صغير الادهم - الفصل الأول - بقلم مجهوله - مكتملة | روايتك

> ⤶ _*ࢪواية صـغيرة الأدهـم*_ 🥹💗͜͡🪄) ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ الحلقة 7 . . نور : اي القصر اللي مفيهوش حد نتكلم معاه ده وازاي البت دي متقوليش انها ساكنه في قصر لما اشوفها بس حور بهدوء : اهدي يا بنتي صوتك سمع الجيران نور بهمس : مين الواد الحليوه اللي جاي هناك ده خبطتها حور وقالت : اسكتي شويه مازن : اهلا بيكم انتم صحاب ميرا نور بابتسامه : ايوه وانت قرصتها حور فصرخت نور ووضعت يديها علي مكان القرصه وقالت : اي ابتسم مازن وقال : انا اخو ميرا الكبير اتفضلو معايا حضرتكم هتستنوها هنا شويه وهي جايه علي طول عن اذنكم ومشي خبط علي مكتب ادهم وسمح له بالدخول مازن : بقولك اي اظبط نفسك مع ميرا كدا ادهم : اي الدخله دي هي اشتكتلك مازن : لا بس المفروض تحببها فيك متزودش في عقابك وقسوتك عليها حاول تصاحبها ادهم : مش مهتم مازن : واضح اوي حبك ليها ادهم : لا ابدا مبفكرش في الكلام ده مازن : تمام حلو في واحد جاي يتقدم ليها كمان يومين ادهم والغضب تملك منه وخبط المكتب بايده بعصبيه : مين ده و شافها فين مازن ببرود : واضح جدا انك مش مهتم بيها ومش بتحبها حاول تقرب وتبقا علي الاقل صديق ادهم متجاهلا كلامه : مين البنت الي فوق دي حكي مازن كل شي لادهم ادهم : حالها صعب الله يصبرها مازن : بقولك اي ميرا صحابها تحت بقالهم ساعه هخليها تنزلهم ادهم بتفكير : تمام وفي ناس جايين عندي عشان صفقه مهمه مش عايز اي غلط ولا اي صوت نبه عليها مازن : تمام عندي عمليه في المستشفى سلام بالمناسبه ممكن اتاخر النهار ده نزلت ميرا بسرعه لصديقاتها وحضنتهم جامد ميرا : وحشتوني اوي يا جزم حور : انتي بخير حصل اي وليه مبترديش نور : روحت ادتلك البت اللزقه ام صرم دي كف محترم ميرا : يخربيتك ازاي حور : اتفصلت من الجامعه يومين بسبب العامله دي نور : ليه أن شاء الله وهي تخلي صاحبتي تعيط بالشكل ده واسكتلها حضنتها ميرا بحب وقالت : ربنا يخليكي ليا حور : حاسه في حاجه شاغله بالك ميرا بحزن : شهد زعلانه اوي مش عارفه ليه عايزه أخرجها من كل ده نور : مين دي ميرا : امممم ممكن نقول قريبتي من بعيد زي اختي بردو حور : هي فين ميرا : فوق نور : طيب يلا نطلعلها طلعوا البنات لغرفه شهد وخبطو كتير لحد ما أذنت ليهم بالدخول نور بمرح : القمر بتاعتنا زعلانه كدا ليه اعترفي والا هضرب البنت دي وشاورت علي حور اختبأت حور خلف ميرا وقالت : البت دي مجنونه واتوقع منها كل شي شهد بابتسامه خفيفه : انا اسفه بس انا عايزه ارتاح عن اذنكم نور : لا بقولك اي احنا لازقين هنا احكي مالك يا حبيبتي حست ميرا انها مضغوطه ومش قادره تتكلم فحضنتها وفضلت تطبطب عليها فانفجرت شهد في البكاء وحضنت ميرا بقوه حور جابت كبايه ميه وادتها لنور نور : خدي اشربي شويه كدا وهدي هترتاحي لو خرجتي اللي في قلبك بدأت شهد ترتاح وكانت حاسه انها فعلا محتاجه تتكلم وحكت ليهم كل شي و كل ما تتكلم بتزيد دموعها وعندما أنهت قصتها كانت حور وميرا بيعيطو عليها نور : قومي انتي وهي قدامي نتوضي علشان صلاه العصر وبعدها نتكلم قامت الفتيات وصلو وبعد الصلاه نور قالت : حاسه بايه دلوقتي شهد : براحه احسن من الاول نور : طيب جه دورك يا ميرا حصلك اي حكت ميرا ما حدث نور : طيب يا شهد احمدي ربنا ده بيحبك اوي أنه عندك ام واب وأنك شبعتي من حنيتهم غيرك متلطم ومتبهدل من وهو صغير من غيرهم اهلك وقفوكي علي رجلك وكبروكي وعلموكي تكوني قويه علشان تواجهي الحياه صح وربوكي علي التدين وانتي ما شاء الله عليكي جميله ومتدينه علشان وقت زي ده تقولي أن لله وان اليه راجعون خليهم يعيشو في مكان يكونو مبسوطين فيه بعيدا عن الناس والبشاعه اللي بنشوفها منهم تفتكري هما كانو مرتاحين في الدنيا دي المفروض تكوني مبسوطه أنه بقا دلوقتي في مكان احسن من هنا بكتير وتكوني احسن واقوي لانه شايفك خليه يبقا سعيد ببنته القويه المؤمنه متعذبيهوش بعياطك عليه دمعت عيون شهد وقالت : معاكي حق بس انا حاسه اني وحيده من غيره هو ماما انا مليش حد ميرا : ازاي تقولي انك ملكيش حد امال احنا اي احنا اخواتك ومعاكي وفي ظهرك اوعي تقولي انك وحيده ابدا حور وهي بتمسح دموعها : علشان خاطري متعيطيش تاني ابتسمت شهد وهي بتمسح دموعها وقالت : حاضر وحضنتهم نور بحده : اما انتي بقا تستاهلي ضرب الجزمه وقرصت ميرا صرخت ميرا واستخبت وري شهد وقالت انا عملت اي أنا نور : انا مش قولتلك مليش دعوه بالزفته دي ومتمشيش معاها مسمعتيش الكلام ليه وكمان كذبتي ميرا : مكنتش اقصد اني اكذب وبعدين انا اتعاقبت عقاب وحش اوي كفايه أن ده اول يوم أخرج فيه من الأوضه بتاعتي وكمان ممنوعه من الفون مش هتبقي انتي والزمن والايام وادهم عليا نور : تستاهلي بس يارب نتعلم بقا وتسمعي كلامي ميرا بابتسامه : حاضر يا ماما نور اي حاجه تانيه نور : يلا يا حلوه انتي وهي كل واحده فيكم تقرا جزء أو اتنين من القرآن علي روح بابا شهد شهد انتي وعدتيني مفيش عياط تاني لازم نكمل حياتنا ونلاقي نفسنا ونعمل الخير في الأرض علشان يفرحو اللي في السما بعد انتهاء الفتيات من قراءه القران ميرا : يلا نقعد في الجنينه يا عيال يلا يا شهد وهما نازلين علي السلالم سمعو صوت عالي جدا من غرفه فارس وهي متعصب وبيقول : يا حيوووووان حور بتوتر : اي ده ميرا : اكيد اسر عمل مصيبه لفارس نور : الا صحيح يا بت يا مرمر ميرا : اول مره تدلعيني ودي غريبه اي نور : هو كل اللي في البيت عندك كدا فراتيك ميرا : اي فراتيك دي نور : يا بت شوفتلك واحد ما شاء الله عليه فورتيكه يخربيت جما ميرا : اسكتي اسكتي أدهم جاي نور : اي واحد كان ادهم جاي مع رجال أعمال وداخل بيهم المكتب وصلهم ونادي ادهم ميرا : وقال الولد ده خليه معاكي لأننا في صفقه شغل مش هينفع يحضر معانا ميرا : تمام ماشي ومشيت ميرا مع الولد للبنات نور : هو ده ادهم بقا لا ما شاء الله عليه فورتيكه بردو حور بكسوف من كلام نور : يخربيتك انتي ازاي كدا بس نور : المهم اني اكتشفت أن الفورتيكه الاولاني طلع اخوكي طب اي وغمزت لميرا لقت صوت من وراها بيقول : طب انا فورتيكه اكتر منه أي وغمز نور بتلقائيه قالت : أحيه واستخبت وري شهد ابتسمت حور وشهد وهما بيحاولو يكتمو ضحكتهم ضحك اسر بقوه ميرا : الحق اهرب اسر : اهرب ليه ميرا : انت عملت اي لفارس مخليه متعصب كدا اسر : معملتش حاجه احنا هنصيع هو انا فاضي اصلا banner وسكت شويه وكأنه افتكر حاجه وضحك ميرا : ايوه كدا افتكرت عملت اي ضحك اسر وقال : سجلتله وحطيت صورته على موقع جواز ضحكت ميرا وقالت : يخربيتك ده دكتور في الجامعه شكله هيبقا وحش جدا اسر : الحق عليا اني عايز استره بدل ما يعنس ميرا : روح قوله بقا الكلام ده اسر : لا مش ناقص إصابات انا هروح ابات بره سلام مشي اسر ووصلو البنات للجنينه حور : والله فرحانه فيكي تستاهلي علشان تتهدي شويه الولد الصغير قال لميرا : هاي انا حمره في الصف الأول الإعدادي وانتي نور مسكته وقالت : بص كدا يا زميلي