حبيتها والحب ما هو خطية - الفصل 4 | روايتك

البارت الرابع بعد ما رجعو من بيت الجد ام عبدالله بقهر : قهرني هالخالد ليش ما يتزوج ويجيب احد يساعده على تربيه هالاطفال . دلال ابتسمت وبينها وبين نفسها : قريب يمه وعلى يديني ردت مريم بهدوء مدروس : اقول يمه انتي عمته وتمونين عليه ؟ ام عبدالله : اي وذا ، ما فهمت ! مريم : يعني زوجيه انتي ؟ عمه ع الفاضي تشوفين مرت اخوك ساكته وتسكتين معها ! ام عبدالله : ما هو راد على احد مريم بـخبث : مو لازم تشاورينه حطيه قدام الامر الواقع واخطبي له ام عبدالله : عز الله انك انهبلتي قومي عني مريم وهي تقوم : اصلاً انا نعسانة بس قلت اقول لك يعني والأقربون أولى بالمعروف زوجيه دلال ولا تشوفينه مو كفو نسيب ؟ ام عبدالله صدمتها ولا مره فكرت بدلال حاولت تتجاهل وردت : نوم العوافي روحي بس . ام عبدالله بينها وبين نفسها بدت تكبر الفكرة صدق ليش ما فكرت فيها دلال مو صغيره ؟ ولا شهاده ولا جمال زايد ؟ ما هو جايها واحد مثل خالد فرصه ما تتعوض لبنتك ! بس شلون هو رافض نفضت الأفكار من رأسها وراحت تمام وبكرا أمخمخ ع السالفه زين . يوم جديد يوم رجعة ابو شوق السعودية الجد اصر ان العشاء بنفس اليوم فـ الكل مشتط بالعائلة يجهز ويرتب الجدهّ وهي واقفه بالمطبخ تشرف على الترتيبات مها : يمه ياقلبي ارتاحي انا موجوده ! الجدة : ما اقدر ما ارتاح هذي رجعت الغاليين لازم كل شي زين وقد المقام مها : شدعوة ما علي معتمد يعني انا الجدة ردت بسرعة : انتي الخير والبركة يلا اجل بـ اطلع وانتي تحملي مسوؤلية كل شي مها بـ ضحكة : ابشري ، وهو كل يوم بيرجع لنا غالي كذا الجدة : الله يحفظكم ولا يحرمني من حسّكم مها تضم امها ولا منك ياغاليه بعد صلاة العصر راح صقر يُستقبل عمه واهله بالمطار ابو شوق : اه يازين هواء السعودية وتقدم شوي وسجد شوق مستغربة من تصرف ابوها : يبه شفيك !!! ابو شوق بعد ما خلص : انا حلفت برجعتي الاخيره للسعودية بـ اسجد اول ما أوصل ارضها ام شوق دمعت عيونها : والله يا انا مشتاقه احس الحياه رجعت من جديد والله حتى هواء غير مها : يلا يلا أبكو وسو لنا مناحة قبل لا نروح لبيت جدي قال ابوهم بضحكة : يلا يلا صقر ينتظرنا لا نتأخر كثير وطلعو كلهم متجهين لسياره صقر 💗 بالمطار عند صقر . شاف عمه متجهه له ومعه ثلاث بنات وضايقه كثير البنات محجبات مو متغطيات قرب منه عمه صقر : ياهلا ياهلا نورت السعودية ابو شوق : منوره لاهلها شلونك ياوليدي صقر بحب : بخير جعلني الاول وبصوت عالي شوي : شلونك يا ام شوق ام شوق بحب كبير لصقر ومواقفه الكثير معهم : هلا يمك بشوفتك انا بخير صقر : جعله دايم وركبو السياره متجهين لبيت الجد صقر بضحكة : والله ياعمي اكلت علينا الجو جدي ما غير فهد وفهد ابو شوق بضحكة : جعله سالم خلونا نشبع من بعض صقر : لا تستانس كثير فتره مؤقته ويرجع الغلا لي مها ردتّ بحماس : يبه ما علينا من العواذل حنّا الاساس عند ابو محمد وأم محمد . صقر أنصدم واستحى يرد عليها مو متعود يأخذ ويعطي من بنات عمومته ابداً كملتّ شوق بهدوء وبصوتها العذب : ههههههههه انتي وأبوك ماشاء الله قبل لا توصلون تبون كل المحبه لكم . وأنهت كلمتها على دخلت صقر البوابه مها بحماس وطفولة : الله واخيييييير ب انزل ب انزل وقف وقف ابو شوق : مها شفيك انتظري نوصل مها نطت بسرعه ورأسها بينهم : يبه تكفى تكفى ب انزل هنا صقر تضايق من جرأتها شلون تنط قدام يدينها ع كتفه كذا قال ابو شوق بضحكة : ما تركد هالبنت يبوك وقف وقف هنا ننزل وانت وقف السياره والحقنا وقفت السياره ونزلت مها بركض وشوق بخجل : صقر صقر : سمي يا بنت العم شوق : كرسي امُي قاطعها : ابشري ابشري وراح فتح الشنطة وجاب لها الكرسي شوق : شكرا صقر : ولو ما سويت شي يلا ياعمي ننزل هنا والسايق يوصل السياره للكراج . مها وصلت اول وحده وكان بـ استقبلها الجدهّ مها تضم جدتها : اشتقت لك اشتقت لك الجدهّ وهي تبكي : قره عيني بـ شوفتكم مها : يوه جده لازم حركات التفليم يعني ! على دخلت امها : وجع مها شهالكلام الجدهّ : خليها يا ام شوق جعلني ما افقد حسّها بعدت عن امها تسلم على جدتها وبعدين تقدمت شوق بهدوء وحبت راس جدتها شوق : شلونك من التعب يمه ؟ الجدهّ : بشوفتكم بخير ياعُمري وجت مها ع الأصوات وتقدمت شوق بمحبه لعمتها وهي تضمها : اشتقت لك مها : ياقلبي مو قدي والله شخبارك الا فجاءه تدفها : طيب عشان سميتك يعني عبريني !! مها الكبيرة : يلا بـ احلى مها وكملت بضحكة من بعدي طبعاً وكملت سلامها لا ام شوق ودخلو بالصاله شوق : عمه وين غرفتنا ب اتسبح واتجهز مها : تعالو معي وصلتهم مها لغرفه كبيره فيها مجهزه لشخصين الغرفه مره كبيره وحُلوه الاثاث يغلبّ عليه الأبيض ، والجلسه في بدايه الغرفه باللون الموفّ الفاتح مع طاولة قهوه وخدمة ، وعلى كل سرير بوكيه ورد وكيس من محل مجوهرات فخمه 💕 انتهى البارت ، رأيكم ؟