الفصل 3
وحين ظَننتُ بأني نجوت وَجدتني في عمق عيناكَ غَريقٌ.
الفصل 3
.
💫
.
سلطان : لوسمحت بسررعهه؟
عبد العزيز ابتسم : ماعليك دكتور متوتر ها بشر؟
الدكتور : الحمدلله الام تمام بس يبي لنا شوي تحاليل عشان نشوف الجنين في اي شهر وكذا.
ضحك سلطان وهو يناظر في الدكتور ؛ الجنين ههه ليهه شفيها ؟ اقصد حور حامل.
الدكتور ضحك عليه ؛ الف مبروك .
سلطان ضم الدكتور وهو يضحك: الله يبارك في عمرك .
عبد العزيز ابتسم : الفف مبروك ياابو هيون.
سلطان : الله يبارك بعمرك،دكتور اقدر اشوفها ؟
الدكتور : اي شوي بس ننقلها لغرفه وتتفضلون.
سلطان : يعطيك العافيه .
ومشى الدكتور وسلطان بس مبتسم. .
عند ميرال
دخلت الغرفه ونطت على السرير وشهد نومها ثقيل ماحست ميرال صارت تنطط وتصرخ : شههههدددد شوووششششوووو شهددد حبيبي قققوومممييي.
شهد تحركت باانزعاج : اممم.
ابتسمت ميرال وهي تبوس خدودها : ايلاڤيو قومي ياعنزه.
شهد فتحت عيونها : لا حول انتِ يوم انك منفسه ابرك شفيك؟
ميرال ضحكت : قومي نطلع بموت من الفرحه .
شهد : اصبري دامك فرحانه اكيد وافقتي على نايف
ميرال طلعت لسانها : يععع نايف لك ، صار شي ثاني لو قمتي تعرفينه.
شهد ضحكت : لا مابغا نايف ، لو عندك اخ اخذته بس للاسف ماعندك.
ميرال : يوهه الحمدلله ماعندي.
شهد : بقوم اغسل وجهي ابرك.
ميرال : اي والله.
قامت شهد وميرال جلست تطلع لها ملابس .
شهد بصراخ : ميرالل وين بنروح؟
ميرال ؛ بنروح السوق باخذ اغراض عشان من الاحد ببدأ اداوم.
شهد : امااانههه؟
جت وهي مبتسمه : وظفوك قولي والله؟
ميرال ضحكت : اي والله.
شهد ضمتها : ياعمررريي اللففف مببرررووككك.
ميرال : حبيبتي يبارك فيك بس شرايك تفكيني انخنقت.
شهد : تفف مالت عليك
وفكتها.
.
عند سلطان .
دخل عند حور اللي ناظرت فيه وابتسمت.
سلطان : ياعمرريي كيفك ان شاءالله تمام؟
حور : الحمدلله.
سلطان : الفف مبروك علينا ياحياتي.
حور ابتسمت : الله يبارك فيك.
سلطان مسك يدها وهو يبوس أصابعها : ولد ولا بنت ولد ولا بنت طلع بنت.
حور ضحكت : اللي يجي من الله حياه الله.
سلطان ضحك : برد عليك نيابة عن بنتي " الله يحيك ويبقيك".
حور فطست ضحك على سلطان : اخخ ياربي وين هيونه؟
سلطان : لا تخافين عليها مع عمتها حصه.
حور : ياعمري ياحصه.
سلطان : ياحظها هيونه عندها عمات كثثيررر.
حور : الله يخليهم لها ولَك ياعمري.
سلطان : امين ويخليك حياتي.
.
بيت ام سلطان .
ابو سلطان جالس وبحضنه هيونه.
جت حصه : يبههه تكفى عطني حلوتي.
ابو سلطان : توي اخذتها.
حصه : تككففىى يبهه.
ام سلطان ابتسمت : خلها تأخذها.
