شيّبتي راسي بـ عنادك ما تبين تعاندين الموت وترجعيلي - الفصل 2 | روايتك

البارت 2 عند ريوف 🌸 نزلت الجوال وهي متضايـقه وبنفسها الله يسامحك يا يبه ! لو ما طلبت من سامي يطلق شموخ ! ما كان هذا وضعنا تنهدت بـ ضيقه : قدر الله وما شاء فعـل .. ! واتجهت للمطبخ تجهز العشاء لـ امها ... () ! في بيت ابو سلطان 🌸 هديل توترت من نظرات امها وبخوف : عن اذنكـم تعبانـه شوي وبـ انااام ! داليا : لاااا بلييييز !! اجلسي معنا شوي ! شموخ : ايـه هديل بلييز والله ما شبعنا منك !! هديل بـ احراج ابتسمت وجلست وبتوتر : شوي بس ههه .. ام علي : اسمحو لي انا وام سلطان بنطلع نتمشى شوي بالحديقـه وبضحكة : ثقلنا بعد الاكل هههه . وكان قصدها من هالشي ان هديل تاخذ راحتها ... ! ام سلطان : يلا واتجهت هي وام علي للـحديـقه .. وهنا تنفست هديل بُحريـه ! وكملو سواليفـهم وضحكهـم لـ ٢ وبعدها الكـل بدا بالانسحاااب للـنووم .. ! ع الدرج 🌸 اثيير بتذكر : يوه من علي ما نزل الشنط صح ؟ شموخ بتعب : ما شفتهم بليييز روحي انتي وداليا وجيبوهم اكييد عند الباب ! متاكده نزلهـم .. ! اثير بتافف : طيب طيب واخذت حجاب شموخ واتجهت لـ الباب بتدخـل الشنط .. ! بهالوقت احمد انهى مكالمـه واتجهه لـ المحلق يبي ينام .. ! دخل وقفل الباب ... () بنفس اللحظه الي فتحت فيها باب الصـاله !!! للإسف لو تاخر ثواني كان ممكن يشوفها .. () بس ما حالفـه الحـظ ابداً . صادفت الشغاله بتروح لـ قسم الخـدم اثير : لو سمحتي التفت لها : نعم مدام ؟ اثير : ما شفتي شنط بالحديقـه او قريب من بالباركينق ؟ الشغاله : روزانا اخذتهم لغرف فوق اثير : اها ، شكراً . بالمحـلق 🌷 علي كان بـ ينام انسدح بتعب بعد مشوار الطريق والجلسه مع ضيوف عـمه .. ! طق الباب ... !! تبادلو النظرات هو واحمد بـ معنى " مييين " ؟ اتجهه احمد وفتح الباب ام علي : مساك الله بالخيـر احمد بـ احراج : مساك الله بالنور ياعمه ، شخبارك ؟ ام علي : بخير الله يسلمك . احمد : عساه دوم ام علي بتردد : علي هنا ؟ احمد : ايه ياعمه علي من بعييد : سمي يمه ام علي : تعال بـ اكلمك بموضوع ضروري علي استغرب : ابشري طال عـمرك . احمد بـ احراج : خوذو راحتكم انا بـ امشي شوي بالحديـقه . ام علي : الله يجزاك خيير . علي عدل جلسته : امري يالغالييه ؟ ام علي تنهدت : اسمعني يا علي للاخـر .. ! ادري قد كلمناك ونعرف رايك بالموضوع ببس يا امك والله لو تشوف حالها ! علي تنهد بضيقه : هديل ! ام علي : ايـه هديل يا امك البنت اخلاق وجمال و تعليم كامله والكامل الله .. ! علي : يمه انتي تدرين اني ابي بنت خالتي ! ام علي : الشرع حلل لك اربع يا وليدي علي : ريوف مستحيل توافق اخذها جاره ع مرهّ ! ام علي : الثانيـه ؟؟؟ علي : لالا مستحييل يمه .. ام علي : فكر يا وليدي فكر بـ حال بنت عمك وما تدري ش يصير يمكن يتصالح ابوك وزوج خالتك .. ! وهديل خذها مني بترضى تاخذ الثانيه ولو تبي اقول لها من هالحين متأكده بتوافق .. ! علي مسك يد امـه وبرجا : تكفيين يالغاليه والله ما احب اردك بس تطلبني شي فووق طاقتي ! حرام اظلم البنت وتضيع حياتها مع واحـد ما يبيها ! تنتظر نصيبها الله كرييم .. ! ام علي بحسره : ونعم بالله . وتنهدت : عشاني هالمره فكر بس ملك عليها ونسوي عرس عائلي واوعدك اقنع ابوك ترجع ريووف ! علي بقهر لان تطلب منه شي صعب : يمه ريوف وقتها ترفضني ! ام علي بنبره غريبه : اذا تحبك بترضى ... ! وطلعت وتركت قلب ولدها حيران ما بين وفائه لـ ريوف ومساعده هديل ورضا امُـه وابوه .. ! بـغرفه هديل 🌸 بعد يوم طويـل انسدحت بـ تعب وتلقائياً نزلت دمعتها بقهر ليش يا يمه لييش ! مو حرام عليك ! بنتك انا بنتك ومسحت دمعتها بـ اطراف بيجامتها بـ انكسار والذاكره ترجع فيها وكانها حلم ما تذكر كل شي ! بس من كثر ما تردد امها ش صار رسمت الموقف كامل في بالهـا .. ! رجعت قبل ١٥ سنه ورا () في بيت ابو سلطان .. ام سلطان : يمه هديل انتبهي لـ اخوك معاذ بـ اروح لـ جارتنا ام خليل نص ساعه وارجع ؟ هديل : طيب ماما وما كان تعرف ان هذي اخر مره بـ تقول " ماما " بـحُب بـ طفولـه بـ برائه .. () طلعت ام سلطان لـ جارتها واتجهت هديل لـ الحديقـه البسيطه ونست وصيه امها ع اخوهـا الصغيير معاذ ! وكانت تلعب بـ طفوله وحماس ولفت انتبهها المسبح وكان فاضـي ابتسمت بنصر واستغلت غياب اهلها وبالذات امها الي كانت تمنعها من الدخول بـ قول " هديل يا ماما ما تعرفين تسبحين انتي صغيره ! لمع بعيونها الطفوليه الانتصار واتجهت للمسبح وكان فيه نص موياً تقريباً بس يبقى اطول منها ارتفاع المويـه لانها ذات الـ ٥ سنوات فقط .. ! حاولت تدخل رجولها بس ما وصلت المويا بـ هذا الوقت طلع معاذ يبكي : ماما ماما سحبت رجولها وقامت بسرعه لـ اخوها هديل : حبيبي ماما راحت لـ خاله تعال نلعب بالمسبح انا وانت معاذ الي كان يبي امه وما زال يبكي سحبته مع يده ووصلو المسبح ولما شاف المويا سكتت وابتسم بفرح ع انه طفل ما يعرف ايش السباحه او الخطر ! بس نرجع نقول " كل ممنوع مرغوب " حتى الاطفال .. !! هديل : تبي تدخل هنا واشرت ع المسبح معاذ اتسعت عيونه بـ فرح وفهم عليها : اييه هديل : يلا انت اول واحد بعدين انا ؟ ما كانت تعرف عواقب هالجمله ولا فكرت بالاخطار طفلـه ! كان اكبر همها بس يسكت اخوها لان لو جت امها وهو يبكي بـ تهاوش هديل ! ع انها متحمسه تدخل هي اول بس خايفه امها تجي ومعاذ زعلان ... ! تااابع .. () في بيت ام خليل 🌸 ام سلطان وكان قلبه حسَ ان عيالها في خطر .. ! قلب الام .. () وقفت بـ فزع واستأذنت من ام خليل واتجهت لـ بيتها وتحس بكتمه وضيقـه .. ! دخلت البيت وسمعت صوت ضحكات هديل وتصفق بحماس حست للحظه ان قلبها