على حافه القلب - الفصل الثالث - بقلم نرمين - مكتملة | روايتك

*#على_حافه_القلب《03》* *#بقلم_نرمين_محمد* *‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏* ‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏ **"كان هو أول من اقترب… هو من لمح فيها شيئًا لم تراه هي في نفسها، سعى، اقترب، تعلق… أما هي، فكانت تقف على الضفة الأخرى، مترددة، خائفة من المجهول، تردّ مشاعره بلطف، وتغلق الأبواب في وجه احتمال قد يؤلمها… لكن حين بدأت تميل، حين فتحت قلبها أخيرًا، كان هو قد بدأ يتراجع… كأن الحب أتى مبكرًا جدًا في وقته… ومتأخرًا في استقبالها له."** بعد جاء اليوم الكنت هاخلي الشغل فيه ودعتهم كلهم وختمت بيامن بعد ودعني اداني اسم صفحتو الداخل بيها الفيس المهم دخلت عليها اشكرو م طول الفتره دي كلها هو استحملني شديد دخلت و =سلام عليكم ورحمة الله وبركاته _وعليكم السلام ورحمة الله _كيفك يا حلوه =حمد الله بخير وانت _بخير مدام انتي بخير =حمد الله.. شكرا ليك شدي على فتره الفاتت واسفه عذبتك معاي شديد بجد مشكور على كل شي م قصرت _م عملت شي دا واجبي اقيف معاك نحن السودانيين بطبعنا حنينين شديد وقلبنا حار يعني دا طبع فينا نقيف مع بعض =فعلا والله تسلم شديد🩶 ________________________ في البدايه كان التواصل بينا عادي جدا جدا سلام اخبارك وكيف حالك وكدا يعني بقينا ٢٤ ساعه بنتواصل بحكي لي كل شي في يوم من ما يصحى لحدي م ينوم بليل وكان بستشيرني في أقل شي الصراحه اتعودت على وجودو في الشات و وكل تفاصيلو البحكيها لي لحدي م يوم جاء اعترف لي انو بحبني بصراحه خفت واترددت لسببين الأول انو كان طالع من علاقه يداب ليهو ٦ شهور منها والتاني اني خايفه اخزلو فقررت انو.... _________________________ وقت ااطلعنا منو البيت ونظرات ابوي لينا كانت عاديه جدا كانو م غلط في حقنا ولا كانو نحن انظلمنا الصراحه وقتها حسيت في شيي تقيييل شديد في قلبي اتكون تجاهوو وكان زايد مع مرور الأيام لمن لقيت اننا تمينا شهر مع حبوبتي شهر من غير م يسأل عننا وعن أحوالنا في الفتره دي ود خاله ابوي جاء لاقي لؤي اخوي وسالو عن الحصل وانصدمنا لمن عرفنا انو كلهم مغيرين الحصل ومدلسين فيه وقالو انو اخوي ضرب ابوي ونو عمتي جات تحجزو قام ضربها كف والمشكله انو ابوي كان مقتنع بكدا💔 =لا حول ولا قوة الا بالله الكلام ده كلو م حصل -عارف ي لؤي وعشان كدا انا قلت لأمي اختك دي كضابه وبتها بتاعه مشاكل وانا متأكد القصه دي مؤلفه =حمد الله بس ي مؤيد -هتعمل شنو أسى =عايز أاجر واشوف لي طريقه شغل وكذا _لو احتجت لأي شي تعال لي م تتردد __________________________ =لؤي مهما حصل وابوك دا غلط عليك ميه مره م ترفع صوتك عليه نحن م بنرضي قله الادب دي م بنقول ليك رضيانين لاختنا كدا وكمان م بيرضينا تكون ولد عاق لابوك ولا امورك تتعكس بعدم رضاهو عليك بكره ان شاء الله هنمشي بيتكم وتعتذرو من ابوكم وتبوسو راسو وبعدين نشوف البحصل شنو دا كان كلام خالي لينا انا لؤي وفعلا دا الحصل مشينا اعتذرنا من ابوي لقينا انو فعلا مقتنع انو لؤي كان عايز يضربو!!!