الفصل 2
الساعه 7 المغرب ..
بيت ام هشام :
كانو جالسين بالصاله البنات وام هشام معهم ..
عروب : خالتي كلمتك امي ..
ام هشام لفت على عروب : ايه اتصلت علي وسالتني عنك وقلت لها اني انا اللي اتصلت عليك وعزمتك عندي على الغدا واني انا اللي راح ارجعك للبيت تطمني ..
عروب ابتسمت لها .. مشكوره خالتي احلى شيء انك فاهمتني ..
ام هشام : اكيد راح افهمك مو انا اللي ربيتك واعرف متى تكونين متضايقه ومتى تكونين فرحانه من غير ما تتكلمين .. وجيتك اليوم عندنا تقول ان امس اكيد صار شيء في بيتكم صح ..
عروب اللي ما تخبي شيء عن خالتها .. نزلت راسها .. تخيلي يبون يزوجوني ..
ليلى شهقت .. وش هذول وصلت فيهم انهم يزوجونك عشان يفتكون منك ..
ام هشام : وش هالكلام يا ليليى وش الللي يبون يفتكون منها هذي سنه الحياه .. ولفت على عروب : وانتي ليه زعلانه مادام جاك خطيب ليه ما تفكرين فيه ..
عروب لفت عليها .. لا يا خالتي انتي مو فاهمه الموضوع لو اللي خاطبني شخص كويس كان ما قلت شيء بس انتي تخيلي جايبين لي اثنين واحد عمره 50 ومتزوج 3 ومدري كم عياله والثاني خريج سجون بالله هذول ناس صالحين للزواج ..
ليلى : لا لا مو من جدهم اهلك .. وش هذولأ ..
لما : صدقت ليلى لما قالت انهم يبون الفكه منها المسأله واضحه ..
ام هشام : لا لا جد اهلك انجنو ليه يسوون كذا اذا مايبونك يجيبونك عندي انا مستعده اخليك عندي طول العمر ..
عروب : ادري ياخالتي بس هم مدري وش يفكرون فيه لو ما يبوني ويبون الفكه مني ليه ما يقولون لي انا ماني صغيره ..
ام هشام : انتي ريحي حبيبتي وما عليك انا راح اكلم مها واتفاهم معها ..
عروب .. ايه كويس انك راح تكلمينها لاني حاولت كثير اكلمهم بس ما يعطوني فرصه ..
لما : يمه ليه ما تقولين لخالتي تخلي عروب تنام عندنا اليوم عشان ترتاح شوي ..
ام هشام : راح اقولها ان شاء الله .. الحين يلا قومو عشان تجهزون ما بقى شيء ويجون الضيوف ..
ليلى : اله اكبر الله اكبر .. اذن العشا خلونا نصلي بعدين نجهز ..
عروب ولما : يلا ..
وقامو كلهم يصلون بعدها راحو للمطبخ وجات معهم ام هشام :
عروب : الله يعطيك العافيه خالتي دوم تحبين تسوي كل شيء بالبيت .. ليه ما تريحين نفسك وتجيبين من برا ..
لما : تعبنا معها بس امي عنيده ..
ام هشام : هذا طبعي من لما كنت بنت احب اطبخ واسوي كل شيء ..
عروب : بس للاسف بناتك ما طلعو عليك ..
ليلى : لا انا الحمد الله من لما تزجت صرت اطبخ ولا اجيب شيء من برا ..
عروب : ولموي مستحيل بيوم اشوفها داخله المطبخ تطبخ الله يعين اللي راح ياخذها ..
الكل .. ههههههههههههههههههههههههه ههههههههههه..
لما : بسم الله عليك انتي اللي يسمعك يقول مره ما تتركين المطبخ ترا كلنا بالهوى سوا ..
عروب نزلت راسها .. بس انا امي ما عمري شفتها تطبخ ولا حد علمني اطبخ اما انتي غير ورفعت راسها ورسمت على وجهاا ابتسامه خالتي ماشاء الله عليها طباخه على اعلى مستوى ..
كلهم حسو بحزنها وما حبو يزيدونها ..
ام هشام : وليه ما فيه حد يعلمك .. انا مستعده من بكرا اعلمك كم عروب عندي ..
عروب ابتسمت .. فديتك خالتي .. ورجعت تقطع الحلى .. خالتي كذا حجمه كويس ولا كبار ..
