الفصل 3
البارت 3
() ام سلطان بجلمود وقوه :
قلتها قبل ١٥ سنه
وارجع اقولها بنتي هديل
ماتت ماتت ... !!! كان فييه طرف رابع سمع كل
الحوار وجته نخوه وحميّه وطق
الباب بصوت عالي !! عند فارس 🌸
وصل الحيّ وفعلاً سال عن
بيت ابو ريم ووصفه له ولد صغير .
تنهد واتجهه لـ الباب
وطقه بقوه شوي وعلطول
انفتح الباب
وطلعت امُه مسنـه حانيه
ظهرها وبصوت باكي :
تكفى يا وليدي لا تفجعني
بموتها .. !! فارس بجزع : بسم الله شفيك
ياخاله والله انها بخيير !
ام ريم بضعف : ابي اشوفها
ابيها تكفى يا وليدي وينها
فارس : حياك حياك بالطريق
اقول لك
ركبت معه وهي ما تعرف مين هو
ولا وين بتروح ولا شسالفه تبي
بنتها ريم بس .. !! ركبت وبخوف : وينها ؟؟ فارس : شوفي يا خاله البنت انا
ما اعرفها ولا شي !
بس انتي امها ومربيتها وواثقه
منها صح ؟
ام ريم بتوتر : ؟؟؟؟ فارس : معك فارس ملازم اول
بـ ****** ام ريم الي زاد خوفها :
ش جاب بنتي لك !! فارس : انا تو كلمت زميل لي
وقال لي ريم بريئه وهم اعترفو
انها ما لها ذنب وبتطلع !
ام ريم ببكا : للليش !! ش صايير بنتي بالـسجن !! فارس الي كان يبي يطمنها اول
شي ان بنتها بريئه
وحكى لها كل شي بالتفصييل !! طبعاً ام ريم مع كلمه ينقبض
قلبها وتنزل دموعـها .. () وصلو المركز الي كان طويل طريقه
ع ام ريم تدددعي وتستغفر
ربي يحفظ بنتها ويخليها لها .. !!
بالمركز 🌸
دخلت وهي بيالله رجولها تشيلها
من التوتر
فارس كسرت خاطره وبعمر امه
قرب منها وسند يدها ع يده
عشان تمشي زين وبحنيه :
والله ياخاله انت بنتك بخير
وبريئه ووعدد مني انا شخصياً
بـ اتابع القضيـه
ام ريم :
الله يوفق يا وليدي لاتخلي بنتي
لحالها ما لها احد ما لها سندد
والله بنتي تربيتي اعرفها زين لو
كانت تدري ذا شغلهم والله ما رضت
ع نفسها بس شنسوي يا ابوك
الله لايحوجك لـ احد
فارس تنهد : ارتاحي وطولي
بالك يا خالـه
طلع جواله وكلم بهمس وشويه
عصبيه
فارس نزل الجوال وبعجله :
انتظريني هنا
ام ريم بجزع : بنتي فيها شي !
فارس : لالا ياخاله موضوع
ثاني
واتجهه لقسم التحقييق .. وصل القسم وهو يحاول
يتمالك اعصابه :
مو قلت لي البنت بريئه ؟
الموظف : بشهاده الكل !
فارس : ليش لسى ما طلعت !
الموظف : ياطويل العمر انت
تعرف القوانين .. !
ما يحتاج اقول
فارس بغضب :
موجود محمد ****** " مسوؤل في قسم التحقيق "
الموظف : ايه طال عمرك لسى
التحقيق مستمر
فارس : اي غرفه ؟
الموظف : غرفه ٤
فارس : شكراً واتجهه لـ القسم
يبي يكلم محمد يعجل بـ اوراق
ريم مو عشان شي !
بس كسرت خاطره امـها .. !
طلع محمد وكلمه بهمسات
فيها احترام ما بين الطرفين
وانتهت بـ موافقه محمد يعجل
بـ طلعتها بس مضطره انها الليله
تنام هنا .. !
الجريمه مو صغييره واجراءاتها
تطول .. !
في بيت ابو سلطان 🌸
وقف صوت الصراخ وبكا
هديل من طق الباب القويه .. !
الباب الي يفتح من ع قسم
الرجال !
ام سلطان بتوتر وخوف
انه يكون ابو سلطان : مييين !! علي : انا ياخالـه !
وبحمييه : اذا هديل ماتت بالنسبه
لك انا شاريها وابيها حلالي
اليوم قبل بكرا .. !! ام علي اتسعت عيونها بذهول !
مو اقل من ذهول هديل !
ام سلطان ما استوعبت
هديل تاخذ علي : اييش !
