من غلاتك وكثر ما أحبــك حتى أغــاني ميحد حمــد منك حبــيتها - الفصل 1 | روايتك

صدفة ومن بين كل الناس علقني من يوم شفته وعيني جت فيه عينه حسيت شي فعيونه حيل يجذبني لما أبتسم بانت فوجهي تلاوينه) فالمجلس كانت موزة يالسه مع أعز ربيعاتها.. ميثا محمد وكانن يسولفن مع بعض وموزة فرحانة وايد بزيارة ميثا لأن أول مرة تزورها فالبيت..متعودات دوم يتلاقن فالكلية طبعا موزة وميثا صار لهن سنتين متعرفات على بعض.. بس اللي يشوفهن يظن أن بينهن عشرة عمر ويعرفن بعض من يوم كانن صغار..لقوة الصداقة اللي بينهن موزة:فديتج ليش ما يت أمج وياج ميثا:تعرفي بعد أمي تسير تتعلم القرآن مع العجايز كل يوم وما تحب تفوت على عمرها موزة:ما شاء الله عليها..الله يوفقها ميثا:أمين .. موزة:تعرفي خاطري أطلع السوق وأشتري أغراض بس ما مخلصني وما عندي وقت أبدا ميثا:نفس الحالة وأنا لو ما حرمة أخوي ولا كان بستوي مثل المصريات بدله وحده حق كل طلعه موزة:هههههههه الله يخس بليسج ..بس صدق ما عندنا وقت أبدا أنا بالغصب ألقى وقت وأطلع أسير السوق أشتري حقي ..لأن بصراحة الدراسة ما خذه وايد من وقتي وغير جي الخميس والجمعة كلها جمعة أهل اوفففف والله قرف هالجمعات ما يراعونا فيهن وكونا نبى نراجع وهم يعرفوا أن ما عندنا وقت غير الخميس والجمعة نقضى فيها حاجاتنا اللي نحتاجهن ميثا:شو نسوي بعد ربج كريم موزة:والنعم بالله..اوو أسمحيلي حتى ما ضيفتج شي..ثواني وبيج ميثا:يلسي ما يحتاي موزة:الا يحتاي ونص بعد أول مرة تدشي بيتنا المفروض أفرش الأرض بسجاد أحمر وأنتثر الورود ميثا:هههههه فديتج والله موزة:لا تلهيني الحين ثواني وبي ميثا:خذي راحتج طلعت موزة عسب تيب الفواله حق ربيعتها وميثا مسكت تلفونها ويلست تحوس فيه لحد ما ترجع موزة عندها ياسر كان توه داخل البيت ويتكلم فالتلفون وهو رايح صوب الميلس :اوكى ولد العم عيل أنتظرك لا طول علي سعيد:ما بطول أنا توني جريب من بيتكم أحسب خمس دقائق بالكثير وبكون عندك ياسر:خلاص أنتظرك عيل...مع السلامة سعيد:مع السلامة سكر ياسر وبطل باب المجلس ودخل المجلس وتصنم مكانه يوم شاف ميثا مجابلتنه ميثا أنحرجت ووقفت بسرعة وهيه ما عارفة شو تسوي ياسر وهوه صاد بيطلع:أسمحيلي ما دريت أن أحد موجود وطلع وسكر الباب وراه أما ميثا كانت ترجف من الخوف يلست ع الكنب وهيه تفرك يديها بتوتر دخلت موزة وحطت الفواله ومعها الخدامة أتعاونها بعد ما طلعت الخدامة موزة:بلاج ميثا.؟ ميثا:هااا موزة يلست عدالها:أدري أنج أنصدمتي ..