الفصل 1
راح اعرفكم على الشخصيات الرئيسيه في القصه
اما الثانويه بتقرونها في الاحداث
:عائلة بو خالد :
تتكون من بو خالد : ريال طيب ويحب عياله وايد بس بدون شخصيه
مايقدر يرفض لزوجته أي طلب لأنه كل الخير اللي اهو فيه من خيرها
فمسيطرة عليه ومخليتنه شرات الخااااتم في اصباعها
أم خالد : مره حقووده وحاااسده تكره أتشوف البسمة على ويه أي إنسان حتى ولو واحد من عيالها
بسبب قصه صارت لها في الماضي ودمرت لها حياتها وحلفت أنها أدمر كل إنسان أتكون قادرة على تدميره
وهي راعية الكلمة في البيت واللي تباه يمشي واللي ما يعيبه كلامها تطرده ع طول من البيت
يعني ماسكه الخيط والمخيط
حصة: بنت بو خالد صف ثالث ثانوي مخلصه امتحانات الشهادة الثانوية من أسبوعين وتنطر النتيجة
صفاتها: طيبه مرحه حتى لو كانت زعلانه البسمة ما تفارقها وضحكتها من الإذن للإذن الثانية
واللسانها اطووويل وتموت فشي اسمه طلعه من البيت ..
خالد عمره 23 سنه يشتغل ويا ابوه في شركة امهم وهو حنوون طيب رومنسي وايد ايحاتي خواته ومستقبله
وهو صاير لهم الام والاب ويحاول ايعوضهم الحنان اللي افتقدوه من امهم
الريم : بطلة قصتنا بنوته طيبه وايد ما اتحب اتسوء الضن اتحب الحياه ومتفائله وكل اللي تتمناه اتحاول اتحققه حتى ولو كان صعب وشعارها .. بالاراده نصل الى الغايه وهي ايه في الجمال وكل بنات جامعتها ايحسدونها عليه وهي سنه 3 تجاره في الجامعه يعني
هذي عايلة بو خالد والحين بعرفكم على عايلة بو راشد وهو اخو بو خالد
~ ~ ~ ~ ~ ~ ~ ~
بو راشد انسان متفهم وفاهم الحياه متواضع لابعد الحدود اغلى ما في هالكون عنده عياله وبس ويسوي المستحيل عشانهم .. وامهم طبعا متـــــوفيه من 5 سنين كانت مريضه بالسرطان
راشد: بطل قصتنا عمره 22 سنه يشتغل ويا ابوه فشركة عمهم بوخالد وهو متين شوي وطويل واسمراني بس حليووو
فيصل : عمره 19 سنه شاب خلووق مرح بس عيبه الوحيد كتوم وما ايحب يطلع من البيت منعزل عن الكل
وهو في الجامعه يدرس اداب انجليزي وطول الوقت مجابل النت والمنتديااات
خوله : عمرها 18 سنه تدرس ويا حصه جريئه لابعد الحدود اتموت فشي اسمه سينما لي دشت ما تبا تطلع
ودومها مطيحه هناك . .
~ ~ ~ ~ ~ ~ ~ ~
عايـــــــــــــــلة بو نوره
نوره : اربيعة الريم الروح بالروح وصفاتها تقريبا شرات الريم بس الشكل غير
ودايما ايرددن كلمه وحده انخلقنا من قطعة وحده عشان جي روحنا وحده
يعني روح في جسدين
خاطره : اخت نوره مغروره وايد عمرها 17 واترمس من طرف خشمها وكل ربعاتها ما يحبنها بسبب غرورها لانه هي اخر العنقود كل اللي تباه بس اتقول شبيك لبيك يعني ابوها عاطنها كل الحريه
بو نوره : رجال طيب الله ما رزقه اللا بخاطره ونوره وايموت فيهن مسمي نوره القلب وخاطره دلوعتي
ام نوره : انسانه متووواضعه اتحب الخييييييييير وصبوره وايد فقدت اهلها كلهم فحادث قبل سنه كانوا رايحين ياخذون كشته نقلبت عليهم السياره وضربت في السياره الثانيه وشاحت وماتوا كلهم
~ ~ ~ ~ ~ ~ ~ ~
في بيت بو خالد"
حصه وهي تصارخ : ريموه ..... ريمووووووه نشي وجع نشي
الريم وهي مفتحه عين ومغمضه عين : وليه حصوه شفيج يعني محد يرتاح فهالبيت
