الفصل الرابع
*📚قصص||روايات||منوعة📚*
_*بإدارة 📚قصص||روايات||منوعة📚*_🧡
*❴📖❵الفقد*
*❴🔢❵الـــبـــــــــــ❴الرابع❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:قناة:*
*📚قصص||روايات||منوعة📚*
*❴📚❵↵القناة:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*https://whatsapp.com/channel/0029VaNMcGuHFxP9VtPQOm2A*
*📚قصص||روايات||منوعة📚*
➖➖➖➖➖➖➖➖➖
.
➖➖➖➖➖➖➖➖➖
*❴🧡❵↵ *يمان سعيد* 🧡
➖➖➖➖➖➖➖➖➖
*❴📝❵↵تـنـسـيـق:قناة:*
*📚قصص||روايات||منوعة📚*
https://whatsapp.com/channel/0029VaNMcGuHFxP9VtPQOm2A
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*
قصص وروايات 📚📖:
الفقد (4)
#نــــســمــة
🌸🌸🌸🌸🌸🌸🌸
كل سنين الحرب سودا
كل سنين الحرب باردة برغم كل النيران يلي فيها بتكون باردة وبشعة وكتير
بالحرب يلي مرت على بلدي كل بيت فقد شي
بيت فقد شب واستشهد
وبيت فقد ابن وسافر
وبيت فقد اب وانفقد من دون ماحدى يدرى عنو
بيت مات من الجوع من غلاء الاسعار
بيت انهد وصار رماد واضطرو اهلو يبلشو من جديد بحياة جديدة وكأنو هلق بلشو من ال0
بيت انفقد من الوطن اصلاً واندثر وصار بلا هوية وﻻ انتماء
بهالحرب يلي مرت انا ماكنت من وﻻ بيت فيهن لحد 6 حزيران
انا كنت من الناس يلي فقدت الامان
و يلي فقدت الثقة
من الناس يلي بتطلع كل يوم دما ع كفا ﻻنو بإي لحظة ممكن يصير انفجار
بإي لحظة ممكن تتقوص برصاصة طايشة من اشتباك
او تموت بشظية قذيفة نزلت بعيدة عنك
انا كنت من العالم يلي لما تطلع من بيتا تقول الدعاء وتقرنو بلفظ الشهادة في مالو ماتت
من الناس يلي تطلع متوضية من البيت ومصلية ركعتين الحفظ
فقت ع الساعة 4 الفجر ب6 حزيران
الاشتباكات الرصاص بشكل هستيري
أمي:يالطيف يالطيف يالطيف الطف فينا يارب
جوري: خايفة خايفة يا امي دخيلك قلبي عم يخبط خبط من جوا
أمي:وكلي ربك امي متل كل مرة الله يلعن هالحرب بئى
جوري:مو متل كل مرة ﻷ سيخ نار جوات قلبي ياامي
امي: سلامة قلبك تؤبريني مافي شي هلق بيجي ابوكي وبطمنا
اجى ابي يلي كان مع جيران لونو اصفر ومخطوف
امي:شوفي
ابي:وﻻ شي بس البسو وضبو اغراض يمكن نهرب (بكيت فورا)
امي:لوين بدنا نهرب !!