ارتاح وان هذي وساويس شيطان ! اكييد تلعب مع اخوها ابتسمت واتجهت للصوت .. ! وما كانت تعرف اي لعب واي خطر ولدها فييه ! واي افكار مجنونه من بنتها هديل الطفلـه .. ! وصلت وشافت هديل تـصفق بحماااس وفرح : ايوووه معااااذ معاااذ معااذ تعال تعال قبل لا تجي ماما ام سلطان تدور عيونها بالمكان تدور ولدها سلطان وينه !! وشافته وصرخت بـ اعلى صووووت : معاااااااذ !!!! واتجهت بـسررعـه للمسبح لـ ولدها او لـ جثه ولدها .. ! كانت اللحظات طوييله عليها ع ما وصلت له وهي تشوف جسمه يطفو فوق المويا .. !! سحبته وضمته ع صدرها وطلعت من المسبح ونزلته بالارض علطول سدحته ع جنبه وبتطبق الاسعافات الاولييه !!! ع جثه طفـل بريئ راح ضحيـه اهمال ام واعتمادها ع طفله ! او بـ سبب اختـه هديل وتفكيرها الطفولـي .. ! حست ولدها ما يستجيب لـ اي شي .. ! حطت يدها ع صدره ! ما في نبض !!!! رفعت يده وضغطت ع امل تحصل نبض . بس للإسـف () اطلقت صرخـه طويله تحمل تحسر وندم وضياااااع ع ولدها اخر العنقود .. () هديل كانت واقفه بـ مكانها وكان اطرافها انشلت من الحركة كانت تراقب تصرفات امها بخووف .. ! ما كانت تعرف ايش يعني موت او فقد 💔.. بس حسّ ان اخوها مو بخيير وكانت تنتظر عقاب امها ! بس ابداً ما تخيلت العاقب هو موتها وهي حيـه !! عدلت جلستها وحس نبضات قلبها تتزايد ! والله يا يمه ما كان قصدي ! ليش تعقبيني بذنب ما كنت اعرف عواقبـه .. ! ليش يالغاليه .. ! انا بنتك بعد انا ضناك حملتيني تسع شهور ! وبدا الافكار السودا في بالهـا كالعاده ... () مُعقولـه !! طيب بنت ميين ! تعوذت من الشيطان وافكاره وقامت وصلت ركعتين ودعت ربها بـكل ضعف ورجا ان يحننّ قلب امها () ! صباااح جديد 🌸 في بيت ابو سلطان () الكل ع طاولـه الفطور بـ استثنا هديل الي تجهز فطور الرجال مع الشغالـه .. () ام علي : وينها نور عيني ؟ ام سلطان الي عرفت قصدها وببرود : قلت لها تساعد الخدم ام علي تنهدته : اهـا . نهى بـ احراج : بـ اروح اشوفها ام سلطان بحزم : اجلسي انتي ما عندها شي . الكل تبادل نظرات توتر وكملو فطورهـم .. ! ام علي بنفسها يارب انك تسخر قلب علي يارب انك تسخر قلبـه ! هديل بالمطبخ 🌸 كانت جالسه ع الكراسي وتشرف ع الخـدم بس عشان امها قالت لها ولا هم يعرفو شغلهم كويس ! بهالوقت دخل علي بياخذ علاج عـمه .. دخل وما انتبه لـ البنت الي جالسـه وبصوت عالي : روزانا روزانا : نعم بابا . علي : وين علاج عمي ؟ روزانا اتجهت لـ الدرج تجهز صينيه فيها كوب مويا وصحن فيه الادويـه .. () هديل من الخجل من تعرف ش تسوي .. ! وخصوصاً ان الباب ورا ظهـرها واضح ما انتبه لها ! اخذ الصينيـه وكان بيطلع بس وقفه صوت الشغاله : ماما هديل انتا روح وانا يسوي فطور علي وقف تلقائياً " هديل ! رجع خطوه ولف ورا وفعلاً انتبه لـ البنت الي جالسـه ! هديل الي فكرت انه طلع من ثواني وقفت واللتفت لـ الشغاله : وددي بس وبقله حيله : امي قالت لي .. ! علي حاول يركز واخيراً شفناك يا هدييل !! وطلع بـخفه وبنفسه وين الجمال يا يمه كنها اكبر مني هه .. !!! وطلع للمجلس وهو مقرر انه يقول لا امـه لا ما ابيها ! بعد العصر 🌸 الكل بالصالـه قهوه العصر قبل لا يطلعو البنات لـ المول . ام علي : بعد اذنكم يا بنات بـ اروح لـ ***** هديل بـ رازنـه : اذنك معك ياعـمه واذا محتاجـه احد يروح معك انا بالخدمـه ام علي بفرح : صددق ؟ هديل : بعد اذن امي اكييد . ام سلطان بـ استحقار : كيفك ام علي بحماس : يلا تجهزي وبـ اتصل ع علي هديل بتوتر : ان شاء الله . وصعدت بسرعه واتجهت لـ غرفتها وتجهزت ونزلت .. () ام سلطان لو راجع لها ترفض تطلع بس عشان ام علي ! نهى : يلا يمه بعد حنّا نستاذن بـ نروح لـ ***** اثير : عمه تعالي معنا ؟ ام سلطان : لا ياقلبي اطلعو انتو انبسطو مع بعض نهى بضحكة : امي ما يجوز لها جو المولات ههههه ام سلطان بُحب : بنيتي فاهمتني ! داليا للحظه بنفسها " يا ليت يا عمـه تعاملين هديل مثل نهى " ! نزلت هديل بـ عباتها وبيدها شنطـه قديمـه نوعاً ماً .. ! ام علي : يلا يا امي علي عند الباب هديل : يلااا يا عمه واتجهو للباب وعدلت حجابها وطلعت للسياره الي تنتظرهم عند الباب .. ! علي استغرب من ذي ؟ مو من خواتي ! فتحت الباب بـخفه وبهمس انوثي طاغـي : السلام عليكم علي : وعليكم السلام هديل : شخبارك ياعلي ؟ علي بنفسـه " احلى من قال علي هههههه " وبحزم : بخير جعلك سالمـه ام علي : هديل بنت عمك علي بصددددمة وبنفسه مو معقووول !!! الي بالمطبخ اليوم هي هذي !!! حاول يركز بـ عيونها بس للاسف كانت مركزه ع الطريق بضياع ! وبنفسه الي يسمع صوتها بيقول اوه صاحبه هالصوت ملاك ما يدري انها هه !!! كويس اني شفتها ولا انخدعت بذوق امي !! عند البنات 🌸 داليا تكلم اخوها احمد تعطيه خبر انها بتطلع مع بنات عمها () داليا : كلنا بنروح احمد : كلكم كلكم ؟؟؟ داليا بضحكة : ايه نهى واثير وشموخ ارتحت ؟؟ احمد : انا اوصلكم داليا : السواق عند الباب احمد : انا اصرفه هالحيين بـ اي شغله وانا اوصلكم تكفييين داليا من زمان ما سمعت حتى صوتها .. ! داليا بضحكة : اوكي في سياره علي 🌸 كان وده انها تتكلم ما يعرف ليش نبره صوتها الهاديـه اسرت قلـبه .. ! ام علي : هديل يمه انتي اي سنه جامعه ؟ هديل بخجل : ثلاث مستوى ام علي : اها الله يوفقك يارب هديل : اجمعيين يالغاليـه . علي بنفسه اساليها يمه اساليها وللحظه مر صوت ريوف في بالـه وكره وجود هديل الف مره ... !!! في سياره احمد 🌸 والدنيا مو سايعته من الفرحـه اول ما دخلت سمع همس منها لما سلمتّ عليه .. () اخته داليا وشموخ كانو يتبادلو الحكي وهي كانت مستمعـه فقط .. ! تنرفز احمد مره وبنفسه اُف تكفيين احكي .. ! بس