الفصل التاسع
*#على_حافه_القلب《09》*
*#الاخيره*
*#بقلم_نرمين_محمد* **
*"لم يكن أحد يعلم ما الذي دار في اللحظة الأخيرة… على حافة القلب، حيث الصمت أعلى من الضجيج، وحيث الوجع لا يُروى بالكلمات، قررت أن تمضي. لا هي خاسرة، ولا منتصرة، فقط غادرت وهي تخبئ في صدرها نهاية لم تُكتب، ووعدًا لم يُقال. بعض الحكايات لا تنتهي، بل تذوب فينا، وتترك خلفها أثرًا لا يُرى... لكنه يوجع."*
______________
قررت أنو ابعد المره دي كميه الفرص العندي خلصت فرسلت ليه
سلام عليكم صباح الخير
مؤيد انا فهمت كل العايز توصلوا لي وفهمت فكرتك عني شنو وكدا الصوره وضحت عندي شديد ف اسفه انا لو ازعجتك أو كنت مصدر ضغط إضافي ليك وربنا يوفقك لما يرضاهو الله وشكرا لك والعفو والعافيه
كنت وقتها حاسه بفراااااااااغ كبير جواي...
رد على..
انا فاهم عنك كل خير والله العظيم النهايه انتي بت اهلي وانا والله اسف على كل شي واسف لو ضايقتك وازعجتك 💔العفو والعافية....
في رحلة الحياة ورحله البحث عن الذات كان هناك بعض الأشخاص يتمنون لنا الخير والنجاح لكن لم نستطيع المحافظة عليهم بسبب ذلك التخبط وعدم اتخاذ قرار يشبه أرواحهم السلام السلام والعافيه لتلك الأرواح أينما كانت...
ما قدرت صراحه امسك نفسي بعد الاستوري دا ٠جواي الف كلمه كان نفسي اقولها بس متمالكه نفسي عشان ما اجرح بخاطرو بس الزاد عن حدو كتير فرديت وقتها من غير ما اعاين لأي شي بعدها وردي كان
انت السامح للضغوطات تأثر عليك وعلى حياتك الشخصيه انت انت مخلي الضغوط دي تخسرك ناس بتحبك وبستحمل ومستعده تقيف معاك انت بتقول انك بتفتش السعاده السعاده دي ممكن تكون في وجود زول جنبك آو تكوين اسره واستقرارها وصدقني طول م انت ماشي بنفس المفهوم دا م هتسعد
وأنا عن نفسي ما بتغير على زول مهما حصل هتمشي وتجي تلقاني زي م انا ووقت م تحب تحكي لي اتصل على وانا بسمعك
واسفه لو كنت مصدر ضغط إضافي ليك أو فتره سيئه في حياتك دي
انا ما اخترت ابعد عن تلقاء نفسي لا انت انا بعدت عشان انت عايز كدا وم هافرض نفسي عليك كتير والعفو والعافيه
ردو كان انا م بعرف احافظ على حاجه جميله في حياتي خسرت أشخاص م بستاهلو اخسرهم بس كلو لخير حمدلله 💔 قفلنا على كدا افتكرت نفسي هاتجاوز اتظاهرت بالقوة بس من جوا كنت أرق من القشة أقل هبشه هانكسر💔 في يوم مريت على شاتو الكان خالي من الرسائل وقفت عندو مسافه قبل ما اتهور وأرسل سلام عليكم. صدق القال الحب غلاب بتغلب على روحك ومعنوياتك ونفسياتك قبل كل م يتغلب على أي شيء تاني رد علي وقتي وكان قاعد في شاتي مسافه فقلت انو انا لازم احسم النقطه دي لازم هو يحظرني انا ما اعرف احظر زول خصيصا هو قلت ليه مؤيد ممكن تحظرني ضحك وقال لي افكر قلت ليه اطلع من جو التفكير الشايل منك اكتر م مديك في حياتك دي وانا جاده معاك والله احظرني قال لي انا م شايف في داعي للحركات دي كل ما في الموضوع انا م عايزك تتعلقي بي شديد ي لين وم بقدر اوعدك بشي عشان ما معروف البحصل شنو وكل شي في يد الله قلت ليه انا م بتعلق بيك ولا بغيرك كان على الوعود بتفضل كلام بتقوله لكل البنات انا م بصدق الوعود انا بعاين للافعال وفعلا الأمور بيد الله
قال لي انتي عايزه زول الحادي البجي بالباب ودي حاجه نادره انا حاليا م جاهز ولا مفكر في الأفعال دي
قلت ليه غير الزول البجي بالباب الواضح والصريح القول انو انا عايزك بالحلال وحاليا م عندي تصبري على ولا يفتح الله
مش العندو فراغ عاطفي أو زمن فاضي يملي بي ومتردد في قراراتو
و أنا قلت لك تعال بالباب؟ عشان تقول لي م جاهز؟!