البت دي تخصني وصحبتي انا بس ف ابعد عنها حور لشهد : شايفه الطفوله المتاخره ابتسمت شهد وقالت : قصدك تشرد مبكر ميرا : اي يا بنتي ماسكه الولد كدا ليه ده كيدز يا نور نور : كيدز طيب انت هقعد مع العيال دي ومليش دعوه بيكي حمزه : يستحسن تخليكي في حالك بردو نور : ياض هضربك ياض تجاهلها حمزه وبص لميرا وقال : مقولتيش انتي مرتبطه فتحت ميرا بقها بصدمه وبصت لنور اللي عماله تضحك علي شكلها وقالت : بتبصيلي ليه ده كيدز شيلي ونظرت لشهد وقالت هو ده بقا الحب من اول نظره اتفرجي علي المسلسل الجي ده هيعجبك اوي ميرا بتوتر قالت : لا طبعا احنا لسه صغيرين حمزه : في حد صغير وقمر كدا بردو نور وهي شغاله معلقه علي اللي بيحصل وبتقول : جبتها في الجون يا واد حور عماله تضحك علي اللي بيحصل : مش معقول شهد بتبتسم في هدوء نظر حمزه لنور بضيق وقال : خليكي في حالك احسن وبص لميرا وقال بتعرفي تغني نور : ايوه ياض دي صوتها حلو بصت ميرا لنور بضيق قالت نور : اي ده كيدز حمزه : غنيلي اغنيه عن الحب تسمعي عن قصص الحب بتاعه عنتر وعبله وقيس وليلي نور وهي حاطه ايديها علي خدها بنسجام وبتقول : يا واد يا رومانسي للحظه نسيت شهد كل حاجه و مقدرتش تمسك نفسها وهي وحور دمعو من الضحك كمل حمزه وقال : تعالي نتكلم مع بعض ونفكر شويه تفتكري ليه الحب كان قاسي علي عنتر و عبله وليه الحب كان سبب في جنون قيس مع أنه الحب شعور جميل جدا تفتكري القصص دي كانت قصدها تحببنا في الحب ولا تكرهنا فيه فتحت ميرا بقها بصدمه ومكنتش قادره تتكلم نور بدهشه : الواد ده اكتشاف غنت ميرا علشان تهرب من كل ده وقالت : منتش أد الحب يا قلبي ولا أد حكاياته ليه عايزني من دلوقتي احكي لك رواياته مش كل كتاب يا قلبي ف الحب يتقرا و قولت لك ميت مره انا قولت لك ميت مره انا لسه انا لسه انا لسه صغيره انا لسه صغيره اما انت عليك يا قلبي شوية اسئله و كل سؤال بيخلق ف الفكر مشكله عبله و عنتر عملو إيه علشان يقسا الحب عليهم و حبيب ليلى اتجنن ليه و ليه الدنيا غدرت بيهم ماتكنش بتسأل عنهم علشان تتعلم منهم هو احنا أدهم ولا احنا زيهم مش كل كتاب يا قلبي ف الحب يتقرا و قولت لك ميت مره انا قولت لك ميت مره انا لسه انا لسه انا لسه صغيره انا لسه صغيره صفقت نور وصفرت ليها : حلو حلو كملي ميرا : فهمت اي من الاغنيه دي يا حمزه مش المفروض نقرأ كتير عن الحب ولا نتكلم عن الحب دلوقتي احنا لسه صغيرين هييجي وقت هتكبر فيه ولما قلبك يدق يبقا ده الحب بس طول ما احنا صغيرين مينفعش نحب مسك حمزه ايد ميرا وقال : عايز اتكلم معاكي علي انفراد مشيت نور وراهم وصورت فيديو حمزه مسك ايديها وحط أيده التانيه عليها وقال : انا عايز اقولك اني من اول ما شوفتك وانا حبيتك بجد فتحت ميرا بقها مره تانيه بصدمه ووشها احمر ومكنتش عارفه ترد ولا تتكلم وقالت : ا. ا. ا اكيد تقصد زي اختك الكبيره حمزه : ا اه اه طبعا طلعت نور للبنات وورتهم الفيديو وهي هتموت من الضحك مش قادره انتهي الاجتماع وخرج ادهم والناس اللي معاه وجه حمزه يسلم علي ميرا قدام الكل مدت ايديها فشدها بقوه ليه وحضنها وباسها من خدها انصدمت ميرا واحمرت نور حطت ايديها علي بقها بسرعه حور فضلت تضحك وبتقول : هموت مش قادره شهد بصت الناحيه التانيه وضحكت ادهم كان متعصب جدا بس حاول يتمالك نفسه حمزه لميرا : عايز رقمك علشان أبقا اكلمك نور : اهو ده اللي كان ناقص ميرا بتوتر : مش حافظه الرقم والفون مع ادهم نور بهدوء للبنات : الواد ادهم الدخان بيطلع منه شكله هيولع كانت البنات بتحاول تمسك نفسها اقترب حمزه من ادهم وقال : عايز رقمها نور بهدوء : هيكلو هيكلو ادهم : مع السلامه يا حبيبي يلا وزقه علي ابوه دخل ادهم يأمر بتحضير الطعام علي السفره نور : بصي يا ميرا وفرجتها الفيديو وهو الولد بيقول ليها أنه بيحبها فضلو البنات يضحكو نور : يلا يا بتاعه الكيدز ميرا بصدمه : لا بجد مش المفروض أنه طفل ازاي كدا شهد : ده انتي طلعتي طفله خالص ادهم : يلا الغدا جاهز حور : لا انا بعتذر جدا من حضرتك انا لازم امشي حالا ميرا : خليكي يا حور حور : مش هقدر والله بابا بعت رساله لازم اروح حالا يلا يا نور نور : لا انا جايه اكل اصلا مع نفسك يا حبيبتي مع السلامه وانا قلبي داعيلك ابتسمت حور وقالت : طيب همشي انا بقا فرصه سعيده جدا يا شهد بجد مبسوطه جدا بمعرفتك هاخد رقمك من ميرا وهنتكلم كتير اكيد شهد حضنت حور وقالت : اكيد يا قلبي مشيت حور وعلي السفره نور بهمس : الفورتيكه جه وصل مازن وقعد وقال : اسف علي التأخير قعد شويه وبص لشهد وقال : عامله اي النهار ده يا شهد شهد : الحمدلله نور : ده مسالش عني لالالا خلاص قلبي انقسم نصين من الوجع ضحكت ميرا وحطت ايديها علي وشها بسرعه وخبطت نور بص ليها ادهم بحده ونور عملت انها بتاكل في هدوء وبعد الاكل استأذنت نور أنها هتمشي مازن : استني اوصلك رفضت نور بشده وقالت : لالا مش هينفع انا هروح لوحد وانا شاطره في الدفاع عن النفس ميتقلقش علي حاول مازن إقناعها ولاكنها رفضت بشده خرجت نور وقتربت من بيتها خلاص وهي حاسه ان في حد ماشي وراها وبيراقبها كانت بتسرع في خطواتها وعند نقطه معينه حد حط منديل علي وشها واغمي عليها وكدا تكون خلصت حلقتنا . الحلقة 8 . . وصلت حور لبيتها بسلام اما نور خطفت عند ميرا ميرا : مازن خلي ادهم يديلي الفون و عايزه اروح الجامعه مازن : انا مالي روحي كلميه بنفسك ميرا : لا اااصلا بخاف منه كلمه انت عشان خاطري مازن : انا مليش دعوه روحي كلميه مش هياكلك هو ميرا : طيب اصلا مش عايزه منك حاجه هروح بنفسي ولا الحوجه ومشيت مازن : مع السلامه وانا قلبي داعيلك مازن لشهد : اتمني تكوني مبسوطه معانا هنا شهد : حبيت ميرا وصحابها جدا مازن : كويس حالتك النفسيه احسن النهار ده شهد بخجل : ايوه الحمدلله صح هي ماما حالتها ازاي النهارده مازن : لا ماما في تحسن شهد : طيب الحمدلله عن أذنك هروح ارتاح في اوضتي ************* خبطت ميرا الباب بتوتر ودخلت بعد السماح ليها بالدخول وكانت رجل بتقدم ورجل بتأخر بس شجعت نفسها وحاولت تتكلم بثقه ادهم : في حاجه يا ميرا ميرا : اه كنت محتاجه الفون بتاعي عايزه اطمن علي البنات وصلو بخير ولالا وقف ادهم وقرب منها وقال : اه واي تاني ميرا بتحاول تتكلم بثقه وهي متوتره من قربه : وعايزه اروح الجامعه فاتني كتير اوي ادهم : بالنسبه للجامعه انا جبتلك كل المحاضرات اللي فاتت يا انسه ميرا ورفع أيده علشان يشيل حاجه علي رأسها شهقت ميرا بخوف وبسرعه رفعت ايديها تحمي وشها رفعت ايديها عن وشها شويه وهي بترمش كتير و عيونها كل شويه تبص علي أيده ووشه ورعشه شفايفها كل ده لاحظه ادهم وافتكر لما ضربها علي وشها ندم علي تصرفه ده وبسرعه ابعد أيده عنها وراح علي مكتبه طلع الفون وقال : تقدري تاخديه لاكن الجامعه الاسبوع اللي جاي هتبقي تروحي لان في امتحان الميد ترم يستحسن تبقي الاسبوع ده في البيت تذاكري كويس تقدري تخرجي دلوقتي خرجت ميرا ووضع ادهم يده علي رأسه بضيق وقال فعلا مازن معاه حق دخلت ميرا لغرفتها