الفصل 3
ام سالم رفعت راسها بعد ماشافت الكل سكت
ام سالم ابتسمت ابتسامه عريضه
شافت نوف ماسكه ايد يزوي ويالسة تنزل من الدري ويزوي طالعه كيوت مرره لابسه فستان وردي من فوق ضيق ومن خصر لي تحت وسيع يعني منفوش وفالنص فيونكة كبيرة فوشية وشعرها طويل طبعا فيايبته ع طرف وحاطه فيونكه وردية مع فوشي ومتجحله وااايد وحاطه شدو وردي مع فوشي وقلوس فوشي يلمع ونعالها فوشي عليه فيونكات وردية
الكل انصدم من جمالها
يزوي تمشي بفخر اونها ،، نوف ابتسمت وهي ماسكه ايدها
مريووم صوب يزووي : هلا والله بالقمر الـي غطت ع الكل هع
يزووي طالعت مريوم من طرف خشمها
مريووم خذت المخدة : ايييه لاتطالعين جيه ولا بسدحج اهني ويا المخدة
يزوي ضحكت : هههههه
شمووه : ماشالله اول مره اشوف يزوي محلوة جيه وكاشخه لهدرجه
نوف ساكته ومبتسمه اتطالع أختها يزووي
نوف فخاطرها : دام انا عايشة مستحيل اخليج تزعلين حتى لو اصغر عنج ااه فديتج دووم هالضحكه يارب
اليووم الثاني
قبل الغدا طبعا الساعه 1 الظهر
الشله مجتمعه فالصالة
يزووي تضحك وتسوولف ويا علاوي
شمووه فجاه : يزووي
يزووي : هلا
شمووه : ابسالج منو عدلج امس
نوف رفعت راسها وطالعت يزوي وهزت راسها بمعنى ماتخبرها
يزووي فهمت : هاه لا انا بروحي اتعدلت
شمووه : اهاا*
علاوي : ياخ ماصورتولنا صورة جماعيه عسب نشوفكم
نوف : هاذا الـي ناقص بعد
علاوي : اسوولف خخخ
نوف : ملل
الكل : وااااااااايد
(( ملاحظة : محد فالبيت كالعادة يعني بوسالم وبوفهد و بوزايد فالشغل وحريمهم يامعزومات او يتمشون ودايما يخلون عيالهم فالبيت وتعودوا خلاص ع بعض ))
نوف : ممم شرايكم نلعب
سالم : شو نلعب ؟!
نوف : اي شي ممم ملاحقه شرايكم
يزووي ع طوول : عيل انا منسحبه من الحين
الكل : ههههههه
نوف : عنلاتج خففي وزنج اشوي
فهد : اوكيه يالله نلعب
يزووي : وانا عند كلمتي*
نوف : برايج ههه
وطبعا تموا يلعبوون
والي كان يلاحق هو فهد مسك الكل وبقت نوف
نوف وهي تركض فوق الدري : ههاي مستحيل لا تحلم
فهد : نوافي لاتفورين دمي (( وركض وراها بالغلط سحب قميصها ونوف فقدت السيطرة ))
نوف شهقت : امبييييه
وانقلبت تمت تنقلب من فوق لين تحت والدري طبعا طويل
الكل ركض صوبها
الا فهد منصدم من الـي صار
فهد لف وصارخ : نواااافي
نوف طبعا اغمى عليها
سالم خذها وركبها السيارة ونوف كانت تنزف وااايد
يزووي وياه فالسيارة وتصيح
فهاللحظه الكل فكر بس يوصلون نوف المستشفى*
فهد بعد ركب السيارة واخذ معاه الباقي
.........
بعد ثلاث ساعات
فجت عيونها شافت الكل حولينها الكل الكل
نوف نزلت دمعتها وسكرت عيونها مره ثانيه
نوف فخاطرها : ابي يتم النظرة جذي اشوف الكل حولي والكل مهتم فيني اللله من زمااان ماحسيت بهالشعور انه في احد يحس فيني
ام سالم حضنتها : نوف بنتي
نوف بعدها مسكرة عيونها
سعوود اخوها مسك ايدها
نوف فجت عيونها وطالعت الكل
نوف فخاطرها : الكل موجود بس*
سعوود : نواف
نوف لفت وطالعته*
سعوود : خوفتيني والله
نوف ابتسمت : ياحبيبي سعيدان*
ومسكت راسه وباسته ع خده
بوسالم : هاه بنيتي بشو تحسين
نوف : بابا احس أني تعبااااااانه
بوسالم : والله ؟!
نوف يلست وتضحك
البنات فهموها
بالليل نوف بروحها فالغرفه فالمستشفى مب خايفه بس الـي خوفها صوت الباب نوف طالعت الساعه شافت ساعه 2ونص
منوو هاه
طبعا الليتات مسكرة ماتشوف شي*
نوف بصوت خفيف : منوو ؟!
فجأة شافت احد ياي صوبها*
نوف خافت وارتبكت وتمت تردد : منووه ؟!
ستوووب
منو تتوقعون هالشخص وشو يبا فنوف