الفصل 2
تكملة
نتعرف ع باقي الشخصيات طبعا
الاخ الثاني : بوفهد حرمته ام فهد*
وعياله : فهد عمره 19 عيونه كبار وعسليه بس غامج اشوي وخشمه طويل وحنطاوي وشعره دوم سبايكي ومعضل // سكوتي بس يوم يسولف ويقرض محد يي صوبه والمشكله دايما مب فاضي حق احد
مريم : عمرها 18 عيونها عادي يعني لاكبار ولا صغار وخشمها سيوفي وحنطاوية وشعرها كيرلي يعني اهو صدق ناعم بس أهي تسوي جيه عسب استايلها وشعرها لون اشقر صابغته // طيوبه ودايما تلعوز شما وتاخذ اغراضها لانه مره شما ضيعت شنطتها فتنقم منها هع
فاطمه : عمرها 17 وتشبه فهد يعني نسخه منه بس فاطمة عيونها سود // حياتها كله موضة ومكياج وهالخرابيط ودايما شعرها مفتوح بس مرتب وناعم الكل يسميها الينية لانه 24 ساعة ع ويهها ميكب وشعرها مفتوح
الاخ الثالث بو زايد حرمته ام زايد
وعياله : زايد عمره 21 هذا الوحيد تحسه مواطن 24 ساعه ويا كندورة المهم عيونه ناعسات يعني يجذب الواحد وخشمه طويل بس صغير ومركب تقويم وشفايفه صغار // كله هياته ويالربع برا البيت نادر مايكون ويا الشله (( الـي فالبيت ))*
علي : عمره 19 عيونه كبار ووساع بس بنيات وخشمه سيوفي وحنطاوي وشعره طويل // حياته كله ضحك ومصخرة واهو الـي يسوي جو فالبيت ودايما يحب يلعوز بنات عمه مع هاذا حبوب الكل يحبه
شما : عمرها 17 عيونها ناعسات شرات اخوها زايد وخشمها سيوفي شرات علي يعني ماخذة من كل حد شي هع شعرها قصير يعني هب لين الكتف شوي اطول صابغته لون كستنائي // حياتها شرات فطوم موضة وماموضة
مهرة وخالد توأم ويتشابهون بعد بس هاذا ولد وهاذيج بنت هع اعمارهم 16 والاثنين نفس الطبع سبحان الله
المهم خلصنا التعريف واعتقد الحين عرفتوا شو السالفة وعرفتوا الشخصيات
ونرد للقصة*
مريوم يوم لبست الجواتي ع طوول دشت المطبخ و تفتح الجدور الاخت يوعانه
يت الطباخه وظربتها بالملاس ( بالمصخرة )*
الطباخة : مريم ولك شو عم تعملي هون
مريووم : اااخ يالظالمه شوي شوي ع ايدي تراني يوعانه*
الطباخه : لو خبرتيني كنت بعمل لك اشي
مريووم : لاحوول ابتلشنا مع سوزان ( اسم الطباخه )
الطباخه : ههه مريووم مابدي تجي هون مره تانية هييك ولا راح خبر امك
مريووم اونه : سيري خبريها خايفه منها انا
.........
عند الشباب الذباب الـي مسوين جو فالصالة كالعاده
نوف فجت باب الصالة بالقو
الكل لف .. نوف طالعتهم اونه ماستوا شي*
وسكرت الباب*
علي : هلا والله بمزيونتنا السبورتيه
نوف ابتسمت*
سالم : واخيرا ابتسمتي
نوف : هههههه اشفيكم حسستوني خمسين سنة ماشايفيني يعني انا قبل اشوي مزاجي كان معكر عسب المدرسة بس الحين رايقه
فهد : ليـــش مستوي فالمدرسة ؟!
نوف يلست عند سعود اخوها*
سعود : اييه قومي ماشوف شي
نوف : جب لا اييك الراشدي الحين اخر زمن
ولفت ع فهد*
نوف : ماشي دزيت وحده وطاحت من فوق الكرسي واونها تعورت ومشكلوني شوي فالادارة
فهد : الله الله هههه انتي ماتيوزين عن طبعج
نوف : نوب هههه
الباقي لاهين كل واحد ويا بيبي ماله
بوزايد وبوسالم دشوا وهم يسولفوون
الاثنين مع بعض : السلام عليكم
الكل : وعليكم السلام
بو زايد : هب ع اساس اليوم حفلة فالبيت ؟!
نوف لفت : امبلى عمي ليـــش ؟!