حصه: ابا اعرف وين شنطتي الورديه اللي خذيتيها اول امس يوم كنتي سايره ويا نوره
الريم : احينه امصحيتني من الرقاد عسب بس شنطه حصوه فجي عني وخليني ارقد تعبانه حرام عليج
حصه وهي معصبه ريموووووووه وصمخ نشي اقولج نشي
الريم : حصوه والله ما اندلها شوفيها في الكبت مالي
حصه: انتي والله مب كفو احد ايسوي فيج خير بالمره
الريم : حصوه كلها شنطه تراج ذليتينا
حصه : محد قالج تاخذين من عندي شي
الريم : توبه والله توبه ما اعيدها يالعمه
حصه : بطلي دلع واسلوب المراوغه هذا وقومي طلعي شنطتي
الريم : اووووف بقوم غصب عني مب ابكيفي ادريبج لي حطيتي احد فراسج ما بيطلع منها
حصه اونه ما عايبنها: ها ها ها ضحكتيني
الريم : انزين حصه قبل ما انش دوريها انتي بعدج مره ثانيه
حصه : لا حبيبتي قالبه المكان عليها فوق التحت وما حصلتها انتي وين مخليتنها
الريم اووووف منج وهذا انا نشيت
الريم اول ما فتحت الجبت حصلتها ع طول
الريم : واونج قالبه البيت ادورينها هاذوه قدامج
حصه بضحكة مكر : ادري بس كنت اباج اتبطلي هالكسل شوي
الريم : يا شيخه أي كسل الساعه 8 الصبح
حصه: هاتي الشنطه
الريم : مابا اول اعترفي انج ما اتشوفي
حصه: شو قالولج عني عميا
الريم : امممم يمكن ما ادري عنج
حصه : لا حول علمتها الثقل واتثيقلت علينا
الريم : هههههههااي اعترفي وبعطيج
حصه : ياربي خلاص العيله تعمي الابصار
الريم: الابصار هههههههاااي يا شينج لي رمستين عربي
حصه : هاهاها بايخه وانا شو ارمس بالله لا يكون هندي وانا ما عندي خبر
الريم: لا لا رحتي بعييييييييييييييد بتاني وانتي الصاجه
حصه فرت المخده ع الريم وشردت ونشت ريم تركض وراها
الريم : تعالي تعالي وصادتها الريم
حصه : ريموه حرام عليج انا صغيره لا تظربيني حتى طالعي وفتحت ثمها طالعي اسناني لبنيه يعني صغيره
الريم : انتي وانا اكبيره وما حشمتيني تبيني انا اسوي فيج حشيمه لانج الصغيره لعبي غيرها اكفخج اكفخج
حصه : ريموه حبيبتي كلها ضربة مخده وهذا ان دل على شي يدل على حبي لج يعني عربون محبه
هنيه خالد يسمع صريخ حصه وريم تضربها وايدش عرض
خالد : يالله بصباح خير شو مستوي هنيه
ريم وحصه مع بعض هي اللي بدت
خالد: شوفي انتي وياها اذا ما بطلتن دلع البنات بطلع فوق واعلم الحكومه
ريم وحصه فتحن عيونهن من الصدمه الحكومه لا لا يا خالد عشان خاطرنا
الريم : خالد توبه ما انعيدها
حصه : المهم ما توُصل اخبارنا للحكومه
خالد : ههههههههههههااي شو استوى فيكن حشا مب امي هاي الي اتخرع جي
حصه : امك اتخرع بلاد كامله مب بس نحن
الريم : حصه عيب جم مره قتلج لا ترمسين هالرمسه
حصه : منج السموحه حبيبتي توبه ما بعيدها
خالد : احين ليش ماتخافون من ابوي شرات اميه
الريم: فديته ابووي طيب كلمه توديه وكلمه اتيبه
حصه : ههههههههااي الا قولي بدون شخصيه
هني عصبت الريم
الريم : حصه لين متى بتمين اتقللين من مستوى ابوج
خالد: يا حصه عيب ياقلبي ها ابوي وكل اللي يسويه لانه تحت ضغوط اميه
حصه : محد بيدمرنا فهالبيت الا السيطره والتحكم يالله انا سايره باااي
الاوتسمع صراخ من وراهم
ام خالد : حووووووووووه انتي وين سايره
حصه اونها منصدمه: منو تقصدين اميه
ام خالد: ومنو اقصد غيرج يا مسودة الويه
حصه : انا !!
