الفصل 2
دايم يجي من بيني وبينك خناق
وتطول لسانك واطول لساني
وتسبني وتروح وتشين الاخلاق
واحس في ضيقه واغير مكاني
ولامن تفارقنا تعذبنا الاشواق
وكلن يجي الثاني من الشوق عاني
وناخذ بعضنا لهفه وضم وعناق
ونقضي الليله غرام و اماني
وقبل انتظارك نرجع هواش وخناق
وتطول لسانك واطول لساني
ونبقى على الروتين عدوان وعشاق
واسرق جمالك زانت تسرق حناني
هذي طراة الحب ف جوف الاعماق
لا فيه مجني ولا فيه. جاني
حبن مافيه دموع وغياب وفراق
سلم عليهم وشف لك حب ثاني
الشآعر : محمد ناصر الحربي
البآرت الثآنــي $
.
ــــــــــــ ــــــــــــ ــــــــــــ
في فلة ابو عبد الله
السآعة ١:٣٠ ص
نزلت أم عبد الله بعجله من الدرج من سمعت صياح زوجها ع ولده عبد الله : انت ماتفهم وعمرك مارح تفهم تزوج البنت قبل تروح لاحد ثاني وياخذ حلالناا . عبد الله يحاول يمسك نفسه عشان م يرفع صوته : يايبه انت ع بالك الزواج سهل ترا الزواج اسـ ..
قاطعه بغضب : بتعلمني يعني ، ي الغبي اناا اعرف مصلحتك اكثر منك .
نزل رعد و وقف جنب ابوه كان لابس جينز ازرق وبلوزهه قطنيه سودا ابرزت عضلات صدره وبإبتسامه رايقه : خيرر شعند الغالي معصب ! .
ناظره ابوه من فوق لتحت وبسخريه : وانت بس تستعرض للناس بملابس االصيع هذي ومتكي مع اخوياك الضايعين.
رجع ابو عبد الله يناظر ولده عبد الله : كلامي مو معك الحين كلامي مع الكبير العاقل اللي مو مقدرني وكلامي مثل الجزمه عندهه .
تدخلت ام عبد الله اللي وقفت جنب ابو عبد الله ونطقت بارتباك : يابو عبد الله تترا الموضوع ماينحل بالصياح اهدا وتفاهم مع ولدك .
تنهد عبد الله بضيق ورد : مافيه شي نتفاهم عليه موضوع زواجي من سيلين انسوه هذا اذا ماكانت البنت رافضه فكرة الزواج .
رد رعد بتعجب : والله انك دلخ ي عبود ترفض وحده مزه مثل سيلين .
قرب ابو عبد الله من عبد الله وعيونه بتطلع من مكانها ورفع اصبعه بوجهه وبحده : اذا م تزوجت بنت عمك سيلين لانت ولدي ولا اعرفك ولا ابي اشوف خلقتك فـ بيتي .
ردة فعل عبد الله كانت طبيعيه وتوقع هالكلام من ابوه بما انه يطمع بحلال اخوه ويبي بنته تصير لولده عشان ورثها
ام عبد الله بتوتر : يابو ريان تعوذ من ابليس ..
سكت عبد الله لثواني مقهور ورد وهو يناظر ابوه بتحسر : هذا انت يا يبه كل همك الفلوس ومستعد تضحي بولدك عشانه .. تدري مو صعب علي اتزوج سيلين بس الصعب يوم تغصبني اتزوجها عشان انت تاخذ فلوسهاا
لف وجهه عنه وكمل بنبره واضح فيها التعب : تضل ابوي وعزوتي انا بتزوج سيلين لكن بالوقت اللي ابيه
ابو عبد الله بقل صبر : بنت عمك سيلين كل يومين يجون لامها يطلبونها بس البنت ترفض وانت ولد عمها ومستحيل تردكك الزواج بيصير هالشهر فهمت .
عبد الله بنرفزه : لا يبه اسمح لي انت كذا زودتهاا .. اخطبها عشان م تضيعها بس زواج ماني متزوج الا بعد شهرين او ثلاث وماعندي غير هالكلامم .