ميعاد ابتسمت وهي داخله والجوال بأذنها : ياعمرري الففف مببرووك.
ونزلت الجوال : حور ح
ميعاد : حور حامل.
ابتسمت ام سلطان : يالله لك الحمد الفف مبروك يتربى بعزهم يارب.
ابو سلطان ابتسم وعطى حصه هيونه وطلع جواله يكلم سلطان .
🌸✨🎤|...
عند ميرال
شهد لبست عباتها : وش صار على خطبه نايف؟
ميرال : رفضت طبعاً بس امي باقي مابتقوله.
شهد : ليهه؟
ميرال : تقول بعد اسبوع عشان تقنعهم اني فكرت.
شهد : اقول اول شي نروح مطعم بموت جوووععع.
ميرال : طيب امشي.
وطلعوا.
عبد العزيز💛✨.
جلس وشاف سلطان طالع.
عبد العزيز : هاه بتمشي ولا امشي انا؟
سلطان : لا بنمشي كلنا بس بطمن على حور وتطلع.
عبد العزيز : طيب يالله.
سلطان راح يشوف حور عشان تلبس ويطلعها.
💙🔥|..
بيت ابو سلطان .
لولوه : يمهه ترا حضرنا الغداء انا وميعاد نحطه ولا؟
ام سلطان : لا انتظري شوي يوصلون حور وسلطان وَعَبَد العزيز
ابو سلطان : وين غداء وهو اذن المغرب صار عشاء.
لمى : اهم شي تطمنا على حور الحمدلله.
ميعاد : اي والله الحمدلله.
حصه : يمهه كلمتي مشعل؟
ام سلطان : لا والله لي اسبوع مااكلمه بكلمه بعدين.
حصه : يوهه حرام
ابو سلطان : يدري انه امك مشغوله انا كلمته امس .
حصه : زين .
🍂💛✨.
عند ميرال وشهد .
جلسوا ينتظرون أكلهم وأكلوا .
شهد كانت تسمع قصيده ناظرت فيها ميرال .
ميرال : اقول قفلي بس.
شهد : شعرفك انتِ اسمعي اسمعي.
ميرال ؛ مااحب.
شهد : بالله اسمعي.
ميرال: مابغا.
شهد : بدون موسيقى والله بس اسمعي
وقربته منها وشغلته.
ميرال ركزت مسامعها على الصوت وابتسمت وهي تناظر في مكان بشكل عشوائي وخلص المقطع : الله ياصوته ابي حسابه تكفين.
شهد ضحكت : توك تقولين ماتبين.
ميرال : والله صوته جميل تكفين ابيهه.
شهد ضحكت : ترا اخذت حسابه من اخوي لانه جاء عزاء ابوك.
ميرال : يعرف ابوي ذَا؟
شهد ضحكت : اي معه بنفس المدرسه.
ميرال : الله وربي صوته جميل ماشاءالله.
شهد : يمهه منكك طلعتي من تحت لتحت.
ميرال : استحي على وجهك انا خقيت على الصوت.
شهد ضحكت وهي تعيد المقطع : وانا وش قهوتي؟ مُره اذا تُحبين .
ميرال : الله كيييوووط ماشاءالله.
شهد : يلا سمي بالله وكلي.
ميرال : بالعافيه وبدأوا ياكلون.
💙🔥.
عند عبد العزيز .
طلعوا من المستشفى ووصلوا للبيت ودخلوا الا وام سلطان ترحب في حور.
ام سلطان : هلا بحبيبتي والله اللفف مبرروكك يتربى بعزكم.
حور : الله يسعدك ياعمه يبارك بعمرك.
ام سلطان : تعالي حبيبتي ارتاحي عبال مانجهز الاكل .
حور : زين .
ومشت ومعها سلطان وَعَبَد العزيز دخل المجلس وجته حصه .
حصه : عزوز.
عبد العزيز : هلا عيوني؟
حصه : ياجعععلني للعيون.