ام خالد : يعني منو لابس عباه وشيله ومتكشخ غيرج
حصه : اها .. انا فكرت تقصدين خالد هو بعد لابس ومتكشخ
ام خالد : حصوه ترى طولة اللسان ما تدخلي من راس
حصه: انا ما قلت شي
ام خالد : وتراددين بعد واتقوم تنزل لحصه تبا تضربها
خالد : اميه اذكري الله حصل خير
ام خالد : وخر انت لو فيك خير جان مروح من الصبح اتقابل خير امك
خالد : امي انا احين ساير انزين توها 8
ام خالد : انت متى بتصير ريال اتقدر المسؤليه الريال السنع فشغله من الساعه 7
خالد : اميه يعني انا مب ريال فنظرج
ام خالد : ولا ناوي اتصير ريال ابد
خالد وهو مضايق والدمعه فعنيه : مشكوووووره اميه انا ساير غرفتي نسيت شي
ام خالد : سير الله لا ردك ان شاء الله
الريم وهي تصيح : اميه حرام عليج كافي تجريح ودعاوي ترى دعوة الام مستجابه
ام خالد : جب انتي جب الله يلعن هالويه واشوفه يحترق ان شاء الله
الريم ودموعها اربع اربع : متى بتحسسينا انج امنا من خاطر حرام والله حرام
حصه وهي تصيح ومعصبه : هاي ما تحس حتى الحيوانات اتحس بعيالها
وهنيه اتعصب ام خالد وتصفع حصه كف
ام خالد : لا بارك لله فيج انا اتشبهيني بالحيوانات
الريم : اميه حصه ما تقصد بس تباج اتحسي فينا
ام خالد دزت ريم ابقوه وطرحتها ع الارض وضرب راسها على اخر درجه فالدري
ام خالد : متى الله يفكني منكم وآرتآآآح وسارت صوب المطبخ
حصه ربعت صوب الريم
ريموه حبيبتي فيج شي
الريم : لا ياحصه خلينا انروح غرفتنا تعبانه حيل
حصه : الريم راسج ينزل منه دم حرام عليج لازم انوديج المستشفى
الريم : قتلج بس عوار بسيط بحط له شاش قومي انروح فوق
حصه : ان شاء الله نشي بساعدج
واول ما وقفت الريم طااااااحت ع الارض
~ ~ ~ ~ ~ ~ ~ ~
في بيت بو راشد"
خوله : لا حول ولا قوة الا بالله هذي وينها احينه
فيصل : بل بل بل شفيهم الحلوين معصبين شوي وبيطق فيهم عرق
خوله : انطر حصوووه قايله لها وموصيتنها امس ما تاخر 8 يعني 8 والحين صارت 8 ونص
فيصل : يمكن انشغلت شوي بس لا تحرقين اعصابج انتي
خوله بقهر : اووووووووف شكل الفلم بيروح علي اليوووم
راشد وهو داااااااش عرض
راشد : ههههههههههههااي أي سينما فاتحه احين
خوله : وهي حاطه ايدها ع قلبها بسم الله من وين طلع لنا هذا
راشد: من بيتنا يعني من وين نازل من المريخ
خوله : ادري بس أي بيت فيهم الاول او الثاني
فيصل بهباله: ووووووووووووووووووووووااا ااااااااااااااااااااااااا ااااااااوووووووووووو عندنا بيتين
راشد: هههههههههااي عند خوله يمكن يوصلن 3 بيووووووت
خوله وهي معصبه : تطنزون انت وييييييياه
فيصل: انا اموت واعرف هي وحصه من أي كوكب نااازلين
خوله : وليش حصه يعني ليش ؟؟ ليش ما اتكون الريم ولا لانه حصه احب وحده لقلبي
راشد بصوت واطئ : فديت الريم والله
فيصل بنذاله : هههههههههههااي سمعتك
راشد وهو منصدم : هاه شو سمعت حشا مب اذوون عليك
فيصل : خمسه وخميسه بعيون الريم اقصد الحاسد
راشد وهو معصب اونه : أي انت وياها خبر يوصلكم ويتعداكم الا الريم محد يغلط عليها
خوله : لا لا انا كنت شاكه بس احين تاكدت في إنٌ بالموضوع
راشد: هاي انتي شفيج بنت عمي ولها الاحترام والتقدير ولازم ادافع عنها
يعني انتي دافعتي عن حصه وانا نصرت الريم عشان يتعادلون وبس
خوله : يا شين التصريف بس
فيصل وهو يدز خوله بمزح: بعدين انتي تعالي شو يخصج ها سوالف شباب
خوله : رشود خل اخوك يوخر عني بليز يعني
راشد: مب اخوج يعني ؟!
