ظلمني الزمان اللي جبرني على فرقاااك - الفصل 2 | روايتك

دخل بدر ع العروس بعد ما تركها تبدل بدلة العرس وسلم وقعد بالصاله جدامها يتاملها ما كان يلاحظ ملامحها من كثرة المكياج حاول قد ما يقدر انه يجامل ويسولف مع انه ما يعرف شيقول والا شيسوي ـــــــــــــــــــــــــ ـــــــــــــــ وصلو كل الحريم للبيت وقعدو بالصاله راحو البنات فوق مع ساره نوف وقطو نفانيفهم وكانو حاسبين حسابهم وكل وحده جايبه معاها دراعه وقعدو بدار ساره دق تلفون ساره ساره:هلا خالد (فز قلب شيخه لمن سمعت الاسم) خالد:هلا ساره تعاليلي تحت بعطيج عشا جايبه لبدر بس خلي احد يجي معاج يشيل لانهم واجد ساره:اوكي سكرته ولفت ع شيخه : شيوخ امشي معاي بروح عند خالد باخذ منه عشا المعاريس بوديه شيخه:نعععععععم استريحي زي ساره:حمدلله يعني مستحيه اقول امشي بس راحت شيخه وهي حدها منحرجه كان خالد واقف عند باب الصاله وحاط الاكياس ع الارض ويطقطق بتلفونه ومتسند ع الطوفه وانتبه للي جاي التفت والا ساره ومعاها وحده وقعد يخزها مو منتبه من كثرة المكياج شكلها متغير ساره:احم احم خالد(التفت ع ساره ونقدها بانظره):هلا شيخه ما عرفتج شيخه:هههه هلا خالد خالد:شلونج شيخه:تمام الحمدلله كان يكلمها عادي والتفت ع ساره:اخذو الاكل وودوه لبدر لف وطلع والتفتت ساره ع شيخه بعد ما شالو الاغراض وراحو يصعدون مع الدرج ساره :كملي معاي فوق بنودي العشا لبدر شيخه:لا والله ماني رايحه لبدر مالي خلق اصعد للثالث ساره:لا ولله منو يوديهم ان شاء الله معاي الحين مالج خلق تصعدين للدور الثالث ها يعني من يوديهم الخدامات نامو ونوف بطنها شطوله ما تقدر شيخه:بسم الله بسم الله اكلتيني الحين اناديلج دلال تروح معاج ساره:اي عاد دلال اذا قابلت بدر شلون يخلصون والله اتوقع بينسى عروسته المسكينه وبيقعد يهذر مع الخبله >>>تكلم نفسها راحت شيخه للبنات ونادت دلال اللي ما صدقت خبر وراحت شالت مع ساره ووقفو عند الباب وطقوه فتح بدر الباب كانت العروس قاعده بالصاله وتسمع ساره:السلاااااااام بدر:هلا دلال:هلا بالمعرس ها شلون العروس عسى عجبتك بدر(يقصر صوته):والله ما شفت وجها من هالمكياج اللي تارسه وجها فيه دلال:ههههههههه ما عليه لا غسلت انصدم عاد ساره:ههههههههه اقول لا تقابل الخبله هاذي والله ما تخلص روح لمرتك وهذا العشا جايبه خالد بدر ما اهتم لكلام ساره ولف ع دلال بدر:اقول ما تقعدون عندها بنزل للدوانيه تحت زهقت ساره:طاع هذا اقول بس توكل لمرتك دلال:هههههههههههههههه حلللللللوه يالله ما عندنا مانع ساره:وانتي الثانيه مصدقه بعد اقول امشي تحت بس ما تعرفين عيارة بدر بدر:اقولكم محد فاهمني غيرها>>>>يضحك دلال:ههههه لا عاد يالله احنا بننزل باي بدر:باي سكر الباب ورد واول ما قعد قامت منال بدر:وين؟ منال:بروح امسح مكياجي بدر قمط وجهه لا تشوفونه شلون انحرج عرف انها سمعت كل الكلام بدر:انزين اكلي بالاول منال:لا ما عليه دقايق راحت منال تمسح مكياجها ونزلت دموعها وهي بالحمام ما تحب احد يتكلم عنها وهذا زجها باول يوم يتطنز ع مكياجها بس منو هذي اللي تفهمله اكثر منهم وحيل استانس لمن شافها وقعد يسولف معاها وحده كانت ساره اخته بس الثانيه منو؟؟؟ ردت منال للصاله رفع راسه بدر وقعد يطالعها حده انصدم مو مثل اللي توقعها مو مثل الصوره اللي بباله مو مثل ما تخيلها مو مثل اللي تمناها منال حدها انصدمت لمن تنح فيه ما تدري هي عاجبته والا لا حس بدر لروحه وعزمها ع الاكل من غير نفس وهو تعكر مزاجه وانسدت نفسه بس مظطر يجامل. >>>يتبع رد مع اقتباس #5 قديم 10-06-16, 06:16 AM الصورة الرمزية فيتامين سي فيتامين سي فيتامين سي غير متواجد حالياً مراقبة عامة ومشرفة منتدى الروايات المنقولة اما البنات قعدو بدار ساره وسوااااالف لي الصبح ونامو عندها وامهاتهم ردو نوف:بنات اتوقعون متى اولد؟ حنان: امممممم انا اقول باجر دلال:هههههه باجر مره وحده خنريح عقب العرس لا انا اقول عقب اسبوع بالضبط نوف:وانتي شيخه وانتي ساره شتقولون؟ شيخه:لا انا اشوف شكلج تو الناس انا بعد اقول منيه لي اسبوع ما فيه ولاده يعني عقب اسبوع ساره:والله يا اختي العزيزه خواتي الدكتورات ما قصرو كل وحده عطتج موعد فانا مابي اصير خبله نفسهم واخمن هذا بعلم الغيب نوف:ههههههه ندري انه بعلم الغيب والنعم بالله بس احنا نتوقع اوكي يالله نامو تصبحون ع خير دلال:اي تصبحون طالعي الشمس طلعت والساعه ست الحين نوف:المهم نامو بس نوف كانت حاسه بعوار وتحس انها بتولد وحدها خايفه وما نامت كل ما غفت تحس بمغص يجي ويروح وعرفت ان ولادتها قربت قامت شافت البنات والا كلهم نايمات ردت انسدحت تبي تصبر شوي يمكن مو ولاده زاد العوار وصار متواصل عرفت انها بتولد قامت وقعدت ساره نوف:ساره ساره ساره ساره:اممممممم نوف:قومي انا حاسه اني بولد فتحت ساره عيونها:هااااااا نوف:قومي خلصيني انا خايفه بدق ع ناصر وامشي معاي وامي مراح نقعدها ساره(قامت وحدها تبي النومه):والله وقتج غلط ياخي جان نطرتي شوي نوف:قومي عن الهذره الزايده فتحت شيخه عيونها ع صوتهم:شفيكم؟ ساره:الاخت بتولد شيخه:ها يا برد اعصابج يالله يالله بروح معاكم دلال(فتحت عيونها بهاللحظه):شفيكم وين بتروحون؟ ساره:نوف جتها الولاده ودقت ع ناصر الحين بيجي بنروح دلال: منو بيروح انا بروح معاكم حنان سمعتهم:وانا بعد بروح ساره:حلاو اهو ترى كلها ولاده دلال:ما علي منج نوف حبيبتي تبينا نروح معاج؟ نوف منسدحه ع السرير وتنطر ناصر بس يدق عليها عشان تطلع والعوار كل ماله ويزيد وهي حدها خايفه:كيفكم كيفكم شيخه:والله ما علينا منج كلنا بنروح وامج مراح تعلمونها؟ نوف:لا لا امي لا تقولولها بتخرعونها ع الفاضي اذا ولدت قولولها رن تلفون نوف لينه ناصر وقالها اطلعي حنان:يالله كلنا بنروح ساره:انزين مع منو دلال:يالذكيه بنلحكم مع السايق انتو باي مستشفى؟ ساره:المواساه شيخه:اوكي احنا بنلبس عباياتنا ونلحقكم طلعت نوف وساره وركب مع ناصر بس قبل ما يركبون لقو العيال بالدوانيه كان خالد والعيال الصغار ما نامو طلع خالد خالد شاف ساره ماسكه نوف:خير شفيكم؟ ساره:نوف جتها الولاده خالد:تبوني اوديكم؟ ساره:لا ناصر برى بنروح معاه بس لا تقول لامي اوكي والبنات الحين بيلحقونا مع السايق خالد:اي بنات؟ ساره:بنات عمي بعد منو؟ خالد:خلاص انا بجي يجون معاي لان السايق اليوم اجازته مو موجود ساره:اوكي كيفكم المهم لا اتاخرون علينا رد خالد للدوانيه خالد:يا عيال متى بتنامون؟ تركي:وييييييه تو الناس خالد:انزين انا بروح المستشفى عبدالرحمن :ليه؟ خالد:نوف جتها الولاده وراحت وانا بلحقها عبدالرحمن:خلاص اجل بروح معاك خالد:اوكي وانت تركي ووليد لي متى بتقعدون اهنيه؟ وليد:ان شاء الله لي الغدا بنتغدى وبعدين بنروح بيوتنا بنرقد خالد:خلاص اذا قعدت امي وجتكم لا تقولولها شي نركي:ماشي خالد:عبدالرحمن هاك السويج رح شغل السياره ع ما اجيك بروح الحمام طلع خالد رايح للسياره شاف البنات بالحوش واستانس لمن شافهم وحمد ربه ان السايق اليوم اجازه اما شيخه فز قلبها لمن شافته ع النظاره وما عليه غتره شكله تحطيم خالد(يسوي روحه ما يدري):خير بنات شفيكم واقفين؟ دلال:نبي السايق ندق عليه ما يرد خالد:السايق اليوم اجازه ليش تبون شي؟>>يسوي روحه ما يدري دلال:اي بنروح المستشفى عند نوف احنا عبالنا السايق هنيه خالد:حلو انا رايحلها تروحون معاي؟ دلال:كيفكم بنات؟ حنان :يالله جابك الله شيخه(بصوت واطي):لا فشله خلاص خنرد دلال:لا فشله ولا شي يالله حنان:عادي شيوخ يالله خالد:ها يالله بتروحون والا لا؟ دلال:اي اي يالله خالد(ما صدق ع الله):يالله انا ناطركم بالسياره لف وطلع من الحوش والبنات للحين واقفات شيخه:يا حيوانات ما صدقتو ع الله اي اي بنروح فشله دلال:شنوا لفشله فيها العوض ولا القطيعه السايق مو اهنيه وخالد رايح رايح مالنا الا اهو حنان:بعدين احمدي ربج اكو احلى من هالصدفه وانتي اللي بتركبين جدام شيخه:لا والله يا حليلج بس والله ما اركب جدام نو عشان يقول مو مصدقه انتي اصغر وحده انتي اللي بتركبين حنان:لا والله اخاف صج بس استريحي دلال:يا بنات الحلال اخلصو انا اللي بركب جدام بس يالله طلعو الثلاث بعد عنا ودلال حدها توهقت بفزعتها بس اول ما طلعت شافت عبدالرحمن حمدت ربها من قلب لانها حدها متفشله لو بدر عادي بس خالد يخوف حده ثقيل ونقودي ويخرع بنظر دلال فتحت حنان الباب اللي ورى عبدالرحمن وركبت وركبت شيخه وراها اما دلال دارت للباب الثاني اللي ورى خالد وركبت حرك خالد وحب انه يكسر الصمت شوي خالد:علامكم طولتو؟ دلال:بصراحه مستحين منك وما كنا بنروح خالد:هههههه ليش انا رايح رايح وما فيا فشيله انتو منتو غرب سكوووووووت خالد كان لابس نظارة ريبان لونها اسود ما كانت تبين عيونه فكان يطالع البنات وهم يسولفون بصوت واطي خالد:الا صج بنات شخار العرس امس؟ حنان:حلو دلال :يهبل صج وناسه خالد:تصدقون عاد ان بدر نيته يدخل وانا مزهب عمري بدخل وياه واخير شي نكبنا وقال ماني داخل البنات:هههههههه دلال:انزين وانت شكو>>>بدت تقط الميانه مع انها مو ميانه معاه كلش خالد:ههههههه مدري عبدالرحمن:هذا مع الخيل يا شقرا البنات :ههههههه خالد:عدال عاد مدري منو اللي واقف جدام المنظره ساعه هو وربعه يتظبطون عشان الدخله مع المعرس شيخه:ههههههه اكيد وليد معاه دلال:من صجج وتركي بعد انا اشهد ان اخوي نصوب خالد:هههههههه من صجكم انتو ثلاثتهم كل دقيقه يقطون الغتره ويردون ينسفونها والله تعفست من كثر ما يحركونها البنات:هههههههههههه عبدالرحمن:ههههههه والله عاد احنا زقرت وكشخه لازم نتظبط كل دقيقه خالد:الا صج يا شيخه امس وديتو العشا لبدر؟ شيخه وقف قلبها لمن كلمها شيخه:اي ودوه ساره ودلال خالد:اها وصلو للمستشفى ونزلو البنات ومشو مع خالد وعبدالرحمن سالو الرسبشن عن نوف وقالولهم انها للحين بالولاده صعدو للولاده شافو ناصر واقف بالممر خالد:السلام ناصر:هلا والله خالد خالد:هلا فيك ها بشر ناصر: والله لي الحين ما طلع علي احد ولا ادري خالد:اجل ساره وينهي؟ ناصر:دخلت معاها الغرفه لف خالد ع البنات اللي واقفين شوي بعيد خالد:بنات اقعدو بالاستراحه اللي وراكم راحو البنات ووقف خالد وعبدالرحمن عند ناصر البنات يسولفون دلال:امبيييييه تصدقون بنات والله ما توقعت خالد جذي ونيس والله ع كثر ما اروح بيت عمي عند ساره وع كثر ما اشوفه دايم احس دمه ثقيل بس والله اليوم اكتشفت العكس حنان:انا اكثر منج دايم هذي غاثتني فيه واقولها ع شنو بس اليوم اكتشفت انه حبوب ودمه خفيف ـــــــــــــــــــــــــ ــــــــــــــــ >>>يتبع