ابو عبد الله بضيق : خير خير ان شاء الله < وطلع لغرفته .
مشى عبد الله صوب امه وحب راسها وابتسم عشان يخفي ضيقه عن امه : يلا يمه انت راجع لمكتبي تامرين ع شي .
ام ريان وهي تمسح ع خده : سلامتك يمهه انتبه لنفسك .
رعد بضحك : من قدك ي المعرس بتتزوج اجل هااه .
عض عبد الله ع شفته وناظره بحقد وطلع من البيت.
ابو عبد الله : ع ٥٦ شخصيته اكيد عرفتوها ..
كل همه الفلوس رغم انه مو محتاجها لكن الفلوس اعمت نفسه
ام عبد الله : ع ٤٥ شخصيتها طيبه مع عيالها لكن فيها حركات خبيثه وبتعرفونها مع الاحداث .
عبد الله : ٢٧ طويل ونحيف وشخصيه بشرته بيضا . مسوي تقويم وابتسامته جدا ساحره غير عوراضه الخفيفه . عصبي وجدّي بكل الامور وراسه يابس . موظف
رعد : ع ٢٣ طوله متوسط وجسمه نحيف وله عضلات خفيفه .. شخصيته . دمه بارد وثقيل يحب التفاخر ومغرور وفيه شوية انانيه . عاطل
ـــــ ـــــ ـــــ ـــــ
فـ شوآرع كندآ المزدحمـة¶
لتين وراكان يمشون -
وقفت بنص الطريق وضربت برجلها ع الارض بقهر : بس والله م اخليها له اذا ماحرقت القهوه حقته ع راسه .ضحك راكان و تكتف ورد : احلا يـ المهايطيه.
لتين بقل صبر : راكان ما امزح تراا لاتقعد تستفزني.
قرب منها وتلفت يمين وشمال ورد بهمس : م استفزيتك اذا بيريحك هالشي انا مستعد احرق المحل بكله عشانك . ضحكت بنعومه وردت : صدقت انت مجنوون .
إبتسم بخفه : وانتي خليتي فيني عقل .. اختفت الابتسامه عن وجهه وشد يدها وقربها منه اكثر وكمل بحدهه : وان رجعتي لهالشغل والله لايجيك مني شي ثاني انا اصلا ماني مرتاح لشغلك ذا .
لتين باستغراب : اهخخ طيب فك يدي خلاص .. بعدين انا مو غبيه عشان ارجع كرامتي فوق كل شي . خفف من مسكته ليدها ورد وهو يناظر عيونها : تدرين !! احب غرورك واحب هياطك واحب عنادك واحب كل شي فيك . نزلت عيونها عنه منحرجه وسحبت يدها من يده وردت : طيب انا تأخرت اختي وبنت عمي اللي علمتك فيها بيكونون ينتظروني . دخل يديه بجيوبه ورد بإبتسامه : طيب خليني اوقف لك تاكسي .
ـــــ ـــــ ـــــ ـــــ ــــــ
طلعت وسن من دورة المياه ( يكرم القارئ ) واتجهت للتسريحه وجلست ع الكرسي ونزلت المنشفه عن شعرها وصارت تنشفه وشعرها يتناثر حول وجهها
رفع نواف اللي كان شبه منسدح ع سريره عيونه عن الجوال وصار يناظرها بشوقق يخآلطه النـدم وقهر
يحب طول شعرها الناعم .. تجذبه ملامحها اللي يشتاق لها بسرعة ومايقدر يخليها تغيب عنه
حط جواله وقام و وقف وراها < وسن كانت تشوفه خلفها من المرايا بس تجاهلته ورجعت تمشط شعرها
نواف بهمس : وسن .
ردت من دون م تناظره : هممم
مسك يدها و وقفها ولفها عليه وصارت نظراته الحاده تربكهاا
نواف بحده : سؤالي مارح اكرره مره ثانيه ممن اللي كنتي واقفه معاهه !! .
سحبت يدها عنه ولفت وجهها عنه ردت بقهر : انت صار لعقلك شي !! شلون تفكر فيني كذاااا .. الشاب وقفني عشان يعطيني محفظتي وشكرتته بس .
