حــياتي قصــيدة هو شــاعرها - الفصل 2 | روايتك

البارت الثاني.. ..... انجن لما سمعها تغني ماااات عليها قرب قرب قال انا لازم أكلمها ....: السلام عليكم هلا ما رفعت راسها كانت تحاول تغطي نفسها بشي بس مالقت غير ايدها تغطي جسمها: وعليكم السلام امر اخوي .......: انا شايفك بمكان بس وين مادري هلا رفعت راسها وانصدمت: ففففففههههههدددد!!!!!!!!!! فهد انصدم: تعرفيني؟ هلا: انهد حيلي من عذاب انتظارك واخفيت جرحي مابي الناس يدرون ارمي سلاحي واعترف بانتصارك بكيت وانا الي كنت اضحك على الي يحبون كانت تقولها واهي تبكي فهد: ممكن اعرف انتي منو؟ هلا: انا منو؟ انا منو؟ لو تدري شصار فيني يا فهد عشانك لو أقولك انا منو مراح تصدق فهد: انا اعرفك صح؟ هلا: إيه فهد: انا اقوول لأني شايفك طلعت غلا وانصدمت لما شافت فهد واقف مع هلا ( طبعا غلا تعرف فهد لانه هلا ٢٤ ساعه كاانت تتكلم عنه) غلا : فهد!!!!!!! هلا: غلا تكفين خلينا ندخل داخل غلا: يلا اوكي فهد طول الوقت ساكت مستغرب .....خلونا نرجع ورا شوي عشان أعرفكم على فهد.... فهد يصير ولد عمها وأنتو مستغربين شلون ما عرفها صح؟ انا أقولكم اولا لانه كان كله يشوفها واهي متغطيه هلا كانت قبل سنتين لما كان عمرها ١٥ كانت تموووووووووووت عليه واهو مايدري اهو ماكان يحبها كان معتبرها اخته لا اكثر لا اقل كان الكل يدري انها تحبه الا اهو كانو يزفونها بس اهي ماترد عليهم لين مره صار فيه حادث واهي انجنت اتفق الكل انه يقولونلها انه مات عشان ما تتعذب معاه وطبعا ظلت سنتين على ما نسته اهو ما مات وقالوله انه لازم ماتروح بيت عمك أبدا ولا تكلم عياله ولا شي ما فهم ليش بس قال اوكي وليومكم هذا ابو خالد ماشاف اخوه يعني سنتين مو شايفين بعض لين صار الي صار اليوم طبعا كانت صدمه لهلا كانت تتمنى تروح تضمه وتقوله وحشتني بس اهي كان عبالها انها في حلم كانت كل يوم تتحلم فيه كان عبالها الي صار اليوم نفس أحلام كل يوم ..........نرجع للواقع.......... غلا دخلت اهي و هلا وفهد ظل واقف منصدم ما فهم ولا شي بس عرف انه في بنت خذت قلبه من اول نظره بس ماكان يدري اذا هذا كان إعجاب او حب من اول نظره كان يتمنى يشوفها مره ثانيه ويعرف منها اهي من وين تعرفه كان راح يروح الديوانيه بس فضل انه يروح البيت احسن رجع بيتهم وقعد بالحديقه ( ملحوظه: بيت فهد جنب بيت غلا يعني جيران) وصلت رشا بيت غلا دقت عليها تلفون رشا: الو هلا هلا بالحلوه غلا: هلا فييك يالجيكره ويينك طولتي رشا: الحين انا أمدحك وأقولك يا حلوه ومدري ايش وتقولين لي جيكره؟؟؟؟ انا بررررررره بطلي الباااااااااب!!!!!!! غلا: بسم الله بطيتي إذني كاني بفتحه نزلت رشا من السياره وقفت جدام الباب غلا: هلا حبيبتي رشووي وصلت بروح افتح الباب اوكي؟ هلا كانت في حاله صدمه ما ردت غلا الله يصبرك ياحياتي يلا ثواني وجايه نزلت غلا وفتحت الباب رشا: ان شاء الله ماتزرعيني عند الباب غلا بوجه كئيب: حياااك انا اسفه رشا حست انه فيها شي: غلا حبيبتي شفيك غلا حطت راسها على كتف رشا بدت تبكي: اهيييئ اهييئ رشا خافت: غلا حياتي شفيك شنو صاير؟ غلا : هلا يا رشا هلااااااا اهيي رشا: شالت راس غلا من كتفها: هلاا هلا شفيييهااا؟ غلا: تعالي وفوق وافهمج صعدو الغرفه وشافو هلا متسنده عالسرير ساكته راحت رشا تركض عند هلا بعد ما فهمتها السالفه غلا واهم صاعدين(طبعا كانو رشا وغلا وهلا صديقاات حييل ويقولون كل اسرارهم حق بعض فكانو يدرون عن فهد) رشا: هلا حياتي هلا لا رد رشا: بدت تهزها : هلا هلا ردي علي لا تخوفيننا علييج غلا خافت راحت قعدت جنبها : هلا ندري انه الي صار شي صعب بس لازم تصيري قويه وما تضعفين لهالدرجه رشا هزتها وفجأه طاحت على سرير رشا وغلا: هلاااااااااااااا!!!!!!!!!!!!! غلا: رشا شيليها بسرعه وديها تحت بروح أدق على الاسعاف رشا: يلا بسرعه لا تتأخرين نزلت غلا تركض : يمااااااااا يمااااااااا الحقي علي يمااااااااا ام غلا: نعم يما شفيك شصااير!!!!!!!!!!! غلا: يما هلا هلا طاحت علينا دقي عالاسعاف انا بروح اساعد رشا نشيلها ام غلا: وي ياحسرتي شفيها غلا: يمه بسرعه دقي عالاسعاف بعدين أفهمك ام غلا: ان شاء الله حياتي الحين بروح صعدت غلا وشافت رشا قاعده تحاول انها تشيل هلا وصلت الاسعاف بعد ١٠ دقايق شالو هلا وراحو طيران عالمستشفى فهد كان في حديقه بيتهم شافها ولحقهم راح ورا الاسعاف ...........في المستشفى............. فارس: سستر سستر وينك؟ سستر: نعم دكتور فارس؟ فارس: شلون مريضتنا رنا؟ ان شاء الله تماام؟ سستر: حالتها متحسنه وراح تطلع الحين فارس: طيب ...........في المستشفى ولكن في ركن ثاني.......... محمد: يلا رنا راح تطلعي الحين رنا: صج بابا ؟ نور: اي ماما يلا قومي غيري ملابس المستشفى خلينا نطلع مها: البيت مشتاقلك ياحلوه رنا: يالكذابه صارلي بس نص يوم ما كملت حتى يوم واحد هههههههه مها: لازم نرفع معنوياتك يعني خخخخخخخ محمد: يلا انا نازل اكمل الإجراءات على ما تجهزو نور: اوكي حبيبي ..........في المستشفى ولكن في مكان اخر أيضاً........ نزلو هلا من سياره الاسعاف و نزل فهد من سيارته و نزلوا رشا وغلا وام غلا من سياره الاسعاف لانهم كانو راكبين معاها شافهم فهد فهد: السلام عليكم ممكن اعرف شنو صاير لها؟ رشا : انت بعد لك عين تجي عقب الي سويته؟ غلا: رشووي خليينا نروح عند هلا اهي الحين محتاجتلنا فهد: انا شسويت؟ لحظه لحظه منو هلا؟ رشا: انت مالك شغل يلا وخر عن وجهي ام غلا: كانت ساكته ماتدري شالسالفه غلا: يلا مشينا يما ويلا رشا خلييه عنك بنروح نشوف هلا رشا: يلا فهد ظل ساكت منصدم من الي يسمعه معقوووووله معقوووووله تكون هذي هلا بنت عمي محمد الي صارلي زمان مو شايفهم..؟ لا لا ما اتوقع.. لا ليش لا يمكن اهي ولا شعرفها فيني أكيد هذي هلا بنت عمي اكيييد يالله شلون كبرانه وصايره حلوه شلون طوفتها من ايدي...؟ خل اروح الحق عليها اشوف شصار لها؟ دخلو هلا الغرفه وكانو واقفين برا ( ام غلا وغلا ورشا ينطرون احد يطلع يبشرهم بأي كلمه) ..........