الفصل 3
البــــــــــــــــارت الثـــــــــــــالث
دالـــــيا وصلت البيت وشافت احمد يلعب وما انتنهى لها
داليا/حمـــــودي
احمد يلتفت لها ويركض ويضمها لانه يعتبر داليا امه الي ربته بما ان امه مشلوله وصعبه تتحمل المسؤوليه
احمد بزعل/انا مااحبك
داليا تشيله وتدخل غرفتها وتحاط شنطتها وعبايتها وتمسك احمد مع خده بنعومه/ليش ياحبيب اختك ماتحبني
احمد/لانك تلوحين وأنا ادلس بلوحي"لانك تروحين وانا اجلس بروحي"
داليا بهم واهي تحبس دموعها من الي راح تسويه/انا اروح الــ جامعه علشان اجيب لك حلوه
احمد بفرحه/حواوه"حلوه"
داليا بقلبها"سبحان الله الاطفال يفرحهم اي شي حتى لو كان بسيط وهمهم آلالعاب ياليتني طفله وماعرفت الهم وش معناه وش كبره بس الحمدلله على كل حال "/طيب حمودي انت جوعان
احمد/ايـــــه ابي هم
داليا نزلت دموعها غصب عنها احمد برائه يبي هم مايدري انه راح يلعب فيه الهم واهو كبير يقولها على انها اكل اه اه اه اه
احمد وبداء يصيح من دموع داليا إلي اول مره يشوفها /اهئ اهئ اهئ اهئ
داليا تمسح دموعها وبآستغراب/حمـــــودي وش فيك
احمد/انتي تبتين ليت"انتي تبكين ليش"
داليا تضحك/يعني تقلدني
احمد يهز راسه/ايـــــه
داليا تقوم/عيب ياحبيبي الرجال مايبكي يله حبيبي روح آلعب على مااجهز الغداء
احمد يروح بهدوء ويكمل لعبه وداليا راحت سلمت على امها وابوها وجهزت الغداء وتغدوا وبما ان بكره ماعندها جامعه قررات تنظف البيت وتستعد الــ امتحانات لان يـــــوم السبت اول امتحان بس سهـــــل حيل لان داليا تموت بدراسه وتدرس اول فآول
بدآت ترتيب واحمد يساعدها بآشياء بسيطه او يحوس الي ترتبه وخلصت ترتيب وجلست عند امها وابوها واهي هلكانه من الشغل
¤¤بس فجاه دق الباب بقوووووووووه¤¤
داليا برعب/يـــــمه وش ذا الصوت
ابو احمد وام احمد خافوا بس مابينوا الــ داليا
ام احمد/داليا يمه روحي شوفي من يدق الباب
داليا بتردد/ان شاء الله
ابواحمد بآبتسامه/روحي يابنتي وتوكلي على الله
داليا تقوم واهي ترجف من الخوف
داليا بتردد/مـــــن
............../اهئ اهئ اهئ داليا افتحي الباب
داليا تفتح الباب وتنصدم واهي تشوف ريم ورغد عند الباب
داليا بخوف واهي ناسيه كل شي صار بينهم /وش فيكن
رغد وريم يضمن داليا ويصيحن بصوت عالي
داليا خافت انه صاير شي او احد مسوي لهن شي
داليا بخوف/وش صار واحده تتكلم
رغد تمسح دموعها/داليا احنا راح نسكن عندك لان ابوي طردنا من البيت
ريم تشاهق/داليـــــا ابوي طردنا
داليا بقمة الاستغراب والدهشه بس مستحيل تطردهم او تتعذر انهم يسكنون عندها لانهم بنات بس اهي مستغربه من كل بيوت جده ماتوجهوا إلإ ال بيتها شي مشكوك فيه اكيد وراهم شي/طيب حياكم الـــــله العين اوسع لكم من المكان
