت ميار اللي انهارت اكثر واكثر كلامها كان مثل السهام اللي تجرح قلبها وقطعه ^^
شدى : يما شنو قاعده تقولين سكتي لا تسمعج وتحس بشي تدرين لو عرفت شنو بيصير يما هدي بعدها ياهل ماتفهم خديها على قد عقلها وبعدين مايصير جدي يما كل يوم تهزئين فيها وتسمعينها كلام يجرح كلامج عن الف طراق بصراحه انتي وايد قاسيه معاها سمعيها فهميها عطيها شوي حنان حسسيها انج امها ولا تنسين هدي بعدها ياهل صح عقلها اكبر منها بس بعد تعتبر ياهل لا تاخدين على كل كلمه تقولها وانتي عارفه انها كانت معصبه بس تهدء تعتدر منج بس انتي حتى لو تعتدر تسمعينها كلام يكسر الخاطرها الله يهداج بس
لطيفه : انتي سكتي اخر وحده تتكلمين وفري نصايحج لج وبعدين من يوم ورايح راح اخد هدا الاسلوب معاها ومحد يقدر يمنعني ....
غرام اختها الثانيه اصغر من شدى :الله يهداج بس ماقول اله الله يساعد ميار عليج بصراحه لو اني مكانها عادي امد يدي عليج حتى لو كنتي امي لانه الكلام اللي تسمعه منج ميار مو شويه وتلومينها ادا عصبت بعد او ادا قالت شي..
لطيفه: صج ماتستحون توقفون مع هدي ضد امكم صج ماعرفت اربيكم ....
محمد رجل شدى اخد ولده للغرفه علشان مايسمع كلامهم لانه كبير عليه.......
محمد :يابابا وين رايح اقعد ياحبيبي
ماجد وهو يسحب ابوه من ايده علشان يطلع من الغرفه يبي يسمع ويعرف جدته ليش قاسيه جدي
ماجد: لا بابا خلينا نتلع ابي اسوف ماما ولتيفه ليس يتهاوسون
محمد ضحك على كلام ولده:هههه ياحبيبي اشلك بالهواش وعوار الراس تعال منطالع توم وجيري
ماجد: انا مو هبيبك انا ماثد وبعدين انت كبيل (كبير) مايثير تتالع رثوم
محمد: هههه حياتي انت فديتك والله ... حمله وباسه على خده
ماجد بعصبيه: اوووو لا تبوثني روح لماما بوثها نزلني مااهبك
محمد : افا ليش الحين انا بابا ماتحبني
ماجد : ايه لانه انت ماتثمع الكلام نزلني بروح اثوف ماما
محمد: مابي اقعد معاي خلينا نطالع رسوم عاد عاد والله خاطري اطالع رسوم عاد
ماجد: اوفف انت لا تثير زاهل وخلينا نروح
محمد: عاد ماجد بس شوي منطالع
ماجد بملل :اوكي بس سوي هاا
محمد: اوكي بس شوي .. نزله وراح يشغل التلفزيون شوي وتدخل شدى : اوفف هدي ماتمل مادري ليش تعاملنا وكانا صغار تخيل حتى اني مومحترمتني ولو تسمع الكلام اللي قالته لي والله يقوف قلبك
ماجد بحماس: سنو قالت لتيفه
شد انتبهت لماجد المفروض ماتقول شي قدامه علشان لا تزرع الكراهيه في قلبه .. شدى وهي تتقرب لعنده : حبيبي عيب لا تقول لطيفه قول جدتي وبعدين هدا سوالف الكبار الصغار مايصير يسمعونهم .. لفت لمحمد اللي كان يسمعهم وهو يبتسم .. صح بابا ؟
محمد: اي صح وبعدين ابي اعرف انت طالع فضولي جدي على من؟
ماجد : على ماما وبابا
شدى هههه الحين اني فضوليه ؟
ماجد: ايه واثد بعد
محمد : تدرين حياتي ماجد شنو سوى
شدى تمثل العصبيه :شنو سوى
ماجد: ماثويت سى
محمد : قلت له خلنا نطالع رسوم مارضى وترجيته بعدين وافق بس طلعت روحي على ماوافق الشيخ ... ماحس اله بظربه على ظهره : آآآآييي .. لف لماجد .. اشفيك كسرت ظهري
ماجد : علشان مره تانيه تتادب وتثير رثال مايثير تتالع رثوم ولا بعد نفتن علي
محمد: والله حرام علي حلال عليك
ماجد: انا ثغير وانت كبيل (انا صفير وانت كبير) يعني لو جو هراميه شنو بثوي بتالع رثوم وهم يبوقون ماما وياخدوني معاهم سير رثال (صير رجال) علشان ماياخدون ماما ولا ياخدوني بعدين ماتحثل احد يقولك كلام هلوو ادا خدو ماما
شدى : ههههههه سمعت صير رجال مو تطالع رسوم ههه
محمد : لا والله وانتي وياه بعد ...