جوري:قلتلك.... مو متل كل مرة
ابي: مافي شي ابي مافي شي بس احتياطا انا طالع وقف تحت مع الزلم وشوف الوضع ضبي اواعي شوي مو كتير وكل المصاري والدهب ضبيهن يلا الله يحمينا
نزل ابي
قعدت اقنع حالي انو كالعادة ساعتين بالكتير ورح توقف كالعادة
بس هالمرة صارت الساعة 6 ومو بس ماوقفو
لبين ماصارت الساعة 6 كانو مستخدمين جميع انواع الاسلحة
الراجمة والرشاشات وفاتو دبابات وع ال6 طلعت الطيارات الحربية وهون كانت الكارثة
البراميل والصواريخ ينزلو علينا مطر
طلع ابي مسكني ودفشني ع الدرج من حلاوة الروح ركدت فورا وهربت طلعت لبرا البناية كان منظر بخوف الدمار فظيع الدمار والحرب شوهت المكان وقت طلعت من البناية نزلت قذيفة بعيدة شوي هربت فورا وبعدت فتت ع بناية نغم وانتظرت اهلي ليطلعو ويجو واذ
بتنزل قذيفة ع بنايتي بتروح نصا
رجفت انهرت قعدت بإرضي من دون صوت ماكان عم يطلع كنت بدي اصرخ بس مافي صوت ﻻصرخ فيه
مافي غير دمع
دمع دمع سياخ نار عم تنزل من عيوني كانو اهل نغم نازلين
نغم:جوري ....... جوري عمري قومي قومي شبك
وقفتني وسندتني اطلعت ع بنايتي وشهئت
أم نغم:شبها فيها شي
نغم:(ببكاء) وين اهلك وين امك وين ابوكي؟؟؟
اشرت ع البناية
اطلعت ام نغم وشافت
ام نغم:ﻻحول وﻻقوة الا بالله
خلونا نمشي بسرعة بسسرعة
مامشيت ماقدرت امشي ركابي ماحملوني ورجليي صارو يرجفو مالي مستوعبة يلي صار وعم انطر أهلي
أبو نغم:يلا عمي يلا بسرعةةةة رح يتسكر الطريق
جوري: أمــــــــي ..... أبـــــــي
رح يطلعو رح يطلعو استنووووو
أبو نغم:لك شو بدك تروحي حالك أمشي البناية عم تهبط اصلا أمشي
ماحملوني رجليي وماعاد اسمعت صوت حدى دفشت نغم ورحت باتجاه بنايتي يلي عم تهبط شوي شوي
عم ابكي وقول اطلعو يلا يلا ناطرتكون يلا
بس ماوصلت العسكري مسكني من ايدي ولفني
العسكري: أمشي من هون يلا طلعي
نغم:بس أهلي ماطلعو
العسكري:أختي مالي فاضيلك طلعي طلعنا كل المدنية ورح يتسكر الطريق يلا
بقيت صافنة وماعم استوعب لحد ما نزلت قذيفة قريبة شوي وطينا راسنا وصارت تصرخ نغم وتقلي أمشي رجعت مشيت ع البناية
العسكري: شو ماعم تسمعي أنتِ لك طلعي عم قلك بدك تموتي؟
طلعت فيه وضليت جمدانة وعم ابكي لنضرب رصاص قريب قرب واضطر هو وعم ينفخ يحملني ومشي فيني وقتا بس وانا عم بعد عن. البناية واطلع من الحي ﻻستوعبت انو فعلاً اهلي ماتو
هون فقدت السيطرة ع حالي صرخ وابكي وادفش الشب لينزلني وهو متحمل لبين مايطلع
مشي وسبق أهل نغم بس نغم ركدت لعندي وعم تهديني
لحد مانزلت قذيفة فصلت بينا وبين اهل نغم اطلعت نغم لوراها مالقت الا الغبرة وقفت مسكها العسكري من ايدها وشدها شد صارت تبكي متلي وتصرخ وصار صعب عليه يشدنا نحن ال2 لحد مالمح حدى من رفئاتو
العسكري: يا عــــــمار تعى يستر ع عرضك
ركض الشب ومسك نغم وطلعونا حطونا ع اول الطريق
العسكري:انتبهو بدكن تركضو هلق بإقصى سرعتكون وع شكل زكزاك مو بشكل محدد مشان ماتنقنصوا وﻻ تتقوصوا مابتطلعو لوراكن شو ماصار
نغم:(ببكاء) واهلنا
العسكري:كل المَدَنية الي جوا رح يطلعو يلا مو فاضين يلا ركضو بشكل عشوائي اوعكن تطّلَّعو لورى اوعوكن تفوتو ع حارات ع طول الشارع رح تطلعو من الحي الحاجز يلي برا رح يطلعكون
اطلعت بنغم
جوري:مو قدرانة اركض
نغم: وﻻ انا بس مابدي موت جوري انا مابدي موت
جوري: وﻻ أنا ..... مابدي موووت...