لف يدينه حولها وضمها من ورا وصار طرف خشمه ع رقبتها : ماتدرين شصار فيني يوم شفتك واقفه معاه .
مسكت يديه بيديها وغمضت عيونها وهي تحس بانفاسه ع رقبتها : وراس بنتنا سمر ماااعرفه والله ماعرفهه بس شفته . رد بهمس :
خلاص حبيبتي مصدقككك < باس رقبها بخفه وتعمق بقبلاته و ....
ــــــ ـــــ ـــــ ـــــ ـــــ
اليوم ـآلثآني $
السآعه ٨:٣٠ ص
فتحت إيڤا غرفة لتين بقوهه وبصراخ : لتيييين
فزت سيلين من السرير وبخوف : هاه شصاار ففيه شي ؟؟ .. إيڤا ببرود : لا بس ابي تيشيرتي الوردي عند لتون وبعدين لتين عندها محاضره ورح تفوتها . سحبت سيلين المخده اللي بجنبها ورمتها عليها وبقهر : وتفتحين الباب ي حيوانه كذا عشان تيشيرت لو صار فيني شي .
أيڤا بضحك : مدري عنك والله مادريت ان نومك خفيف شوفي ذي جالسين نتهاوش الحين وهي مو حاسه فيناا .
صقعت سيلين لتين مع راسها وبنرفزه : هذي لو يدخلون علينا اسرائيل مادرت عنهم .. كملت وهي تدفها بقوهه وتنغزها : قووومي يااتببن لتييييين قوممي .
لتين بتملل : هاااه شتبيين ؟؟ . إيڤا بقل صبر : قووومي بتفوتك محاضرتك وعطيني تيشيرتي ي السروقيه .
جلست لتين وهي تفرك عيونها : شوفيه بالدولاب اللي بالنص ي المغثه .
إيڤا : اخت لتين .. ع ٢٢ . وشلون اوصفها لكم ..نتفه بس تجنن . قصيره ونحيفه وشعرها لتحت ظهرها وصابغته اسود واطرافهه اخضر مايل للتركوازي . عيونها واسعه ورموشها كثيفه . شخصيتها . رومنسيه مره.. تحب الافلام الرومنسيه والروايات . مغروره وتحب تتدلع لكن قلبها ضعيف وجبانه . جامعيه
ـــــ ـــــ ـــــ ـــــ
نايف وهو يسكر ازارير قميصه الرمادي : والله مدري لاجا الليل يصير خير . راكان بتوتر : عسى بس يوافق والله مرا مضغوط هالفترهه . نايف بإبتسامه : ي رجال تنحل يلا قوم لانتأخر <اخذ راكان المخده الصغيره ورماها ع زياد اللي للحين نايم وقال : زيود قومم ترا المحاضره بتفوتك . انقلب ع الجهه الثانيه ورد : ماني برايح مانمت زين .
طلع فهد من دورة المياه ( اعزكم الله ) وهو لاف المنشفه ع خصره ويرجع بيده شعره الكثيف ع ورا ويصفر وباين انه مروق.
نايف وهو يناظره : الله يعطيني روقان ذا التبن ماعمري شفته متنكد ولا متضايق . ضحك راكان ورد فهد وهو يضحك : اذكر الله ي الحيوان يالله صباح خير . راكان باستهبال : بعدين شعند امك انت كل يوم تتروش ترا المويا بفلوس . فهد بسخريه : بس طششه عشان الخياس . ضحك راكان ورد : احد يخيس ف ذا البرد شاك انك من فصيلة الدببع القطبيين . فهد : طيب يـ الفني مالي خلق اضحك ف هالبرد . رااكان وهو يناظر نايف : وصلت عينك يـ نيوف تنكد الرجال . ضحك نايف و وقف وهو يقول : لايكثر انت وياه يلا انا تحت بالسيارة لا تطولون عشان نلحق ع المحاضرة.
ـــــ ـــــ ـــــ ـــــ
الساعة ٩:٣٠ ص
في وسط الجامعه اللي اغلبها مبتعثين .