عبد العزيز ابتسم : وش تبين؟
حصه : صديقاتي يقولون سجل قصيده لنزار القباني ونزلها.
عبد العزيز : تمزحين؟
حصه : يلا تكفى قالوا لي لو نزلت بيجيبوا لي اكل.
عبد العزيز ضحك وحصه ضحكت معه : طيب بس مو الحين .
حصه : يلا تكفى عزيز .
عبد العزيز ضحك : خلاص يالنشبه ذي نهايه الشهره
حصه : قل ولو كذباً اسمها.
عبد العزيز : خلاص طيب.
طلعت حصه وَعَبَد العزيز طلع الكلمات يقرأها وبالصدفة شاف كلمات وعجبته اكثر وقرأها وبدأ يكرر ويحاول يغير في نبره الصوت .
دخلت ميعاد وهو عند اخر مقطع " لقد كُنت اكذب من شدة الصدق،،والحمدلله اني كذبت"
ميعاد تنهدت : اخخخ ياعزوز وش ذَا الزين؟.
عبد العزيز ابتسم : ماشاءالله وش جابك.
ميعاد ضحكت : جيت أناديك تاكل بس سمعت صوتك وخقيت .
عبد العزيز : جعل مايخق غيرك.
ميعاد : متى بتنزله؟
عبد العزيز : بعدين بقي اعدله.
ميعاد : يلا ننتظرك.
عبد العزيز : تعالي ناكل .
وطلعوا .
💛✨.
بيوم جديد الصباح
الساعه ٦:٣٥ص.
بيت ابو سلطان نزلت حصه وهي تضحك : صباح الخير.
ابو سلطان : صباح النور مين تكلمين مع ذَا الصبح.
حصه : دقيقه بس يلا مع السلامه.
حصه ابتسمت وهي تحط الجوال : كنت اكلم صديقتي تقول بتغيب الزبده لا تجوني في السرفه ارسلوا السواق.
ابو سلطان : خير ان شاءالله؟
حصه ؛ بمر مكتبه اللي بالشارع الثاني بسوي بحث.
ام سلطان : اوكيه بس انتبهي لنفسك .
حور وسلطان نزلوا .
حصه : هلا صباح النور مارجعتوا امس؟.
سلطان : لا بنقعد هنا ذَا الفتره.
حصه : البيت بيتكم ياعمري.
ميعاد : شفتي عزوز نزل المقطع.
حصه : اي شفته يخقق القروب كله مشتعل عليه.
لولوه : يابنت لا يطقون اخوي عين.
حصه ضحكت : لا بِسْم لله عليه.
عبد العزيز : والكل يتكلم عني نفس العاده .
لمى ضحكت : يمهه منك يالمشهور.
ام سلطان : اقول قوموا على دواماتكم بس وخلوني مع ولدي الحلو أفطره.
حصه قامت مع لولوه ولمى : يلا حنا بنروح.
وطلعوا بقي حور وميعاد وابو وام سلطان وسلطان وَعَبَد العزيز.
.
ميرال قامت الصباح لبست تنوره سوداء ميدي وماسكه وقميص خربزي واسعع شوي واكمامها طويله ولبست اكسسوارات ناعمه وظفرت شعرها على جنب ظفيره سمكه وبعدها حطت ميك اب خفيف مع روج قريب من لون القميص ولبست الكعب اللي على شكل جزمه اعزكم الله لون اسود بعدها بخت من عطرها على دخلت شهد.
شهد : شنننووو هالجمال الطالبات بيخقون عليك وينسون الدرس.
ضحكت ميرال : شكلي حلو؟
شهد ؛ بطططللههه!.
ميرال : طيب بنزل امي تنتظرني اكيد وانتِ انتظريني تمام؟
شهد : اوكيه يلا بالتوفيق.
ميرال : انتبهي لنفسك يالبى.