رغد تضحك بخبث/مشكوره راح نكالف عليك
داليا واهي تسكر الباب/لاوش دعوه البيت بيتكم تفضلوا
دخلت ريـــــم ورغـــــــد البيت
واهم بقمه الاستغراب فيه ناس يعيشون بذا البيت ويكونون مبسوطين مستحيل دخلتهم داليا غرفـــــــتها
رغد بهمس الــ ريم/وعععع وش ذا المكان انا عارفه انهم فقـــــــراء بس مب الــ درجه ذي
ريم بنفس الهمس/اش لاتسمعـــــــك داليا
داليا/وش تشربون
رغد واهي تجلس/قهوه فرنسيه
ريم /شــــــاي
داليا تقوم تروح المطبخ وتسوي شاي وقهــــــوه عربيه<< لان ماعندها قهوه فرنسيه
داليا بقلبها"ياربي وش اسوي ذولا بنات اغنياء ومايعجبهم شي وعشاهم او غدئهم عن عشانا وغدئنا سنه اففف ¤¤ياربي يسر ولاتعسر"
اخذت صينيه القهوه والشاي ودخلت الــ غرفتها
داليا بآبتسامه/حيــــــاكم الله
رغد مجامله/هــــــلابك
ام احمد تنادي بصوت عالي/داليــــــا يمــــــه وينك تعالــــــي اعطي ابوك دوائه
وشوفي اخوك احمد وينه
داليا تقوم /عن اذنكم
راحت تسوي الي قالته لها امها واهي تعبانه حيل من الشغل والدراسه والامتحانات على الابواب واخذه هم كبر الجبال من لقاء بكره لانها راح تروح الـ موت برجولها راح تروح مع رنيم وتقابل المراءه والحيــــــن زاد همها اكبر واكبر بوجود رغد وريم
ابواحمد بحنان/يابنتي وش فيك ومن عند الباب
داليا بآبتسامه علشان تخفي توترها وقلقها من المستقبل/ولاشي بس ذولآ صديقاتي راح يجلسون عندنا كم يوم لان اهلهم مسافرين والآمتحانات على الابواب بنذاكر مع بعض
ابواحمد بضيق/بس انتي تعرفين حالتنا الماديه ضعيفه
داليا تمسك يد ابوها وتبوسها/ لاتخاف كل انسان ومعه رزقه بس انت لاتشيل هم مب زين علشان صحتك
ابو احمد يمسح على رآس بنته بحنان/لو كنتي ولد ماكان بر بي مثلك
داليا تقوم/تربيتك يبه
راحت داليا بعد مااعطت ابوها دوائه ودورت احمد مالقته وراحت الــ مطبخ شافته نايم على الآرض شالته وحاطته بغرفتها "احمد يموت فالمطبخ لان معضم وقت داليا فيه" ونومته بفراشه
رغد بآستحقار/من ذا
داليا/اخوي احمد
ريم بآعجاب/يــــــاي يهبل
داليا تجلس/تسلمين ياروحي
رغد بغرور/عارفه ان حالتكم الماديه ضعيفه بس سبحان الــــــله القدر حاطنا عندكم فعلشان كذا معي فلوس تكفيني عشرين سنه
داليا وطرآت على بالها فكره فـ بيتي وتهينني وعلشان تكسر غرورها وتعيش مثلها وتترك الغرور لو يوم/ تصدقين يارغد لو يسمعونك شباب حارتنا يمكن يخطفونك ويسرقونك ويقطعونك علشان يخفون الجريمه ويقطونك فالزباله
"وانتم بكرامه " اذا كان معك فلوس خبيهن
رغد بخوف ورعب/يمه يخرعون
داليا تكمل كذبتها/يخرعون وفيه اشياء ثانيه مااقدر اقولها شباب حرتنا مجرمين خصوصآ اذا شي فيــه فلــوس
رغد واهي تتلفت/طيب وش اسوي
ريم واهي تصيح/يمه وش ذا المكان ولا بعد شبابهم يخرعون