للاسف خاب ظنـه اثير ابداً ما تكلمت طول الطريق بس يكفي انه كحل عينـه بشوفتها !! عند ام علي 🌸 وصلو لـ مول ***** واتجهو لـ محل شنط ام علي كانت قصده ان هديل تختار الشنط .. ! وهديل بنفسها الله يسامحك يا يمه ! وكملت مساعده لـ عمتها واحياناً تشاورها بـ القطع واستغربت هديل ! شفيها عمتي لهدرجه يعجبها ذوقـي ... ! كانت تاخذ اي قطعه تمدحها هديل لانها اصلاً لـ هديل ! في بيت ام ريم 🌸 دخلت وبتعب : السلام عليكم ام ريم : ياهلا ياهلااا ريم : شلونك يالغاليه ام ريم : انا بخيير انتي كيف الدوام الجديد ؟ ريم : كويس الحمدلله . شفت صاحبه المشغل ومكتفين بالعاملات فـ صرت بالاستقبال ام ريم بـفرح : زيين الحمدلله . ريم : والمكان جديد وحلو ام ريم : الحمدلله الله يفتح لك ابواب رزقـه يا قلبي . في بيت ام فارس 🌸 فارس : وين يالغاليه ؟ ام فارس : بـ اروح لـ ام سلطان عازمتني عندها سلفتها ام علـي . فارس : اهاا ، يلا اجل اوصلك ع طريقي ام فارس : لالا يا وليدي انا اروح مشي فارس تنهد : يالغاليه تعب عليك ام فارس : البيت قبال البيت وين التعب ! فارس الي يعرف عناد امه : ع راحتـك يالغاليـه .. يلا اجل مع السلامـه واتجهه لـ الدوامـه .. () في بيت ام سلطان 🌸 في غرفه هديل تحديداً دخلت ام علي ومعها اكياس ام علي : مساء الخير هديل : مساء النور ياهلاا . ام علي جلست ونزلت الاكياس بالارض وتنهدت : اسمعيني يا هديل قبل لا تتكلمين وتعارضين انا ادري بالي يصير ! ادري كله من امك الله يسامحها عشان كذا انا حبيت اقدم لك هديه بسيطه وبما انك رحتي معي قلت تختار هديتها بنفسها هديل بخجل : عمممـه ونزلت راسها بتوتر .. () ام علي : ما هو قدرك يالغاليه هديل : الله يرفع قدرك ويسعد قلبك ما قصرتي وقامت باست راسه ام علي ام علي بحب : تحبين الكعبه قولي اميين هديل بشوق : امييين . وبخجل : كلفتي ع نفسك ام علي : انتي مثل اثير وشموخ والله . وضمتها بحُب ... () تحت بالصاله 🌸 وصلت ام فارس وكان بـ اسقبالها ام سلطان بعد السلام وتبادل الاخبار ام فارس بشوق : وين بنياتك ؟ ام سلطان : نهى مع بنات عمها وببرود : هديل فوووق . ام فارس : اها ، الله يصلحهم . ام سلطان : روزانا رزوانا روزانا دخلت : نعم ماما . ام سلطان : قولي لـ هديل تنزل تسلم ع خالتها ام فارس روزانا : اوكـي .. وصادفت بالدرج ام علي كانت نازلـه للصالـه .. () ام علي : السلام عليكم ام فارس : وعليكم السلام باهلاا ام علي : حيّ الله من جانا ام فارس : الله يحييّك . عند فارس 🌸 نزل من السيارة واتجهه لـ القسـم بس استوقفه منظر نادر ما يشوفـه ... ! بنات نزلو من سياره الشرطـه الكل مستسلم للواقع وساكت الا وحده كانت تصرخ وتبكي بصوت مسموع : والله ما لي ذنب والله ما لي ذنب حرام علييييكم اتركوني بحالي ما لي ذنب وكانت تبعد يد الشرطيـه عندها بصراخ : بعدي عني انا مو مجرمه انا ما سويت شي خطا ليش تاخذوني معهم انا بريئ حرام عليييكم حرام علييكم حسبي الله حسبي الله ونعم الوكيييل فارس استغرب انهيار البنت لهدرجة وصراخها قدام مركز الشرطه بهالشكل .. ؟ تقدم بخطوات واثـقه وسال الشرطي الي معهم فارس بحزم : ايش التهمه ؟ الشرطي بـ احترام : طال عمرك مصنع خمور بـ احد الاحياء فارس بصدمه : ايش ! ذولا البنات مسوؤلات عـنه ! الشرطي بـأسف : ايوه ، معهم رجال بس اصل الشغل بـمكانهم هم فارس : لاحول ولا قوه الا بالله ! لف بيمشي بس وقفته صرخت البنت : الله لـ ********* بين الله يوم القيااامة الله لـ ********* والله ما اسامحكم والله لا اخذ حقي منكم فارس حاول يتمالك اعصابـه ولف لها وبـحزم : ع ميين تدعين انتي ! مستوعبه كلامك ؟ البنت : ايييه مستوعبه كلامي عندددك اعتراض ؟؟؟ وبـ انهيار بتدخلوني مركز الشرطـه وانا بريئه ما لي ذنب فارس : اسمعي كويس كلامك هذا ممكن تحاسبين عليه قانونياً ! ثاني شي ادا انتي مظلومـه بتطلعين ما علييك ! حنّا هنا يدخل لنا المظلوم والمجرم نحاسب الكل بنفس السياسيه اذا مظلوم يتوكل ع الله ويطلع اذا مجرم ينعاقب .. ! البنت بـ انسكار : طيب انا مظلومـه تكفون تكفون لا تدخلوني ! فارس تنهد : اتصلي ع احد من اهلك وان شاء الله نعجل بالتحقيق اذا ما لك ذنب تتفضلين تطلعين ! البنت ببكا : ما لي احد من اتصل علييه ابوي ميييت ما عندي اخوان ؟ خوالي قاطعين علاقتهم بـ امي ! من اتصل عليييه ؟؟؟ وبرجـا : الله يخليك اذا فاضي ما عندك شغل ضروري لاتخليني لحالي ما ادري ما اعرف شي هنا ! فارس بنفسه شهالمصيبه يارب ! تنهد : انتي هالحين لا تعاندين وادخلي معهم بيحققون معك بس ! واذا بـ اوقع ع كم ورقه واجي اشوف الوضـع ارتحتي ؟ البنت بفرح ابتسمت من ورا النقاب ودخلت معهم بـ استسلام ما تدري ليش مرتاحه له يمكن هو الشخص الوحيد الي سمع لها ؟ الشخص الوحيد الي قال لها وطمنها .. ! فارس اتجهه لـ المكتب : اف يا فارس ش تبي منها كلمتها ؟ هم ادا بريئه طلعوها تنهد بندم وفتح المكتب .. ! بغرفه التحقيق الفرديـه 🌸 كانت تنتظر بتوتر دورها وتدعي وتستغفر يارب افرج لي يارب ييسر لي يارب لو امي عرفت يمكن يصير فيها شـي المحقق : ريـم الـ ****** ريم فز قلبها بتوتر وخوف واتجهت معه وكانها مجرمـه !! وبقلبها اكتفت بـ كلمه وحده تختصر كل شـي " ياااااااااااااارب " عند فارس اتجهه لقسم التحقيق يبي يشوف ش صار عليها ! فارس : السلام عليكم الموظف : وعليكم السلام اي خدمه طال عمرك ؟ فارس : بخصوص قضيه مصنع الخمور اثبتو التهمه ع كل الموجودين ؟ الموظف : لسى ما خلص التحقيق ! فارس : اها اوكي ... وكان يبي يطلع بس وقفه صوت الموظف : جوال وحده فيهم كل شوي يتصل فارس : مييين ؟ الطرف الثاني ؟ الموظف : لالا امها المكالمات فوق ٢٠ مكالمه وما عندي صلاحيه ارد واقول لها .. ! فارس بـ استفسار : ش اسمها ؟ الموظف رفع الكيس وشاف الاسم : ريم الـ ****** فارس تنهد اف من هالريـم ! وبحزم : عطني الجوال وكانت تتصل امها فارس : الو ام ريم بخوف : وين يمه وينك خوفتيني عليييك فارس : ام ريم ام ريم بصدمة : من انت ! وين بنتي ؟ فارس : بنتك بخير الله يطول بعمرك ما قد يقول لها بمركز الشرطه علطول تنهد : وين ساكنين ؟ ام ريم بدت المخاوف تزيد : ليش ؟ فارس : ابي اجي اخذك لبنتك ام ريم بـ انهار : ويين بنتي ؟؟؟ بالمستشفى ؟؟ صار فيها شي ! فارس الي ما عرف يتصرف : انا بـ اجيك وافهمك بس والله والله ياخاله انها بخيير وتبيك ! ام ريم : وينها ابي اكلمها ؟ فارس تنهد : مشغوله هي انا بـ اجيك هالحين ام ريم بخوف : بـ حي ****** اسال الجيران بيت ******* وبيعلمووونك فارس : ان شاء الله ام ريم قفلت وهي تبكي وخايفه اكييد صار لها حادث ! اكييد بالمستشفى بس ما يبي يقول لي ! اكييد ! ياربي احفظ لي بنيتي يارب ما لي غيرها .. واتجهت لغرفتهت لبست عباتها ووقفت عند الباب تنتظر الغريب الي اتصل عليها ! فارس اتجهه للعنوان وهو متوتر كيف بـ اقول لها ؟؟ توكل ع الله ومشى بـ اقصى سرعـه وهو يحاول يرتب الكلام لـ ام ريم () !! في الليل في بيت ام سلطان ام علي كانت نازله تحت بـ تشرب مويا وسمعت صوت صراخ وبكي ! ام علي بتوتر : الله يستر الله يستر واتجهه لمصدر الصوت وكان بالمطبخ اول ما دخلت ام سلطان ضربت هديل كف من قوه طاحت بالارض ! ام علي بصرخة : لاااا يا ام سلطان واتجهت لـ هديل الي بالارض وحطت يدها ع ظهرها ورفعتها وبصرخة : ليش ش تبين منها ما تخافين ربك انتي !!!! وبـ صراخ اعلى : ما تخافين من ربك !!! ضناك هذي ضنااااك !! هذي هديل الغاليه هذي الي كانت تسوى غلا كل عيالك !!! شـفييك يامنيره شفيييك !!! انتبهي لنفسك ! لمتى هالحقد !! معااااذ مااااات ماااات ام سلطان بصراخ : بسببها مااااتت بسببها هي تسببّت بقتل اخوها !! ام علي بصراخ : انتي تعاقبين طفله ع ذنب ما كانت تعرف عواقبه !!! اتقي الله يااا منيره ! اتقي الله .. !! ام سلطان : كلكم تلومني وما تعرفون حرقه قلبي كلكم تعاتبوني وما عرفتو ش حسيييت فيه وقتها ! ولدي اخر العنقود جثته بين يديني .. !!! بسببها هي !!! بتكمل حياتها طبيعي وهي احرقه قلبي وانا حيييه !!! انا وصلت لهالعمر ولسى اذا احد طلع احد منهم استودعه الف مره اذا تاخر لو دقيقه اكل نفسي بالاساله والاوهااام وكل فكره سيئه ببالي .. !! ليش ما تحسون فيني ! اتخيل بـ اي لحظه اشوف جثته احد فيهم اخاااف ارجع اعيش نفس الشعور اخاف ارجع ضعييفه بـ فقده اخاااااف عليهم كلهم !!! الا هي !!! هديل كلمه " الا هي " ترددت الف مره في بالها !!! ام علي : كلهم عيالك ! ما نلومك بس الي راح راح خلاااص ! سامحيها اتقي الله فيها !! نهاية الفصل...