آه يا جود الحزن وياي وفي الفرحة شحوح - الفصل 4 | روايتك

الجزء آلخــــــــــــــــــــــ آآآمس : : تلف هالدنيا على الناس وتدور.. والزمن عندك توقف ولا دار..! أدري مقصر بسلاصرت مجبور.. ودي تسامحني على حكم الاقدار.. كني بدونك..عقد لاصارمنثور.. وش يجمع المنثور دام الزمن جار..!!" في بيــــــت بو خــــــآلد بو خآلد: يالله لبسي عباتج عشان اتسيرين اتشوفين بنتج ام خالد: شوف حبيبي انا سايره بس لاني انا ابا اسير ومابا احد يتأمر علي فاهم ولا لا بو خالد: المهم انج اتروحين عشان الريم تستانس رضا ريم هو اللي يهمني وبس ام خالد بعصبيه: قتلك بروح خلاص لا تيلس اتصاررخ لا اغير راي بو خالد ماحب ايتم يناقشها لانه ايعرف لو عصبت مستحيل اتروح فانسحب من الغرفه ونزل الصاله حصل خالد وحصه ينطرون حصه وهي اطالع ابوها بنص عين : اميه بتسير ويانا ولا لا؟؟ بو خالد: هيه يابنيتي بتسير ويانا خالد: ابويه انا بسير اشغل السياره لين ما تطلعون بو خالد: اللي اتشوفه يا وليدي حصه بتوتر: خالد انطرني انا بطلع وياااك راح خالد وحصه صوب السياره حصه تمت تضحك خالد: حصه اسم الله عليج اشفيج تضحكين بيطق فيج عرق حصه: مب مصدقه انه ابوي اول مره كلمته تمشي على امي خالد: بسيطه حبيبتي اللي طايحه في المستشفى الريم حبيبة ابوي ولا نسيتي حصه : هيه والله صج شلون راحت عن بالي خالد : ما ادري فيج هاليومين صايره مب كفوا بالمره حصه: لا تلومني يا خالد من هالامتحانات اللي ماصار لها الا جمن اسبوع بس خالد: المهم خلصتي وارتحتي ويالله اتفرحينا بالنسبه الزينه وادشين تجاره حصه اتقاطعه: خلود لا لا تجاره مابا ريم تبعت شور اميه بس انا لا خالد: حصه التجاره حلوه شفيج حصه: انا مابا الا شيئين يا طب او هندسه غير لا خالد: خلاص انزين لا اتعصبين سوي اللي تبيه حصه : خالد شو ف امي وابوي يايين احسن اركب قبل لا تقلبها ع راسي خالد: لا تنسي انها بتركب عدالج حصه بضيج : خالد دخيلك لا اذكرني خالد بابتسامه: ياهلا والله بالغاليه هلا اميه اشحالج ام خالد بعصبيه: يوم شفتك بصراحه ما بخير خالد بضيج: افا يميه لهالدرجه شكلي يمرض بو خالد: اركب يا ولدي عند امك ما بتاخذ لا حق ولا باطل خالد: ان شاء الله ابويه اللي تشوفه وســــــــــــآروآ صوب آلمستشفى في بيت بو رآشـــــــــــــــــــــد راشد: ابويه يالله عاد اتاخرنا خوله: حشا لهالدرجه مب قادر تصبر عن حبيبة القلب فيصل: خوله انتي شو دراج بالحب يالخبله خوله : والله انا اعرف احسن منك ومنه عقلي يوزن بلد في الحب راشد: ههههههههاااااي ياشيخه اسكتي بس فيصل وهو ايكلم راشد فأذنه : خذيت لها بوكيت ورد؟؟ راشد بصوت واطئ : لاتخاف خذيت لها واحمر بعد عشان اتعرف اني احبها فيصل : انزين انت ليش ما تصارحها ترى الاحساس مايكفي يمكن هي ما تحبك راشد: فيصل الله يخليك لاتعيد هالرمسه والله احس قلبي بيطلع من طوره فيصل : خلاص ما بعيدها بس انت اليوم حاول اترمسها خوله هنيه دشت عرض خوله: شوفوا حبايبي ترى كل رمستكم وصلت لاذني من سالفة الورده الحمراء راشد وفيصل انصدموا حشا مب اذون عليج خوله: احين بتبطوني بعين حشا راشد: انزين ياخبيره شرايج باللي قلناه خوله: شوف انا عندي خطه اكشخ بقنع ابوي انهم يا خذون كشته بسبة خروج ريم من المستشفى أي بعد تو داي فيصل : ياشين الانجليزي على اللسانج راشد: فيصل اسكت هاي كلامها درر ويمكن ايوصلني لريم انزين كملي وبعدين خوله بثقه وهي اطالع فيصل: عاد هاي شطارتك في المزرعه انت تقدر تصارحها بكل شي راشد: والله خووش فكره وانا موافق فيصل وهو يطنز: اتحمس الاخ اول اقنع ابوي ايوافق خوله : ابوي خلوه علي بس المشكله اخاف عمي بو خالد يرفض بسبة دوامه راشد بضيج: وليه ما حسبنا حساب هالشي خوله : لا تخاف بخلي حصه تقنعه واتكلمه حصه شاطره فهالامور بعد وصل بو راشد : ها يا عيالي جاهزين راشد: ابويه نحن جاهزين ننطرك انت بو راشد: هههااي احين انا طلعت المتأخر فيكم خوله : ابوي ترى انت صاير وايد كسول هاليومين بو راشد: والله من الشغل يا بنيتي خوله: ابوي شرايك تقنع عمي ناخذ كشته فمزرعتنا العووووووده بو راشد: والله زين حلوه هالفكره كلنا نبا نرتاح من هالدوام اللي كاسر ضهرنا راشد:ابويه ان شاء الله نحن كلنا نبا انسير بس انت تقدر تقنع عمي بو راشد: اكيد بقنعه وفي المزرعه ان شاء الله راح اخطب لك ريم هنيه الكل انصدم خوله: ابويه صج بتخطبله ريموه بنت عمي ولا ريم غيرها بو راشد: لا يا بنيتي ريموه بنت عمج محد غيرها ابا اشوف عيال راشد قبل لا اموت راح راشد وباس راس ابوه الله يحفظك لنا يا ابويه من ككل شر يعل يومي قبل يومك فيصل: ابويه جنك نسيت احد وانا ما تبا اتشوف عيالي بو راشد: انت كمل جامعه واشتغل بعدين اخطب لك اللي انت تباها فيصل : ما اتقصر يابوي وراح تفكيره عند كوكا اللي ايعرفها وبدا قلبه ايحبها بسبة دلعها وغرورها وكبريائها فــــــــــــــي بيت بوووووووووونوره خاطره وهي اتصارخ: سوسن انتي شفيج ما اقدر اطلع وياج سوسن بتوتر: والله ما بشوف احد بسير نشرب كوب شاي في الكوفي وبنرجع خاطره بتوتر: سوسن الله يخليج انتي اتثيري كل الشباب واخاف احد ايشوفني وياج سوسن بعصبيه: انتي يوم مستحيه مني ومتفشله ليش رابعتيني هاه خاطره بضيج: لانج صديقتي وحبيتج قبل ما اعرف بسوالفج سوسن وهي اتصارخ: انزين يوم عرفتي اني صايعه ليش ماودرتيني خاطره اتقاطعها: لاني ما بخليج لين ما اهديج واخليج اتوردين هالشي سوسن وهي معصبه ع خاطره: شوفي انا عندي خط ثاني احين فكري وردي علي باي صكت سوسن الخط سوسن بثقه: اخر زمن اتهددني وحده شراتج وردت ع الخط الثاني سوسن: الو مشعل: هلا سوسو شحالج سوسن: بخير انته شحالك مشعل : مب زين بالمره سوسن: حشا اشفيك مشعل مشعل: ابا خاطره اباها يا سوسن سوسن : اصبر علي والله لا اخليها اتي عندك بريولها مشعل : تكفين يا سوسو والحلاوه عندي ان شاء الله سوسن: ولا يهمك يامشعل اهم شي اتوفرلي الي فبالي بالك مشعل : انتي بس عطيني خاطره واعطيج اللي تبيه سوسن: اوك اتفقنا مشعل : لا تنسين يا خاطره في نفس المكان سوسن بابتسامه : اوكيك ياقلبي فغرفة خــــــــآآآطره نوره: خاطره شفيج زعلانه خاطره : خايفه يانوره خايفه نوره: من شو يا خاطره خاطره : بديت اخاف من سوسن نوره: خاطره سوسن بنت مب زينه وصديقات السؤ ما ايخلن الواحد الا لما يطيحنه في الغلط خاطره: مب هاينه عليه خايفه اخليها واتضيع نوره : خاطره اضيع بروحها ولا انتي اضيعين وياها خاطره: بس انا يعيبني يوم اطلع وياها واحس براحه فضيعه نوره : يعيبج لانها اتخلي كل عيون الشباب عليج خافي الله يا خطور لا تفشلين ابوي بعد كل هالعمر خاطره: اوهو نوره وخري عني بس نوره : يعني شو ما بتودريها خاطره بعصبيه: بهديها بعدين بودرها يالله طلعي من غرفتي نوره : انا سايره المستشفى اشوف الريم بتيين ويايه خاطره: هيه والله خاطري اطلع بي وياج نوره: عيل لبسي ملابسج وعسى خير خاطره بحماس : اوكيك ثواني واكون جاهزه نوره : خلاص انا بسير اخبر امي وابوي عسب ايسيرون ويانا خاطره بضيج: لا لا تكفين نوره ليش يسيرون ويانا بس انروح انا وانتي نوره: خطوور امي تبا اتزوور الريم وبعدين ليش ماتبينهم ايسيرون خاطره: عشان كان خاطري اروووح الكوفي شوب نوره منصدمه ومعصبه ع اختها: حبيبتي الكوفي شوب عند ربيعتج سوسن مب ويايه انا خاطره: اووووووووف احينه اموت واعرف سيرت الكوفي شوب شو فيها بتقولين شباب عيل حتى الجامعه اللي انتي فيها شباب نوره: شباب الجامعه غير يا حلوووه لكن اللي في الكوفي كلهم يبون ايعاكسوون خاطره: اووف انزين خلاص سيري خبريهم نوره : عن اذنج يا شاطره وياليت اتبطلين هالدلع لا اخبر عليج ابوج خاطره وهي معصبه: حووه انتي شفيج تهدديني نوره : خايفه عليج ياخاطره خايفه انا طالعه استاذن وطلعت نوره من الغرفه وهي خايفه على اختها وراحت صوب غرفة امها وابوها عشان اتخبرهم جان بيسيرون دقت عليهم الباب ام نوره: هلا بنيتي قربي نوره بصوت خشن: اممم انزين منو انا خاطره او نوار بو نوره : لا لا خاطره فديتها صوتها رقيق عاد الدفشه اكيد نوره دشت نوره ويلسست اتمثل انها حزينه ومنهاره نوره : افا ياا بويه احينه انا دفشه ابويه انته حطمتني خلاص ام نوره : اسم الله عليج يا بنيتي من اتحطيم نوره وبابتسامه عريضه: عيل خلي ابوي يسحب كلامه ابسرعه بو نوره : سحبته يا ابوج ها بنيتي ماخبرتيني ليش زايرتنا الغرفه نوره : افا يا بوي جي شو اول مره بو نوره: لا يابنيتي بس اشوفج لا بسه عباه وشيله نوره وهي تضرب بايدها ع راسها : اوووه نسيت اتصدق عاد نسيت اني لابسه عباه وشيله ام نوره : وين سايره يابنيتي نوره: اشوف الريم اميه ام نوره: افا يابنيتي مب قايله لج بسير اويااج نوره: احين يايه اخبركم عسب اتسيرون ويايه وتوصلوني بو نوره : قومي لبسي عباتج يالغاليه نوره: ابويه انت بتوصلنا وبتسير ؟؟ ولا بتدخل ويانا ؟؟ بو نوره: لا ابويه اكيد بدخل وياكم ها بو خالد صح انه عصبي مرات وقاسي بس قلبه ابيض ولازم انزور بنته نوره: اللي اتشوفه ابويه بسير انادي خطور وبتحصلونا تحت انزين ام نوره: خلاص يابنيتي كلها كمن دقيقه ونازلين نوره : اللي يريحج اميه عن اذنكم بو نوره : اذنج وياج يابنتي فــــــــــــــي آلمستشفى وفي غرفـــــــــة ريم تحديدآ الريم: آه يآ رآآآآآشد آخيرآ بشوووفك بعد اسبوعين وآنآ محرومه من شوووفتك شكثر مشتاقه للساعه اللي عيني تحتضن فيها عينك واحس اني قريبه منك وخطواتنا صارت اقرب من الي نتخيله انا وانت ونسمع دقات قلب بعض آآآه يآآآآرآشد يشهد آلله آني آحبك حب آعظم من حب قيس لليلي ولا مجنون لبني ما اعرف لو خسرتك فيوم شو بيصير فيني اكيد بجن وبستخف بس لازم نتفائل ولازم ما نيأس يآراشد انا واثقه انك اتحبني من يوم ماكنا الصغار ونلعب ويا بعض وادافع عني لو ضربني احد بس انا يا راشد محتاجه اعرف مشاعرك الحين شو ؟؟ هل تعتبرني مجرد اخت ؟؟ او تعتبرني مجرد بنت لعبت معها في الماضي؟؟ او يمكن اكون مجرد بنت عمه ومافي احساس منك اتجاهي ؟؟ يلست بحيرتها اطالع الغرفه والاربع يدران اللي فيها وتردد فخاطرها يمكـن علـى ماقلـت تكـره جنونـي لاكـن انـا عكسـك أمـوتبجنونـك ويمكن تعيـش العمـر كلـه بدونـي لاكـن انـا ماعيـش لحظـه بدونـك في سيـــــــــــــــآآآآرة راشد جان الكل ايسولف وراشد ايفكر في الريم خوله : ابويه هاه عسى بتقنع عمي ناخذ كشته بو رآشد: ان شاء الله يابنيتي فيصل : خوله انتي شو سالفتج ليش تبين اتسيرين المزرعه خوله بهباله وتطنز على فيصل: ابا اصيد بيض الدياي يالخبل يعني شو ابا اسوي فيصل : هههههههههههههههههههاااااي اتصيدين مره وحده لا وبيض دياي !! خولوه انتي مال اول خوله وهي معصبه : هههههاااي ضحكتني وانت حظرتك ليش تبا اتسير فيصل : يا حبيبتي يا خوله انا مخلص من كمن يوم امتحانات الجامعه وخاطري اطلع اشوي خوله : ياسلام وانا يعني مب من اسبوعين مخلصه امتحان الشهاده العامه وحابسه نفسي سنه كامله فيصل: بس انتي بعد ماخلصتي كل يوم في سينما يعني غيرتي جو خوله : وانت محد قالك تيلس ف البيت بصراحه اخويه انته غريب فيصل وهو يسوي نفسه متفاجئ : ليــــش يعني ؟؟ خوله : بصراحه لو انا كنت ولد والله ما اخلي مكان فهالبلاد ما اسيرله فيصل : حشا عيل انتي بتضيعين عيال البلاد بو راشد وهو يضحك : الحمدلله انج بنت اذا ها سوالفج خوله وهي قافطه _ مستحيه _ :ابويه ترى كنت امزح بو راشد : ادري فيج يا بنيتي لو كنتي ريال بتكوني شرات راشد وفيصل فيصل وهو يعدل كندورته : احم احم خوله : عشتوا طالع هذا صدق روحه بو راشد : ما تلاحظوون شي فيصل : شوابويه خوله : ابويه فيصل ما يفهمها وهي طايره بس انا ادري انك تقصد رشود بو راشد : شو بلاه سااكت فيصل وهو يتمصخر : يمكن ايفكر ابويه ايفكر شلون يأسس شركه بروحه فيصل وخوله وبوراشد تموا يضحكون على راشد ورآشــــــــــد سارح في بحر افكاره ايفكر فريم شلون ايخبرها بمشاعره رآشـــــــــد: الريم انا لازم اصارحج لازم اتعرفين اني احبج واني مستحيل اعيش ويا وحده غيرج انتي حب الطفوووله يا الريم ليتني بس اقدر اصارحج لكن خلاص اليوم لازم اعرف ردج لازم اعرف اذا كنتي اتحبيني اولا لازم يالريم لازم تتوقعووون راشد بيصآآآآآآآآآآآآآآآآآآآآآآ آآآآرح ريم ؟؟ وهل راح يتقدم لها ويخبطها فعلا ولا فيه صدمه ثانيه تنتظرهم ؟؟