وحاولت تتصل كتير بنور لاكن مفيش رد قلقت وبعدين قالت ممكن نامت اتصل بيها بكرا ودخلت تنام وفي الفجر دخل اسر بيتسحب ونط من الحديقه لشباك الأوضه بتاعته ونام وفي صباح يوم جديد صحيت شهد مفزوعه وبتقول : زلازال ووقعت علي الارض بصت علي السرير لقت ميرا بتتنطط عليه وهي بتضحك شهد : حرام عليكي بجد رعبتيني حد يصحي حد كدا ميرا بضحك : اعمل اي هي دي طريقتي علشان اصحي اي حد يلا عشان الفطار جاهز شهد : كان ممكن أفطر لما اصحي في اي وقت ميرا : هنا في نظام بعيد عنك اتاخرتي مفيش اكل شهد : اممم مش حاجه وحشه بردو يعني فرصه حلوه عشان تشوفو بعض وتتجمعو الاكل احلي كدا ميرا : طيب يلا وعلي الطعام كان الكل موجود الا ادهم فارس اول ما شاف اسر مسكه من ياقه قميصه وقال : انت فاكر عاملتك دي هتعدي كدا اسر : يا عم انت مكبر الموضوع حد يطول يشوف المزز اللي علي الموقع ده ويقعد معاهم وبعدين بص وري فارس وقال : ادهم ساب اسر وبص وراه بسرعه فجري اسر فارس : تصدق انك عيل اسر : عيل عيل بس اعيش وبص في الساعه خد سندوتش من السفره وقال اتاخرت علي الجامعه سلام مازن : ولااااا خد يلا هنا جامعه اي انت مش اتخرجت بعد معاناه دخل ادهم وقال : اكيد مهمه جديده اسر حدف بوسه في الهوا وقال : حبيبي اللي فاهمني ياريت بقا الفتره دي محدش يسيحلي فيكم باي شكل أنا لسه طالب ورايح الجامعه يلا سلام خرج فارس بعدها علي طول هو شهد : انا عايزه اروح اشوف ماما مازن : تمام هاجي علي الغدا نتغدي ونروح يلا بقا سلام اتاخرت مشي ادهم بعدها علي طول واتصلت حور حور : متعرفيش حاجه عن نور ميتردش بقالها كتير ميرا بقلق : مش عارفه بتصل بيها بردو مبتردش بدأت اقلق عليها حور : طب اقفلي هشوفها في الجامعه وكلمك قفلت حور الخط وراحت علي الجامعه واكتشفت انها مجتش اصلا ولسه مفيش رد لحد ما الفون اتقفل قلقت حور اكتر وراحت تشتري اكل وهي عامله تفكر في نور وأنها اكيد بخير وكانت بتعدي الطريق ومخدتش بالها من العربيه اللي جايه أوقف فارس سيارته بقلق وراح يشوف البنت كانت حور مصدومه ومضغوطه واول ما شافته فضلت تعيط فارس بقلق : حاسه بوجع طيب فيكي حاجه حور وهي لسه بتعيط وفارس مش قادر يفهمها وهي مقدرتش تبرر عياطها ده وشاورت علي السندوتش فقال فارس : مالك رجلك وجعاكي حور بدموع وصوت هادي : السندوتش وقع مسك فارس شعره بعصبيه وقال بصوت عالي : كل ده عشان سندوتش هزت حور رأسها وهي بتمسح دموعها وقفها فارس وقعدها في العربيه وقال : استنيني هنا ورجع بعد شويه معاه شنطه وبيديهالها فارس : خدي يا ستي سندوتشين وعصير وميه اشربي كدا وفوقي وراكي محاضره حور : عرفت منين فارس : مش انتي الفرقه الثانيه هندسه حور بقلق : عرفت ازاي فارس بابتسامه : انا الدكتور بتاعك بدي الفرقه الاولى والثانيه بدال دكتور مراد احمرت حور خجلا من اللي عملته وعياطها : ا انا اسفه وجت تخرج وقفها فارس وقال : علي فين عندك محاضره عندي دلوقتي هوصلك اصل الدكتور بتاعك بيحب المواعيد المظبوطه ومبيحبش حد يدخل بعده اتكسفت حور جدا من الموقف اللي حصل ************* فاقت نور وهي بتقول : اااااه دماغي مش قادره واخدت شويه علي ما استوعبت انها في مخزن مهجور وفي بنات كتير مخطوفين معاها وقالت : اي ده هو احنا مخطوفين ردت بنت : اه صمتت نور فقالت البنت : متخافيش أن شاء الله هنخرج من هنا نور : انتي بتهزري ده خبر حلو جدا يااااااه يا جدعان اخيرا هنعيش جو المغامره والاكشن وييجي زعيم العصابه ويعجب بيا يا سلام علي جو الروايات ده مفتقداه جدا بصت ليها البنت باستغراب وقالت : دي مجنونه دي ولا اي شويه وفضلت نور تصرخ : انتم يا بهايم ياللي هنا جعااااااانه دي مش اخلاق حرميين دخل واحد بعضلات وشكله بخوف : عايزه اي يا بت اي الصداع اللي عملاه ده نور : جعانه ازاي خاطفني من امبارح ومجوعش يعني الراجل : انتي فاكره نفسك في فندق خمس نجوم يا روح امك نور : لا بقولك اي بلاش غلط لحسن اقسم بالله اقول للقائد بتاعك اللي هيحبني مستقبلا ينفخك انا بقولك اهو واحد جه للراجل ده وقاله : يا عم فعلا دي اللي الزعيم معجب بيها شهقت نور وقالت : أحيه بالكركديه ده بجد الراجل لنور : اخرسي شويه والأكل هيجيلك نور : انا والبنات يا كابتن يرضيك اكل والناس دي تبصلي فيها ف اشرق ف اموت ف القائد بتاعك ينفخك لا ميرضينيش لا الراجل بعصبية ونفاذ صبر : هاتولها اللي هي عايزاه بدل ما اقتلها وخرج بدأت نور تحس بالخوف وهي بتدعي ربنا ينجيها ************** اما عند اسر وصل الجامعه وكون صداقات مع الشباب وحضر اول المحاضرات وحاول يقرب من الولد اللي اللواء قاله عليه اللي اسمه يوسف لاكن يوسف كان مركز مع البنات خالص فحاول اسر يعلي عليه واتصاحب علي بنات كتير وده خلي يوسف ياخد باله من أسر وبعد انتهاء المحاضرات لاحظ اسر شاب شكله غريب مش من الجامعه وكان شكله متوتر وقف اتكلم مع حد كدا ومشي جه يوسف يتعرف علي اسر لاكن اسر اعتذر وقال إنه لازم يمشي ومشي بسرعه وشاف نفس الشاب ده وقف قال حاجه لحد قدام البوابه ورجع جوه الجامعه تاني جري اسر ومشي وري الشاب اللي كان واقف قدام الجامعه وعرفت يتخفي كويس اوي ومحدش لاحظه لحد ما وصل لمكان مهجور وغريب قدام بنايه غريبه وعليها حرس كتير واقفين قدام بوابه مصديه فضول اسر خلاه يدخل من شباك عالي جدا جوه البنايه دي واول ما دخل اتفاجأ بضربه قويه جدا علي دماغه أفقدته الوعي وووو . الحلقة 9 . . اوصل فارس حور بعيد عن الجامعه بطلب منها لانها مش حابه حد يشوفها طالعه من العربيه بتاعته دخلت حور المدرج وقعدت واتفاجات بشاب قعد جنبها وقال : هاي مردتش حور عليه وبعدت شويه فقرب منها الشباب ده مره تانيه كان فارس ملاحظ ده ومتضايق جدا ومكنش فاهم ده ليه بس حاول يتجاهل شعوره وقال : كل واحد يركز معايا هنبدا المحاضره ************** بدأ يفوق ومسك دماغه بوجع شديد وسمع نور : قوم يا موكوس اسر بعد ما فاق : هو انتي اي مصيبه لازم اشوفك قدامي نور : قدرك ونصيبك اسر : انتي بتاكلي نور : اه ما انا لازم اسلي نفسي اسر : وانتي ليه مش مربوطه زينا نور : يا حبيبي للخطف مستويات شوف انا مستوايا فين وانت مستواك فين علي الارض كلب ذليل اسر : اخ لو مش مربوط كنت نفختك وقال اخر كلمه بصوت عالي ف خافت نور وبعدين قال : اول مره اعرف ان للخطف مستوي جديده دي دخل شخص وبص لأسر وقال : انت مين ياض ووصلت للمكان ده ازاي اسر وهو بيشاور علي نور : حضرتك دي حبيبتي وكنت قلقان عليها مش عارف اوصلها خالص ووصلت من الفون كان محدد اخر موقع كانت فيه الراجل : حد يعرف المكان ده غيرك ياض اسر : لا سابه الراجل ومشي نور : ليه بقا قطع الأرزاق ده حبيبه مين ياض انت اسر : بس يا بايره هو انتي لاقيه كانت لسه نور هترد عليه فقال : ثانيه واحده انتي اي اللي جابك هنا وليه التعامل معاكي مختلف نور : بيقولو أن القائد بتاعهم بيحبني انت عندك خطه نطلع بيها من هنا اسر : امممم بيحبك اه انا كنت جاي اتفرج بس معملتش حاسبي أن ممكن اتقفش نور : تصدق يا جدع مفيش منك فائده ابدا سمعو صوت عربيه جايه