ظلمني الزمان اللي جبرني على فرقاااك - الفصل 3 | روايتك

بغرفة الولاده نوف تصارخ من الالم وصح انها مخدره بس تكلم بكلام مومفهوم وساره حست انها داخت لانها خايفه ومو نايمه شي ومو ماكله والسسترات ما سكين نوف والدكتوره تولدها حست ان وجودها ماله داعي طلعت ومشت بالممر ليما طلعت من الجناح المخصص للولاده لقت ناصر واخونها بوجها خالد:ها بشري؟ ساره:للحي ما ولدت بس انا تعبت وطلعت خالد:شوفي البنات بالاستراحه هذيك روحيلهم راحت ساره وقعدت معاهم هي حدها خايفه ع اختها وتحاتيها والبنات يحاولون ينسونها شوي وبعد ربع ساعه طلعت السستر والبنات شافوها من بعيد جو ركض ناصر:ها سستر بشري؟ الممرضه:مبروك جتلك بنت زي الامر(القمر) ناصر:الله يبشرج بالخير انزين ونوف شلونها؟ الممرضه:الحمدلله صحتها كويسه تقدرو تشوفوها الحين بس هي نايمه مراح تصحى من البنج الا بعد ساعتين تقريبا البنات:الحمدلله خالد:مبروك يالنسيب ناصر:الله يبارك فيك والفال لك خالد:امين شيخه: اقول امشي خندش عند نوف نقعد عندها لين تصحى من البنج ساره: يالله بس انا حدي دايخه ابي اكل شي بقول لخالد يروح يجيبلنا ريوق ناكله راحو البنات لنوف اللي كانت تحس فيهم ع خفيف بس قبلها خلو زوجها يدخل عليها وقعد عندها شوي وطلع بيبشر اهله وربعه ومعارفه وخالد دخل قبل يطلع ناصر وقعد هو وعبدالرحمن شوي بعدين طلع خالد بيجيب للبنات ريوق وناصر طلع وقعد عبدالرحمن مع البنات ساره دقت ع امها بشرتها دلال:امي توها دقت علي وصلت بيتكم وما لقتنا ودقت تسال عني قلتلها يما مراح نجي مالنا خلق ساره:اي انا لمن بشرت امي قالتلي اقعدو عند نوف ونسوها احنا عقب الغدا نجيكم لان اهل العروس جو وامي توهقت ما قدرت تجي وقلتلها تبينا نجي قالت لا ماله داعي خالاتي وجاراتنا هناك واهل العروس بس واصلا انا مالي خلق وابيها من الله شيخه:اي انا امي بعد توه دقت وقلتلها مراح نجي قالت اصلا ماكو ناس واجد وكله غدا وبيمشون وعقبها بيجون الحريم خالد جاب الاكل للبنات وراح للبيت عشان الغدا وبينام لانه سهران ورد معاه عبدالرحمن وناصر رد لبيته وبقو البنات بروحهم وسوالف وضحك لي العصر المعرس قعد ع الغدا وراح للدوانيه اما العروس جتها صالونه لشقتها ولمن نزل بدر قالوله اهله ان نوف ولدت وبعد الغدا صعدو اهل العروس لشقتها بيعدلون اغراضها اما بدر راح للمستشفى وتعذر ان اهلها عندها وام بدر راحت لبنتها بالمستشفى بعد ما قالت لاهل العروس لان فشله تروح وتخليهم بالبيت بروحم وقعدت عندهم اخت ام بدر اما عماتها فراحو للمستشفى لنوف وع العصر الكل عندها وجو اهل زوجها كلهم صارت الغرفه زحمه وناصر وبدر واقفين برى الغرفه وساره تعطيهم جاي وقهوه وحلو نوف:تذكرون بنات لمن كنت اقولكم اتوقعون متى بولد ترى كنت حاسه بالطلق عشان جذي سالتكم وضحكت ع حنان لمن قالت باجر بغيت اقولها جبتيها حنان:ههههههه والله عاد لمن سالتي كنت حاسه ان فيج شي لان سؤالج مو وقته واستغربت ساره:اي انا بطيتو جبدي حده مو وقته وكل وحده اتفلسف ع راسي وانا حدي دايخه بنام دلال:ههههههه والله جبتيها يا حنون انا كلش ما توقعت ولا طرى في بالي شيخه:بنات انا قفلت بنام متى بتردون؟ دلال:والله صاجه انا بعد طفيت شكلي برد انام؟ ساره:والله حتى انا دخت ما نمت شي حنان:وانا بعد يالله خندورلنا احد يردنا دلال:خنشوف خالد والله انه طلع خوش ولد هالخالد وحنا ظالمينه ههههه شيخه:ههههه لا عاد عشان يقول صج ما صدقو ع الله ساره:ليش انتو جايين مع خالد مساع؟