خوله: اخوي بس من ابو وام ثانيين
فيصل : حشا حشا عدال على عمرج شكلج اتحبيني وانا ما ادري
خوله : وهي تمسح ويه فيصل اموت فيك مو بس احبك
راشد: خوله صارت الساعه 9 لحقي
خوله وهي منصدمه : هاه صج الساعه تسع !!
فيصل: طالعي الساعه صارت عشر مب تسع
خوله : اووف تقصون علي انتم الاثنين وبدت اتصارخ يبه يبه
بو راشد : السلام عليكم ورحمة الله صبحكم الله بالخير يا اولاد
راشد: الله يصبحك بالخير يبه
وسارو كلهم وباسوا راس ابوهم
بو راشد : شفيج تزاعجين يابنيتي
خوله : من الصبح وهمه يهاوشوني
بو راشد: لا لا ها خوله محد يغلط عليها من ريحة الغاليه
خوله :فديت ابوي والله فديييييته
راشد: حشا ابويه ونحن من ريحة منو بالله عيال الييران
بو راشد: لا لا خوله غير
هنيه خوله بدت تدلع
خوله : تسمعون ابويه شو يقول خوله غير وهالغير خلوا تحتها شخطين حمر
راشد: خوله تعرفين شو يعني غير
فيصل: اكيد اتعرف ها مايفوتها شي
خوله: خمسه وخميسه فعين العدو وشاورت ع فيصل
فيصل : توج اتقولين اتحبيني مسرعج ما تنسي ارمسه واتخليني عدو
خوله: لا تيلسون اتصرفون الرمسه رشود شو يعني غير اتعرفني احب المعلومات وايد
راشد : تحبينهم عيل ها معلومه اغريقيه افغانيه هنديه
خوله: رشود عن لطنازه عاد
راشد: خلاص بخبرج بس لا تعصبين انتي خوله
فيصل يدش عرض ويقاطعهم: انتي غير
راشد وفيصل : هههههههههههههههههههههههها اااي
خوله: ابويه شوف عيالك ما ينعطوون ويه
بو راشد: احقريهم يابنيتي ترى الحقران يقطع المصران
فيصل: ابويه اتشيشها علينا شو
خوله : اللي ع راسه بطحه يتحسس عليها
راشد: سمعي يا خوله المعلومه ترى تعبت ابا اقولج
خوله: ههههههااي قول شناطر
راشد : غير = بعير = نعير= ثقيلة دم
خوله هني اتعصب: ابوووووووووويه طالع هذا احينه انا صرت بعير ((بعير = بوش)) لا ونعير وثجيلة دم بابابتي عيالك بيذبحوني
بو راشد: اسم الله على بنيتي يالله احينه سيروا اتريقوا ورانا شركه مافيني ع هذرة بو خالد
خوله : انا مابا باتصل بحصه اشوفها شو فيها والله لو جانت عدالي جان ذبحتها
راشد: حشا مصاص دما انتي مب خوله
فيصل: ترى من الخبال اللي فيها بتشوف وايد
خوله: انا اترخص بسير ارمسها ابرك من مقابله وجيهكم
بو راشد: يا بنيتي تعالي اكلي لقمه عسب بطنج
خوله: مابا يبه مابا حلال عليكم
راشد: ابويه خلها بكيفها هي الخسرانه
فيصل: عبالها ما بنعرف نتريق بلاها
خوله: ههههههههههااي تعال دغدني صج انك سخيف
بو راشد : بسكم هواش وطوفوا جدامي بنتريق
فيصل وراشد: ان شاء الله ابويه
خوله راحت فووق عشان اتشوف حصه شو فيها وليش متاخره عليها
~ ~ ~ ~ ~ ~ ~ ~
حصه ربعت فوق صوب حيرة خالد وهو توه طالع من الغرفه
خالد : حصه اسم الله عليج شو بلاج
حصه: وهي اتنافخ وميته من الصياح رري.... ري... ري.. وبدت اتلعثم بالكلام
خالد: حصه شفيج رمسي قوووولي شفيج لا تلعثممين
حصه:: خالللد ريم ريم امي دزتها وضرب راسها على الدري وراسها كله دم
خالد بخوف: هي وينها احين
حصه: تحت اغمي ا عليها الحق عليها يا خالد
وسار خالد يربع صوب ريم
