الفصل 1
دخل الشاليه وهو معصبّ من وضعه وكيف بيكمل حياته على هالوضع صعب على رجالّ مثله يتحمل مسوؤلية ٤ أطفال باقي صغار من غير أم ...
- خالد : السلام عليكم يجماعة - ردو بـأصوات متفرق وعليكم السلام والرحمه خالد راح للمجلس داخل ما له خلق يلعب شيش مع الشباب دخل وشاف وليد على جوالك - خالد : ضحكنا معك يكافي الابتسامة من الإذن للإذن ههههههههههه - وليد : ياهلا ياهلا بـ ابو فهد وينك يرجال من ماتت المرحومة ما عد تنشاف مثل اول - خالد : خلها بالقلب ياخوك - وليد : سلامات يابو فهد قّل لي نعين ونعاون
- خالد : تسلم جعل عمرك طويل بس العيال والمسوؤلية والشغل كل شي على راسي
- وليد : لو تسمع نصيحتنا وتتزوج بنت الحلال الي تساعدك على تربية عيالك وتساندك بهالحياة الواسعة - خالد : الا الزواج يا وليد ما ابي مره بعد ام فهد ولا ابي مرتّ ابو لعيالي . - وليد : انت من مقنعك ان كل مره ابو لازم تكون قاسية وتعذب وتفليم - خالد : خلاص يا بن الحلال ياكلمه ارجعي مكانك عيالي انا بـ اربيهم لي ست شهور واوضاعي ماشية تمام من بعد المرحومة - وليد : براحتك ياخوي ولو نويتها أبشر بالعرس الي ما صار وارقص بزفتك
- خالد : ههههههههههه فكني من حنتّك ولا تجيب الطاري ياخوك ... - سكت شوي وليد وهو يفكر بحال صديق عمره وقال بهدوء : يلا يلا قمّ للشباب نعلب نغير جو - خالد : يلا نبذة تعرفية عن خالد وأهله
خالد : عمره ٣٢ تزوج بنت عمه سمر وكان عمره صغير ٢٠ تقريباً جاب منها اربع اطفال ولدين وبنتين كلهم صغار اكبر شي فهد عمره ١١ ومنار ٩ وحور ويزن تؤام إعمارهم ٤ سنوات .
بيت ابو خالد
ولده الكبير خالد ترملّ من ست شهور وهو حيل كاسر خاطره كيف بيعيش هو وعياله من غير زوجة وأم وكثير طلبه يتزوج وهو رافض الفكرة نهائياً شخصيته عنيد مره والي يبيه يصير
طويل بشكل وشكلاً حلو ملامحة حاده عيونه عسليه تجبر الي قدّامه يتأملها ، رجل ناجح بشغله ممن زاده وجوده بالمجالس هيبه .
وبعده بدر ٢٩ ، يدرس اداره اعمال بـ احد ولايات أمريكيا ، ممُلوح ودمة خفيف بـزياده
ونادر ما يعصب او يستفزه شي .
ما عنده الا بنت وحده وعايشه عنده بالبيت
رفيف ١٨ اخر سنه ثانوي تشبه خالد ملامحها
حاده ما تحب تختلط بالناس كثير وعلاقاتها محدوده ، هادية نوعاً ما .
وزوجته ام خالد ، مره حبوبة وتفكر بالناس كثير
وما تحب تشوف احد محتاج شي وما تساعده وآخر شي نبذه عن الأب ابو خالد " محمد "
رجل اعمال ناجح وله حضوره بمكان العمل
وعائلياً هو الابن الأكبر لـ إبو محمد
بينه بجنب بيت ابوه الي ما فيه الا ابو محمد وأم محمد وأخته الجامعية مها عمرها ٢٤ ممُرضة والخدم 💛✨
فيه بيت بعيد كل البعد عن الحي الراقي حي متوسط الى فقير ، بيت شعبي بسيط جداً بالأثاث والمساحة تعيش فيه وحده اسمها ام بدر وحفيدتها الوحيدة الي تطالع الله وتطالعها بهالدنيا بنت بدر اسمها ميهاف جامعية تخصص حقوق امها توفت وهي تولدها قبل ٢٤ سنه وأبوها كان رجل متوسط الدين الى بعد وفاة امها بـ سبع سنين مشى بطريق الخمر والقمار - ربتها جدتها وتصرف عليها من مكافئة الضمان الاجتماعي وهي كانت تشتغل بمشغل نسائي وتساعد جدتها بمصروف البيت - الجدة ام بدر : ميهاف ميهاف - ميهاف : يلا يلا جاية - الجدة : وينك يمه ما شفتك طول اليوم - ميهاف : يازين الي فاقدتني جعلني الاولة - ردت الجدهّ بجزع بسرعة : بِسم الله عليك يابنيتي جعل عمرك طويل وسالمة - ميهاف تضايقت من أفكارها لو ماتت جدتها ش بتسوي شلون تعيش لحالها وحاولت تغير الموضوع : الا ما قلت لك يمه صاحبة المشغل قالت لنا بتوسع شغلها ونطلع للبيوت - الجدة بعدم استيعاب : شلون يمك ؟
- ميهاف وهي خايفه جدتها ترفض قالت بتردد : يعني بعض الزبائن اذا تبي تفصيل ولا تعديل حنّا نروح لها للبيت - الجدة وهي تخاف عليها اذا راحت للمشغل وهو بنفس الحي كيف تطلع ل ناس ما تعرفهم وقالت : كم مره قلت لك اتركي هالشغلة وريحي نفسك مكافئة الجامعة مع الضمان خير وبركة - ميهاف : يا يمه تكفين لا ترفضين تكفين يمه والله فرصة لو طلعت لها انا لبيتها انا اخذ ٥٠٪ من زياده الي بتدفعها للمشغل عشان التوصيل - الجدة وهي بنفسها ما تحب ترفض طلب لميهاف وبنفس الوقت خايفه وتفكر يمكن ناقصها مصاريف للجامعة وتبي دخل اكثر - الجدة : طيب يا امك انا موافقة بس بشرط ! - فرحت ميهاف وقامت تضمها امري انتي امري - الجدة : ما تروحين لا اي بيت اذا من زبائن المشغل وشايفتهم بس - ميهاف وهي تفكر : جده اصلاً اغلب الي نخيط لهم من معارف ام سعد وهم الي طلبوها توفر هالخدمة .
- الجدة وهي تقوم لغرفتها : طيب يايمك الي تشوفينه انا استودعك الله كل يوم وكل دقيقة - ميهاف وهي تروح لجدها وتضمها : أحسن جده بالعالم والله الله لا يحرمني منك . نهاية البارت الاول. ❤️❤️❤️ رأيكم ؟ #روايه #روايه_طويله #حبيتها_والحب_ماهو_خطيه .