الفصل 2
"ڪـثرت" cـيوبيـﮯ بـ / cـيونـڪ [ تباهيت]
" آلـ / ثاني"
من وصل التكسي للـ بحر وقبل لا يوقف..بطل الباب ونزل من السيارة..، وراع التكسي لزم بريك قوي غصب عنه عسب لا يتعوّر مروان..، لكن وين مروان ولا اهتم نزل ركض صوب تجمع الشباب..ومن صار عـ بعد خطوات..انتبه للـ دم نازل من خشم عمر..!
صرخ بـ أعلى صوته : منو ضربــــــــك...؟
الكل تشتتوا من صرخته وصدوا له :..
عمر مسكه من جتوفه لـأنه مروان كان يتنفس بـ عصبيه شديده :..مروآن..
مروان قاطعه بـ عصبيه وهو يبعد إياديه : عمّــور منو ضربك...؟
عمر صرخ : أفهم محد ضربنـــي..كنت أفاتك مبينهم ولاشتني جم ضربه
مروان طالعه بـ صمت ثواني..وعقب طالعهم من فوق جتف عمر..وقال بـ تهديد وهو يصرخ : منو ضربهـ...؟
عمر هز راسه بـ ضيج من عناد مروان : مروآن أقولك أنا ما يخصني بـ الضرابهـ...
مروان طالعه : ما يخصك هــآهـ..؟..[طالع الشباب وهو يتنفس بـ عصبيه]
وآحد من الشباب : مروآن هم اللي بدوآ
مروان صد له ونظرة الغضب بـ عيونه : شـ سالفتكم الحين..؟
ريـــآل رمس وهو يشل كبوسه من الأرض : هم اللي بدوآ بـ السب..
ريال ثاني صرخ بـ ويهه : شو نحن اللي بدينا..؟..أول شي كنتوا تتمصخرون علينا شو تبنوا نسكت عليكم..؟
ريال رد عليه : والله من زمــــآن نحن نسولف ونتمصخر عـ بعض..الحين دقت عليكم وجلبتوها جد
ريال رد عليه بـ عصبيه وهو يدزه من صوب جتفه :..والله جلبناها جد..جلبناها أب..إنت ما يخصك...بس تيلس تغلط...[وهو يعد عـ إيده]..عـ أشكــآلنا..صفاتنا..حركاتنا..[ضرب صدر الريال بـ سبابته بـ الخفيف بـ تقليل جيمه]..ما بنسكت عنك نحن
الريال دزه بـ قو وصرخ : إييييييييييهـ...أحترم حالك
عمر بعد مبينهم وهو يحط راحه إيده اليمين عـ صدر الريال..وإيده اليمين تمسك الريال الثاني: هدوآ..!
مروان يبدل عيونه مبينهم بـ صمت..تقرب شوي ووقف مبينهم :..
عمر يطالع مروان..كان ويهه يرتجف من العصبيهـ...مروآن من كثر ما هو عصبي..من يعصب أتييه رجفه خفيفهـ...ويبين عليهـ...وغير جيه محد يروم يرمسهـ...ينسى اللي جدامه من يعصب..يضرب بليـــآ رحمهـ...وما تهمه النتــآيج..المهم إنه يشفي غليلهـ...بـ الضرب..! أو بـ التخريب../ وعقبها يضحك ويسولف ولــآ جنه توه جالبنها يا ذابح يا مذبوح :..
الريال طالع مروان..وبل ريجه ورمس بـ هدوء: بـ ذمتك منو الغلطان الحين..؟
مروان طالع ويوهم..وتفل عـ الأرض : هذا يزاكم..!
الكل بطلوا عيونهم :..
ريال رمس : مروآن حشّــــم...هب زاقرينك عسب تقل أدبك
مروان طالعه بـ عصبيه : أنا قليل أدب.؟
ريال ثاني رمس : مروآن هو ما قصده جيهـ..!
مروان ركض صوب الريال..مسكه من قميصه وثبته عـ السيارة بـ قوه : أنا قليل أدب..؟
عمر بـ حركة لــآ إراديه حط إيده عـ راسه..وعقب تدراك عمره ومرر إيده بـ شعره بـ توتر :..
الرياييل بعدوا مروان بـ القوة عنه :..