>>نست انه كان قايلها حنان:اي طافج طلعنا وتوهقنا السايق مو موجود والا خالد طالع من الدوانيه قالنا شفيكم قلناله كيت وكيت قال انا ريح امشو معاي ساره:ايا ملعونات ولا قلتولي مساع بس لحظه لحظه يا حليلك يا خلود يسوي روحه ما يدري اصلا انا لمن طلعت قلتله البنات بيلحقونا مع السايق قال السايق اجازه وانا بجي يجون معاي والاخ مسوي روحه ما يدري جدامكم هههههههههه الكل:هههههههه بدر دق ع امه وقالها انه بيرد للبيت وقالت للبنات بتردون وما صدقو ع الله يلقون احد ووافقو كلهم وردو معاه الاربع ساره ودلال وشيخه وحنان ولمن كانو بالسياره البنات يعلقون عليه وهو يستعبط معاهم واكثر شي مع دلال اللي عندها الموضوع عادي ومتعوده ان بدر يميزها عن البنات مر بيت عمه ابو عبدالله وقط شيخه وحنان وبعدين راح لبيت عمه ابو تركي بينزل دلال دلال:يعطيك العافيه بدر ما قصرت تعبناك معانا بدر:الله يعافيج وما سوينا شي حاظرين للطيبين دلال: يالله عاد دير بالك ع عروستك بدر(انسدت نفسه لمن ذكرها):يصير خير دلال:هههههههه يالله باي بدر :الله معاج نزلت دلال وراحت سيده نامت اما بدر ظل طول الطريق ساكت لين وصل بيتهم وساره ماهي عارفه شقاعد يفكر فيه نزلت ساره وراحت سيده بتنام بس لقت الخدامات ساره:where is my aunt ?(اين خالتي) الخدامه:she went before one hour.(ذهبت قبل ساعه) ساره:and what about the bride's sisters are they here? (وماذا عن خوات العروس هل هم هنا) الخدامه:no madam they went before two hours.(لا ذهبو قبل ساعتين) ساره:is there anybody in the house? (هل هناك احد بالبيت) الخدامه:no only the bride madam in her room(لا فقط العروس في غرفتها) ساره:ok I'll go to sleep now ,take care of the house, my mother will come evening..(اوكي انا سوف انام الان اعتني بالبيت وامي سوف تاتي في المساء) الخدامه:ok madam راحت ساره تنام وبدر راح للدوانيه قعد شوي بعدين صعد لشقته بعد ما شاف ابوه وفشله قاله قم رح لمرتك وصعدلها. اول ما دخل الشقه كان حده متوهق وماهو عارف شلون يفاتحها بالموضوع سلم وقعد كانت لابسه قميص ساتر لونه وردي فاتح ورافعه شعرها ومنزله منه خصل وحاطه ميك اب اوفر واللي ما عجب بدر نهائيا وهي حدها استحت لمن دخل بدر ونزلت راسها قعد يسولف معاها شوي ويقولها عن نوف وولادتها وان البنات كلهم رايحين معاها وهي قعدت تضحك منال:الا صج انت ما عندك خوات الا ساره ونوف صح؟ بدر:عدل! منال:اجل منو اللي امس جابو العشى؟ بدر فهملها وعرف انها غيرانه من امس للبنت اللي سولف معاها:اي هذول كانو ساره دلال بنت عمي اصلا دلال بحسبة خواتي يعني انا اعتبرها مثل ساره ونوف عادي حيل مطيح الميانه معاها منال ماتت من الحره بداخلها وانقهرت (بنت عمه وجذي ميانه معاه ياخوفي اليوم بحسبة اخته باجر يصير شي ثاني بس ما اطلع بنت ابوي اذا ما نسيتك اسمها) بدر:انا امس عارف انج خايفه ومستوحشه المكان لانج اول مره وخايفه من الزواج بعد فخليتج ع راحتج بس ودي اكلمج اليوم بموضوع ماجله من امس منال طالعته بصمت وجنها تقوله كمل نزل راسه وقعد يقلب بيدينه ويطالعهم وكمل:والله يا منال انا بودي ناجل سالفة الحمل شوي طالعته باستغراب وعقدت حواجبها بس هو ما اهتم لها وكمل ع انه عادي وما يبيها تحس بشي:بصراحه انا ودي نستانس في بداية زواجنا لان الحمل بيتعبج ومراح نستانس وناخذ راحتنا وخصوصا العطله ما بقى عليها شي ودي نسافر فيها ونستانس واذا حملتي بتتعبين ومراح تسافرين وترى احلى ايام العمر الايام هذي يعني لو حملتي اتوقع مراح نستانس وبعدين يقولون المره اذا حملت تصير نفسيتها براس خشمها وتعصب ع اتفه الاسباب(كان يستعبط يبي يضحكها وبالعربي يبي يقص عليها وهي ضحكت)وانا اخاف باجر اتعصبين علي وتحطين الحره فيني هههههه والا شرايج منال:هههههه بدر:شوفي انتي من حقج توافقيني ومن حقج ترفضين وانا اللي يريحج بسويه كيفج انتي شرايج بالموضوع؟