الفصل 2
البارت الثاني 💕
نزل ابو خالد وهو لابس شماغ وع يده بشت
خالد كان بالصالة جالس يتابع التلفزيون ، يجيب عياله بالويكيند ينامون عند جدتهم .
خالد : اكشخ اكشخ على وين ان شاء الله وغمز له
ابو خالد بضحكة : ياسوالفك ياخالد الي ما تخلص حنّا ما نبيه عندنا الي يكفينا ما بعد ام خالد مرهّ الا الدور لك انت تتزوج لك وحده تربي عيالك معك
خالد تضايق من الموضوع وما له خلق يتناقش : الا يبه وين رايحة صدق
فهم انه ما يبي يتكلم عن موضوع الزواج : عندنا ضيوف اليوم من لندن ولازم استقبلهم انا وأبو حمد
خالد : اجل ما أطول عليك توكل موفق
وطلع أبو خالد وسند راسه ع الكنب
اوف ياسمر ليش ما يحسون فينا ، ليش يبون يزوجوني هم ما يدرون ان كل يوم انام على صورتك وأتذكر ضحكتك ما اقدر اتزوج ما اقدر أعيش مع مره غير حتى لو وافقت عشان عيالي حرام اظلم بنت الناس وانا ادري قلبي ما هو عندها المرابيات والخدم وانا ان شاء الله بـ نربي العيال وكلها كم سنة ويكبرون وتقل المسوؤلية .
وصل ابو خالد الشركة وحصل بـ استقبله صديق عمره ابو حمد
ابو خالد : هاه بشر عسى وصلو
ابو حمد : اي كلمت حمد استقبلهم بالمطار وجايين
ابو خالد : على خير ان شاء الله بـ ادخل اشوف الشباب شمجهزين
ابو حمد : تطمن من العصر شيكت على كل شي
ابو خالد : ضنتك نكسبها
ابو حمد : ان قالها الله ، عرضنا حُلو و كل الطرفين مستفيدين واذا رفضو الله يعوضنا بمناقصة اكبر
ابو خالد : الله يقدم الي فيه الخير .
نبذة عن ابو حمد
صديق ابو خالد من سنين
عنده ولد وبنتين .
حمد : ٢٨ يشتغل عند ابوه ملامحة حُلوه وجسمه رياضي وشاطر بشغله بس مشكلته نسونجي او بمعنى يكلم بنات ويعاكس بالمجتمعات اذا كان فاضي وطفشان . نُور : تشتغل ببنك ..... خريجة اداره اعمال
ملامحها عاديه جداً وابداً ما تهتم بنفسها
سلوى : ١٨ تدرس مع رفيف وعلاقاتهم كويسه كيوت شكلها ، بيبي فيس
امهم اتطلقت قبل ١٥ سنة وتزوجت وعندها عيال هالحين ومنقطع التواصل بينهم .
في بيت ابو محمد جد العائله .
ابو محمد : البشارة يا ام محمد
تهلل وجها : بشرني جعل عمرك طويل ؟
ابو محمد : أبشّرك أبشّرك فهد بيرجع هو وبناته ويستقرون بالسعودية
ام محمد وهي تُمسح دموعها : الحمدلله الحمدلله الي كتب لي اعيش مع بنات فهد اخر عمري
رد بجزع : سالمة يا ام محمد
ام محمد : ياكبر فرحتي وأخيراً شوق وخواتها بيعيشون عندي
ام محمد : الحمدلله الي هداه ورجع لنا .
نبذه عن ابو شوق الابن الثاني لا ابو محمد
فهد ٤٧ يشتغل بالسفارة المملكة بـ لندن
عنده بنتين بنات بس
شوق ١٨ سنه جميله بشكل ملامحها بريئة وشعرها طويل كثير يعتمدون عليها بالغربة خواتها وأبوها وحكيمة وذوقها ما احد يختلف عليه
امها مقعده بعد حادث مروري عمرها ٤٠
مره تعبت بعد الحادث وما صارت تقدر تقوم بـ واجباتها كـ ام للبنات ، وهذا الي خلق روح المسوؤلية بشوق تتعلم تطبخ وتغسل وهي باقي صغيره
اختها مها عمرها ١٦ تشبه لا اختها بس شعرها قصير بني ومره خفيفه وتحب تستهبل كثير .
شوق بفرح : يبه صدق خلاص بنرجع للسعودية
ابوها : ان شاء الله يا قلبي
شوق : تعبنا من الغربة والله يا يبه من طلعت على الدنيا وانا برا الديره
مها : الله واعيش عند جدتي وبنات عمي وناسه
ام شوق وهي ع كرسيها تشاركهم الحديث
ام شوق : الحمدلله انا والله من بعد الحادث وانا اطلب أبوكم نرجع لديره أحسن لكم بين اهلكم وناسكم
شوق : يالغالية الي فات فات وعلينا بالي باليوم وهذانا الحمدلله نبي نرجع
ام شوق : والله يا يمك ما احد كاسر ظهري كثرك ما بين المعهد والطبخ والتنظيف
مها : اي اي ومها ما تسوي شي وأنتو مطلعين عيوني من الكرف
ابوهم : فتحتي لنا هالباب يا ام شوق هالحين يتطققون
شوق : لا تنقصون فرحتنا الا متى نرجع يبه ؟
فهد : ان شاء الله بس تخلص اوراقي ع اسبوعين كذا الا حنّا بالسعودية
مها : يبه وين نسكن ؟
ردت بعدها بسرعه ام شوق : آي والله وين شقتنا وبعتها الله يهديك من قبل ١٠ سنوات .
ابو شوق وهو مخطط : ما عليكم بيت أبوي فاضي ما فيه الا مها بنجلس على ما نشوف الوضع لسى السفارة قالو لي يمكن جده او الرياض .
شوق : على خير مها تعالي مع للمطبخ نجهز العشاء
انتشر خبر رجوع ابو شوق للسعودية وكثير فرحو وأبو محمد حلف لا يسوي عشاء ويعزم كل من يعز عليه برجع ولده واهله بالسلامة .
بغرف رفيف عندها بنات ابو حمد سلوى ونور
وبنت عمها ابو صقر نيلوفر اول سنه جامعه .
وبنت عمتهم الكبيرة ام عبدالله بناتها مريم ودلال والجوهرة .
نهاية البارت الثاني ❤️ رأيكم ؟ #حبيتها_والحب_ماهو_خطيه #روايه_طويله #روايه