مروان طالعه : أنا قليل أدب..صح..؟..[نزل ويلس عـ أطراف ريله]
عمر طالعه بـ استغراب..تقرب صوبه : مـــر..[فج عينه وصرخ]..مروآن لـــأ
الريال من شاف السجين بـ إيد مروان..ركض صوب الدرآجهـ...{السيكل موتر} :..
عمر وقف جدامه وهو يمنعه يطوف : مروآن..أهدى..
مروان يتنفس بـ عصبيه وهو يناهي :..
عمر تكلم بـ حرص : مروآن..؟
مروان بعد عن عمر..راح صوب الكراسي والمظلــآت الجريبه منهم..{اللي عـ الشاطي}..وبدى يضربها ويكسرهـــآ.. بـ عصبيه :..
عمر سحب نفس وهو يغمض عيونهـ...يحمد ربه إنه طلع حرته بـ الكراسي ولا يظهرها عـ الأودام :..
ريال : مروآن بس.!
مروان طالعه بـ عصبيه :..
الريال بلع ريجه : خذ راحتك...
مروان سكر السجين وحطه بـ جيب الجنز..طالعهم وآحد وآحــد:..
عمر ابتسم يوم شاف ملــآمح الخوف أو الرهبه بـ ويوه الكل :..
مروان مشى بـ برود صوب عمر : وصلني الشقه
عمر ابتسم ومشى لـ سيارته :..
مروان ركب السيارة :..
عمر ركب بـ كرسي السايق..طالع مروان وهو مبتسم وحرك السيارة:..
مروان جابل ابتسامته بـ نظرة برود :..
عمر : مروآن..؟
مروان طالعه بـ ملل وشغل المسجل بـ علامة أنه ما يبى يسمع منه شي :..
عمر ما أهتم قصر عـ الصوت وكمّل :..شفت الشباب شقى انتفضوا من صرختك...[وضحك بـ الخفيف]
مروان منزل راسه عـ مستوى مكيف السيارة..وعيونه رافعنها يطالع جدامه :..
عمر ابتسم : مجــــرم ما ينلامون فيك
مروان ارتسمت ابتسامة سخريه عـ طرف شفايفه :..
عمر..أكتفــى يسمع الـ أف أم..يسمع برنامج الشعر اللي يكون بـ هالوقت بعد صلاة العشى :..
مروان طالعه : وقــّــف..!
عمر طالعهـ...وعقب طالع الدرب ونطق بـ استغراب: هنيهـ...؟
مروان بـ عصبيه : وقــّــف..!
عمر وقف وهو يطالع مروان بـ استغراب :..
مروان نزل من السيارة:..
عمر سحب السويج..سكر الباب وركض ورى مروان : وين..؟..وين..؟
مروان يمشي ومطنش عمر :..
عمر وهو يركض عسب يلحقه : صبر إنزين..
مروان صد له بـ عصبيه : خير..؟
عمر ابتسم بـ عذوبه وهو يرفع حياته : بـ ويهك
مروان أكتفى يبدل نظرته بـ برود لـ الرصيف :..
عمر : مروآن..وين تبى به.؟
مروان نزل وشل حصى من الأرض :..
عمر بـ حكم إنه يعرف مروان..تلفت حواليه يدوّر مكان التوصيب اليوم ..! :..
مروان سحب نفس..وفر الحصــــــــآه :..
عمر ابتسم بـ رضى..وهو يشوف زجــــآج المحل ينشرخ لـ إجزآء :..
مروان توسعت ابتسامتهـ...بـ ارتياح..طالع عمر : تجرب..؟
عمر وهو يطالع حواليه : يبالنا شي أقوى..الحصى ما بيكسر الزجاج على طول
مروان يدوّر حواليه عـ شي يفيده عسب يزيد بـ التخريب..! :..
عمر طالعه : إلــآ تعال..إنت شـ تبى من المحل..؟
مروان بـ خقه : والله أبى أغير كفر موبايليه
عمر : هههههههـ...إنزين تريا لين يرد من الصلــاهـ..!
مروان وهو يشل حصاه ثانيه : قلت الحين..!..[وفر الحصاه]
عمر ضحك وهو يشوف الزجاج تناثر والناس بدت تتلفت :..
الرياييل تراكضوا أونهم بيمسكون مروان+عمر :..