شهد : لا توصين.
بالصاله ثريا جالسه تنتظر ميرال واسيل تفطر.
ميرال : يلا يمه نمشي.
ثريا : اي يالله اساساً تأخرنا.
وطلعوا.
.
عند حصه وصلت اخواتها للجامعه وخلت السواق يروح المطار ونزلت تنتظر اخوها مسوين مفاجأه لامها وابوها.
بعد مرور ساعه شافت مشعل اللي عرفها وشق الابتسامه على وجهه.
حصه ضمته وهو شمها وبعدها عنه وبتنهيده : الله ياحصوص وحشتيني.
حصه ضحكت : ياعمري عليك والله حتى انت لك وحشه كيفك؟
مشعل مسك يدها وهو مبتسم : الحمدلله وانتِ كيفك مع المدرسه؟
حصه : هاه ماشيه.
مشو ووراهم اللي العامل مع الشنط.
مشعل : فيه احد جاء معك؟
حصه : لا بس انا البنات مارضوا وميعاد والباقين مايدرون.
مشعل ضحك : بطلههه اختي.
حصه ابتسمت : ياعمري والله مرا اشتقت لك البيت مو حلوه بدونك
مشعل : خلاص هذاني رجعت.
حصه : على طول؟
مشعل : اي ان شاءالله ببقى على طول.
حصه : الله أطلق شي بنرجع مع بعض .
مشعل : حبيبتي والله.
طلعوا السياره ومشعل سلم على السواق وطلع جنب حصه.
مشعل : نرجع البيت الحين ولا؟
حصه : بترجع انت؟
مشعل : والله خاطري اشوف امي وابوي.
حصه : طيب يالله.
ومشى السواق للبيت وهم طول الطريق يسولفون .
بعد مرور الوقت دخلوا للبيت .
حصه صرخت : يمههه عندكم احد؟
ام سلطان : ايه حور.
حصه ؛ خليها تلبس جلال.
ميعاد طلعت وأول ماشافت مشعل صرخت وبفرحه مع دموع : يممممهههه يممممهههه حببببيييبببييي وضمته .
جت ام سلطان تركض الا وقفت اول ماشافته وهي تبكي الثانيه.
مشعل باس راس ميعاد : حبيبتي انا ليهه تبكين؟
ميعاد ماقدرت تتكلم وشهقت ورجعت ضمته.
مشعل شد عليها ورفع نظره الا يشوف امه وهي تمسح دموعها بعد عن ميعاد وركض لها وهو يضمها : ياجنتي ياعممممررريي وروحي واطهر شي بالدنيا وباس راسها وهو يشمه ومسك يداتها يشمها ويبوسهم ونزل لرجولها وهو يبوسها ام سلطان ماتحملت ونزلت معه وهي تضم راسه وتبوسه : ياحبيب امك طولت الغيبه يمهه كيفك بشرني عنك؟
مشعل ابتسم وهو يرفع يدها ويبوسها : الحمدلله طيب وانتِ اخبارك ياجنتي بشريني عنك.
ام سلطان : الحمدلله دامني شفتك اللهم لك الحمد يارب.
ومسكها ودخلوا للصاله وميعاد وحصه كانوا يبكون على امهم مشعل.
مشعل ابتسم : كيفك حور؟
حور : الحمدلله بخير وانت؟
مشعل : الحمدلله .
حور : الحمدلله على سلامتك.
مشعل : الله يسلمك من كل شر ومبروك ماجاكم.
حور : يبارك بعمرك وطلعت.
مشعل اخذ هيونه : حبيبه عمو كيفك؟
وصار يبوس خدودها : ياقلبي على ذَا الزين الله يحفظها.
ام سلطان ناظرت حصه : وانتِ كيف تروحين وحدك؟
حصه ضحكت : افهمي اول لو سمحتي.
ام سلطان : طيب طيب حسابك عندي.