البنات وهم يمشون '
إيڤا وهي تناظرهم : الظاهر هذول اللي يبون يسجلون بالجامعه .
وسن : امم يمكن .
لتين : سيلين بعد سجلت ان شاء الله يقبلونها .
إيڤا باستغراب : شلون خلت امها لحالها بالرياض خاصه انها تعتبر غريبه بالرياض بما انها بريطانيه .
لتين بتحير : والله م اعرف هي ماجت الا وانها متطمنه على وضع امها
> فجأه وقفتهم شلة شباب وبنآت وقفو قدامهم نصهم كانو عربيين والبقيه اجانب
واحد منهم يأشر عليها :
( نعم انها هذه الفتاه)
سلطان لف وجهه وشافها وضحك بسخريه : اجل انتي هي .
لتين بتعجب : خير انت وياهم مضيعين شي ؟ .
قرب سلطان من ايڤا وبحقد : انتي قد الحركه االي سويتيها ي حلوهه .
إيڤا بتوتر : وش .. اي حركهه ؟
قاطعتها نرجس وهي تلعب بشعرها : انتي يلي خبرتي عنا وزكرتي اسامينا للدكتور وئت اللي سأل عن الطلاب اللي غشو بالإمتحان .. كملت بحده : انتي شو مفكرتنا مارح نعرف عنك يـ حيّه .
قاطعتها لتين بنرفزه : يـ مال الحيّه اللي تلدغك ي السعلوه يلا اذلفي اشووف .
اسامه بقل صبر : انتي خليج ع جنب حجينا مع الفتانه اللي يمج < وناظر إيڤا تخبت إيڤا خايفه ورا لتين ومسكت يدها { وحست لتين بخوف اختها .
وسن بحده : خيير وش هالوقاحة اللي فيكم جايين كلكم و.....
قاطعها سلطان بسخريه : والله كملت نتفات ومسوويين فيها فزعه حق بعض .
قربت منه لتين ونطقت وهي تناظره من فوق بتحت : مو احسن من رجال بطول وعرض يستقوون ع بنت انت واالصرصورات اللي وراك .
ردت نرجس بغضب : وليي احترمي حالكك .
لتين بغضب : انتي اللي احترمي نفسسك كل شي الا اختي إيڤا فهمتتي ما ارضى احد يضرها حتى بالكلام .
> إجتمعو اغلب طلاب الجامعه على اصوات صراخهم
إيڤا بهمس : لتين خلاص خلينا نروحح والله بيـ ..
قاطعها اسامه : وين بتنحاشين حبيبتي مو قبل مانصفي حسابنا معاج .. كمل وهو يقرب من إيڤا ومن بين اسنانه : تدرين لو رسبت بالماده وش راح اسوي فييك !! .
دف ايڤا بقوهه وطاحت بس يدين نايف كانت اسرع وقدر يمسكها .
م تحملت لتين من شافت حركة اسامة ..
قربت منه وشدت ياقته وبصراخ : انت شلووون تسوي كذا يـ الحقيييرر برايك الحين صرت رجال .
إبتسم أسامه بسخريه ونزل نظره ليدينها الصغيره الناعمه اللي م حركته بأي حركه وقال : اووهه رهيبه والله .
لتين بحقد وهي ضاغطه ع اسنانه : ي الخسيس < م حست الا بيد راكان اللي سحبها وخلاها جنبه ..
دفه بيده من صدره بقوه وبقل صبر : شعندك معها انت هاااه . اسامه بقهر : وانت شكوو لا يكون اخوها ولا حبيبها على غفله ! .
راكان بغضب : حبيبها اخوها هذا شي مايعنيك ويلا الحين وريني مقفااك احسن مايصير بيننا ...
< قاطعه اسامه وهو يناظر إيڤا وبتهديد : لا تفكرين انك فلتي انا وراك وراكك .
م تحمل نايف كلامه وهو يشوف ايڤا بهالحاله خايفه وساكته ومادافعت عن نفسهه \ وقف قدام اسامه وبصراخ : تهددها قداام الكل يـ الكلب < قرب بيضربه بس مسكه راكان .