داليا واهي تمد الفنجال/مافيه إلإ حل واحد
رغد بسرعه/الي هـــــــــو
داليا تخفي ضحكتها/ماتوضحون انكم بنات اغنياء
رغد بتآكيد/اوكـــــيه اساسا مستحيل راح نوضح لهم
ريم بتردد/اخاف يعرفوننا
داليا تطآمنها/لا لاتخافيـــــن مستحيل لآن مافيه احد راح يقول لهم
رغد بقرف/طيب كيف تقدرين تعيشين فــبيت مثل ذا
داليا واهي تتركى على الجدار/الحمدلله اهم شي انه بيــــت
ريم واهي تشرب قهوه/طيب ويـــــن اهلك
داليا/موجوديـــــن امي وابوي نايمين واخوي حمودي هذا اهو
رغد بآستغراب/بـــــس
داليا/ايـــــه وانتم
ريم/انا ورغد وريم و وافي وفيصل
داليا/ومن فيصل و وافي
رغد بطفش/فيصل اخوي و وافي ولد عمي
ريم تكمل/وافي اخو رهف وعمره تقريبآ26 سنه واخوي انا ورغد من الرضاعه
داليا /حلو يكون عندكم اخو
ريم/صـــــح بس يكون اخو عن حق وحقيقه
داليا تقوم/اكيد
ريم بآستغراب/ويـــــن
داليا/بروح اشوف حمودي احس انه تعبان
رغد بقلبها"جعلك الموت انتي واخوك ذا"
داليا رحت تشوف احمد وشافت حرارته مرتفعه لانه من الصبح ووجهه احمر ويكح داليا بضيق "ياربي وش اسوي وش ذا المصايب الي على رآسي وانا اعرف حمودي اذا تعب مستحيل يـــــنام"
راحت داليا الــ مستشفى الــ فالحاره واخذت ادويه ورجعت الــ بيت وشافت ابوها وامها جالسين يسولفون ورغد وريم جالست معهم تنهدت بضيق"ياربي الحين رغد وريم وش جايبهم الــ ذا المكان اكيد مخططات الــ شي وإلإ وش ذا الصدفه "
داليا/الســـــلام عليكم
الكل /وعليكم الســـــلام
ام احمد/يابنتي وينك
داليا/كنت اصلـــــي
رغد بلعانه/كذابـــــه كانت طالعـــــه
داليا تناظر الــ رغد بقوه رغد سكتت
رغد بسرعه/امزح
ام احمد/داليا يمه اخوك ماادري وش فيه
داليا تصرف/ايـــــه يمه يبي شبس وانا قالت بكره واهو زعلان
ام احمد براحه/ياربي لك الحمد اهم شي مافيه شي
داليا تروح الــ احمد/لايمه تطآمني
ريم قامت واهي تحبس دموعها ورحت الــ غرفة داليا وجلست تفكر" ناس فقراء ومرضى وبيت مكسر وابو اعمى وام مشلوله وبنت تدرس واخو صغير وحالتهم الماديه اقل من ضعيفه كيف مبسوطين وش سر السعاده انا عندي بيت واهل وفلوس وخدام وسواق وكل شي بس اتعذاب ليـــــش معقوله تكون داليا حزينه بس مايبين عليها الله يعينها تقوم امها الــ صلاه وتساعد ابوها فالمشي والوضوء وتربي اخوها وتهتم فالبيت وتسوي غداء وعشاء وتجلس مع اهلها كيف وقت البنت ذي يكفي كيـــــف واهم من كل ذا قـــــلبها ياناس كبير تهوشنا معها وذلينها وضربنها وكبينا العصير على ملابسها ومع كل ذا فتحت لنا بيتها وقلبها واكرمتنا وتعملنا كآننا خواتها معقوله فيه ناس فالطيبه ذي وانا ورغد قلوبنا ملاينه كره وحسد وبغض ياربي اصاير مثل قلبها وبرها فآهلها وامها وابوها اول ماجلسنا معهم رحبوبنا وكآنهم يعرفوننا من سنوات ياليتنـــــي اعيش فقيره ومبسوطه ولا غنيه ومهمومه الله يسامح الي كآن السبب"