في مكتب فارس......... سستر: دكتور جت مريضه وحالتها جدا سيئه لازم تشوفها فارس: ان شاء الله الحين جاي راح فارس حق هلا(اخته) بس ما كان يدري انها اخته كانو مغطين وجهها فحصها وطلع شاف بنت جميييييييله ملااااااااك واقفه جدامه مع بنت وحرمه شوي كبيره في السن و رجال واقف شوي بعيد عنهم بس لما طلع فارس الكل فز يبي يعرف شنو فيها بس فارس ماكان معاهم كانت عينه على غلا الي من العجله ما لبست غطوه ولا عباه بس كانت أمها مغطيتها وياها بالعبايه مالتها بس لما طلع فزت و قطت عباه أمها وركضت له غلا دكتور بشر بشر شلونها ان شاء الله بخير الله يخليك بشرني طمني فارس كان يطالعها وهي تهز كتفه وتبكي حن قلبه عليها وقالها: لا تخافي زينه ما فيها الا العافيه من الفرحه نست نفسها وضمته واهي تقول مشكوووووور ام غلا و رشا من الفرحه ما انتبهو ضمو بعض واهم يبكون غلا حست على نفسها و وجها صار احمر بعدت عنه وقالت: انا اسفه والله ما حسيت في نفسي فارس: لا عادي ماصار شي غلا راحت تركض حق أمها وتضمها بس في شخص كان قاعد يبكي وبنفس الوقت منصدم من الي قاعد يشوفه مايدري يضحك ولا يبكي فهد... اي فهد كان يبكي لما شاف ولد عمه صدييق عمره جدامه الي ما شافه من سنتين ولا يدري عن علومه راح قرب منه وقاله : دكتور فارس فارس كان مشغول بالأوراق ما رفع راسه: هلا آمر اخوي فهد: فارس ما تذكرت صوتي؟ فارس رفع راسه ومن بين دموعه ماكان مصدق انه الي واقف جدامه صج ولا حلم الكل كان عباله انه مات محد كان يعرف الحقيقه الا ام خالد وابو خالد حتى خالد ماكان يدري فارس: فهد؟ فهد: اي انا فهد يا فارس انا فهد صديقك رفيجك اخوك ولد عمك هذا انا فارس مو مصدق : يعني انت ما مت؟ شلوون بس ؟ بس؟ وبدا يفرك بعيونه انت صجي انت جدامي يعني هذا مو حلم فهد راح ضمه واهو يبكي: لا انا ما مت منو منو قالك هالكلام منو مكذب انا ما مت انا حي كاني قدامك بشحمي ولحمي.. فارس: كان يبكي واهو يضمه ( فارس و فهد كانو ربع وإخوان من واهم صغار لما قالوله انا ماات ما صدق جتله حاله اكتئاب طولت معاه لمده ١١ شهر بدت تخف لين راحت مره وحده) فهد: ها بشر شلون هلا؟ فارس استغرب هلا الحمدالله مافيها الا العافيه ليش تسأل؟ فهد: لأني شفتها شايلينها بسياره الاسعاف خفت عليها ولحقتهم فارس: هلا اختي!!!!!!!!!!!!!!!! .............خارج المستشفى ........... رنا واهي تركب السياره : يبا ما ودي اروح البيت نور: يما وين بتروحين بهاليل؟ الوقت متأخر الساعه ١٠ رنا: وانا عبالي الساعه ٧ مها: لا حياتي غلطانه هههههههه ضبطي ساعتج محمد: خلاص بكره أوديك المكان الي تبينه ماشي؟ رنا: أممممم أوكي شرايكم نتريق برا؟ مها: الله فكره حلوه نتريق في شوكلت بار عندهم بان كيك عجييييييب نور: اي صح اذكر اول لما رحنا نتغدى فيه شفت قائمه الريوق ريوقهم حييل حلو محمد : اوكي نتريق برا وبعدين نروح الملاهي شرايكم مها ورنا: اييييييييييي ما عندنا مانع نور: اي اوكي واذا خلصنا وجا وقت الغدا نتغدى في فرايديز؟ مها: الللللله اي اي بليييييز بابا محمد: ها رنا شتقولين؟ رنا: اي بابا بلييييييز محمد: خلاص اوكي كله لعيون رنا بس مها : اااااه يمه بموووت وطاحت على رجل رنا رنا: مها شفيييييك مها: شفيييك انا لازم يغمى علي عشان يدلعوني محمد: هههههههههههه وانا الي كنت برد المستشفى نور: الله يقطع سوالفك يا مها وقف قلبي ...........في المستشفى......... رشا: سستر متى نقدر ندش نشوفها؟ سستر: بكره اليوم ما يصير غلا:يما ليش ما ننام عندها انا ورشا وانتي ردي البيت عشان ما تتعبي أم غلا:اي اكييد يما لازم تنامون عندها وانا اطرشلك مع السايق ملابس غلا: مشكووووووووره يا يما رشا: هياااااا انا بكلم امي واعطيها خبر غلا: سستر إحنا راح ننام عندها اليوم سستر: بس الغرفه صغيره ما تكفي ام غلا فكرت شوي وقالت: لا لا تكفي يلا باي رشا: اي صح تكفي غلا عدل كلامك حتى لو ما تكفى راح ننام عالأرض ام غلا راحت حق الرسبشن ام غلا: السلام عليكم الرسبشن: وعليكم السلام مدام امري ام غلا: ابي احجز جناح حق بنت اخوي المريضه( طبعا اهي مو بنت اخوها ولا شي تقول جذيه عشان يرضون) الرسبشن: اوكي مدام شنو اسمها؟ ام غلا : هلا محمد ال...... الرسبشن اوكي تبين اي جناح؟ ام غلا:ابي جناح مكون من غرفتين غرفه للمريضه وغرفه لمرافق ويكون فيها حمام الرسبشن: ان شاء الله مدام طلبك موجود ( ام غلا عندها حساب بالبنك تخشه للحاجه ) دفعت الحساب وراحت ............في مكتب فارس.......... فارس: هلا اختييي!!!!!!!!!! فهد: اي فارس: شفيييهاااااا؟ فهد : اغمى عليها فارس: هلا اختي اهي نفسها الي عالجتها الي توها جت؟ فهد: اييي ليش ما تدري؟ فارس: لا انا ما كشفت على وجهها فهد: لا هذي اختك فارس: يا قلبي يا هلا فهد: اهي شفيها؟ فارس: صدمه يمكن ما تتكلم لمده اسبوع من الصدمه مادري شنو صاير معاها فهد عرف انه منه سكت شوي يفكر فارس: فهد شفيك شردت؟ فهد: لا لا ماكو شي ..........في غرفه هلا.......... دخلت السستر : السلام ممكن تسمحولنا ننقلها لجناحها؟ رشا وغلا: اي جناح السستر : المره الي كانت معاكم مين؟ غلا: امي السستر: حجزت لكم جناح في غرفتين وحمامين غلا: يا حياااااتي يا امي ليش كلفت على نفسها رشا: ونااااااااااااسه جناح حقنا بروحنااااااااا غلا: ايييي هههههههههههه ........في جناح هلا......... غلا واااااااااااو الجناج يجنن والله امي عندها ذووق رشا؛ الللللللللللللله عجيييييييييب ها شرايك فيه هلا؟ هلا كانو ناقلينها بسرير متحرك عشان ما يبون يتعبونها هلا ما ردت طبعا غلا هلا حبيبتي هذا جناحك الي راح ننام فيه وياك وراح نجيب افلام وبلعه كل يوم بنطلب مطعم ها شرايك؟ هلا ما ردت رشا ايييييي اكيييييييييييد حتى لو ماتبي غصبن عليها بنجيب شنو على كيفها اهو؟ سستر: مدام اهي لازم ترتاح الحين خلوها شوي غلا: اوكي ان شاء الله طق الباب فارس سستر: تفضل رشا:هيييييه انتي وين قاعدين تفضل مو لابسين إحنا لحظه دكتور ثواني رشا: لبست عبايتها غلا: رشا ما عندي عبااه رشا: دشي معاي بعباتي هههههههه غلا: اوكي خخخخ غلا: تفضل اخوي.... غلا راحت ركضت دشت الغرفه بس اهو شافها وضحك عرف انها منحرجه منه لما ضمته راح حق اخته كانت قاعده عالسرير بدون اي كلمه وأي تعبير فارس: هلا حبيبتي انا راح اقول لامي انك راح تنامي عند صديقتك لف على رشا انتي صديقتها صح؟ رشا: اي انا بس اهي ما كانت في بيتنا كانت في بيت غلا الي بالغرفه فارس ضحك عالخفيف: راح اقول لامي انك راح تنامي عند صديقتك غلا اوكي هلا لا رد فارس يلا انا بروح اكلمها الغرفه الي كانت فيها غلا كانت جنب الباب بس شوي يعني في بينها وبين الغرفه الي فيها هلا صاله تلفت فارس قبل لا يطلع يمين ويسار ليتأكد انه مافي احد دخل الغرفه الي فيها غلا و......... التكمله في البارت الجاي تتوقعون شنو راح يصير بين غلا وفارس؟؟؟؟؟؟