مشعل ضحك : يمهه ترا ماحد كان يدري الا هي ولولوه ولمى وانا قلت لهم لا تعلمون.
ام سلطان : خوش والله لو انك قايل لامك تحضر لك الاكل اللي تحبه.
مشعل ناظر ساعته : تونا الساعه ٩ يمديك تحضرين يانبع الحنان.
ميعاد : اي حبيبي حنا بنهجز الاكل وانت روح ارتاح عبال مايجي عزوز .
مشعل : تمام يلا بروح.
وطلع لغرفته وحصه راحت تبدل تهرباً من امها.
.
ميرال دخلت وكنت معطيه للي حولي اني واثقه من نفسي دخلت لمكتب المديره سلمت عليا ورحبت فيني بينهم عرفتني على المساعد الاداري وقالت لي كم حاجه أطبقها مع الطالبات والأوامر اللي المفروض اتبعها طلعت لغرفه المعلمات سلمت عليهم وصرت اتعرف على أسمائهم بعدين دق الجرس طلعت عطري تعطرت وشفت شكلي ونزلت مع معلمه لنفس مادتي دين نزلنا ووقفنا بالطابور وصارت كل شوي تقولي شي مرا فائده مرا تحكي عن الطالبات قاطعتها وانا مبتسمه : خلينا نسمع عشان الطالبات يقتدون فينا .
ناظرت فيني بصدمه على جرئتي وانا ابتسمت ووقفت عند الفصل اللي المفروض ادخله.
بعد ماخلصوا المديره والوكيله كلامهم طلعت مع طابوري دخلوا الفصل وانا رحت اخذ كتاب من الاداره بعدها دخلت الفصل وألقيت السلام اللي ردت واللي واقفه مع صديقتها ضربت عالطاوله لحد ماناظروا فيني.
ميرال ادعيت العصبيه في نبره صوتي : بناتي مابغا ازعاج كل وحده تروح عند صديقتها وبهدوء .
وحده من البنات ابتسمت : ياابله وش اسمك؟.
ابتسمت وقلت لها : وش لايق علي؟
البنات كلهم ناظروا مصدومين من اسلوبها.
البنت : امّم ساره.
ميرال ضحكت : لا يبدأ بحرف الميم.
وبدأوا اللي تقولي مي واللي مريم واللي مرام ابتسمت : خلاص انا بقول اسمي .. اسمي ... ميرال.
البنت : الله اسمك حلو.
ميرال : تسلمين حبيبي.
طلعت برا الفصل من ازعاج البنات وقابلت معلمه الفصل الثاني واقفه عند الباب رحت لها وسلمت عليها.
ابتهال ابتسمت : انتِ عند اول ٣ مزعجين.
ميرال : لا مو مزعجين بالعكس حبوبين.
ابتهال : شكلك طويلة بال .
ميرال : السالفه مو سالفه طولت بال هم مايعرفوني عشان كذا.
ابتهال : الله يعينك عليهم الحين كل يوم ترجعين مصدعه.
ميرال ضحكت : انتِ ماتذكرين ولا ايجابيه كله سلبيات.
ابتهال ابتسمت : مو قصه سلبيات بس انا اول ماجيت كنت كذا بس كل شي انقلب.
ميرال : الله ان شاءالله ماراح ينقلب.
ابتهال : وش تدرسين؟
ميرال : مواد دينيه بس باقي ماتفقت مع المعلمات واخترت الفصول.
ابتهال : اها ماعليك معلمات الدين اللي معك كلهم حبيبات.
ميرال : وانتِ وش؟
ابتهال ابتسمت : عربي.
ميرال : ماشاءالله .
ابتهال : اليوم نطلع وحده ونص قلت اعطيك خبر.
ميرال : الله ليه وحده ونص انا المديره قالت لي الباب يفتح وحده تماماً.
ابتهال : اها اي بس قصدي حنا نطلع وحده ونص عندنا شغل.