قال لي انا عندي فراغ عاطفي ومتردد و م جادي ممكن تخليني في حالي قلت ليه انا م ماسكه فيك ولا انا سألتك قلت ليك احظرني انت جبت سيره التعلق وكدا قال لي حصل خير العفو والعافية انا اسف قلت ليه خير
*"لين ما عادت تلك الفتاة التي تنتظر، ولا التي تبكي في الخفاء… عبرت الحافة، لا بقلب سليم، بل بقلب تعلّم كيف يرمم نفسه كل مرة، كيف ينهض من انكساراته دون أن يطلب أحدًا. لم تنسَ، لكنها الآن تفهم... أن بعض النهايات لا تأتي لتؤلمنا، بل لتوقظنا."*
.___________________________
عند يمّ
بعدها شوية شوية رجعنا و رجعت علاقتنا و رجع اهتمامنا و كلامنا و كل شي و فجأة في يوم جا كلامو كان غريب و طرقتو غريبة قمت قلت ليهو مالك في شنو قال لي بي صراحة؟ قلت ليهو ايوة احكي مالك قال لي يمّو نحن ما ينفع نتكلم كده و انا عايزك بالحلال و انتي بت حلال و زيك ماف و انا خايف اخسرك بي اي طريقة و خليف ربنا يعاقبني و يبعدك مني و انا ما بقدر ابعد منك انا والله بحبك و عايزك بالحلال و عايز نعمل كل شي بالحلال و عايز ابقى راجل و عيني قوية و اجي اقيف قدام اخوانك و اقول ليهم عايزك انا والله بخاول امسك فيك بي يديني و رجولي ما عايز اخسرك ولا بقدر والله قلت ليهو كلامك حلو و فخورة بيك والله و كبرت فعيني بس انت عارف هتجي متين؟ قال لي لو عارف كان علي الاقل جيت خطبتك و قلت فاليوم الفلاني هعمل عرس لكن ما عارف و انتي تستاهلي انك تتقدري و يعملو ليك كل شي حلو و غالي ما تستاهلي البسيط ولا انا بقبل ليك البسيط قلت ليهو طيب عشان نكون واضحين انت لسه صغير و عشان تجهز عايز علي الاقل سنتين تلاتة و فالفترة دي هيمر علي وقت و ظروف صعبة و هاكون عايز زول يخفف عنك و يقيف معاك و انت ما بتحي لي زول غيري هتستحمل؟؟ قال لي هستحمل عشانك اي شئ قلت ليهو انا ما هيتحمل صعبة علي والله قال لي عارفها صعبة و شديد كمان لكن ما عايز ربنا يعاقبنا عايز ربنا يبارك لي فيك ❤️ المهم كنت رافضة الفكرة بس تاني اقتنعت و وافقت و فعلا تواصلنا قل جدا و بعدها اتغير معاي بقينا بنختلف كتير و انا تعبت من الحال و كل ما ادخل انهي العلاقة في حين انو انا عارفة اني ما هقدر استحمل البعد عنو بس بدخل انهي القصة هو كان بتمسك بي و تاني نرجع نفتح تفس نوضوع التواصل و نختلف و فالاخر لمن تعبنا الاتنين بقينا ما بنفتح الموضوع في يوم كنا بنتكلم قمت قلت ليهو نتكلم كول؟ قال لي لا 💔 هنا احتقرت نفسي و كرهت تفسي جدااااا و زعلت لانو كسرني ف قام اعتذر لي و قال لي اسف لاني كنت زهجان و زعلان اسف حقك علي انا هنا و لاول مرة ما اقول ليهو مالك و انسى تفسي كنت في مل مرة بزعلني فيها بنسى نفسي و زعلي و بسألو مالو المرة دي هو المرة الوحيدة العاينت لنفسي و زعلي ف قلت ليهو اني استحقرت نفسي و تفو علي لاني بكون عايزة اتكلم معاك و انو انت ظايما بتكسرني كده ف قال قال لي شكرا دي الحالة قلت ليك مضايق نفسك بي كالعادة 💔 قلت ليهو نفسي بس كالعادة؟؟ يعني نسيت الفات كلووو و ما اتذكرتو 💔؟؟انت جادي بتقول لي نفسك بس و مالعادة يعني انا ما قاعدة اسألك ؟؟ انا اكتر واحد عارف انو انت لمن تقول يمّ بس انا بنسي روووحي و الفيني و بجيك ، عارف انو انا بنسى الهومو الفيني عشان اسمع همومك و احلها و اخفف عنك في لحظة انو انا بكون مليانة هموم ، انت جادي بتقول لي نفسك بس!! المهم اثناء مسجاتي قام حظرني 💔 قمت زعلت اكتر و اتصدمت صدمة ما بعدها صدمة لانو هو اخر زول اتوقع منه انو يكسرني كده حرفيا كنت معتبراهو وطني 💔 المهم رسلت ليهو برقمي التاني و طلعت كل الفي قلبي و من ملام و زعل و شكرتو و حظرتو و انا كنت بموت الف موتة بعد فترة هو فكى الحظر و اتأسف لي و قال لي انو هو عمل كد لانو ما لقى حل لانو يوقف الخلاف و النقاش غير بالطريقة دي و انو ما مان عايز يعمل كد و انا كالعادة زي الهبلة سامحتو 💔 مع انو الحركة دي قللت مني لكن قلت الحب ما فيهو كرامة و كده و انو اكيد ما قاصد المهم سامحتو زي العبيطة 💔 ف مرت الايام و علاقتنا وقفت خالص و برضو مرة مرة نسأل من بعض جا عيدميلادو و انا كنت متحمسة اكتر منو حرفيا و عايدتو زي كل مرة كنت ما بخلي كلام حلو ما بقولو ليهو و اعايدو بيه و مرت الايام و تمينا سنة 💔 و رفعت فالستوري انو تمينا سنة و كنت بكتب كل الفي قلبي ف دخل قال لي بقرا فالكلام و عدتو مية مرة ما قادر اطلع منو .. يم.ّ نحن تنينا سنة؟؟ علاقتنا تمت سنة ؟؟ قلت ليهو اي تمينا سنة تمينا سنة مع بعض بكل الفيها تمينا سنة بي زهجنا و خوفنا و بعدنا و قربنا و توترتا و فرحنا و زعلنا عدينا كل شي مع بعض 💔 قال لي انا بحبكككك يا يمو يخخخخ 😭❤️❤️❤️❤️ قلت ليهو و انا كمان قال لي اخخخ يخ بس حريقة فالظروف يخ قلت ليهو معلش كلو بعدي قال لي احلا ايام عشناها مع بعض 🥺❤️ قلت ليهو احلا سنة ما ايام ولا شهوور ديل ١٢ شهررر دي حيااااة دي عمري البدا معاك 🥺
قلت ليهو و انا كمان بحبك و البعد ده ما عامل لي شي غير انو ذايد حبي ليك و عذابي اكتر قال لي معلش حقك علي بس صدقيني اخرو يستاهل يا يمّو اخرتو حلوة شديد و انتي ما تستاهلي غير الحلو يا يمويتي 🥺❤️ قلت ليهو مبسوطة اني عديت معاك سنة و حقيقي ما حسيت بيها 🥺 قال لي ربنا يديم بينا المحبة دي و نكمل باقي عمرنا كلو مع بعض قلت ليهو امين ❤️ قال لي بحبك ❤️ قلت ليهو و انا كمان ❤️ و تاني قفلنا و نمنا علي كده صحبت مضايقة انو هنرجع للبرود و السكوت يملى علاقتنا قال لي مالك قلت ليهو مضايقة قال لي من شنو ! قلت ليهو انو هنرجع للسكوت و البرود تاني قال لي انا عايزك حلالي و اجيك بالباب و قلنا الموضوع و الاتنين ما استحملنا خلاص قلت ليهو انا امبارح كنت مبسوطة و مرتاحة اني بتكلم معاك 🥺 قال لي طيب انتي عايزة شنو قلت ليهو ما عارفة قلت ليهو في كل مرة بقرر انا ما هجبرك عشان ما تجي تقول لي ده قرارك و جبرتيني قال لي ما شغلتك ما هتجبريني قولي انتي عايزة شنو قلت ليهو والله كده اقفل الشبكة و انوم قال لي خلاص طيب نخليها علي ربنا و خلاص ؟ قلت ليهو تمام قال لي بحبك قلت ليهو وانا كمان و اتونسنا عادي و بعدها قفلنا علي كده و رجعنا تاني للتواصل الخفيف و فجأة تواصلنا قل و وقف بقى بدخل هو يرسل او يعلق علي استوري و رجع لي برودو و تجاهلو و صدودو مرة كنت مضايقة قال لي المضايقك شنو قلت ليهو ماف شي قال لي لو ما عايزة تحكي لي ما هضغط عليك لكن لمن تضايقني تعالي احكي لي لو مشغول رسلي لي و انا بجي ارد ليك او احكي لي اي زول بس ما تكتمي فقلبك قلت ليهو عارف تاني سكت قال لي اها قلت ليهو خلاص قال لي اضايقتي! قلت ليهو اقول ما بتزعل ؟ قال لي قولي قلت ليهو خايفة قال لي من شنو قلت ليهو بقيت لمن بزعل او افرح و احمس و اكون عايزة اجي احكي ليك شي بتراحع قال لي ليه قلت ليهو بخاف انك تكسرني بي ردودك او تصدني قال لي حصل كسرتك خارج علاقتنا قلت ليهو كيف قال لي يعني غير موضوع علاقتنا ده خصل كسرتك قلت ليهو بي صراحة اي و حكيت ليهو المواقف الكسرني فيها قال لي يا يمّ انا ما بكسرك قاصد بس مرات بزعل قلت ليهو الزعل بخلينا نقسى علي البنحبهم؟ قال لي اي قلت ليهو لا ما دايما قال لي علي حسب الكلام و الزعل و انا لمن اقسى علي بكون حبا فيك و غيرة عليك قلت ليه بس انا بزعل منك و برضو ما بقسى عليك قال لي انا بقفل و ما بتكلم معاك عشان اشوف هل القدامي ده هيراضيني وهل انا عندي قيمة عندو قلت ليهو طيب و انا قال لي انتي شنو انتي لمن ازعل منك بكون عشان بحبك و بخاف عليك قلت ليهو بس ما دايما بنقسى قال لي علي حسب قلت ليهو يمكن انا ما زيكم قال لي خلاص لو زعلتي مني هراضيك قلت ليهو ما ضروري قال لي كيف يعني قلت ليهو كده قال لي علي اساس انا كده فهمت قلت ليهو ما ضروري تراضيني قال لي ليه قلت ليهو طباعك ؟ عاداتنا؟ قال لي ما عارف اقول شنو والله بس هيجي يوم و تعرفي طباعي قلت ليهو عارفاها قال لي تتذكري ايام المحل كنت بخليك زعلانة؟ قلت ليه لا قال لي طيب ؟ قلت ليهو بس كان نفسي اعلمك تراضي عن بعد لانو القرب ساهل قال لي غلطانة القرب هو الصعب البعد ساهل قلت ليهو لا لمن تراضي الزول وهو قريب ليك و في وشك ممكن كلمة حلوة يرضى لكن ما بعيد صعب يرضى لانو البعد عندو دورو كمان قال لي خلاص قلت ليهو شنو الخلاص قال لي كفاية مغالطة 😂 لايوقة دي 😂قلت ليهو اقتنعت؟ قال لي لا 🙂عشان كده قلت ليك كفاية 😂 قلت ليهو اقنعك وين المشكلة 🙂 قال لي لالا خلاص اقتنعت 😂 و تاني كملنا ونسة عادية و نمنا علي كده ❤️