مروان : ههههههههههـ...هدوآ هدوآ..نحن هب شاردين لـ مكان
عمر وهو ييلس عـ بونيت سيارة كانت واقفه جريب المحل :..يالسين عـ قلوبكم
مروان ضحك ويلس حذاله : متولهيـــــــن عـ شرطة البلاد صارلنا أسبوعين عنهم
عمر : هههههههههههـ...[تنحنن وبدى يغني]..عنتر عناتر..ينفخ ويطامر..وعيونه حمرآ..والله يــآ ساتر..ههههههههههههههـ...
مروان : ههههههههههههههههههـ...[غنّى وهو يصفق بقو]..عنتر زمانه برطم..من أدنى شي تحرطم...نرفز..بوز..برطم..!..هههههههههههههههههههـ...
الرياييل كانوا يهزون راسهم مستغربين من هـ الجيــــــل..ومن هـ الجرأءة :..
وصلت سيارة النجدهـ...:..
مروان وقف وهو يأشر للشرطه قبل لا يطلعون من السيارة : روحنا بـ نركب لا تخافون
عمر : هههههههههههههههههـ...[بطل باب سيارة الشرطه]..حيــآك مجرمنا
مروان : ههههههههههههههـ...الله يحيك ويبجيك...!
×
×
×
طالعته بـ ضيج : لــآ حول ولــآ قوة إلــآ بـ اللهـ...!
عبدالعزيز سحب نفس : هذا مروان مادري متى بيتوب..
مريم : والحين وينه هو..؟
عبدالعزيز بـ قهر : تحت..ويى عمّور رفيج الغفلة
مريم ابتسمت عـ هالطاري : عمّــور..؟..حليله مروان هو اللي مخربنه
عبدالعزيز : أصلـ[ن] أخوج ما بيتوب لين يعرّس
رقع الباب بـ قوه : نعم...أستاذ عبدالعزيز.؟
مريم وقفت وابتسمت بـ ارتباك : مروآن..هو ما قصده شي
مروآن وهو يطالع عبدالعزيز من فوق جتف مريم : إلــآ يقصد
عبدالعزيز..شرات عادته يلتزم الصمت يوم يكون مروان معصب :..
مروان بـ صراخ : إذا أنا هب مصطلب تعال أصلبني..تعال عطني جم كف يمكن أتأدب
عبدالعزيز سحب نفس وهو يطالعه بـ هدوء وشوية ضيج :..
مريم تمسح عـ صدره بـ سرعه : مروآآن..!..بس خلاص
مروان طالعها بـ نظرة سريعه ورد عينه عـ اللي يالس هنــآك :..
عبدالعزيز يطالعه بـ هدوء :..
مروان ابتعد وراح حجرته :..
مريم طالعت عبدالعزيز : ما عليه حبيبي تدري به شويه عصبي
عبدالعزيز ضحك بـ سخريه : شويه..؟..[بـ طنازة]..لــآ لــآ تبالغين وآيد
مريم ابتسمت بـ عذوبه : أفـــآ
عبدالعزيز ابتسمت : لــآ تحاتين مروان شرات أخويه الصغير
مريم : يأ كبرها عند ربي..إنت ما عندك أخو صغير
عبدالعزيز ضحك : حمـــآرة..!
×
×
×
طــــآيح عـ سريره..ما فيه رقاد لــأنه رقد 3 ساعات بـ السجن..يحسها كافيهـ...
ههـ....والعجيب أنه هب معصب من عبدالعزيــــز..عـــآدي تعوّدوآ عـ هالمهازب كل يوم
ارتسمت ابتسامه وهو يشوف السلسة البنوتيه اللي معلقنها بـ موبايله..
طالعها بـ نظرة ضيج وهو يخفي حزنه بـ قلبه : أسمعي يـا جلبه
ندى ابتسمت..تدري إنه مروآن ماشي عـ مثل" اللي يسبك يحبك " :..
مروان وهو يبطل سلستها :..
ندى بـ خوف : مروان..شـ تسوي..ماما إن ما شافتها علي بـ تذبحني
مروان : جب..وما عليج من أمايهـ...[شل القلاده اللي بـ السلسة..وحطها بـ جيبه]
ندى تراقبه بـ صمت :..
مروان فصخ خاتمه اللي بـ صبعه الصغير..[الخنصر]..وحطه بـ السلسة..ولبسها السلسه :..
ندى ابتسمت بـ عذوبه :..راعــي حركات بعد
مروان ضحك بـ الخفيف : إن خوزتيهـآ..بلعنج..