وسبقته لتين اللي قدمت له ورفعت اصبعه بوجهه : تدري بتهديدك البسيط ذا اقدر اوصلك للسجن ي الفاهم .
عايض بارتباك : وش بتسوين يعنيي !! .
لتين بغرور : بمكالمه وحده مني اخليك نروح للسجن وتشيب فيهه .
أسامه وهو يخفي خوفه : كلامج هذا مايحرك فيني و / قاطعه عايض وهو يسحب اسامه : اختك غلطت واحنا بس قلنا نخوفها عشان ماتعيدها يعني اكيد مارح نأذّيها يلا اسامه امشي معاي .
ردت وسن وهي تناظر البنات اللي معه : وخذ الصراصير اللي جايبهم معاك
بعد م رآحو $
رآكان ضحك وناظر لتين : اجل مكالمه وحده توديه للسجن هاه .
لتين رفعت شعرها عن وجهها وبقل صبر : راكان ماني ناقصتك هفف .
راكان : امشي معي خخير شاللي صار .
لتين قبل تروح معه ناظرت وسن وقالت : وسن خليك مع إيڤاا
ـــــ ـــــ ـــــ ـــــ
بالكوفي
دخل عبد العزيز وجلس ع طاولته الخاصه وطلب يشوف المشرف وماهي الا ثواني وجاه
وقف المشرف جنبه وبهدوء :
(مرحباً استاذ عبد العزيز تفضل .)
عبد العزيز بحده:
(هل قمت بما اخبرتك به ؟؟ . )
المشرف بتوتر :
(نعم بالتاكيد اتصلت اليها بنفسي واعتذرت وطلبت منها ان تعود للعمل .)
رد عبد العزيز وهو يتلفت حواليه :
(ولكن انا لا اراهاا)
المشرف بارتباك :
(في الحقيقه انها رفضت ان تعود للعمل بقولها اني اهنتها امامك وامام الموجودين )
قاطعه عبد العزيز :
(لا اعررف عليك ان تقنعها بالعوده للعمل وإلا .. )
المشرف بترجي :
(ارجوك ياسيدي تفهم الموضوع لتين شابه محترمه وخلوقه ولكنها عنيده وانا متأكد سوف ترفض العمل )
. عبد العزيز بقهر :
ً (حسنا اغرب عن وجهي هياا)
ـــــ ـــــ ـــــ ـــــ
بعد ماراح عنه المشرف
عبد العزيز فـ نفسه : والحين هاي كيف اوصل لها !! شو اللي استوالي < مسح بيده ع وجهه وتنهد بضيق وطلع جواله واتصل ع سكرتيره : هااه شصار معاك ! .
السكرتير : ماعليك جهزت السايق ومتى ماتبيه رح ادزه لك عشان يبدا شغله من اليوم بس في مشكله .
عبد العزيز : قول ؟ .
السكرتير : السايق شاب جامعي يعني من االصبح لين الساعه ٢ راح يكون بجامعته .
عبد العزيز بتملل : وشو يعني مالقيت لي الا واحد يدرس . السكرتير بيأس : اعتذر بس هذا الشاب اللي كان ...
قاطعه عبد العزيز : خلاص خلاص الساعه ٤ خليه يمرني ع فلتي وانا بتفاهم معاه....
ـــــ ـــــ ـــــ
سيلين وهي تمشي بالحديقة و تفكر فـ وضعها وتسأل نفسها !/ كيف اقدر اوصل لاابوي الحين !! ..
وشلون رح يكون وضع امي بروحها ؟؟ ..
وش راح اسوي اذا ماقبلوني بالجامعة ؟؟ يالله والله احس اني ضايعة.
قطع تفكيرها صوت جوالها وشافت الرقم غريب ردت باستغراب : ( مرحبا )
( نعم انا سيلين خالد )
بفرح : ( حقاً )
لفتت انتباهه واحد يناظرها من بعيد ويدقق بملامحها وكأنه مشبه عليها وكان يقرب منها شوي شوي ..