مسكت ايدي وبدنا نركض
العسكري:ﻻ تمسكو بعض كل وحدة لحاﻻ بسرعةةةة
بعدنا وبلشنا نركض بشكل عشوائي متل ماقال صار يجينا رصاص وكل مالو زاد من سرعتنا صرت روح يمين شمال لقدام شمال يمين مالي جهة معينة اركض بكل الجهات ووصلت ع آخر الشارع وكان في حاجز فعلاً واهل الحي يلي قدروا يطلعوا واقفين بعيد عن الحاجز لبرى بس مبينين يعني
وصلت ع الحاجز ووقفت كنت عم الهت كتير قرب واحد
العسكري: الحمدلله ع سلامتك تعي طلعي يلا
جوري: ﻷ أهلي جوا ..... ونغم (انتبهت لعدم وجود نغم) نغم لك نغم وينا كانت عم تركض معي نغم ياربييي نــــغــــم
قعدت ع الارض ابكي وابكي وابكي
عم حس بقلبي رح يوقف
كنت رح اختنق من شهئة البكوة يلي عم ابكيها وصار قلبي يدق بسرعة كتير
العسكري:طولي بالك قومي اذا شافك هلق المسؤل عنا انا بتبهدل ممنوع حدى يضل داخل الحي يلا قومي
جوري: نغم نغم ......واهلي...... وكمان اهلا
العسكري: لك اختي قسماً بالله مافاضي خلصيني يلاااا
جوري: (استغربت من برودة مشاعرو وقساتو يمكن ﻻنو شاف كتير ناس عم تموت مثلا؟ يلي بيتكرر نفس المشهد قدامهن دائما بيتحجرو قد ماكان قاسي بصير فيهن متل الدكاترة بكل سهولة الله يرحمو وبغطو وجهه وبيطلعو ﻻنو مشهد الموت بيتكرر قدامهن دائما بقدر أفهمن وأستوعبن ومابقدر لوم حدى منن بس بوقتا ماكنت عم أقدر أستوعب شي
ضميت رجليي وحطيت راسي ع ركابي ) خليني موت ماعاد بدي عيش قتلوني....... ماعاد بدي عيش
العسكري:ليكي في بنت جاية من بعيد شوفي بركي هي نغم
اطلعت بسرعة وفعلا كانت نغم عن تركض صرت ابكي واضحك سوا
ووصلت لعندي وضمتني كتير
جوري:وين كنتي خفت عليكي.... خفت تكوني تركتيني
نغم: لك أنا الي فجأة معاد شفتك.... فكرت اتصاوبتي صرت دور عليكي
ولحتى اختصر احداث كالعادة طلعنا من الحي كلو وصرنا بحي تاني تماما مافي شي وهدوء والحياة ماشية والامن نسبيا مستتب ﻻنو ببلد فيها حرب مابتقدرو تقولو في أمان
ودائماً الامان بكون شكلي ﻻنو فجأة القيامة بتقوم
دورنا انا ونغم ع شي مكان نقعد فيه مالقينا لحد ما فتنا ع بناية واطلعنا ع آخر طابق فيها وقعدنا ع درج الاسطوح كرمال ماحدى بشوفنا
قعدنا عم نبكي نحن ال2 ع الي صار فينا
وبلشت البكوة تعلى
نغم: وطي صوتك كرمال الصدى مايودي
هزيت براسي
جوري:نغم شو بدنا نعمل هلق؟؟
انا ماعندي أهل هون أبداً عم واحد مسافر وأمي وحيدة لا خوال ولا خالات وين بدنا نروح؟؟
انت ماعندك حدى؟ (سألت وأنا رايح عن بالي أنو هي الصفة المشتركة بينا أنا ونغم هي كمان أهلها عيلتا الصغيرة وبس)
نغم: انا ماعندي حدى ابي وحيد وامي عندا اخت بس صارت بتركيا
جوري:ياويلي .....يالله شو صار فينا برمشة عين ..... شو ح نعمل؟؟
ابي وامي يااالله
نغم: انا معي شوية مصاري حطيتهن بجيبتي
جوري: اي اي وانا كمان انا خبيت المصاري معي وامي خبت الدهب معها
طبعا الحديث بينا كان كلو بكي ويلي قدرنا نحكي حكينا ﻻنو الحكي ماكان طالع يعني مو بهالسلاسة يلي قرأتوها انتو هلق
بس ماعم يروح من بالي هدوء الحي التاني ولسى أهلو نايمين والمحلات شغالة والمدارس ولا كأنو حياة كتااار أدمرت قبل شوي ولا كأنو في حي قريب منهن راح كلو
(بعد مرور 3 أسابيع)
بلشت قصتي الجديدة
بلشت حياتي الجديدة
وبلشت معاناني الجديدة
..................................
