الفصل السادس
*#على_حافه_القلب《06》*
*#بقلم_نرمين_محمد* **
"، *اعتادت أن استيقظ على* *واقع يخذلني كل صباح، اقف* *على الحافة بين ما اتمنى وما* *يُفرض على... ابحث عن* *بصيص أمل في عتمة لا* *تنتهي* ..."*
بدأ النقاش في كبايه شاي ايوا موضوع تافه وشديد كمان ابوي طلب من امي كبايه شاي بعد الفطور فهي ردت عليه وقالت إنها تعبت من وقفه المطبخ من الصباح وحاسه نفسها مرهقه وعيانه لكن هاقوم اعملها ليك فالنقاش بدأ لمن ابوي قال ليها عملتي لي شنو ولا خدمتيني في شنو عشان تتشكي لي انا طلبت منك كبايه شاي م عشان تحكي لي قصه حياتك عملت عملت
=انا أسى ي أحمد قلت ليك شنو قلت ليك هاعملها ليك بتعبي دا
_كرهتك وكرهت يوم اللماني فيك ياخ في كبايه شاي م مريحاني دي شنو المره الله ابتلاني بيها دي
=عايز تتفشي فيني وخلاص
ونقاش بدأ كدا كلمه من دا وكلمه من دي أساءت من ابوي كتيره كانت وقتها كنت عيانه انا فبمرضي بقيت بحاول اقنع ابوي يسكت ويطلع أو يوطي صوتو لانو الجيران سمعو كل شي بالعافيه حتى طلع من المكان الفيه امي في اليوم داك كنا كنا مقررين نعزم خالي عريس تاني يوم امي كانت متكفله بالعزومه نسبه لانو ابوي ظروفو صعبه كانت شديد جهزت ورقه بالناقص في البيت محتاجين ليه شنو اخوي الصغير بعد المشكله الأولى خلصت شال الورقه وقال لأبوي اها نمشي بتين السوبر ماركت عشان نشتري
=م ماشي اي زفت سوبر ولا عفن وم عازم اي زول في بيتي هنا
_ابوي م تلخبط الكيمان وتتفتعل مشكلة جديده
=بيتي حر فيه والناس ديل م عايزهم يجو هنا
*هم زاتهم م يتشرفو يجوك
-ولا انا اتشرف يجوني مش ابيتي تعملي كبايه الشاي الليله م بتعزميهم
=ي ابوي أسى هم ذنبهم شنو ولا موضوع دا علاقتو شنو كبايه الشاي
_- م قادره تعمل كبايه شاي قادره تقيف لعزومه
=هي م أبت ي ابوي قالت ليك بعملها ليك برضو دا م عندو علاقه بالعزومه
*عايز ليه موضوع بس من ماف ويتفشي
_اي عايز لي موضوع والليله ناس ديل يجو هنا بطردهم
*اصلا هم م هيجوك تاني شي انا اهلي م وش طرد
=اهلك وشهم وش طرد
_والله لكن
=كان ضحكتي ولا م ضحكتي يجو هنا بحرجهم من بتين بتعرفي تكرمي لي ضيف م ياما احرجتيني مع ضيوفي و
*انت م قادر تفهم م هيجوووك اصلا + الضيوف البجوك منو ياهم اهلييي انا بس البجوك اكرمتهم ولا جبت ليهم شنو ما ياهو بدفع أنا حق ااضيافه من وإلى أي لعزومه بعملها بدفع من جيبي انا ياتو يوم جبت لي
_لو كانو بستاهلو كان جبت ليهم لكن م بستاهلو وبعدين
لو كان عندي بكرمهم م عندي لا كلف الله نفسا إلا وسعها
*طبيعي م عندك وحمد الله م حصل جو قعدو معاك الا وهم شايلين حاجاتهم وعمودهم
-م عندي من م دخلتي حياتي جبتي لي الفقر
*من م عرفتك في الفقر دا من شركاتك ولا عرباتك