لبست عبايتها وقررت ترجع الــ بيت اهلها عمر الآنتقام ماكان حل وداليا ماتستاهل احد يآذيها او يهينها انسحبت فهدوء بس قبل لاتطلع اكتبت ورقه الــ رغد انها راحت الــ بيت ومستحيل تآذي داليا بعد الي سوته لو كانت واحده ثانيه مستحيل تستقبلهم فـــبيتها اوحتى تطالع فوجههم وطلعت بسرعه بما انهم على صلاة المغرب والكل يصلي
¤وبـــــكذا تكـــــون ريـــــم انسحـــــبت من الخـــــطه وخلت رغد بروحها
رغـــــــد قرآت الورقه وعصبت وتتوعد فــ ريــــــم لانها خلتها بروحــــــها عند اهل الفقر <<كلام رغد
رغد بحقد/الحقيــــــــره راحت وخلتني
داليا سمعتها/ومن الي راحت
رغد بآرتباك/ريم تسامحت من ابوي ورجعت الــ بيت
داليا/طيب ليش زعلانه مفروض تفرحين لها
رغد بكذب/ايه اكيد بس ماقالت لي شي
داليا بحسن نيه/يمكن تمهد لك الطريق علشان يسامحك
رغد/يمــــــــكـن
**بعــــــــد ماتعشوا طبعآ عشاء خفيف ورغد استحقارت الآكل وماتعشت قامت وراحت الــ غرفة داليا علشان تنام
رغد واهي تشوت جاكيتها بعصبيه وتجلس/شايفيننا فيـــــــرآن خبز وجبن وعععععععع حتى الفطور ماافطر خبز وجبن واخوها الصغير ذا بس يصيح جعله الموت الي يآخذه اهو واخته والبيت ياناس ياعالم كيف يعيشون فيه وداليــــــــو كيف متحمله اهلها تشيل ذا وتقوم ذا وتطبخ وتغسل وتنظف لو كانت بمكانها اتبرئ من العائله واروح الــ ملجاء احسن لي ياربي متى ارجع ال بيتنا الله يسامحك يا رهف وهقتيني بذا الناس بس يله ماباقى شي بكره الصبح ارجع الــ بيت بعد مااصور اكيد وانتقم منها وارجع كرامتي الي اهانتها
**بعد ماتعشت داليا ورحوا امها وابوها ينامون واحمد يصيح بشكل متواصل ومزعج قامت وغسلت الصحون العشاء ورجعت الــ غرفتها ونومت احمد بفرشها وسوت له كمدات واعطته مسكن حراره بس احمد مايسكت ولها اكثر من ثلاث ساعه واهي فوق رآسه بس الحراره مب راضيه تخف والكمدات ماتنفع واهي اساسا هلكانه وتعبانه صار لها 23ساعه مانامت من الشغل وآلحين كمل عليها احمد شافت رغد تقلب وجهها بآنزعاج وتسد اذنيها
رغد بعصبيه/داليــــــــا وش ذا البزر وش فيه يصيح ازعاجني ابي انــــــــــــــــام
داليا بهم/تعبــــــــان
رغد/افففف طيب اعطيه اي شي بس فكينا من صوته
احمد اول ماسمع صوت رغد الــ عالي زاد فالصيح
رغد واهي تتلحف زين/انام احسن لي الحمدلله ماعندنا بززان فالبيت
داليا تقوم و تآخذ عبايتها وتشيل احمد لان حرارتها ارتفعت وطلعت من البيت ورحت الــ مستشفى القريب من البيت واعطوه ابره وبعدها نـــــــام ورجعت الــ بيت ونـــــــامت على طول من التعب
ـــــــــــــــــــــــــ ــــــــــــــــ