ام هشام : لا كويس بعد ما تخلصين حطيه بالصينيه هذيك ..
عروب : ان شاء الله ..
لما : يمه هيثم جاب العصيرات ..
ام هشام : ايه جابهم المغرب وقلت للخدامه تحطهم بالثلاجه ..
ليلى : يمه الفطاير استوت خلاص اطلعهم ..
ام هشام : ايه طلعيهم ..
وفي هالوقت سمعو الجرس يرن ..
ام هشام : سينديا روحي افتحي الباب ودخليهم للمجلس ..
سينديا الخدامه .. اوك ماما .. وطلعت من المطبخ ..
ام هشام : يلا انا رايحه لهم .. وانتو لما تخلصون تجهيز البسو وتكشخو وتعالو لا تتاخرون ..
البنات .. ان شاء الله ..
طلعت ام هشام من المطبخ وراحت للمجلس .. يا هلا ومرحبا ..
ام عز تسلم عليها .. هلا بك اخبارك ..
ام هشام : بخير ولله الحمد انتي اخبارك واخبار العيال ..
ام عز : بخير الحمد الله ..
هند وهيا يسلمون على ام هشام :
وبعد السلام والرسميات جلسو ..
ام هشام قالت للخدام تروح تجيب المويه .. يا حيا الله من جانا واخيرا شفناكم ..
ام عز : اي والله واخيرا تقابلنا .. اشغال الدنيا ما تخلص ..
ام هشام : وانتي الصادقه .. الله لا يشغلنا الا بطاعته ..
الكل .. امين ..
**
**
**
**
بالمطبخ ..
عروب : انا خلصت ..
لما :حتى انا ..
عروب : اجل يلا خلينا نروح نلبس ..
ليلى : وانا كمان خلصت الحين بطلع وراكم ..
وطلعو كلهم من المطبخ وراحو لغرفه لما وصارو يلبسون ويتجهزون ..
عروب اخذت لها من ملابس لما : تنوره تحت الركبه سوده وبدي كت ابيض ناعم رفعت شعرها خيال وحطت لها مسكره وبلشر وروج وردي ناعم .. ولبست كعب اسود واكسسوارات سوده ..
اما لما لبست بنطلون ابيض ماسك على جسمها وعليها بدي بنفسجي طويل لما نص الفخذ ولبست جزمه بنفسجيه واكسسورات بيضه وخلت شعرها القصير اللي يوصل لكتوفها مفتوح وحطت مسكره وبلشر وروج هادي يناسب على لبسها ..
اما ليلى لبست فستان طويل ناعم عنابي ودخلت عليه اكسسورات ذهبيه وكعب ذهبي ومكياجها خفيف مثل لما وعروب وشعرها الطويل خلته مفتوح ..
عروب : يلا خلونا ننزل احس تاخرنا عليهم ..
لما : يلا ..
طبعا عروب اول مره تشوفهم ما تعرفهم بس تسمع عنهم من لما وليلى كثير وحبتهم قبل ما تشوفهم ..
نزلو البنات لتحت ودخلو للمجلس .. السلام ..
الكل .. وعليكم السلام ..
وصارو يسلمون على بعض .. وبعد السلام ..
ام عز : تناظر عروب ماشاء الله مين هذي ليكون زوجتي ولدك هيثم وحنا ما ندري ..
ام هشام :ههههههههههه لا وين ازوجه .. هذي عروب بنت اختي هي بعمر لما بنتي ..
ام عز : ايه ما شاء الله ..
هند : ليلى هذي بنت خالتك اللي سولفتي لي عنها كثير ..
ليلى بابتسمه .. ايه ..
هند لفت على عروب : يوه لو تسمعين ليلى كيف تسولف عنك تقولين جالسه تسولف عن اختها مو عن بنت خالتها .. بصراحه شوقتني اشوفك واخيرا شفتك ..
عروب بابتسامه خجوله .. والله حتى انا سولفولي كثير عنكم وكنت اتمنى اشوفكم ..
هيا : يلا الحمد الله تقابلنا .. انتي بالجامعه صح ..
عروب : ايه اخر سنه ان شاء الله ..
هند : اي تخصص ..
عروب : اداره اعمال ..
هند : اي مشاء الله مثل اخوي عز : بالتوفيق يارب ..
عروب : امين ..
ام عز : الا وين زوجه ولدك هشام ..