من بره وبعدين صوت الرجاله بتقول : اه يا زعيم المجهول : البنت اللي قولت عليها جوه الراجل : ايوه يا زعيم المجهول : هاتها دخلها العربيه الراجل : حاضر يا باشا هعملك شاي بس واستنا في العربيه وهجيبهالك نور : ااااااااااا ميقصدنيش صح وجريت علي اسر اسر : بتعملي اي يا متخلفه نور بنبره طفوليه : بستخبي اسر بعصبيه وغضب : فكيني بدل ما اتشل نور وهي بتفكه فضل اسر يكلم البنات اللي موجوده ويقول : يا بنات انتم أقوياء جدا وعندكم قدره تحمل تفوق الرجاله 100 مره انتم مش ضعاف وكتير يعني ممكن جدا نهرب من كل ده النهار ده ونخلص منهم لو بس كنا مع بعض ايد واحده ومحدش خاف فكت نور اسر وجري اسر علي البنات فك قيودهم بسرعه وقال كل بنت تمسك اي حاجه من علي الارض ينفع تضرب بيها وفتح اسر الفون اللي كان مخبيه وبعت لضابط صاحبه من القسم الموقع فاخد قوه وراح علي العنوان اللي بعته اسر باقصي سرعه لاحظ اسر علي نور الخوف اللي اول مره يشوفه في عيونها لأنها دايما مبينه القوه فقال : هتكوني بخير وكل حاجه هتعدي متخافيش دخل اول واحد وضربه اسر بقوه أفقدته الوعي لاحظ ذالك الرجلين اللي بره ودخلو الاتنين مع بعض بدأ اسر يضرب فيهم بقوه ويحاول يتصدي ليهم وقال للبنات : اهربو جريت كل البنات ولما واحد من الرجاله ساب اسر وراح ليهم ضربته نور بخشبه هربت الفتيات وظلت نور ليصرخ فيها اسر : انتي غبيه اهربي هزت نور رأسها بمعني لا ودموعها بتنزل بخوف عند الشخص المجهول : هربو ازاي دول ما انا مشغول معايا شويه اغبيه سمع صوت عربات البوليس فهرب بسرعه وهو بيشتم بافظع الألفاظ نهض أحدي الرجال وأمسك نور حاولت أبعاده وضربه ولاكن ضراباتها لم تؤثر فيه كان مثل الصخره لا يتحرك رفع يدك الكبيره أغمضت نور عينيها و قبل ما تنزل علي نور امسها اسر ليضربه ضربه قويه اسقطته أرضا واطمن لما وصلو القوات ومسك نور من أيدها يخرج بيها وسمعت نور صوت طلقات النار لتنظر خلفها لتجده اسر اخذ الرصاصة بدلا عنها واغمي عليه عند رؤيه نور لأسر هكذا ظلت تبكي وهي بتهز كتفه أنه يقوم لحد ما وصلو للمشفي مازن اول ما شاف اخوه غرقان دم اتصدم بس بسرعه قال : جهزو غرفه العمليات حالا وصل خبر لفارس وفي ثواني كان في المستشفى ************* في القصر علي سفره الطعام اتصلت شهد علي مازن عده مرات ولاكن لا رد شهد بقلق : معقول ده كله مفيش رد ميرا : اكيد في العمليات كانت ميرا قلقانه وحاسه بإحساس وحش ومكنتش بتاكل رن هاتف ادهم ليرد : انت فين يا فارس فارس بتوتر وصوت ملئ بالحزن : اسر في العمليات نزلت دموع فارس لاول مره علي حال اخيه وهو قلق وبيحاول يتمالك نفسه اول ما ادهم سمع الكلام ده قام من مكانه بسرعه وقال : طب انا جاي حالا وقبل ما يطلع وقفته ايد ميرا بدموع وهي بتقول : حد حصله حاجه صح متسبنيش هنا لوحدي خدنا معاك ادهم بنفاذ صبر : علي العربيه بسرعه وبعد دقائق وصلو جريت ميرا وشهد وري ادهم بسرعه وصلوا للممر اللي فيه غرفه العمليات وشافو نور بتعيط جريو البنات عليها وحضنتها ميرا وهي بتعيط وبتقول : حصل اي بس في اي ادهم لفارس : اي اللي حصله عشان يدخل العمليات فارس : متصاب برصاصه ادهم : ازاي وصله الرصاص نور بدموع : ب بسبب ال العصابه ادهم : عصابه اي بدأت نور تحكي بدموع اللي حصل و و بس ك كدا فارس لادهم : مازن معاه جوه أن شاء الله خير وبعد ساعات من الانتظار طلع مازن من غرفه العمليات وعلي وجهه معالم الإرهاق جريو الكل ناحيته فقال : الرصاصه كانت في مكان صعب بس قدرنا نطلعها والحمدلله حالته مستقره دلوقتي ادهم : هيطلع امتي مازن : انت عارف اسر مش بعيد بكرا يقولك انا عايز أخرج ومحدش بيقف في طريقه المهم روحو انتم وانا قاعد معاه النهار ده متقلقوش شهد بتوتر : بس بس انت شكلك مش بخير ابتسم مازن وقال : انا بخير اطمنت نور أنه بخير وكانت لسه هتمشي وقفها صوت حاد وقوي : علي فين نور بتوتر : انا انا هروح بس ادهم بحده : اظن سمعنا كلامك مره واتخطفتي تفتكري المره دي هيحصل فيكي اي نظرت نور بخوف لادهم ليقول هو : فارس خد البنات بما فيهم الانسه للقصر وممنوع الخروج لاي حد مازن ياريت تغير وتحصلهم بسرعه وقبل ما يتكلم مازن قال : كلامي مفيهوش نقاش ارتاح وبكرا أبقا تعالا كمل شغلك وصل مازن دخل علي غرفته علي طول ونام اما فارس كان بيخلص بعض التصاميم وشغل للشركه بتاعته ارتاح جدا بعد ما عرف بحاله اخوه وأنه اتحسن فرد جسمه علي السرير بتفكير بيفكر في كل حاجه لحد ما جت علي باله البنت اللي لو بص ليها وشها يحمر وعياطها زي الاطفال علي سندوتش برائتها ورقتها اول ما جت علي باله ابتسم وراح في النوم اما عند البنات شهد : مازن كان شكله صعب ميرا : هو بس مرهق جدا بكر هيكون كويس نور : هتنامو معايا النهار ده مليش دعوه ابتسمت شهد. الرواية من قناة عالم الروايات 2ميرا اي حد هيسرقها حسبي الله ونعم الوكيل فِيَھ وقالت : من عيوني يا نونو حضنتها نور بحب وقالت وهي بتضرب ميرا : ادهم ده طلع بيخوف اوي ازاي مستحملاه ابتسمت ميرا وقالت يلا : علي النوم يا اختي ************ فضل ادهم صاحي طول الليل مع اسر لحد ما جه الصبح ووصل مازن اول ما وصل مازن مشي ادهم بسرعه من المشفي علي الشركه بتاعته لاحظ مازن تعبت ادهم الواضح علي وشه بس ملحقش يتكلم معاه لأنه مشي بسرعه ************ عند فارس فطر مع البنات وأمرهم مفيش خروج لاي سبب واخد أوراقه وراح علي شركته اتصلت ميرا بحور وحكت ليها اللي حصل حور : طيب طيب انا جايه ************ فاق اسر وكان بيبص حوليه مازن : اخيرا فوقت يا اخره صبري هتفضل تقلقنا عليك كدا كتير اسر بمرح : اعيش واقلقك يا قلبي بصله مازن بشك وقال : كانك مش مظبوط ياض ضحك اسر وقال : صحيح كان معايا بنت كدا مازن : اه نور فضلت موجوده لحد ما اطمنو عليك بعد العمليات ومشيو اسر بجدية : مشيت ازاي وفي لسه خطر عليها مازن بنظره ذات معني : ادهم قالها متخرجش من القصر وانت عارف ادهم في بدايه عصبيته بيكون ازاي ابتسم أسر مازن : يلا تعالا اغيرلك علي الجرح ده اسر : لا بقولك اي مفيش ممرضه مزه كدا هي اللي تغيرلي مازن : هو انت مفيش فايده فيك اسر : يا عم خلينا نشوف حاجه حلوه علي الصبح اعمل مع اخوك واجب مش ممكن ربنا يصلح حالي واتجوز مازن بابتسامه شر : من عنيا ده انت تؤمر نادي مازن أحد الدكاتره وقال جيب سناء للاستاذ أصله بيدور علي صلاح الحال وعايز يتجوز ابتسم الدكتور وبعد شويه دخلت سناء كان اسر مغمض عينه وسناء تبص عليه لحد ما فتح عينه واتخض منها وقال : انت مين يا عم انت سناء بدلع : انا سناء انت طلبتني اغيرلك علي الجرح اسر : انا محصلش سناء وهي بتقرب وهو بيبعد : سمعت انك بتدور علي الاستقرار وعايز ترتبط اسر : كذب وافتراء حضرتك انا صرفت نظر تماما عن الموضوع ده انا لسه صغير سناء بعوجه بق : لسه صغير ولا البت المسهوكه المسلوعه ام عيون زرقه القمر استغفر الله العظيم اللي كانت بتعيط عشانك امبارح اكلت دماغك أسر بابتسامه : هي البنت ام عيون زرقاء القمر استغفر الله العظيم دي كانت بتعيط بجد علشاني سناء : ايوه يا عين امها من ساعه ما دخلت العمليات وهي بتعيط عليك واول ما انت جيت مكنتش راضيه تسيب ايدك وعماله تهزك علشان تقوم بنات اخر زمن فافي خالص البنات اللي زي دي مبتدورش علي الاستقرار زينا اسر : انا بحب البنات الفافي دي ودي حبيبتي على فكره سناء : طبعا ما انتم الاتنين مزز يا خرابي علي جمال امك بس بردو ساعات كتير الواحد بيزهق من الحلويات وبيكون عايز حاجه كدا حرشه والشرع محللك 4 اسر : يا ستي مش عايز حاجه مش هتجوز خالص سناء بدلع : براحتك انت الخسران وجايه تمشي وقعت عليه صرخ اسر بقوه وحط أيده مكان الجرح وبصلها بضيق لاقاها بتبتسم وبتقوله : شوفت القدر ليه راي تاني ازاي كأننا مخلوقين لبعض أبعدها اسر عنه بسرعه وصرخ صوت عالي : والله لاوريك يا مازن خرج اسر وهو بيمشي بصعوبه وطلب الدكتور الخاص بيه مازن : عايز اي واي اللي نزلك من السرير اسر بضيق : عايز اروح حالا ابتسم مازن : اي عجبتك المزه وغمزله اسر : منك لله يا بعيد دي زرعه ملوخيه فوق عينيها مازن : والله قولتلها تشيلهم علشانك بس قالت انك لازم تشوفها في قمه أناقتها اسر بضيق : حسبي الله ليك يوم يا مازن مش هنسالك ابدا اللي عملته اكتبلي خروج خليني اتزفت امشي مازن : اقعد وريني جرحك لو ينفع تخرج ولالا اسر : ينفع ولا مينفعش في كل الحالات لازم أخرج مازن بغضب : انت عملت اي خلي جرحك يتفتح تاني انت بتنزف يا غبي اسر : ما هو كله بسبب الخرتيت اللي دخلتهولي بقولك اي مليش فيه انا هخرج غير مازن علي جرح اسر وخرج فعلا من المشفي ورجع علي البيت ************* شهد : كل واحده ماسكه الفون اي ده ده انتم عيال بارده قومي منك ليها تعالو نروح المطبخ نعمل اي حلويات ميرا : بجد متحمسه هتعملي اي شهد : كب كيك وكيك الباندا البارد ميرا : واااو انا وش معاكي وهزت نور وقالت قومي يا بارده انتي نور : لالا انا هستنا حوحو هي علي وصول ومحضرالها مقلب فل علي زوقك ميرا : انتي يا بت بجد مفتريه شهد : سيبك منها وتعالي بسرعه علشان نلحق نعمل قبل الشباب ما ييجو علي الغدا ذهبت ميرا وشهد للمطبخ اما نور فضلت تفكر تعمل اي مقلب في نور واول ما الباب خبط جريت علي المطبخ وجابت طبق دقيق وفتحت الباب واول ما اللي بره دخل كبت الدقيق كله في وشه اسر : الله يخربيتك ضحكت نور بقوه علي شكله وقالت : والله مكنتش ليك بس فرصه حلوه شكلك بجد يموت ضحك اسر : ده بجد وجاب اللي باقي من طبق الدقيقه ورشه في وشها وجت تمشي اتزحلقت بسبب الدقيق اسر بضحك : تصدقي انتي كدا اللي شكلك يموت ضحك بصتله نور بضيق وقالت : بارد وطلعت بسرعه علي الاوضه بتاعتها تغير واسر طلع غير هدومه وبعد شويه وصلو الشباب وبدأ بالاكل فارس : فين ادهم مازن : لسه وراه شغل بيتعب نفسه بطريقة صعبه منمش من امبارح ولسه بيشتغل لحد دلوقتي وفجاه الباب خبط بطريقه صعبه جدا لدرجه ان البنات اتخضت مازن : انا هروح اشوف مين فتح مازن الباب واتفاجا بظابط بيقول : ده بيت المدعو مازن مازن : ايوه يا فندم انا مازن في اي الظابط : مطلوب القبض عليك هتوه وووو كدا تكون خلصت حلقتنا استنونا في بارت جديد مع السلامه . ‏‏يتبع... الحلقة 10 . . مازن : طب ممكن افهم حضرتك واخدني بتهمه اي الضابط : في القسم هتعرف كل حاجه خده يا ابني طلعت البنات وأسر وفارس علي صوته ميرا بدموع : هو في اي واخدينه ليه اسر : استنا يا ابني انت وريني ورقك سليم ولالا بصله الضابط بضيق وقال : وانت تبقا مين انت عشان تتكلم كدا وعلي العموم خد الورق وحدفه في وش اسر نزل اسر لم الورق من علي الارض تحت غضب فارس ولاكن اسر كان بيحاول يهديه بص في الورق وقال : لا فعلا الورق سليم مد الضابط أيده فحدف اسر الورقه في وشه ووقعت علي الارض اتعصب جدا وقال خد يا ابني الواد ده علي البوكس لما تقعد في السجن يوم هتتربي وهتعرف ازاي تتعامل كويس اسر ببرود : فارس خلي بالك من البنات انا هشوف حوار مازن ده وساعه بالكتير هكون عندك تمام دخل فارس ببرود هو والبنات ميرا بقلق : مازن هيكون بخير ليه اخدوه يا فارس فارس : انتي مش سمعتي اسر ساعه بالكتير وجاين شهد بقلق واضح : متاكد أنه هيكون بخير نور : اصل ادام دخل فيها الفاشل اسر هيلبس اخوك في حيط ده اهطل وانا عارفاه ابتسم فارس وقال : بجد طيب لو عدي ساعتين ومحدش جه انا هتصرف مش عايز اسمع كلام كتير بقا ورايا شغل في المكتب ياريت ميبقاش في إزعاج وبص لميرا اللي عملت بريئه وبصت بعيد **************** نزل مازن وأسر من البوكس ودخلو قسم الشرطه وعند مكتب الظابط دخل مازن وأسر فضل بره لاكنه دخل بالقوه لجوه وقعد علي كرسي طرد الظابط العسكري اللي كان ماسك اسر وقال : تبقا ابن مين في الدوله علشان تقعد قدامي بالطريقه دي اسر ببرود وحاده : مش ضروري اكون ابن حد مهم في البلد علشان اعمل كدا انا اللي مهم هنا الضابط بعصبيه : انت تقوم تقف وانت بتتكلم معايا اسر بنفس البرود : اسر زعيم الفرقه الاولى في القوات الخاصه اه صح وبرتبه اعلي منك اتوتر الظابط جدا وقال : اهلا اهلا حضرتك نورت اسر : فعلا ده علي اساس انك مش جايبني في بوكس الضابط : انا اسف جدا يا فندم اللي ما يعرفك يجهلك اسر : تقدر حضرتك تكمل شغلك وتقول باي تهمه جايبه الضابط قعد مازن علي الكرسي وطلب حاجه يشربوها وقال : في واحد رافع عليه محضر بالاعتداء عليه بالضرب وخطف خطيبته المدعوه شهد اسر : اي ده مين ده مازن بغضب : كريم الضابط : هو فعلا يا فندم بس بما انك زميل لازم اخدمك وممكن اخلص الموضوع ودي وأقطع المحضر وكتم علي الموضوع اسر : انا مطلبتش ده خد إجراءات قانوني عادي بص مازن لأسر وابتسم وقال : طيب الحل برايك اي اسر : هي مراتك محدش يقدر ييجي جنبها وبعدين ده حاول الاعتداء علي مراتك رد فعل طبيعي انك تضربه ممكن ترفع محضر قصاد محضر واصلا المحضر اللي عامله يبله ويشرب ميته والحق معانا مازن : مراتي اسر : مفيش حل غير كدا وانا عارف انك هتتلكك اصلا يا بختك يا جدع جيالك علي الطبطاب عقبالي يارب عقباااالي ابتسم الظابط وقال : حضرتك مش هتحولني للتحقيق صح اسر : يا جدع متقولش كدا احنا زمايل بس متفتريش علي حد علشان عندك سلطه والأهم بقا مفيش مخلوق يعرف اني تبع القوات الخاصه الظابط بابتسامه : تمام يا فندم اسر : تمام هروح اجيبلك عقد الجواز علشان تخلص الاجراءت واكيد انت عارف هتعمل اي الضابط : اكيد متقلقش *************** عند ادهم كانت بيخلص شغل كتير متأخر في الشركه بسبب طرده لعامل مهم جدا ف اضطر يشتغل زياده وكان حاسس بالتعب ************** وصلت حور واول ما شافتها نور حضنتها هي وميرا ميرا : تعرفو أن الامتحانات خلاص قربت نور : لازم نذاكر يا وكسه بيتكم ده كل يوم بحوار شكل حور : بنات بعد الامتحانات بتفكرو تروحو اجازات فين ميرا بفرحه : هروح البلد عند أهل ماما الله يرحمها اكيد وانتي يا حور حور بضيق : هروح عند عمتو كانت شهد قلقانه جدا ومتوتره ومش معاهم في الكلام ابدا ميرا : بتقوليها بضيق كدا ليه حور : مش بكون مبسوطه هناك لاحظت ميرا انها مش عايزه تتكلم فنقلت علي نور : هتروحي فين يا نونو نور