علي تنهد : الي سمعتيه يا عمه !
انا ابي بنتك هديل ع سنه الله
ورسولـه !
واعرف انك ياهديل تسمعيني !
انا من زمان كنت ناوي اكلم اهلك
بس قلت تتخرج واخطبها .. !
بس شكل عمتي ما قدرت تستحمل
كل هالوقت .. !
انا شاريك واوعدك يا هديل ما
تنضامين منهم وانتي عندي .. !! وكان يقصد بكلمه " منهم "
امها ... !! هديل من الصدمه قامت بصعوبه
اسحب رجولها لغرفتها
كلام امها ثقييل !! وكلمت بكلام علي ... !! ام علي اتجهت لـ ولدها وبفرح :
الله يوفقك يا وليدي الله
ييّسر لك وياعسى كل دربك
تساهييل هذا العشم فييك يا وليدي !! ام سلطان الي ما عجبها ابداً
سكتت واتجهت لغرفتها
ما تدري ش تسوي !! نددمت انها انهارت وتكلمت كثير
قدام سلفتها و ولدها .. !
علي بعد ما طلعت هديل وامها
وامه جلست ع الكراسي بفرح
وتدعي لهم .. !
هُنا ...... !!! استووووعببب شـ سوا ... !!! خطبتها يا علي !
وريوووووف ! وين وعدددك لها
ليييش يااااعليّ !!! ششفيييك استعجلـتت !! ماا قدرت اشوفها تنهاانّ كذا ومن
مييين ! من امهااا .. !
في بيت ابو فارس 🌸 .. دخـل فارس ومعه ام ريم
دخلت بتوتر ناس ما تعرفهم
ناس ما تربطها اي علاقه فيهم !
بس جمعتهم الانسانييـه .. () فارس : مساك الله بالخيير .
ام فارس بترحيب : مساء النور
يااااهلا .
فارس باس راسها :
معليش تاخرت عليك يالغاليه " هي بالعاده تنتظره اذا تاخر "
وبتعريف: هذي خالتي ام ريم
بتنام عندنا الليله .
ام فارس : ياهلا با ام ريم
شرفتينا ونورتينا
ام ريم : والله اني خجلانه منك
يا ام فارس بس وبـضعف :
مصيبه الله يكفيك شرها !
ام فارس : الناس للناس
ياخيتي .. !
حياااك تفضلي من هنا
واتجهت معها لـغرفه الضيوف
ودخلت ام ريم وبذهول :
ماشاء الله تبااارك الله .
ام فارس انتبهت لـ كلمتها
وابتسمت بلطف .
ام ريم : الله يزيدكم من خيره
وانشهد انك ربيتي رجالّ !! ام فارس : الله يسلمك .
شوي وانسحبت ام فارس
واتجهت ام ريم واخذت سجاده
صلاه كان النوم مجافي عينها
صلتّ وجلست تدعي لبنتها
ولفارس وامـه .. () مرت ليله طويلـه ع كثير من
ابطال روايتنا .. () علي بالغرفه ساند راسـه
ويفكر شسويييت !
ليش ليش !
كييف اقول لريوف ؟
انا وعدتها اُف يالله !! ما نام ابداً كان يفكر بالمصيبه
الي جابها لـ نفسه .. !
هديل بغرفتها () كانت تدور بحيييرهّ !
معقوله انا اتزوج !! ومن مييين .. ؟ من علي !
معقوله كان فعلاً صادق
ولا شفقه علي .. !
اُف يالله .. !
صبااح جديد 🌸
ام ريم الي اخذت غفوه قبل
الفجر تنتظر متى تطلع الشمس !! ام فارس اتجهت تصحي
فارس .. () بعد مرور ١٥ دقيقـه
طلع من غرفه الملابس وكان
يحكي سالفه ريم لـ امـه
الي جالسه ع الكنب .. () فارس : يعني بنتها بريئه اصلاً
ما لها ايام بدت تداوم عندهم
ام فارس : لاحول ولا قوه الا
بالله .. !
فارس : عاد انا قلت تجي تنام
عندنا واخذها معي المرهّ قلبه
احترق ع بنتها
ام فارس : ازين ما سويت
يا وليدي الله لايفجع ام
بـ ضناها .. !
ويكفينا شر هالدنياا .. !
تكفى طمني عليهم !
فارس : ان شاء الله يالغاليه .! واتجهو لـ طاوله الفطور 🌸
فارس : يمه انا بـ افطر بالملحق
قولي لها تجي تفطر معك
بعدين نروح
ام فارس : ان شاء الله
يا وليددي .. واتجهه للملحق وهو يفكر
بـ ام ريم والمصيبه الي حلتّ
في بنتها !! الله يكفينا شر هالدنياا
كانت تشتغل تترزق الله
وللاسف اشتغلت مع ناس
ما تخاف الله .. !