استمر الحال كدا كل كلمه كانت بتطلع من ابوي لامي فيها اهانه ليها ولاهلها ف هي كانت بتدافع عن نفسها وعن أهلها بس ما راعو لوجود ليث ولارين وسطهم ومحاولة كل منهم انو يهدي الموقف بنسبه لي انا اعتدت على الوضع دا بس دا بذات إثر على لاني كنت في فتره م محتاجه فيها ضغط إضافي لا كنت محتاجه لتفادي اي مشكلة اي نقاش اي شي يسبب في ضغط على 💔 المشكلة م وقفت هنا أهل امي عرفو والصراحه م رضو فحبوبتي رسلت رساله صوتيه لأبوي قالت ليه فيها كلام ممكن نقول انو المشكله دي كانت نقطه تحول في حياتنا وابوي عمل خطوه بعدها صدمتو هو ونحن كمان مش عشان نحن م كنا متوقعين كدا لا عشان ممكن م كان دا الوقت المناسب لانو يعمل كدا أو يتصرف تصرفو دا
_______________________________عند يم.ّ
كنت مفتكره انو ما يتغير علي علاقتنا هتفضل زييي م هي يس بعد ارتباطنا بنشغل مع الشغل و مع اصحابو و كده و نرة مرة نتكلم و هنا انا اتضايقت شديد بس بقيت اخت ليهو اعذار 💔 وهو بجيب عذر عادي جدا بس انا بعذرو او بغش علي نفسي عشان ما اخسرو 💔 ف لمن قربت امتحاناتي انا خفت شديد لانو ما كان معاي كتب ولا كنت نازلة مدرسة ولا الظروف كانت معاي بس هو خفف عني و كان احلا شي عاجبني اليوم داك انو بتكلم بضيغة الجمع يعني بقول لي نحن هنبدا نجيب الكتب .. او نحن هنشوف مدرسة او هنخت جدول و كان مرسل لي جدول ايام بديت القراية و حتى قال لي خليه ارتبو ليك انا 💔💔💔💔💔 و فعلا كنت بقرا وهو كان بكون اونلاين لكن ما بتكلم معاي بكون منتظرني لحد الصباح بعد اخلص قراية حتى بخش مرة مرة ارسل ليهو كان برد طوالي كأنو منتظرني جوة الشات و بقول ليهو انت ما نمت بقول لي لا منتظرك بقول ليهو طيب نتونس حبة بقول لي لا ما عايز اكون سبب لي ضرر ليك و كان كل شوية يتابع معاي قريتو شنو و فضل شنو اها اشرح ليك شي و كده و حتى كنت بحلم بيهو كتير حقيقي وقف معاي و كنت خايفة من الامتحان كان بطمني و بقول لي ما هخليك الا تقولي انا مستعدة و فعلا لاخر ايام كان معاي بس .. 💔 بعد الامتحانات كل شي اتغير 💔 تواصلنا انقطع بالشهور اختفى فجأه بدون مبرر أو حتى م مقدمات... كان بسأل اخوي لانو كان بلاقيه في محل الشغل هم كانو شغالين فنفس الشارع ف كان بسألو مني و بعرف اخباري منو مرة مرة 💔 بس انا فالفترة دي خلصت امتحانات و فقدتو و لقيتو اونلاين بس ما برسل انا هنا قلبي اتكسر بطريقة اتمنيت فيها الموت 💔 بقيت اقول يمكن ما هو بس عدت ايام و اسبيع و شهو ر وهو بكون اونلاين و ما بدخل 💔 اتكسرت تاني 💔 يعني معقول ما كلف نفسو يسألني امتحتني كيف؟! ما رسل لي نفسياتك كيف طيب عيدميلادي جا ما رسل لي حتى كل سنة و انتي طيبة مع اني ما بفوت ليهو عيدميلاد لو متشاكلين بخت زعلي بي جمبة و بعايدو ده اول عيدميلاد لي يحضرو معاي ما عايز يقول لي كل سنة وانتي طيبة 💔 ؟