عند ميار ..كانت منهاره من كثر الدموع مو قادره تستحمل اكثر خصوصن الكلمه اللي قالتها لها بنت شوارع كانت اكثر الام من الكف ترددت الكلمه في بالها
بنت شوارع
بنت شوارع
بنت شوارع
بنت شوارع
بنت شوارع
بنت شوارع
ماحست لنفسها اله بصوط الجوال يدق لما شافت الاسم ^^ احلى انسانه ^^مسحت دموعها وحست انه الروح ردت لها اشوي
وردت : هلا مريوم
مريم: اهلين شخبارج يالغلا ..
ميار في نفسها ( اخباري اه ه ه على حالي ) : الحمدالله بخير انتي شخبارج
مريم حست انه في شي من صوتها : ميار حبيبتي اشفيج شكلج كنتين تبجين صح
ميار:لا ابد مافيني شي يمكن تتخيلين
مريم:ميار معقوله تخشين عني شي عارفتج عدل يعني اني صديقتج وماتقولين لي شنو فيج
ميار بستسلام عارفه انها مهما حالوت تخفي ماراح تقدر مريم عارفتها : اه ه ه ه يامريم شقول لج تعبانه حيييل مليت من الدنيا ياريت لو ينقطق نفسي والتراب تحظني ...
مريم: ميار وجع لاتقولين جدي تدرين لو صار لج شي شنو بيصير انتي مو بس صديقتي انتي اختي اللي ماجابتها امي ...
ميار : هه ليش
مريم : شنو ليش
ميار: ليش تعتبريني مثل اختج وانا بنت شوارع
مريم: شنو هل الكلام تدرين اشلون الكلام على الجوال ماينفع خليني اشوفج وبعدين يصير خير
ميار ماصدقت احد يقول لها خلينا نطلع تبي تخلص من الجو المكركب
ميار:اوك في وين
مريم امممم مثل كل مره وين نتلاقي
ميار: اوك ثواني واكون عندج
مريم: اوك تامرين على شي
ميار : سلامتج .. ايي تعالي بقولج الساعه كم الحين
مريم : حتى الساعه ماتدرين عنها الساعه 4 ونص ياحظي
ميار : اها لا تلوميني من الهم اللي عايشه فيه منسيني كل شي مومخليني اتنفس
مريم حياتي لا تقولين جدي والله تقطعين قلبي
ميار ماحبت تتطول في الموضوع: انزين اني بروح البس يالله باي
مريم : باي
خدت لها شور سريع ولبست وطلعت لما نزلت ماكان في احد موجود غير امها مشت ولا كانها موجوده
بس لطيفه وقفتها: خير على وين انشاءالله
ميارمن غير ماتطالعها : جهنم تجين معاي
ومشت قبل ماتسمع ردها علشان ماتنسم من كلامها اكثر ...
في امريكا
نادر: ماقدر ياعادل افهمني اقولك اختي ميار مو على بعضها فيها شي وشي جايد بعد لازم اكون معاها ومااتاخر ولا دقيقه
عادل: اي ماعليه ماقلنه شي اختك وتبي تعرف اشفيها وليش متغيره ومضايقه بس عاد اصبر لين بكره وروح
نادر: ماعدني صبر.......
نهاية الجزء الاول..
ياترى شنو السر اللي خاشينه عن ميار بس ميار كاشفتنهم ؟؟؟
ونادر بيرجع لو بيقدر عادل يقنعه يضل لبكره؟
ليش ميار خايفه من رجعت اخوها؟
ليش لطيفه قاسيه مع ميار؟؟
انتمى نالت اعجابكم وانتظروا الجزء الثاني