مرت الايام و ياها علاقتنا زي ما هي ما اتطورت في شي علاقة باهتة و البرود ماليها ف في يوم زهجت قمت رسلت ليهو انو يا يامن انا اسفة بس نحن مع ينفع نكمل نحن ما فاهمين بعض ولا انا فاهماك ولا انت فاهمني و انا ما عايزة اتكلم كتير لاني حقيقي تعبت يمكن انت ما حاسي بي الانا حاسة بيه بس انا تعبت العلاقة دي شالت مني اكتر من ما ادتني 💔 و حقيقي ما عايزة اقارن لاني ما بحب اقارن لكن حقيقي انا ما قصرت معاك في شي من بداية العلاقة و انت ما قصرت معاي في حاجات بس كمان ما ننكر انو قصرت معاي كتير في حاجات تانية 💔 انا حب و حبيت و ما بس حبيت لا و كمان وصلت مراحل بعيدة من الحب يمكن انت ما عارف و اهتمام و اهتميت لحد العبط و خوف خفت عليك و فرح فرحت ليكو حزن حزنت ليك و دعم دعمتك و احتواء و احتويتك و كل شي حقيقي انا عملتو فالعلاقة دي من غيرمقابل ولا كنت بنتظر منك مقابل و انت عارف كويس انا للاعتذار كنت بعتذر مع اني بكون مكسورة 💔 كنت اول حب دخل قلبي و اول ولد دخل حياتي كنت معتبراك ولدي و حبيبي و اخوي و صاحبي و ابوي و كل دنيتي كنت مؤملة مستقبلي عليك كنت مستعدة اتخلى عن روووووحي و اموت عشانك والله 💔 في بداية العلاقة كنت معتبراك اخوي و صاحبي و خليتني بعدها احبك. و اتعلقت بيك و كل شي بعدها جيت قلت لي العلاقة حرام و ما ادراك في حين انو انت عارف من الاول انو العلاقة حرام بس رضينا و قلنا فعلا و انا ما كنت عايزاها بالحرام و بجد كبرت في عيني اكتر بس يا زول ربنا ينور طريقك و يفرحك و نصيحة مني ليك عشان ما اكتر كلام لو لقيت بعديني بت و حبيتها او قلبك مال ليها و عايزة فالمستقبل من الاول كلمها و ما تعلقها بيك و ربنا يديك بت الحلال يارب البتفهمك و تفهما مع انو احلف ليك بالله ما اظن تلقى وحدة تحبك الحب الانا حبيتو ليك خالص والله بس برضو بتمنى ليك الخير يا زول ربنا يجبر بختطرك و يفرحك بتمنى اشوفك مبسوط مهما كان ❤️
و كمان عايزة اقول ليك بالله عليك اتعلم من علاقتنا دي في علاقاتك الجاية انا ما هقول ليك علاقاتك لانو عارفاك ما بتاع لعب لكن العلاقة الجاية ما تعيد فيها العملتو في علاقتي دي.. العملتو فيني انا مسامحاك فيه من جوة قلبي والله لكن حاول ما تعيدو عشان ربنا ما يحاسبك .. يعني مثلاً ما تتبارد و ما تقتل الاهتمام و ما تخلي علاقتك فاضية او دايما مشغول حاول أخلق ليها وقت و حاول اهتم بي أقل تفاصيلها و دخلها في يومك و ادخل في يومها و خليها من أولوياتك ولو انت عايز تعمل نفس العملتو معاي انك تجي نص العلاقة تقول ليها انتي بت حلال و انا عاوزك عديل و اجهز و أجيك عشان اكون راجل و اقيف قدام اخوانك والكلام ده اعملو من بداية العلاقة عشان م تكسرها لانو صدقني الحركة حارة شديد انو زول يكون روتينك اليومي و فجأة تقلب ٣٦٠ درجة معاه و تغير تعاملك و تتبارد بعد ما كنت بتضحكو و تخفف عنو و تطمنو فجأة تبقى ما مهتم و بارد و قاسي الحركة دي بتكسر حاجة جواك و شعورها كعب والله 💔 ف ما تعلقها و تجي تقول ليها انا و اجهز و غيرو ..
