الفصل الثاني
*#انتقام~شيطان《02》*
*#بقلم~تسنيم~مختار*
*ــہہہـہہـہہہـہہـــہہہـہہـہہہـــــــــــ❥ :00:00*
دلال طلعت من نوال قربب المغرب لانو دورها كان بعد العصر و الدنيا خريف و السماء شايل سحب و االدنيا ظلام شديد و الشارع فاضي بس دلال حاسة ب زول ماشي وراها و كل ما تلتفت مافي شي و تسمع صوت الخطوات لحد ما قامت جارية والصوت لسه وراها و صوت الرعد و البرق مع البرق ظهر ليها خيال قدامها مخلوق غريب ضخم شديد عندو حناحين و كان رافع أجنحتو مغطي بييها نص الشارع أنياب بارزة و لعاب ممزرج ب دم نازل من بين النياب دا و كان واضح عليو بتاكل في حاجة دلال عايزة تجري ما قادرة غمضت عيونها شديد شافت نفسها في مقابر و انها تنبش في القبور لحد ما وصلت قبر امها و بدت تاكل فيها و المخلوق الغريب ظهر ليها بضحك و فتحت عيونها لقت إثر دم في يدينها وطعم دم في لسانها و كانت ناسية الحصل كلو مستغربة دا جا من وين بس فكرت انو لمن وقعت تكون اتعوقت و دخلت تستحمي في مراية الحمام واقفة تسرح شعرها و فجاءة النور بقى يطفي ويولع يطفي يولع عايزة تطلع النور رجع لمن اتلفت ع المرايا ما شافت نفسها بقت مخلوقه ومقربة شديد منها بس ما شايفة نفسها و بقت تصرخ جات جاريها عليها صاحبتها و بتسال فيها دلال مالك و لمن اتلفت عليها االبت جات واقعة من طولها دلال وشها كان عبارة عن عيون بيضاوية بالطول و لونها أحمر ما عندها انف و فمها مقوس ع شكل هلال طالع منو نابين و عندها قرون ملفوفة لمن صاحبتها وقعت رجعت شافت المرايا تاني بس المرة دي شافت نفسها بشكلها الغريب دا واغمي عليها لمت فاقت كانت كالعادة ناسية و صحبتها كانت متذكرة َحكت ليها و أصرت عليها انهم لازم يمشو لي نوال مع بعض الموضوع بقى خطير و فات الحد فعلا اشترت الطلبتو نوال كلو ومشو عليها من وصلت بيت نوال خدام نوال اختفو رغم انهم كانو ظاهرين ليها من الصباح و البيت بقى فيو طاقة سلبية عجيبه و نوال دخلتها خوفة ورهبة لأنها شايفة دلال بشكلها الغريب وجدان وامل ما قدور يقعدو معاهم حسو ب خوف شديد اي واحدة فيهم طلعت خلت ليهم الصالة وصحبت دلال بقت شايفة شكل دلال المخيف كانت قلبها قوي لأنها كم مره مارست طقوس تحضير جان بس فجاءة أثناء ما بتتمعن في ملامح دلال ظهرت ليها طلاسم في عيونها وبدت تقرأ ب صوت مسموع لحد ما استحضرت خادم جن أقوى شوية من خدام نوال نوال بقت مصدومة لمن شافت الكائن الواقف قداهم كان عبارة عن ضب اسود ضخم شديد عندو أنياب طلب من ماريا الهي صحبت دلال تشرب من دم و تطلع وانو من يوم الليلة ح يكون تابع لي نوال بس ماريا عافت الدم وابت تشرب ضربها طقة واحدة ب ضنبو وقعت ميتة و انقسمت لي عدده أجزاء و طلب من نوال تاكل منها و نوال من الخوف أكلت فجاءة ماريا اختفت و الغرفة بقت أضيق و حارة و الضب اختفى و ظهر دخان كثيف شديد و معو مخلوق عبارة عن نار والنص التاني دخان و دا كان خادم أقوى بكتير من الضب و من خدامها الاتنين انو كل ما تنفذ طلب ليههم ح يجيها الأقوى و طلبو منها انها من موضوع العلاج البتعملهو لي الزيارات تبقى ساحرة و تنفذ ليهم طلبات السحر و وافقت طوالي و طلب منها تقرا ايات معكوسة أعوذ بالله من غضب الله و فجاءة اختفى و دلال رجعت طبيعيه و ناسية كل شي حتي ماريا و نوال بقت ترمي ليها في الودع قالت ليها انتي الفيك دا صعب شديد انتي متلبسك جن عاشق علاجك صعب و بكلفك قروش كتيرة دلال قالت ليها القروش ما حاجة بس ابقى كويسة و طلعت ليها غوايشها قالت ليها دا بياضك أن شاء الله القى العلاج عندك و طلعت منها ونوال ظهر ليها المخلوق الناري طلب منها تشرب الدم من غير ما تخلطو بي موية من شربت اختفى وظهر ليها المارد الأكبر حاجة كدا ما عارفة أصفها ليكم كيف قال ليها انو هو خادم سااحر كان في الدمازبين الساحر دا مات مسموم بسبب ام دلال و ام دلال ما عايزاها قتلناها بس عايزين دم حيض دلال عشان يقدو يرجعو قرين الساحر المات بطقوس الدم و النجاسة وانو ماف زول بقدر يساعدهم الا هي و انو دلال في ليلة فيها القمر كامل ح يذبحوها نوال ما كانت بتعترض ع طلب طلبت من دلال إثر الدم وانو دا بدخل في علاج العاشق وفعلا بعد كم يوم جابت ليها الاثر و بدت الطقوس فجاءة الغرفة ضاقت دلال بقت مشلولة و كل المخلوقات الغربية حضور في الغرفة نوال بقى شكلها مخيف و تضحك ب طريقة مخيفة مارد الجن طلب منها تنقع اثر الدم في موية وتشرب
*℘═℘══℘══℘══℘═══℘══℘══℘══℘══℘══℘*
*★★يتبــــــــــــــــــــــــــــــــــــــــــــع★★*
*♥︎بــــــــــــــيــــــــــــــــــــجــــــــــــــة♥︎*