الفصل السابع
*📚قصص||روايات||منوعة📚*
_*بإدارة 📚قصص||روايات||منوعة📚*_🧡
*❴📖❵الفقد*
*❴🔢❵الـــبـــــــــــ❴السابع❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:قناة:*
*📚قصص||روايات||منوعة📚*
*❴📚❵↵القناة:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*https://whatsapp.com/channel/0029VaNMcGuHFxP9VtPQOm2A*
*📚قصص||روايات||منوعة📚*
➖➖➖➖➖➖➖➖➖
.
➖➖➖➖➖➖➖➖➖
*❴🧡❵↵ *يمان سعيد* 🧡
➖➖➖➖➖➖➖➖➖
*❴📝❵↵تـنـسـيـق:قناة:*
*📚قصص||روايات||منوعة📚*
https://whatsapp.com/channel/0029VaNMcGuHFxP9VtPQOm2A
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*
قصص وروايات 📚📖:
#الفقد (7)
#نــــســمــة
🌸🌸🌸🌸🌸🌸🌸
بلشنا دراسة ونحن متشوقين جدا للكتب وعرفانين قيمتها وقيمة العلم
وعرفانين شو يعني يكون بإيدنا شهادة
وشو جاية ع بالي بهدل كل يلي بحياتي يلي كانو يقولولي المرا لبيت زوجا وﻻكمل علمي وشو بدا البنت بالشهادة
متخيلين كل يلي صار فينا لو كان معي شهادة وقدرت دبر شغل بهالشهادة ولو بسيط ماكنت وصلت اليوم انا ونغم لهون
كنا ندور ع اي شغل ب إي مكان ونتقلع بس لو كان بإيدنا شهادة كانو ع الاقل الناس احترمونا اكتر
وشو استفدنا من كلمة البنت لبيت زوجا وينو هالزوج السوبر مان هاد وينو السوبر هيرو يجي يطالعني من يلي انا فيه لك حتى لو اجى وطالعني من كوم هالسواد هاد متخيلين ح ارتاح معو!
بنهاية المطاف رح يضل يهتني ويعيرني ﻵخر يوم بحياتي انو هو يلي تحنن عليي وتمنن وفضّل وانقذني
اوووف شايفين كمية الفشل بمجتمعتا
وكمية هالسواد هي
بتمنى نخلص منا بأقرب وقت....
جوري:الحب زي الوتر تعزف عليه الحان
وتلف بيه العالم من غير متروح مكان
وتشوف معاه العجب
تسمع أصول الطرب
من قلب حب وطب وداب وغناه في كل مكان
وانا قلبي عاشق للغنى من يوم ماحبيتك
شكلي تولد انا من جديد اول ما انا لقيتك
لو يوم تحس انك وحيد انا حضنك انا بيتك
ليث: ياستي نيالو الي رح تكوني حضنو وبيتو
جوري: -خجلت وماكنت منتبهة لوجودو- ههه تسلم صباح الخير
ليث: ياصباح النور ع المعهد انت ونغم؟
جوري: اي ع المعهد
ليث: تعي لوصلكن
جوري: خبرنا عدي انو هو ح يجي
ليث: مممم طيب ديرو بالكن ع حالكن
جوري: ءءء بس انا كنت بدي حاكيك
ليث:اي خبريني
جوري: مشان الشغل ءءء انا ونغم عملنا جدول وقسمنا فيه وقتنا وحابين نشتغل وندرس لنسد التكالييف يعني
ليث: ليش حدى قلك اني مو قدران سد التكاليف!
جوري: ﻷ مو هيك بس مالك محبور د.ليث بالنهاية انت مستضيفنا هون بس ونحن ﻻزم نأسس حياتنا من أول وجديد يعني قو-قطعني-
ليث: مفهوم، فهمت عليكي وعليها -سحب نفس عميق- شوفي ياجوري طول ماانتي تحت سئف بيتي مافي شي اسمو اشتغل واصرف ع حالي وخلينا نعتبرو اتفاق انا بالنهاية رجل شرقي وهالشي بيضرب بكرامتي كتير بس اذا انت مدايقة من هالشي ف رح نبرم اتفاق بينا يرضيني ويرضيكون
جوري: يلي هو
ليث: كل شي بقدملكن ياه اعتبرو دين بتردولي ياه وقت يصير معكن بس قدام رفقاتي وخالتي مافي هيك شي ابدا
طالما هالشي بريحكن انا معكن فيه
ها شكلو اجى عدي
....................