تنهدت براحه : ( ااوهه . الحمد لله )
بابتسامه : (حسنا . الى اللقاء )
> نزلت جوالها وحطته بالشنطه .. جلست ع الكرسي ورفعت يديها وغطت عيونها وهي تقول : الحمد الله وهذي الجامعه قبلوني فيها
سمعت صوت غريب وبنبره واضح فيها التعجب : سيليين !!!
نزلت يدينها عن عيونها و وقفت من شافته منصدمه : عبد الله .
عبد الله بقل صبر : انتي وش تسوين عندك .. من متى وانتي هناا ؟؟
سيلين وهي تحاول تخفي توترها : انا جيت امس .. بعدين انت شدخلك فيني .
مسك ساعدها بقوه و قاطعها بنرفزه : شدخلنيي !! تسافرين وتتمشين ع كيفك عشان ماعندك اخوان يربونك ؟ ع بالك بخلييك تهيتين هناا ؟
ردت وهي تحاول تسحب يدهها منه وبغضب : نزل ايدكك عنيي شفييك انت مالك شغل فييني وماتقدر تحاسبني ع طلعاتي اقول لك ولا لانك ولد عمي بتسوي فيها ، اقول لك وخخخخرر .
نزل يده عنها وتنهد يحاول يهدي نفسه ونطق : وين نمتي البارحح ، وين بتسكنيين اقصصد ! . تكتفت سيلين وردت ببرود : عند لتين بنت عمي .
لفت بتمشي بس سحبها بحركه سريعه ولفها عليه وتلاقت عيونهم ف بعض و المسافه بينهم قريبه لدرجة انهم يحسون بأنفاس بعض .. لحظة صمت وتوتر وارتباك دامت بينهم لثواني . حست سيلين بنفسها وبعدت عنه خطوتين ونطقت بربكه : انا رايحه .
عبد الله : انا اوصلك .
سيلين بجمود : لا شكراً بتمشى شوي وبعدين ارجع بروحي . رفع حاجبه ورد : براحتك < لف عنها ومشى
سيلين تناظره وهو يمشي وبإشمئزاز : وجججججااعع مغرور وشايف نفسه لا وبعد مسوي فيها متى جيتي وانا بوصلك ومدري وش ع باله زوجي وييييعع الحمد الله بس .
عبد الله وهو يشغل سيارته : يوووهه اخر مرا شايفها قبل خمس سنوات .. كل شي فيها تغير إحلوت وصارت تجذب بس شايفه نفسها الغبيه ع بالها خايف عليها .. خليها تولّي بس
ـــــ ـــــ ـــــ ـــــ
فـ سآحة الجآمعه .
جلس فهد ع الزرع ومد رجليه وانسدح راكان ع فخذ فهد وجلس جنبهم زياد .
مسح زياد وجهه بيديه ونطق بضيق : اختبار اليوم كان وايد صعب .
تأفف راكان ورد : يارجال لاتذكرني .
فهد ببرود : بالعكس سهل بس لو مذاكرين زين .
زياد بسخريه : يامعوّد انا اروح لمدرس خصوصي يدرسني بس ماكو مخ هني < واشر ع رآسه .
رد راكان بضحك : انت اللي براسك نعال مو بمخ .
رفع زياد حاجبه ورد : عاد اقنعني ي الذكي مسوي فيها حل زين بالاختبار ويا ويهك .
ضحك فهد ورد : والله حاله كل واحد درجاته ازفت من الثاني وتطقطون ع بعض .
راكان بضحك : عاد انتظر نيوف الحين يجي ويبشرنا بالعلوم الزينه .
ضحك زياد ورد : قصدك يبشر بالعيد .
< عند نآيف
طلع من كلاسه يمشي ويديه بجيوبه وهو يفكر فـ نفسه ويقول : هالحين يعني انا مو مذاكر ولا الدكتور جايب الاسأله من رآسه المربع ذا .. إيهه اكيد من راسه ع باله ..
﴿ وفجأه صقع بطالبه وطاحت كتبها اللي بيدهآ )
نآيف : (آسف )
الطالبه تألمت ونزلت للارض ع طول تلم كتبها وتتمتم بنرفزه : ماتشوفف زين وين عيونك .
