ظلمني الزمان اللي جبرني على فرقاااك - الفصل 4 | روايتك

يوم الجمعه ودلال قاعده بغرفتها تدرس رن تلفونها دلال:هلا والله بالمعرس بدر:هلا فيج خلاص ما صارت معرس دلال:يا خي من طول الغيبات وينك والا جذي الزواج يلهي بدر:هههههه لا الله بس قلت وقت امتحانات وما ودي ازعجج ابيج تشدين حيلج دلال:لا لا تحاتي سهالات اصلا نص الوقت ظايع بدر:لا عاد شدي حيلج نبي نسبه ترفع الراس دلال:ان شاء الله يصير خير ما علينا انت شلونك مع الزواج عسى مرتاح؟ بدر:اااااه يا حلو حيات العزوبيه والله على كيفي دلال:ههههههه لهدرجه؟ بدر:مو عن بس ...... دلال:بس شنو كمل؟ بدر: لا ولا شي مابي اشغلج معاي انتي بوقت امتحانات دلال:لا عاد احلف اقول قول بس اصلا الامتحانات ما درينا عنهم واليوم انا ماخذه راحه لان المواد كلهم دارستهم وخالصه بس قاعده اراجع قول شفيك ومنال وينها بدر :منال عند اهلها نسيتي ان اليوم الجمعه وزوارتها لاهلها دلال:اي صح كله انسى كله انسى بدر:هههههههههه يا حلوج يا دلال تضحكيني وانا مالي خلق دلال:اوله اوله لهدرجه الظاهر السالفه جايده قول شعندك بدر:والله يا دلال انا مو متقبل حياتي مع هالزواج مادري انا مو متقبل الزواج او الزوجه ماني عارف بالضبظ وعشان جذي انا كلمت منال ناجل سالفة الحمل شوي دلال(انحرجت موووووت لان اول مره بدر يكلمها بالطريقه هاذي وبالسوالف الجديه هي متعوده ع الضحك والغشمره وعمرهم ما تكلمو لبعض عن خصوصياتهم شاللي خلاه يقولي انا بالذات ليش دخلني بخصوصياته )::.... بدر:الو دلال وين رحتي؟ دلال: ها معاك معاك بس بدر:ادري انتي مصدومه اني كلمتج بموضوع مثل هذا ودخلتج بخصوصياتي بس شسوي يا دلال انا حاس انج انتي الوحيده اللي تفهميني وحيل قريبه مني انا ربعي ما ودي ادخلهم بمثل هالمواضيع ومو عدله بصراحه وخواتي ما اقدر اقولهم مثل هالمواضيع لانهم مراح يفهموني وانا عمري ما طيحت الكلفه معاهم لدرجة الخصوصيات انا لمن فكرت افضفض لاحد ما ترددت دقيقه وحده اني اكلمج لانج غير احسج تفهميني وقريبه مني وواثق انج بتحسين فيني وكل شي بيكون بينا ومراح يطلع لاحد دلال مذهوله من اللي قاعده تسمعه اول مره بدر يكون معاها جدي جذي العاده ضحك وغشمره بس هي ما توقعت ان بدر يشوفها شي غير انه يشوفها اخته هي كانت تعتبره اخوها وتعتبر حالها حال نوف وساره بس عمرها ما تخيلت ان بدر بيدخلها بخصوصياته بدر:دلال شفيج بتظلين ساكته طول المكالمه خلاص انا غلطان اللي دقيت عليج باي دلال: (لا لا لحظه انا بس سرحت شوي واستغربت انا طول عمري قريبه منك بس عمري ما توقعت انك تحس اني قريبه منك وافهمك انا حسبالي انك تعتبرني حالي حال البنات وغشمرتك الزايده معاي لاني انا غشمرجيه معاك حتى مكالماتك لي اشوفها عاديه واهلي كلهم يدرون اني اكلمك بس ع انك اخوي الكبير)هالكلام كان يدور براس دلال بس ما طلع بالاخير نطقت:لا بدر معاك معاك شوف انت الحين مو متقبل