ندى ضحكت بـ الخفيف: وبتتعنى لين بوظبي عسب تكفخني..؟
مروان : ههههههههـ...ما بها عنــى..!
بـ عصبيه : إنتوا شو..؟
مروان بـ ابتسامه عذبه..يستهبل :..ينقال لنا بشر..وإذا استخدمت تعبير أودام يكون صح بعد
عمر ضحك بـ الخفيف :..
الملــآزم صرخ : مروآآن..!!
مروان بـ براءة : هلـــأ
الملــآزم سحب نفس :..
مروان همس لـ عمر بـ ضحك : ارتفع ضغطه
عمر ضحك بـ الخفيف : وأنـــآ أشهد..!
طالعه بـ هدوء : مروآن جم عمرك...؟
مروان بـ ملل وهو منسدح جدام التلفزيون : ثاني روضه
مريم ضحكت بـ الخفيف :..
عبدالعزيز طالعها بـ هدوء ورد يطالع مروان اللي ولا مكلف عمره يطالعه :..مروآن..؟
مروان بـ ملل : خلص أسميه
مريم : هههههههههـ...
عبدالعزيز طالع مريم بـ ضيج :..
مريم تهربت : بروح أشوف الكيكهـ...[وركضت للمطبخ]
مروان هنيه يلس : إنت وبعدين ويـــآك..؟
عبدالعزيز بـ هدوء : إنزين أنا جم عمريهـ..؟
مروان بـ عصبيه : شـ دراني قالولك كاتب جنسية أبوك...!
عبدالعزيز : إنزين إنت جم عمرك...؟
مروان طفر : لــآ حوول..هديت الوزارة وأشتغلت خطــآبة شو..؟..[وطلع من الصاله]
بـ صوت عـــآلي : إييييه يـــآ ولد..!
الولد صد له بـ طفولية : انا..؟
عمر طالع مروان : خاف ربك مروانوه
مروان ضحك : تعـــآل
الولد تقرب : هلـــآ عميه
مروان فصخ عنه السفره : أنا ما عنديه سفره أبغي مالك
الولد يطالعه بـ صمت :..
عمر : ههههههههههـ...مروان ردها له
الولد : هاتهــــآ بابا بيزعل علي عقب
مروان : وأبوك زطـــي يزعل عـ سفرة بـ 30 درهم..؟
الولد شوي ويصيح : وإنت ما عندك تشتري سفرة بـ30 درهم..؟
مروان رفع حياته بـ غياض : عيبتني مالك
الولد ركض لـ داخل المسيد يصيح :..
مروان : ههههههههههههههـ...[لف السفره عـ إيده بـ قو]
عمر ابتسم : مروانوه ما بيوقف الدم جيه..! روح البيت خل ميمو تحطيلك مطهر
مروان :لـــآ..لــآ..خلني جيه أحسن
عمر يطالع إيد مروان : مروان وايد تنزف شوف السفره مسرعها صارت كلها دم..!
مروان طفر..مشى وخلى عمر :..
عمر مشى حذالهـ...وبحركه هبلة أنحنى بـ ظهره ووآيج عـ ويه مروان اللي يمشي حذاله :..
مروان ضحك بـ الخفيف : خبلهـ...؟
عمر ابتسم وهو يعدل الكاب عـ راسه : من يوم رافجتك
مروان ارتسمت ابتسامه جــآنبيه عـ ويهه : تذكر عمّور قبل كنت زلمة نسبتك اتيي بـ التسعين
عمر ابتسم وهو يطالع مروان : والله نسبتي بـ الثنوي العامه بعدها بـ التسعين ولــآ بتنزل يوم رافجتك يعني..؟
مروان ضحك بـ الخفيف وهو يشد ربطة السفره عـ إيده وتعقيدة الألم مبينه عـ حياته لـكنه يكابر :..لــآ يعني إنت نسبتك بـ الثنوية 93..ما كنت تبى تدخل الجامعه شي..؟
عمر ابتسم : أمبلــآ..أبغي..بس منو بيدفع لي حق بعثه الطب.؟ أنا حالف غير الطب ما بدخل
مروان طالعه ثواني بـ صمت..حط إيده عـ جتفه : دامني ضيعت لكل 3 سنين من عمرك بـ السجون والمشاكل..هذا دين فـ رقبتيه
عمر ابتسم بـ استغرب: ..
مروان مشى ولــآ جنه خلى وراه إنســآن تشتت من شخصيتهـ...:..