بس ياسر كان ياي من برى وما يعرف أن أحد موجود فالميلس لأن توه راد وياي يبطل الميلس عسب يدخل ولد عمي ميثا وصوتها مبين فيه الرجفه:لا عادي حصل خير موزة:أسمحيلي الغالية كان لأزم أخبره من قبل خذت ميثا نفس:مب مشكلة فديتج بس أنا أرتبكت شوية ما عرفت شو أسوي موزة بضحكه:يلا ما مشكلة نخليها الشوفة الشرعية ميثا بطلت عيونه:نعم نعم شو قلتي ما سمعت زين موزة:هههههههه وي شوي شوي على روحج لا تأكليني ميثا ضربتها على يدها:جب يلا موزة:هاا موافقة ههههههههه ميثا:يا دبة جب يلا شو فوضى الدنيا خبط لزق زوجتيني أخوج موزة:ياليت والله عسب ما نفترق عن بعض أبدا ميثا :لا والله أشوف عيبتج السالفة موزة:الصراحة وايد ودخلت مزاجي لأزم أكلم ياسر ميثا:بس أنـ.. قطع عليها تبطيلت الباب دخلت بنت خال موزة:مساء الورد موزة وميثا:مساء النور قربت من موزة وسلمت عليها:شحالج موزة.؟ موزة:الحمد لله بخير وعافية..وأنتي؟ رحيل :الحمد لله زينة.. موزة:أعرفج ربيعتي ميثا اللي خبرتج عنها..ميثا هاي بنت خالي بعد خبرتج عنها ميثا ببتسامة:هذي رحيل موزة:هيه بشحمها ولحمها ميثا:شحالج رحيل.؟ رحيل:الحمد لله بخير..وأنتي.؟ ميثا:بخير الحمد لله..ما شاء الله عليج طلعتي أحلى من وصف موزة رحيل بشوية غرور:أدري الكل يقول لي هالكلام أبتسمت لها ميثا مجاملة وفخاطرها(عافانا الله شو هالغرور) موزة:أستريحن حياكن يلسن ميثا ورحيل موزة:يتي بروحج ولا مع أهلج؟ رحيل:لا بروحي طبعا أبوي كالعادة رايح المصنع وأمي بيت جدتي موزة:أهاا.. رحيل:شو ما بتسيري السوق.؟ موزة عقدت حواجبه:ليش.؟؟ رحيل:شو ليش بعد ما أنتي قلتي لي أمرج عسب نروح السوق بتشتري أغراض حق الكلية موزة:اوو سوري رحيل والله نسيت..خلاص خليها وقت ثاني ما ينفع اليوم ميثا:شكلي خربت عليج موزة:ما عليج أنتي أصلن ما كان لي وايد مزاج لسوق ..وبعدين من صدقج ببدي السوق وأنتي يايه عندي اليوم ميثا:فديتج والله قامت رحيل ومن داخلها منقهره من تطنيش موزة لها موزة:وين سايرة.؟؟ رحيل:بروح أسلم على عمتي وبخليكن تسولفن موزة:ليش أنتي ما شفتي أمي ؟ رحيل:لا ما شفتها قابلت أبوج عند الباب وخبرني أنج فالميلس موزة:هيه زين بتحصليها يا فالصالة ولا فحجرتها رحيل:اوكي طلعت رحيل من الميلس وسارت الصالة من دخلت شافت ياسر جدامها أبتسمت :مساء الخير ياسر:هلا مساء النور..شحالج؟ رحيل:الحمد لله بخير..أخبارك أنت؟ ياسر:الحمد لله صرت وايد بخير الحين أبتسمت رحيل وتضنه يقصد من شافها :عسى دوم ياسر:أمين رحيل:عمتي موجودة ولا ياسر:هيه بتحصليها فالصالة حياج دخلت رحيل وشافت عمتها ويالس عدالها سعيد ولد عم ياسر :السلام عليكم أم ياسر وسعيد:وعليكم السلام والرحمة أم ياسر:هلا والله ببنت أخوي ..شحالج حبيبتي .؟وشحال أبوج وامج؟ رحيل:الحمد لله كلنا بخير وعافية..شحالج أنتي طمنيني عنج؟ أم ياسر:الحمد لله بخير وعافية رحيل:عسى دوم يا رب.."لفت على سعيد":شحالك سعيد؟ سعيد:طيب طاب حالج..شحالج أنتي؟ رحيل:الحمد لله بخير أم ياسر:حياج أستريحي جلست رحيل عدال عمتها وتمن يسولفن رباعه فالميلس ميثا:الصراحة موزة ولا تزعلي مني بنت خالج وايد شايفة روحها موزة لوت بوزها:مبونها مغترة بعمرها حلوة ووحيدة أمها وأبوها ومدلعه أخر دلع ميثا:بصراحة ما توقعتها جي أبدا موزة:بعدج ما شفتي شي من تتكلم من الموضة والماركات ما بطيقي تيلسي وياها ميثا:الله يهديها بس ..صراحة عجبتني كشختها فاللبس بس ليش أطلع قصتها موزة:ما أعرفها لازم أطلع شعرها ميثا:أمها وأبوها ما يقولوا لها شي موزة:لا أصلن هم ما يرفضوا لها شي أظن لو مسكت لهم واحد وقالت بتزوجه ما بيقولوا لها لا ميثا:معقولة لذي الدرجة موزة:وأكثر بعد..خالي وايد مدلعنها وخصوصا أن ما عنده غيرها ميثا:زين ليش ما يابوا عيال غيرها؟؟ موزة:حرمة خالي من ربت برحيل تعبت وايد وياها نزيف واضطروا يشيلوا الرحم ميثا:يحليها عشان حي مدلعينها موزة:هيه بس دلعهم هوه اللي مخربنها فالصالة روح سعيد من عندهم أم ياسر:اليوم عشاج عندنا.. رحيل:لا عموتي بسير بيتنا أم ياسر:وين تسيري بعدج ما يلستي ويانا رحيل:مرة ثانية عموه ..يلا بسير الحين.. أم ياسر:أنتبهي حق نفسج وعن تسرعي رحيل:لا توصي .. أم ياسر:سلمي على أمج وأبوج رحيل:يوصل أن شاء الله..مع السلامة أم ياسر:الله يحفضج شلت رحيل شنطتها وطلعت من باب الصالة شافت ياسر متسند على سيارته وماسك التلفون فيده ويطالع صوب باب المجلس اللي تبطل وطلعت منه ميثا مع موزة أنقهرت رحيل وحست بحرارة ونارة تشتعل داخلها خصوصا من شافت أبتسامة ياسر ضغط على شنطتها بقوة وطلعت تمشي من شافها ياسر أنشغل بتلفونه وقفت رحيل جدام ياسر:أنا بروح ياسر: لا لا.. ما بتجلسي تتعشي لفت رحيل أطالع ميثا وبقهر:لا بروح بيتنا ياسر:اوكي..نشوفج على خير رحيل طالعته بنظرة وطلعت من البيت شافت ميثا توها طالعة ركبت سيارتها وسارت ركبت ميثا مع أخوها:مرحبا سيف:مراحب..اممم ميثا:بلاك؟؟ سيف:من ذي البنت اللي طلعت قبل لا تطلعي؟؟ ميثا رافعه حاجبها:ليش تسأل.؟ سيف:لا بس جي ميثا:هذي بنت خال موزة سيف:هيه بس ما شاء الله عليها مزيونة ميثا يقهر:بس أخلاق ماشي سيف لف عليها:أفااا بلاها؟؟ ميثا:وايد شايفه روحها ودلوعة وايد بعد سيف:بصراحة يحق لها تغتر ما شاء الله عليها اول مرة أشوف بنت جي حلوة ميثا:هيه صح وأنا جدامك ما شايفني سيف ببتسامة:قصدي أول مرة أشوف بنت أحلى عنج بطلت ميثا عيونها :نعم نعم هذي احلى عني سيف:كلمة حق وتنقال يا ميثا ..أنتي أختي وصح حلوة ما شاء الله بس البنت هذي حلوة وايد سكتت ميثا منقهرة وتمت أطالع من الدريشة