االوضع لا اكثر ولا اقل الزواج مو شي سهل ومو سهل ان وحده فجاه تصير زوجتك وتدخل معاك بكل امور حياتك وتقاسمك بكل شي انت ودك بحيات العزوبيه وطلعات ع كيفك و بعد ما ودك تتحمل مسؤولية بيت وزوجه واطفال وهالشي هو اللي خلاك ما تبي عيال بدر:انا مو ما ابي عيال بالعكس ماكو احد ما يتمنى طفل يملي عليه حياته بس انا مو متقبل منال ومابي اظلمها معاي بجاهل لاني مو ظامن عيشتي معاها ومابي اي شي يربطني فيها حاليا دلال:اها الحين بديت افهم انت مدام مو متقبل منال وهذا الشي اللي مظايقك معنات هذا له تفسير واحد بدر:حلوووو بديتي تفهمين علي دلال:اصلا محد يفهمك غيري بدر:هههههه بلا غرور ويالله قولي شنو تفسيرج دلال:ههههه الله يسلمك انت تحب وحده ثانيه وبقلبك وما تقدر تنساها وودك انها هي اللي تكون زوجتك عشان جذي مو متقبل منال بدر بقلبه(اه صج انج فاهمتني عدل):...... دلال:شنوا فسر سكوتك هذا بدر:ماني عارف شقول دلال:يعني كلامي صحيح؟ بدر:اييييه دلال:ايالملعون اثرك تحب وحنا ما ندري منهي هذي اللي مدودهتك بدر(شتبيني اقولج انتي ماقدر ماقدر مابي الهيج عن دراستج وحتى لو قلتلج مراح اقدر اخذج لين تخلصين الثنويه ع الاقل خليني ساكت):وحده ما تعرفينها دلال(شافته جدي بكلامه):انزين وليش ما خطبتها ليش ما كلمت امك وقلتلها ان في بالك وحده وتبيها بدر:ما قدرت ما قدرت لاني عارف ان ابوها مراح يزوجني اياها دلال:ليش وشنو اللي يخليك واثق لهدجه انت جربت؟ بدر:لا بس هي تقولي ان ابوهها يشوفها للحين صغيره وما يبي يزوجها الحين وكل واحد يجيهم يرفضه ابوها دلال:احلىىىىىى وتكلمها بعد وانا ويني ما دريت عن كل هالسوالف جان عرفتني عليها بدر:ههههه دلووله انا شكلي اشغلتج عن دراستج وقعت اهذر ساعه روحي ادرسي انا بخليج الحين دلال:لا عادي وهذا احلى بريك اخذته لمن سمعت صوتك وهونها وتهون بدر:ان شاء الله وانتي شدي حيلج ابي اشوفج مع الاوائل هالسنه دلال: ههههه ان شاء الله ادعيلي بدر:انا كل يوم ادعيلج اصلا دلال:يا بعد جبدي والله ولا تنسى سارونه بعد بدر:ههههه اكيد كلكم يالله بالتوفيق ان شاء الله دلال:اجمعين يارب الله معاك بدر سكره وهو حده مرتاح ما ندم لمن دق عليها واختارها هي ابتسم لمن تذكر بحة صوتها اللي جنه صوت جاهل وطريقة كلامها واسلوبها هو الحين متاكد مليون بالميه انه يحبها ولا يبي احد غيرها ومستعد ينطرها لين تخلص الثنويه اما منال ما يبي يظلمها معاه ما وده يتسرع بالطلاق لاه اكيد بيلحقها كلام وهي مالها ذنب فملزوم يخليها عنده ع الاقل جم شهر وبعدين يدور اي سبه عشان يطلقها ـــــــــــــــــــــــــ ـ خلصت الامتحانات والكل ارتاح عقب عناء طويل حنان نجحت بنسبه حلوه وشيخه طلعت نتيجتها وجابت 83% وحمدت ربها لانها اتدخلها الجامعه وهذا اهم شي بدر كان قاعد بصالته وعنده منال يطالعون التلفزيون بصمت ورن تلفونه بدر:هلا ساره ساره :ابشرك طلعت نتيجتي بدر:لا بشري؟ ساره:الحمدلله جبت 90% بدر:زين زين مبروك ساره:الله يبارك بعمرك بدر:ودلال؟ ساره:ودلال بعد خذت92% بدر:ما شاء الله زين ها وين ناوين تدخلون اي كليه ساره :ما ندري للحين بنفكر عدل سكره بدر ودق ع دلال بدون تردد ونسى ان منال عنده وهذي اول مره يكلم دلال جدامها بدر: ...هلا دلوله شلونج ... ع البركه النجاح والنسبه الحلوه ...هههههه اي اي عاجبتني تستاهلينها يا دلال والله يوفقج ....ومنها للاعلى ان شاء الله ....ابشري ابشري بالهديه هههههه يالله باي منال حدها مصدومه وغيرانه بنفس الوقت لهدرجه يكلمها بالتلفون بعد منال بعصبيه:منو هاذي؟ بدر طالعها باستغراب ورفع حواجبه:دلال بنت عمي منال:لهدرجه الميانه طايحه بينكم تكلمها بالتلفون وعمك ومرته يدرون لا وتطلب هديه بعد بدر عصب حده ولف عليها وكلمها بعصبيه:احترمي نفسج شقصدج ها الف مره قلتلج دلال بحسبة خواتي مالج شغل فيها فهمتي منال:شدعوه شدعوه خلاص ليش عصبت وبعدين تعال انت ترضى لو انا اكلم واحد من عيال عمي والا حلال عليك بس بدر وقف وقرب منها ومسك ايدها من فوق وضغط عليها:ان سمعتج تقولين هالكلام مره ثانيه كسرت راسج فهمتي منال:آي آي عورتني وخر هدها بدر وهو حده معصب وهي راحت الغرفه تبجي وحدها متظايقه حنان:هلا ابله شهد شلونج؟ ابله شهد:اهلي حنونه ع البركه النجاح حنان:الله يبارك بعمرج وهذا بعد الله بفضل مجهودج معانا ابله شهد:لا شدعوه وبعدين انا درستج ماده وحده بس رياضيات بس انتي شديتي حيلج بالباقي ونجحتي حنان:خير ان شاء الله تصدقين مادري شلون نجحت بالفيزيا والكيميا والاحياء بس اتوقع شافو ورقتي كلها خرابيط قالو حرام خلونا نجحها نكسب صدقه ابله شهد:ههههههههههههههههههههه� � حنان:والله صج بس الحمدلله اللي افتكيت منهم ابله شهد:ليش ناويه اتدشين ادبي؟ حنان:اي ا نشاء الله ابله شهد:بس ها الرياضيات لاحقج لاحقج ما تاخذين رياضيات تاخذين احصاء وحيل بسيط وممتع حنان:لا عاد انا الاحصاء احبه انا وياه اصدقاء ابله شهد:ههههههه يالله عاد انا اخليج الحين بس حبيت اباركلج حنان:هاذي الساعه المباركه ابله شهد:تامرين ع شي حبيبتي حنان:سلامتج ابله الله معاج ابله شهد:باي متعب:منو هاذي؟ شهد:وحده من طالباتي تهبل وتستاهل اني ادق عليها اباركلها متعب:هاذي اللي تقولين دمها خفيف؟>>خباثه شهد:اي بس اشدراك؟ متعب:اشوفج طول المكالمه وانتي تضحكين شهد:هههههههه يا حليلها نكته انا بروح اشوف الغدا قامت شهد وخلت تلفونها ع الطاوله لقاها متعب فرصه اخذ تلفونها وشاف اسم البنت ورده بمكانه وشاف اسمها مسجل حنان وعرف اسمها ـــــــــــــــــــــــــ ــــــــ حنان :نهوي اتوقعين منو توه سادته مني؟ نهى:منو خوخه؟ حنان:لا ابله شهد نهى:صج والله منين لج رقمها؟ حنان:انا ماخذه رقمها من بداية السنه وكنت ادق عليها احيانا تفهمني بعض المسائل واستغربت توه لمن دقت يا حليلها نهى:يا حيلها ما شاء الله عليها صج حبوبه