الفصل 1
اول بارت
مريم وياها جواتي و تركض من فوق
تحت فالصالة :
ام زايد : عوذ بالله مريامي يما شو بلاج تركضين جيه
مريم تركض : خالوه هاي شموه تبا جواتيها وانا ابا البسه حق الحفله*
وتخبت ورا ام زايد*
شما ركضت وطالعت تحت شافت أمها شهقت
شما : وياهالويه ماعليه ماعليه اراويج مسويتلي المظلومه يدام ماما
وراحت حجرتها
مريم قامت : ههههههه مشكورة خالووه
ويلست تلبس الجواتي
ام زايد : هههه والله أنكم يهال عمركم مابتكبرون بس الله يخليكم لبعض يابناتي
مريم تضحك باستهزاء : بنتج الخبله الي ماتتغير احن شو نسوي
ام زايد ضحكت وراحت
.........
فوق بالاخص في قسم البنات الي فيه غرفة كبيرة وايد للبنات الي هن : مريم و شما و اليازيه و نوف و فاطمه و مهرة // هالست بنات طبعا مب كلهم خوات*
اليازيه و نوف خوات // شما و مهرة خوات // مريم و فاطمة خوات // يعني بنات عم*
بس يحبون بعض ويعزون بعض اكثر من خوات
طبعا الحين بخبركم شو قاعد يصير فهالحجرة الكبيرة المشتركة الي معظم اوقات الي يقضونها في هالحجرة ويا بعض
فطوم و شموه يمكيجون بعض*
مهاري ويزوي الي هي اليازية يختارون ملابس*
نوف يالسه بروحها كالعاده وتسمع اغاني وطبعا متجهزة اول وحده
مهاري ليزوي : ياربي للحين ماعرف شو البس فالحفله
يزوي : حتى انا اووووف*
شمووه وهي مغمضه فطوم يالسه تمكيجها : لبسي البدله الحمرة حلوو عليج
مهاري : انا ؟!
شمووه : لا انا
مهاري : سخيفه ، وتطالع البدله الحمره الي هي عبارة عن قميص احمر غامج طويل لين الركبه مع بنطلون اسكيني لون اسود وع البنطلون خطوط حمرة*
مهاري رفعت البدله وهي تفكر : مممم ( وحطته ع جسمها ) حلوو ؟!
يزوي : لو لبستيه بيكون احلى جربيه يال***** اونه حاطتنه بس ( وتقلد صوتها ) حلوو
مهاري : جب جب زييين رايحه اجرب والله العظيم ( ودشت غرفة التبديل )
يزوي لفت ع نوف : نوافي*
نوف ماتسمع حاطه سماعات وتطالع برع يعني واقفه عند الدريشه
يزوي : اييه نوف لاحوول اختي اصمخت*
ويت عندها ولفتها صوبها
نوف طلعت السماعات : شوتبين حشااااه ماتخلين احد يتهنئ بحياته نعم قولي يالله اشووف
يزوي تضحك : لاوالله يعني من الصبح تسمعين بس مسويتلي الصمخه
نوف : اللهم طولج ياعمر
يزوي : انزين انزين سمعي شو بتلبسين ؟!
نوف لفت : صباح الخير بابا انا من زمان متجهزه
يزوي تطالع ملابس نوف : لاوالله لايكون بتسيرين جيه
نوف : هيه اختي عندج مانع
يزوي : طاع هاذي تبا تفضحنا عند الاوادم
نوف فاجه حلجها وتطالع يزوي
فطوم : نوافي حبيبتي لبسي لج شي حلوو
نوف : ولايكون مو عايبنكم الي لابسته حبايبي هاه ملابسي ماركه وبعدين انا استايلي جيه اشعليكم يوم تقدرون تيبون شرات ملابسي ذيج الوقت رمسوا ( وطلعت من الحجرة )*
يزوي : اشفيها هاذي ( وتاشر ع الباب )
شمووه : انتوا الي شفيكم الحين عشرة عمر ويا بعض وللحين مافهمتوها*
يزوي : شو الي نفهمه انشالله
شمووه قامت وفجت عيونها : أفهموا انه نوف استايلها جيه واهي تحب تكون جيه خلاص خلوها بحالها
قطع رمستهم صوت الباب
طق طق طق
فطوم : منوووه ؟!