عدي: خالتي انا برا ناديلي للبنات يطلعوا زكاتك
ام محمد: اي يلا يلا
نادتلنا الخالة ونزلنا مابعرف ليش قلبي كان عم يخبط محلو
مابعرف ليش حسيت حالي فرحانة
وليش حسيت بنشاط وحب للحياة مختلفين عن يلي قبلن
عدي: ان شالله دائما هالضحكة ياجوري
جوري: هههه تسلم
................
(📱اتصال)
ليث: من زمان ماطلعنا سوا شبك ليش هيك حارمتيني منك؟
ﻻنا: ءءء لﻷ انو مو هيك بس مشان تشتقلي يعني
ليث: طب أكتر من هيك؟ والله بموت ...
ﻻنا: طيب خلص بركي بمر لعندك اليوم
ليث: بركي!
ﻻنا: بحاول خلص ، بعدين قرب عيد ميلادي وﻻ نسيان
ليث: لك معقول انسى هاد تاريخ وﻻدتي انا من جديد مو وﻻدتك انت أصلا أنا أنت
ﻻنا: ياروحي معناها ح تجهزلي مفاجأة حلوة كتير مو؟
ليث: طبعا ياروحي طبعا
كمل المكالمة وسكر وهو عم يتنهد بالوقت يلي فات محمود لعندو فيه
ليث: يافتاح ياعليم من الساعة 6 شو جابك
محمود: من فوق مالك صاحب سوء وماقطعت معك ولسى عم اوصلك
ليث: هههه أصيل قعود شو تشرب
محمود: ﻻ فطرني
ليث: اي مو تكرم استنى ليجي عدي ومنفطر سوا
.................
عدي: نغم هاد رقمي اي شي بدكن ياه فورا بدقولي تمام
نغم: ءءء اي تمام
طبعا عدي راح عن بالو انو نحن مامعتا جواﻻت نزلنا وحطت نغم الرقم بجيبتا فتنا ع المعهد كان كتير حلو من جوا والمقاعد فيه حلوة ومنجدة مو متل المقاعد المعتادة شي كتير راكز
نغم: شو هالمعهد هاد بيفتح التفس للدراسة
جوري: اي بربي
قعدنا قدام بعض طبعا وبلشنا نتعرف ع البنات يلي معنا وقبل ماتبلش الحصة ببلشو الشباب يفوتو
جوري: في شباب معنا؟
رنا: اي ليش مابتعرفي مختلط نحن
جوري: ممم شو عنا هلق؟
رنا: فلسفة رح اعطيكن البرنامج
...................
عدي: محلاكن وتفطرو بدوني يعني قال استنيناك قال
ليث: هههه من يوم يومك بتعرف تقلب الطاولة علينا قعود يلا ح يوصل الاكل
محمود: عم يقلي ليث انكن سجلتو البنات بكلوريا
عدي: بمعهد المستقبل الكادر تبعو ممتاز جدا ع فكرة -مسك كاسة المي وشرب-
محمود: اي بس مختلط والبنات مبين عليهن مو من بيئة فيها اختلاط
اتشردق عدي وصار يسعل قام ليث ودق ع ضهرو
ليث: شبك شبك ع مهلك هالئد عطشان
عدي: لك شلون راح عن بالي اسأل اذا مختلط لك بس ماشفت شباب فيه والله ماشفت
محمود: بنكون فتت بوقت الحصص او ماكان دوام او يمكن تغير مابعرف بس يلي بعرفو انو مختلط
ليث: خلص بس يجو منفهم منهن
محمود: انت من لما فتت لعندك حاسك مصفر شبك مرضان شي
ليث: ﻷ ابدا
محمود: مدايق طيب؟ شبك
ليث: منيح منيح
قام ليث وطلع مسك الجوال وعم يبعت رسائل
محمود: شبو!
