على حافه القلب - الفصل الرابع - بقلم نرمين - مكتملة | روايتك

*#على_حافه_القلب《04》* *#بقلم_نرمين_محمد* *‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏* ‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏ في ذلك المساء، لم تكن العتمة في السماء وحدها… كانت في العيون، في الأصوات التي خفتت، وفي الجدران التي ضاقت بهم على اتساعها. كلمة واحدة لم تُقال، لكنها قِيلت بين السطور، في نظرة أمّ انكسرت ولم تجد كتفًا تتكئ عليه، وفي صوت أبٍ بدا كأنه يحمل شيئًا لا يُغتفر. *لين* لم تكن بحاجة لشرحٍ طويل… القلب يعرف حين يتشقق البيت من الداخل، يعرف حين تتغير الملامح كان الموقف كفيلاً أن يزرع حاجزًا صامتًا، لا يُكسر بالكلام ولا يزول بالوقت. أما *يَمّ*، فبين كل تلك الانكسارات، كان قلبها يخوض حربًا صامتة… منذ متى صار صوته يربكها؟ منذ متى صار غيابه يشعرها بالخذلان، كانت تظن أنها تحكم عقلها، تسيطر على المسافة، تبني حولها حصونًا من الوعي واللامبالاة… لكنها اليوم فقط، عرفت أنها غارقة. غارقة حتى العمق في مشاعر حاولت نفيها طويلاً. --- بتبكي مالك يا أمي في شنو لؤي امي مالها؟! الحاصل شنو مالكم ساكتين كدا وترتوني -ممكن تخلى النقه الكتير انا زي زيك عايز افهم الحاصل شنو ومالها اصبري جيبي ليها مويه وتعالى كدي. _امي كدي فهيمنا مالك في شنو ="وهي بتبكي" قلت ليه نبدأ صفحه جديده عشان خاطر الاولاد ديل عشان لارين وليث الصغار ديل م يعيشو العشتو انتو قال لي بعد يومين بديك رأي الليله قال لي م عايز معاك صفحه جديده وانا لقيت العوضتني عنكم في الفتره الانتو جرحتوني فيها لقيت الطبطبت على كتفي قلت ليه في تلاته شهور لقيت العوضتك عننا استبدلت عشره عشرين سنة. بي تلاته شهور؟! قال لي لقيت عندها الحنان وتاني م بتلزموني وهنا زادت بكاء اخوي لؤي حضنها وقال ليها خليك عارفه اننا معاك يا أمي وانتي عملتي العليك م خسرانه شي بالعكس كسبانه أولادك جنبك حاليا هو مغشوش بعدين هيعرف وهيصحي من الوهم النايم فيه دا ويعرف انو م هيلقي غيرنا يقيف معاه ويسندو دموعك دي غاليه علينا م تخليها تنزل على أي شي =قال لي انا اتقدمت ليها ادوني وحاليا نحن مخطوبين رسمي 💔 دي جزاتي ي لؤي ولين انا استحملت كتير وصبرت عليهو على مرضو وعلى وضعو قال م شاف مني شي انا يدي مع يدو بعت دهبي عشان يشتغل ضاعت كلها في كلام فاضي بصرف معاه رضيت قعدت في غرفه وبرنده نحن ٦ انفار في حته زي دي وحته كلها حشرات وبلاعات وبرضو قلت معليش ي آيات بكره بنعدل ويتغير حالكم في نهايه يقول لي كدا م تشوفو قلبي مكسور كيف _نحن عارفين. و شايفين وهو م قدر صبرك دا ي امي ربنا في سماو عارف عارف وشايف صبرك عندو م بضيع أن شاء الله صبرتي الكتير وباقي القليل أن شاء الله ونحن معاك للنهايه ________________________ = انتي كويسه _الحمدالله ="وهي بتحضني" مالك ي بت الليله م عجباني =مالك بتبكي ي بت لين كدي قولي بسم الله عاين تعالى بره بنات الفصل كلهم مركزين معانا تعالى _ابوي خطب💔 امي بتبكي أمس الليل كلو حسيت نفسي م قادره اعمل شي عاجزه قدام دموعها ي وعد قلبي تقيييييل امي مستحمله عشانا لو م نحن م كانت انجبرت تستحمل م عارفه اعمل شنو =كدي امسحي دموعك دي اول وتاني شي امك م عايزاك تبكي وتضعفي انتي هي مستقويه بيكم فلازم تكوني قويه عشان تسنديها ابوكم دا بجيكم راجع تاني م تركزو معاه ركزي مع نفسك وامك وقرايتك هي البتنفعك _____________________________ _احلف ي يامن لقيت شغل بجد =والله لقيت شغل وبمرتب كويس شديد هانزل بكره ان شاء الله دعواتك لي بتوفيق _حمد الله بجد فرحت ليك شديد والله =لمن لقيت الوظيفه اول زول خطر على بالي اكلمو انتي متأكد انك هتفرحي وهتفرحيني بفرحتك دي شكرا لك _العفو الف مبروك الوظيفه _________________________________ فرحت شديد لمن يامن قال لي لقيت وظيفه يداب حسيت الهم أزاح من قلبي. بعدها دخلت اخدت دش وغسلت شعري واتسرحت والمزاج بقى فللل الفل 🤍 عملت كبايه قهوه وقبل م اشربها اتذكرت لمن كنا شغالين سوا وهو يجيب قهوه لازم يديني اشرب اول من قهوتو حتى يشرب بقت عندنا عاده يوميه لازم اشرب من كبايتو قبل ما يشربها اتصلت على وجدان صحبتي وبكيت اي بكيت بعد اتأكدت من مشاعري تجاهو وهي م كانت فاهمه انا ببكي لشنو في البدايه =انا بحبو ي وجدان بحبو شديد كمان -طيب حلو انتي بتحبي وهو نفس الشي الببكي شنو =انا رفضتو كتير عشان خايفه اخزلو أسى انا بحبو م عارفه اعمل شنو -لو بحبك هو بجد تاني هيرجع يفتح ليك قلبو م تخافي _______________________ =انتي م كويسه _أي مالي =م عارف حاسي بيك م تمام احكي لي ف في شنو _مافي شي بس عايزه ابكي وفعلا بكيت ليه في نص الشات وكان بقول لي مالك ي بت م تخوفني عليك احكي لي في شنو الله يرضي عليك وانا بس ببكي قلت ليه بعد يجي الوقت المناسب بحكي ليك قال لي تمام راحتك أهم شي بعد كم يوم ونحن بندردش وقفت عند الرساله دي فرصه جاتني يارب استغلها واقول ألفي قلبي ولا اكتم على قلبي واتوجع كد؟! _____________________ **"وما بين انكسار أمٍّ لم تُنصف، وصمت أبٍ لم يُفسَّر، تاهت ملامح البيت وضاعت الأمان. لين لم تعد ترى والدها كما كانت، ولا البيت كما اعتادته. أما يمّ، ففي زحمة المشاعر والخذلان، أدركت أن الهروب من الحب لا يُطفئه… بل يزيده اشتعالًا. كلتاهما على حافة شيء لا يُشبه ما قبلَه… والآتي، قد لا يكون أرحم."** *☆☆••••••••••••••••••••••••••••••• *يتبــــــــــــــــــــــــــــــــــــــــــــع*••••••••••••••• *TABO*•••••••••••••••••• *☆☆