ابتسمت ميرال : انا بطلع وحده تماماً.
ابتهال : يلا زين جديده عبال ماتتعودين تبدين تنكرفين.
ميرال : أخليك الحين بشوف طالباتي.
ابتسمت ابتهال : خذي راحتك.
ومشيت وانا متعجبه من كميه التشاؤم اللي فيها .
مر اليوم طبيعي وطلعت من الدوام رجعت متحمسه احكي لشهد اللي صار اول مادخلت البيت لقيتها في الصاله وتشرب حليب.
ميرال : سلام انا جيتت.
شهد : أهلاً وسهلاً أستاذه ميرال.
ميرال ضحكت . هلا فيك ياعمري.
شهد ؛ ها بشري؟
ميرال : الحمدلله بس بروح ابدل واجي.
شهد : اوك وانا انتظرك هنا.
.
بيت ابو سلطان .
وصل ابو سلطان وسلطان وَعَبَد العزيز واحد علمهم انه مشعل هنا نزل مشعل وهم بالصاله.
مشعل : السلام عليكم.
ابو سلطان بصدمه : ياعيال صرت أتوهم مشعل.
سلطان ناظر المحل اللي ابوه يناظره : مشعل بِسْم لله؟
عبد العزيز رد السلام وهو يضحك : متى جيت يالوصخ.
ضحك مشعل وضم عبد العزيز وبعدها راح لابوه.
ابو سلطان : اي والله طلع حقيقيه
وعلى طول ضمه مشعل ضحك وشد على ابوه .
مشعل : كيفك يالغالي بشرني عنك.
ابو سلطان ؛ الحمدلله بخير متى جيت؟
مشعل : الصباح.
سلطان : كان علمتنا الله يهديك.
ام سلطان دخلت : هذا كله من تخطيط حصيص.
ابو سلطان ضحك : وطلعت خطيره حصوصه.
ام سلطان : والله قهرتني قلك خطيره.
سلطان : اهم شي جاء مشعل وشفناه
ميعاد ابتسمت : مشعل روح صلي الظهر عبال مانحضر الاكل.
مشعل : اوك ماعليك.
.
ميرال خلصوا غداء وكل واحد دخل يرتاح شهد وميرال دخلوا غرفتهم ويسولفون.
شهد : انا فيني نوووممم وانتِ؟
ميرال : بقرا كتاب انتِ نامي.
شهد ؛ اوك صحيني العصر.
ميرال : ابشري من عيوني .
شهد : تسلم عيونك ياحبي.
ميرال : الله يسلمك
ميرال راحت للمكتبه تدور كتب ولقت من كتب زمان اللي تحب تقرأها فتحت واحد وبدت تقرأ وشوي راحت جابت لها كوب شاي .
دخلت عندها اسيل وهي جالسه تقرأ.
اسيل : ممكن ادخل.
ميرال : تعالي.
اسيل : كيف دوامك؟
ميرال : تمام الحمدلله وانتِ؟
اسيل : عادي روتين
ميرال : يلا هانت كم ترم وتخلصين وتتوظفين.
اسيل : لا برتاح اول .
ميرال : اللي يريحك.
اسيل : أتركك الحين بعدين خلينا نشوف فيلم.
ميرال ابتسمت: للاسف ماراح افضى الا في الويكند .
اسيل : يلا عادي ننتظر للويكند.
وطلعت ميرال رجعت لكتابها وانتبهت لجوالها إشعار فتحت على الانستا وشافت مقطع ابتسمت وبدت تسمعه.
قفلت وهي مبتسمه : الله هذا الصوت ولا بلاش طررببب.
رجعته ورجعت لكتابها وهي مبتسمه.
.
المغرب قامت شهد وصلت ونزلت للصاله شافت ميرال وثريا وسحر جالسين تحت سلمت وجلست.