لا عندها لا ذمـه ولا ضمير
وكانت النهايـه .. !! ع طاوله الفطور () ام ريم بخجل : احرمتك الفطور
مع وليدك
ام فارس : لا شدعوه يا ام ريم !
فييك الخير والبركـه .. !
ام ريم : الله يحفظه لك
ويطول بعمره .
ام فارس : امين يارب ،
ويطلع بنيتك بالسلامـة
وتنهدت بحزن : الله يحفظها
لـك ويكفيها شر هالناس .. !! ام ريم ببكا : ما لها اسبوع
اشتغلت عندهم وكانت تقول
يا يمه مرتاحة والشغل خفيف
ما كانت تدري ان العاملات
يسون هالـ ******* !
الله لايوفقهم لا دنيا ولا اخره !
بالمـركز 🌸
طلعت ريم وكانت منهاره
تماماً طول الليل تدعي وتستغفر
الله يحفظ لها امها .. !
كانت تلوم نفسها
ش بتسوي امي .. !
جوالي مقفل طول الليل اكييد
صار فيها شي !! اول شي سوته علطول اخذت
جوالها واتصلت ع امها
وهي متوتره وخايفه
ام ريم الي كانت " امُيه "
فتحت الجوال علطول !
ام ريم : الو
ريم بـخوف : يممه
ام ريم الي استوعبت :
هلااااااا اممممي هلااااا
ابوووي شلووونك !! طلعتي !
ريم الي كانت مصدومة اولاً
ان امها بخير
وثانياً انها تسال طلعتي! : يمه تعرفييين !
ام ريم ببكا وتوتر : يالله لك
الحمممد ، اييه يا امي
جايييه وببكا :جايتك يا نور
عيني مع فارس
ريم الي ارتاحت ان امها
بخيير : انتظرك يمه فمان الله .
بعدين استوعبت !
فااارس .. ميين هذا !! حاولت تتذكر وقررت
ما تشغل بالها بـ هالسوال
مين ماكان يكون اهم شي
امي بتجيني يالله لك
الحمد والشكر .. !
بعد مرور ٢٠ دقيـقه () كانت عند الباب واقفه تنتظر
امها وحستّ بـ احن صوت
بهالحياه : يمه ريييم
اللتفت وشافت امها تتقدم
منها بخطوات بطيئه !
لاشعورياً صرخت :
يمممه واتجهت لها وضمتها
بكل قوووه !! يمه انتي بخييير يمه
تكفييين صحتك زينه بعدت عن
حضنها وتناظر لها وكانها
تنبي تتفقدها
ام ريم حطت يدينها هو وجهه
ريم وبحنيه : واللي يشوف
هالوجهه ما يصيير بخيير !!! ريم ببكا : خفت علييك يمه
والله ما نمت الليل كله افكر فييك
ام ريم بضعف :
سامحيني يا يمه ما سويت
شي سامحيني والله
قاطعتها ريم ببكا :
يمه شهالكلام !! ادررري بدعواتك ادعي بخوفك
علي ادري لو ما شفت
انتي امي
خفت يصير فيك شي
وضمتها بكل قوه لصدرها .. () ام فارس :
ارتاحي انا بخير وفارس ما قصر
معي !
رفعت عيونها بتشوف هالفارس
الي اشغل تفكيرها بـ من يطلع !
انصدددمت ولاشعورياً :
انت !
فارس : قالو لي عند مكالماتها
المستمر قلت ادق اطمنها
واجيبها يرتاح قلبها
ريم : مااا قصرت والله شكراً
فارس : ولوو بالخدمـه !
ام فارس : ياجعلك انت ومن
ربوك بالجنه البااارده .
فارس : اللهم امييين .
في بيت ابو سلطان 🌸
بعد قهوه المغرب الكل موجود
بالمجلس وكانو يتبادلون
احاديث بسيطه ما بين الاخوان
وعيال العـم
تنهد علي بصعوبه وهو يرتب
الكلام لـعمه ... () بعد مرور دقيقتين علي بصوت
عالي : ياعمَ
ابو سلطان : سم يا علي ؟
علي بصوت عالي :
انت تدري ياعمي ان الله ما
كتب لي نصيب مع بنت خالي .. والسنين تمّر بسرعـه .
ابو سلطان : اسلمّ ؟؟ علي :
ابي بنتك هديل ع سنه الله
ورسـوله
اتسعت عيون الكل بذهول .. !