ام هشام : بيت اهلها امها تعبانه شوي ..
ام عز : ايه ما تشوف شر ..
ام هشام اشرت لعروب ولما عشان يجيبون العصير ..
قامو عروب ولما بس ام هشام نادت لمى عشان تقول لها تجيب الحلى الثاني بعد اما عروب كملت طريقها للمطبخ .. وهي تغني .. دخلت ولا انتبهت للشخص اللي جالس على الطاوله على طول لفت جهه الثلاجه .. سنديا .. جيبي لي الصينينه اللي راح نحط فيها العصير .. وكملت شغلها وفتحت الثلاجه وصارت تطلع العصيرات وتحطهم بالأرض عشان تصفهم بالصينيه .. شافت الخدامه تاخرت لفتبتصرخ عليها بس جمدت مكانها وانصدمت لما شافت اللي جالس على الطاوله ومنزل راسه
سنديا الخدامه .. مس عروب انتي كيف ادخل هنا ومستر هيثم فيه ..
عروب لفت عليها .. هاه .. ولما استوعبت طلعت بسرعه من المطبخ ومن الأحراج والتوتر ما انتبهت في لما اللي كانت بتدخل المطبخ وصدمت فيها..
لما : هوب هوب وش فيك طالعه تسرعين كذا ..
عروب : هاه .. واشرت على المطبخ .. يوووووووووووه وش هالفشيله ..
لما : بسم الله عليك وش فيك وش فشيلته ..
عروب تغطي وجهها بيدينها .. يووووه هيثم شافني . ياربي وش ذا الأحراج ..
لما اللي للحين مو مستوعبه .. هيثم وش فيه ..
عروب : يووووووه وش فيك مفهيه انتي كذا .. ادخلي المطبخ وتعرفين ..
لما : انا المفهيه او انتي اللي ما تعرفين تتكلمين .. وخري بس خليني اروح للمطبخ .. ومشت عنها ودخلت للمطبخ وشافت هيثم جالس على الطاوله وباين عليه سرحان ..
هيثم بنفسه .. ياربي ماشاء اله مره محلوه اول مره اشوفها من غير عبايه ولا حجاب من لما كبرت .. لا لا انا لازم استعجل واقول لامي اني ابيها قبل ما يجي حد يخطبها وتطير مني ..
لما تحط يدها على كتف هيثم : هيه هيثم وين رايح ..لا هذول الأثنين بيجنوني هذيك تطلع من المطبخ مستعجله ولا ادري وش تقول وهذا سرحان ولا داري عني ..
هيثم : هاه .. وش فيك ..
لما تسحب كرسي وتجلس بجنبه .. انت اللي وش فيك وعروب وش فيها ..
هيثم ابتسم اول ما جابت طاري عروب وتذكر شكلها وهي تدخل المطبخ ولا حست فيه .. ما فيها شيء بس دخلت هنا ولا انتبهت اني هنا بعدين انتبهت وطلعت متروعه بسم الله عليها ..
لما : بس هذا اللي صار .. مالت عليها وهي مكبره الموضوع عادي صار بالغلط وبعدين انت مثل اخوها .. وقامت من مكانها وراحت تطلع الحلى من الثلاجه .. طيب لو سمحت اطلع عشان تجي هي وتاخذ العصير ..
هيثم وقف وصار اليوم اسعد يوم بحياته .. طلع من باب المطبخ الخلفي ..
لما : سنديا روحي نادي عروب قولي لها هيثم طلع ..
سنديا .. طيب .. وطلعت تناديها دقايق ودخلت عروب بحذر ..
لما شافتها .. ادخلي ادخلي راح ..
عروب : يوووه والله احراج ..
لما وهي تقطع الحلى .. والله من فهاوتك الزايده يعني ما تنتبهين قبل ما تدخلي ..
عروب وهي تاخذ العصيرات وتصفهم بالصينيه .. وانا وش دراني توقعت انو ماراح يكون فيه حد ..
لما : يلا يلا عدت علىخير .. وبعدين هو اخوك يعني عادي ..
عروب : ايه صح .. يلا طيب خلصي لا نتاخر عليهم ..
لما : خلصت .. يلا ..
وطلعو ثنتيهم من المطبخ ودخلو للمجلس وجالسو يوزعون العصير والحلى وبعدها جلسو يسولفون ..