وقال الا نعتذر من حبوبتي وكدا مشينا اعتذرنا وبكت هي واعتذرت من اخوي انا عن نفسي ما كنت مصدقه اخوي قال لي ارح نسلم على جدي ونجي وفعلا مشينا لجدي في غرفتو اول ما شفنا ضحك وقام على حيلو سلم علينا شديد قال لي لؤي انا ما كنت عارف بالحصول. فقدتك بعد اربعه يوم قلت لعمك عمر الولد دا ليهو كم يوم م جاء صبحني ولا مساني قال لي لؤي دا اتناقش مع عمتو ساق امو واخوانو مشي =دا م الحصل ي ابوي عبدالله _ الحصل انو عمتي ضربت امي ولمن دافعنا ليها ابوي طردنا من اابيت في لحظه دي ابوي وخالي جو. جدي وجه سؤال لأبوي وقال ليه البيت دا حقك؟! طاردو ليه =ضرب عمتو ي ابوي _عمتو قليله الأدب خليه يضربها البيت دا بيتي انا وبيت الاولاد ديل وأمهم يعني لو في زول بطلع بتطلع انت وبعد شويه وجهه كلمه لي لؤي وقال لي بكره تجيب اخوانك وتجي =انا كنت مفكر والله ااجر ي جدو _عايزني ازعل منك جد قول كلامك دا =لكن _كلمتي واحده م بعيدها.... ي هيثم (خالي) انت عارف الاولاد ديل م عليهم لوم اللوم كلو على امهم وابوهم عشان الواحد فيهم م بركز انو مشاكلهم دي ممكن تأثر سلبا على الأولاد (ابوي) - يعني دا مبرر يمد يدو على ابوهو =ايوا لانو اتربي على قساوة والمشاكل من هو صغير طبيعي يطلع عنيف..... وفضلو يتناقشو كدا وبعدها رجعنا بيت حبوبتي وفعلا بعد فتره رجعنا بيتنا نفس البيت الانطردنا منو وزي ما كنت متوقعه كل الاسره وقفت ضدنا كلهم خاصمونا وبنسبة لينا م كان فارق معانا شي كنت مركزه مع دراستي وبس واخوي نفس شي بقى م عندي شي ليهم حبوبتي اتكسرت م زعلت عليها م شمتانه فيها لكن م تأثرت لانو قلبي تاجهم مات حضرنا العمليه حمدنا ليها السلامه وبقيت م بمشي ليها في الجزء بتاعها روتيني بقى من البيت للمدرسه والعكس في الفتره دي كلها كنت ملاحظه لتصرفات ابوي تركيزو مع تلفون وكدا ومكالماتو كترت نبهت امي واخوي بس قالو كلها تشائمات ساي منكم لحدي م يوم امي قالت لي هافتح مع ابوك صفحه جديده وفعلا مشت وردو كان صادم بنسبه ليهم بس بنسبه لي انا لا _______________________قررت اني أرفض وفعلا دا الحصل رفضت وفضلت علاقتنا زي ما هي بنتواصل ٢٤ ونسه وضحك وهظار ومرات جادين بنشستير بعض بتحكي لي بعض وكدا وكان مره قال لي انو ما لاقي شغل ونفسياتو تعبانه حرفيا انا وقتها الدنيا بقت لي ضيقه بقيت م باكل كويس ولا بسرح شعري ولا متزكره اني دخلت في الفتره دي أخذت لي دش بارد بس قاعده قصاد التلفون وفي يوم قمت صليت ودعيت وقريت آيات قرآن بنيه انو ربنا يفرجها عليه. بعد رقدت في السرير وانا بدردش معاه صلحت قعدتي وبقيت بفكر ليه ٥ شهور كل مره بعترف لي انو بحبني وانا برفض بس ليه انا شايله همو؟! خايفه عليه؟! لي يضايق لضيقو؟! يا ربى هل انا بحبو؟! ولا الحاصل على شنو بقيت محتاره في أمري لحدي م غفيت وتاني يوم صحيت بخبر حلو *☆☆••••••••••••••••••••••••••••••• *يتبــــــــــــــــــــــــــــــــــــــــــــع*••••••••••••••• *TABO*•••••••••••••••••• *☆☆