بو زايد يطالع الصالة : مادري جذي بتخلونه
نوف : هههه لا ياعمي ترى شي وقت بعدين بيعدلونه الخدامات
بوسالم : نوف بابا وين امج
نوف : مادري
بوزايد و بوسالم راحوا
(( ملاحظه : البنات مايلبسون شيل يعني اهم من عايلة جذي فري شوي حتى لو يظهرون مكان مايلبسون ))
نفس الوقت نوف كانت لابسه : قميص برتقالي ضيق وفوقه جاكيت فيه كاب لون بنفسجي وبنطلون وسيع طويل استايلها شوي فيه دفاشه وشرات الرابرز
وكانت حاطه جحال وايد فعيونها بس مرتب
وطبعا شعرها قصير ماحاطه ولا شي ع شعرها
ونسير شوي فوق بحجرة الميانين*
الكل تجهز الا يزوي لين الحين ماتعرف شو تلبس*
شموه كانت لابسه قميص اصفر طويل والكم بعد طويل وتحته جينز ازرق طويل وكانت لابسه سلاسل لون ازرق وشعرها مفتوح ومرتب
وفطوم شرات شموه يعني الاثنين نفس اللبس ونفس الاستايل
مهرة طبعا خبرناكم لابسه البدلة الحمرة
ومريووم الـي متبهدله ويا الطباخه لابسه بنطلون اخضر غامج طويله وفوقه قميص تيشيرت لين الركبه لون ابيض عليه صورة واحد مسوي حبتين بلون اخضر
ويزوي الوحيدة الـي يالسه فالحجرة وتطالع الكل يتعدل الا أهي ماتعرف شو تلبس
يزووي فخاطرها : اووف والله تعبت من الصبح وانا أدور لي شي حلوو للحين مالقيت
الكل مشغول ومحد حاس فيها*
نوف تحت داقه سوالف وياعيال العم خخخ
بعد ساعتين
والساعه : 7 ونص
طبعا عدلوا البيت وبالاخص الصالة*
وبدوا الناس المعزومين ييون
وطبعا البنات كلهم يالسات تحت كل وحدة وياربيعتها ومادري شوه
والحريم الكبار كلهم ويابعض ويسولفوون
الوحيدة نوف يالسة تلعب بالايبود ومسوية طاف
نوف وهي تطالع البنات وفخاطرها : ههه والله ومستانسين يارب دوم بس وين يزوي (( قامت وتدور عليها فالصالة مالقتها ))
شمووه دزت نوف بالغلط
نوف : شماني شفتي يزوي ؟!
شمووه : لا ليـــش ؟!
نوف : ماشي سلامتج
وراحت
نوف تمشي وتدور عليها ورفعت راسها طالعت فوق وركضت بسرعه فوق للحجرة
فجت الباب شافت يزوي واقفه عند الدريشة وتطالع برع وتتنهد وهي بعدها ع لبسها الاولي لامتجهزة ولا هم يحزنون
نوف شهقت : يزوووي
يزوي لفت : هلا
نوف قربت منها : شوبلاج وليش هب متجهزة ترى الكل تحت شو بلاج ؟!
يزوي : ماشي ( ولفت )
نوف مسكت ويه يزوي ولفته صوبها
نوف : طبعا مب متاكده*
يزوي حضنتها
نوف سكتت ع امل انها تفضفض لها
يزوي : حبيبتي والله وانا كنت اترياج من متى اقول محد حس فيني ولا فكر فيني أكيد اختي بتفكر فيني وصدق لما سمعت صوت الباب تمنيت تكونين انتي*
نوف : يزوي ( يوم نوف تقول جيه يزوي تفهم انه قصدها تقول السالفة )
يزوي : السالفة وبما فيها انه مالقيت شي البسه وكل مارحت عند وحدة قعدت تتمصخر عليه بدال ماتساعدني
نوف : والله ؟!
يزوي : والله
نوف : هين يامسودات الويه انا اراويكم كل وحدة متجهزة ومعدله عمرها جنها ناقة ومخلينج اهني متوهقه هين
يزوي : نوف مابي مشاكل
نوف : المهم انا بقولج شو تلبسين
يزوي : لايكون شرات الـي لابسته ماااباا
نوف : ههه نوب غير غير
يزوي بنشوف
......
تحت
الشباب فالحديقة والحريم داخل
مسويين يلسه فالحديقة ويغنون
علي يغني : يامنيتي ياسلا خاطري وانا احبك ياسلام
ليش الجفا ليش تهجرني وأنا احبك يا سلام
فهد يطبل*
طربانين هع
زايد قام ومشى صوب الباب الصالة وتم يدق الباب بس مشغلين اغاني محد يسمع ،، مريووم حست وقامت راحت فجت الباب
مريووم : هلا زيوود
زيوود : اهليين ممكن ادش
مريووم : انـت تستهبل ولا تستعبط
زيوود : الاولى هههه
مريووم : هيهيهي (( وسكرت بويهه ))
زيوود : طاعوا هاي ماعليه مريامي ان مامطيتج من كشتج بعدين
داخل فالصالة :*
شمووه و فطوم يسولفون ويا ربيعتهم عايشة
شمووه : عواشي شرايج فينا انا و فطامي اليوم
عواش : سوو كوول قمر قمر
مريووم مرت ويوم سمعت رمستهم لفت*
مريووم لعواش : هيه اخرط ع الـي ماتعرفه جاملي جاملي
عواش طالعت مريووم بنظرة*
فطووم : ياعمي طاعوا منو ترمس انزين صدق احن قمر ولا تغارين
مريووم باستهزاء : اغار ع شو ولا شو .. اقول خل اكمل شغلي احسلي*
شمووه : يكون احسن
يوم راحت مريووم
عواش لشمووه وفطووم : منو هاي ؟!
فطووم : اختي
عواش : اسمحيلي اختج متخلفه
فطووم سكتت احترام للي يالسين ولاكانت بتدوسها ببطنها*
شمووه : هههه ماعليييج منها
صوب مهاري وامها*
مهاري : ماما مابا هالعصير وع طعمه طعم بقر
ام زايد : استغفرالله قومي قومي لابارك الله فيج تتطنزين ع الاكل
مهاري ناقعه ضحك : ماماتي من صجي والله
شمووه لفت صوب الدري وانصدمت
ودزت فطووم
شمووه : تشوفين الـي اشوفه
فطووم لفت وانصدمت
ستوووووب
شو تتوقعون ياترا بيصير
وشو هالشي الـي صدم الكل
وزايد شو يبا ليـــش يبا يدش داخل
وفوق عند نوف ويزوي شويالس يصير