عروب تكلم هند : ماشاء الله انتي عندك عيال ..
هند : ايه ما يبين علي صح ..
عروب : ايه مره وحتى هيا : مشاء الله الله يخليهم لكم ..
الكل .. امين ..
هيا : عقبالك انتي ولما :
عروب ابتسمت ..
لما:
امين ..
ليلى : شوف هذي اللي ما تستحي على وجهها شوفي عروب كيف استحت ..
لما : عاد انا وش قلت هي دعت لي وانا قلت امين عيب .. وبعدين عروب ما تبي تعرس ..
ليلى : يعني انتي تبين .. والله راح الحيا هالأيام ..
عروب : اللي يسمعك يقول عمرك 50 سنه الحين ..
لما : عاد هي وش باقي لها كلها 20 سنه وتوصل لها ..
ليلى : مالت عليك انطمي بس ورمت عليها لامخده ..
البنات .. ههههههههههههههههههههههههه ..
عروب : هههههههههههههه.. احسن تستاهلين محد قالك تتحرشين فيها ..
في هالوقت دخلت مها : ام عروب : السلام ..
البنات سكتو من الضحك ..الكل .. وعليكم السلام ..
عروب وام هشام استغربو وجودها ..
ام هشام : هلا هلا باختي مها تفضلي اعرفك على جارتنا ام عز :
ام عروب راحت تسلم عليها .. وبعدها لفت على عروب وهي معصبه .. انتي ليه للحين ما رجعتي البيت .. جالسه هنا تضحكين وتسولفين ومستانسه وابوك بالبيت يهاوشني انا ..
كلهم لفو عليها مصدومين من اسلوبها ..كيف تقول هالكلام قدام الضيوف كذا ..
عروب انحرجت وماقدرت تقول شيء ..
ام عروب : ليه ساكته مو توك تضحكين ليه كتمتي كذا ولا بس تشوفيني تكتمين .. الضحكه هذي ما نشوفها الا برا البيت بس بالبيت كانك بعزا ..
عروب ما استحملت تحس لو جلست اكثر بتبكي لان الموقف مره محرج .. قامت بسرعه وطلعت من المجلس ..
ام عروب : شوف اللي ما تستحي على وجهها تطلع وتسفهمني ..
ام هشام بسرعه تدارك الموضوع واخذت ام عروب وطلعت من المجلس تتفاهم معها ..
ام عز : مين هذي .. من الصدمه نست مسكينه ..
ليلى باحراج من تصرف خالتها .. هذي خالتي ام عروب :
في هالوقت دق جوال هند : ورفعت بعد ماشافت المتصل .. شوي وقفلت ولفت على امها : يمه عز برا ..
ليلى : وين خالتي تو الناس ..
ام عز : مره ثانيه ان شاء الله لاتمسين وقت دوامات الحين والبنات لازم يرحون يعشون عيالهم وينومونهم ..
لما : اجل خلونا نشوفكم ..
هند : ان شاء الله المره الجايه ببيتنا ..
الكل .. ان شاء الله ..
**
**
**
عروب اول ما طلعت من المجلس راحت لاقرب مكان اللي هو الصاله جلست على اول كنبه وصارت تبكي مقهوره مره من امها وتصرفها وانها احرجتها قدام الضيوف اللي اول مره تشوفهم .. شوي سمعت صوت خالتها وامها جايين وباين انهم يتهاوشون ..
ام هشام : بالله يا مها هذي طريقه تكلمين فيها البنت قدام الناس .. ما تدرين انك احرجتيها واحرجتيني كمان ..
مها ام عروب : هذي طريقتي من عمري وانتي عارفتنيي وبعدين هي غلطانه وتستاهل اللي يجيها ..
ام هشام : وش سوت عشانها ضحكت على قولتك ليه الضحك ممنوع ولا ايش ...
ام عروب : لا ليه تطلع من البيت ولا تقول لي ابوها عصب علي انا ..
ام هشام : انا فهمت السالفه الحين .. لانه عصب عليك وهاوشك تجي وتحطين حرتك بالمسكينه هذي اللي ما سوت شيء ..
ام عروب : نوره انا كم مره قلت لك لا تدخلين بيني وبين بنتي ..
ام هشام : الا راح اتدخل مادامك راح تبقين تعاملين البنت كذا ..
