الفصل 2
البارت 2
ابو وليد متجهه للحرم المكي كـالعادة
كانت صلاة الفجر بعد انتهاء الصلاة
المكان هدوء وامان وروحانية 🕊
مر من عند نفس المُكان وحصل نفس
البنت !!!! بتول بعد الصلاة جلست ع سجادتها وكان بجنبها شنطة صغيره .
ابو وليد : لو سمحتي ؟
بتول رفعت عينها وخافت من شكله
الواثق ونبره صوته !
وبنفسها هدي نفسك اكيد بيسأل
عن شي انتي بـ اطهر مكان بالارض
واكثر امان لا تخافين !
بتول : نعم ؟
ابو وليد بتردد : انا يا بنيتي كل يوم
تقريباً اصلي هنا وكل يوم اشوفك
تبكين وبروحك ، انتي من اهل مكة ؟
بتول بخوف : ما لك علاقة فيني
بعد عنيّ " صار فيها خوف مو
طبيعي من اي شخص غريب
بسبب الي صار لها "
ابو وليد بحنية : يا ابوك اذا
محتاجة شي ولا تبين مساعده
امرني انا بالخدمة ؟
بتول بـشراسة : تعرفني انت
عشان تساعدني ؟
ابو وليد بحنية : ما نبي غير
الاجر والدعوه الصادقة .
بتول الي توترت من الحوار :
الله يوفقك وييّسر خلاص
ما ابي شي اصلاً ما فيني شي
نزلت راسها بسرعة لان دموعها
غلبتها هالمره وبكتَ !! في بيت ابو بسام 🌷
الاب " خالد " موظف كبير بـ احد الوزارت
ويملك عدد من المحلات والxxxx ، شخصيته جداً حنون وما يرفض اي طلب لـ عياله وكانت بنته الصغيره بتول هي الاقرب لقلبة .
الابن الكبير : بـسام عمره ٣٠ مُتزوج
وعنده ولدين صغار .
اروى : ٢٦ خريجة تخصص طب عيون وتعمل بـ احد المستشفيات المُعروفة بالرياض .
امجاد : ٢٢ ثاني سنه جامعة كانت بقوة تهتم بـ ستايلها ملامحها كانت حاده شوي .
بتول : الاصغر في العائلة عمرها ١٨ خريجة ثانوي ، ملامحها جداً جميله شعرها قصير باللون البُني الطبيعي .
بغرفة بنات ابو بسام 🌷
اروى ببكا : انا مستحيل اصدق
ان بتول ممُكن تسوي كذا او تمشي
بهالطريق !! امجاد بألم : ولا انا مصدقة بس
اروى ما في سبب مُمكن يخليها
تترك البيت فجاءه والله كنّا نتغدا مع
بعض وكل شي تمام ، ليش يابتول !
اروى : انا متأكده ان فيه سبب ومبرر
للي صار بتول اطهر وانقى من الكلام
الي طلع عنها
امجاد : والله قلبي يقول كلام وعقلي
كلام بس الاكيد ان ابوي كاره
اسمها بهالبيت يبينا ننساه !
اروى بـألم : هه من يصدق ابوي
يقول كذا عن بتول نُور عينه
الي ما يستغني عنها لو نص يوم !
امجاد بحزن : يارب انك تحفظها
يارب .
اروى بتردد وخوف : تتوقعين عايشه؟
امجاد بجزع : بسم الله عليها
ايه ان شاء الله ويارب بخير وترجع لنا
وتبرر لنا سبب الي صار وتسكت
بسام وخوالي الي فكرو فيها
بـالشينة ، انا متاكده انها برئية
من كل كلمة قالوها عنها او
كل ظن شين فيها .
اروى بـحزن : الله يرجعها لنا سلامة .
انتهي