عقد نايف حواجبه من سمع ان كلامها عربي نزل للارض وصار يلم الكتب والاوراق معها و ورد : الظاهر انتي اللي يبي لك تلبسين نظارات طايره ومستعجله .
إستغربت إيڤا برضو من كلامه اخذت كتبها و وقفت بترد بس تغيرت ملامح وجهها من شافته ونست اللي كانت بتقوله ..
اما نايف يحك شعره بعبث مو عارف وش صار له من شافهاا . إبتسمت إيڤا عشان تخفي توترها ونطقت : مشكور .
نايف بإبتسامه : لا عادي .. بس فتحي عيونك وانتي تمشين ! . إيڤا : والله ؟؟ الحين من اللي صقع فيني انا ولا إنت .
نايف بغرور : انتي ويلا إعتذري ! .
إيڤا بإشمئزاز : اعتذرر !! بأحلامكك يـ ماما لان انت للي مفروض تعتذر يالأحول < كملت بتملل : انا وش مخليني اتناقش معاك بموضوع سخيف كذا هفف .. بايي
مشت مستعجله تبي تبعد عنه لكن مابعدت عنه غير كم خطوه وصقعت ف وحدهه ثانيه ..
إيڤا بنرفزه : ههفف لا والله حاله وش صار عليكم انتو مو معقوله الجامعه كلها حوله . سمعت صوت ضحكاته لفت وجهها وناظرته وأشر لها ع عيونه الثنتين بمعنى ( نظارات ) . إيڤا من بين اسنانها : تاافهه
ـــــ ـــــ ـــــ ـــــ
بـعد مرور أسبوع *
السآعه ٣:٥١ م
لتين وهي تلبس جاكيتهآ البيجي وبتعجل : إيڤا بسرعه الساعه بتصير اربع وانا تأخرت.كملت وهي تناظر سيلين : دعواتك سيلين .
سيلين وهي ترفع شعرها ع فوق : بالتوفيق ي عمري .
إيڤا مدت لها الجوال وبإبتسامه : خذي تلفونج خيتو لاتنسي طمنيني ؟ .
سيلين بسخريه : الحين هذي لهجه سوريه ولا كويتيه .
ضحكت إيڤا وردت : هذي يسمونها اللهجه السورتيه يعني نص سوري ونص كويتي هههههه .
لتين بضحك : اقول خلك ع لهجتا لايسمعون كلامك ويزعلون علينا .. المهم يلا باي اذا خلصت بدري جيت لكم ع السكن .
طلعت وقفلت باب الشارع وكان الجوو بارد مره ويمطر ..
وهي تمشي بطريقها لمحها رآكان وهو راكب بسياره فخمه واخر موديل استلمها من وظيفته ( عاد ماعرف اسامي سيارات ☹ ) ضرب لها بوريي و وقفت ابتسمت من شافتهه .. نزل قزاز سيارته وبإبتسامته اللي تسحر لتين كالعاده : إركبي اوصلك للمكان اللي تبينه .
فتحت الباب وركبت وتضايقت من شمة ريحة الدخان بسيارته
حرك راكان وهي مانطقت بحرف .. لف وجهه عليها وقال : وعليكم السلام ..
لتين طنشته وماردت .
راكان بخفة دم : سلامات راكبه مع يهودي لا سلام ولا شي !! بعدين ما باركتيي لي ع السياره الجديدهه .
لتين وهي تهز رجليها : انت شارب باكيت سيجاره كامل ولا وش .
راكان بجمود : لا بس وحدهه .
لتين بقل صبر : الله عاد هالوحدهه بتخلي ريحة السياره كذا راكان ارحم نفسك انت باليوم تخلص باكيتين وانا اعرفف لا تقول لي شدراك .
راكان يبي يهديها شوي ويحرجها : تحبيني وتخافين علي هاه ! .
لتين بنرفزه : خلي خفة دمك هالحين انت مرا مبالغ بالسجاير ومستهين فيهااا .
راكان ببرود : خلاص بحاول اخفف شوي ماقلتي لي وين تبغين ! .
لتين بغضب : اي بزر انا بزر عندك صح!! مليون مرا تكذب علي وتقول بخفف شوي < مدت يدها تدور بالفتحات ع الباكيت وصارت تخبط بكل مكان بالسياره .