شهد : شرايكم نطلع نتعشى؟
ثريا : اوكيه بس خلوا السواق بجهز السياره.
ميرال ابتسمت : زين قوموا نتجهز .
اسيل : كلنا؟
شهد : اي كلنا قومي ياشقيه.
اسيل : الله يلا بروح اجهز.
.
بيت ابو سلطان كانوا يتقهون.
مشعل بتلذذ : الله عاد اكثر شي اشتقت له قهوه حصه.
حصه : الله الله احلى اخو بالدنيا.
عبد العزيز ضحك : اجل انا عازمكم عالعشاء بمناسبه رجعت مشعل.
ميعاد : ياعمري والله لا خلا ولا عدم .
ام سلطان : لا يمه انا بقعد مع حور وأنتم اطلعوا.
آبــو سلطان : اي اطلعوا وحنا بنقعد هنا
لمى : خلاص بس بنطلع نتعشى ونجيب لكم.
ام سلطان : تمام.
.
بالمطعم كانوا ميرال وشهد بالجهه الشمالية اما اسيل وامها بالجنوب وكانوا ينتظرون طلبهم.
ميرال ابتسمت وهي تفتح الجوال : شوفي ذَا امس نزل مقطع ما توقعت انه صوته بيعجبني كذا.
ابتسمت شهد وبحماس : اخخ ياقلبي صوتهه يدوخ ياحظ اهله فيه بس.
اسيل قربت تشوف حسابه : أحسه متواضع.
ميرال : مدري تعرفون انا مااحب اكتشف بس اسمع .
شهد : يمهه منج.
ميرال ضحكت على خفيف.
|بالطاواله الثانيه|.
حصه ضحكت وهي تسمع كلامهم : تكفى عبد العزيز غن بصوت عالي ابيهم ينحلطون.
ميعاد ضحكت : حرام واضح عاقلين.
مشعل : يلا غن وانا بغني معك.
عبد العزيز بدأ : حبيب قلبي نزل دمعي علشانك والحين تسأل حبيبي ..
مشعل ضحك وهو يكمل : والحين تسأل حبيبي ايش مبكيني.
ضحكت لمى : حرام عليكم والله.
لولوه ابتسمت وهي تسمع ميرال مصدومه:والله البنت عاقله بس انتم الله يصلحكم.
عبد العزيز ابتسم : حصه شوفي جوالك.
حصه فتحت الرساله وضحكت وغمزت له.
|عند ميرال|
ناظرت شهد وشهد ناظرتها .
ميرال : سمعتي؟
شهد ضحكت : والله هو هنا.
ميرال : اي سمعوا كلامنا.
شهد ضحكت : اخخ ياربي بموت يستهبل.
ميرال ابتسمت : استغفرالله طنشي ماعليك يبونا نخق.
اسيل : بس والله صوته يجنن وخري عنه.
شهد ابتسمت : فاهمنا هو استغفرالله انطموا الاكل جاء.
ميرال : اخخ عاد مرا جوعانه .
ثريا : يلا بالعافيه على قلبكم.
وبدأوا ياكلون وهم مروقين.
.
بالبيت.
كان ام سلطان جالسه ورن جوالها ردت.
ام سلطان : هلام ام عبود كيفك.
ام عبود : الحمدلله بخير وانتِ؟
ام سلطان : الحمدلله.
ام عبود : بنجي نزورك بكرا لو فاضيه.
ام سلطان : ايه حبيبتي فاضيه حياك الله والبيت بيتك.
ام عبود : الله يحيك ويبقيك ياعمري .
ام سلطان : بشري كيف عبد الرحمن؟
ام عبود : الحمدلله طيب يسأل عنك.
ام سلطان : حبيبتي والله تسأل عنه العافيه.
ام عبود : يلا ياعيني استودعتك الله.
ام سلطان : في امان الله.
وقفلت.