العيال كانو يعرفون انه يبي
بنت خالـه !
وابوه كان يعرف رفضه من
اول كييف وافق !
اما ابو هديل كان مبسوط
جداً .. !
ابو سلطان : هذي الساعه
المباااركـه يا علي !! وين بـ احصل نسيب مثلك !
ابو علي : لنا الشرف يا
ابو سلطااان وحنّا وين
بنحصل احسن من هديل .. !
نواف بفـرح :
ياجعلها من نصيبك يا عليّ !
ابو سلطان :
الراي الاول والاخيره لـها !
علي برزانـه : اكييد ياعمي !
في المركز 🌸
ام ريم : بعد اذنك يا فارس
ما قصرت
فارس : اذنك معك ، بتطلعو مع
ميين !
ام ريم : ولد جيرانا جاي
بالطرريق !
فارس : اها ، مع السلامه
يااخاله .
انتبهو لـ نفسكم زين .
ام ريم : الله يسلمك .
فارس اتجهه لمكتبـه وبنفسه
الحمدلله عدتّ ع خيير .. وكان مستعجل نوعاً ماً لانه
تاخر شوي بقسم التحقيق .. بنفس الوقت ريم كانت طالعه
وبيدها كوب قهوه لـ امها
ومنزله راسها تفكر بالي صار
وما انتبهت للشخص الي قبالـه !!! فارس كان يناظر للساعـه بيشوف
تاخر كثير او لا وما حسَ الا
باليد الي دفتـه بكل قوه .. !! ريم بـ اخر ثانيه انتبهت لـه وما كان
عندها وقت ترجع ابداً
دفـها شوي وطاح الكوب منها
وبنفس اللحظه مدت يدها ع صدره
تبعده لا ينكب علييه شي !!
فارس بفجع : بسم الله !
ريم الي انكب ع يدها وبألم : اه
وضغطت ع يدها بـ يدها الثانيه
وغمضت عيونها بـألم .. !
فارس بتوتر : معليش انا اسف
ما انتبهت لـك .. !
ريم بالم رفعت عيونها الواسـعه !! وبتوتر : حصل خيير حصل
خييير .. فارس للحظه حسَ ان عيونها
بحـر واسع وده يتأمل
ما يدري كم مره من الوقت
وهو يناظر لها بعمق .. () !! انتبهه لنفسه واستغفر ربـه
وممُشى بخطوات متسارعـه
لـمكتبه .. () اماً ريم اتجهت لـ دورات
المياااه تغسل اطراف عباتها
ويدها وهي متفشلـه جداً من
فااارس ..! هي عرفتـه كويس .
بس هو الي اول مره ينتبه لعيونها
ويكون قريب منها هالقـد .. !
وما كان يعرف انها نفس البنت
الي ساااعدها .. () !
في بيت ابو سلطان في الليل () داليا نزلت وبيدها شنتطتها
اثير بزعل : خلاص ملزم يمشـي !
داليا : للاسف .
اثير ضمتها : بـ اشتااق لك والله !
داليا : قلبي اثير .
في سياره خالد 🌸
يسترق النظرات لـ ريم
وبعتب : ليش ما قلتي لي
يااخالـه ؟
ام ريم : والله يا وليدي كل
شي جا ورا بعض .. وفارس ما قصر .. () خالد بعتب :
الغريب صار اهم مني !
افا ياخاله
ام ريم : ما هو القصد يا
وليدددي فييك الخير والبركـه ..! بس قلت لك والله وقتها ما
فكرت بـ اي شي ابي
اشوف بنتي بس .. !
خالد بُحب :
شلونك ياريم ؟
ريم ببرود : بخيير .
خالد :
انتبهي لنفسك والله انك
غاليه عليناااا وشددّ ع كلمه
علينا ... !
ريم بنفسها ياكرهي بس !
واللله لولا امي عرفتّ ارد علييك .. !
في بيت ابو سلطان 🌸
قرر علي هو بنفسه يقول
لـ ريوف ولا تسمع من غيره
ووقتها مستحييل تسامحه !! بـ اقول لها وابرر لها وان شاء
الله تتفهم موقفي .. !
اتجهه للحديـقه وطلع
جوالـه .. () !
توترت كيييف بـ اقول لها !
وبعد تفكير قرر يرسل لها
مسج يقول لها .. !
فتح الجوال وتحديداً الرسائل
كانت تتحرك اصابعـه بتوتر وسرعـه
قال لها السبب وبرر مرقفـه
وطلب منها ما تزعل ... !