عدي: ﻻنا في غيرها
محمود: لك بنت تافهة وسطحية وفاضية وكلا من فوق لتحت تركيب ومتصنعة ع شو حاببها بس
عدي: منزلا من السما بأفة وتعى حكيلو بيجن ﻻبدو ينتصح وﻻ يفهم وﻻ يستوعب ﻻ وفوق كل هاد مادية
محمود: اي كتير مادية وهو مو حاسس ع هالشي
عدي: لك حمار هاد مو مالو حاسس قال كل البنات ماديات فرقت كتير انو ﻻنا مادية زيادة عنن شوي
محمود: ها!
عدي: اي والله هو امو كانت هيك والعيلة حوليه كلن راكدين ورى المصاري وبتعرف انت البنات بشكل عام بحبو الماركات وهالقصص
محمود: بس والله في بنات حلال وبيرضو بالقليل
عدي: تعى بقا قنعو انو ف-فات ليث- انو جوعانين يارجل جعنا طول الاكل محمود ما
محمود: طول طول شو ليث وينو الاكل
ليث: ليكن وصلو وين الشاي ياممدوح
عدي: كأني بقهوة مو بصيدلية لك احترم مريولك قال وين الشاي ياممدوح
ليث: اي ﻻتتزهرم شاي مع الاكل غص موت
........................
(بهمس)
جوري: افففف داق خلقي
نغم: وانا متلك صرلو ساعة وربع عم يلعي ومالي فهمانة شي والله كنت حب الفلسفة انا ليش هيك صارت صعبة
جوري: وشو هالقصص الي عم يفتحا هي شو دخلنا ب ابن خالتو نحن وقت اتسمم من المايونيز تبع المطعم شو هالمسخرة ماحبيتو
نغم: بس شخصية هههه
جوري: في شب بأول مقعد أكلك بعيونو
نغم: بملح وﻻ بلا ملح 😂
جوري:😂 زنخة
نغم: عم يطلع عليكي انتي ياحولة
جوري: ﻷ أنت ياهبلة
نغم:لك والله انت
جوري: تجي نسألو هههه
نغم: هههه ﻻ خلص ضراير
الاستاذ: ماخلص حديثكن انتو التنتين انتو جداد مو
نغم: ءء اي جداد ءء اي بس كنت عم قلا
الاستاذ: مابدي اعرف ماسألتك اصلا بس ﻻعاد تقعدوا قدام بعض ابدا مفهوم
نغم: حاضر استاذ
كملت الحصة يلي كانت مدتها ساعة ونص وخلصنا طلعنا ع الفرصة لنتنفس شوي
نغم: شو عنا هلق ياترى
جوري: مابعرف ان شالله عربي اشتئت للقصائد
نغم: اي سكتي الي بيسمعك بصدق
كنتي تقضي الصيفية كلا لتحفظي القصائد هههه
جوري: هههه يالله ع هديك الايام اس الله ولو كان عمري 13 سنة بوقتا اووف عمر والله يانغم ماشوه هالاحلام البريئة الا زواجي من سامر
نغم: الله ياخدو وين مادار وجهو
جوري: حرام ﻻتدعي عليه ليكي كان منيح وكان يحبني بس ايدو طويلة
نغم: اي كنتي ﻻتطلقي طالما كان منيح وبحبك
جوري: فهمتي غلط طبعا انا بكرهو وطلافي كان بإرادتي بس الغلط الاول مو منو الغلط من اهلي هنن يلي غصبوني الله يسامحن ويرحمن
خيم الصمت علينا واتذكرنا كتير شغلات بينا وبين حالنا ماقدرنا نحكيها ﻻن اذا حكيناها ح نبكي فورا
فتنا ع الحصة الي بعدا وانا سارحة عنجد وعم فكر
بوقتا كان أول مرة إلي بفكر فيها بليث
جوري:(انو شب بجنن وجنتل مان وشهم وحلو وزوئو بشل بس يالله خاطب لك مو بس خاطب بموت عليها لدرجة مامنعرف اسما ع حبيبتي وروحي وشريكة حياتي ومسميا ع التلفون اكسجيني اوف يا والله عم غار منا وانا مابعرفا اصلا طب ليش يعني يالله انا ﻻزم اعمل stop لهالمشاعر هي شو هالهبل هاد ياجوري الزلمة خاطب ويمكن بإي لحظة تكوني عم تشتري بدلة لتحضري فيها عرسو ...... لك ﻷ انا تانية بدلة وعرس ليش هيك الافلام مأثرة ع راسي انا كمان اصلا مارح احضر عرسو حتى لو عملو وانا كنت لسى بحياتو )
اﻵنسة: انكشيها لرفيقتك شاردة كتير
نغم: جوري
جوري: ءءء اي
اﻵنسة: خليكي معي القاعدة مهمة كتير
....................