حور : مين ذي؟
ام سلطان ابتسمت : ام عبد الرحمن تقول بيجونا بكرا.
حور : غريبه؟.
ام سلطان : مدري والله نشوف بكرا.
حور ابتسمت وهي تشيل هيونه : يابنت صرتي دبدوبه.
ضحكت ام سلطان : حرام عليك وين دبدوبه توها .
حور : ثقيله علي.
سلطان دخل وهو مبتسم : طبعاً بتكون ثقيله وانتِ حامل وتشيلينها.
ام سلطان : الله يسهل لك ويهون عليك وانا امك.
حور ابتسمت : الله يسمع منك ياعمه.
سلطان : يمهه ابوي بمكتبه يبيك.
ام سلطان : يلا قايمه.
راحت لأبو سلطان ودخلت وسلمت.
ابوسلطان : ارتاحي.
ام سلطان : امر؟.
ابو سلطان : كلمتك ام عبد الرحمن.
ام سلطان : اي بِسْم لله وش عرفك انت؟
ابو سلطان ابتسم : توه معلمني ابوه الزبده عرفتي ليه جايين؟
ام سلطان : لا ماقالت.
ابو سلطان : خطبه.
ام سلطان بنبره شوي عاليه وباينه الصدمه : تمززح؟
ابو سلطان : شفتي كيف ويبون ميعاد بعد..
ام سلطان : معليش مااضحي ببنتي ذولا مشاكلهم ماتخلص وَعَبَد الرحمن توهه طالع من السجن من شهر ماراح ازوجها حتى لو وافقت.
ابو سلطان : هذي المصيبه ابو عبد الرحمن مافي مثله وأمه فيها الخير بس الولد الله يهديه.
ام سلطان : انا علمتك بنتي ماتاخذ ولد كذا .
ابو سلطان : بس اخاف اجرح ابو عبد الرحمن.
ام سلطان : تمام يجون يخطبون وانا بخلي ميعاد ترفض.
ابو سلطان : المشكله اذا ميعاد وافقت.
ام سلطان : ياربي الله يكتب اللي فيه الخير والله يبعد عن بنتي كل شر.
ابو سلطان : امين ياقلبي خلاص لا تضيقين عمرك ماراح يصير الا اللي ربي كاتبه.
ام سلطان : يارب.
.
بالمطعم طلعت ميرال تغسل وصلت المغاسل وكان واقفين جنبها حصه وميعاد يسولفون.
حصه وهي تضحك : ياعمري عليهم اكيد استحوا وَعَبَد العزيز وشعيل تحمسوا.
ميعاد : مرا حركتهم مو حلوه لو انا مكان البنات امكن اسوي له بلوك.
ميرال لفت : عفواً تتكلمون عن اللي يغني؟
ميعاد ابتسمت : انتِ اللي بالطاوله اللي جنبنا؟
ميرال ضحكت : اي انا استغفرالله تفشلت.
حصه ضحكت : ماعليك ، عادي اخذ حسابك؟
ميرال : اي طبعاً أتشرف بس مو منزله شي.
حصه : عادي بس بضيفك.
ميرال : اوك هات اضيفني.
حصه عطتها وسجلته.
ميرال ابتسمت : مرا اسفه ترا ماكنت اقصد وتراني مااحب ذَا الشغلات بس بنت عمي عطتني الحساب وانا حبيت الصوت وقلت لها.
ميعاد ابتسمت : حبيبتي والله مايحتاج تبررين اصلاً عزوز ومشعل كانوا يبون يسمعونكم بس.
ابتسمت ميرال : اتشرفت فيكم.
ميعاد ببتسامه : انا ميعاد وذي حصه باقي خواتنا ثنتين عالطاوله.
ميرال : ماشاء الله عائلتكم كبيره.
حصه ضحكت : بقي في البيت ترا.
حتى انا خقيت مع ميرال😭❤️
نقف هنا....
منتظرة تفاعلكم....