راكان باستغراب : شفييك شتدورينن ..
بس لتين تجاهلته وفتحت الدرج اللي قدامها واخيرا لقت الباكيت اخذته ونزلت القزاز بسرعه وكبته .
راكان بقهر : انتي شسويتي ي الخبله !! .
زفرت لتينن وردت : سويت اللي كان لازم اسويه من قبل .. تكتفت وكملت : مع ان هالشي مارح يفيدني لان ادري بترجع تدخن بس ع الاقل ابرد اعصابي شويي .. نزلنيي عندك .
تنهد راكان بضيق ورد : انتي وين تبين اوصلك ؟؟ . لتين بنرفزه : قلت نزلني هنا
# نتركهم شوي
فـ فـلة نوآف :
واقفه وبيدها الجهاز وتنآظرهه وتبكي .. ماتدري دموعها دموع فرح او شي ثآني!
دخل نواف الغرفه .. ارتبكت وسن من جيته بهالوقت وخبت الجهاز ورا ظهرها
حس نواف عليها وانتبه ليدها اللي صارت ورا ظهرها من شافته .
حط الملفات وشنطة اللابتوب اللي بيده ع الطاوله واتجهه لها و وقف قدامها وبهدوء : فيك شي ؟ .
وسن بارتباك : لا .. لا مافيه شي انت متى وصلت غريبه اول مرا تطلع هالوقت .
رد بجمود : اجلت باقي الاجتماعات لبكره .. كمل وهو عاقد حواجبه مستغرب : وش اللي مخبيته ورا ظهرك .
وسن بتوتر : ولا شي اقصد م اخبي شي .
تأفف بملل وسحب يدها بحركه سريعه وشاف الجهاز بيدهاا .. سحبه منها وناظره لثواني متعجب ومنصدم بنفس الوقت ..
رفع عيونه عليها وبلع ريقه اللي جف ونطق : هذا جهاز الحمل صح !! .
نزلت عيونها عنه وردت بهمس : ايهه .. انا حامل .
رفع يده لعيونه الثنتين وصار يضغط ع عيونه بأصابعه السبابه والابهام يحاول قد مايقدر يمنع دموعهه انه تنزل بهاللحظه < غرقت عيون وسن بالدموع من شافت حالته .. شهقت وصارت تبكي وتقول : اسفه نوااف ادري ماكنت تبيني احمل بهالسرعه بس شسويي مو بيدي والله .. انا كنت اخذ حبوب منع حمل بس هذي ارادة < سحبهاا لحضنه بقوه وصار يضغطط عليها لصدرهه وهي تبكي
نطق وهويمسح ع شعرهاا : تصدقين ان هذا اليوم اللي كنت احلم فيه .. ابي طفل منك يربطني فيييك - رفعها عن حضنه وصار يمسح دموعهت بانامله ويقول : بعدين من متى تاخذين حبوب منع حمل وليشش ؟ انا متى قلت ماابي عيال ، لا عاد تاخذينها فاااهمه .
هزت راسها بفرح مو مستوعبه كلامه ونطقت : يعني هذا كان حلمك .
ابتسم ورد : ايي هذا كان حلمي وابسط احلامي ، ابيه يشبهك ونسخه منك ابي احبه فيك واحبك فيه .
رفعت خصلات شعرها عن وجهها وردت بنعومه : وانا طول عمري مابي غير شخصين الاول يناديني حبيبتي والثاني يناديني ماما .
نواف بهمس : بعد عمري والله ..
ـــــ ـــــ ـــــ ـــــــ
فـ فلــة أبو عبد االله
نزل رعد فنجآل الشاي من يدهه ونطق بحماس : ع هالطاريي تخييل ان سيلين بـ كندا .
عبد الله بجمود : ادري .
رعد بسخريه : اوووهه والله وصارت علاقتك فيها قويه المهم تخييل شفتهاا بالماركت سلمت عليها يلعن طوايفهاا مزز والله وتوفقت فيهاا
اشوفكم بالبارتت االثااالث ابي حماااسكمم 😍