الفصل الخامس
*#على_حافه_القلب《05》*
*#بقلم_نرمين_محمد* **
"كل القلوب، حين تقترب من الحافة، إما أن تعترف… أو تنهار.
يمّ، وبعد صراعٍ مرير بين ما تشعر وما يجب أن يكون،
قررت أخيرًا أن تُنصت لصوت قلبها… ولو مرة.
أما لين، فما عادت تتلقى الضربات… بل صارت تمشي نحوها بخطى معتادة.
في هذا البارت، لا شيء يشبه البدايات،
وكل نبضة… تحمل وجع القرار."**
*:*
*"بعض الاعترافات تُنقذنا، وبعض الصمت… يُنهي ما تبقّى منّا."*
______________________________
وقفت عند الرساله دي في نص الشات رجع اعترف لي تاني قال لي انا بحبك ي يمّ وبجد اتعلقت بيك شددديدد بذات في الفتره الاخيره دي في الأول عملت لوف على الرساله رسل لي تاني قال لي يمّ انا فتحت ليك قلبي انتي م عايزه تفتحي لي قلبك قلت ليه افتح قلبي في شنو بالظبط ماف شي افتح بيه قلبي قال لي تمام قلت ليه أسألك سؤال قال لي اكتبي في نوت وخليه للوقت المناسب قلت ليه جاده معاك ياخ قال لي انا زاااتي جادي حسيتو زززييي الزعل كدا. فقررت انو افتح قلبي وقلت ليه
___________________________
في فتره الحرب دي مشينا الشماليه قعدنا شهرين بالظبط وجينا راجعين تاني لبيتنا كل اهل ابوي سافروا المشي مصر المشي بورتسودان والمشي السعوديه البيت الكانو بتفشخرو بيه كلهم طلعو منو قعدنا نحن فعلا الدنيا دواره بنسبه لأبوي علاقتنا أقل من العاديه زيي لمن تلاقي زوول من أهلك البعاد وتسلم عليه بس لا انت عارف اخبارو ولا هو عارف عنك شي بس دا شكل علاقتنا بنتلمي في الأكل كلنا بس ابوي م عارف عننا اي شي ولا احتياجاتنا شنو ولا غيرو عدت الحرب سنتها الأولى ونزلت مدرسه عشان نكمل مقرر تالت استعداد للامتحانات الكان مصيرها لسه مجهول
___
وفتره بقى مرضى كتييير وبسببو وقفت المدرسه بقيت بقرا برأي في البيت مشيت قعدت مع حبوبتي فتره المرض وبعدها عرس خالي طول الفتره دي ابوي م جاء شافني بقيت كيف يكتفى مكالمه مدته ثواني معدوده وخلاص بعد عرس خالي بفتره اتحددت الامتحانات وقتها لسه ما بقيت كويسه وكنت بحاول قدر م اقدر اقرا واراجع. ف غير نفسيات المرض كان ابوي عامل نفسي جديد بافتعالو للمشاكل في اتفهه الأسباب عدت فتره وموعد الامتحانات قربت وكنت مركز فيها اكتر لحدي م يوم حصلت مشكله بسيييطه جدا غييييرت الكتير في حياتي 💔
في عز المشاكل دي في يوم وانا ببحث عن رقم لقيت رقمو وقفت عندو ثواني قبل ما ارسل واقول سلام عليكم ورحمة الله وبركاته صراحه كان في بالي وقتها احتمال انو يرد أو يكون الرقم شغال 1٪ وبعدها بكم يوم مسحت الواتس
__________________________
انا بحبك شديد ي يمّ والله بس انتي ليه ما قلتي لي
=صراحه كنت خايفه
_من شنو خايفه
=من الارتباط خايفه أخذلك من غير ما اقصد أنا من نفسي م هاخزلك بس الظروف م معروفه
_لالا ما تخافي ماف شي م هيحصل شي ان شاء الله علاقتنا هتفضل زي ما هي كدا حلوه...........
علاقتنا استمرت بشكل حلو وقت الضيق بنلقى بعض كنت بشكي ليه وبحكي لي اي شي مرات بنغني في الشات ونتهابل وكنت بسالو عن ماضيه وعن حبيبتو القديمه وهو كان بحكي...
_____________
*"ما بين حنينٍ لا يُقال، ووجعٍ لا يُفهم، كنت أمشي على حدّ الشعور، أُخبّئ اهتزازي خلف صمتٍ ثقيل… كأن قلبي يتهيأ لجرحٍ جديد، أو معجزة تُنقذ ما تبقّى مني."*
*☆☆••••••••••••••••••••••••••••••• *يتبــــــــــــــــــــــــــــــــــــــــــــع*••••••••••••••• *TABO*•••••••••••••••••• *☆☆