خالد بضيج : الريم شفيج ردي علي ريموووه شفيج
رد مع اقتباس
#5
قديم 28-06-16, 07:34 PM
الصورة الرمزية لامارا
لامارا لامارا غير متواجد حالياً
مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
الجــــــــــــــــــــــ ـــــــــــــزء الثاااااااااااااني
القلب ملكك والفصول الأربعة من مطمعي .. دام التقت في مبسمك كل الفصول الأربعه
في المستشفـــــــــــــــــى
خالد : دكتور شفيها اختي ان شاء الله بخير
الدكتور:لاتخاف بسيطه ان شاء الله بس لانه نزفت دم وايد وسبب لها حالة اغماء وبتصير احسن
خالد: يعني نقدر ناخذها الييت
: لا يا خوي لازم اتكون تحت الملاحظه لانه للحين حالتها مستقره ونخاف من اي مضاعفات
خالد:دكتور أي مضاعفات صارحنني الله يخليك
الدكتور: الضربه كانت وايد قويه والمكان اللي فيه الضربه خطير
خالد: ما فهمت
الدكتور: يا اخوي انت خلاها ترقد هالكم يوم ويصير خير
خالد : اللي اتشوفه دكتوووور
راح صوووووب حصه اللي من يوم وصلوا وهي ما سكتت كله اتصيح
خالد: حصه بسج ارحمي حالج
حصه: خالد ها الغاليه ريم لو صار فيها شي اموت
خالد: لا اتخافي الدكتور طمني وهي بخير بس بترقد هنيه كمن يوم
حصه: عيل انت سير الدوام وانا بتم وياها
خالد: انتي مينونه بدق على ابوي وبخبره بنطرها لين ما تصحى
حصه : اللي اتشوفه اخوووي
خالد يدق على ابوه
خالد: هلا ابويه
بو خالد وهو معصب: عنبوك انت وينك من الصبح وانا انطرك اتشرف حضرتك
خالد: ابــــ ..
ما خلاه بو خالد يكمل رمسته وقاطعه
بو خالد : الحين اتيا لا بارك الله فيك ولا في ام يابتك
خالد: ابويه اسمعني
بو خالد: اسمع شنو هاه مابا اعذار
خالد: ابويه ريم
بو خالد بتوتر: شفيها ريم _ طبعا بو خالد يموت في ريم وهي احب عياله له_
خالد: بالمستشفى
بوخالد بعصبيه : مستشفى !! أي مستشفى شسصاير ع اختك
خالد: ابويه لاتخاف بسيطه ان شاء الله
بوخالد: انزين خبرني شو وداها المستشفى
خالد: ابويه اليوم الصبح............. وخبره بالسالفه
بو خالد هو معصب: امك هاي انا بوقفها عند حدها وصك الخط فويهه
خالد راح صوب حصه
حصه:شو قالك ابووووي ياخالد
خالد : ماقال شي عادي عصب وبيروح يتهاوش مع اميه
حصه: انعرف شو نهايه هالهواش صراخ وفي النهايه كلمة اميه تمشي
خالد: بس يا حصه خلينا فهمنا الحين
ورن تلفوووون حصه
حصه: خالد هذي خوله انت تم هنيه يمكن الريم اتنش خلك قريب منها
خالد: اوك سيري رمسيها وانا تام اوياها وين بسير يعني
حصه : اوك
حصه: الو..و..و
الا وتقاطعها خوله وهي تصارخ: حصوه انتي وينج
حصه: يمه خرعتيني شفيج شو بلاج معصبه
خوله:هيه سوي نفسج ماداريه بشي
حصه: وليه خوله ترى جد مضايجه شفيج
خوله: عيل انا اتخليني انطر جني ناطور عندج شو مفكره نفسج انتي
حصه: تذكرت الموضوع وتمت تضحك وردت عليها انا حبيبتج بعد منو
خوله: أي حبيبه فيهم ترى حبايبي وايد
حصه: البنت اللي قطيتي امس عليها الرقم فسيارتها الشبح
خوله: هيه انتي يالدفشه شحالج
حصه: بخير يالخديه
خوله: وينج من الصبح
حصه : انا في المستشفى
خوله وهي يدها ع قلبها: حصه سلامات شو صاير
