شيّبتي راسي بـ عنادك ما تبين تعاندين الموت وترجعيلي - الفصل 4 | روايتك

البارت 4 ابو سلطان : والله وكبرتي ياهديل وبتكبريني معك هههههه . هديل توردت خدودها بخجل ابو سلطان : خطبك ولد عمك علي الليله منّي لو لي والله عطيته وبن بحصل نسيب مثله ! بس الراي رايك يابنيتي .. ما ابي اسمع ردك هالحيين فكرري زين . الولد ولدنا نعرفه ونعرف اخلاقه واهله .. () ووقف وبـ ابتسامة : عند اذنك يا بنيتي . هديل بخجل : اذنك معك .. واول ما طلع رفعت راسها وتنفست بعمق .. ! معقوله الوضع جدي لهدرجة ؟ انا بـ اتزوج واطلع من هالبييت ؟ ما كانت تحب علي بالعكس كانت تشوفـه مُنقذ لحياة الجحيم الي تعيشها في بيت اهلها .. !! في الشرقيه تحديداً في مُستشفى ******* الي كان فيه الدكتور راكان 🌸 كان يمشي بين الممُررات متجهه لـ غرفه مريضـه عنده . صادفـه رئيس القسم وبـعجلـه : انت هنا وحنّا نتصل علييك راكان طلع جواله بـ استغراب وبـ احراج : معليش كانت سايلنت امر عسى ما شر ؟ رئيس القسم " سعود " : تعال لمكتبي فيه موضوع بـ اكلمك فييه .. راكان : بـ اوقع ورقه خروج المريضه واجيلك . سعود : ان شاء الله .. اتجهه راكان لغرفه المريضه ووقع الاوراق واتجهه لـ مكتب رئيسه وبنفسه : شسالفه الله ييّستر .. () في الرياض 🌸 في بيت ابو سلطااان كانو يوادعو عائله ابو علي بيرجعون لـ الشرقييه .. () اثير : يلا مع السلامه تاخرت ع ابووي . نهى : ما شبعت منكم والله .. شموخ : ان شاء الله نعيدها قريب ياقلبي . هديل : حياكم الله بـ اي وقت يا قلبي .. () في مكتب سعود 🌸 جلس راكان وبـ احترام : امرني يا ابو عبدالله . سعود : ما يأمر عليك عدو . وبـ احراج : والله منحرج منك للمره الثالثه نكلفك بالسفر . راكان بـ ابتسامه : ولو يا ابو عبدالله حاضرين . سعود : فيه دوره مره مهمه بالرياض ، وعليها شهاده معتمده من ******* اذا رحت ومثلتنا بتفيد سمعتنا كثيير .. مو اجباري ع راحتك اذا ودك تروح او اشوف غيرك ، انا والله رشحتك لاني اثق فييك كثير .. راكان : متى الدوره ؟ سعود : بعد يومين ... ! راكان : اهوه قريب مره . سعود : ع راحـ قاطعه راكان : نقول الله يقدم الي فييه الخير ، وان شاء الله اكون عند حسن ضنكم . سعود بفرح : شكراً ياراكان الله يوفقك يارب . راكان وقف : اجمعين ، اوامر ثانيه ؟ سعود : ما قصرت عسى عمرك طويل .. () في بيت ابو سلطان 🌸 هديل كانت بالمطبخ كالعاده دخلت امها وبصرخة : اطلعو برا الخدم بخوف اتجهو للباب هديل ارتاعت من صوت امها و وقفت بتوتر وكانها طفل ينتظر عقابه ... !!! ام سلطان : ما عندي وقت اضيعـه معك ،، بتوافقين ع ولدك عمرك وبتفارقين من هالبيت ولا والله يا هديل بتشوفين شي عمرك ما شفتيه ! هديل نزلت راسها وكل كلمه من فمها كانها سكين بقلبها اكتفت بالصمت وكانت بتطلع شدتها مع يدها : اكلمك انا هديل : حاضر يمه ام سلطان : يعني اقول لا ابوك ؟ هديل نزلت دمعتها شعور ان امك ما تبيك بالبيت .. ! وبـتسرع : ايه موافقه ام سلطان : ****** واتجهت هديل بعجله للدرج وصعدت درجتين درجتين تبي غرفتها بس تبي تبكي بـ راحتها .. ! ام سلطان ابتسمت بنصر واخييييراً بتفارقني هه ! في احد مستشفيات الرياض .. مدير المستشفى : طبعاً ما عندنا اكفاء من الدكتوره نهى هي المسوؤلـه ! نهى بـ احراج : شكراً يا ابو عمر . وان شاء الله اكون عند حسن ظنـكم فيني ولا اخيب رجاكم .. يوم جديد 🌸 في بيت ابو راكان () راكان : لا ان شاء الله كلها يومين وارجع . احمد : الله يوفقـك . داليا : لو كنت اعرف انك بتجي للرياض ما كان جيت مع احمد هههههه . ابو راكان بفرح : ان شاء الله هاليوميين بنروح انا وانتي .. ! الكل ناظرو بـ استغراب ؟؟، ابو راكان : هديل وافقت والملكة هاليوميين . داليا صرخت بفرح لاشعورياً : جدددددد وناااااسسه !! راكان : ماشاء الله، الله يكتب لهم الي فيه الخير . داليا : ياقلبي يااهديييل !! في بيت ابو سلطان 🌸 هديل كانت بتدخل المطبخ لولا اليد الـي شدتها نواف بضحكة : وين يا عروس هديل توردت خدودها بخجل : نووواف نواف بضحكة : عمري المستحيين والله . قاطعت حديثهم ام سلطان بحده: للمطبخ يلاااا ابوك ع وشك يوصل ! نواف تنهد : الخدم موجودين ام سلطان بحده : انت قلت هالـ ***** هي تحطـه ... ! هديل بهمس : خلاص نواف انا اروح واتجهت بعجله للمطبخ .. ! وبنفسها هانت ياهديل هانت كلها فتره وتتزوجين وترتاحين منها .. ! وما كان تعرف ايش ينتظرها بعد هالزواج .... !!! في بيت ام ريم 🌸 ريم : اُف يمه والله مليتَ ودي اشتـغل ! ام ريم بحده : قلت لك هالموضوع لا تفتحينه ! مستحيل اسمح لك بعد الي صار تشتغلين ! ريم : يمه اوعدك اسال عن مكان العمل زين وصاحبته ..! ام ريم بنبره غريبه : مو كل مره تسلم الجرهّ .. ! في بيت ابو فارس 🌸 صحى من النوم ونزل بيجلس مع امـه .. ام فارس كانت تكلم وبعد ثواني انهت المكالمـه .. () فارس : شخبارك يالغاليه؟ ام فارس بقهر : ام سلطان تو قفلت تعزمني ع ملكة بنتها هديل فارس : اووه هديل ماشاء الله اذكرها بـزر ههههه ام فارس بقهر : هالبزر بتتزوج ! تكفى يا فارس فرح قلبي وتزوج ... ! فارس اول شي جا في بالـه .. ! عُيووووونها ونبره صوتها الخجلانـه حصل خير حصل خير .. ! من ذييك اللحظه وعيونها ما غابت ع بالـه ابداً .. ! وبعتب : شفييك يا فارس !! معقوله بتتعلق بطيف وحده ما تعرفها حتى اسمها ما تعرفه .. !!! قاطع حبل افكاره صوت امه وبضحكة : لايكون فيه احد في بالك ؟ فارس بتوتر : هههه لاه يالغاليه لا وحده ولا شي .. ! ام فارس : تكفى يا وليدي اذا انت ما تبي انا اختار لك عادي اختار البنيَه انت وانا اروح اخطبها لك بس تكفى لاتحرمني من شوفت ضناك ... ! فارس بنفسه ش اقول لك يا يمه ... ! وحده شفتها بالمركز واحسّ انـي مُعجب فيها ؟؟ في بيت سلطان 🌸 نزلت زوجتـه " سهام " من الدرج .. سلطان : ياهلااا ياهلاا بـ ام خالد .. سهام : هلابك وينك لي يومين ما شفتك ؟ اشتقنا لك سلطان : مشغولين بتجهيزات ملكة هديل سهام بصدمة : اختك هديل ؟ سلطان بضحكة ع ملامحها المُصدومة : ايييه اختي هديل سهاام : ههههه الله يتمم لها ع خيير ، يالله اتذكره صغيرها بالثانوي لما تزوجنا سلطان : لاتحسسيني ان لنا ٥٠ سنه متزوجين ههههه كلها ٤ سنوات . سهام بضحكة : العمر معك يمّر بسرعه ضمها لصدره : والله اجمل شي صار لي بهالعمر انتي وخالد .. ! وبشوق : الا حبيب ابوه وينه ؟ سهام برجا : تو نام بلييز لا تصحيه .. !! وقف سلطان وبضحكة : افا اجي هنا ولا اشوف ولدددي ! واتجهه لـ الدرج خطوتين خطوتين واتجهه لـ غرفتهم بـ يشوف ولده خالد ! الي اهله ما يعرفون عن وجوده ع انـه حففييييدهم .. ! في بيت سلطان 🌸 بعد ما لعب ولده خالد نزله في سريره وبالم : تدرين كل ما اشوفه احسّ بشعور غريب قاطعته سهام بـ انكسار : ندددم ؟ سلطان : لالالا والله لااا بس ان ابوي شقد فرح لما انخطبت هديل ووافقت يقول واخيراً بـ اشوف حفيد ما يدري ان عنده حفيد عمره ٦ اشهر سهام : قل له يا سلطان قل وريح نفسـك بدل هالعذاب ): سلطان : اول كان فيه امل بس بعد ما جا خالد احس بصعوبه اجي اقول له هذا حفييدك !! سهام : يمكن يسامحك سلطان : بيعاتبني كل هالفتره ليش ما ادري عنه .. ! سهام بحزن : ليش الميت ما تموت معه سمعته ؟ ابوي من اربع سنوات فارق هالحياااه معقوله ابوك لسى يذكره ؟ سلطان تنهد : رحمه الله علييه والله ما ادري يا سهام بس يوم عن يوم تكبر فيني اراده اني اقول له الحقيقه وارتاااح . في بيت ابو علي 🌸 الكل مبسوط ومتحمس بـ استثنا علي .. ! كان يفكر برده فعل ريوف الي من اخر رساله وجوالها مقفل ... ! يالله شسوي .. ! قاطع حبل افكاره صوت ابوه ابو علي : شفيك ياوليدي؟ علي بتوتر : لا ما فيني شي يالغالي وبعجله : تذكرت عندي شغل ضروري لازم اخلصه الليله . وطلع بسررعه ما يبي ابوه يستجوبه ويقول شي بالخطا. . ! في بيت ابو ريوف 🌸 كانت تفكر بحيره والى الان ما اتخذت قرار لها .. ! قاطعت عليها سجى الي تعرف الموضوع وبخبث : غبيه انتي ؟ ش تنتظرين والله لو ملك علي ع هديل ولا قال لا ابوه شرطـه انسي بيوم انك تتزوجين عليّ ! مستحيل يرضى ولده يتزوج ع بنت اخوه بس دقي عليه وقولي له تمـام قول لا ابوك وراضيه تتزوجها قبليّ .. ! ريوف بقهر : بتشاركني بـزوجي في بيتي بـ اعيش نص حياه !!! سجى بخبث : من قال ؟ علي يحبك يموت فيييك ! ونبره غريبه : استقعدي لها بكل شي وسووي مشاكل وعلي من نفسه بيطلقها اصلاً هو ماخذها شقفه .. ! ريوف : اخاف يحبها ! سجى بصدمة : يحب ميين ؟؟؟ علي يحب ذيك الـ ***** لاتعرف لا تلبس ولا قد شفتها كاشـخه كانها ******** ريوف بضحكة : هههه حرام عليك سجى : شغالتنا تلبس احسن منها هههه ما منها خوف ولا عندها شخصيه لو صرختي عليها بكت ههههه فـ ليش مصعبه الموضوع؟ في المستشفى 🌸 اول يوم لـ دوره ****** مُقدمه من ***** لـا اكبر المستشفيات وعليها شهاده مُعتمده من ****** .. ! نهى كانت بمكتبها تجهز بعض الاوراق الي محتاجتها ! فجاءه طق الباب من غير لا ترفع راسها : تفضل .. دخلت زميلتها " نجوى " نجوى : يسعدلي صباحك يا احلى نهى نهى بـ ابتسامة : وصباحك ياحُلو نجوى : كيف الاستعدادت ؟ نهى بتوتر : خلصت بـ اطلع فييه احد وصل ؟ نجوى : لا لسى يجهزون الضيافـه نهى تنهد : يارب ييّسر لي .. بنفس المُستشفى 🌸 راكان كان متجهه لـ صاله **** وصااادف زميل دراسـته راكان بفرح : عممممر عمرر بصدمة : ياهلاا ياهلااااا راكان : عاش من شااافك عمر : عاش غاليك راكان : شخبارك شعلومك ؟ عمر : بشوفتك بخيير راكان : والله اشتقنا يا ابو محمد عمر : ما تشتاق لغالـي راكان : فاضي ؟ عمر : ههههه ع لساني السوال ادا فاضي نطلع نتقهوى راكان : ايه معي وقت يلا يلاااا عمـر : يلا وطلعو لـ كوفي قريب من المستشفـى .. () في بيت ابو علي 🌸 كان جالس بالحديقه يفكر بندم وفجاءه وصلته رساله من رقم ما كان متوقعـه ابداً " مساء الخير علي انا فكرت بكلامك كثييير واقتنعت فيييه ، خذها يا علي وان شاء الله ابوك وقتها يقتنع ونتزوج انا متاكده من حبك لي انا متاكده ان وجودها ما يفرقنا حبنا اكبر من هديل ياعلي .. تزوجها وكلم ابوووك .. علي اتسعت عيونه بـفرح .. !!! ولاشعورياً ابتسم ووقف وتنهد بفرح : يالله لك الحمد يالله لك الحممد .. عند ريوف نزلت الجوال وهي مقتنعه تماماً بكلام اختها سجى .. ! ومقرره تكره هديل عيشها وهي تطلب الطلاق من نفسها .. ! في المستشفى🌸 بدت الدوره وظهر الجانب الجدي والعملي من نهى .. كانت تتكلم بطلاقـه وثـقه . مدير المُستشفى كان مبتسم بـ فرح من مستوى الالقاء وانتقى الحروف والكلمات .. () ! دخل راكان مع عمر وكانو يتهامسون ويضحكون بـخفه نهى بجديه : الرجا الالتزام بالهدوء والي مو جايز له الجو يتفضل برا لايكلف ع نفسـه ولا يزعجنـا !! ورجعت تكمل حديثها ولا كانها قايله اي شي .. !! راكان جن جنونـه .. ! من هي عشان تكلمني كذا !!! كانت نظراته الحاقده واضحة جداً لدرجة ما كان منتبه ايش تقول كان يفكر كيف تتكلم بهالاسلوب امام العدد الهائل وحنّا تكلمنا بهمس ولا ازعجنا !! انتهت الدوره وطلعت نهى علطول وبدت الاغلب يتناقش بالموضوع الدوره والبعض مُعجب بـ شخصيه نهى . وشخص حااقد ع نهى .. ! راكان : من ذي ؟؟ عمر : هذي الدكتوره نهى الـ وكان بيكمل اسم العائله بس قاطعه راكان : هي المسوؤله عن الدوره هنا ؟؟ عمر بضحكة : هي الكل بالكل ! راكان : المستشفى لـ اهلها يعني ؟ عمر : لالا بس ماشاء الله من اذكى الموظفات عنها وابو عبدالله دايم يكلفها بـ المهام لان يعُتمد عليها مره ... !!! في غرفه نهى 🌸 نجوى بضحكة : كيف طاوعك قلبك تقولين لـ هالحلو كذا نهى : ادا داخل يتميلح ويترزز يطلع برا لا يزعجنا .. ! نجوى : حرام عليييك انا قدامه وبيالله اسمع نهى : انا والله ما احب اسم صوت حتى الهمسات وحنّا بمكان عمل مو مكان ضحك .. !! في بيت ابو سلطاان 🌸 كانت بالصاله جالسه تفكر بـ ايش اللبس ايش اسوي بشعري اخاف اقول لا امي وتهاوشني .. ! قاطع عليهم حديثها صوت ابوها وكانه حاسّ فيها وبحنيـه : يا ابوك ملكتك بعد يومين شرايك نروح انا وانتي للسوق وتشترين الي ناقصك هديل وكان ابوها قايل لها شي تعجيزي وبفرح : ججد يبه .. !!! ابو سلطان : ايه والله يا بنيتي انا فاضي ومو كل يوم غاليتي ممُلكـة . هديل بفرح : الله لايحرمني منك ياااارب واتجهت لغرفتها تتجهز بسرعه قبل لا ترجع امها وتكنسل الطلعه !! بالمستشفى 🌸 كان راكان يمشي بين ممُرات القسـم وعمر يعرفـه ع الاماكن وشاف صندوق اسود لفت انتباه وقرب منه وكان مكتوب " ‏من اجل الجّنه تصّدقو فإن الكفّن ليسَ لهُ جيُوب " راكان : مااشاء الله فكره حلوه ! عمر : مره قريت المبلغ الي وصل لـه بشهر ، تبارك الرحمن ! راكان : الله يجزا الي سوها خيير فعلاً جمله مؤثره .. عمر : المسوؤلـه عن الفكره وجمع التبرعات الدكتوره نهى الـ ****** راكان بصدمة : نهى ايش ؟؟ عمر : الـ ****** وبتذكر : لايكون من بنات العم بس؟ راكان بتصريف : لالا وبنفسه معقوله هي ؟ ولا تشابه اسماء ! بس بنت عمي نهى طب اذكر .. ! الله واكبر يعني ما فيه بالعايله الا نهى بنت عمك .. ! في السوق 🌸 كانت مبسوطه جداً وتختار الي بخاطرها بس للاسف بما انها نادر تجي السوق ولا تعرف تختاار كويس . فـ كان فستان ملكتها جداً عادي .. ! وابوها كان ما له بالسوق فكان يأيدها ع اختياراتها .. بيت ابو علي 🌸 كان ابو علي بالمجلس دخل علي وهو مقرر يكلم ابوه ! ابو علي : بوجهك كلام !! شفيك يا وليدي .. ! علي : يبه من غير لف ودوران انا ما ابي هديل .. ! ابو علي بصرخة : اييش !!؟ علي : الي سمعته يبه ما ابي بنت اخوك ابو علي : السالفه لعب ش اقول لا اخوي ش اقول لهديل .. !! صاحي انت علي : يبه احس اني اخون ريووف ما اقدر املك ع هديل ! ابو علي : ش دخل ريوف ! بتفشلني عند اخووي ش بيقولون الناس عزمنا ع ملكتهم .. ! علي : يبه ما اقدر ما اقدددررر احب ريوف وابيها ابو علي : انت تعرف بالوضع لا تنبش بالموضوع ! علي : يبه انا ابي ريوف لو انتظرها كل العمر بس هديل مستحيييل املك عليها واذا انت متفشل من عمي انا اكلمه وطلع جوالـه وبكذب : هالحين اتصل واقول له ما ابي هديل ... !!!! 🌸 وطلع جوالـه وبكذب : هالحين اتصل واقول له ما ابي هديل ابو علي : صاحي انت ! حرام عليك قبل شوي كلمني طالع مع بنته تجهز لملكتها علي : عشانها بنت اخوك صار حرام وريوف اجبرتني اطلقها بيوم زواجها .. ! ابو علي : هذا شي وهذاك شي ! علي : الي عندي قلته وحطيت عندك خبر وبـ اكلم عمي ابو علي : ترجع ريوف ترجعها بس تكفى لا تفشلني قدام اخوي .. ! واكسر فرحة هديل .. ! علي الي فرح بقلبه بس حاول يكتم فرحته : ريوف ما ترضى ! ابو علي : اذا تحبك بترضى يا علي خذ هديل وبعدين ملك ع ريوف انا متاكد هديل بتتفهم وضعك .. ! علي : امممم خلاص بس بشرط تكلم خالي قبل الملكة وتتفاهم معه ! ابو علي بقهر : ملزم ياعلي ! علي : ما ابي غيرها ، و وافقت ع بنت اخوك عشاانك .. ! ابو علي : بـ اكلمه وامري لله بس من هالحييين اذا غلط او عارض ما لي علاقـه .. ! علي : اذا رفض ترفع قضيه عضـل ما عنده اي سبب مقـنع .. ! ابو علي بقهر : الله يهديك يا علي .. !!! في بيت ابو سلطان 🌸 ام سلطان بحقد : من وييين ان شاء الله .. ؟ هديل : كنت بالسوق مع ابوي ام سلطان : باذن مين ؟ هديل : باذن ابوي ، تعرفين ما عندي ام ، امي ماتت وانا عمري ٥ سنواات .. ومُشت للدرج لا تنزل دمعتها ام سلطان وللاول مره !!! كلمه من هديل تلامس قلبها ما تعرف ليش استثقلت الكلمه مرررره .. !!! وترددت في ذهنها كثير امي ماتت امي ماتت امي ماتت امي ماتت امي ماتت ... !! اتجهت لغرفتها وهي تطرد هالكلام من راسها وحسّ انـه ضايقها ع انها كانت دايم تقول بنتي ماتت من ١٥ سنه ليش لما صااارت من هديل ضايقتها ؟؟؟ في بيت ابو فارس 🌸 كان يرجع اوراق مهمه للقسم ودخلت امـه ومعها فنجال قهوه وبحنيه : قهوتك يا امُي فارس : الله يجزاك الجنه يالغاليـه .. () ام فارس : الا ع الطاري شصار ع ام ريم ؟ فارس : ما ادري والله علمي فيهم بالمركز لما طلعو .. ام فارس : اها الله يحفظ بناتنا وبنات المسلمين .. فارس بنفسه ليش تذكريني يا يمه .. بذاك اليوم بذييك العييوون .. !! بـغرفه نهى 🌸 كان يوم طويل اول ما رجعت ناااامت .. وتذكرت ان بكرا برضو بيكون يوم طويل تنهد بتعب يارب ييّسر لي وسهل علي من عندك يااااكريم ... () في نفس البيت تحت كان راكان نايم عند عمه .. () وقبل لا ينام جا طيفها ع بالـه .. ! بغض النظر عن كلامـها ما قد شفت شخصيه وحده بهذي القوه والثـقه .. ! واكثر شي شده حجابها وسترها .. () وسمعتها بكل المستشفى الدكتوره نهى والدكتوره نهى سوا من مرضى او موظفين .. ! في بيت ريوف 🌸 كانت تاكل نفسها باللوم مجرد انها تتخيل ان علي بيملك ع هديل .. () !!! سجى : اذا لهدرجـه مشغله بالك نروح انا وانتي نحضر الملكة ! ريوف بصدمة : جد ؟؟ سجى : ايه جد نروح مع السواق واصلاً مهما صار علي ولد خالتنا يعني عااادي . اصلاً قالت لي اثير وقلت ان شاء الله ع اني كنت ناويه اسحب بس اذا ودك نروح نشوف مصخره هديل ريوف بـ ابتسامة نصر : اوكككي نروح ... !!! في غرفه هديل 🌸 كانت تشوف الملابس والاكتسواز والشوزات وتضحك بفرح وكانها طفـله مبسوطه بـ فستان العيد ... () !!! امها حرمتها من ابسط حقوقها .. () هي كانت تشوف نفسها ذيك اللحظه اجمل وحده ! بس ما كانت تعرف عن ذوق المجتمع المُحيط فيها .. ! واختها نهى كانت جداً مشغوله بـ برنامج المُستشفى الجديد .. ! لدرجـه ما فكرت تسال اختها او تشوف ايش ناقصها ع ان علاقتها كويسه بـ هديل ! في بيت ابو راكان 🌸 احمد : بتخلوني لحالي ! داليا : تعال معنا احمد : والشغل ! ابو راكان : تعرذ من ابليس وتعال العمر يخلص والشغل ما خلصّ داليا : ههههه الله عليك يا ابو راكان .. ! احمد : هههههه ما ادري والله بـ اشوف الوضع ويمكن اروح ابو راكان : الليله بنمشي ان شاء الله .. فكر ورد لي . نهاية الفصل.....