صارت الساعة 5 المسا ورن الجرس اﻷخير
جوري: واخيرا بقا
نغم: حفظتي طريق الرجعة؟
جوري: ﻷ بس هلق منسأل عادي
نغم: تمام معناها ح نرجع ع البيت الساعة 6 ان شالله
جوري: هههه اي
نغم: جوج اذا لسى معك مصاري منشتري جوال بس مشان نحكي فيه شو رأيك
جوري: مامعي مصاري كتير مابظن يكفو حق جوال يعني (طلعنا من المعهد)
نغم: مو ضروري يكون تقيل وحديث
زمرلنا ليث ﻻنتبهنالو كتييير انبسطت مابعرف ليش وركبنا معو
ليث: نورت نورت
نغم: بوجودك
جوري: ليش عزبت حالك كنا رح نسأل ونرجع مشي
ليث: شلون مشي الساعة 5
نغم: مابأثر لسى الدنيا ضاوية مارح نلبكك انت وعدي رح نحفظ اطريق ونروح مشي ونجي مشي
ليث: ﻷ معلش عزابكن راحة انتو درسو وماعليكن بالتوصيلة وبالوقت يلي مارح نكون فيه فاضيين بتروحو مشي ﻻتاكلو هم
كان واضح انو عم يسايرنا مسايرة وكل مرة كنت عم شوف فيه الرجال يلي بتحلم فيه اي بنت عم شوف فيه رجل شرقي بجنن عم شوف شرقية حلوة ومعنى تانية للشرقية مابعرف ليش بس كل شي فيه كان إلو معنى تاني
ليث: صحيح قلولي معهدكن مختلط شي؟؟
-سكتنا شوي-
نغم: اي مختلط
ليث: ممم بيزعجكن هالشي؟ انقلكن ع معهد تاني؟
جوري: ءءء ﻷ مافي داعي منيح المعهد بعدين نحن بحالنا وهنن بحالن ماحدى بيدخل بحدى
ليث: طيب انا خايف تكونو مزعوجين من وجود الشباب اذا انتو مو متعودين ع الاختلاط يعني
كملنا الطريق ووقفنا عند الصيدلية
نزلنا
نغم:طيب نحن رح نسبقك ع البيت
ليث: ﻷ ﻷ استنو منروح سوا تعو فوتو شوي
فتنا وكانو لسى عدي ومحمود
نغم / جوري: مسالخير
محمود:مسالنور اهلا
عدي: اهلين صبايا كيفكن -كان عم يطلع ع نغم-
جوري: تمام مناح
عدي: هي جوري وهي نغم
محمود: اتشرفنا
عدي: رفيقنا محمود
جوري/نغم: تشرفنا
ليث فات لجوا وكان عم يدور ع شي
نحن وقفنا نحكي مع عدي وضحكنا وبعدين عدي اقترح علينا انو ننزل نجيب لوازم ناقصتنا من الاقلام والاوراق وهالقصص انا رفضت ﻻن كنت تعبانة بس نغم ضلت ساكتة كانت حابة تشتري كم غرض ماوفر ابدا الفرصة عدي وألح عليها
عدي: أمشي نغم يلا منقضي المشوار ومنرجع
نغم: طيب
طلعو نغم وعدي اطلعت بليث لقيت ماعجبو الوضع بس سكت قعدت شوي بعدين قمت لعندو لقلو اني رايحة
مشيت ووقفت قدامو تماما
جوري: ءءء ليث
اندار لعندي وترك الورق
ليث: قليلي
بس قبل ماقلو انطفت الكهربا فجأة وبس انطفت جنيت ضميتو فورا وصرت ابكي كتير
جوري: ليث قلن يشعلوها ..... مشان الله ليث عتمة كتير أمانة ﻷ ....