عروب قامت بسرعه ومسكت خالتها : خلاص خالتي لا ترفعين ضغطك وتتعبين نفسك .. انا راح اروح معها واتفاهم مع ابوي انتي ارتاحي بس اهم شيء راحتك ..
ام عروب : شفتي شفتي كيف .. جايه لك انتي تهديك وانا امها ساحبه علي وبالطقاق مت او مرضت ..
عروب سفهتها ولا ردت عليها .. ما تبي ترد عليها قدام خالتها لانها عارفه ان خالتها ماراح تسكت وهي ما تبيها تتهاوش مع امها وتتعب .. خلتي خلاص .. روحي شوفي ضيوفك وانا راح اتصرف ..
ام هشام لفت على عروب : طيب يمه انتبهي على نفسك واذا احتجتي اي شيء اتصلي على حتى لو كان اخر الليل ..
عروب : اكيد خالتي .. يلا روحي ..
وراحت ام هشام للمجلس ..
اما عروب لفت على امها : مو تقولين ما تبين خالتي تتدخل بينا هذا خالتي راحت يلا قولي اللي عندك ..
ام عروب : والله محد مقوي راسك الا خالتك .. تعالي معي البيت ابوك يتفاهم معك ..
عروب وهي تمشيء عشان تاخذ عبايتها وشنطتها اللي حطتها بالغرفه اللي تحت .. اي هذا انتو دايم ما تتفقون الا على شيء يضرني .. ودخلت للغرفه اخذت شنطتها ولبست عبايتها وتحجبت وطلعت ..
ام عروب : انا راح اسكت عنك .. يلا تعالي .. ومشت ومشت عروب وراها ..
عروب : لا لا تسكتين كملي كلامك قولي اللي بخاطرك ..
ام عروب وهي تفتح باب الشارع .. عروب اسكتي عني احسن لا اعطيك كف ..
عروب : لا سويها يعني ما كفاك اللي سويتيه داخل راح تكملين هنا بالشارع .. ما استغربها منك ..
ام عروب بصراخ .. عروب اركبي السياره وانتي ساكته ..
عروب ركبت وهي معصبه وامها ركبت من الجهه الثانيهوقالو للسواق ينطلق للبيت ..
اما هو كان جالس ينتظر اهله بسيارته وفجأه سمع صوت هواش لف لجهه الباب وشاف حرمه وبنت يطلعون وهم يتهاوشون واستغرب من اسلوب البنت .. وبنفسه .. جيل اخر زمن بنات ما يحترمن امهاتهم .. .. بالله فيه بنت تصرخ على امها كذا وشوي وبتضربها .. الله يعافينا بس .. صحاه من تفكيره صوت هند وهي تركب السياره .. السلام ..
عز لف ورا عليها .. وعليكم السلام .. ما كانكم تاخرتو ..
هند : يوه صارت سالفه داخل ..
عز : ليه وش صار ..
في هاللحظه ركبو هيا وام عز : السلام ..
عز وعليكم السلام .. وحرك السياره ..
هيا تكلم هند : كسرت خاطري عروب المسكينه شفتي امها كيف فشلتها قدامنا ..
هند : ايه والله احين انا لو مكانها ببكي على طول من غير نقاش ..
ام عز اللي تسمعهم .. انا من دخلت وانا ما ارتحت لها حسيتها شرانيه .. الله لا يبلانا ..
عز اللي يسمعهم .. شكل صايره مشكله ببيت خالتي ام هشام :
هند : ايه .. وقالت له السالفه ..
عز : اهاا عشان كذا ..
كلهم ناظروه .. وش ..
عز : وانا انتظركم تطلعون من بيت خالتي سمعت صوت صراخ ولفيت جهه الباب وشفت حرمه ومعا بنت كانت متحجبه وباين انها بالعشرين وكانت تتهاوش مع امها واستغربت كيف تكلم امها بهالطريقه ..
هند : بصراحه تستاهل امها اجل تفشلها قدامنا كذا وهي اول مره تشوفنا ..
ام عز : الله يستر عليها بس ..
ووصلو للبيت وقبل ما ينزلون ..
هيا :توي انتبه الا بناتي وينهم ..
عز : صباح الخير توك تنتبهين .. تطمني انتي وهند ازواجكم موجودين داخل وعيالكم معهم ..
هند : ايه زين ..
ونزلو كلهم ودخلو للبيت ..
@@@@