جوري: تعبت مليت
نغم: مو قدي انااا جوعانة كتير
جوري: وانا كمان جوعانة كتير بس مافيني نشتري ﻻزم نوفر مامنعرف اديش رح نضل
نغم:جوري تعبت من نومة الدراج وقدام باب الاسطوح
ماكنا عرفانين نستأجر شي ﻻنو المصاري مابكفو حق اجار
امي كانت تضل تشتري دهب وتخبي
المصاري الي حملتهن كانو بس 80 الف
وطبعا بتعرفو انو اثناء هالحرب الليرة ماتت والغرض يلي كان ب50 صار ب150
خلال هال3 اسابيع شفت كل يلي بشوفو ع التلفزيون
شفت التشرد وشويعني نام ع درج بناية ويطلع شب سكران ويحاول يعمل شي وانا اهرب
شفت شو يعني امشي بالشارع وانا مو عارفة لوين ماشية
ماشية وانا مرخية وعم اتنهد وصافنة
ماشية وانا عم اختار انو بناية بدي فوت عليها
وعم اطلع لنقي درج بناية يكون منخفض شوي مو عالي لنام عليه انا ورفيقتي
ماتوقعت بعمري عيش حياة التشرد
وﻻ جوال لدق لحدى وﻻ شي
فقدت كل شي
كل شي من قدامي راح
بعرف عم تتسائلو عن الجمعيات يلي المفروض تساعد بهيك حالة لقدام شوي بتعرفو أنو كلو حبر ع ورق
بهال3 اسابيع صار يزيد خوفي جدا وبشكل ملحوظ
من العتمة ومن الاصوات العالية كتير
هالشي صار معي ومع نغم
نفس الشغلات الخوف من الوحدة كمان كنا دائما ماسكين ادين بعض
لوقت مااجى الاسبوع الرابع من حياتنا
تقريبا كنا ب4 تموز
نغم:جوري خلينا نمشي هلق اذا طلعنا ع البناية ح يقلعونا اهلها
جوري:لوين
نغم:قومي نغير المنطقة كلها
جوري:مااتذكرتي رقم شي وحدة من رفقاتنا؟!
نغم: ﻷ ماتذكرت بعدين ..... خلص خلص امشي
نغم بوقتا خبت عليِّ انو دقت لوحدة من رفقاتنا وقالتلا بس اعتذرت وسكرت ووحدة تانية كمان ابوها صار يعيط وكمان بكيت واعتذرت من نغم وسكرت
وانا كنت قول ليش توقف ع الهواتف ودق كنت فكرا عم تجرب
المهم مليت كتير وخطرتلي فكرة
نطلع بسرفيس وننزل بسرفيس لوصلنا لمكان اول مرة منوصلو
نزلنا ومشينا
نغم: ولييي جوري وين نحن
جوري: مابعرف
نغم:لك هاد المكان كتير حلو
جوري:تعي نمشي لجوا كمان
(مشينا لجوا منيح ووقفنا)
نغم:لك هي منطقة راقية كتير شو جابنا لهون لك جوري
جوري:لك شو بعرفني وع اساس طلعنا بتكسي وجبتك لهون قصادا ماانا متلك مو عرفانة شي
نغم:والله بهالمكان منحط كل شي مصاري معنا حق سندويشة
جوري:سمعي تعي ندور ع شغل اكيد هون بكون الراتب منيح مو
نغم:مدري بس ليكي منظرنا!
جوري:بعرف بس شوبدنا نعمل؟!
تعي هاد مطعم
نغم:خجلانة فوت امانة ﻷ شوفي العالم جوا كلهن ﻻبسين بجننو
جوري:نغم والله خجلانة وخايفة اكتر منك تعي نجرب ما ح نفوت منسأل هاد الي واقف ع الباب
رحنا وكان في واحد ع الباب ليرحب بالضيوف وكان بجنن طول وعرض وعضلات وجمال اطلع فينا من فوق لتحت وضل ساكت
جوري:ءءءءء ءءممرحبا
الموظف: أهلين آنسة كيف فيني أخدمك
جوري:ءءء بركي ممنلاقي شغل هون
الموظف: ايوا ، طيب استني شوي
فتح الباب ونادى لصبية وحكالها اطلعت فينا البنت بقرف وراحت شوي رجعت وقالتلو كلمة بهمس سمعتا وحاولت أمشي مع نغم بس نغم ماخلتني اطلع فينا الشب
الموظف:والله منعتذر منكون مافي مكان للشغل
(زعلنا كتير وبين علينا الزعل والشب زعل علينا)
الموظف:ليكو خليكون شوي (اجو جماعة قطعو عن الحكي) اهلا وسهلا مدام تفضلي اهلين استاذ تفضل نورتونا (فاتو) ليكو خليكون هون شوي هلق بطلبلكون وجبتين ع حسابي
بعرف انو منيح الشب وانو موقف رجولي منو بس حسيت بالإهانة وغصيت
جوري:كتر خيرك مابدنا ناكول مالنا جوعانين وﻻ شحادين
الموظف: ﻻ والله ماقصدت هيك
جوري: وﻻ يهمك يسلمو عزبناك معنا
اجينا لنمشي
نغم:ءءء بس بدي اسألك نحن هون بإنو منطقة
الموظف:انتو بالجادة الرابعة جادة الزهور
نغم/جوري: جادة!!!