ليث ماعاد عرف شو يعمل تفاجئ كتير ضمني بقوة وحاول يهديني
ليث: اهدي جوري اهدي مافي شي محمود شغل جوالك
محمود: لك عم دور عليه ماعم ﻻقيه
ها ليكو
شغل محمود الفلاش بس ضليت خايفة عطا الجوال لليث
نزل ليث راسو لعندي
ليث: هي ضو جوري مسكي بإيدك خدي ليكي مافي شي ابدا نحن هون معك خدي
هديت شوي بس لسى عم ارجف اخدت الجوال ومسكتو وبعدت عن ليث بس ضليت متمسكة بكنزتو كتير خجلت من حالي وانو ماكان ﻻزم قرب عليه بس انا لسى خايفة
اطلع ليث بمحمود ومحمود هزلو براسو وقلو
محمود: انا طالع شوف ممدوح بركي بشغل المولدة
وقت طلع
رجع ليث ضمني وانا من ﻻشعور ضميتو كمان صار يهديني ويقلي مافي شي والعتمة متل الضو وهو معي ومارح يتركني ورجع طلع جوالو وشغل الفلاش مشان يقوى الضو أكتر
مسحت دموعي واعتذرت منو
ليث: ﻻ تعتذري وﻻ يهمك
جوري: مو بإيدي هي العتمة صارت فيها كتير شغلات بشعة بهي العتمة كتير ماتو ناس وكتير تعرضت ﻷذى ولمواقف بشعة ولسرقة ولكتير شغلات مابقدر اتحكم بإعصابي بخاف من العتمة بتذكر شغلات مو حلوة بخاف كتير
كان زعلان عليي كتير
متل زعل عدي ع نغم تماما يلي فقدت اعصابها متلي وهداها كتير طلعها ع سيارتو وشغل الضو مسحلا دموعا هو وخايف عليها وضل ماسكلا إيدا وعم يمسح عليها
عدي: أنا معك نغم شبك خايفة هيك انا معك ﻻ تخافي
نغم: قضينا شهر كامل مشردين انا وجوري شفنا فيه كتير شغلات بشعة
حاولنا نفوت ع مدارس او ملاجئ او حدايق كنا نرفض ماكنا نعرف وين نام (بكيت كتير) بالليل كانو يفكرونا مو مناح او لما نام ع درج شي بناية يطلعو يقلعونا....... كل شي بشع كان يصير معنا بالعتمة ....... حتى لما نقصفنا وطلعنا وراحو اهلنا كان الصبح بكير كتير ومن كتر الدخنة والغبرة كان عتمة ..... ماتو اهلي ....واهلا لجوري.... وقعت.....وقعت البناية ع راسن ......
رجع مسح دموعا عدي وهو مدمع وشد ع إيدا
عدي: أنا معك ---- مارح أتركك ﻻتخافي
.......................