حصه: امي وخبرتها بالسالفه وتمت اتصيح
خوله: لاتصيحين ياحصه انا الحين يايه مسافة الطريج
حصه: اوكي انطرج
حصه سارت صووب خالد
خالد: ها رمستيها
حصه : هيه شو الريم للحين ما نشت
خالد: اشوف الدكتور طالع بسير اشوفه
حصه : اوك
سار ورد صوب حصه
حصه: هاه شو قالك
خالد: بتصحى الحين يالله خلينا ندخل
حصه : يالله توكلنا على الله
اول مادشوا نشت الريم
الريم: خالد حصه انا وين وحطت ايدها ع راسها شفيه راسي مربوط
حصه: الريم نسيتي انج طايحه من الدري
خالد: لا شكل اختي فقدت الذاكره
الريم وحصه: ههههههههههههاااي
خالد: هيه ياريم اضحكي ترى الدنيا ما سويانه شي
حصه: ريموه تصدقين عاد خوفتيني عليج
الريم: فديت روحج يا حصووووه هاذا انا ما فيني شي
حصه: بس بتمين بالدختر اليوم
الريم منصدمه: هاه بتم بالدختر لا لا خلود خلهم يطلعوني
قربت حصه راسهاا فا اذن الريم انتي الكسبانه يالخبله
الريم وهي مب فاهمه شي :: ليش يعني؟؟
حصه: راشد واهله اكيد بيزورونج اليوم
الريم هنيه خفق قلبها بسرعه راشد بشوف راشد اذا يلست المستشفى تسوى شوفة راشد عيل ان شاء الله يرقدوني اسبوع
حصه : حشا اثقلي اثقل زين
خالد: شفيكم تتساسرون انتي وياها
حصه: خلود ها سوالف بنات مالك خص
خالد: حشا الحين بيقلبون علي
~ ~ ~ ~ ~ ~ ~ ~ ~
في آلشــــــــــــــــركه
بوخالد: والله هالحرمه لعوزتني اوف شسوي فيها قايل لها الا ريم الا ريم بس شكلها تسمع غلط
السكرتيره: بوخالد ابا اذكرك انه اليوم عندك اجت......
قطع كلامها بو خالد
بوخالد: سمعي يا عبير بنتي راقده في المستشفى الغي كل المواعيد انزين
عبير.: اللي اتشوفه ابو خالد
بو خالد: يالله عيل انا اترخص احينه بروح اشوف الريم
عبير : بلغها سلامي وقولها ما تشوف شر
بو خالد وهو طالع سار صور مكتب اخوه بو راشد
طبعا اهمه ايحبون بعضهم وايد حاولت حرمته تأثر عليه انه يبتعد بس بو خآلد رفض لآنه آخوه الوحيد
بو خالد: حيا الله بو راشد شحالك
وقف بو راشد يوم شاف اخوه راح سلم علييه
بو راشد: هلا بوخالد شحالك شمسوي
بو خالد: والله انا بخير بس هالحرمه متعبتني
بو راشد : أي حرمه فيهم عااااااد
بو خالد: وانا كم حرمه عندي وحده واتغث
بو راشد: افا يا بو خالد شفيك شصاير يا اخوي
راشد كان ياي صوب مكتب ابوه لانه ابوه كان يبا شوية اوراق
وراشد هو ياي سمع رمستهم وتم واقف ورا الباب يسمعهم شو ايقولون
بو خالد: هالحرمه طارحه ريم وانا قايللها الا ريم الا ريم بس ما تفهم
بو راشد: وريم وينها الحين شو اخبارها
بو خالد: والله خالد توه داق وقال حالتها مستقره وعطوها دم لانها نزفت وايد
راشد هنيه انصدم معقوله ريم حبيبتي في المستشفى لا لا مستحيل لازم اسير اشوفها
بس تم ايفكر شلون اشوفها بصفتي شو انا بس مجرد ولد عمها
وهنيه اتنهد تنهيده وقال: اتمنى ياريم انج اتصيرين حرمتيه فيوم من الايام
انالازم اتقدم واخطبها من ابوووووها ع الاقل افكها من هالسجن اللي عايشه فيه
بو راشد : ما عليه يابو خالد لا تضايج روحك ريم مافيها الا العافيه
بو خالد: عيل انا اترخص يابو راشد بسير البيت وبعدها المستشفى