>>>يحايلها عشان يطلع جدامها بنيه زينه وتصدقه منال:اللي تشوفه انا اشوف انه راي حلو بدر:يعني موافقه؟ منال:اي بدر(استانس من قلب):خلاص اجل ان شاء الله باجر نروح الطبيب عشان يعطونج حبوب منع الحمل اللي يناسبونج. منال:باذن الله قام بدر بينام وهو حده مرتاح لانه عدى كل شي ع خير هو سوى كل هذا لانه مو ضامن حياته معاها وهو مو متقبلها من ملج عليها لانه ما يعرفها لان اللي في باله شي ثاني بس ما الله كتبله اللي يبي واهم شي انه الحين ما يوهق عمره بطفل مع وحده ما يدري بيكمل معاها والا لا ـــــــــــــــــــــــــ ـــــــــــــــ اسمحولي ع طول البارت بس حلو لان يخليكم تندمجون ع العموم بشوف ردودكم ورايكم عشان انزل باجي البارتات دمتم بود تحيااااتي رد مع اقتباس #7 قديم 10-06-16, 06:19 AM الصورة الرمزية فيتامين سي فيتامين سي فيتامين سي غير متواجد حالياً مراقبة عامة ومشرفة منتدى الروايات المنقولة ـــــــــــــــــــــــــ ـــــــــــــــ الجزء الثاني... بدت الامتحانات النهائيه والكل لهى معاها واكثر من كان خايف شيخه ساره ودلال لانهم بثاني عشر وحنان بعاشر حنان وصديقتها توهم طالعين من اول امتحان وواقفين برى ينطرون اهاليهم حنان:وااااي الحمدلله اللي افتكينا من الكيميا الى الابد نهى:ومن قالج للابد واذا دشيتي علمي حنان:لا ان شاء الله بايعه عمري انا يالله افلح بالادبي وبعدين انا ما احب لا الفيزيا ولا الكيميا ولا الاحياء شنو اللي يخليني ادخل علمي نهى :واي سبحان الله عاد انا اموت فيهم واكره شي اسمه اجتماعيات وان شاء الله بدخل علمي السنه الجايه حنان:على خير ان شاء الله الا تعالي بسألج ما تعرفين منوه ذاك اللي صافط جدامنا وصارله ساعه يخزنا اللي سيارته رنج ابيض لفت نهى وطالعته:مادري بس دايم اشوفه واقف جدامنا ويخز وخصوصا انتي دايم يخزج حنان:اي ادري لوع جبدي كل ما طلعت اشوفه باول مصفط وحيل يخز ابله شهد:بنات للحين ما رحتو؟ حنان :لا والله ابله اهلنا الظاهر نسونا اليوم ابله شهد:هههههههه تبين تلفوني اتدقين عليهم حنان:لا والله ابله ماله داعي الحين بيجون مشكوره ابله شهد:اوكي يالله باي حنان+نهى :باي راحت ابله شهد وركبت مع زوجها حنان(شهقت باعلى صوتها):امبيييييه تشوفين اللي قاعده اشوفه نهى:شنو!!!!! حنان:طلع هذا راعي الرنج زوج ابله شهد!!!!!!!!!!1 نهى:امبييييه اي والله الحيوان وهو قاعد يغازل البنات والله انها ما تستاهله حنان:اي والله ما تستاهله عاد هي عسل تهبل شرايج نقولها؟ نهى:لا والله مجنونه انتي لا يطري ع بالج اصلا هو ما سوى شي مجرد انه يخز ولو بتقوليلها يمكن مراح تصدقج وشنو بتقولين زوجج يغازل البنات بالهده لا مو عدله كيفها اهي وياه حنان:المشكله باط جبدي كل يوم كاشخ بشماغ غير الثاني ونظاره غير الثانيه ولمن يوصل يقطها عشان الاحظه انه يخزني اخ صج ما يستحي نهى:بس تبين الصراحه عاد يقط الطير من السما والله انها محظوظه فيه هذا الجمال الشرقي والا بلاش حنان:هو من ناحية حلو اي والله حلو ويقطع القلب بعد بس شيفيدها حلاه مدام انه يلتفت يمين وشمال نهى:والله كل الرياجيل جذي بس الشاطره هي اللي تعرف شلون تصكر على زوجها من جميع الجهات وما تخليه يشوف احلى منها حنان:صاجه والله هذا ان شاء الله احنا بالمستقبل نهى:ههههههه ان شاء الله ليش لا ابله شهد ركبت مع زوجها بالسياره بعد السلام متعب:شفيج وقفتي مع البنات ساعه؟>>>>سؤال خباثه ابله شهد:ههههه يا حليلها هذا طالبتي ومعاها رفيجتها تقولي اهلنا الظاهر نسونا وقلتلها تبين تلفوني تدقين ما رضت هي اصلا كانت تستعبط متعب:هههههه تنكت الاخت بوقت غلط شهد:لا والله يا حليلها هي دمها خفيف وحبوبه >>يتبع