ما تعيد نفس القصة معاها لانها ما هتستحمل والله
قام قال لي انا شغال عشان منو و برودي و اختصاري ده كلو عشان ما تتعلقي بي و انا شغال و تعبان ليل و نهار عشانك و عشان اجيك و ابقيك حلالي قدام الناس و انا عايزك يخ و انو ما هشتغل بكلامك ده كلووو ولا اشتغلت بي اي حرف منه انا ما عارف انتي بتقولي كده عشان تضايقيني ولا شنو لكن ما هشتغل بي كلمة من كلامك و انا هجي بيتكم بالباب يعني هجي و ابقي عافية و ربنا يحفظك لي لحد ما اجي بالباب...
بنسبه لي كانت نهاية لعلاقتنا كل شي وقف هنا و ما عارفة هيحصل شنو ولا عارفة الايام كاتبة لي شنو 💔
*"يم لم تكن تبحث عن حبٍ يُشبه الحكايات، بل عن أمانٍ لا يُخذل. وفي كل مرة حاولت أن تُطفئ نار قلبها، اشتعلت بها أكثر… لكنها الآن، واقفة عند حافة القلب، لا تنكسر ولا تمضي، فقط تنتظر. تنتظر أن يُعيد القدر ترتيب الفوضى، أن يأتي الذي يُشبه الوعد، لا الوجع… وإن لم يأتِ، يكفيها أنها تعلّمت كيف تحب نفسها أولًا."*
_____________
**" *على حافة القلب، كتبت* *الحكاية بأحبار من ألم* *ودهشة… حيث لم يكن* *الحب رواية وردية، بل* *صراعًا بين الذاكرة* *والنسيان، بين القلب والعقل،* *بين من يستحق* *ومن يتقن الرحيل.*
لين… *تلك الفتاة التي ظنّت أن* *الحب عوض، وأن دفء* *القلب يكفي ليصمد في وجه* *الخذلان. لكنها* *اكتشفت أن بعض القلوب لا* *تحفظ العهود، وأن بعض* *الحكايات لا تُكتب لنا،* *بل علينا* .
*ومضت، لا بطلة منتصرة ولا* *مهزومة، فقط امرأة* *تعلّمت كيف تضمّد ندوبها* *بنفسها، وتنهض من تحت* *الركام بصمت.*
*أما (يم)، فكانت حكايتها الوجه* *الآخر للمرآة، قلبٌ* *قاوم كثيرًا ليُصدق أنه يستحق* *الحب، لكنه حين* *صدّق… خُذل أيضًا.*
*وهكذا انتهت الرواية، لا* *بانتصار الحب ولا بانهزامه، بل* *بنضج بطلاتها، حين* *علمن أن أعظم حب هو الذي* *نمنحه لأنفسنا* …
*لأن البقاء على حافة القلب، لا* *يُشبه السكن فيه."***
*The End