عمر يطالعه وهو مقفي..هـ الريال فيه من الحب والكره الكثير..وفيه من الغضب والطيبه الكثير..فيه من الوفى والحقد الكثير..كـــل شعور يناقض الثــآني..
فيه شخصية الشرآني وفيه شخصيه مروآن الطفولي البريء..! :..
مروان صد له : يـــآ الشيخ مطوّل جدام بيت الباكستانيه اللي يشوفك يقول معزوم عندهم
عمر ركض صوب مروان وهو يضحك : شدراك...؟..كنت رايح أخطب بنتهم بس إنت خربت علي
مروان : ههههههههههـ....[رفع راسه وهو يصفر وعقب نطق بـ همس]..حلو خلود لي عيل
عمر كفخه بـ قو عـ راسها..بينما مروآن بدى يضحك من خاطره :..
كــآن يسمعهم..يحس بهم..لكـــــن شعور خفي خلــآه يتظاهر بـ النوم
مسحت عـ راسه ونطقت بـ صوت خفيف : مروآن..؟
ما يدري ليش يحس بـ تدافع الدموع لـ عيونه..لــآ أنا ريــآل ما ألازم أصيح..أنا ريــآل..
الريال ما يصيح..الريــآل لــآزم يكون شديد..الريـــآل لـآزم يكون قوي ما تهزه موآقف بـــآيخهـ...أصلـ[ن]..البنات ما يصيحن عـ شرات هـ المواقف..شتته صوتها :..
أم مروآن : مروآن..الغالي تسمعني..؟
مروان بطل عيونهـ...تـــأملها ثوآني..بلع ريجه : أمايهـ...هذي إنتـــي..؟
أم مروان ابتسمت ابتسامه غامضه : شـ اللي تشوفهـ...؟
[قال بـ مرح]..يـ الله قوم يـــآ كسول..[شلت الملابس المتبعثرة بـ الحجرة]
مروان يطالعه بـ صمت..مستغرب..شـ اللي يصير يـــآ نـــآس..؟..شـ اللي يصير..؟شــآفها بـ تطلع..صرخ : أمايهـ..؟
أم مروان طالعته بـ استغراب :..
مروان نط من مكانهـ...ركض صوبها باس راسها..مسك إيدها وباسها بـ قو..ودموعه تنزل بـ انسيابيه عـ إيدهـــآ : وينج عنيه يا أمايهـ...؟..وينج..؟
[مسك دموعه بـ إيده الثانيه وتقرب مرة ثانيه يبوس راسها والغصه تتحشرج بـ حلجهـ...وصوته تغير لـ المبحوح]..أمايه أنا هب عتبان عليج..خلــآص نحن بنفتح صفحه يديدهـ...بنصير عايله مثاليه الكل يتمنى يصير شراتها..محد بيطالعنا بـ شماته عقب اليوم..
[سحب نفس ودموعه أطيح كنها أشتاقت لهالخد..من زمـــآن عنه]..تولهت عليج أمايه..
[رفعت راسه عن إيدها وهو يطالع ويهها بـ استغراب بعد هالضحكه الاستهزائيه].. أمايهـ..؟
أم مروان سحب إيده من إيد : مصدق عمرك إنت..؟..روح روح أنا ماصدقت افتكيت منكم..
مروان طالعها بـ استغراب..وهي تقفي : صبري أمايهـ...!..[فجأه شاف حميد واقف بـ آخر الممر]
حميد : هههههههـ...بنت..!!..تصيح شرات البنــآت..ما تنلام تربيتك أبوك
مروان رد عينه عـ أمه اللي تحط إيدها بـ إيد حميد ويطلعون من الشقهـ...ركض وراها بـ طيش :.. لــآ ما بتروحين وياه..إنتي أمي أنـــآ..[صرخ يوم اختفوا عن أنظاره]..أمي أنـــآ..!!
بطل عينه وهو يتلفت يمين ويسار..كـــآن مجرد حلم...!
شل المخده وحطها عـ راسها ودخل بـ صيـــآح مخنوق : ..
×
×
×
حط إيده عـ جتفه وهزه : مروآن..؟..يـ الأخو..؟..حووووهـ...؟
مروان بطل عينه ورقد غمضها..ثواني وبطلها..تلفت يمين ويسار يستوعب الوضع.. طالع عبدالعزيز بـ برود ثواني وعقب رد راسه عـ مخدته ونطق بـ ملل : نعم يـ العنز..!