جوري:ءء هههه شكرا شكرا عزبناك
(مشينا وبعدنا شوي)
نغم:شو قال اسمها جادة؟ ههه
جوري: اي جادة بعرف هالمنطقة سمعانة عنها هنن يمكن شي 20 جادة ورى بعض هدول نحن هلق بالرابعة هي المشوة يلي طرقتينا ياها حضرتك
نغم: لك شو يعني جادة؟
جوري:بحياة دينك بعمرك مو سمعانة فيها
نغم:ﻻ والله جد مو سمعانة
جوري:هلق انا سمعانة بالمسلسلات بس مابعرف شو يعني يمكن الجادة نفسها الحي يعني بس ﻻنو راقي سمو جادة!
نغم: مابعرف بس ليش صرتي بدك تمشي فجأة
جوري: لأنو البنت لما أجت قالتلو قلعهن ....
.....................
الساعة 8 المسا
كان ليث قاعد ع تختو وبحضنو الاب توب وقدامو جوالو وكل شوي عم ياخد نظرة ع الجوال ويرجع يشتغل ع اللاب
لحد مارن جوالو مسكو فورا بلهفة كبيرة بس ماطولت لهفتو لنفخ ورد بملل
ليث:هاد انت خير
محمود:ليث ليث مشان الله تعى لعني
ليث:خير خير محمود شبك
محمود:مشان الله سيارتي بتصليح ودقيت للاسعاف خايف يطولو بسرعةةةة ليث
ليث:قايم يلا بس مين شوفي
محمود:أبي أبي ياليث رجعتلو اعراض الازمة القلبية مشان الله بسرعة تعى واذا اجيت ولقيتنا رايحين ع المشفى لحقنا
ليث: فورا يلا
باقل من دقيقتين كان ﻻبس ونازل وماشي بسرعة كبيرة ليلحق ابو رفيقو
................
نغم:تعي جوري ليكي هي استراحة تعي نرتاح فيها شوي
جوري:تمام يلا
نغم:ليكي بركي منام هون
جوري:يسلقو بدنك هون مو متل احيائنا دغري بقلعونا وغير هيك منصير فرجة للعالم
نغم:اي ووين بدنا نلاقي بناية نام فيها؟!
قعدت وصرت ابكي ع حالنا قعدت نغم وبكيت متلي
جوري:نغم انا تعبت خلص؛ معد فيني حيل أتنفس خلص ...... بدي أهلي بدي أمي يــا الــلــه بدي أبي....... نغم معد فيني اتحمل .... دخيلك ياربي خدني
نغم: مفكرة مالي متلك واكتر....... والله عم اندبح من
جوا دبح ..... بس ياجوري اذا رضينا بقضاء رب العالمين ح يعوضنا اكيد ....... امي هيك كانت تقول
جوري: ونعم بالله...... هي رح يصرلنا قريب الشهر بالشارع
منشتغل بمحل منتقلع ، آنسات بشي روضة مامعنا بكلوريا آزنات بالمدارس مارضيونا، مافي شي عم يمشي الا اذا مابعتي حالك ...... نغم بدي اخلص بدي اخلص تعبت بدي بيت يالله بدي بيت بدي ارجع ﻻقي امي طابختلي وﻻقي ابي جاية وجايبلي معو اكلة حلو انا بحبا..... لك انا يلي متت مو هنن يلي ماتو انا انا
كنا عم نبكي من جوا قلبنا المعنى الحقيقي لكلمة قلبي من جوا عم يبكي
.................