بسرحان وحزن : للموت اتخضت ميرا وحست أن في حاجه غلط ولسه واخده بالها أن اللي حواليها كلهم متضايقين قاطع تفكيرها صوت باب القصر فتح فارس الباب ولاحظ عيونها البريئه حزينه كان مهتم جدا يعرف بسبب اي بس حاول يتصنع البرود ومشي فارس : اي الدنيا يا اسر اسر : تمام مفيش حاجه بس بجيب ورق كان مازن شايله مع شهد هوديه هناك وارجع بيه اطمنت ميرا وفرحت وارتاحت نور اما شهد قلقت اكتر ورق اي اللي عايزه هو مداليش حاجه دخل اسر مع شهد في غرفه المكتب شهد بتوتر وقلق : ه هو في ا اي حكي اسر لشهد عن الحل اللي هيخرج مازن شهد بدموع : بس ا انا م مش موافقه و انا بكرا هطلع من البيت ومش هسببلكم مشاكل اكتر من كده كفايه مساعدتكم مش هردها بالسوء وااذي حد منكم كدا اسر بحنيه : حبيبتي انتي من ساعه ما دخلتي هنا وبقيتي اختي زيك زي ميرا وانا مش هسمح ابدا بحاجه تأذيكي انتي فرد من العيله وانا اخوكي وبما اني اخوكي بقا صارحيني انتي معجبه بمازن سكتت شهد فتره طويله ومكنتش عارفه تتكلم واتكسفت اسر : يعني معجبه بيه فعلا شهد بدموع : حتي لو معجبه مش هقبل أنه يتجوزني بس علشان ينقذ موقف بس لانه مجبور علي ده اسر : مين قالك أنه مجبور محدش يقدر يجبره علي حاجه هو مش عايزها انتي بتثقي فيا ولالا شهد بتوتر : بثق فيك طبعا اسر : وقعي علي الورق ده فضلت شهد قلقانه ومتوتره وبتقول معقول اللي بعمله دي صح وصوت تاني جواها يقول هتروحي فين في الدنيا دي اللي مليانه وحوش كفايه انك وسط أهل بيت طيبين وعندهم مبادئ ناس مبقتش موجوده دلوقتي ومازن انتي متاكده من أخلاقه ده ولا كريم يا شهد يارب انا توكلت عليك ووكلتك امري لو في توقيعي ده شر تحصل اي حاجه تمنع اني اوقع ولو خير يسره وقربه مني يا الله خدت نفس عميق وغمضت عيونها وحسمت أمرها انها هتوقع وقعت شهد علي عقد جواز من شهر اسر : صدقيني مش هتندمي وهتفضلي زي ما انتي في حياتك وفي اوضتك لوحدك ولو ضايقك باي شكل كلميني وانا وعد مني لبيته في الحبس ليله كامله بس يكون ظالمك هااا اصل انا عارف الافتري بتاعكم ده ابتسمت شهد : بس هو مش بيحبني اسر : الايام هتثبتلك بالافعال مش بالكلام يا اختي خرجت شهد وطلعت علي اوضتها علي طول اتوضت وصلت استخاره علشان تشوف اللي عملته ده صح ولالا وهل مازن فيه خير ليها ولالا استغرب البنات طلوعها بالشكل ده قالو يمكن عايزه تنام وترتاحي ميرا قالت بكرا هتطمن عليها مالها بس تسببها ترتاح دلوقتي وشافو اسر خارج من الاوضه اللي طلعت شهد منها تجري اتضايقت نور جدا بس حاولت تخفي ده وكانت متوعداله بعقاب كبير خرج اسر وصل لمازن وقال : ياااااااه يا جدع قد اي الدنيا صغيره شوف شوف لما جيت شغلك انت وجبت معايا ازاي تفتكر بقا أوجب معاك ازاي اصل مفيش سناء هنا مازن : قلبك ابيض يا عم وليك مني طلب مهما كان هنفذهولك اسر : اعتبره وعد ولو خالفته هتصرف انا بطريقتي تمام تمام مازن : شكرا بجد تعبنا حضرتك معانا الظابط : ولا يهمك يا فندم نورتم خرج اسر ومازن من المكان متجهين للبيت وفي البيت دخل ادهم البيت وكان باين عليه التعب ودخل غرفته علي طول لاحظته ميرا وقلقت ف استأذنت من البنات وطلعت علي فوق حور : انا لازم امشي بقا بابا هيزعق يلا سلام ودعتها نور وكان فارس خارج فوقفها وقال إنه هيوصلها رفضت ولأنه مصر وهي بتودع نور رن فون حور ف سحبته نور بسرعه وقالت : خياااانه مين احمد ده انطقي كتمت حور بق نور وقالت : يخربيتك فضحتيني هقولك بعدين يلا سلام دلوقتي نور بغمز : مااااشي مسيري اعرف ركبت حور مع فارس وكان باين علي وجهه أنه مضايق جدا لدرجه عروقه ظهرت وعيونه بقت مخيفه كانت حور قلقانه من شكله ومش فاهمه هو ليه كدا كان فون حور كل شويه يرن اوقف فارس السياره وقال بغضب : مين اللي بيتصل برغم خوف حور ولاكن حاولت تتماسك وقالت : دي دي حاجه متخصش حضرتك غضب فارس وأمسك ايديها بقوه خلتها تتالم وقال : لما أسألك علي حاجه تتكلمي علي طول مين الزفت ده حور بخوف ودموع : ده ده ا ا ا ابن ع ع عمتي غضب فارس اعماه ليقول : ويفضل يتصل بيكي بتاع اي ولا انتي متعوده تتكلمي معاه كتير بقا وضغط علي ايديها اكتر لتبكي حور وتقول بوجع وهي بتبص في عيونه : ا ا ايدي ب ب بتوجعني ليرق قلبه علي صغيرته الرقيقه خف قبضه أيده عن ايديها وقال وهو بيحاول يتحكم في هدوئه : جاوبي قوست حور شفايفها زي الاطفال وقالت بدموع : ا ا انا م مش ب بحب ا اتكلم م معاه ا ابدا فارس : بيتصل بيكي ليه حور بدموع : م معرفش ب بس م مش ب بحب ا ارد عليه ابدا فارس بحاده : لو عرفت انك رديتي عليه يا حور اتحملي اللي هيجرالك مفهوم وقال اخر كلمه بصوت عالي جعل جسدها الصغير ينتفض لتقول حور : ح ح حاضر بدأ فارس في تحريك سيارته وكان طول الطريق الصمت مخيم علي المكان حتي وصل أمام منزلها لتركض بسرعه خارج سيارته هاربه منه لغرفتها ************** ميرا فضلت تتسحب لعند غرفته وخبطت الباب مره وأتنين وتلاته ومفيش رد ف دخلت وهي بتتسحب بخفه وهدوء لاقته نايم بالبدله بتاعته ووجهه يتصبب عرقا قلقت عليه واول ما حطت ايديها علي جبينه اتفاجات باللي بيمسك ايديها وبيوقعها علي السرير وفي ثواني لقته فوقيها احمرت وجنتاها بشده ونظرت له متوتره علشان يبدأ يشوف بوضوح ميرا اغمض عينيه ونام جنبها بهدوء كان قلب ميرا يدق بسرعه شديده وبصتله وهو نائم واتاكدت أنه تعبان حطت ايديها علي جبينه لتتاكد بأن حرارته مرتفعه حاولت تقلعه جاكيت بدلته والقميص بصعوبة كبيرة لحد ما نجحت اخيرا ونزلت لتحت جابت تلج كتير وحطته علي جسمه علي رأسه قاعده جنبه ************** وصل مازن وأسر البيت سال مازن علي شهد وعرف انها نامت فطلع علي غرفته علي طول اما اسر طلب من نور يقعد يتكلم معاها شويه وقال اسر : اعملي حسابك انا الجامعه بتاعتي قريبه منك لو اتقابلنا باي شكل لازم نتعامل كأتنين بيحبو بعض نور : ده ليه أن شاء الله اسر : علشان الحلو اللي طلب خطفك من العصابه لسه بيدور عليكي اكيد واكيد عرف اني حبيبك لما هيعرف كدا هياخد حذره شويه في أنه يقرب منك او يخطفك بسهوله زي المره اللي فاتت نور بضيق : طيب اسر : اي حد هيسالك هتقولي حبيبي وهتتعاملي معايا بحب قدامهم نور : ما قولنا طيب بقا اسر بضيق : اسلوبك في الكلام يبقا احسن من كدا يا نور بصتله نور وسكتت علشان يكمل كلامه ويقول عايز رقم الفون بتاعك واي حركه هتتحركيها أو أي مكان هتروحي فيه معاكي حد او مش معاكي حد تتصلي بيا الاول تعرفيني رايحه فين ومع مين ولو ينفع ولالا نور : ليه بقا أن شاء الله فاكر نفسك حبيبي بجد ولا اي اسر : علشان اكون عارف خط سيرك واعرف إذا كنتي في مكان زي ده سهل حد يخطفك فيه ولالا ولو حصل اكون عارف اخر مكان كنتي فيه فين علشان اقدر اوصلك نور بقلق : ماشي خد اسر الفون بتاعها ونزل عليه برنامج تتبع متوصل بالفون بتاعه وسجل رقمها ثم ذهب كلا منهما لغرفته للنوم اما ميرا فضلت صاحيه تهتم بادهم لحد ما انخفضت الحراره ونامت وهي قاعده علي الكرسي اللي جنبه لتستيقظ في اليوم التالي بصدمه قويه و و و الحلقة 11 . . شهقت ميرا