بو راشد : فحفظ الرحمن يا خووووي وعسى خير ان شاء الله بنمر عليكم العصر
بو خالد: خلاص عيل يابو راشد نترياكم
طلع بو راشد وسار صوووووووب البيت
واول ما دخل يسمع حرمته اتصارخ
ام خالد: سوزي الله يلعنج من بشكاره شو هالوصاخه في البيت هاه
سوزي : ماما ولا انا ينزف زين بس انتي ما يشوف
ام خالد: انا ما اشوف يالحقيره يالواطيه
سوزي : ماما خلاس الحين ينزف مره ثانيه
ام خالد: الله لا بارك فيكم ان شاء الله
بو خالد: حوووووووووووووووه انتي شفيج اتصارخين
ام خالد: هاه انت هنيه زين يوم وصلت
بو خالد:/ هاه شو هناك بعد
ام خالد: عيالك كسروا كلمتي وطلعوا من البيت مع اني قايله لهم ما يطلعون
بو خالد: انتي متى بتستوين حرمه هاه
ام خالد: حووووه انت اقول اسكت ولاكلمه كلمة زياده والله اطردك من البيت
بو خالد: تراج ذليتينا في هالبيت
ام خالد: والله اذا ما عايبنك اطلع الباب يفوت جمل
بو خالد بعصبيه: اتعرفين اناليش صابر عليج ولا عبالج انتي انا احبج او اموت فيج
ام خالد: مابا احد ايحبني اويموت فيني
بو خالد: ابوي اللي ظلمني يوم خلاني اخذج انتي وما زوجني شيخه وعشان يضمن اني ما اطلقج حط مؤخرج مليووووووووووووووووون درهم وجردني من كل ورث يدي انا واخويه
ام خالد: وابوي انا يعني اللي ما ظلمني يوم حرمني من حبي الوحيد وزوجني منك وبعدين يدك هو يدي وكل هالخير كتبه باسمي
بو خالد: لانج عرفتي اتمثلين عليهم يوم قالولج فلووووس وسويتي نفسج انج اتحبيني وكتبوا كل شي باسمج
ام خالد: ولله اذا ماعايبنك اطلع الباب ايفوت جمل
بو خالد: تعرفين اني ما اقدر اهد هالورث لانهم لو سلموج اياه بيضيع وانا ابا ااضمن مستقبل عيالي ومسقبل اخويه بو راشد وعياله لانهم مالهم ذنب في هاللعبه
ام خالد: شوف يا بوخالد انا ما تهمني هالرمسه الماضي مات وانت عايش من خيري
بو خالد: قولي من خير يدنا
اتقاطعه ام خالد: ومن خير ابوي لاتنسى انه ابوك حافي منتف
هنيه عصب بوخالد وسار صوب غرفته
ام خالد: هاه وين ساير تعال شفيك صج انك جبان
بو خالد: لاحول ولاقوة الابالله
ام خالد: ع العموم برايك سير وين ما تبا انا سايره الكوافير
بو خالد: بصوت واطئ سيره بلا رده
~ ~ ~ ~ ~ ~ ~ ~
بخبركم قصة ام خالد قبل لا اندش في الجزء الثالث
ام خالد كانت اتحب واحد اسمه سعود وابوها عرف بالموضوع وخبر يدها
وبو خالد كان ايحب وحده اسمها شيخه بس اهله رفضوا انهم يسيرون معه عسب ايخطبونها حقه
لانهم متعودين زواجاتهم من العايله وبس
وخطط اوبو بو خالد واوبو ام خالد ويدهم انهم يسوون خطه
ابو بو خالد : قال انا ما اضمن ولدي حبه لشيخه عامنه
فقال اليد نكتب ورث بو خالد لــ ام خالد اللي هي مزنه
ونحط مؤخر يكسر ظهر ولدي احمد اللي هو بو خالد
احمد يوم عرف الموضوع يلس ايصيح ولكن في النهايه اتقبل
اما مزنه كانت اتحب سعووود وراسمه وياه اماني واحلام بس كل شي اتحطم
ويوم خبروها عن سالفة الفلوس وافقت وقالت بفلوسي بحطم كل انسان سعيد
شرات ما حطموا حلمي انا وسعوود
عشان جي هي تغيرت من هاذاك اليوم وصارت حقوده وحاسده
ْ ْ~~ ْْ ْْ ْ ~ ~ ْ ْ ~ ~