رجعنا نحن ال2 ع البيت كتير تعبانين سلمنا ع خالة ام محمد باﻹيد وطلعنا
رجعو عدي وليث ع الصيدلية من دون مايحكو متأثرين بحكي سمعو منا ﻷول مرة
ليث: ليش هيك صار
محمود: قلتلك من قبل انهن ضحايا حرب مارق ع راسي كتير بكون معن فوبيا من كتير شغلات او خوف كبير مابوصل لمرحلة الفوبيا بس الكل بكونو خايفين غالبا من العتمة ومن الاصوات العالية ومن الاماكن الضيقة او المنخفضة على حسب يلي عاشو بفترة تعرضن للحرب
بس ﻻتخافو ع حسب ماشفت
من جوري هلق حالتن مو صعبة كتير
عدي: شلون مو صعبة؟؟ انت ماشفت نغم بكيت وماعاد تحملت ضمتني حتى ومو حاسة ع حاﻻ كانت عم ترجف من الخوف
محمود: متل جوري في حالات اصعب بكتير قلتلكن حسب يلي عاشو
ليث: طيب الحل الحل
محمود: هلق في حلول بس خايف مايتقبلوها اذا مو متقبلين مرضهن او معترفين فيه
عدي: متل
محمود: يطفو الضو دقيقة ويضلو موجودين بهالمكان ومتحملين العتمة لدقيقة لمدة 3 ايام بعدها الدقيقة بتصير 3 دقايق وبعدا بتصير 5 دقايق وبس يصيرو قادرين يتحملوها 5 دقايق بتصير المسألة خوف عادي وبكونو قطعو شوط كبير من هالخوف
عدي: كيف بدهن يصبرو دقيقة اذا بهالدقيقة نهارو هيك
محمود: هلق انا دائما كنت انصح انو يكون معن مصدر للأمان بالنسبة الن يعني أم أب أخ أخت رفقات اي حدى بلاقو معو أمان يكون معن
ليث: مبدأيا هيك كل وحدة فين مصدر أمان لتانية وبصراحة مابظن انو حدى فينا يقدر يكون معن
محمود: بس هنن ال2 عندن نفس الخوف لو ضلو لحالن ح يتوترو اكتر وح يخوفو بعض اكتر ح يتذكرو نفس الوجع والمشاهد الي صارت معن هيك ح تكون مرحلة العلاج اطول وابطئ
ليث: يعني الحل هلق
محمود: الحل انو نحن يلي نكون معن مافي غيرنا
عدي: وهي نا الجماعة مافهمتا ليش نحن
محمود: عفوا !!
-ليث كان فهمان على عدي ف غمز محمود وسكتو لحتى ماتصير مشكلة -
...........................
جوري: اتزكرت كل وجعي بلحظة
نغم: من زمان كتير ماقعدنا بالعتمة بهالمنطقة قليل لتنطفى وحتى بليل يضل في ضو شغال لنسينا العتمة تقريبا
جوري: -اخدت نفس عميق- بدي اطلع من يلي انا فيه نغم مشان الله بدي أخلص مابدي شي يذكرني
نغم: ح نخلص بوعدك ح نخلص
...................
محمود: ح ترافقهن ح تقربو منهن اكتر من هيك بكتير يعني ليث مثلا بتمرق عليهن قبل ماتنام عدي كل يوم بتاخدن وبتجيبن بتطمن ع دراستهن بالنهار دقولهن اكتر من مرة رافقوهن كتير ليأمنو فيكن منفوت بمرحلة العلاج من هالخوف ﻻنو مافي غيرنا موجودين بحياتن يعني مافي اشخاص تانية
......................
وبلشت المرحلة يلي انا بعتبرا أحلى وأجمل مراحل حياتي يلي عم اكتبلكن ياها
بلش ليث يتقرب مني واول خطوة عملها جبلنا جواﻻت علما انو اخدت الجوال وانا كتير خجلانة منو بس هو سايرني وقلي انو كلو مسجلو بالدفتر وكلو متل مااتفقنا دين .....
صار يقرب منا يصبح علينا كل يوم ويمسي
وقت السهرة يدقلنا لننزل ع الحديقة نسهر معو
حبيتو اي رح جبلكن ياها من اﻵخر وبدون طول سيرة حبيتو وتعلقت فيه ﻷبعد حد
قلبو دقلو وصرت غنيلو كتير ماكان حدى حاسس فيني الا نغم يلي ماكنت قدرانة صارحها بحقيقة مشاعري تجاه ليث ﻻني كنت خجلانة من هالحب خجلانة اني عم حب شب مرتبط ورح يتزوج وانا يلي كنت ماخلي كلمة مااحكيها ع هيك نوع من البنات يلي بكون اسمهن (خطافين الرجال)
مرقو 3 أسابيع صارو ليث وعدي فين كتير رفقاتنا نحن كنا مستغربين انو كيف وليش هالتغيير هاد بس حبينا كتير وعملنا جروب واتس نحن ال4 والحياة تمام ماشية معي
لحد مااجى عيد ميلاد أكسجينو لليث خطيبتو (ﻻنا)
#نــــســمــة
#يتبع
بهمني رأيكن❤