وقفل الجوال وطلع يمشي بـ الشارع
يبي يبعد عن هديل
يبي يبعد عن طيفها وكلامها
يبي يبعد عن عمه واهلـه ... !
في بيت ام ريم 🌸
بعدما اخذت شور جلست
مع امها وكانت تجفف شعرها
ام ريم : يا امك الولد بعده
شااااريك و
قاطعتها : يمه تكفيين قسم
ما فيني ع هالمواضيع قلتها
الف مره وبـ اقولها لا اخر العمر
مستحييل اكون زوجـه لخالد !
خلاص يمه الله يخليك مو كل
مره يساعدنا الا ما تقولين لي !
ام ريم تنهدت : الله يهديك بس !
اما عند ريوف 🌸
كانت جالسه بغرفتها تقرا
كتابها المُفضل .. () وفجاءه وصلتها رسائل فتحتها
واستغربت من طولها والاهم
انها من " علي " !!! بتوتر بدت تقرا حرف حرف
ودموعها تنزل بـ غزاره وقهر !! "كنت ناوي اتصل عليك واقول لك
بنفسي عشان ما تسمعين من غيري
وتزعلين ،، بس ما عندي الشجاعـه
عشان اقول لك فقررت اكتب لك .. !
خطبت بنت عمي هديل ، بس والله
يا ريوف انك غاليه وانك الكل بالكل !
وما سكن القلب غيـرك .. !
اخذتها شفقـه .. سمعت بـإذاني امها تقول لها
بنتي هديل ماتت قبل ١٥ سنه
اوجعت قلبي هالجمله دخلت بتهور
وقلت انا شاريها وابيها حلالي
واليوم كلمت ابوها .. !
ما خنت حبنا يا ريوف بس والله
موقفي صعب جداً .. !
وبـ احط شرط لا ابوي ما املك عليها
الا لما ترجعين لي .. !
بكذا ضربت عصفورين بحجر .. !
ابوي مستحييل يتراجع قدام
اخوه
وابوك يا يوافق بالطيبّ ولا نرفع
قضيه عضل .. !!! تكفيني لاتضيقينها عليّ يا
ريوف يشهد الله انها ضايقه
الوسيعه فيني ... !
عند ريوف 🌸
مع كل حرف تنزل دموعها اكثر !
بكت بـحرقـه وضعف .. !
كيييف كيييف يسوي كذا !!! طاح الجوال من يدها وانحنى
ظهرها بالم وضعـف .. !
وصرخت بصوت عالي :
لييييش ليييش لييش
حرررررااااام علييييييك !! وقفت وحطت يدها ع راسها
تحاول تستوعب وانفاسها تتعالى
بقهر وعدم استيعااااااب .. !
بيتزوجها والله بيتزوجها
الي كنت خايفه منه صاااار
صاااار ياررريوف .. !!!! وبـ انهيااااار :
لااااااااااا حرررام عليهم
وع صوت صراخها دخلت
اختها " سجى "
سجى انصدمت من شكل اختها
وقربت منها وبخوف :
ريوف شفيييك !!! ريوف بـ انهيااار : علي بيتزوجها
يااااا سجى وانحنت بالارض
ورفعت الجوال ومدت لـ اختها
وبعدم تصديق : اقـري ياسجى
شوفيييي شيقول .. !!! وصارت تدور بحيره وقهر .. !
سجى قرت المسج كامل
وبفـرح : شفيييك ما قريتي
ش قال .. !
بيقنع ابوووه .. !
ريوف : باكون انا الثانيييه !! مستوووعببه !
سجى بنبره غريبه :
الثانيه احسن من ولا شي
صح ؟
ثلاث سنين من عمرك راحت كذا
واخييراً قرر يكلم ابوه من
جديد .. !
وانا متاكده ابوه بيوافق مستحيل
يرضى ع بنت اخوه .. !
وبعدين كلنا نعررف ان علي
يحبك انتي .
هي ماخذها شفقه .. !! العبيها صح وتكون من صالحك .
وابتسمت بـ خُبث واتجهت
لغرفتها
وتركت وراها قلب حيران
ما بين كلام اختها ، وما بين
كلام قلبها ... () !! في بيت ابو سلطان 🌸
هديل بغرفتها كانت تستعد لـ
النـوم وفجاءه طق الباب
هديل : تفضل
ابو سلطان : صاحييه ؟
هديل : ايه ايه حيااك يالغالي .. فتح الباب : مساك الله بالخير .
هديل : مسـاء النور ياهلاا
وجلس ع الكنب وملامح الفـرح
ع وجهه واضحـه جداً .. وهديل الي متوقـعه 99%
الموضوع نزلت راسها بخجل .. !
نهاية الفصل...