عبدالعزيز هز راسه : أستغفر اللهـ...قــآيم تسب إنت.؟
مروان صرخ بـ عصبيه : ما تشوف عمرك...ما قلت جم مرة يوم برقد لــآ تقوموني
عبدالعزيز سحب نفس : مريوم...تقولك قوم صار العصر
مروان يلس بـ عصبيه : وخير يـــآ طير عصر../ مغرب../ ظهر../ فجر..إنتوا شـ دخلكم..؟
مريم دخلت بـ سرعه عسب لــآ يتكافخون :..مروآن..قوم حبيبي كل عقب بتتعب
مروان طالعه أخته ثـــوآني وعقب طالع الصوب الثاني وهو يسحب نفس بـ عصبيه : مابغي
مريم تقربت منه : يـ الله عـــآد بليا دلع..!
عبدالعزيز طلع من الحجرة وهو متضـــآيج..نفسيته ما قامت تستحمل زود..! :..
مروان بلع ريجه وهو يهمس بـ براءة الاستغراب : أمايه يات هنيه.؟
مريم عقدت حياتها بـ استغراب : أمايهـ..؟..شـ اللي اييبها عندنا.؟
مروان تأكد إنه حلم..بلع ريجه بـ قوه: لــآ خلاص إنسي
مريم ياتها الغبنه وهي تنطق : حلمتهـــآ.؟
مروان طالعه بـ صمت :..
مريم بدت دموعها أطيح حطت خصل شعره ورى إذنه : مروآن حبيبي..أدري..
[طالعته بـ صمت فوق العشر دقايق..وعقب همست]..أدري إنك ما ترقعت بـ حياتك بس لــآزم تكمل حياتك...إنت تعاقب منو يوم إنك تخرب مستقبلك...؟..لــآ أمايه ولــآ إبويه بيسألون عنك أو بيفكرون فيــك...إذا تتوقع إنك أدمر عمرك عسب يهتمون فيك إنت غلطان..
[وقفت هي عاطتنه ظهرها..سحبت خشمها وهي تصيح بـ صمت]..إنت ما أدمر إلــآ عمرك
طالعها لين طلعت..ما نزلت دموعه بـ العكس..ابتسم ابتسامه جــآنبيه غــآمضهـ...
صدقج ميمـــو...المفروض ما أدمر عمريهـ...المفروض أدمرهم هم..!/ عسب يدرون إنه الولد اللي كانوا يضربونهـ...رد لهم بـ 22 سنه عسب يوريهم الضرب عـ أصولهـ...
بس هب ضرب الجسد اللي ياخذ له إيـــآم ويزول..لــإ..
[رفع حياته بـ تحدي]..ما بخلي هـ الجرح يزول إلــآ بـ إرادتي..
إرادتي أنــــــــآ..أنا وبس..وبـ بدى بك يا حميدآن..!
ركض للـ حمام..{كركمك ربــيه}..وعقب بطل كبته اللي كان عبارة عن كبت بـ اليدار..!
سحب له جنز أحمر..وقميص أسود عليه شرآت العيون الحمرآ..وتحتها مكتوب Going to hill
ضحك بـ خاطرهـ...هـ اللبس يكرهه لـ حد الموت..معنه حلو وخاصه عـ الظهر كانت مطبوعه صورة الماركة بشكل كبير..بـ الأحمر..بس هو ما يحب لون الدم..كافي الدم اللي كان يظهر منه كل يوم..
بس كــآن يبى يبين لـ حميد شكثر حظه ردي يومه طــآح بـ يده..!
بطل الأدراج بـ تهور شاف ربطه حمرة وسوده سحبها..رفع شعره عن يبهته وربط الربطهـ...
عقب سحب شعره من جدام وخلــآه يطيح عـ يبهتهـ...بـ الأساس الشعر وصل لـ نص عيونهـ...ومن ورى كان طويل لين جتوفهـ...
ههـ...كنت تقول إني صايع يا حميد الحين بـ علمك الصيـــآعه عـ أصولها..
ركض برع حجرتهـ...وهو يصرخ عسب يوصل صوته لـ اللي بـ المطبخ : أنـــآ طالع
عبدالعزيز بـ صوت عالي عسب يوصل لـ مروان : وين..؟
مروان ركض صوب المطبخ : هب متأخر..أوكيهـ..؟
عبدالعزيز يطالعه بـ صمت :..