بفزع وصدمه اول ما صحيت من النوم وشافت ادهم جنبها علي السرير وبيبصلها جت تقوم بسرعه كانت هتقع لحقها ادهم بسرعه وقربها ليه لتحمر وجنتاها وعيونها بترمش بسرعه وقالت : ا ا انت اي اللي جابك هنا ادهم : دي اوضتي اتكسفت ميرا وابعدته عنها ووقفت وقالت : ااا اه انا اسفه واسرعت في خطواتها عشان تخرج بره بسرعه لحقها ادهم ومسك ايديها وقربها ليه وقال : انتي جيتي بمزاجك هتطلعي بقا بمزاجي انا اتوترت ميرا جدا وقالت : ااي ابعد كدا حاولت تبعده وتفك ايديها لاكن مقدرتش لتسمع صوت اسر علي الباب : يا ادهم اتاخرت النهار ده يلا بسرعه لتضع يدها علي فمها ادهم : اي اللي دخلك اوضتي وانتي عارفه اني مبحبش حد يدخلها ميرا : يعني أنا غلطانه اني حاسيت انك تعبان وفضلت سهرانه طول الليل علشان تنزل حرارتك ابتسم ادهم لتسرح ميرا في ابتسامته وتبتسم اول مره تشوفها ودق قلبها بطريقه غريبه لتدرك اللي هي بتعمل علي صوته ادهم : كنتي قلقانه عليا اتكسفت ميرا ومعرفتش ترد تقول اي فضلت تبص حواليها كتير وركزت نظرها علي البلكونه وملامح وشها انقلبت للصدمه وقالت : اسر ليلتفت ادهم بسرعه للبلكونه لانه عارف اسر مبيلتزمش بقوانين ومبيخفش من حد وعمره ما خبط علي باب حد دايما بيدخل علي طول من الشباك أو البلكونه لتبعده ميرا بسرعه وتخرج وتذهب سريعا لغرفتها وتضع يدها علي قلبها ابتسم ادهم علي كذبه صغيرته وبدأ يجهز للنزول لتحت نزلت ميرا واستغربت وجود نور في المطبخ وبعد ما السفره خلصت راحت نور وفي ايديها طبق لأسر وحطته قدامه نور : عرفت انك بتحب المسقعه ف عملتهالك وابتسمت استغرب اسر جدا التصرف من : وده من أمتي الحنيه دي ما هو الحدايه مبترميش كتكيت نور متصنعه الحزن : انا قولت اشوف بتحب اي اعملهولك ك شكر لإنقاذك ليا ابتسم أسر وقال : تسلم ايدك اكيد هيبقا احلي حاجه علي السفره النهار ده ميرا : فين شهد نور : ملهاش نفس يا ستي اول ما جه ادهم توترت ميرا وتجنبت تبصله خالص بعد سماع مازن كلام نور اتضايق وطلع علي شغله ادهم : عندكم امتحان بعد بكره خلي بالكم من دراستكم شويه وبعد انتهاء الطعام طلع كل واحد علي شغله وراح اسر يخرج مع الشباب اللي اتعرف عليهم في الجامعه ************* عند حور انا ليه مزعقتلوش وقولتله وانت مالك اصلا هو اصلا ملوش حق يزعقلي كدا وليه بفكر فيه اصلا ردت علي الفون حور بعصبيه : ايوه نعم نور بصوت عالي : هو في اي مش مظبوطين ليه يا حيلتها انتي وهي خليكي معايا عشان يومكم اسود النهارده وفتحت الاسبيكر ميرا : مالك بقا يا شهد حبستك دي وملكيش نفس مش طبيعيه في اي نور : احكي لسه في بلوه غيرك شهد بدموع : حكت ليهم اللي حصل لأنها بتحس انها فعلا مع اهلها واخواتها واول مره تحس بالراحه مع حد غير امها وكملت كل بنت بتحلم باليوم اللي ييجي فيه حد بيحبها بجد وتلبس فستان وتفرح وتفرح أهلها بس انا اهلي ضاعو مني وسابوني ومشيو وحتي الامل في الحب ضاع لانه اتجوزني بس عشان ينقذ موقف احساسي دلوقتي بيقولي اهربي من كل ده وابعدي ميرا : مش يمكن كل ده خير من عند ربنا بصي للأمور بشكل مختلف هتلاقيه عوض ربنا ليكي باباكي لو مكنش بيثق في مازن مكنش من البدايه قاله بنتي معاك ومتسيبهاش حور : ايوه كدا صح هو كدا بينفذ وصيه باباكي كمان مينفعش تعيشي معاه وتفضلي معاه وانتي مفيش اي صله قرابه بينكم شهد : شوفتو بقا يعني اتجوزني علشان بس وصيه بابا ليه او ممكن علشان ينقذ موقف حصل بسببي مش بيحبني نور : انتي بتحبيه صح شهد بتوتر بصت الأرض وسكتت ميرا : تفتكري مازن أو ادهم مكنش ممكن حد فيهم يلاقي حل تاني غير ده كان ممكن جدا اصلا بقا اسر كان ممكن يخلص الحوار ده من بره بره ومكنش حد عرف حاجه بس هو اختار الحجه دي عشان يرتبط بيكي شهد وهي بتمسح دموعها : بجد يعني ممكن يكون معجب بيا حور : اكيد اصلا ميرا تعرف اخواتها اكتر من اي حد هتلاقيه مكسوف بس يعترف نور : ادي نفسك فرصه تقربي منه بس كاصدقاء مش تتلككي اول ما ييجي عشان تهربي شهد : هحاول اكون صديقه بس لو محستش بالحب أو معترفش مش هاجي علي كرامتي وهمشي نور : تصدقي انك بت نكد يلا يا حو حو دورك حور : عايزه اي ميرا : احكي مالك حور : بصراحه كدا بقا اخوكي اللي اسمه فارس ده مش محترم وبارد جدا وقليل الذوق شهد : لا علي فكره ده نسمه ومحترم جدا خبطتها ميرا وقالت: انتي متعرفيش حاجه اصبري نور بفضول : ها عمل اي حكت حور الي حصل وقالت : هو ماله اصلا بصو البنات لبعض وضحكو حور : اي يا عيال في اي نور : شكل كدا في حد هيحب قريب حور : مين احكولي ميرا : ظلمك اللي دخلك هندسه بمعدل ذكائك ده نور : شكل الواد وقع فيكي يا شبح الحته انت يا قمر ميرا حطت ايديها علي خدها وقالت : وشكل حد كمان كدا وقع بصت شهد لنور وقالت : بتهزري نور ازاي ميرا : وهي يتقلد نور عرفت انك بتحب المسقعه ف عملتهالك ضحكت حور وقالت : لا بجد الشبح بتاعنا عمل كدا نور : مفيش الكلام ده كل الحوار اني كنت بشوف بيحب اي عشان محدش غيره ياكل منه عشان حاطه ملين فيه شهد : يخربيتك يا مفتريه ليه نور : عشان يبقا يزحلقني ويوقع عليا الدقيق تاني حور : طبعا مفيش خير بييجي منك اصلا لازم اقفل دلوقتي سلام ميرا : اسر هيعرف وانتقامه بيكون صعب خلي بالك بقا نور : ولا يقدر يعمل حاجه ميرا : يلا بس نلحق نذاكر الامتحانات واكيد شوشو حبيبتي هتساعدنا شهد : يلا يا حبيبتي انتي وهي من غير مطرود ************* كان اسر مع الشاب اللي مكلف بحمايته وبقوا أصحاب يوسف : تعرف يا اسر انا بحب بنت بس مبتبصليش حتي حاولت الفت نظرها بكل الطرق مش عارف افتكر اسر نور وابتسم : هي مين دي يوسف : بنت اسمها ملك اسر : طبيعي جدا متبصلكش يوسف : ليه بس اسر : لانك انسان فاشل ومستهتر وصايع والبنت دي جد و متدينه وعايزه راجل بجد معاها يوسف : انا ممكن اتغير علشانها اسر : انت لما تفكر تتغير اتغير لنفسك مش عشان حد وقرب من ربنا قولي امتي صليت وكنت راضي عن نفسك يوسف : بصراحه ولا مره اسر : يبقا ربنا مش راضي عنك يا صاحبي اعمل الصح اللي يخليك راضي عن نفسك ولو حصل ده اعرف أن ربنا راضي عنك ووقتها بس هعرفك تعمل اي يوسف : بجد انت اخ مش مجرد صديق وانا هعمل كل اللي انت قولته ده بدأ يظهر علي اسر اعراض التعب بس اتحمل وقال : انت جواك شخص كويس مش وحش زي ما بتظهر للناس ومسك معدته يوسف : مالك يا اسر اسر : الحمام فين وصفله يوسف وجري اسر علي الحمام واول ما طلع قال : انا لازم امشي حالا يوسف : مالك بس يا ابني اسر : بعدين بعدين سلام وصل أسر البيت وصل ساعتين في الحمام كله بسببك يا نور الزفت والله لاوريكي حدي اليوم من غير أي أحداث وتاني يوم كانو البنات بيذاكرو مع بعض ومبيخرجوش خالص وادهم سافر علشان يخلص صفقه مهمه وفارس راح يعمل اعلان عن سكرتيره مصممه وتكون بشهادات معينه في تفوقها في شغلها اما اسر راح الجامعه **************** قعد اسر علي كرسي قدام ملك وقال : ازيك يا ملك قامت عشان تمشي سند ظهره علي الكرسي وقال : انا عارف انك معجبه بيوسف بصت ملك بتوتر حاولت تطلعه بشكل ضيق : وانت عرفت منين