يزووي فجت الباب
يزووي : ااه انـت*
علي ابتسم : لا يدج
فطووم : شو هالاستهبال دش داخل يعني اونه يعني
علي : اشفيكم قلت العوزكم اشوي واقلل من وزن يزوي التنكر*
وركض دش داخل عرف انه مابيسلم من يزووي
يزووي : مع كل هاذا مابرد عليك
علي لف : آفا بس آفا*
يزووي : شوووو ؟!
علي : ماحيدج جيه*
يزوي : شو اسوي مثلا
علي : لاحقيني
شمووه : شو تلعبوون توم وجيري*
الكل : ههههههه
مهاري طلعت من الغرفة التبديل
علي لف : هلا هلا .. هلا والله بالطش والرش
مهاري اونه تتدلع
علي : لاتصدقين عمرج هاه*
مهاري فجت عيونها : جب جب زييين
يزوي : الله حلوة البدله علييج
مهاري : يعني البسه خلاص
يزوي : يب
علي طلع وهو يتافف من الملل ونزل الصالة جان يشووف الشباب يالسين يطالعون تلفزيون
علي : اقول ليـــش جيه جنه عزه ياخ سولفوا
فهد : اسكت بس انا بروحي مزاجي معكر
زايد : قصده متكهرب هههههه
علي : وحليلك يافهوود ..*
فهد طاااااااف و جنه يتريا احد
سالم غير القناة
سعيد : ليييييييش ؟!
سالم : ماعندك سالفه تطالع هالبرنامج*
سعيد : كيفي*
خالد يلعب بفونه ويغني : بلا حب بلا وجع قلب
وسكت
علي كمل : غير الحمل غير التعب وش جانا
كلهم لفوا عليه
علي ناقع ضحك
سالم : استغفرالله*
علي يغمز له : اونه هاه مسويلي فيها مطوع اونه
فهد توه استوعب السالفه ويضحك
زايد : اندوكم هههههه استيعاب متاخر
والحين بعرفكم ع العايله الكريمة
الله يسلمكم بوسالم وبوفهد وبو زايد خوان ويعيشون فبيت واحد مع حريمهم و عيالهم يعني العيال متعودين ع بعض خلاص من سنين فبيت واحد والبيت طبعا كبير كبير كانه قصر طبعا لانه هالثلاث خوان تجار وكلهم عايشين فعز*
والحين بقول لكم التفاصيل*
الاخ الاكبر هو : بو سالم حرمته ام سالم
وعياله : سالم عمره 21 ملامحه شوي شرات الاجانب يعني شعره بني ع اشقر طبيعي وعيونه عسلية وخشمه طويل وشفايفه صغار // طيب ومايخصه فحد بس معظم اوقاته برا البيت
اليازية : عمرها 19 عيونها كبار وسود وحنطاوية وخشمها طويل يعني ملامح بداوه هههه ودبه اشوي عيب جيه الكل يتمصخر عليها// حبووبه وماتزعل من حد وتحب تنكت وتقرض
نوف : عمرها 17 ملامحها طفوليه يعني عيونها كبار شوي زيادة عن اللزوم وخشمها طويل وصغير وشفايفها صغار وبيضه وايد وشعرها قصير لين كتفها كل مايطول تقصه واهي ضعيفه وايد وأستايلها سبورتي// أهي طيبه وايد بس مزاجيه وعصبيه مرات والي فقلبها على لسانها مرات ييها هفه تحب تسوي مقالب
سعيد : عمره 16 ويهه دويري وعيونه كبار وخشمه طويل وصغير ويشبه نوف وايد وضعيف // حياته كله هياته ويا خالد ولد عمه 24 ساعة سينما مايطوف ولا فلم
ستوووب
بعد الردود بكمل عن شخصيات الباقي*
وشو بيستوي بالحفلة الي مجهزين له البنات فالبيت