دخلت في دوامه اسأله ما ليها حد هو مالو حصل ليهو شنو ؟ ملّ؟ زهج؟ حصلت حاجة جبرتو يقطع علاقتو بي؟ طيب ياربي انا زعلتو ؟ 💔 بقيت بفكر و قلبي بوجعني كنت يوميا بنوم ببكي او بالأصح يومي كلو ببكي 💔 بعدها مرضت شديد 💔 و دخلت عمليه و بالاسابيع انا راقدة و هو برضو ما دخل اطمن علي 💔 قلت يمكن ما عارف حاولت اوري كل الناس إني عيانة عشان يوصلو ليهو 💔 بس برضو ما دخل بعدهاوعييت علي نفسي و قلت لحد هنا و كفاية 💔 و بعدها عدت الشهور و نزلت شغل عشان انسى بس للاسف نزلت نففففس الشغل الجمعني بيهو من الاول ودا اسواء شي رجعت مره تاني لنقطه البدايه 💔 و بس هو كان ماف لكن كل ذكرياتي معاه كانت معاي في كل لحظة كنت بموت كل يوم ألف مرة بس عاندت و اتحديت نفسي عشان اثبت لي نفسي اني قويه واني ممكن اكمل من دونو رغم انو وجودو في حياتي كان ليه إثر كبير على قلبي💔 ف فيوم من الايام قلت ادخل ارسل ليهو عشان انهي القصة دي الواضح و ما يكون في واحد فينا عندو امل انو التاني يرجع ليهو ف دخلت رسلت ليهو و قلت ليهو ممكن افهم البحصل ده لانو نحن ناس كبار و واعيين قال لي حابة تعرفي قلت ليهو لو ما عايزة اعرف ما كان دخلت ليك قام قال لي انو هيحكي لي لكن ما اظن اصدق قلت ليهو بتمنى يكون عذرك قوي 💔
بعد الامتحانات هو ادى تلفونو لأمو لانو تلفونها خسر و كانت شريحتو ضايعه و هو مشى اشتغل في محل بعييييد و ما عارف كلمة السر حقت الفيس بتاعو ما ما دخل لي عشان يسأل و بعد جا و رجع شريحتو و تلفونو ما دخل لانو خاف اني ما اصدقو 💔 بس
كان بعد ما جا علي الاقل يخش يبرر لي لكن ما يخليني بالشهور كده و م يعبرني و انا بموت الف موتة ف اتناقشنا و قفلنا علي كده 💔 ف في يوم انا قاعدة فالشغل و باكل و معاي المدير فشفت يامن فجأة جاء داخل انا الاكل غلبني و حاولت ما ابكي لاني طولت ما شفتو و نفس اللحظة اتوجعت لانو كنت اخر زول اتوقع منو كده 💔 ف هو ما قعد كتير و طلع و انا دخلت الغرفة بكييييت و طلعت عملت ميكب يخفي اثار البكى والوجع الكنت بحس بيه💔 و رجع تواصنا لكن اكيييد ما زي اول 💔
*"لم تكن تعلم أن بعض العثرات لا تأتي على هيئة صراخ أو خلاف، بل على هيئة صمت ثقيل يخفي وراءه قرارات تُكسر بها القلوب بهدوء… وها هو والدها، الذي كانت تظنه الملاذ، يحمل سرًا سيكون بداية شتات جديد.. كانت الأيام تهيّئ لها صدمة لم تُكتب بعد، لكنها قادمة... بثقل."*
*☆☆••••••••••••••••••••••••••••••• *يتبــــــــــــــــــــــــــــــــــــــــــــع*••••••••••••••• *TABO*•••••••••••••••••• *☆☆