بقا اسر : المكان ده كل يوم حد ف الاسبوع بتيجي تقعدي فيه وتمسكي الكتاب لاكن انتباهك بيكون في حته تانيه قعدت ملك : انت عايز اي اسر : اساعدك ملك : والمقابل أسر بابتسامه : عايز يوسف يبعد عن الطريق اللي ماشي فيه هدفنا واحد ملك : مع اني مش مقتنعه أن في حد طيب كدا بس همشي معاك أما نشوف هنوصل لفين ابتسم أسر وقام : هبقا اتواصل معاكي سلام **************** طارق : الواد اللي اسمه اسر ده بقا خطر عليا كل البنات بتحبه حتي الواد يوسف اللي كنت بخرجه معانا يصرف علينا مبقاش يخرج وبقا معاه دايما اصبر عليا يا اسر انا لازم اخرجك من هنا **************** وبالليل دخل مازن غرفته وسمع خبط علي الباب سمح بالدخول مازن : ازيك يا شهد شهد : الحمدلله مازن : محتاجه حاجه شهد : اه انا عايزه اشتغل مازن بضيق : ليه اللي انتي عايزاه اطلبي وانا عجيبه شهد : انا هكون مبسوطه لما اشتغل مازن : تمام وانا مش موافق شهد : بس انا عايزه اشتغل بجد سيبني اجرب مازن حاول يتحكم في عصبيته : شهد انا قولت لا الموضوع خلص وانتهي مش عايز اي نقاش فيه مفهوم شهد بتوتر : علي فكره انا دلوقتي بستأذنك كان ممكن معملش كدا مازن بعصبيه و صوت عالي وحاد : اقسم بالله يا شهد لو عتبتي باب القصر ده من غير استاذان لكسرلك رجلك انتي فاهمه هزت شهد راسها بخوف وعيونها دمعت وحطت ايديها علي عينيها وقالت : ا انا عايزه اروح لماما وخرجت من الاوضه اغمض مازن عينه ومسح علي شعره بغضب شديد ************** نور ااااااااه اخيرا هنام الواحد طلع عينه مذاكره اي ده دخلت غرفتها وكانت خلاص هتروح في النوم حست بحاجه غريبه وصوت غريب اتفاجات بافعي كبيره في الاوضه بتاعتها صرخت بصوت عالي دخل اسر بسرعه : اي في اي شاورت نور بخوف علي الافعي مسك اسر الافعي من رأسها وقال : هي دي اللي مخوفاكي كدا نور : ب بالله عليك أبعدها عني اللهي تنستر يا شيخ أبعده قرب اسر منها وقرب الافعي ليها اكتر وقال : دي لطيفه خالص كدا تخوفيها منك بصريخك ده نور : والله يا اسر لاصوت والم عليك اخواتك كلهم وهقول لادهم اسر : مازن خرج وهيبات في المستشفى وفارس لسه في الشركه بيخلص حاجات وادهم مسافر وميرا نومها تقيل وأدام شهد مجتش لحد دلوقتي على صريخك يبقا هي زي ميرا وقرب الافعي اكتر منها نور : ييي اسر متهزرش بجد دي مفيهاش هزار اسر : والملين اللي اتحط في الاكل ده مكنش هزار وانا رايح شغل واتبهدلت نور بخوف : طب انت خدت حقك اهو أبعده بقا اسر : لا اعتذري الاول نور : ا انا اسفه أبعده اسر عنها وخرج وقفل الباب لتأخذ نفسها براحه وتتوعد له *************** في صباح يوم جديد دخل مازن علي شهد وشاف دموعها وشعرها الجميل كانت زي الملاك وهي نايمه صحاها بهدوء اتخضت لما شافته وحاولت تجيب الطرحه بتوتر وخوف حضنها مازن وقال : يا بنتي انتي بنتي ومراتي بتعملي اي جهزي نفسك عشان هنفطر و ورانا شغل كتير نخلصه بعد شهد عنه وخدوها حمره وقالت : انا اصلا مبكلمش ومش هروح معاك مازن : براحتك كنت ناوي افسحك وعاملك مفاجاه شهد بفرحه : بجد مفاجاه اي مازن : اجهزي بسرعه عشان تعرفي وعند سفره الطعام فارس : عندي محاضره واحده بس النهار ده ممكن ابقا اجي اخدكم ميرا : خلاص تمام كان اسر بيبص علي نور اللي كان باين عليها الضيق وكانت بتتجاهله ف قالت نور : يلا يا ميرا اتاخرنا اسر : انتم في طريقي هوصلكم نور : لا شكرا حور هتيجي تاخدنا **************** كان اسر لسه داخل الجامعه واتفاجا بحد بيمسكه من ياقه قميصه لاكن متهزش وفضلت أيده في جيبه وبيبصله ببرود اتجمع شباب الجامعه حواليهم طارق : انا مش هسيبك يا زباله من ساعه ما جيت وانت واخد كل حاجه حتي حبيبتي بتحبك اسر : والله مش ذنبي ان هي مش شايفاك راجل كفايه عشان كدا بصت لواحد تاني ضربه طارق لتنزف شفاه اسر ولاكنه مهتمش وجه يوسف وابعد طارق عن اسر **************** خلصو البنات الامتحان وطلعو يطلبون اكل ويستنو حور تخلص محاضرتها وتيجي ميرا : الحمدلله الامتحان حلو نور : يعني هو مش وحش ما تقومي تطلبي لينا مش كل مره انا ميرا : طيب يا اختي هروح جه حازم لنور وقال ازيك يا انسه نور بصتله نور وقالت : في حاجه حازم لا ابدا انا بس جيت اقولك أن حبيبك بيضرب نور بتفكير حبيبي اسر صح اترعبت نور وجريت لحد المكان وشافت الشباب بتحوش بين طارق وأسر جريت نور بخوف علي اسر : اسر انت كويس حصلك حاجه ومسكت وشه بايديها استغرب اسر تصرفها وخوفها ووجودها اصلا بعصبيه : انتي اي اللي جابك هنا نور بتوتر : ااا انا انا كنت قاطع كلامها طارق بابتسامه صغره وخبث : ليك حق حد يشوف مزه بالجمال ده ويبص لغيرها اتعصب اسر جدا لدرجه برزت عروق يده وكان هيضربه لولا يوسف والشباب بعدوه ونور مسكت أيده بخوف وقالت : عشان خاطري يا اسر اهدي لاحظ اسر رعشه ايد نور وحس بخوفها في عيونها مسك ايديها ومشي بيها بعصبيه *************** طلعت ميرا وهي جايبه الاكل وبتدور علي نور ملقتهاش استغربت وطلعت بره المكان خالص وراحت قدام مبني الكليه تشوفها وتتصل بس مفيش رد قلقت عليها اتفاجات بشاب بيقرب حاولت تبعد بس وقف قدامها وقال : اي يا قمر وأقف لوحدك ليه مستنيه مين بعدت ميرا بخوف اتفاجات باللي مسك ايديها لا إراديا ضربته بالقلم اتعصب الشباب وضربها بالقلم بقوه وقعتها علي الارض وقال : والله لاربيكي يا زباله انتي مش عارفه انا ابن مين أما فصلتك من مبقاش انا دخلت لعميد الكليه وقفها وقعده هو الشاب : البت دي اتبلت عليا علشان مدتش ليها ريق حلو ومكفهاش لا وضربتني كمان العميد بعصبيه وصوت عالي : انتي ازاي تتجرئي يا حثاله انتي تمدي ايدك عليه شكل اهلك معرفوش يربوكي وانا بقا اللي هربيكي كانت ميرا دموعها بتنزل وبتترعش من الخوف وبتحاول متعيطش وفضلت تفكر كتير تتصل بمين اسر اللي قريب منها دلوقتي مجرد طالب عادي ومازن في العمليات وادهم هيبهدل الدنيا لو جه وفارس عصبي بس ارحم من ادهم حاولت تتصل بيه لاكن مفيش رد ************* كان تليفون حور كل شويه يرن ف قلقت وردت علي المكالمه كان فارس بيشرح وشاف حور واتعصب فارس : الانسه اللي بتتكلم في التليفون ما تسمعينا معاكي انتي بتتكلمي في اي حور : انا اسفه جدا يا دكتور بس ده موضوع ضروري مقدرتش مردش فارس : يعني عارفه أن الكلام ممنوع في المحاضره ومع ذالك رديتي طيب يا تفتحي تسمعينا كلنا اي المكالمه المهمه دي يا انتي محرومه من درجات اعمال السنه اي رايك اختاري كانت حور متوتره وفتحت الاسبيكر ميرا : بدموع ح حور ا انتي فين س ساعديني ا انا م مش ع عارفه ا اتصرف دب الرعب في قلب فارس من طريقه كلام أخته خد الفون بسرعه وووو . الحلقة 12 . . ميرا : بدموع ح حور ا انتي فين س ساعديني ا انا م مش ع عارفه ا اتصرف دب الرعب في قلب فارس من طريقه كلام أخته خد الفون بسرعه وقال : في اي يا حبيبتي اهدي اول ما سمعت صوته مقدرتش تمسك نفسها وعيتط بصوت سمع فارس صوت حد بيزعق وبيشتم فارس : مين الحيوان اللي بيتكلم بالطريقه دي ميرا : ده ال عميد فارس : انا جايلك حالا خرج فارس بسرعه وركب سيارته واتفاجا بحور ب