بعد نصف ساعة
ليث ركب محمود وابوه لمحمود ومأسرع وصل ع المفرق يلي فيه استراحتنا يلي نحن قاعدين فيها فاضطر يخفف السرعة كونو مفرق
ولما خففها لمح بنتين ومعهن شبين والبنتين عم يضربو الشبين ويصرخوا
ليث:شو عم يصير معهن هدنك! كأنو الشبين عم يأذوهن
محمود:ليث بوس رجلك اسرررع ابي ح يروح من بين ادينا
ليث: لك محمود عم قلك البنتين خليني ار-قطعو-
محمود:ليييث أبي عم يموت
كانت عم تقوى اعراض الازمة وكأتو عم يسلما فاضطر ليث يكمل الطريق بشكل اسرع ويترك البنتين
وصل للمشفى الحمددلله نزلو الاب وفوتوا ع العناية المشددة
محمود مشتت ومو قدران يركز بشي
بس ليث قلبو عم يغلي ع هالبنتين بعد شوي عن محمود ودق لرفيقهن التالت
عدى:هلا ليثو شلونك
ليث: سمعني عدي بتعرف مفرق ال....(كمل حديثو)
عدي: الله ﻻ يوفقك شلون بتتركهن !!
ليث:والله غصمن عني رجعت الازمة ﻻبوه لمحمود وانا يلي اسعفتو
عدي:كماااان الله ﻻ يوفقك ع هالاخبار شوفي لسى؟!
ليث:بحياة امك عدي مو وقتها قوم شوف البنتين
عدي:لك بكون عليه العوض ومنو العوض
ليث:يستر ع عرضك ولو
عدي:طيب طيب يلا نازل
وبعد مرور 15د تقريبا دق عدي ل ليث
بعد فورا عن محمود ورد
ليث:طمني
عدي: شريك مافي حدى بس عند الاستراحة مشيت من قداما لقيت دم مااسترجيت انزل وشوف ماحدى يشوفني يفكرني انا عامل شي او الي ايد بالقصة بس الاستراحة فيها دم
ليث:مشان الله ﻻ تقولها شو بكون صار!
عدي:يلي الله كاتبو
ليث:انا بحمل حالي المسؤولية كلها
عدي:انت كنت مضطر تمشي خلص هاد قدرهن
ليث:لك كان فيني انزل لعندهن وخلي محمود يسوق
عدي:اي يسوق محمود وهو جانن وفاقد وعيو وابوه قدامو عم يموت اي الله قدر ولطف يلي سيارة محمود بالتصليح غير انو كلنا منعرف اديش محمود بحب ابوه ومتعلق فيه
ليث: ﻻ اله الا الله
عدي:أنسى ياصاحبي هنن كمان شو طالعهن بهالوقت!!
مرقت تلت ارباع الساعة ووجه ليث ماعم يتفسر ومحمود كمان
طلع الدكتور من الغرفة وركدوا لعندو
الدكتور: لحقنا ع آخر دقايق ووصلتو بالوقت الدقيق والمناسب
محمود:ألف الحمدلله يارب ألف الحمدلله
الدكتور:بس انا منبه انو مايعمل جهد قوي لماترجعلو الازمة
محمود:والله يادكتور مابيتحرك من مكانو
الدكتور:طيب خلينا نحكي بمكتبي أ.محمود
محمود:أكيد دكتور اكيد (راح الدكتور)
ليث:الف الحمدلله ع سلامتو
محمود:يسلمك شريك مابنسالك هالوقفة طول حياتي فضلت والله
ليث:استغفرالله ؛ ابوك بسعر ابي واعز والله، فضلي ع حالي ، يلا انا اطمنت ع صحة الوالد اسمحلي امشي مستعجل كتير
محمود:أي أي روح ﻻتواخزني شريك مشان الله
ليث: لك له يازلمة استغفرالله شو عم تحكي ايمت مابدك نحن بالخدمة
طلع ليث مزعوج جدا وضميرو دابحو وماعم يمحى اخر منظر من راسو
(شب1: لك تعي لهووون تعي
جوري:لك ﻻاااا بعد عني ياكلب بعد ياحقيير
الشب2: لك حاج دﻻل وغنج حاج عم تستشرفي هلق
نغم:لك ياواطييييي مشان الله ياعالم....)
ركب بسيارتو ومشي وصلل للاستراحة وشاف الدم غمض عيونو بندم قوي ومشي وصل ﻻخر الشارع يلي هو اخر الجادة 4 ليث كان ساكن بالجادة يلي بعدها 5
وبينهن كان في حديقة حلوة كتير
صف ليث سيارتو بإول الجادة كان بدو يمشي ويتنفس شوي ﻻنو انخنق
نزل من السيارة ولف ليمشي بس سمع صوت بكي من الحديقة مباشرة كان صوت خافت عم يعلى شوي ويرجع ينوص بس ع أثر الهدوووء كان مسموع وقت يعلى
فورا لف ليث وبلش يلحق الصوت
#يتبع