مريم تطالع الصحن بـ هدوء :..
مروان ضحك بـ الخفيف..راح صوب عبدالعزيز وباس راسه بـ حركه سريعهـ...
ثم راح صوب مريم وباس راسها وركض برع :..
عبدالعزيز ابتسم وهو يسحب نفس بـ راحه : يـــآخي أخوج لو شو يسوي بتم أحبه
مريم ابتسم بـ طيب : أكثر مني..؟
عبدالعزيز ضحك...جنه كان يتريا حركة مروآن السريعهـ...عسب تبين له إنه مهما صـــآر بيتم عند مروآن غـــآلي..وبيتم مروآن عنده غــآلي :..
×
×
×
طلع بوكه وعطى راع التكسي فلوسه وصد لـ عمر :..
عمر حرّك له راسه بـ يالله..وركب سيارته :..
مروان ركب عند كرسي المعاون وهو مبتسم..شغل الـ أف أم :..
عمر طالعه بـ نص عين : مستانس..عسى خير..؟
مروآن ضحك من وناسته بـ اللي بيسويه :..شـ رايك بـ شكليه أول.؟
عمر رفع حياته وهو مبتسم : إجـــرآمي
مروآن : ههههههههـ...وهذا المطلوب..يـ الله حرك صوب بيت حميد
عمر عقد حياته : بيت أمك..؟
مروآن هز راسه بـ هيه :..
عمر : شـ الطاري..؟
مروان ابتسم :..أنـــآ بقولك...
عمر يسمع كلـــآم مروآن..هب مستوعب هذا شـ يقول..ياخذ له كل ساعه نظرة
للي يالس حذاله ومرتاح عـ اللي بيسويه :..مروآن ممكن أتكلم..؟
مروان ابتسم وطنشه : وقف هذوه بيت حميد
عمر وقف وهو متضايج :..
مروان بطل الباب وياي بينزل :..
عمر مسك إيده :..
مروان طالعه بـ استغراب : ..
عمر ابتسم بـ طيب : بس حبيت أقولك بتكون ظـــآلم..!
مروان تغير ملامح فرحته للـ ضيج والعصبيه : وهم..؟..شـ كانوا..؟..يوم سودولي حياتيهـ...؟
يوم كنت أمسي وأصبح بـ ضرب..؟..يوم كانوا يهزبوني حتى يوم استانس..؟..يوم
عمر رص عـ إيد مروان بـ قو وقاطعه:..مروآن أنتقم..وأنا أقولك أنتقم..بس أنتقم منهم هم..!
مروان ابتسم ابتسامه جانبيه : صدقني يا عمّــور.. الألـــم ما يكون يوم تتعذب
الألم يوم تشوف غيرك يتعذبون..لو كان عـ عذابي أنا بس..! كنت بـ سكت..
بس أنا شفت عذاب مريوم وندوي جداميهـ...خلهم يذقون هـ العذاب الحين
عمر سحب نفس : بس مريوم هذيه تزوجت وبخير..وندوي راحت عند أهلها وأكيد مرتاحه
مروان قاطعه : عمّور أنا ظالم ولا مظلوم..؟
عمر سحب نفس وابتسم بـ عذوبه : للـ حين مظلوم..بس أخافك بعد ما تطلع من بيت حميد تكون ظـــآلم...وأنا أفضل إنك تنام مظلوم هب ظــآلم..! عـ الأقل بـ جيه ربك ما بيرد.. دعواتك
مروان رفع إيده يسكته : بس..بس..إنت أصلن ما تبى تشوفني مستانس بـ حياتيه لو يوم واحد والدليل إنك الحين جتلت هـالـ...
عمر قاطعه بـ ابتسامه :..يـــآ عمي روح والقلب داعيلك
مروان هنيه ابتسم ونزل..راح صوب الجرس دقه مرتين ورى بعض ودخل :..
عمر سحب نفس طلع من السيـــــآرة..سكر الباب وتساند عليها..وهو يكوّر إيده عند ثمه
الجو قــآم يبرد..! بس الجو بيحمـــى داخل الحين..ربي يعين :..
{..-~ آنــ‘ــآ آلمجني عليـ? آللي يقدر طعنـ? آلجـآني../ لآن جرحــ? يذڪرني بطـآريـ? لآحسيتــ? !
{..سلـآمي g سمآحي..~